|
|
 أنا فى السودان....سنه
|
فى نهايه هذا الشهر بأذن الله سأصل للخرطوم فى أجاذه قد تدوم شهر أو شهران حسب التيسيرات
أخر مره ذهبت السودان كان قبل 11 عاما..يعنى تركتها وأناطفله لم أتجاوز الثانيه عشر عاما لأعود أليها شابه فى ال23 من العمر
ترى ماهى التغيرات التى ستقابلنى؟ هل سأتعرف على بقيه الأهل ويتعرفوا على؟
أتمنى أن أقابل جميع بنات البورد المتواجدات فى السودان أو الجايين فى أجازه وياريتى ترسلو لى تلفوناتكم على الماسنجر بتاعى حتى أتمكن من الأتصال بكم
ويا ناس البورد أهو بالمره ترتاحو من وشى شويه أصلى كل يوم واجعه ليكم راسكم ببوستاتى الكثره وبقلمى الذى لا يسكت عن حق
الحياه من الموت ما معروفه خصوصا أنا مسافره بالسودانيه  لذللك أطلب العفو منكم جميعا وأن تسامحونى أن أخطأت فى حق أى منكم وأنا مسامحاكم
يلا أصلى مشتاقه كثير للسودان وبعد فى الأيام عد..وعليكم الله ما تخوفونى بحراره الجو وقطع الكهرباء ..وبينى وبينكم أنا خايفه ماعارفه ليه؟ أمكن الناس تفهمنى غلط ولا تقول على حنكوشه ولا كده
تمنو لى أجاذه سعيده وا لجو يتصلح وأجد الأهل فى خير وبركه
ودمتم
ملحوظه عنوان البوست مقتبس من بوست تماضر أنا فى لندن سنه..أرجو أن تسامحنى لذللك
وفى أمان الله
لا اله الا الله
|
|
 
|
|
|
|
|
|
|
 Re: أنا فى السودان....سنه (Re: bint_alahfad)
|
إن شاء الله صلامة الوصول لأرض الوطن العزيز .. السودان الحبيب .. حتلقي إتغير الكثير والكثير .. لكن شئ واحد بقى أهلنا الحنان ونيلنا البروينا يا هو واحد.. بس بس تلقي العسكري الأخضر دكن سواده في بياض بلدنا المفتح خلاه أغبش .. مكان البسمة رسم لوحة اسى.. ودمعة الفرحة هلاها دمعة حزن .. بس تلقي أهنا هم ياهم .. شاي الصباح وشاي الفطور وشاي الغداء ودعواتهم ليك مهما كان بالفي والمافي كرمهم ما بخلوه ابداً .. وختلفي عشان تعزي أو تهني بالركشه بدل التاكسي أو الطرحة .
إن شاء الله تبلي شوقك وتقضي أياماً حلوة بالسودان .. ومهما تجلسي ما حتحسي بالوقت أو اليام وحتلقيها برضو كملت زي لمحة البصر ..
سلام سوددانا الحبيب .ز سلام با أمدرمان أم الدر
واتنمى لك إجازة سعيد يا بت الأحفاد وسفراً ميموناً
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
هلا بيك فى لسودان البلد الطيب اكيد حتلقى تغير فى كثير من الاشياء لكن بتلقى الناس القبش لسه الطيبة ساكنه فى قلوبهم فيهم عشا الضيفان واخوان البنات وذى ما قال الشاعر اسماعيل حسن
كيف الحال لو ما كنته سودانى واهل الحاره ما اهلى
كان قلته الكهرباء ما بقت جمرة خبثيه والحرارة مافى الجيوب قبل الاجساد بس تعالى براك شوفى مع التمنيات ليك بعودة كما تحلمين بها والظاهر كراعك لينة امكن بجيتك يتحقق السلام والديمقراطية فالف مرحب بيك وكما يقولون الخير على قدوم الواردين
مع التحايا
@@@@@@@@@@@@@@@@@@@2
كم لظلمة الليل من بهاء
ولكن كثيرون حولها الىارتكاب المصائب
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
يت الاحفاد
ربنا يوصلك بالسلامة , ويبعدك من كل شر
بس اوعك تشوفى الناس الهناك دى بقعر عينك
عشان الفروقات كتيرة وكبيرة جدا بين الدولة
العايشة فيها و السودان
عشان كدة حاولى اكسرى الحواجز بقوة القلب
مع الطيبة فى التعامل
الناس بتشوفك جاية من برة حاجة تانية كدة
واوعك تستغلى نظرتهم السمحة ليك دى
يعنى مثلا ما تقولى والله بلدكم دى حارة خلاص
و انا ما بطلع فى الشمس دى
وما باكل البتاع دة وحاجات كمية
مرة تانية ربنا يوصلك بالسلامة ونشوفك
معانا تانى فى حوش بكرى
مسافرة بالسودانية ؟
انت عارفة جناح السودانية مربوط بحبل ؟
| |
|
|
|
|
|
|
|
|
|
Re: أنا فى السودان...............سنه (Re: bint_alahfad)
|
السلام عليكم ورحمه الله
الأخ الكريم فيصل النعيمه
جزاك الله كل خير والله يسلمك, والله اجمل من ناسنا الطيبين وبلدنا السمحه بناسها مافى..ولو الواحد لفى العالم كلو عمرو ما حيلاقى ناس فى طيبه بلدنا وصدقهم وبساطتهم, الركشه ده بالذات من كتره ما سمعت بيها لما فكرت أشترى لى ركشه..وده من الحاجات الواحد مشتاق يشوفها شديد برغم أن أخى الكان قريب فى أجاذه فى السودان قال لى أعملى حسابك ما تقوم تتقلب بيكى, أشكرك على الأمنيات الطيبه
الأخ الكريم Adrob wad Elkhatib
جزاك الله كل خير على صور بلدنا الجميله وأشكرك أن أتحت لى رؤيه الرقشه قبل ما أذهب هناك
الأخ الكريم بلدى يا حبوب
جزاك الله كل خير على الأمنيات الطيبه وأنا بحق منتظره رجوعى السودان على أحر من الجمر..أسأل الله أن يعم السلام والأمن والرخاء جميع أنحاء البلاد
وفى أمان الله
لا اله الا الله
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
الأخ الكريم alfatih
جزاك الله كل خير على النصيحه والله يسلمك, بعدين يا خوى كيف أعاين للأهلى وناس بلدى بقعر عينى..والفروقات البين البلد العايشه فيها وبين السودان لا تسوى شئ أمام عظمه وطيبه وجمال بلدى..يعنى فروقات ماديه بحته والماده لا تطغى على الحياه التى يعيشها الأنسان
من ناحيه الجو الحار فرغم أننى بطبيعتى متجرسه من الجو الحار حتى لو بلغت درجه الحراره 25 هنا فلا أستطيع تحملها الا أكيد الونسه والأهل والأحباب حينسونى حراره الجو وحتى لو كنت حرانه جدا أكيد ما حأوضح ده بعدين أنا زوله بسيطه جدا يعنى الحركات ده ماعندى والحمدلله
بالنسبه للأكل أنا باكل أى حاجه بس المهم ما بكثره يعنى ما ممكن أبقى دبه عشان أرضى الناس ولا شنو؟
ومشكور للدعوات
من ناحيه السودانيه مربوطه بحبل ده عارفاها..لكنى جربت الخطوط الأخرى وأجد راحتى أكثر فى السودانيه والله يستر
الأخ الكريم فتحي الصديق
جزاك الله كل خير وأنشاء الله السلام يوصل
وفى أمان الله
لا اله الا الله
| |
|
|
|
|
|
|
|
|
|
Re: أنا فى السودان....سنه (Re: obay_uk)
|
اذنك معاك يا بت الاحفاد
واتمنى ليك اجازة سعيدة
وحا اتنبأ ليك ببكا شديد فرح شديد ودهشة كتيرة
وربنا يوديك ويجيبك بالسلامة
اما بنات البورد فدريمز هى اكتر زول حيهتم بيك ، اظن ، لانها اهتمت بى
بت عرضية وجميلة
| |
|
|
|
|
|
|
|
|
 Re: أنا فى السودان....سنه (Re: bint_alahfad)
|
العزيزة بنت الاحفاد
انشاء الله اخر الشهر برضو حامشي السودان
ممكن نتواصل واديك تليفوني
وياريت نلتقي ونتعارف اكتر ببعض
اوكي؟
تحياتي
ورسلي لي برضو وانا كمان برسل ليك عنواني في الماسنجر
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
بسم الله الرحمن الرحيم
المهذبة/ بنت الأحفاد
سلام بقدر تهذيبك
هي يايمة ودعناك الله وداعتن تنجيك وتحفظك من كل شر ومن كل بلاء وتلقي الناس طيبين وسالمين
آمييين يا رب العالمين
وكان لاقيتي مرتي هناك سلمي عليها وعلى عيالي كمان وأمي وابوي
أنا ما بقول ليك أمشي ليهم عشان هن بعاد لكن سبحان الله إمكن تلمكم الظروف وربما تكوني جارتنا أو جارة ناس يخصونا وأنا ما عارف
وعاد ياربي ياسيدي تستر الكهرباء مع بت الأحفاد
ولك الحمد والشكر يارب العالمين
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
الفاضلة بت الأحفاد
الوقت الفات ده كلو أنا مفتكرك بتقري في الاحفاد وحافظة شارع العرضة حفظ..وكمان مواصلات أمدرمان وقت الزحمة الزحمة
حتكوني مبسوطة جداً بي زيارة الأهل ... وحيكونوا مبسوطين بيك أكتر وحنيّة الأهل بتزيد لما يكون في واحد منهم طوّل من البلد كتير
ما تخافي بخصوص الكهرباء، الأيام دي إتصلحت كتير وبقت ما تقطع أكتر من 10 ساعات في اليوم
درجة الحرارة معقولة خالص ، يعني عادة ما بتزيد من 47 درجة وكان بالغت بتعمل 49
شوفتو الهنا النحن فيهو ده
البلد مرحبة بيك يا بت الأحفاد وياريت تعجبك وتتكرر الزيارات
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
ونسيت الكتاحه يا محمد المبارك
عموما سودانا فوق واحلى من اى مكان فى الدنيا والدليل على كلامى ده الجرسه الواقعين فيها الناس البعيدين عن النوطن
بنت الاحفاد مرحب بيك فى بلدك والبلد حتنور بيك
وان شاء الله ما تشوفى الا البيسرك ويعجبك بس ورينا تاريخ الوصول عشان اعضاء البورد الداخل الوطن يستقبلوك فى المطار وانا اولهم
ودمت يا ستى وفى انتظار وصولك على احر من الجمر
ام الاء
| |
|
|
|
|
|
|
|
|
|
Re: أنا فى السودان....سنه (Re: ود الشيخ)
|
بت الاحفاد
ربنا يوصلك بالسلامة ان شاء الله
حتلقى الخرطوم بقت لندن بس على بلدى
لما طلعتى كان الناس بتشيل التموين بالكرت والعيش اسمو حلاوة عيش
لكن اسع تمام التمام
بس ما تركبى رقشة
ولا تقعدى فى كرسى الشهيد فى امجاد
ولو مشيتى حفلة ما تفتحى خشمك بالدهشة من لبس البنات
و اوعى ترجعى بدون ما تركبى حافلة
لانها دى المتعة الحقيقة فى السودان
على حسب اقوال ولدى
خاصة
اذا كنت ساكنة فى آخر
محطة
حتحضرى كل الشكلات
لغاية المحطة الوسطى وأهم حاجة البوش
برضو دى على حسب اقوال ولدى
لازم تتعشى كل يوم بوش تجيبى فرق
سنوات الغياب
وبعدين لو قعدتى مع بنات قدرك
ولقيتى الكلام كلو
والله بستفتو ليك
والله طرشقتو ليك
ما تقولى البنات ديل اقرسف شديد
دى ونست كل البنات كدا
ووأخيرا و ليس آخرا
فلان ركبو التونسية
معناها ادوهو كرتو
او وزعته
او بالعربى تركتو
دى الحاجات الكان بتحير بناتى
انه ليه انا قلتا السودان بيتكلمو عربى وهم بيعرفو عربى لكن ما بيفهمو ونسة البنات
عشان كدا بقترح انك تعملى كورس سريع بتاع رندوق
نسيت اقوليك
انت ما شية فى الخريف
اذا صبت المطرة
ما تقيفى فى شارع الظلط والا تكونى شايلة هدوم معاك فى الشنطة
وما تمشى فى قعر حيطة
ما عدا ذلك
تلقى حبوباتك وخالاتك وعماتك
راجينك
والبنات الصغار كلهم بقو عروسات
| |
|
|
|
|
|
|
|
|
|
Re: أنا فى السودان....سنه (Re: مهيرة)
|
اذهبي
الى حيث يرقد السودان والكرم والشموخ والرجولة بلا حدود
اذهبي
وستجدي درجة حرارة شوق أهل السودان
أكبر بكثير من درجة حرارته
ستحبين السودان
وستحبين أهله
هناك الناس بسطاء
وهناك الناس في السودان يحبون بعمق
ويعانقونك
الذين يعرفونك
والذين لايعرفوك
ستحبين مائه
ونيله
وترابه
وحتى حرارته
سافرت مثلك في العام الماضي
وأكثر ما استغربت له عندما ركبت الحافلة مع هؤلاء البسطاء
هناك مواطن تم نشله بالحافلة
وأذّن في الناس قائلاً
لقد نشلوني وهذا المبلغ الذي معي لعلاج والدتي
حينها ترجل اللص باكياً
وأرجع المبلغ لصاحبه
هل توجد سماحة بهذا القدر ياسيدتي
بلد حتى لصوصه تختلط دماؤهم بنخوتهم
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
السلام عليكم ورحمه الله
الأخوه والأخوات الكرام
تحياتى وجزاكم الله كل خير للأمنيات الطيبه..معليش عندى مشكله فى جهاذى بعد ما كتبت الردود أتمسحت كلها, خلونى أحل المشكله ده وبرجع ليكم تانى أنشاء الله , الظاهر فى واحد بحاول يخرب جهاذى لكن شكيتو على الله
وفى أمان الله
لا اله الا الله
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
الأخت بنت الاحفاد
ربنا يوصلك بالسلامة وتلاقي كل الناس كويسين
أنا بضم صوتي لصوت د/ بيان في كل القالتو
بعد الغياب الكويل دا حا تندهشي جدا وأمكن اقولوا ليك دا شارع ظلط وبقطعوا كدا
امنياتي لك بأجازة هادئة وربنا يكفيك شر المطرا والباعوض وناس الخدمة الإلزامية
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
الأخت بنت الأحفاد....حفظك الله
إن شاء الله تصلى بالسلامة وكمان تقضى إجازة حلوة ممتعة
طبعا الفترة طويلة وأنت بعيدة عن السودان لكن رغم المعكننات سوف تسعدى بيه
والله حظك لما تشيلى العنقريب الكراب وترقدى فى الحوش فى العصرية ويضربك الهمبريب حاجة روعة جدا
وفى المساء تقدرى تشوفى النجوم والسماء الصافيه التى لن تجديها فى لندن إلا نادرا
على العموم أتمنى ليك إجازة حلوة
والسلام
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
ياسلام .. والله فتره غيابك عن البلد فتره طويله واكيد حتشوفي حاجات كتيره جديده واكيد في حاجات كتيره بتعجب... واكيد من حلاوة البلد وناسه الطيبين حيمر الشهر والشهرين بدون ما تشعري بيهم وصدقيني بعد اجازتك دي ما حتقدري تغيبه فتره طويله لانو الحنين حيتجدد والعشق سوف يشتد لنيلنا وسواقينا وخضرتنا وطيبتنا وكل الحاجات الحلوه فينا .. اجازه سعيده ووصيتي ليك احتفلي بكل لحظه وانتي في وسط الاهل والاحباب ودمتي عزيزتي
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
السلام عليكم ورحمه الله
الأخوه والأخوات الكرام
أعتذر عن التأخير فى الرد فقد أخترق أحدهم جهاذى لسبب لا أعرفه وأنشاء الله بحاول تصليحه قريب بأذن الله
الأخ الكريم obay_uk
جزاك الله كل خير على النصيحه ..من ناحيه الجلباب فأن لا أرتديه هذه الأيام لصعوبه توافره فى البلد التى أقيم فيها, مع أنو أعتقد فى بنات كثير بلبسو الجلباب فى السودان يعنى المفروض يكون عادى بالنسبه لهن, جزاك الله كل خير للدعاء, بالنسبه للفساد فى السودان برغم السمعتو كتير لكن برضو ما مصدقه, الله يستر غايتو
الأصيله بنت الأصول تماضر
جزاك الله كل خير على الأمنيات الطيبه, حأفرح شديد وأندهش شديد ده فهمناها..طيب حأبكى شديد ليه?
وينا دريمز ده عليكى الله لمينى فيها ما شايفاها حايمه اليومين ديل فى البورد أنشاء الله المانع يكون خير, عزرا لعدم تمكنى من ملاقاتك فى لندن لظروف السفر وكده لكن الجايات أكتر من الرايحات
اللذيذه هوزى
يسعدنى أن أقابلك وأتعرف عليك فى السودان, وياريت ترسلى لى تلفونك وعنوانك فى السودان, أنتظرى منى مسنجر قريب بأذن الله
الأخ الكريم 3omda4
جزاك الله كل خير وأنشاء الله ما بنسى
الأخ الكريم بدرالدين شنا
جزاك الله كل خير للأمنيات الطيبه, وأنشاء الله لو قابلت ذوجتك وأبناءك حاوصل ليهم السلام وشكرا
الأخ الكريم Mohd Mubarak
جزاك الله كل خير..الأهل مبسوطين جدا بالحضور وأنا سعيده أكثر أننى سأذهب لوطنى وأهلى بعد كل هزا الغياب, أشكرك على الأمنيات الطيبه
أعود بعد قليل بأذن الله
وفى أمان الله
لا اله الا الله
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
الاخت بنت الاحفاد
كل الامانى لك باقامه طيبه فى السودان
وثقى ان نقاء السريره يقود دوما الى مناطق
الضوء وبرغم الفساد فى السودان الا ان هنالك
فتيات مازالن قابضات على الجمر كما نبانا بذلك
الرسول عليه الصلاة والسلام عن هذا الزمن القابض
فيه على الدين كالقابض على الجمر لك كل الامانى
بسفرا سعيدا وعودا حميدا ولا تنسينا من دعوات
المسافر فلعل ابواب السماء تفتح لها وانتى فى موطن
اجابة الدعوه ولك كل التقدير
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
أختى وصديقتى وعزيزتى بت الأحفاد
سعيده جداً لآنناسنتقابل بإذن الله
وماتشيلى هم آى حاجه
فى إنتظار رساله منك بها عنانك وهاتفك
سأصل قريباً أيضاً بإذن الله لآرض الوطن
قلت لآختى الصغيره لمن نصل هناك بإذن الله أسمعى الناس بتقول فى شنو و
أسكتى سااااااى
قالت لى خليهم يضحكوا ويخلوا الباقى والله ما أسكت
ههههههههههههه
أنت كمان عليك بالنصيحه دى أعملى فيها البت تفتيحه وفاهمه آى حاجه
وأنت أصلا ماشاء الله عليك بت فاهمه وواعيه ربنا يكملك بعقلك ويخليك زخر لوالديك إن شاء الله
يلا فى أمان الله
لملتقى قريب بإذن الله
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
الأخت العزيزه Teeta
طبعا يا ستى ما شايفه نحن متجرسين كيف عشان نمشى السودان! جزاك الله كل خير يا حبيبه للترحيب والبلد منوره بوجودك, يا ستى الله يخليكى بس ما عايذه أتعبكم معاى بالحضور للمطار خصوصا أنا حأصل فى وقت متأخر بس ياريت ترسلى لى تلفونك على المسنجر حتى يتسنى لى الأتصال بك ومقابلتك وتسلمى يا حبيبه
الأخ الكريم ود الشيخ
جزاك الله كل خير, والضبان ده مقدور عليه
الأخت العزيزه bayan
الله يسلمك يا غاليه, الا الرقشه ده أموت وأركبها..بس ممكن تقولى لى ماهو كرسى الشهيد أمجاد وأين يقع؟
من ناحيه العشاء أنا ما قاعده أتعشى خالص, فى طريقه أذوغ منو فى السودان؟؟
أشكرك على التوضيح, حكايه فلان ركبوهو التونسيه أنا لو سمعتها حأفتكر سافر بالخطوط التونسيه..غايتو أنا حأعمل فيها فاهمه المصطلحات ده عشان ما يضحكو على ولو كترو فيها حأقول ليهم(arabic pls)
ياريت تدينى أنتى وأخواتى هنا شويه دروس قبل ما أسافر تكسبو فى أختكم ثواب وتجنبهوها الوقفه زى الأطرش فى الزفه, بالمناسبه ممكن أشيل شمسيه وأطلع عادى فى المطره؟ مافهمتا ليه ما أمشى جنب الحيط؟؟
مشكوره للنصيحه والله يخليك
وفى أمان الله
لا اله الا الله
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
الأخ الكريم HOPELESS
محمد رسول الله, صلى الله عليه وسلم
الله يسلمك وجزاك الله كل خير على الأمنيات الطيبه
القريبه الى قلبى مهيرة
جزاك الله كل خير والله يسلمك يا غاليه, الله يحفظك
الأخ الكريم ابوحراز
جزاك الله كل خير وولله قصه مؤثره جدا تكشف معدن وطنى الأبى وشكرا
الأخت الغاليه بت قضيم
الله يسلمك يا حبيبه وأتمنى أن أراكى قريبا بأذن الله فى السودان
الحبيبه لنا مهدى
الله يخليكى يا ستى وعقبالك أنشاء الله..تسلمى
الأخ الكريم زوربا
الله يسلمك وجزاك الله كل خير, مشكور للدعاء وناس الخدمه الألذاميه ديل مقدور عليهم
الأخ الكريم EXORCIST7
الله يسلمك وجزاك الله كل خير للأمنيات الطيبه, نوم الحيشان من الأشياء المميذه جدا التى نفتقدها كثيرا, أسأل الله أن يرينا أياها وشكرا
وفى أمان الله
لا اله الا الله
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
الأخ الكريم willeim andrea
جزاك الله كل خير, وأنا متأكده أننى لن أحس بالوقت مع وجودى مع الأهل والأحباب فى السودان, أشكرك على النصيحه
الأخ الكريم obay_uk
جزاك الله كل خير للتوضيح, حدث عطل فى جهاذى والحمدلله تمكنت من أستخدامه وأسأل الله الا يعود العطل مره أخرى, ومشكور جدا
الأخ الكريم SAdo7
جزاك الله كل خير للأمنيات الطيبه, قال رسولنا الكريم الخير فى وفى أمتى الى يوم الدين, أو كما قال, أسأل الله أن يستجيب دعاءنا ويغفر لنا ويكفر عنا سيئاتنا
وفى أمان الله
لا اله الا الله
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
Dear bint alahfad
salam
يا بختك ماشة السودان
السنة الماضية كنت استعد للذهاب الي السودان في تلك الايام
كانت ايام روعة
وقررت ان اذهب الي السودان سنويا ولكن اه من لكن دي
تمشي وتجي بالسلامة اكيد بعد الغيبة دي حتلاقيك حاجات كتيرة
وخاصة لو جاية من دول العالم الاول
بس بلدنا احلي منها مافي
اه كرهت الغربة وبلد الخواجات دي كره
ربنا يرجعنا للوطن
اتمني ليك اجازة سعيدة
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
الأخت العزيزه تسنيم
تحياتى
هل مشيتى بعد طول غياب أيضا؟ وما هو أكثر شئ أعجبك أو أثار دهشتك
معليش ما تتحسرى الله يسهل ليكى المشيه كل سنه, وزى ما قلتى بلد الخواجات ده ما بتتقعد
أشكرك يا حبيبه لللأمنيات الطيبه وتقبل الله دعاكى وتسلمى
وفى أمان الله
لا اله الا الله
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
كرسى الشهيد
دا الكرسى الجنب السواق
طبعا دا احسن كرسى
زمان كنت بستخدم عضلاتى فى ركوبو
بعد قالو لى بقيت اقعد وراء
ما تمشى جنب الحيطة لانو احتمال فى بير مرحاض قديمة
اما العشاء دا لازم تاكليه
لانو الونسة فيهو والضحك
احسن من العشاء ذاتو
اما بخصوص الرندوق
اساسى احسن من يدى دروس فيهو نتمنى انه يعمل درس عصر بمناسبة
الاجازات
المطرية او الشمسية بيشيلوها بس العجائز لى صلاة الجمعة
وما بتنفعك لو جات عربية مسرعة فى ترعة موية بالطين
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
الأخت العزيزه بيان
تسلمى ياعسل للتوضيح, بس قولى لى لو جات مطره أمشى عادى فيها ولا لاذم أقعد فى البيت, ولو شلت شمسيه الناس حتضحك على؟
حاجه تانيه أنا ما بعرف أعزى بالطريقه التقليديه المتبعه فى السودان للنساء, ممكن لو مشيت عزاء أشيل معاهم الفاتحه وأقول ليهم البركه فيكم?
معليش تقلنا عليكى وتسلمى
وفى أمان الله
لا اله الا الله
| |
|
|
|
|
|
|
|
|
 Re: أنا فى السودان....سنه (Re: bint_alahfad)
|
يابت ما تردى على ولا ماعاجبك ردى المشعلق فوق دا
بعدين تعالى هنا شمسيه شنو العايزه تشيليها أنت قائله مطره هناك ديك راقيه زى بتاعه لندن
يا بتى المطره الهناك ديك ماشاء الله تشيلك أنت زاتك بشمسيتك
غايتو زمان كان عندنا زميلتنا بت هاى كده وعامله لينا فيها البت حلوه بتشيل ليها شمسيه لكن من الشمس ما المطره
غايتو كنَّا بنستغرب يمكن ما من الشمسيه من الدلدول الكان بشيله ليها
البلد بقت مُتمدنه على الآخر لندن ما تقادره ههههههههههههههههه
أها أما بيت البكاء وبما أننا فى نفس العمر أنا بشاركك نفس الإحسا س بشيل الفاتحه
لكن طبعا بتخيل لى وخسوساً لو كان قريبك الزول تنزلى ليك دمعتين إن شاء الله تستلفيهن من أقرب زير
عموماً الناس مابتريح يقولوا شوفوا البت الطغيانه دى ولاَّ لو الميت سغير وجاهل وحارق أهلو
المفروض تتنحنحى ليك شويه والاَّ بقولوا ماحرقك الزول المات
أما عن نفسى فلا أتوانى عن شيل الفاتحه وإن شاء الله البركه فيكم
أجيب ليه دموع من وين وأنا شكله ما بتزكره
دا كان مشيت من أصلو
يا بت نحن لسه سغار وجُهل بكيات شنو البنباريهن ...كلو شئ فى وقته حلو
طبعا نسيت أستأذن من الغاليه بيان ولا رائك شنو يا أُستاذه
| |
|
|
|
|
|
|
|
|
|
Re: أنا فى السودان....سنه (Re: وجن)
|
وجن كلامك فى محلو عداك العيب يا بتى
الشمسيات
الله يطيرها من الدنيا
اصلى ما بشيلها
حتى فى بلد المطرة دى
يا بت الاحفاد
لو شلتيها اى زول يجى بوراك بيقوليك
يا حاجة زحى كدا عشان بس الحبوبات البيشيلوها فى صلاة
الجمعة
وعندها استخدام آخر وهو الشفع بينطو بيها من رأس
البيت تقومى تشيلى الشمسية وتزورى زول يغافلك الشافع
ويمشى ينط يكسر كراعو
تبقى عندك عقدة ذنب وناس البيت لما يحكو القصة
الناس بيقولو ليهم
هو لقى الشمسية
وين يقولو والله بت الاحفاد جاتنا شايلة
الشمسية
طوالى ديلاك يردو هى الشمسية العليها شنو قايلاها لندن بس
الفلهمة العورة شيل البطارية فى القمرة
اما بيوت البكاء دى انا البلدكن ديل لسع ما حزقت
المباكية بشيل الفاتحة بس
ودائما بتضحكنى باقى خيالى خصب جدا
بشوفها زى الدراما
بس يازولة ابقى روحك
ما تحاولى ترضى الناس
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
الحبيبه وجن
أنتى كنتى لابسه طاقيه الأخفاء ولا شنو؟ يطرشنى لو شفتا ردك ومعليش أمسحيها فى وشى
والله ضحكتينى بكلامك لما قلتا بس, تخيلى يا وجن أنو أنا زاتى كنت حأشيل شمسيه فى الشمس, بس ما عشان أنا بنت هاى بس عشان بتجرس كتير لما الجو يكون حار ولا الشمس قويه, بس أنا حأشيلها براى عشان ما عندى دلدول يشيلها لى, بالمناسبه دلدول معناها شنو؟
فى مسأله البكاء أنا لاذم أخدك معاى, ممكن تحكى لى قصه مؤثره ولا تقرصينى فى يدى لما نقرب على بيت البكا وما تخافى أنا حأعمل ليكى المثل لما يجى دورك, لكن كلام النسوان ده أنا ما بقدر عليهو, نسوى شنو يا بتى؟
تسلمى يا حبيبه لكلامك الظريف والأوفر بتاعك وأشوفك قريب أنشاء الله
ما قلتى لى عايزه شنو أجيبو ليكى من هنا؟
تحياتى لك وللأخت الدكتوره بيان
وفى أمان الله
لا اله الا الله
| |
|
|
|
|
|
|
|
|
 Re: أنا فى السودان....سنه (Re: bint_alahfad)
|
الحبيبة بنت الاحفاد
كونى نفسك فقط
اكتفى بالفاتحة عند بيت البكا ان لم تسعفك الدموع
فهى للميت خير من العبرات
تصرفى بتلقائيتك
و ليستغرب من يستغرب
وليعلق من يعلق
كونى نفسك فقط حبيبتى
برغم القوالب الجاهزة المحضرة لحجز الناس بها
{متكبرة} ، {تغيانة} ، {متكلفة} ، { مدلعة}...و هلم جرا
لك محبتى
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
بت الاحفاد
ربنا يوصلك بالسلامة
ويا بختك بالسودان
كنا نتمنى نلاقيك لكن اتاخرت شوية لكن كان حيين بنتلاقى
اكتر حاجة بتدهش الناس الطولوا من السودان كمية العربات الفى الشارع وكمية الموبايلات
اى زول شايل موبايل وبين كل عربية وعربية فى عربية
لكن على قولك لو ما ركبتى الركشة ما تجى راجعة
امنياتى لك باجازة سعيدة
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
obay_uk
كده فهمت معناها شنو وحاشاك تكون دلدول
الحبيه لنا
أشكرك يا غاليه للنصايح القيمه وسأكون أنا كما قلتى, والناس بتتكلم لو عملتى شى ولو ما عملتى, ودمتى
يا حبيبه
الأخت العزيزه هاله قوته
الله يسلمك يا ستى , ويؤسفنى أننى لن أستطيع رؤيتك, ولكن نسأل الله أن يسهل لنا اللقاء فى القريب العاجل
وأنشاء الله لو ما ركبت الرقشه ما حأرجع بس الله يستر ما تتقلب بى
وتسلمى يا غاليه
وفى أمان الله
لا اله الا الله
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
عزيزتى بت الاحفاد
مساء الورد
11 سنه ماشفتى السودان ... ياااااااااااااااااه طويله شديد... تعرفى انا لما مشيت السودان للجامعه اول مره كانت فى صيف ودرجه الحراره دى بتكون 60 ولما تجى الساعه 12 كانت روحى بتطلع وخاصه مع قطوعات الكهرباء كنت مستغربه هم عايشين كيف لكن تانى الموضوع بقى عادى ... ولقيت السودان حاجه جميله مستحيل الواحد يقدر بيعد عنه .... وانا متاكده انك تانى ما حاتطولى كده كل سنه حاتجى زياره .....وبتمنى ليك اجازه سعيده وانشاء الله الواحد يقابلك هنالك
وحاتلقى رساله منى ليك فى المسنجر
ولك كل الحب
غدى
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
عزيزتى غدى
صباح الفل والياسمين
كيفك وكيف أمتحاتك؟ عارفه أولاد أخى العمرهم ما مشو السودان غير هزه السنه عجبتهم شديد وقالو لينا السودان أحسن مليون مره من لندن وقالو لينا لندن ربش بالنسبه للسودان, ورغم حراره الجو الا أن البلد والناس عجبوهم شديد وقالو عايذين يعيشو فى السودان وما يرجعوا تانى هنا, قلنا ليهم أنتظروا لما تخلصو المدارس قالو لا عايذين يحولو لمدارس السودان, ولما رجعوا لندن كانو زعلانين جدا, حسع كلو ما يعملو غلطه أقول ليهم ما حأخدكم معاى السودان يقعدو يبكو ويقولو ما بكرروها بس نخليهم يمشو السودان, ورغم أنهم لا يتحدثون العربيه عدا بعض الكلمات الا أنهم أستمتعوا جدا بها فما باللك بنحن؟ أكيد حنكون مبسوطين جدا
أشكرك يا غاليه للماسنجر وقد أرسلت لكى رساله أخبرينى أن وصلتك وسوف أتصل بك ما أن أصل السودان أنشاء الله
وفى أمان الله
لا اله الا الله
| |
|
|
|
|
|
|
|
|
|
Re: أنا فى السودان....سنه (Re: bint_alahfad)
|
المحترم obay_uk
الخوف من شنو؟ ما ده عين العقل بارك الله فيك وجزاك كل خير
الأخت العزيزه بنيه
كيفك وأخبارك مختفيه ليكى زمن ليه؟ لعل المانع يكون خير
لظروف طارئه أجلنا السفر أسبوع كمان, بمشى هناك وبجى بحكى ليكى أنشاء الله
وعقباللك أنشاء الله وتسلمى
وفى أمان الله
لا اله الا الله
| |
|
|
|
|
|
|
| |
bint_alahfad
Adrob wad Elkhatib
بلدى يا حبوب
alfatih
فتحي الصديق
obay_uk
Tumadir
بدرالدين شنا
Mohd Mubarak
bayan
مهيرة
ابوحراز
بت قضيم
lana mahdi
زوربا
EXORCIST7
willeim andrea
SAdo7
وجن
AnwarKing
benyya
فيس بوك
تويتر
انستقرام
يوتيوب
بنتيريست