|
شيري هترشت كتير ... ممكن أهترش انا شوية
|
نيلينكم والابنوس والشوق الجاري عليكم
بريد : كان يرسل لها كل يوم رسالة فأحبت ساعي البريد
خارطة : إلتقاها عند منعرج الصدفة ... همس لها ببعض جنونه وفي إحتفائيه تتضج بالصمت دعاها للتنزه معه تحت المطر ... ابتسمت رافقت خطاه . تسارعت انتشت فتحت مسامها للمطر ذابت في قطراته خلفته وصمت إحتفائيته أدرك منتشيا سر العلاقة بينه والمطـــــــــــــــــــــــر
بياض : سقطت تمرة من نخلة فأحدثت ثقبا في الصحراء تفجر منه ماء أرتوي الرمل والعباس أغلق الرمل الثقب أحدث العباس مدن فارغة ملأتها النخلة بكثير من التمر
بريسكا توطئة : بيرسكا أسطورة لفتاه من أمريكا اللاتينية تمنت ذات قمر حبيبي لإاهداها القمر حبيب ... ذات قمر أخر تمنت حبيبها طفل منها يشبه القمر وعندما وضعت مولودها قتلها حبيبها تحت ضوء القمر بدعوى الخيانة فالطفل لا يشبهه شيبه القمر نص : أجهضنا ذاكرة حبلي فأرتسمت في الأفق عبارة عشقت بريسكا الصحراء عندما علمت بموت الزير فوزنا المعادلة برجوع الذهب الي الطين
ميلاد: وقف علي حافة الجدول .. رأي صورته المنعكسة في الماء أبتسم أعلن الماء مرآة له
كأس شرب كأسه الأولى فولد فيه الإنسان شرب كاسه مابعد الأولى فأنتشي فيه الإنسان شرب كأسه ما بعد بعد الأولي فتاه فيه الإنسان عاد ليشرب كأسه الأولي
تأويل برقت أمامه قطعه تحت ضوء القمر أقترب أدرك أنها ليست ذهبا فكر ربما كان الذهب ضوء القمر
اقتراب : قرأ لها كفها قال أراني علي كفك تركت له كفها و غادرت
إنفاق : سمعهم وهو علي فراش الموت يذكرون أن رجلا مات وهو يصلي قال البر أن لا تعلم يمينك ما أنفقت شمالك صباح اليوم التالي لم يذكر أحد أن رجلا مات وهو يعانق زوجته
اغتيال : عندما يضرب العسكر أرجلهم بالأرض ينفضون الغبار عن أحذيتهم ويتسخ الآخرين
والريد نيلين
|
|
|
|
|
|
|
|
Re: شيري هترشت كتير ... ممكن أهترش انا شوية (Re: زوربا)
|
Quote: بياض : سقطت تمرة من نخلة فأحدثت ثقبا في الصحراء تفجر منه ماء أرتوي الرمل والعباس أغلق الرمل الثقب أحدث العباس مدن فارغة ملأتها النخلة بكثير من التمر
|
هترش يازول
والله فرح بما كتبته ، شكرا لك ولشيري التي اشجعها سرا
| |
|
|
|
|
|
|
Re: شيري هترشت كتير ... ممكن أهترش انا شوية (Re: زوربا)
|
أسمع يا زوبا....تقدر تهترش زي شيري والله ساكت...طبعاً ما بنقدر نقول ليك ما تهترش...وماني عارفين هترشتك دي تطلع ياتو نوع من الهترشة..عشان كدة ما بنقدر نمضي ليك على بياض...لأنو هترشة البنوت حنينة...مهما كانت رزازها لا يصيب أحد..أما أنت يا صديقي فيحسب لك ألف حساب..خايفين نقول ليك هترش...بعدين نندم .................... هترش هترش بس أوع تطرش هترش هترش بس أوع تخمش هترش هترش لعيونا طشش هترش هترش قبال نبلش هترش هترش بس ما تنبش هترش هترش بس ما تطنش هترش هترش بالموية رش رش هترش هترش أوعك من الغش
| |
|
|
|
|
|
|
Re: شيري هترشت كتير ... ممكن أهترش انا شوية (Re: رقم صفر)
|
سلام مربع
كان يجلس الى نافذتها سرا ليشهد عبق رحيقها يقبل ثغر القمر لم يكن معبا بجمل السلامة الاحترازيه ابتسمت ففج برق اسنانها مساحة العتمة من شباكها حتى منزل القمر واستقبلت عيناه حزمه من الضياء فاعتمى ان يرى شيئا للحظة عاد وحمل لوحة وضعها تحت نافذتها هذا الدواء مستحضر من بسمة حبيبتي استعماله دون اذن ضوء القمر يؤثر على صحتك
| |
|
|
|
|
|
|
Re: شيري هترشت كتير ... ممكن أهترش انا شوية (Re: زوربا)
|
زوربا المبدع
و نعم الهترشة و هذة هترشة عزيز على اهديها اليك
هذا العطر و لحنك و مواويل عشق في راحة الفؤاد دراويش ... يرددون الله ..الله ... و ادور حول قامتك و ارد الله ...الله ..... يا ايتها المنسوجة خيط نور في فؤادي يا صبحا عسجديا في سماء بلادي أدور في حلقة الرقص احمل الطبل و النوبة و ترددين في داخلي الله ...الله اتمدد خارج الحزن الجميل اتلو اسمك قصيدة و آية و أردد... هوسة الوطن القديم و أشد اوتار حنجرتي و اردد....يا زهرة الليمون هذا غرامي ...هذا ولائي و ذاك دمي مسفوح على قارعة الطريق يرسم ...وجهك ...مقلتيك و في عينيك... اخرج عن دائرة التمزق و اشد اوردة القلب الملتاع وتر ....و ربابة و بأسمك ...كان البدء و المنتهى يا سيدة أيامي ..و بدر سمائي هذا دمي يرتل اسمك و هذا قلبي شهيد غرامك فامنحيني ... الحب و الحنان ... و اسكبي على قلبي سلسبيل هاجر ... و دعيه يتلو حبك صلاة صبح في مولد النور و يردد.... هنا ملتقانا بلا افتراق....
و تسلم على هترشتك
سلام
| |
|
|
|
|
|
|
Re: شيري هترشت كتير ... ممكن أهترش انا شوية (Re: salam)
|
نيلينك والابنوس والشوق الجاري عليك صديقي رقم صفر : يبدو ان هذا البوست سيكون إقتراحك الزولة جدا شيري " من اين لك هذا العمق المتجدد .. لعلك كما قلت سقطت سهوا من مدن البراءة الرائع سلام : يا سلام ... عندك اكتشفت انو البتبو انا فعلا هترشة والريد نيلين
| |
|
|
|
|
|
|
Re: شيري هترشت كتير ... ممكن أهترش انا شوية (Re: زوربا)
|
سلام مربع
اعتاد ان يركض مع كل شروق شمسه مسيجا ذاكرته برسمهاوغناء عينيها له ولما اصابها من عالمه رهق المتاوقه سحبت صوتها من ذاكرته وابقت له رسمها في يومه الجديد ، كان يركض والعرج البين يدفعه مترنحا لم يتألف مع هذا الشلل استل رسمها من ذاكرته ورماها عند اخر مضمار الركض وعدل مشيته منسحبا ولم يعد مرة اخرى
| |
|
|
|
|
|
|
Re: شيري هترشت كتير ... ممكن أهترش انا شوية (Re: زوربا)
|
salam نيلينك والابنوس الله الله الله الله الله حس النوية الفاتح لحنو طقوس الريد الريد لله بيدا من الريد العندك وعيون الخلق كان ماشافت مدلخك فرحك تبقي الجنة اسطروة موت أو بيقي المطلق الله الله الله الله والنور وانت انت والريد نيلين
| |
|
|
|
|
|
|
Re: شيري هترشت كتير ... ممكن أهترش انا شوية (Re: زوربا)
|
زوربا اليك اهدي
المقطع الاخير
اليك و الصمت في اروقة المدائن ابوح بالنزيف اطياف انكساري على عتبات الكلام اعتزل الا منك خضي اوردتي فقد طال الصمت و ضيعني الترقب لموعد لن يجئ و انتظرتك في مفترق عمري اشد بصري نحو بهاء مجيئك هدني التعب سنينا و تعرش في جسد الخراب و الان جئت انس يشتل افراح الزمان محبة و يمسح تعب السنين الخراب فامنحيني وطنا بين اهدابك و اسمعيني فقد ضاق بي الكون و اتعبني الاسر يا حلمي الجميل ها قد تناخت اليك نهايات الكلام و اكتملت الرؤى و انصهرت بنيران الغرام همسك حنين التلاقي و اندلاق العاشقين عيناك مملكتي الصغيرة و مسكني الامين كنت اليك اخطو رغم الحصار و اعين المخبرين ماشيا جئت راكبا جئت و حين اوقفوني كان بصري يمتد اليك و استمد صبر المحاربين و كنت تبرج غيم في وضح النهار و اكتمال البدر و انفلات الشذى من شفاة الورد لانك امان البلاد التي استقبلتني بالرصاص وودعتني بالشظايا يا اجمل الصبايا عيناك غابة ربيعي حضورك موسم الفرح في الحنايا اليك يصاغ قانون الكون نبضك مدار افلاكي اناديك ساكتب على رمش القمر اسمك حروف منسوجة بخيوط المحبة و انهي طائعا دنياي و افتديك
سلام
| |
|
|
|
|
|
|
Re: شيري هترشت كتير ... ممكن أهترش انا شوية (Re: زوربا)
|
ٍسلام مربع
لم يكن يعرف كيف يحادثها، حتى عندما رمى كتابه تحت قدميها تجاوزته وكتابه وجلست الى طاولة حجزت لهما مسبقا بكتابين وفنجانين وجريدة لكنه عاند واقع الحال وبقى على مقربة منها طارت جريدتها ، هرع اليها يعيدها الى حضنها تجاوزته ممعنة في ابتسامتها تهديها الى ذاك الذي جاء يبشرها بطلته التي انتظرتها .. ساعتها فقط اخذ فنجانه وارتشفه موقنا انها لم تكن تسمع ولا ترى ولا تشوف وحينما جاءه الجرسون دس في يده دراهم قليلة وهو يتساءل بالله العواليق دا من وين ؟؟
| |
|
|
|
|
|
|
Re: شيري هترشت كتير ... ممكن أهترش انا شوية (Re: زوربا)
|
زوريا من بعد السلام وهتاريش الشوق الشوك
وين البت؟ ولا أصل الهترشة حلم في ليل أنثى وحلم بأنثى من بقايا زمن ما ليس كمثل هذا الزمان القفر الفقر؟ فكرت أهترش , لقيت الهم واقف ديدبان , وحتى في هترشاتنا الحلم لقينا الديدبان برضو هترش هترش يا زول لحدي ما نقدر نهترش ولو ما قدرنا كلم الزول ده قول ليهو نتقابل الاسبوع الجاي جمب حافظ الحلاق المواصلات بي كم , ما عارفا؟ , خليتا بي نص لقيمة لي الطالب ومن دون قيمة لي نص الطالب شماشي قاعة الصداقة , متذكرو ؟ , الزمان كان بشيل حق البوش يرميهو في حق تذكرة , اها الزول ده رمى حق التذكرة في صحن بوش وبرضو ما خلوهو يدخل ملح رغم انو القاعة كانت فاضية وفها مهرجان الطفولة الالفاوي مكتبة الجامعة دي بفتحوها متين ما عارف , عندك كتاب ؟ أي كتاب ؟ ولا اقول ليك والله بالجد مشتاق ليها أمي ,ياخي كم مرة أقول ليك الكلام ده ؟ ما شايف الحاجة دي مرسومة في قدرنا كتر الشوق ليها ؟ واحد قال لي جنسك شنو , قلت ليهو من وطن فيهو أمي وكأنو الوطن حاجة غيرا ما قلت ليك , الخميس كان في الحلة حولية وحفلة دفار الإلزامية سك ناس معز لي نص الحلة , ناس معز خشوا الحلة جارين قدام الناس والدفار جاري ورا ناس معز ويا زول قدر ما يشقوا الحلة الكوم يكبر وسواق الدفار بتاع الالزامية يدوس بنزين ويحرق أعصاب ناس السوق المتمتعين بي لحظات الإثارة دي, حتى عمك خليل أبو معز كان مع ناس السوق وكأنو متشفي من ولدو العاطل ده وداير ناس الدفار يقبضوهو , يا زول ما حل كوم الناس الجارية دي إلا برعي المجنون لامن لفح قزاز الدفار , والغريبة عمتك الزينبية بتاعة الكسرة في السوق لو متذكرا زغردت لي برعي البت دي تاني سألت منك نقول ليها شنو؟ الشاي فار انا ماشي السلام عليكم
| |
|
|
|
|
|
|
Re: شيري هترشت كتير ... ممكن أهترش انا شوية (Re: tabaldy)
|
الزولة جدا شيري لا تبداي الرحيل فقد يصبح العالم أجمل في كل فراشة قادمة والريد نيلين
تبلدي شفت الرامية التوب تتجاري نص الحلة كايسة الود الرايح كنت هناك ... الشمس فاتحا النافوخ نصين لميت بقية الموية الفي الشارع للجارين وانا والمعو\ز اللسة ما لمة نفسه من سك الدفار كوسنا الحلة للولد الرايح اخر القول لقيناهه متغدي عند خالتو السره يا ود مالك ما بهنا موش دا بيتنا
والريد نيلين
| |
|
|
|
|
|
|
|