|
Re: سلطان الكيف يهدد ملايين السودانيين بسرطان الفم (Re: الشاعر)
|
العزيز معتز ....تعلم سف السعوط بيبدا بمراحل سنية صغيرة ....و هي مراحل الواحد ما بيعرف فيها الصاح من الغلط ....و المصيبة الكبار بيساعدو علي كده ...و كتير ما تشوف شخص بالغ يرسل طفل لشراء السعوط او السجائر ...و هنا تبدا محاولات التجريب ...يا طرت منو للابد و يا استمريت .....و انا عندي تجربة زي دي ...اتذكر انا صغير رسلوني لي سعوط ....و انا راجع قلت اجرب الفلم ده ...المهم دنكلت لي سفة ...و عينك ما تشوف الا النور ....عمل فيني عمائل ..و الحمد لله كان درس لي طيرني ليك منو و من السجائر ...و لغاية هسع انا بتذكر الحدث ده و بحمد الله ...من هنا انا بناشد الشباب البسفو ..انو ما يرسلو اي طفل لشراء التمباك ...او السجائر ...و اتمني ان يقلع الكل عن هذه البلوي .... و هناك محمدة كبيرة لي الجنس الناعم ...في انو بيكره لسعوط جدا ...و بيتحاشو كل البيسفو السعوط ....مع انو ظهرت نسبة قليلة من البنات البيسفو ... شكرا لطرحك هذا الموضوع ...
| |
|
|
|
|
|
|
Re: سلطان الكيف يهدد ملايين السودانيين بسرطان الفم (Re: SAMIR IBRAHIM)
|
يامعتز ياخى عليك الله خلينا فى حالنا ووالله لو يعمل سرطان اللثة والمرئ والمعدة والمثانة والمستقيم والمخ كمان فوق البعه ورغم ذلك حنسف وحنسف وحنسف الرجاء التركيز على اللصوص السافين البلد كلها وخاتنها جوة كروشهم النامية من السحت واكل مال اليتامى والمساكين. تقول لى ودعمارى يامعتز
| |
|
|
|
|
|
|
|