قبل ان تفــلل الواطه
اول الحكي في الغالب ناكل ما نحب ان نأكله غير انه كثيرا ما نضطر ان نجرب مالا نحب ان ناكله في ظروف غير عادية وامال تميل نحو الابهام شـــيري بعد ان خزلتها الحمامة والمكيف ______ كيف تتغلب على زهج اصله واطه حاره بالخارج سلام مربع الدنيا خميس .. اما الواطه فهي نهار ، ونهار حره يغلي عديل كده .. فتحت نافذتي التي غالبا ما تجافيها العصافير لا ركا ولا نقّيراً .. فهي اولا تشرع ضلفاتها في اتجاه الشمس ان اشرقت او نصصت النهار وثانيا يخرب شارعنا من اسم الشجرايه ، ان كانت بانه ولا دقن باشا ولا حتى لبلابه .. الاهم من ذلك كما قلت قبل كده حرام فتحت النوافذ هنا ، ثم ماذا يوديني ان افتحها فانا لست الاميره ريماس حتى يتكسر الشعراء ويجيبوا كماناتهم ويعزفون لي تحت نافذتي ..ولست شهر زاد ولا شهر زاد اصلا كانت تسكن جده .. اذ انه ولو كانت تسكن هنا لتغير اسمها ورسمها وطبعها ولاصبحت زهجانه زاد او حينما يطلق عليها اسم طفشانه زاد او هتراشه زاد تدليعا فيمكن لاخويها الشريرين مثل فعلا اخوي معي انا .. اللذان لا يفتئان يردماني بشرورهم والتي من عينتها انهم يجبروني على مشاهدة المصارعة او مباريات الدوري السعودي او الدوري السوداني .. وينسون تماما اني انثي لها كريماتها اقصد لها ميولها اللطيفه . كمشاهدة قناة الفيشون على الاقل حينما اشاهد المسلسلات العربية اوبرامج الاغاني يكون في امكاني ان انتقي لي فستان يشبهني .. ومع انني ضد هذه النظرية التي تقول ان المشكلة دائما في الشماعة .. فانا احب عينة هذا المثل (لبس بت ام لعاب تصبح عروسه) .. توكلت على الحي الذي لا يموت وفتحت نافذتي لا يحدوني امل ان اجد اسفل النافذة عشاقا ينتظروني بالالحان ولا امل ان اجد الفراشات تتحاوم طربانه وعصافير الجنه تشقشق ولا حتى الطيره ام طبق .. هل لديها طبق تماما ؟ ماشفتها فانا سميعه ..ولا غايتي رذاذ المطر الذي يغازل البنفسج .. فكان كل غرضي ان اسرق لي من الجحيم الكامن تحت غرفتي سموما يزح شوية من كتمة هذه الغرفة التي اتخذها سكن مؤقت في انتظار ان يشيلني عريسي الى بيتهم الذي اصلا ماعارفاهو وين ح يكون .. زهجني هذا العريس كل يوم بفكره .. موش عرس خليناهو . ياهذه السخانه التي تلحم عديل كده ، لذلك لابد من البحث من طريقة ابرد بها رأسي شويه .. اذ حدث انه وانا في عز قعادي في غرفتي اذا تناهي لي طااااااخ كرووووووووورببب ودون ان ادري لبت تحت طاولتي .. وهرول ورائي يلاحقني الكي بورد والمينتور .. واشياء اخرى لا تمت للكموبيتر والا الطاولة بصلة . اشياء كريميه وزيوت .. وللحظات طويلة لم تتوقف دقات قلبي .. ولم افتح عيوني لاري حولي .. ولم افك راسي المدوقس دا المحاصر بيدي كأنني ان فتحت عيوني سوف يقدها ذاك الصوت الداوي ..واذ بي افجأ بالسيرلانكيه واخوي المفلقص ومن بعدها جاءتني سكلبت امي . سجمي الليلة وين البت دي ؟ ولم ارفع راسي الا حينما دخلت قعر اضاني كلمة سجمي .. رغم انني مازلت اجهل ماذا حدث وما الذي يجري هسع؟ .. وبعد فتيش عني وبحث مضني اخرجوني وانا في ذاك الوضع الخائف .. واكتشفنا انه المكيف .. قاتله الله . اذ حدث ان دقست حمامة كانت تسكن بالقرب من مكيفي وانزلقت رجلها وجات الطوبة في المعطوبه . وبس .. وانا الان اتجه الى نافذتي لا تخلص من هذا الحر الذي يصهر اسلاك نافوخي .. وكان لابد ان افتح باب غرفتي ليأتيني هواء من الصالة .. لكنه اخي المفلقص منعني ان افعل ذلك ، اذ انه يشاهد في التلفاز . فكان لابد ان اتخلص من صوت الغناية وانا لا يمكنني ان اتخلى عن صوت هذه الغناية التي تزهج عديل كده .. والحر يزهجني ويتمدد دواخلي كسل يمنعني من امد يدي لاقفل المسجل واطم هذه الغناية وفي نفس الوقت متشعلقه معاي غنوه غياااظه قمت بها من النوم وحتى هذه اللحظة حالفة يمين ان لا تفارقني .. شفتم ثقالة هذه الغنوه وغنايتها .. وهو ايضا غيظة فيني لن يتركني اترك الباب متاااقي ..وطبعا لن يقوم ليقفل لي مسجلي اذ انه ايضا ريموتي الطبع .. يكدس امامه كل الرمايت . تلفزيون مسجل ، مكيف .. رسيفر .. فيديو .. مروحه .. وووو ودورت هنا وهناك وهنا وهناك هذه لا تعني باي حال من الاحوال الاركان الاربعة .. مثلما قال البرعي لكنها تعني جمبي وجمبي .. فكيف اتحاوم في اركان غرفتي الاربعة والحر الذي يظلط يسيطر تماما على غرفتي .. ولا ادري من اعطي الحمام صفة السلام .. ؟؟ فكيف تفسرون لي ان حمامة تجلب لي التعاسه والحر الذي يجعلك خاملا حتى لا تستطيع ان تمد يدك للرمايت (جمع رموت) غايتو انا جمعتها كده العايز يجمعها يجمعها بعيد عني وليس في هذه الساعة الضيقه .. اذا ثلاثة اشياء اشتركت في اغاظتي غنوة من الصباح لا تغادرني .. وحمامة تخرب مكيفي .. وغناية في شريط لا اجد ريموت المسجل لاوقفها .. وسيرلانكيه تغيظني بوقفتها واصرارها ان لديها مشكلة وتريدني ان احلها لها .. الم اقل لكم ان هذه السيرالانكيه مثل ديك البطانه لا تعرف الا الاوقات التي تكون (قافل) فيها مخك من الصباح موش لاجل عمليات الصيانه فيه .وبرضو لداحه كده موش ممكن تسيبني في حالي الذي يصعب على امريكا التي صعب عليها حال الحكومة وقامت ادتها برتقانه وادت الحركه تمر هندي عشان امريكان بعدين تشيل الناتج .. يا ليتني املك رموت لحواسي السته ، لا تغالطوني في حواسي بالله ارجوكم .. لكنت استعملت هذا الرموت في قفل اضاني في اوقات الزروه كاللحظة التي انا فيها .. بالاضافة الى اوقات دعوات ماما الماحقات الساحقات التي تقذفني بها اذا ما زهجتها او حرقة روحها بهترشتي وساعتها لن يهمني كثير فيما تدعوا به ولا يجد صراخها ونبذها اصلا اضان فاتحه .. او حينما تحدثني السيرلانكيه بنفس لهجتها على اعتبار انني افهمها .. او ريموت استعمله ل(خشمي) دا فاظنه يحتاج ريموت من نوع خاص اذا انه غالبا مايحدث ان احتاج لا غلقه .. فهذا الخشم وهترشته وحدها مؤشر خطير لنهاية الدنيا .. على الاقل قيامتي انا .. وليس قيامتكم انتم عشان ما تزعل بت قضيم فلديها احلام كثيره لم تحققها ومن ضمنها ان تكتشف كريم يبقى الشينات نوعا ما شبه البنوت الزينات وليس السمحات اذ ان السمحات تعني طبقة اعلى .. ____ راجعين .. الصابرات روابح (عدل بواسطة shiry on 05-22-2003, 01:58 PM)

05-22-2003, 11:40 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
كيف تخترع رمايت لتتحكم في حواسك ومازال المكيف لا يعمل .. رغم انني خلاااص وصلت معاي الى هنا .. ياخواتي ما تفكوني من الغناية البتلعلع في المسجل دا .. قالت ايه . انا بخش السفارة .. طالبه عمره وزيارة .. الحمد الله العمره اهو عصام البشير قفل العمره شوفي ليك طريقة تانيه عشان تدخلي بيها السعودية ابشرك بسواد حظك .. شوفي ليك حتى تانيه تدخلي بيها .. والله الا تجي فيزة (سواقه) .. ياه . تذكرت هذه السواقة التي طايره لي في راسي المبشتن دا .. لماذا لا يسمحون هنا للبنات بقيادة السيارة . كان على الاقل مزقوا فاتورة السواقين .. تخيلوا اعرف سواق جيراننا جاءهم من مدة في ذات مره وفي عينيه ذلك الحزن وذلك الاصرار العجيب -ماما انا في راس خراااب كتير انا في روح بلاد أنا مافي ايجي .. انافي) بسوره) _يقصد عياله _ في زعلان هو في كلام كتبوا جواب هو كلام لازم أنا في انت يجي ولا شتلوا بسوره وانا في سوا سوا ... روح بحر موت .. ولم ينتظر طويلا حتى (يدقوا) ليهو في جوازه الخروج النهائي ..حزم حقائبه التي لا تحتوي اكثر من هدومه التي جاء بها وتنازل حتى مرتب هذا الشهر وجمع فلوسه التي كانت تحت سريره .ووضع مفتاح سيارتهم عليها .. وفتح الباب وكل الذي قاله السلام اليكم ماما . سلام بابا .. لان الرسالة التي كانت قد وصلته من ام العيال واضحة وصريحة .. لا تقبل انصاف الحلول والمحركه اذا لم ترجع سوف ننتحر كلنا ونريحك. من منكم يجروء على اتخاذ هذا القرار ..الخاطف السريع القوي الشجاع ؟؟ عن نفسي بي شوق كثير خالص لكباية ليمون باااااارد من كافتيريا الجامعة وان كانت جواها (تلجه) تزاوغ من يدي جاي وجاي ابدا لا امانع .. المهم كباية الليمون مخلوطه بموية البحر . انشاء الله عكرااااانه ومليانه طمي حتى نصفها .. المهم تكون فيها التلجه وسكر كتييير .. اشم رائحة تأتيني من مطبخ امي الغاليه ..سوف اتوجه الى رحابها حتى اقعد معها اتفاقيه ان تسيبني اكل هذه اللحظة ودون انتظار ..للجيش العرمر الذي يلملم اطرافه لمنازلة سفرتنا المسكينه ..وسوف اشرح لها كيف تتخلص من الباتنجان دون ان تضطر لاستخدام لجنة الامم المتحده الخاص .بنزع اسلحة الدمار من العالم مكسب كبير لها ان اشرح لها 4 طرق ساهلة وبسيطه تتخلص فيها من مخلفات هترشتي دون ان تضطر لتقرش معها حسها .. اصلو قالوا للبلوه ثلاثة وجوه مكيف خرباااان في نهار زي دا وبنت مهترشه تفتقد الى مكيفها الخربان وامامها كي بورد . وحمامه داقسه من الشعب راكه في القصر الجمهوري تصدق حقا ان الحكومه والحركه يريدان السلام الفعلي. ودعتكم الله (عدل بواسطة shiry on 05-22-2003, 01:59 PM)

05-22-2003, 11:51 AM

اساسي

اساسي
تاريخ التسجيل: 07-20-2002
مجموع المشاركات: 16468

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
شيري والله ما قريت كلامك الكتير الفوق دا طبعتوا وحامشي اقفلها مع نفسي بيهو في البيت لكن من قريت بداية كلامك اتزكرت اني مع اخوي امس بنتونس كدا وماشين علي البيت طبعا هو جاء من السودان قريب دا مرينا ببرميل قمامة الله يكرم السامعين عاين للكدايس اللامة فيهو كدا قام قال لي عليك الله شوف كدايس البلد دي كلها مشردة لكن عاين ليها سمينة كيف وكدايسنا هناك في السودان ساكنة معانا في البيوت لكن الجوع كاتلها ما عرفت اضحك ولا ازعل غايتو ومن وين جاب الحكمة دي ما عارفه عموما قال لي كان طبعت لي بوست لي شيري اشتري لي معاك نظارات تاني لانه بتكم دي بتقسم الكلام زي مكنة الهوستن لوووووووووووووووووول

05-22-2003, 12:11 PM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: اساسي)
سلام مربع اساسي هي كدايسهم بس ؟ هناك الحمام ساكن جوه البرج موش برضو بسموهو البرج . الحمد الله اتذكرته . ..ومسحت الكلمه الكتبتها هنا حتى لا تشمت في الاعداء اساسي المهم هناك برضو حمامنا ساكن في بيتو وبرضو ضعيف وهنا الحمام (داشر) ماعندي سيد ولا احد ياكل الحمام البته وان جاءت نفسك في جوز حمام .. يخبرونك ان تدفع فلوس تجيب خروف عديل كده ومع ذلك سبب واحد يخلي حمامه اسمن من الكديسه تدخل مكيفي مافي وتكسر لي ريش المكيف وتقعدني في هذا الحر الذي يقلي البن وحات نظري الحمامه قعدت تلاوي في ريش المكيف وهو مدور لمن جابت اجلو وبعد دا كلو لم تمرق منو الا بنتيف الريش بس مع انني كنت اتمني نتيف الريش دا يجي لناس الحكومه شيكتوم على الله جوعوا كدايسنا وحمامنا وخزلونا كلنا جنوبنا وشمالنا وغربنا ومغتربينا عشان ما يزعلوا وسلم لي على اخوك وقول ليهو النضاره بتجيك في شنو ؟ مكنة الهوستن لا ياخوي بنرسلها ليهو في سودانير (عدل بواسطة shiry on 05-22-2003, 12:13 PM)

05-22-2003, 12:35 PM

imad braka

imad braka
تاريخ التسجيل: 03-23-2002
مجموع المشاركات: 197

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: اساسي)
طبعا يا اختى شيرى بقدر ما عجبنى اسلوبك فى القصص والحكاوى .. ادهشنى اكثر مقرتك الهائلة فى الكتابة وبهذه الغزاره.. طبعا بالنسبة لفكرة الورشة لكتابة القصة او السناريو كنت متخيل كلنا نشترك فى الكتابة جيت لقيتك اكملتى القصة لوحدك .. والله يا شيرى بطريقتك دى تعوقى ليك زول ـ ماشاءالله على قلمك ـ على العموم قصة الحمامة البوظت المكيف والغناية فى وقت محتدم وغياظ .. قصة ممتعة ولطيفه .. بس لو قعدتى كتبتى القصة ثلاث مرات قبل النشر بتكون محبوكة بشكل جيد .. وانا متاكد انت بتقدرى تكتبى اجمل من كده !! ـ لو شكرنا بعض بلا ملاحظات اكيد ما بنكبر ـ .. على العموم عجبتنى فكره الحمامة ودخولها للمكيف ويمكن يكون ربطها مع مفاوضات السلام بطريقة جاده ولا تخلو من هترشتك ـ يقال ان هناك الكثرين الذين يملكون افكار جهنمية ومدهشة لكتابة القصة.. ولكن لا يكتب القصة الا من يستطيع كتابتها فعلا وتحمل ارقها وهترشتها والله اعلم عماد براكة Bold Text

05-22-2003, 02:06 PM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: imad braka)
سلام مربع عماد براكه اولا ياسيدي القصه الفي الورشه ديك انت غطست ولم يبين لك اثر وانا بطبعي ما ان اجد قدامي كي بورد الا واحلت بياض الورق الى مايشبه شارع الظلط من الحبر الاسود طبعا وبما انني خجلت بعد ان ملأت الورشه هترشه انا اجي راجع تاني فالبتالي احتفظت ببقية القصة التي كانت قد وصلت عندي الى قرابة الخمسين ورقة فلن تصدق ان قصتكم تلك بقت كارثه عديل كده وخجلت من نفسي ودسيتها في الدرج الشي التاني سلمت ياسيدي كونك شرفتنا بهذه الطله وكنت اتمني فعلا ان تجري على الهترشه النقد الذي تراه لكنك اثرت الزوغة بعيدا عنها وفضلت ان تزوغ من هرتشتي التي اصلا لن تخلص سلمت ياسيدي للاطراء وسلمت اكثر لكونك اعتبرتني قاصه وانا لا قاصه ولا نيله انما واحدة رايحه ليها هترشه وشخص يعيرها اذنيه اذ ان المستعمين هذه الايام اقل بكثير من المتكلمين شوف حزب الامه ، وشوف حزب الحكومه والاتحادي ذاتو بقي زي جون قرنق كل يوم بي راي

05-22-2003, 02:41 PM

Dr_Bringy

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
الاستاذة شيري شرحبيل غني وقال: (حنين يا ليل) عشان كدا خليها (تفلل) عسي ولعل ان تنسي قليلا من هذا الهجير، واذا فشلت الحمائم في انت تكون رسول سلام فربما تفلح الخفافيش وتاتي معها بضوء القمر ليلا. وكما شهدت حرارة النهار مولدا لهترشات جميلة، فحتما سوف تكون هترشات الليل اجمل. فلنحزم امتعتنا ونعود، فسوداننا كله في حالة انتحار.

05-22-2003, 02:51 PM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: Dr_Bringy)
سلام مربع د/ برنجي يخيفني هذا الليل الذي يرخي سدوله علينا وانا اتحصن بغرفتي ومكيفها الذي اكد لي المهندس تماما وهو ينقله الى ورشته ..وتاكد لي فعلا ان الحمائم نقلت اعشاشها الى محلة تانيه بعد يئست من حالتي وكرهت حري وسخانتنا وقالت في نفسها فلنحجر لي مكانا قبل ان يجي الليل ببعاعوضه وخفافيشه ومع ذلك حر من حر وسخانه من سخانه وغرفه من غير حمام يحرسها افضل انتظار الليل وياليل مين غيرك يسمعني ويشيل همومي بعيد ويهدهدني شكيتوا على الله مهندس المكيفات تعزز كثيرا قبل ان يجي وتعزز اكثر حينما شاف استعجالي لمكيفي هذا مكيف خراب مره يعني كيف مابتقدر تصلحوا هنا كيف انت كلام ؟ هذا لازم في ودي ورشه بعدين انا في دور دور دور ولفيتو قطعة غيار جبتو يا لقطعة الغيار التي سوف تلف لها كل الدنيا ؟؟ طيب الحل ؟؟ الله حفيظ .. لازم في بكره انا جبتو بعدين شغل ميه ميه ويا ليل طول شويه على الصحبه الحلوة دي سلمت ياسيدي لمشاعرك الحلوه التي واسيتني بها في مكيفي

05-22-2003, 02:53 PM

3mak Hasabo

تاريخ التسجيل: 02-17-2002
مجموع المشاركات: 513

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
سـلام انت عارفة هترشتك دى نتيجة لسلك ضارب فى المخيخ ... يعنى لو خليتى الشباك دا قافل مش كان نتيجة السخانة ممكن تلحم ليك السلك الضارب دا...فى داعى اسى لفتحو اها الحمامة دخلت ورفعت ليك معدل الهترشة...بس ورينى ذنبنا نحن شنو بعدين الله يكون فى عون امك من هترشتك...بس قدر الله بت واحدة ومهترشة

05-22-2003, 03:28 PM

KOSTA

KOSTA
تاريخ التسجيل: 02-05-2002
مجموع المشاركات: 3138

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
شيرى فللت دى كلمة " حنينة " بتذكرنى لما كنا صغار و بيرسلونا للدكان عند المغارب ..... كنا " بنحرد " نمشى و نقول : الواطه فللت و الحاجات الكبار كان بيقولوا : فتشوا المكان بالله زى فلو القمل الشاهد عندنا كلمة " فللت " للمغيب و كلمة " فللت " لحشرة القمل اها ما الرابط بينهما ؟؟؟؟؟ هل يا ترى سواد " الليل " ، و سواد " الشعر " فى كل ؟؟؟ ام ان الرابط اقوى من " المكيف " ؟؟؟؟

05-22-2003, 04:03 PM

منوت

منوت
تاريخ التسجيل: 03-18-2002
مجموع المشاركات: 2641

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
العزيزه شيري لكم أنا مفتون و (متآنس) بهذه الهترشات الشيرية ذات الطعم الليموني و كما أشار العزيز (براكه) ، أضيف ، لم لا تطبعين هذه (الهترشات) و تعيدين قراءتها و تنقيحها لتكون (ألمن) - من الليمون- في إيراقه الحار شكراً لهذه (الحمامة) التي أهدت البورداب هذا الدفق الشيري النابض بالحكي الواقعي الصادق منوت المنتشي بالسخونه

05-22-2003, 04:37 PM

EMU إيمو

EMU إيمو
تاريخ التسجيل: 02-16-2002
مجموع المشاركات: 2924

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: منوت)
حبيبتي شيري المهترشة يا حليل ناس زمان والله يرحم أيام زمان كان الواحد فينا إذا سخن أعطوه جنزبيل وإذا عطس أعطوه جنزبيل وإذا أوجعه صدره أعطوه جنزبيل وحتى حرارتنا عالية أكبر من حرارة غرفتك أعطوه جنزبيل شفتي الكلام ده ليه ؟ عشان العافية مرتبطة بالنية مش النية بت حاجة عطية وعشان أنتِ ما ينصحوك بالجنزبيل أو البيرة كده أدينا أوصافه الحمامة والطقطاقة ولا هي الغناية . ما علينا المهم كانت بتصرّخ ولا لا عشان نوريك الخيرة قالت شنو وإلا الألوسي في الإنتظار لأنه هناك الكثير من النرفزة والهموم اليومية وسوء الحظ زي حظي والحمام أصبح ما زي زمان بقى زي ناس مايا ونرجس وفوفو يتخفوا عند أكشاك جرات الفول لووووووووووووووول شتي المضاربات كيف ، مش مضاربات البنوك لا دي من مضاربة بلغة الكماسرة

05-22-2003, 07:16 PM

ABUHUSSEIN

ABUHUSSEIN
تاريخ التسجيل: 08-14-2002
مجموع المشاركات: 39330

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
شــيـــري الـبـــرايـة ســـــــلااااااااااااااام خيرا فعلت الحمامةما قصرت وقفت ليك المكيف علشان تغوري شوية من الكمبيوتر و نرتاح نحن شوية لكن طلعتي دمك تقييييييييييل برضو قعدتي و عملتي منها موضوع كمان لكن الحمامة بس ما حسبتها صاح أو هي ما عرفتك كويس ما عملت حساب تقل الـدم لكن لو حسبتها صاح كان طارت فووووووووووووووووووووووق و جات ناطة في الكي بورد علشان تعطلك صاااااااااااح أتمني تكون الحمامة التانية مشاركانا في البوست دا علشان تستفيد من غلطة أختها و تحسبها صاح إنشاءالله المكيف لا إتصلح و لا إتغير علشان أخوك دا إبرييك بي الشريط و إحرق دمك زي ما حرقتي دمنا الخـروف الفي عاملاهو موضوع و الحمامة الفي عاملاها موضوع و الجرسون الفي عاملاهو موضوع و بتاع الكمبيوتر الفي عاملاهو موضوع و دا كلو على حسابنا نحن نخلي ليك البورد دا و لا نسوي شنو يعني ؟؟ الله في.

05-23-2003, 00:34 AM

سجيمان

سجيمان
تاريخ التسجيل: 10-03-2002
مجموع المشاركات: 14875

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
شيري...... جنا يجنن حمام جدة الجننك....... حمام ....باب شريف ارحم قلبي.. الرهيف حمام...... التاكا قلبي معذب ...معاكا ويييييين يا كاتشاب

05-24-2003, 07:37 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: سجيمان)
ٍسلام مربع عمك حسبو شفت اهو انت لوحدك عرفتها .. هذا ماتوصلت اليه امي قبل من سنين .. ساعات ترضي بقدرها وساعات تلطع زهجها من القدري فيني انا .. اذا لا يمكن ابدا ان يهبها الله بنتا واحدة بين (صبيان) ومع ذلك تصيبها بنصيب وافر من هترشتها . فتطلب لي الهدايه وبعدها تنزل دعواتها الماحقات الساحقات .. خاتمة حديثها العذب ذاك (( انا .. الله يعوضني غايتو .. )). كوستا والله ياعزيزي انت لفت نظري الى هترشه جديده كيتا في عمك حسبو وابوحسين سوف اصنع منعها هترشه قدرها 6 حلل كمونيه .. فعلا كلمة فللت فيها كثير من الحنيه ونطقها بغرض اخبارك احد ما ، خبر هو يعرفه ، لكنك توجه عنايته الفعل الذي يعقب هذا الكلام لضيق الوقت ربما يكون فيه كثير من المخاطره .. فتشد وتر انتباهته ، حتى تحنن قلبه .. ويعفيك من كل مهام كان لابد لك من القيام بها .. وفلي القمل ايضا فيه نفس حالة الحنيه .. لأن في الغالب الحبوبه ان قامت بعمليه (فلي) الشعر حتى وان لم تكن هناك(قملايه) واحده .. فهي تحتفظ بشعرك ورأسك في حجرها وتعيد اليك طمأنيتك وطمأنينتها ...وتتالف اصابعها وسبيبات شعرك حتى وان كان شعرك مزعمطا مثل شعري وتسكن ثم تنااااااااام . فالرابط بينهما هو الاحساس بالحنيه نفسها . منوت : شكل الليمون ونكهتها التوتيه اين هو الصبر الذي (يقعدني) في الكومبيوتر وانقح هذه الهترشات .. هي مجرد هترشات اتريدني ان اصنع من الفسيخ شربات يعني ؟ لا اصلح لمثل هذه الاعمال التي تحاكي الترميم . صدقني حاولت مرة اصحح بعض .. لن تصدق ان قلت لك .. انني كتبت منها هترشة اخرى لا تمت الى الهترشه الاولانيه باية صلة .. لذلك لا اعرف اين هي وفي الغالب انسى تماما متى كتبت هذه الهترشه ... لانها في الحقيقة كلها كتبت في لحظة معينه وبنكهة معينة وبنفس واحد ، في الغالب لا ارجع لاقرأها مرة اخرى .. ومعظمها لا احتفظ منه بنسخ يعني ان ضرب الباندوث بتاع بكري .. الله يعين .. ايمو اولا ايه يعني شتي المضاربات : الليلة يحلك الله مني . تاني شيء شنو ياخو نحن فنجان قهوة ... كلما حصل لينا شي .. يغرقرونا بالجنزبيل ؟ لا ياخوي نحن الجنزبيل في القهوة بنجليهو .. عايز تقرقرنا ليهو ساكت كدي ؟ الغناية ياسيدي كانت بتغني .. يا الدكاتره يا لسته .. اكتبوا لي روشته للنفس . كدي شوف لي حظي كيف كان يوم الخميس والجمعة .. ابو حسين والله ماعارفه .. لكن انا البورد دا ما مخلياهو .. والله الفار ذاتو لو جرى قدامي هسع دا اعمل ليك منه موضوع . ولو لا ان المكيف مازال غائبا عن غرفتي في الخارج ومحبوسا عند دكان اذاك الباكستاني الله يقدو بعدين دي حمامه دي ولاطائرة اباتشي دي العايزة تنط في كي بوردي وتكسروا .. يا ساتر على امنياتكم الحلوه انتو وروبينسون .. شكيتكم على الله الكان بقيتوا لي في حلقي انتو والسيرلانكيه .. برضو الله في سجيمان اسمع انت بتغني للحمام ولا الكتشب ؟؟

05-24-2003, 09:42 AM

bint_alahfad

bint_alahfad
تاريخ التسجيل: 02-04-2002
مجموع المشاركات: 3522

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
شيرى الرائعه أحب هترشتك الجميله وأعجب من أين تأتى بهذا الكلام الجميل ما شاء الله, عينى عليكى بارده..بس أنا والله شايله همك لما تخرفى الله يكون فى عون راجللك بعدين معليش ما تذعلى من كلامى, just kidding with u أتابع كل كتاباتك من بعيد وتسلمى يا غاليه. وفى أمان الله لا اله الا الله

05-24-2003, 10:03 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: bint_alahfad)
سلام مربع بت الاحفاد انا نفسي لكترة مابقت تقال لي هذه الجمله بدأت فعلا اخاف كيف يكون خرفي يا لهوي وخراااابي واتلهي شويتين كدا ، اتحصن برمايتي للمسجل للمروحه ، للمكيف ، للتفلزيون واتابع فيها دون اكلمني ولا اهترش مع احد وسرعان ما اكتشف انني مريضه .. فالعن (صمةالخشم واجدع رمايتي وابدأ من جديد واتصالح وانا ونفسي قائلة يحلها الله لمن نصل العمر داااك بسيطه وتتصل بي ام مازن في عز الليل لتطلب مني ان اكمل لها حكاية او شمار قلته قبل كذا يوم وهي تحكي لي ماقلته ومن طول ما تسولف به ام مازن عن تلك الحكاية خاصتي فاكتشف فعلا برايه وهتراشه بحجم16 رئيس وزراء حكموا السودان و13 رئيس جمهوريه حكم السودان الملوك العرب يمتنعون لانو اصلا ما بعرفوا يتكلموا وثمانية كوادر خطابيه بما فيهم الانصار والاتحادي رغم انهم لا يجيدون الحديث وليس لديهم ايدلوجيات ينطلقون منها واصلا ليس لديهم ما يتكلمون به وباي منطق يتحدثون وهم لا يملكون الا حديث الاراضي التي صودرت منهم ثم اعيدت اليهم من زمن حكومة الاحزاب الاولى وحتى حكومة البشــير شفتي كيف قلب ليك القصة لموضوع تاني والبشير قال للزبير انت الطويل دق القرد دق القرد دق القرد وعجبي سلمت يا بت الاحفاد للطله وانشاء الله نجيك في السمح والزين

05-24-2003, 10:03 AM

Al-Masafaa

Al-Masafaa
تاريخ التسجيل: 04-25-2002
مجموع المشاركات: 1586

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: bint_alahfad)
بت الاحفاد مالك جريتي واطي و دي ما بتصلح و كان كحلتيها بتعميها و الله يكرم السامعين و ان شاء الله كلامنا يكون خفيف عليكم و يا شيري .... دستور ...

05-24-2003, 10:11 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: Al-Masafaa)
المسافه سلام مربع يا فتاااااان ........ صااح هي جلطتها بس بت الاحفاد حبيبة البي وانا مسامحتها تشرب كركدي باااااارد يا المسافه

05-24-2003, 10:27 AM

قرشـــو

قرشـــو
تاريخ التسجيل: 02-05-2002
مجموع المشاركات: 11385

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
العزيزة الهتراشة شيرى تحياتى وسلاماتى تعرفى من دون المرور على الحمامة وعلى البرتكانة وعلى الريموتات ولماذا اخوك قافل الاوضه وماذا يشاهد فهذا لا يهمنى كثيرا وبدون صياح الوالدة استوقفنى شىء هام وهو سلام ماما.. ذلك السائق الذى فاقنى شجاعة واصبح ارجل منى فانا اهطرق بالعودة واتخذى فى الخطوات التى تتحطم امام رفض المدير حتى الاستقالة رفضها وليس حبا فى شخصى او عطفا على انما نكاية فى شخصى بس كده وكيتا كدى.. والله غبطت ذلك السائق الذى لملم الهديمات وطبقها وركب القطر ويلا البعد ولا البلاد ام سعد (بكسر السين) وسافر وما خلى ليهم صورة حتى .. لك تحياتى

05-24-2003, 10:39 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: قرشـــو)
سلام مربع العمده قرشو بالله لاحظت للراجل دا ، كيف جازف بالسفر رغم ان ظروف هؤلاء الناس في بلادهم العن مليون مرة من ظروفنا في السودان لكن ..غمض وخط ديلو في خشمو وقال هاااك يافكيك نصيحتي ليك يا العمده حمش نفسك وفي ليلة طرشه خلي ام العيال تلم شنطها واقطع تذكره ذهاب من غير رجوع فيجب ان نصبح بي هناك .. ايه رايك في الفكره دي سلمت ياسيدي للطله

05-24-2003, 10:31 AM

EMU إيمو

EMU إيمو
تاريخ التسجيل: 02-16-2002
مجموع المشاركات: 2924

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
شيري ذكريني العام القادم بعد حضوري لإمتحانات عشان نوريك أيه يعني المضاربات بيان بالعمل قديماً قالوا السخانة بطفوها بالماء يا حليل ناس زمان باردين خلاص وعشان ناس بيتكم ما بحبو الجنزبيل كده أديها فكس وقالوا : الفكس حبيب العالة يروح واحد من العائلة ما يروح الفكس دعكة تحت الأذن وإستنشاق في الأنف

05-24-2003, 10:44 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: EMU إيمو)
سلام مربع ايمو دا امتحان في محل العطارين ولا شنو ؟؟ السخانه بطفوها بكباية شب ليمون باااارد من مرطبات السعادة في ميدان ابو جنزير مع انو قفلوها لكن احيلك الى كافتيريا سيلفرز مون جمب حديقة اشراقه

05-24-2003, 10:55 AM

عبدالأله زمراوي

عبدالأله زمراوي
تاريخ التسجيل: 05-22-2003
مجموع المشاركات: 744

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
شيري ما شاء الله على القدرة الكبيرة على الكتابة والأسترسال بلغة السهل الممتنع... هذه نعمة لا يقدر عليها كثيرون. فاهنأي بهذه الموهبة

05-24-2003, 11:17 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: عبدالأله زمراوي)
سلام مربع اخي عبد الاله زمراوي سلمت ياسيدي للطله وسلمت اكثر لحروف الاطراء التي دلقتها هنا على مساحة هذا البوست والتي هي بطعمك تسلم ياسيدي

05-24-2003, 12:02 PM

ودقاسم

ودقاسم
تاريخ التسجيل: 07-07-2003
مجموع المشاركات: 11146

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
شيري إزيك والله يا بت ياشيري ، انت الزول المجنون العامل ركن نقاش في قهوة النشاط ، انت نفيتي الكلام ده قبل كده ، تاني ما تتعبي نفسك وتنفيه لأني ما بصدق خالص ، شيري انت ما عندك شغلة وأم شيري ما بتديك نهرة خالص ؟ لا عندك خدرة تورقيها ولا بامية تقمعيها ولا بطاطس تقشريها ولا بصلة تحمريها ، ولا هدوما تكويها ولا أختا صغيرة تسكتيها ، ولا غرفة تفرشيها ، ولا ولا ولا زمان وأنا في الثانوي أبوي جا ولقاني نايم لحد الساعة عشرة ، صحاني من النوم وقال لي إنت لو لما داير تشتغل حتى الأكل ماك دايرو ، أنا هسه داير اعرف كيف انت متلحة البورد ده لا بتاكلي لا بتشربي ؟ لا بتنومي لا بتشوفي تلفزيون ؟ لا بتتونسي مع جيران لا عندك صاحبات ؟ انت يا تكوني الزول بتاع النشاط أو أن حاأجن عديل كده

05-24-2003, 03:32 PM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: ودقاسم)
سلام مربع ود قااااسم هاهاهاهاهاهاهاها صاااح كل ما يعود ريعه للمطبخ او بطون ناس بيتنا ليس مسموحا لي البته الاغتراب منه ليس بقصد اراحتي لكن هنالك اعتقاد جازم يدور في امخاخهم وانا رغم الثلاثة وعشرين القضيتها معاهم ومع ذلك ماقدرت اشيل هذه الفكره من روسهم وهو انو اكيد لو اقتربت من حلل المطبخ كلهم ح يصبحوا في المستشفي بسبب تسمم حاد اما مايعود لريع الصحانه والصواني والحلل فانا مسئولة عنه مسئولية مباشره ساعة انقنق واتنصل منها وساعة لا مناص ومع ذلك انا لست ذاك المجنون بتاع الجامعة اي نعم انا مجنتره شوية بس كأن افتح المسجل الساعة اثنين صباحا واستمع قدوره او انوم والكتاب علىوسي وانا في الواطه او انسي انني لم اكل طوال هذا اليوم يعني حاجات زي كده بس اكيد برضو موش مجنون جامعتكم شوف ليك مجنون تاني اتخيل لي المجنون البدور عليهو هو ابو حسين ولا روبنسون ولا اساســي امسكهم انا ح اساعدهم انده ليهم البواليــص يجوا يسوقوهم

05-25-2003, 06:23 AM

EMU إيمو

EMU إيمو
تاريخ التسجيل: 02-16-2002
مجموع المشاركات: 2924

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
إشراقة بتاعت نمرة 2 ولا إشراقة تانية يا حبيبتي يا ما فيها كشفنا رؤوسنا للسخانة وضربنا الشيشة وسخنّا خط الأربعين بالحليب سلمي لي لست ميسون والحبيب جيمي بإشراقة وبعدين الجنزبيل ده تجديه في الصيدليات مش دواء

05-26-2003, 04:15 AM

ودرملية

ودرملية
تاريخ التسجيل: 07-27-2002
مجموع المشاركات: 3687

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: EMU إيمو)
up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up up

05-26-2003, 11:25 AM

shiry

shiry
تاريخ التسجيل: 07-05-2002
مجموع المشاركات: 3511

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: ودرملية)
سلامم مربع ايمو يوصل انشاء الله وسلمت ياسيدي ود رمليه سلمت لزوقك الرفيع وسلمت اكثر لكونك هنا في بوست الهترشه هذا

05-27-2003, 10:26 AM

Al-Masafaa

Al-Masafaa
تاريخ التسجيل: 04-25-2002
مجموع المشاركات: 1586

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين

Re: قبل ان تفــلل الواطه (Re: shiry)
كركدي بالثلج و لا شاي مر

[رد على الموضوع]

صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]