|
|
 نوم الحيشان و نوم الكيعان
|
ذهبت لقسم الشرطة بعد أن سمعت أن إثنين من جيراني قد تشابكا بالألسن و الأيدي و أن الموضوع الآن ( بوليس كيس ).
هرولت إلى هناك ، فحمدت الله أن المتحري أعرفه جيدا ، فهو شقيق أحد تلاميذي.
قلت له هامسا : ممكن تديني خمسة دقايق إتفاهم مع الجماعة ديل ؟
قال : جدا ، خد وقتك.
شنو الحكاية يا جماعة ؟ مش عيب جيران يتشاتمو و يتضاربو و كمان يصلو للشرطة ؟
هنا لم أسمع شيئا ، فقد إنطلقت الكلمات من الطرفين كطلقات الرشاش تصم الأذنين.
المهم بعد جهد جهيد ، و شد و جذب ، و بوس ريسين ، جعلت كل واحد يبوس راس التاني و إنشطب البلاغ ، و رجعا و كل واحد ممسك بيد الثاني ، و كل واحد يحلف على التاني إنو الغدا عندو.
نعم هذه أخلاقنا.
و لكن ( شنو الجاب الكعة ؟ )
كل واحد راقد في حوشو في أمانة الله ، واحد سمع التاني بيتناقش مع مرتو ، شوية شوية النقاش إحتد ، شوية شوية المرة كوركت بعد أن أخدت ليها كفين من النوع النصيح ، أها صاحبنا دة من حوشو كورك لي جارو البيلبع في مرتو :
يا أخي بالله إنت راجل إنت ؟ أولا إنت غلطان ثم غلطان ، تانيا راجل يدق مرتو و كمان في الحوش دة ما راجل ، يا أخي إختشي يا أخي.
فرد عليه الآخر و هو يقترب من الحيطة الفاصلة :
إنت مالك يا حشري ؟ الدخلك شنو بيني و بين مرتي ؟
الدخلني كواريكم الصحت الشفع و ناس الحى.
المهم كلمة من هنا و كلمة من هناك ، فقال ( الذي كان يضرب زوجته للآخر ) :
لو راجل أمرق لي برة.
و مرق الآخر لأنه واثق من نفسو إنو راجل.
و حدث الإشتباك الذي لم يفضه إلا أبناء الإثنين ، و لكن ضارب زوجته تقدم بالشكوى ، و كما أسلفنا أنها إنتهت بعزومة.
كان تعليق الجيران متفاوتا بين التأييد لهذا و إنتقاد ذلك. فكانت التعليقات :
ما مفروض يتدخل.
الواحد لما يسمع واحدة نص الليل تكورك لازم يتدخل.
إنت مالك و مالها ، دة زوجها و هم الإتنين أحرار.
الزوجة مفروض كانت تسكت لغاية الصباح و تتم نقاشا معاهو.
الراجل غلطان ، كان يدخلها الأوضة و يتفاهم معاها.
الما بقدر يمسك خشمو ما يبيت في الحوش.
أها نان وين يبيت مع قطع الكهربا ؟
كل واحد ينوم في جهة ، الحوش عندو أربعة أركان.
حسع بكرة الراجل و مرتو المدقوقة يبقو سمن على عسل ، و تقول للحشري دة ( إنت ما خساك بي راجلي يدق علي كيفو ( يا داخل بين البصلة و قشرتها ما ينوبك إلا ريحتها ).
لذا فما رأى أصحاب الحيشان الثلاثة أو الواحد ، هل نتدخل بين البصلة و قشرتها ، أم دي بي طين و دي بي عجين ؟
دام فضلكم.
|
|
 
|
|
|
|
|
|
|
|
Re: نوم الحيشان و نوم الكيعان (Re: ابو جهينة)
|
الضــرب مـرتـو ما راجـل فـعـلا لأنو كان عندو رجالة زايدة إسويها
مع الرجال مش مع النسوان بعدين بت الناس دي أهلها أدوها ليهو علشان
إحميها مـش إضربها و إحموها جيرانو . و جارو راااااااااااااااجـل
و ما برضى الحقارة و ليهو حق إتدخل لأنو ممكن الموضوع إتطور أكتر من كـدا
و المسكينة دي ممكن تتأذى أكتر من كفين. و بعدين طالما إنو الناس ديل
صوتهم وصل الجيران إبقى الموضوع بقى بهم الجيران برضو يعني لو
كان هو ما عايز الجيران يدخلو كان إتفاهم معاها بهدؤ.
دا رأي يا ابو جهينة .
تحياتي
| |
|
|
|
|
|
|
|
|
|
Re: نوم الحيشان و نوم الكيعان (Re: ابو جهينة)
|
بسم الله الرحمن الرحيم
الحبيب/ ابو جهينة
سلام يا رائع
هسع نحن في حوش بكري الإلكتروني دا بعد مرات بنسمع صوت الضرب وبنشم ريحة البارود لكن ما بنمرق عليهم خايفين من جنس البشاتن دي
ذكرتني نوم الحوش ومناجاة القمرا يديك العافية
| |
|
|
|
|
|
|
|
|
|
Re: نوم الحيشان و نوم الكيعان (Re: بدرالدين شنا)
|
الأخ أبو حسين
صباحك خير و بركة
أنا معاك في رأيك تب ، و الجار راجل جنب خلاص.
هوبلس يا الكلك أمل : تحية صباحية مباركة
كلك حكم و أمل. و فعلا دة الحاصل تماما.
بدر الدين العزيز : مودتي لك و تقديري : لو الضرب و ريحة البارود بقو يدخلو جوة الشبكة العنكبوتية ، معناتا يقت زي الحوش ، الكلام دخل جواهو تب. النعمل حسابنا بعد دة.
تسلموا أحبتي
| |
|
|
|
|
|
|
|
|
|
Re: نوم الحيشان و نوم الكيعان (Re: ابو جهينة)
|
ابو جهينة يا رايق
على وزن سفن اب
صباح الحب والاصلاح
ما سمعت بحكاية الراجل اللقى واحد بدق فى مرتو والمراة تكورك قام قال ليه ياجارنا العزيز المرأة بدقوها بى اختها ما بدقوها بالسوط .. سمع صاحب السوط طراطيش كلام فرد مستفسرا: قلت لى شنو .. ردت المراة المدقوقة : قالت ليه قال ليك دق دق ساكت
وجهة نظرى ان الكريم لا يضرب النساء ابدا وان كان لابد فاعلا فعليه بنصيحة الجار العزيز
مع تحياتى
| |
|
|
|
|
|
|
|
|
|
Re: نوم الحيشان و نوم الكيعان (Re: قرشـــو)
|
قرشو : السلام كيمان
و رغم كل هذا و ذاك ، ما زال نوم الحيشان يحتل حيزا كبيرا في مساحة حبنا لموروثات كثيرة ، كحبنا لأكل الويكة ، و العصيدة ، و الكسرة ، و القراصة ، و أم فتفت.
حتى لو بنينا عمارة و شقق بالتكييف المركزي ، فإن الحوش سيظل رمزا بالعنقريب و السرير و الملاية التي تخفق بفعل هبات نسايم العصاري.
تسلم قرشو
| |
|
|
|
|
|
|
| |
ابو جهينة
الفاتح يسن
ABUHUSSEIN
بدرالدين شنا
قرشـــو
فيس بوك
تويتر
انستقرام
يوتيوب
بنتيريست