|
|
|
 Re: انـــى راحــل (Re: zumrawi)
|
1- أسامة
افضل طريقة للرحول ،إنك ما ترحل ،التواجد في المكان لفترة طويلة ،بيخلق بينك وبينو إلفه ،،الإلفة مع المكان مسألة مهمة جدآ
ولو لازم ،أنصحك دائمآ خلي عفشك شوية وخفيف ،انا احاول التقيد بذلك لكن دائمآ مشكلتي مع المكتبة
شايفك كبرت فجأة ؟!
2- زمراوي
اتابع مساهماتك بما تستحق من عناية وإهتمام،وكم مرة نفسي راودتني للرد،لكني اليومين ديل متوجس من الردود الجادة لاسباب أكيد ادركتها ،حا احوم في الونسات المابتجيب الهوا متجنبآ الهوات ،وإلى حين
| |
 
|
|
|
|
|
|
|
|
Re: انـــى راحــل (Re: أبو ساندرا)
|
كان ابى فى السابق من المدمنين على عملية الرحوال دى و لا يكاد يمضى العام حتى نجد انفسنا فى بيت جديد و هكذا
و الدعاوى جاهزة و كثيرة بل و مقنعة ايضا
مرة البيت دا ضيق و مرة البيت دا بعيد من الشغل و مرة البيت دا ما مريحنى نفسيا و هكذا و عندما تبدأ هذه الاقاويل بالظهور اتجه انا الى اقرب دفار و دون اى تردد
و لكنى فى الحقيقة لا احب التنقل ابدا. ابدا و ما اجمل الاستقرار و الفة المكان يا ابو ساندرا فعلا
و لكن ماذا يمكن ان نفعل, فهذه المرة انا انتقل الى مدينة جديدة و بعيدة من منزلى هنا
اذا الرحول اصبح ضرورو و على درب الوالد نسير
| |
|
|
|
|
|
|
|
|
|
Re: انـــى راحــل (Re: اسامة الخاتم)
|
اسامه كيف حالك الصوره الصغيره جيمس جابها ليك في المطلوبين قمت غيرتها المهم ياخي السقيد ضرب لي امبارح عشان اديهو تلفونكم ومشيت الماسنجر بتاعي لقيت الرساله راحت بالله رسلو لي تاني وكمان سلم علي رؤي والوليد وان شاء الله تتهنو في بيت الحلال الجديد
| |
|
|
|
|
|
|
|
|
|
Re: انـــى راحــل (Re: اسامة الخاتم)
|
يا أسامه عايز تربكنا مالك ،،في الاول ننو ُثم كبرت وختيت لينا صورة تبدو فيها زي المودر ليك نجمة ،،ثم الصورة التالتة زي الرايح
{الثالث} منك فريني ،،وعلى كل حال ممكن نغير إسمك وتكون الف ،واو}
{ الإنسان عندو علاقتين لا فكاك منهما إلا بالموت {بعد خرف ،وهما علاقتو بالزمان وعلاقتو بالمكان ،واحسن حاجة دمج العلاقتين ،يعني تمكث في مكان واحد زمن معقول حتى تتكون تلك الإلفه
وزمان كان عندنا ألفه،جنو يكتبني غائب وانا ذي الحضور الكثيف
| |
|
|
|
|
|
|
|
|
|
Re: انـــى راحــل (Re: اسامة الخاتم)
|
ابو ساندرا
قلنا نكون واقعين و نخت آخر صورة من يومين
مش احسن
هسى انا رجل فى البيت القديم و 3 رجلين فى الجديد
و الحالة مجهجهة
لكن قربت تنتهى يا فيلسوف
| |
|
|
|
|
|
|
|
|
|
Re: انـــى راحــل (Re: اسامة الخاتم)
|
والله لي مده حردانه لكن يا اسامه اليله ماقدرت اقاوم
ياخي انشاء الله رحول سعيد
وسعد جديد
وخير واجد
افتكر جيت متاخره لاي نصيحه للرحول.... لكن اذا انت علي وشك الوصول للبيت الجديد اول حاجه لازم تحصنوه كويس وتقروا المعوذات
تاني حاجه كل كرتونه لازم يتكتب عليهاتبع ياتو اوضه وفيها شنو ولازم الشباب قبل مايمشوا يختوا كل كرتونه في الاوضه التابعه ليها وده من تجربتى بيسهل نص الرحول
ولماتصلوا هناك علي اقل من مهلكم كل يوم حاجه لحدي ما البيت ياخد الشكل الي ترتاحوا ليه بدون ماتكونوا مرهقين
وبالتوفيق
وبالمناسبه والدي برضو مهوس بالرحول من بيت لبيت ؟؟؟؟
| |
|
|
|
|
|
|
|
|
|
Re: انـــى راحــل (Re: اسامة الخاتم)
|
ابغض الحلال عندي الرحيل .. ستة سنوات مضت و ما زلت اقيم في ذات الجحر الذي دخلته منذ ذلك الوقت .... على الرغم من أني مسكون بالرحيل يا أسامة، ابن حنتوب التي احببت .. و قصرت يداي دون الايفاء بديني لها
لا ترحل
شنتير
| |
|
|
|
|
|
|
| |
اسامة الخاتم
zumrawi
أبو ساندرا
Elmosley
HAMZA SULIMAN
Shinteer
فيس بوك
تويتر
انستقرام
يوتيوب
بنتيريست