|
رزقت بطفله جميله صارت تؤم روحي
|
اطلت في دنياي قمرا وسجعت في مهدها اجمل وارق الالحان صوت طفولي عوضني الكثير اطلقنا عليها اسم يمنى زف الاهل المباركات والتهاني من ام درمان والحصحيصا والهلاليه ومدني وتمنوا لها حياه سعيده
|
|
|
|
|
|
|
|
Re: رزقت بطفله جميله صارت تؤم روحي (Re: بت قضيم)
|
الغاليه بت قضيم الله يبارك فيك ويديك الفي مرادك والله قطعتي مصاريني بالضحك ههههههههه يكه على راي الزول زاتو لكن اهل العوض زول واجبه وما بقصر وكل الاخوان ما بقصروا شكرا للطله وعلى الود نبقى ابو يوسف
| |
|
|
|
|
|
|
Re: رزقت بطفله جميله صارت تؤم روحي (Re: Ahlalawad)
|
الاخ ابو يوسف
الف الف الف مبروك يا سيدى وربنا يجعلها من بنات المستقبل المستورات ويجعلها غرة لاعينكم ..
صدقنى عزيزى البنات رياحين البيت وستجد لها طعما يختلف عن اخوتها الذكور فهن رحمة منذ طفولتهن وستجد كم ستكون متعلقة بك..
رزقت ثلاث من الذكور وكل مرة اتمنى ان يرزقنى الله بانثى لانها فعلا شىء مختلف فهنئيا لك اخى الكريم ورينا يسعدكم بيها
والف حمدا لله على سلامة المدام
تهانىء لكما معا وتحياتى
| |
|
|
|
|
|
|
Re: رزقت بطفله جميله صارت تؤم روحي (Re: shiry)
|
الاخت العزيزه شيري الله يبارك فيك ويوعدك بي زريه صالحه ولو كلمتينا كان سمينها شيري عشان ما يضيع علينا دهب باب شريف المشهور بي جودته لكن بندلعا ونقول ليها شيري اها دي ما بي خاتم وعلى الود نبقى ابو يوسف
| |
|
|
|
|
|
|
Re: رزقت بطفله جميله صارت تؤم روحي (Re: غدى)
|
الف مبروك يمنى نتمنى ان تنمو فى كنف الحب و المودة و ان يكون قدومها يمنآ و بركة عليكم
و اذكر حين ولد شقيقى الأصغر فى عام 1973 فى خضم المظاهرات الشهيرة ضد سلطة نميرى سمّاه والدنا بشرى ليكون بشرى للشعب السودانى و لكن مرت 12 عامآ اخرى حتى تمكن السودانيون من اسقاط نظام مايو فى 1985
| |
|
|
|
|
|
|
Re: رزقت بطفله جميله صارت تؤم روحي (Re: غدى)
|
بسم الله الرحمن الرحيم
هي يا أخواني حلالالالالالالالالالالاتا .. أه ولا دي حقة غدي
أخي يوسف مبروكة البنية وحمداً لله على سلامة المدام
ويمنى إسم جميل ربنا يجعلها اليد اليمنى للإسلام ولوالديها ولسودان العزة آمييييييييييييييييين يارب العالمين
| |
|
|
|
|
|
|
Re: رزقت بطفله جميله صارت تؤم روحي (Re: garjah)
|
الف مبروك يا ابو يوسف وجعلها الله ذخرا للوطن
واقر بها اعينكم ووالدتها
والبت الصورتهاجنبك دى ، اسمها يسرا
على الاية
ان بعد العسر... يسرا
ويقال ان الاسم له اثر كبير على شخصية حامله
فلتكن يمنى ، يمنا
| |
|
|
|
|
|
|
Re: رزقت بطفله جميله صارت تؤم روحي (Re: Elmosley)
|
ايوي يو يو يو يووووووووووووووووي
مبرووووووووك البنية وا حلاتي يا بنات امي والله شبه ابوها الخالق الناطق مبروك يا ابو يوسف وتتربى في عزكم وشااااايلة اسمها انشاء الله اها يا ود امي ما قلت لي لاسماية متين درررر
| |
|
|
|
|
|
|
Re: رزقت بطفله جميله صارت تؤم روحي (Re: ابويوسف)
|
الاخ ابو يوسف الف مبروك البنيه العروسة ..وعقبال ما تفرح بيها يا رب وهى خريجه وتوصلا لى بيت العدل ..والف حمد الله على سلامة امها .. ربنا يخليها ليكم .وتجيب اخوانها على قول حبوبة
| |
|
|
|
|
|
|
Re: رزقت بطفله جميله صارت تؤم روحي (Re: ابويوسف)
|
مبروك أخي ود يوسف وانشاء الله تكون طلعت أمبارح ما الليلة وربنا يحفظها ليك ولأمها التي أرجو ألا تكون قد تعبت في الولادة حمد لله على سلامتها ربنا يجعلها من بنات السودان البارات تبنيه مع كل اخوانها واخواتها رباح
| |
|
|
|
|
|
|
Re: رزقت بطفله جميله صارت تؤم روحي (Re: رباح الصادق)
|
سلامات ابو يوسف جعلها الله من الطاهرات العفيفات وان تهداء بها ويوسف عينك وان يكونوا كما تتمني انت لهم وان يجعلها الله واخوها يوسف من الابرار الاطهار وان يكونوا سيوف حق وظلال رحمة وثمار خير وفير حفظهما الله لك ولامهم الرؤوم ودامت لك السعادة
| |
|
|
|
|
|
|
Re: رزقت بطفله جميله صارت تؤم روحي (Re: بكرى ابوبكر)
|
الأخ أبو يوسف ألف مبروك .ز ندعو اله العلي القدير أن يحفظها ويجعلهامن الصالخات بارة بوالديها والله البنت بتفرح كثير .. ماشقت أنا لما ابو لي بت فرحت بيها قد كيف وكانت البكر . بس أعمل حسابك البنات بكبروا الواحد سريع
| |
|
|
|
|
|
|
Re: رزقت بطفله جميله صارت تؤم روحي (Re: ابويوسف)
|
فى اللحظة ديك والتو فى لحظة الميلاد كنتى نقطة ضو
الأخ أبويوسف ألف مبروك البنية .. وان شاءالله تربى فى عزك .. واتمنى انو ربنا يجعلا من الأضافات الفاعلة والخلاقة لمجتمعنا السودانى
ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ البلاد التى ضيعت خاتما، البلاد التى دائما ستظل محنية، فوق الجثث ونحن سنبقى هنا، هناك، سوف نعلو بالذنوب الخفيفة فوق هذا العب
| |
|
|
|
|
|
|
Re: رزقت بطفله جميله صارت تؤم روحي (Re: كوليل)
|
الاخت العزيزه شيري الله يبارك فيك ويوعدك بي زريه صالحه ولو كلمتينا كان سمينها شيري عشان ما يضيع علينا دهب باب شريف المشهور بي جودته لكن بندلعا ونقول ليها شيري اها دي ما بي خاتم
دى ذكرتنى قصة الحرامى الدخل على زوج وزوجة وشال كل الهدوم سال الزوجة اسمك منو قالت : عشه الله دى ما أسم امى رجع الهدوم سال الزوج اسمك منو قال اسمى عباس لكن تحت بيقولى عشه لكم التحية ابويوسف شيرى
| |
|
|
|
|
|
|
Re: رزقت بطفله جميله صارت تؤم روحي (Re: كوليل)
|
الأخ أبو يوسف
مرسل لك من حبوبة الزلال جركانة كركار، وأربعة ترطال زيت سمسم بكري، وطاقة دمور، وشبشب كربشين، وتوب فاطنة رشدي، وشوية اكسسوارات من ناس بنابر وكدة .. لزوم تجهيز العروسة يمنى، وعشان تتعلم مبادئ التراث والسودنة .. كمان تقبل سلام جدها ودعباس، وقال لو كانت ولد كان رسل ليها قطع جنينة أو فاشري، بس اكتفى بكزازة السمن
............... ألف مبروك يمنى وجعلها قرة عينك وعين والدتها وحفظها الله من كل سوء.
| |
|
|
|
|
|
|
Re: رزقت بطفله جميله صارت تؤم روحي (Re: SAdo7)
|
الاخوان والاخوات الاكارم بدر الدين شنا الشريف نزار حسين قرجه تماضر الموصلي درر سودانيه ياسر حنا خالد عويس زهره لنا مهدي سوما مهيره ابوحسين عمك تنقو الفاتح رباح الصادق ودرمليه بكري ابوبكر
انا بيكم ماليني الكلام كل كلمات الشكر لا توازي ولا تكافئ مقامكم السامي وعلى الود المقيم نبقى ابو يوسف
| |
|
|
|
|
|
|
Re: رزقت بطفله جميله صارت تؤم روحي (Re: SAdo7)
|
الاخوان والاخوات الاكارم بدر الدين شنا الشريف نزار حسين قرجه تماضر الموصلي درر سودانيه ياسر حنا خالد عويس زهره لنا مهدي سوما مهيره ابوحسين عمك تنقو الفاتح رباح الصادق ودرمليه بكري ابوبكر
انا بيكم ماليني الكلام كل كلمات الشكر لا توازي ولا تكافئ مقامكم السامي وعلى الود المقيم نبقى ابو يوسف
| |
|
|
|
|
|
|
Re: رزقت بطفله جميله صارت تؤم روحي (Re: ابويوسف)
|
الاعزاء
فيصل النعيمه نهى g خضر حسين هوزي عادل عبد العاطي زمراوي الصادق دوما ولياب الجعلي المسافه اسامه الخاتم كوليل صادوح
شكرا للمداخله وطبعا انتم مني وانا منكم ونجيكم دايما في السمح والزين وعلى الود نبقى ابويوسف
| |
|
|
|
|
|
|
|