|
|
 تحنيس ضوء قمر حـردان بايت القَـوْا
|
اول الحكي
غيبوني في مجاهيل الهوي
واضربوا حولي من الأشواق سور
أحجبوني لا أري صنواً لكم
إنكم في الحب ذياك الغيور
الكلام لعوض الكريم موسي عبد اللطيف
______________
قصة حتيتونه خالص
في احدى نوبات جنترته الطآمه احتضن كفها الصغيرة بيده ثم افرد لحروفه في باطن يدها
مساحة للكلام : يميتني منك هذا الاغتراب في اللحظة التي اتوقع فيها من دفء وجودك ان يغمرني بسلطانه، فيمسد تعب عصب رأسي .
فاجائاتها سطوة سِن قلمه تماماً وهي تعتقل كل انسجتها ..جمعت كفها ثم نظرت الي زرقة الحبر ..
ضايقها جدا انه لم يكن بلون ولا شكل نقش الحناء كتلك العروس الجالسة قبالتهما
غمست منديلها في دمعها المنهمر ومسحت كفها .
لم تفلح في ازالة زرقة حروفه كماان دمعها لم ينقطع ...
عاين ليها قوي حد (تحميير) العينين ..اخرج كامل احباطاته وغضبه في سيجارته فارسلها الى الارض لم يكتفي بذلك لاحقها (بجزمته)، فدفنها.. عليك الله انتي بت انتي .. بالله شوف العواليق ، زعموط دي ..وسباها في جهره وسره وشتت لا يلوي على شيء .
ومع ذلك نادته ليدفع فاتورة الحساب
|
|
 
|
|
|
|
|
|
|
|
Re: تحنيس ضوء قمر حـردان بايت القَـوْا (Re: shiry)
|
اللواء أركان هترشة شيري ( لا أدري إن كانتتعجبك هذه الرتبة )
لك التحية و التقدير
( تعليق أكثر حتيتونية ) :
لم غادر و هو يسب و يلعن ( سلسفيل أنوثتها ؟ )
هل يستحق هذه الدمعات المسكوبة ؟
أعتقد أنها كان يجب أن تدفع الحساب و تكسر وراءه ( قلة ماكنة ماركة قناوي ).
تسلمي أيتعا الرائعة.
| |
|
|
|
|
|
|
|
|
|
Re: تحنيس ضوء قمر حـردان بايت القَـوْا (Re: ابو جهينة)
|
سلام مربع
ابو جهينه
رد اكثر حتيتونيه
هي ايضا لم تسكب وافر دمعها عليه
هي
ابكاها
لانها اجمل من تلك العروس
ولم تلاقي الاحتفاء نفسه
لانه كان منغلق في رومانسيته
وهي لم تجد ولا (قلايايه) تصغير قلة
عشان بتدفع ؟
سلمت ياسيدي للطله
| |
|
|
|
|
|
|
|
|
|
Re: تحنيس ضوء قمر حـردان بايت القَـوْا (Re: ود العجمى)
|
سلام مربع
ود العجمي
دا تحيز واضح وحقد
على القمر
كدي خليهو يقول لي
الجمال شنو في لجة بحر سوداء
في غياب وجه القمر
وهدير غاضب من البحر يحنس
في القمر الحردان دا
يحميك القعده
دا حالتوا القالوا مابتكلم
؟
سلمت ياسيدي للطله
زولك الشاعر دا
بلغ عن القمر قوله اليه
ياحاسدين غرامنا ..ياقاصدين خصامنا
| |
|
|
|
|
|
|
|
|
|
Re: تحنيس ضوء قمر حـردان بايت القَـوْا (Re: زوربا)
|
يا بتى يا شيرى
شوية على خالتك
مافهمتا هو شتت ليه
عشان هى عايزة يعملوها عروس وهو
احالوه للصلالح العام؟
شوفتى يا بتى
نحنا اشاراتكم بقينا ما بنفهمها
لانو فى زمنا الراجل ممسوك من لسانو
امسك لى واقطع ليك
دا مشتت كمان
الحساب ما دافعو!!
اريتو ما ولدى ولا عريس بتى
دى تكسر زير سكة حديد مش قليلة
بعدين عنوان البوست دا رومانسى لمان قايل بس
انتى خطبوك ولا شنو؟
| |
|
|
|
|
|
|
|
|
|
Re: تحنيس ضوء قمر حـردان بايت القَـوْا (Re: shiry)
|
سلام مربع
خالتي الدكتوره
بيــان
والله ياخالتو ، نحن حقيقي
بنحسدكم على الزمن الجميل
الانتو وضعتو عليهو
نكهتكم الطيبه
زمن كان الرجل
قولو خاتي الشك
ماعارفه الجمله دي جبتها من
؟؟
شكرا لي ناس خيمة العمارات
المهم
ياستي
طبعا في رومانسيه
مدفقه كتيرة كده ماعارفاها من شنو
صحيت من النوم لقيتني بكتب الكلام دا
شكلوا كده من العشاء الاتعشيتو امس
هو انا اتعشيت شنو
؟؟
انا ذاتي قلت كدا
دا راجل السجم والرماد الشتت دون ان يدفع فاتورة الحساب
بس رجعت وعذرته .. عشان هي فعلا
مفروض تكون رومانسيه على الاقل
كانت تقول ليه
انا حاسه بيك
بس انت حس ووزع البسيبسي
اقصد وزع الشربااات
ياخواتي الراجل دا
منو البيقنعوا ان شهر سبعة موسم اجازات
وبتحلى فيهو الاعراس
؟؟
الجندريه : الرصينه
عارفه ياجندريه ، انو الكلام دا كلو ، لو انك سألتي عن تلك القصيدة
ولو لا ان ياسر الشريف ، مشكورا جابها هنا
ماكنت انا سمعتها ، وامتلات رومانسيه
جعلتك انت والدكتوره بيان
انكن تشعرن بي وبرومانسيتي
بتعرفي تزغردي
يلاااااااا زغردي
بــس هو يحس .. تقيل الدم
ديل رجال شنو ديل !! الا يدوهم دفره
| |
|
|
|
|
|
|
|
|
|
Re: تحنيس ضوء قمر حـردان بايت القَـوْا (Re: khider)
|
سلام مربع
خدر
شكيتك على الله ياخدر ، انت عايز
تهديني لحل مع المايتسمي داك
ولا عايز تجيب لي هوا
ويقوم المجنتر داك
يعاين ليك كويس لجضومي
ويديني بنيه مزدوجة
يكسر بها سنيناتي
لا ياسيدي عساها ماحس بي
احسن غدا البيت انشاء الله
حتى لو بي كمونيه
سلمت ياسيدي للطله
| |
|
|
|
|
|
|
|
|
 Re: تحنيس ضوء قمر حـردان بايت القَـوْا (Re: زوربا)
|
الأخت شيري
ومع ذلك استطاع "فارس بني هلبة" أن يحتضن كفها، فاستوعبت
حضنته كيفما اتفق !!
جدلية الحب .. تعدد الزوايا جعلت ضوء القمر ، ينكسر على
منشور الحياة ، حيث السبعة ألوان ،،، يروه بعيداً ..
وآخرون غيرهم يرونه قريباً .. قريباً
(وبين قوسين) لما الثورة والحنق يا "فارس بني هلبة"؟؟
حيث أن الفاتورة مستحقة الدفع ،،، ذات النفس العالي ،،
إذعانية العقد ،، !! أو لم يلامس حرفك .. شفيف القرطاس
فنزف حبرك "" البلو "" عديم اللون .. والمنطق والعقل!!
تباً .. ثم تباً لهذا الغباء المفتعل الجائر ..
أو لم تدري " فارسة بني هلال " بحدة شفرة قلمه المؤلمة !!!
عذراً مربعاً .. إذا كنت تغطين في سبات الخيال اللذيذ أو
لذة الاستخيال في مرحلة ما قبل العاصفة .. التي ربما لا
تأتي أو تأتي .. دون رياح
خيال العروس التي تقبع أمام " بنت بني هلال " أشبه بكريمات
ضد أشعة الوخذ المؤلمة!! والإغتراب الظامئ .. لا شئ في المنظور
ومع ذلك ننقاد خلف .. الحروف .. عفواً حرفي .. عذراً حرفها ..
عذراً آخر "" حُروفهن ""
-*أها فتك حرفين وربع ،، يا كتبتيني يا كتبتك ،، حواء ملعون
أبوكي حرف .. حلاتك الأبت المُلاقا الفي الطريق
| |
|
|
|
|
|
|
|
|
|
Re: تحنيس ضوء قمر حـردان بايت القَـوْا (Re: aboalkonfod)
|
سلام مربع
ابو القنفد
مساكين اولاد ادم
يعيش الواحد منهم عمره كله معتقدا خطأ انه وبي باشاره من
اصابع يديه يكون قادرا على طرويد انثاه
وباصابع اليد الاخرى يمكنه ان يصنع لها عالما لا تستطيع الفكاك منه
وبكثير من قواه يحملها فوق عالمها
ويسجنها في عالم اختاره هو ، يشبهه هو
ومع كل هذه الاحتياطات
ينقصه فقط ان يعرف ان
الف رجل مجتمعين امرأة واحد تدوخهم ان حاولوا فهمها
وحتما لن يفهموها
فوق ذلك
يعوزهم ان يعرفوا ان كل ماكان قد خطط له
للوصول اليها
كان بتصديق من بنانها
هي من وضعت توقيعها النهائي عليه
سلمت ياسيدي للطله البهية
لقد فجعتها انثاك تلك ، مسكينه
لم تلحق لتجلس حتى على طاولة مطبخكما
ناهيك عن مطعم راقي
هاههاهاهاهااهاهاهاه
امازحك ياشفيف
سجيمان
عليك الله ،خليك شاهد على راجل السجم دا
اهو كلكم من نفس الطينه
هاهااههاهااهاهاهاه
امازحك ، وحات نظري امازحك ياشفيف
| |
|
|
|
|
|
|
|
|
|
Re: تحنيس ضوء قمر حـردان بايت القَـوْا (Re: رقم صفر)
|
الزولة جدا شيري :
نيلينك والابنوس والشوق الجاري عليك
أخبرني الحلاج ذات مقام :
ان الفراشه تحوم حول السراج تبحث عن سر الضو وعدنما تقترب لتتلمسة تتفاني فية فلا تعود لتخبر بقية الفراش عن السر
وهكذا يظل الفراش يحترف الدوران حول السراج
والريد نيلين
| |
|
|
|
|
|
|
|
|
|
Re: تحنيس ضوء قمر حـردان بايت القَـوْا (Re: رقم صفر)
|
ٍسلام مربع
رقم صفر
انا اسميه تخميج وهترشات
وانت ترفع من معنوياتي
وتسميه ابداع
الله يديك العافيه
احتاجها جدا دفعةالمعنويات هذه
في هذه الايام بالذات
لكن ليس كتعليق على كلام كتبت علىصحفة نت
كيفك انت ياطيب ..
عساك طيب ..
زوربا الشفيف
| |
|
|
|
|
|
|
|
|
|
Re: تحنيس ضوء قمر حـردان بايت القَـوْا (Re: shiry)
|
سلام مربع
زوريا السوداني
مع ان المارة اخبروني ، الف مرة
كلما مرت مني قافلتهم
قعدت لهم في الطريق
افاصحهم ، فيخبروني
نفس الحكايا
حتى صارت تواقيعهم على ذاكرة محطتي
مثل نقوش الاشوريين تترادف من كثرتها
وها انا اخالف تحانيسهم
وذكراهم
واسرج ناقتي
وايمم شطر الامل
لا ادري متى التقيه
لكني اعرف ان الوقت لم يفوت عليه
الفوات
سلمت اياشفيف
على الفراشات
| |
|
|
|
|
|
|
|
|
|
Re: تحنيس ضوء قمر حـردان بايت القَـوْا (Re: shiry)
|
الزولةجدا شري
من أعلمك ان المارة وهم ياكلون الطعام ويمشون في الاسوق قد يعطوك جديدا غير نكهة الحرقة الطازجة
تيقظي عندما تغنيك عمتنا النخلة
فلا صوت يضاهي غناء الفراشات أو النخلة
أودعتك العديل أو داعة الله
كم هو جميل هذا الايداع
والريد نيلين
| |
|
|
|
|
|
|
| |
shiry
ابو جهينة
ود العجمى
زوربا
bayan
الجندرية
khider
aboalkonfod
سجيمان
رقم صفر
HAMZA SULIMAN
Tumadir
فيس بوك
تويتر
انستقرام
يوتيوب
بنتيريست