|
|
 ده يوم شنو ده
|
امى عمتى بنت عم ابوى طوالى اسال الله ان يطيل
لى فى عمرها قالت لى من ثلاثه عقود ونيف كنت كثير البكاء قليل الصمت وكان عندما يمر يوم 22 /5 من كل عام
بتبكى كتير والشغله صارت ماشه على هذا المنوال لغاية
لحظة كتابتى دى الغريب فى الامر يوم 22/5 يوم مولدى
انتهيت من مراسم الاحتفال منذ لحظات وقلتا اوصل بقية الفرح المحزن معاك ايوه فرح محزن لاننى صراحه كده مدبرس
دبرسه غير عاديه يكون من شنو يا جماعه ولا تزعل يا وليد كل سنه وانت طيب وكل عام وانت بخير وسنه حلوه يا جميل
لغاية اللحظه دى وصلتنى رسالة واحده عبر الاميل بمناسبة ميلادى ومن اعز عزيز وده نصها احببت ان اضيفها هنا
وليد ,,ورور
كل سنه
كل شهر
كل اسبوع
كل يوم
وانت بالف خير
كان نفسي اقولها ليك مش اكتبها
بس اعمل شنو معليش
ما باليد حيله
|
|
 
|
|
|
|
|
|
|
 Re: ده يوم شنو ده (Re: benyya)
|
الاخ وليد
يارب تكون كل ايامك افراح وضحكات وابتسامات
وكل سنة وانت طيب وعيد سعيد
اكيد الكلمات الحلوة وصلتك من الخطيبة
اتمني لك السعادة دوماً وسنة حلوة يا وليد
| |
|
|
|
|
|
|
|
|
 Re: ده يوم شنو ده (Re: Tumadir)
|
وانتى طيبه استاذه تماضر
الوالده كانت بتقول يا وليد يا ولدى
كنت عنيد جدا ما بتسمع الكلام نقول ليك
امشى شمال تمشى يمين والغريب فى الامر لازلتا امشى يمين انتى موش معاى مشى اليمين افضل يا تماضر يا خالتى؟؟؟؟؟؟؟
| |
|
|
|
|
|
|
|
|
|
Re: ده يوم شنو ده (Re: waleed500)
|
وليد..
كل سنه انت طيب ..قليل من الحزن قد يمنح قيمة ..لما فقدنا من أفراح ..أوربما أدراك لأنك كل عام تضيع منك ملامح وتكتسب غيرها ..كل عام وأنت تعيش أحاسيسك كامله ..فمن متناقض الأحاسيس تولد انسانيتنا..
تحياتي.........أسآي
| |
|
|
|
|
|
|
|
|
|
Re: ده يوم شنو ده (Re: waleed500)
|
♥تراودني احلام الطفولة .. تتمرد على شبابي ..
ترجعني لشقوتي وبراءتي .. فأجد نفسي مستلقياً في ذلك
البيت الخشبي الذي بنيناه انا واولاد حارتنا على جذوع
الشجرة .. تخطفني الاحلام البعيدة الى الامنيات التي لم
تتحقق حين كبرت ..فأعد النجوم واسبح في فضاء الليل
الصافي .. اقفز من كوكب الى كوكب .. واتعلق بشعاع
القمر المستنير .. واودع الشهب المغادرة , وانتظر
شروق الشمس من وراء الجبال العظيمة ..فأركض بين الحقول
وفي السهل الواسع بين الحشائش الطويلة .. اركض كالقزم
الغارق في امواج البحر الهادرة .. تلاحقني الفراشات والعصافير
المغردة ..حتى وصلت الى نهر حلتنا الصغيرة .. ووجدت عليه فتاة
صغيرة .. تملأ الماء في الجردل .. اقتربت لمساعدتها .. ولكن غرورها
رفض مساعدتي لها .. فعيناها تدعوني لمرافقتها ولكن كبرياءها كان
يقطع علي المحاوله ..فتمشي في طريقها فأسبقها وتسبقني .. حتى صارت
تقفز امواج الماء من الجردل .. فأبطأت المسير .. ومشت من امامي
كما يمشي الطاووس بكبرياء .. تنظر الي عيناها كالمنتصر على خصمه ..
ورموشها الطويله التي تسبق نظراتها .. كجناحاي فراشة حائرة ..
وحاجبيها الطويلان الذين يتراقصان لأعلى .. كمن ينكر جريمة ارتكبها ..
فوقفت غاضباً وحائراً وشوق في صدري يدفعني لمرافقة القرويه ..
ولكني قررت العودة عبر الغابة المنسية .. وعدت ادراجي والندم يحيط
بي من كل النواحي ..كيف فارقت القرويه ..؟؟ فأنت لم تعرف مرادها
ولا سر حركاتها وما ترمي اليه نظراتها .. ولكن كبريائي رفض التنازل
وواصلت المسير حتى انهكني التعب .. فتسلقت جذع شجرة لأستريح عليه ..
وبعد دقائق سمعت لهثة باحث عن عزيز مغادر .. واذا بها تلك القرويه..
فجثمت على ركبتيها واخذت تبكي .. حزنت عليها وما ان كادت تدمع عيني
حتى صرخت فجأة .. فوقعت من على الجذع مذعوراً من تلك الصرخة ..
فانتبهت الي .. وقامت تمسح دموعها وتقترب مني .. وكلما اقتربت مني
اخذت تكبر وتكبر حتى صارت صبية .. ووجدتني شاباً كبيراً .. ووقفنا
صامتين وفي داخلنا تلهو وتلعب الطفولة .. حدقت اعيننا طويلاً في نفسينا ..
فمسكت يدي ومسكت يدها .. ورحنا نكتب اسمينا على جذوع واوراق الشجر ..
وطرنا كطائري سنونو في سماء الدنيا .. نحلق حول بعضنا البعض في غمرة المساء ..
ولكن تاهت عني سنونيتي وبقيت وحيداً في مهجري .. بقيت طيراً من طيور السنونو
ابحث عن سنونيتي .. اين انت يا سنونيتي ؟؟ طال هجرك ورحيلك .. وطال عذابي
في بعادك .. فقد ابتعد يوم ميلادي .. ويعز علي ان يمضي ذكراه دون ان نفرح انا
وانت بذكراه .. فيوم ميلادي هو يوم التقيت بك .. عودي الي يا سنونيتي ..
فانا انتظرك .. انتظرك .. انتظرك ..
مع اطيب المنى
وما زلت ابحث عن شريكتى!!!!؟
| |
|
|
|
|
|
|
|
|
|
Re: ده يوم شنو ده (Re: Abdalla Gaafar)
|
الوليد خمسمية
كل سنة وانت طيب
والسنة الجاية انشاء الله تحتفل مع بت عم ابوك
ويرسلوك تجيب زيت السمسم لي الفول
وثلاتة شمعات ونص
وليد وعرفناها
الخمسمية دي شنو؟؟؟؟؟؟؟
ريال
دولار
شيك سياحي؟؟
ام
هي
رقم
في الخيال
متعك الله بخمسمية عافية
| |
|
|
|
|
|
|
| |
waleed500
benyya
ابو يسرا
BousH
Tumadir
nazar hussien
فيس بوك
تويتر
انستقرام
يوتيوب
بنتيريست