|
Re: شيبا لو سمحت رزاز الدم إهداء مني عبرك للصديق بن بن (Re: نادر)
|
الاعزاء نادر
وكل الرائعون
لكم عاطر التحايا
شكرا على ثقتكم ولكن؟؟؟
حقيقة انا لا املك تسجيل لهذه الاغنية تحديدا ولتمنى من يمتلك تسجيل لها ان يقوم بانزالها على البورد
الاخ نادر
اذا كنت تمتلك التسجيل يمكننى الاتصال بمحمد لاخذها منه
فائق شكرى واعتذارى معا
| |
|
|
|
|
|
|
Re: شيبا لو سمحت رزاز الدم إهداء مني عبرك للصديق بن بن (Re: نادر)
|
واحلالي القبلي شال شبال لمع برق المهيرة قيرة قيرة يا مطيره يا رزاز الدم حبابك لما يبقى الجرح عرضة ولما نمشي الحزن سيرة من دمانا الأرض شربت موية عزبة كل ذرة رملة شربت حبة حبة موية أحمر لونها قاني فتقت ورد الأغاني تهدي لى اسمك رمزاً للوطن كنز المحبة قيرة قيرة يا مطيرة يا شهيد الشعب أهلاً مش بتطلع كل يوم الشمس أجمل وكل يوم النخل أطول زيدو قامة وياما شفتك ياما ياما لما شفت البدر طالع فى سما الوطن ابتسامة إنتّ فى النهر البسافر جاري طول العمر صاحي طبعو منك يا الملامحك من ضفافي واللي شافك مرة شافو واسمك الختيتو فرهد عشب أخضر فى الجناين فى الشوارع نيمة نيمة فى مصابيح المدينة فى فوانيس الضواحي تملا نادي الحلة سيرتك اسمك الخلانا نقدر فى ظلام الليل نعاين والبتسأل عنو ده الخليتو شافع لسه دابو يا ما حيعجبك ، شنابو صوتو رقان فيهو بحة ود فلان اصرار وصحة عندو قصة حب جميلة جرب آلام الحراسة وحرض أولاد الدراسة وهدّو حيل العسكرية البنية أم طرحة كبرت يا سلام الفنجرية ليها راية وبى كلامها وبى اهتماماتها الجديدة دقت أجراس القصيدة وشدت أوتار الصلابة الكتوف اتلاحقت فى السكة يابا واحلالي القبلي شال شبال لمع برق المهيرة قيرة قيرة يا مطيرة يارزاز الدم حبابك لما يبقى الجرح عرضة ولما نمشي الحزن سيرة
| |
|
|
|
|
|
|
Re: شيبا لو سمحت رزاز الدم إهداء مني عبرك للصديق بن بن (Re: نادر)
|
التحية ليكم كلكم
شكراً شيبا على سرعة الاستجابة هكذا عودتنا دائما
شكرا انتهازي
شكراً أبو يسرى
شكرا أمجد ابراهيم وهي رزاز وليس رذاذ وبالمناسبة دي في غلطات كثيرة في الحرفين ديل في البورد اتمنى الناس تنتبه ليهم يعني البكتبو زكرى الصاح ذكرى وزكر والصاح ذكر
شيبا شايف انتهازي بادر بارسال الأغنية ومافي مانع تسأل محمد لازم يكون شريط الكورال موجود
دمتم جميعاً نادر
| |
|
|
|
|
|
|
|