المغتربين و هم الإستعداد للإجازات

الأخ فيصل النعيمة لك تحياتي
شكرا على المداخلة
نعم اخي الاغتراب له تبعاته و ضرائبه التي يتكبدها المغترب من كل الاتجاهات حتى التبعات التي تنعكس على سلوك البعض و تصرافاتهم التي تخالف العقل و الحكمة .
اما ظلم ابناء المغتربين من الحاصلين على الشعادة العربية فهذا لا يختلف عليه اثنان . انا واحدة من الذين وقع عليهم أشد الظلم من التعامل المجحف في حق أبناء المغتربين الحاصلين على الشهادات العربية ، ومستوى الشهادة الثانوية من دولة الإمارات الدولة التي أقيم فيها لا تقل بأي حال نم الأحوال عن مستوى الشهادة السودانية ولا تحتسب أي درجات أعمال سنة ، ضمن الدرجات النهائية.
اما المبالغ المالية التي يثقل بها كاهل الآباء المغتربين من أجل الحصول على فرص لتعليم أبنائهم في الجامعات السودانية ، فحدث ولا حرج ، وكما ذكرت فالكثير من المغتربين يعملون في مهن بسيطة ولا يستطيعون تغطية نفقات تعليم أبنائهم في السودان رغم اغترابهم.
والله المغتربين ديل عازين ليهم وزارة براهم تحل مشاكلهم ، لأنو السودان كلو اغترب ، و انتشر المغتربين السودانيين في أصقاع الأرض الرحبه ، هذا إذا لم يكونوا قد اغتربوا في المريخ زاتو .
الله يعين الجميع.
شكرا مرة أخرى .



الأخ مو
شكرا ليك على التعقيب
الله يصلح حال الوطن ويعين من اغترب عنه و يرد غربته ، والتحية و الاحترام للمكافحين من داخل الوطن .



الأخ نزار حسين
شكلك كده بطنك طامة شديد الذهب .
بس والله برافو عليك عشان اتوصلت لحل يرضي جميع الأطراف ، و يبعد عنك بتاعين التفتيش و الجمارك السغيلين .
عليك الله ممكن تفصل لينا الحل شويه عشان الناس تستفيد من تجربتك . وكل من عنده اقتراح أو حل يخفف من أعباء السفر والإجازة رجاء يلحقنا بيهو ، ويكون ليه الأجر العظيم.




الزولة123 اللذيذة /

قلتي لي المغربين وهم وهم … ؟
ناقصها كلمة كرور عشان تتم الناقصة و يكتمل المعنى، أصلهم بسافروا محملين بالكرور في شنط كتيييييرة .

تحياتي