من الملاحظ ان معظم الاصوات الغنائية التي ظهرت في عهدالتهليل منطبعة بنبرة تجعييرية تهليلية ما ان يصعد المغني خشبة المسرح حفلة عرس حفلة عامة تسجيل في استديو قعدة والا يبدأ في التجعيير بأعلى صوته حيث يخيل لي بانه كان مشاركا في توديع كتيبة جهادية للجنوب ومنها الى الحفلة أو الاستديو متناسيا بان اجهزة الصوت الحديثة تغنيه عن ذلك هذا من جانب ومن جانب اخر لايكترث لموضوع الاغنيه اغنيه عاطفية جميله رقيقه فاذا به يجعر غير مكترث بمواطن الرقه والعاطفة كانما نشيد حربي أرجو من أهل الصنعة والزواقة مد يد العون بدون تجعير ونشوف حل وتوجيه المجعراتيه التوجيه السليم
الاخ الفاتح لك التحية اصبح المجعراتية يمرحون في هذه السنين ، فقد اصبح التجعير صفة ملازمة لا يمكن الاقتناع بغيرها وبانه والله لو الصوت اصبح انشاءالله عادي بيكون افضل لجماهير المستمعين الغلابة عشان يسمعوهم بشكل جيد لكن نقول شنو كل شي بقى مختلط في بعضه واول المتاثرين هو الفن الجيد ، فلم يعد هناك من يهتم باللحن والصوت الجميل المهم بالنسبة ليهم العدادات شغالة كويس ونتمنى ان نرى وسط كل هذه الهوجة فن جميل راقي ولكم التقدير
المسافة اخر جعرة كما قلت لكن هناك جيل كامل نشأ على التجعير الموضوع داير تدخل منظمات دولية لمعالجة اثار التجعير واخصائي انف واذن وحنجرة
الاخت مايا شكرا للمداخلة وقرأت قبل ايام لقاء في مجلة خليجية مع المبدع مارسيل خليفة وتحدث باسهاب عن موضوع التجعيير وبأن الناس اصيبوا بالصمم من ذلك ولذم عليهم رقع الصوت اكثر
الظاهر عليك يادوب بقيت تقلب فى الشرايط ، ياخى ديل ليهم زمن طويل فى الموال ده ، غايتو كورة دافورى ومعاها دربكة جنب القون والعجب كان مشيت ليك محل شرايط - شريط مغلف بطريقة تقول جواهو فى شىء ، مرة لقيت لى عنوان شريط إسمو (المهفهف) واطلب من كتاب البورد يمكن يعرفو المعنى ، ناهيك عن الاسماء والله تقول دفتر وفيات. ديل فنانين المستفبل يالفاتح والجاى اكتر
الاستاذ على سيدعلى همد وحرمه راوية يغرونك والاسرة السلام وتقبل نهانيهم بمناسبة نجاح الابن صالح.
(عدل بواسطة Ahmed satoor on 06-22-2003, 03:29 PM)
06-22-2003, 03:22 PM
اسامة الخاتم اسامة الخاتم
تاريخ التسجيل: 09-28-2002
مجموع المشاركات: 2340
الاخ اسامه الخاتم من حق المغني ان يتلولح طربا حيث ان لم يطرب نفسه اولا لن يستطيع اطراب مستمعيه اما الرجفي بتاعت الاخ فتحي البحيري تجدها لدى شنان وقيقم يغنوا بي اوامر وينزلوا من المسرح بي اوامر وطبعا يجعروا بي اوامر ولاتنسي حالة الطوارئ وارهاب المغنيين بل وصل الامر حد الجلد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
الفاتح يسن
Al-Masafaa
اسامة الخاتم
فتحي البحيري
فيس بوك
تويتر
انستقرام
يوتيوب
بنتيريست