|
|
 بالدقداق........بالدقداق
|
الباظ ده فاضي جوة مالكم عاملين زحمة في الباب
هووي انت ادخل جوة في مقعد فاضي قدام
الواقفين لينا في الممر ديل يخشو لينا لي جوة
انتي يا حاجة ده شنو الشيلاهو ده
بوست معضم عدمان الشحمة
خلاس يرفعو ليك في راس الباظ
انت هه الشين ده ده باظ ما طاحونة
شوال العيش شنو
انت يا شاب شايفك جاري نور طويل في الجكساية القصادك
ياخي لملم عيونك عليك خلي البركة تنزل
وما نقوم ندقش لينا مجروس
يا بكري شايف كويس والا اظبط ليك مرايات الجنبة
كده كيف يا معلم
تمام
طب اجدع حقة التمباك يا مان
والله تمباكك ما عينة...بتجيبو من وين انت
اخلي باقي الكيس معاي والا عندك راي
انتي يا الغبيانة
اقعدي في الكرسي القدامك ده.....قوم ليها يا شاب
اصلك قاعد في مقاعد الجكس يا فردة
ما تزعل .....آآآآآآآ
بالله الباظ ده مقاعدو القدام للبنات
والفي النص لي ناس ش ع
والورا ليكم يا الشينين
جني وجن اللخبتة
واقفين تحننو راكبين تجننو
طلعو الفلة نكب جاز
ما عندكم
ممممممممممممممللللللللللح
يا بكري بطل المكنة دي نشوف آخر العالم الراكبة مممملح
باظ مكندش وباندوث متوفر وراكبين مللللح
وانا الكمساري ده آآآآآآآآآآآكل عيش من وييين؟؟؟
هوي انتو هووووي
نحن ما ماشين
الباظ عطلان
يلا اتخارجو لينا بالله ورونا عرض اكتافكم
وانتن البنوت شوفن ليكن رقشة
محن......والله محن
بكوري نمشي يا الحبيب البحر نغسل باظنا
ونعمر المكنة.....ونشيل صندوق الركاب ده بره ونقلبو روري تراب
اااااايييي روري تراب
شفتو ليكم تراب بينضم والا بينق ...والا بيتشاكل
كرهتونا ياخي.....وسختو لينا باظنا
كل يوم انا بكنس الباظ ده بطلع منو
جنس الفاظ ما حصلت زاتووو
الفاظ عجيبة....وكم مرة لقيت لي شتيمة واقعة
وكوز معفص ....وقزازة عرقي مجدوعة
وامبارح مرقت منو حاجة وديتا الكوشة
الكوشة قالت لي ده شنو
ما بقبل حاجات زي دي ....وديتا البحر السمك احتج وجا مارق
جننتونا ياخي
|
|
 
|
|
|
|
|
|
|
 Re: بالدقداق........بالدقداق (Re: Ro3ah)
|
حبيبنا قرجة
لك التحية
تعرف دائما هنالك عداء بين السائق والكمسارى من جهة وبين الركاب من جهة اخرى فرغم ان الاخيرين مصدر رزق اولئك ولكنهم دوما ينظروا اليهم باستعلاء وانهم من سقط المتاع ولذا دوما تجد الحجة والنقة الما بتنتهى بينما يرى الركاب ان اولئك "حقارين" ويتعمدوا الزوغان من الخط ويفضلوا الوقوف للجكس و"يفطوا" الشباب ويزوغوا اوقات الذروة اضافة الى ثالثة الاثافى وهى عدم اعادة الباقى بحجة عدم وجود فكة ..
ترى هل هناك من رافق سائق بص ليعلم كل تصرفات اولئك الفئة ؟؟
لك تحياتى
| |
|
|
|
|
|
|
|
|
 Re: بالدقداق........بالدقداق (Re: قرشـــو)
|
يا قر قر قر قرررررررشو
ااااانت ممممن زمن الكم كم كمساري بي بي بي بيقوم بالباقي
نننننحن يا حب حب حبيب بنتمها للروروروروروركاب
لم لما خلونا بقينا نق نق نقطع زاتووو
انت عارف الد دق دق دقداق ده خلانا نق ق قطع
برررررضو الززززمن دردردردرنا لامن بقينا نقطع
زززززمان اخوك بقبقبقبقوووم استارتر
| |
|
|
|
|
|
|
|
|
|
Re: بالدقداق........بالدقداق (Re: Ro3ah)
|
يا رو رو رو رو عا
ويييييييينك ززززززمن ماما ما سفناك
موش موش موش موشتاقين وووووالله
الب ب ب بيساكلك كلميني آآآآآ
ادددديني ههههههلو
بجيك طر طر طرزان
ش ش ش ش شايفك مد مد مد مدورة شكلة في الحلة الب البي البي البيغاادي
| |
|
|
|
|
|
|
|
|
|
Re: بالدقداق........بالدقداق (Re: ابو جهينة)
|
ابو جو جو هينا
انا جي جي جي ني جن الزول الب بي بي يتم لي كلامي
لم م م ما اعلق او و او عك ت ت تم لي كلامي
با با باظنا ده بالدق دق دقداق
هو اي اي اي انت ماشي وين
اخد تاكس لو لو لو مستعجل
ما سمعت بالش ش ش شدر الكبار الف ف ف فيهو السمغ
| |
|
|
|
|
|
|
|
|
|
Re: بالدقداق........بالدقداق (Re: ود عقاب)
|
ود عق عوق عوق اب
انت من زمن الرواري بتقيييف
ما سمععععععت الزيت واي
البدفر الطين
بكري ده زي سواقين الابيض
السواق يقول للمساعد ظبط المراية يمين شمال يمين
تحت شوية
ولغاية ما يخوش الابيض ما يكون شاف المراية المظبوطة
| |
|
|
|
|
|
|
|
|
|
Re: بالدقداق........بالدقداق (Re: garjah)
|
عمو قرجة جاء وجاب البهجة للبورد
والله ياود عمتى باااااااالغته
نقدك تمام وفى التنك البورد
فعلا اصبح فيهو هرجلة مامحتملة
وتشبيهك ليهو بالبظ ابدعته عديل كده
وان شاء الله حال الركاب ينصلح
وراجيييييييييين
| |
|
|
|
|
|
|
|
|
|
Re: بالدقداق........بالدقداق (Re: al_msaa)
|
يا قرجة ويا كولا
انتو في البظ وبيني وبينك البظ فيهو الرحمة
دا بقي دفار عديل كدا
والسواق عامل شتات خالي محطاط
والكمساري بيخلص قروشه بالدرابزين حقت الدفار
طبعا دي ما شفتوها كلكم يا حناكيش بلاد برة
اها قلت ليكم انتو في دا ولا
في صوركم الابت تقيف دي كلو كلو
كتابك دا تقول ساقية يا قرجة
ويا كولا قرد الطلح حقك دا
والله زغلل بينا
وكله كوم وقيم البنق الابي ينتهي وكورته ابت تقع دا
بتجيبوا الصور دي من وين
| |
|
|
|
|
|
|
|
|
|
Re: بالدقداق........بالدقداق (Re: cola)
|
اساسي الكان شكال
وبقى مسكين
انت الكاسوري لما يكون مدور بتختفي وتنتظر الحكاية تروق
عشان تمرق بكاسوري اساسي المميز
وانا اشهد ليك انك بتلتزم بقواعد النزال ولا تضرب تحت الحزام
الا اذا كنت مزنوق في ركن الحلبة
لكن شايف الحكاية فكت والنزال بقى بدون قواعد
حليل اول بلنتي وتاني بلنتي
كل كلمة بقت بلنتي وكلام الشوارع بعد كان مغتغت
بقى عناوين عدييييل كده
يازول سيبك خلينا في ونستنا
طولتو يا ناس جدة
عايزين اجتماع بدون خرفان
اصلو اذا الخرفان بتاجل الاجتماعات قدر ده
خلاس الاجتماع الجايي كل زول يجيب معاهو
الساندويتش بتاعو
الاخ محمد عمر
والله يا محمد يا اخوي البظ ده مكنتو خفت
وبعد كان مشيهو فوووووووووو
بقى يزازي ويقيف يزازي ويقيف
| |
|
|
|
|
|
|
|
|
|
Re: بالدقداق........بالدقداق (Re: cola)
|
والله يا فردة كلامك في السلك
لكن البص دا قرب يركب الظلط
قول للحجاج الكبار والجلاكين وناس الش ع
قربنا,,اصبروا شوية
انت عارف في ناس تفاتيح
اول ما الباظ خش الدقداق
جماعتك بالرااااحة اتدلوا
وركبو تكسي وهسع منتظرين في اول الظلط الجديد
عشان كدي يا فردة ما تشروهم
واول ما تركبو الظلط تاني
بتلقاهم
ركبهم
وقعدهم
والحساب عندي
كويس؟؟؟
| |
|
|
|
|
|
|
|
|
|
Re: بالدقداق........بالدقداق (Re: جدو)
|
والله يا جدو
طلعت تفتيحة
قلت لي اخدت تاكسي وراجينا في الظلط
طب ما كان تاخد معاك نواعم البظ ده بدل قعادن معانا في الدقداق
كلما اشوفك اونلاين بتذكر
الصرصار الودوهو المستشفى وسالو زميلو
برضو بف باف
ورد عليهو
لا والله شبشب
| |
|
|
|
|
|
|
|
|
|
Re: بالدقداق........بالدقداق (Re: garjah)
|
الباظ دة كتبو من وراهو
عيون فى الغربة بكاية
ومن جوة العفش داخل البص
على مسئولية صاحبه
لو سمحتوا يا شباب
فى الدقداق الناس ما تقيف
على حيلا ....حقو تركز
شوية لحدى ما نطلع من الدقرشم
| |
|
|
|
|
|
|
|
|
|
Re: بالدقداق........بالدقداق (Re: alfatih)
|
والله يا الفاتح حكاية الناس ما تقيف دي الظاهر في ناس
حيخلو الدقداق يعدي بع داك يركبو تاني
الدقداق هين الخوف من العقبة
وسوست البظ ده خفت
وكرعيهو اتعوجن
وضهرو اتعسم
بيدورلو مسوح اشعار
وزيوت قصص وحكايات
ومرهم
حوار هادف
وشاش ونضارات رؤية صحيحة
| |
|
|
|
|
|
|
|
|
|
Re: بالدقداق........بالدقداق (Re: garjah)
|
قرجه ياكمساري تفتيحه
كيفنك
انا لو ماكنت متعوده اركب في بظكم دا من السنه الفاتت
الليله كان قلت اظني ركبت غلط
السواق ياهو السواق الا غايتو صلعتوا زادت من هم الركاب
الكمساري ياهو الكمساري الا غايتو يتخيل لي بقي بلا شنب
لكن الركاااب ماياهم ناسي الزمان
انا يتخيل لي البص دا مشي بشارع تاني عشان كده الركاب اتغيروا
لكن بعد شويه يااتعودنا عليهم يا هم اتعودوا علينا
ياكمان ياني الماشه اركب لي رقشه
ياكمساري هوووي اديني الباقي انا نازله هنا
| |
|
|
|
|
|
|
|
|
|
Re: بالدقداق........بالدقداق (Re: bint algazeira)
|
جزيره دوتر
اخت الكمساري
هو انتي دفعتي شان ارجع ليك الباقي ؟؟
خلينا النخلص من ناس ورا ديل الاول
الواحد شنبو يرك فوقو الصقر بارتياح
ويقول ليك طاااالب
البظ بيدورلو دفرة
وعلاجات اكشفن عليهو
واعملن كونسلتو
وورونا الحاصل بيهو
يمكن مصران
يمكن عسر هضم وبيعدي
يمكن ضعف نظر
| |
|
|
|
|
|
|
|
|
 Re: بالدقداق........بالدقداق (Re: garjah)
|
كدي يا عمو قلجه
سيبك من الكلام دا
وانتبه للحفر القدامك
وشغلي لينا شريط كااااااارب خلينا نهيص
بدل الجوطه والخجخجه دي
الدايات في نازل
طوييييل يا معلم
شتات خالي محطات
| |
|
|
|
|
|
|
|
|
|
Re: بالدقداق........بالدقداق (Re: garjah)
|
اصلو سواق البظ ساكن الحلفاية
شان كده البظ اصفر في اصفر
حليل بظ الكنـــــدا يا معلم
وكراسيهو الصفوف المقابلة بعض
انا ما عجوز لكن حضرت ايامو الاخيرة غايتو
الا بكري ده لغاية قريب شايفو مشعلق في السلم
| |
|
|
|
|
|
|
|
|
|
Re: بالدقداق........بالدقداق (Re: garjah)
|
الحبيب هوبفول
وييييينك يا فردة
شايفك مطير شكلة في حفرة بي هناك
بعدين شوف الحفر ده على المعلم
شايفو الايام دي عينو للحفرة ويقع فيها
وشريط الجبجبة برضو عند المعلم
عامل ليهو كود سري
نحن شغلنا يا حبيب نشحن البظ ونخلص من الركاب وكده
شكلك عايز تربها
جيب اضانك
جيب الموصلي وحمزة يقعدو معانا في الكنبة الورا
وعشا الفنانين علي
| |
|
|
|
|
|
|
|
|
|
Re: بالدقداق........بالدقداق (Re: garjah)
|
مرة
........
قروشي مالقيتها في جيبي .....وانا راكب البص...وفي جكساية وجيهة راكبا قدامي....الكمساري قلتا ليهو قروشي مالقيتها ...براحة ....الساعة بصوت عالي...وجهور...قرا لي جريدة....بمعنى ....احرجنى ليك وسط الجكس الراكب..
.............
ماعنداااك .....لييه....هو الزول الماعندووو مافي داعي يركب مواصلات....كلها نص ساعة كداري.....
شايفنى صندوق الزكاة...تقول لي ماعندك قروش..
...............
يازول كلام كتير ....وذلة شديدة....المهم انا فعلا كنت قايل عندى حق المواصلات...يعنى ما حرامى ياقرجة
| |
|
|
|
|
|
|
|
|
|
Re: بالدقداق........بالدقداق (Re: garjah)
|
حبيبنا وفردتنا
كمساري الهنا
اخوك عجز وبقى ماب يقدر على الدقداق
والدواس
والكاسوري
وشكل الكماسرة
لكن برضه راكب في البظ
الناس النزلوا ديل ناسا آخرين
اها ما قربنا نركب الظلط
ناسنا ديل اشتهيناهم ضمة ضمة
سعت نلفى الظلط صحينا
بالله متذكر نكتة الصرصور؟؟
ما شاء الله
انت عليك جنس ذاكرة
اصلهم الكماسرة كدة
بيتذكروا اي زول ما دفع عشان يقلعو منو
ويتذكروا اي زول دفع شان يزوغوا منو
| |
|
|
|
|
|
|
|
|
|
Re: بالدقداق........بالدقداق (Re: جدو)
|
هووووووووي
يا كمساري
انا انتشلتااااااااااااااااا
وقفو البص ده
شوفو في عسكري هنا
ولا نودي البص نقطة البوليس
ما في زول ينزل هوووووووووي
انت اقيف بكانك
يا كمساري ثبت الزول ده
يا سواق علي النقطه طوالي
قرجه
لك كل التحايا لك كل الود
ابونور
| |
|
|
|
|
|
|
|
|
|
Re: بالدقداق........بالدقداق (Re: ابو نور)
|
الحبيب ابونور
ياخي محفظتك ياها دي
ياخي كلها بطاقات
بطاقة عضوية وزمالة مهندسي الشبكات
بطاقة شعراء الزمن الصعب
بطاقة عضوية نشطة في عبده اخوان متضامنون
بطاقة احفاد شهداء كرري
ياجدو
الصرصار جابك صادي
تحياتي يا دكتور
| |
|
|
|
|
|
|
|
|
|
Re: بالدقداق........بالدقداق (Re: كبسيبة)
|
قرجة اخوي
صباحاتك بيض
جابني الصرصور
والشي التاني
قلت ارفع البوست دي
اكان ناس الطرق يشوفو حالتنا ويصلحو الشارع دا
اها
ما ركبنا الظلط
والله الدقداق دا
بوظ سست البورد دا
قصدي البظ دا
عوووووووووك
امرقونا من الدقداق
| |
|
|
|
|
|
|
|
|
|
Re: بالدقداق........بالدقداق (Re: garjah)
|
قرجه عساك عافيه
انا داير اسطح
الايام دى السطوح احسن
وكمان الكمسارى ما قاعد يجازف مع ناس السطيح ديل
عشان كلهم شرامه
مره قابلت اتنين كماسره بتونسو
واحد قال لتانى
السواق بتاعنا تفتحيه يمشى قبل ضلو
التانى قال لا التفتيحه بتاعنا
بعرف الكفته فيها كم رزه
وتسلم ياسيدى
| |
|
|
|
|
|
|
|
|
|
Re: بالدقداق........بالدقداق (Re: ود عقاب)
|
الحبيب كبسيبة
شوال العيش حقك خلو
ونحن راجعيين بنرفعو ليك
عايزين البظ خفيف شان يعدي من الدقداق ده
دكتور جدو
شايف الطريق بدا يتصلح شوية شوية
ياخي ناس المشهد البنيوي ديل
شغلهم شغل ظلط ناااااعم
التقول ظلط ممسح بي طايوق
على قول ام عطية جارة ابوجهينة
ود عقاب
عايز تسطح شان تدون المنطقة
على حكاية المساعدين مرة سافرت الشمالية
وفي ليلة عودتي للخرطوم عمي ضبح لي
اتعشينا والباقي عملوهو لي زوادة طريق
اخوك في طريق مؤمل البظ يقيف شان يضرب الزوادة
فعلا وقفنا للغدا وكل زول جاب زوادتو
انا كرتونة الزوادة حقتي سلقط ملقط ما لقيتا
فتشك فتشك فوق تحت
تحت الكنب
مافي
المهم مع جماعة كدة اتغديت معاهم بزلابية
وصلنا ام درمان
وشايل شنطتي ونازل من البظ
يجيني ليك مساعد جهامة
وهو يضحك
وقال لي
معليش يا استاذ
نهن دربنا الكرتون حقتك
سامهنا
| |
|
|
|
|
|
|
| |
garjah
ابو جهينة
Ro3ah
قرشـــو
cola
اساسي
انور عمر
Munir
جدو
alfatih
bint algazeira
فيس بوك
تويتر
انستقرام
يوتيوب
بنتيريست