|
Re: إيميـلك اتأخـر خبـارو (Re: AlRa7mabi)
|
اخى اهل العوض
رحم الله شعراءنا اولئك الذين كانوا يتابعون مسيرة المحبوب من الاسكلا وحتى الرجاف.. لا حوله
بالله مش ناس كانوا فايقين ورايقين
ليتنا نجد بعضا مما وجدوه
ورحم الله شاعرنا ود الرضى الذى قال فى ما معناه ان الحبيبة شايلة استيكة كلما يحاول تناسى حبها تمحى ذلك النسيان..
ياخوى الان اصبحت رسائل الموبايل تقوم مقام كل ذلك وما اجمل رسائله وما احلى وقعها ..
ليتنى املك موبايلا بنفسجيا عزيزى
لك تحياتى وودى
| |
|
|
|
|
|
|
Re: إيميـلك اتأخـر خبـارو (Re: Ahlalawad)
|
الرحمابي ، التحيات لله . أول هم : البكانة ديك ما مشيتا لأنو عهدي بها في هذا البوست بس . تاني هم : الشعر دا خلو ساك الكلام فيه ببتور علي وجع الضرس تالتا : الرقشة موجودة نحمد الله مانا كبار .. زملانا لسع لا ضاقو حنة ولا ضريرة .
العمدة قرشو :
ود الرضي قال : يعاينن توبتي في كامن ضميري ويمحن الشاف روعتن ونور جمالن يمحن قلوبن ما انكون بي نار حسارن قمحن الله يكبرن الكبرني وسمحن
أها ، أنت واقف وين من البكان دا
| |
|
|
|
|
|
|
Re: إيميـلك اتأخـر خبـارو (Re: Ahlalawad)
|
شيري سمدلة على الحلامة والله انا كنت فاكر إنك قسمت الأرض قسمين بمناسبة ذلك البوست المشهور
بالنسبة لقصيدة ود الرضي والله حسب ما أدونا في الروضة دا كل القصيدة هي عبارة عن مقطع دوبيت فقط
وعلى فكرة المقطع اللي أنا افتريت عليه في بداية البوست شعرك الـ للماشطة قلق
هو جزء من أغنية طويلة إسمها يا حمام الأيك سجعة لك تحية والتحية لشاعرنا العظيم ود الرضي
| |
|
|
|
|
|
|
Re: إيميـلك اتأخـر خبـارو (Re: Ahlalawad)
|
شيري - لا خلاص يبقى معلاهش طالما ماك فاكرة يبقى ما فوقكا حاجة . وكفى الله المؤمنين القتال وسلامة نضرك وسمعك ومن قال ومن سمع عجبني احساسك بقدوم السلام ، بس ما قدرت أعبر ، الحبان ختفو الكلام من خشمي . أنا من المتفائلين جدا بقدوم السلام
| |
|
|
|
|
|
|
Re: إيميـلك اتأخـر خبـارو (Re: Ahlalawad)
|
بسم الله الرحمن الرحيم
أهل الجمال والذوق أهل العوض ليك شوق أهل البلاد الفوق
سلام مسلّح
قبل كم يوم خطرت لي فكرة أربط بين صياح الأطفال (الحريقة الحريقة) والتي إتخذها ذلك الشاعر حيلة ليحصل على رؤية محبوبته وصياح الموبايل الذي يفعل فعل السحر في كسر ذلك الجدار السميك والقفل الحديدي الذي ضربه رب البيت ليحمي عرضه بل ويستطيع هذا الموبايل اللعين أن يغير خط سير صاحبته بدلاً من المكتب ألبيت ليصبح المكتب حدائق 35 أيار
لك الود
| |
|
|
|
|
|
|
Re: إيميـلك اتأخـر خبـارو (Re: بدرالدين شنا)
|
الحبيب اهل العوض
لك السلام
والله يا سيدى اثبت لى انك مرجع لا يعلى عليه تعرف انا البيت رايح على وشكله جواى طشاش طشاش لكن بارك الله فيك يا سيدى وكدتو لى تب بالله الناس ديل كانت احسايسهم كيف ؟؟
لك التحايا وزدنا من الروائع ارجوك
| |
|
|
|
|
|
|
Re: إيميـلك اتأخـر خبـارو (Re: Ahlalawad)
|
اهل العوض السلام مليون
باق ليك اسع لو واحد قال لي واحدة الرقيبة قزازة عصير والله العيون متل الفناجيل تقول شنو عارف كان باريت شعر الشايقية تلقي فيهو اوصاف وكلام عجيب كان زول قالا لبنات الزمن دا مابعرف البحصلو شنو
لك السلام والتقدير
عبدالله جعفر
| |
|
|
|
|
|
|
ايميلك اتأخر خبارو (Re: Ahlalawad)
|
العزيز اهل العوض لك الود
انا شايف الجماعة طلعوا من المقرر وما في واحد قال حاجة
سانقل لك عن أحد الاصدقاء قوله هذه الابيات من الدوبيت
الليييييل00 إيميلك وصل جاوب سؤالي وقر
والحاجة العجيبة الرد يجيك في فـــــرة
والسي دي المرق مد اللسان لي بــــــرة
والدســـك إنسرف فضــل يســوي الكـــرة
زنننننننننننننننننننن0
| |
|
|
|
|
|
|
Re: إيميـلك اتأخـر خبـارو (Re: Ahlalawad)
|
ازيك يا بت قضيم. نعلك عافية .. وحمد الله بسلامة العودة . مع اني والله ما عارفك مشيتي وين وعدتي لوين. أها ورينا خترتي وين؟ وعدتي كيف في الهجرة المقلوبة دي؟
(عدل بواسطة Shinteer on 08-23-2003, 03:26 PM)
| |
|
|
|
|
|
|
Re: إيميـلك اتأخـر خبـارو (Re: Shinteer)
|
الله يديك العافية يا ولد حلتنا بكانك هادي وجميل سمعتها تغني ** لا مس كول يجيني منك لا ما ماسنجر يخليني جنبك لا مسج تطميني عنك وانت سائق فيني ظنك غير انك .. لووووووول اقول لي مسيرة يوم وضحوة تسلم يا غالي
| |
|
|
|
|
|
|
Re: إيميـلك اتأخـر خبـارو (Re: Shinteer)
|
شنتير العزيز الله يسلمك ابداً اجازتي السنوية،،، كالعادة،،المانيا اسبوع ،،ثم عدت بإدراجي إلى سويسرا فطرت بعدها إلى العراق ،، بسم الله اقصد جزر المالديف شنتير السودان بالطبع ثم بلاد الملك ارخبيل يطرح البركة فيك ويخليك على السؤال دمت يا صديق
تحياتي للجميع
| |
|
|
|
|
|
|
Re: إيميـلك اتأخـر خبـارو (Re: Ahlalawad)
|
بت قضيم ... غريبة ، يعني أنا برضو مشيت الحتات القلتي عليها دي . إلا العراق ما مشيت . ما كان فضلن لي قروش ، ولا عمر ولا روح . طيب مفروض نكون اتلاقينا مش ؟
| |
|
|
|
|
|
|
Re: إيميـلك اتأخـر خبـارو (Re: Ahlalawad)
|
سلام مربع
ايميلي نويت ابعتلو من دغشا عاينتلو من شباك الجن لقيتو سابق عربات الترايب قت اقلل ضيقو واشرب الشاي بالنعانع وفتحت كمبيوتر الجن قت كان بيهو اعرف خباركن الا لمه في كي بوردي مقطوع الخرايب فيروسا ، شكيتو على الله شل اديني وكسر اطراف المعالق .. كيتا في المصايب ، قديت عين شيطان الفرايس وبي قلم الرصاص بدلت كي بوردي لدقايق انتظر ، ايميلي لا تضيق ، هسع ودعتو وركب الدفاير عاينلو في وشوش الناس ولا تتاوق واوعك تقوللي ايميلك ميد مي وايد جناين هامــــش دفاير : جمع دفار ، ومفردتها دفر وهي وسيلة اخبر عنها الاولين انها تجي في اخر الزمان لتلقطهم وتلمهم من بهدله الشوارع الفرايس : جمع فيروس ، وهو مرض قيل انه يصيب اجهزة الحاسوب لا جراح ولا باطني يطببها . ترايب : جمع تراب وهي عربية قيل ان ناس الخليج من نظافتهم حتى الشوارع لا يحبون ان يرونها مغبره فيستقلونها في ذلك
| |
|
|
|
|
|
|
Re: إيميـلك اتأخـر خبـارو (Re: Shinteer)
|
سلام بوست فى السلك كما يقول الشباب
يقول الشايقى
طويرات الجنة قالى لى ليمسايرك تضفرى ومرات تحلى
الترجمة طيور الجنة الصغار قالوا مرة تفكى شعرك ومرة تضفريه ودى كناية عن انها ما شغالة بيهو التكتح
فطيور الجنة فىالقديم كانت تلعب دور الاتصالات الحديثة وبتلم الشمارات للمحبين المهجورين
امانة الاغانى السودانية دى مافيها مصايب
| |
|
|
|
|
|
|
Re: إيميـلك اتأخـر خبـارو (Re: Ahlalawad)
|
سلام مربع اهل العوض
يخربني ، قد دخل قرعتي دي حاجة من القلتها جلاد جلّ الإله جمّل خلقتك زانا جيدك جيد جٍدًي لكن معاه رزانة جلدن جمّلن جُمل الشعر واوزانا جورهن جار ظلم جرّ المصيبة أذانا
كان نبذتني ولا شكرتني يعلمني الله من حبة الفهم المره الجايه جيب لينا حاجة نفهمها بالله ومع ذلك سمح ، الله يبارك فيك على الاطراء الجميل
| |
|
|
|
|
|
|
|