|
|
|
 Re: باركوا لأبن اللورد عيد ميلاده (Re: ود العجمى)
|
ولدى الحبيب محمد
انشاء الله ربنا يخليك
لا تتوهدب
لاتهاتى
ولا تعانى
ولا يحكمك حفيد الصادق الذى سيتجوز حفيدة حبوبته وصال وسيلد شيئا ما من (طين)وبعضا من تراب
اعمل حسابك وتذكر دائما انك من (كافوته
وانك من نار
وشعب
واحلام
مبروك السنه ويوم .عمك ما بتأخر لو ما الخواجه (مجارطو )وكلم ابوك يغير اسمو لأن اللورد عندنا تعنى الايجار الشهرى,وفواتير الكهرباء, والغاز,والمويه التى تتحول بقدره عجيبه الى قنابل , ودانات لقتل البشر وتهديدهم فى العراق, والواق الواق, وجزر الشمس والقمر, وماتنسى جزيرة
بجبوج
انشاء الله ياولدى يكون مشاكوس زمانكم فى امبده الحاره الرابعه وتكون الأجنده
الحفاظ على لبن الأم وصحتها
تطوير صناعة ( الحفاظات
رعاية البيئه
زراعة الاشجار والزهور
تربية الطيور والعصافير
مدرسه لكل عشره تلاميذ
سريرين فى المستشفى لكل مواطن قبل ما يمرض
جامعه تخرج الطالب عالم وعارف
منطقه صناعيه تسوى العجب
ودكاكين فيها لبن الطير
استمتع بطفولتك وسلم على اولاد وبنات جيلكم
وفى انتظاركم
ياود العجمى بركاتك تلحقنا وتنجدنا
أمين يارب العالين
| |
 
|
|
|
|
|
|
|
|
Re: باركوا لأبن اللورد عيد ميلاده (Re: ود العجمى)
|
وا فضيحتاه جيت اخر زول
محمد سنه حلوه يا جميل واعوام قادمات اجمل ووطن اخضر
والبنحلم بيهو يوماتى
وطن بالفيهو نتساوى
نحلم
نقرا
نتداوى
ما تقيف حدود احلامكم عنده
وتبقى احلامكم
محمد يركب الصاروخ ويمشى للقمرة
مقيل فى المريخ ومبيت فى الزهرة
| |
|
|
|
|
|
|
|
|
|
Re: باركوا لأبن اللورد عيد ميلاده (Re: ود العجمى)
|
استاذنا الموصلى لك التحية يا راقى
وربنا يجيبكم بالسلامة البنحلم بيها يوماتى
بالمناسبة أم محمد هى من تلامذتك يا غالى
أبوعثمان لك الود يا غالى وبعدين بركة بالشوفة وانت مالك زى قريبك فجراوى طلتك زى الموية والكهرباء عندنا يعنى تتأخر لامن تشتهيها
بدر الدين خطتك نجحت والله وأدينا أفكار جديدة
لك الشكر يا فنان
أهل العوض ود الناس الحلوين ناس الكرم والجود
حكاية حماة دى أظنها مكربناك من بدرى
من زمن حمادة يا ناس بريدو حمادة بوظ اعصابنا
المهندس
ابويسرا
الخواجة أمبديات
لكم الشكر والتحايا الغالية
مارد الواخد قلبك يتهانابو وياخى بختك انت عندك قلب حى لحدى هسى وبياخدوه منك نحنا هنا قلبنا مات
لك الود وكنت وعدتنا تكتب لينا عن المغرب ولسع ما شفنا حاجة الله يورينا
بكرى سيد الكورة لبدت ليك بكم بوست وقصدتك عديل لكن وحاتك يا غالى ما عبرتنى بكلمة يا زول حسنا فعلت انا زول لايوق وانتوا ما فاضين ربنا يكون فى عونكم لك تحية واعتزارات يا غالى
فجراوى التربال الضل طريقو لدول العالم الاول حمودى من الحجير لكن اشحد الله يشوف سواقيه وطواريه وما يبارى الحاجات الودتكم للأولاد عمنا سام سلامى لنبة الغالية وأمها وأخوانها
هالة الغالية العزيزة التاخير ما من شيمتك ويبدو ان ظروفك مش ولا بد لك التحية وما فى عتاب الشهداء بتسلم عليك والاسكلة ونيالا والبان جديد . اسمعينى ما بان جديد فى دنياكم . سلمى على اسيادك
معليش يا جماعة الولد ابوه اتأخر خلونى ابقى ليه ابوه . والله تحت تحت كدا الولد مصيبتو مصيبة يكون ابوه اللورد
| |
|
|
|
|
|
|
|
|
|
Re: باركوا لأبن اللورد عيد ميلاده (Re: ود العجمى)
|
شينة ؟!!!!!!!!!!!!!!!!!!!!
انت نسيت صورتك النزلتها مرة في البورد
بعدها تاني اصلو ما تجيب سيرة الشنا
دي بتي هبة عمرها هسي سنتين وخمسة شهور
ولو عندك جهر بطل اكل ملاح الويكاب
قال شينة قال
| |
|
|
|
|
|
|
| |
ود العجمى
ابو عثمان
بدرالدين شنا
Ahlalawad
almohndis
ابو يسرا
امبدويات
Elmosley
بكرى ابوبكر
altahir_2
الجندرية
doma
فيس بوك
تويتر
انستقرام
يوتيوب
بنتيريست