|
عايز لى عروس بمواصفات عالمية
|
عايز لى عروس بمواصفات عالمية
1. تكون خريجه 2. تكون ما عايزه تشتغل 3. ما عندها اي قضية بالسياسه وما بتحضر نشرة اخبار نهائي نهائي 4. تعتبر حقوق المراة هي عقوق المرأة 5. طباخة ومدبرة وما خمجانه 6. تعتبر المشي للسوق نوع من تضيع الزمن والسطحية 7. بتحب فى الالوان الرمادي و البني عشان ما تتاخر فى لبس التوب 8. تعتبر اللخوخة افضل من فاير اند لوفلي و الدلكه افضل من اي كريم مرطب وتعتبر الخمرة افضل من ايس بيرغ 9. يكون عندها حساسيه فى جسمها ضد الدهب واي معادن اخرى 10. تعتقد انو العنكريب اكثر رومانسيه من سراير سوفت دريمز 11. تعتبر وجود البوتجاز واي جهاز كهربائي خطر جدا علي الاسرة
الرجاء احبيتي فى البورد
كل من يعرف آنسه بهذه الواصفات ارجو ان يدلني عليها. وله اجر من وفق راسين فى الحلال
ـــــــــــــــــــــــــــــــــــــــــــــــــــــــــ لقد فرغ كأسي فمن يملأ كأس احلامي
|
|
|
|
|
|
|
|
Re: عايز لى عروس بمواصفات عالمية (Re: alsngaq)
|
walahi yalshagi talabAk sahil tap lakin bidorlo wahda min zaman agdadak algadeemeen, lakin malo sheel alsabor taraka lissa sagheer
*sorry for the ANGLO-ARABIC language, but my PC. dosn`t support arabic)
| |
|
|
|
|
|
|
Re: عايز لى عروس بمواصفات عالمية (Re: alsngaq)
|
اهلا انت مش داير تتزوج و السلام ؟؟شكلك كده ما بتهتم باشكل و لا العمر حيث انك لم تتطرق لهم ضمن الشروط الخنفشاريه بتعتك
عندي ليك اقتراح
شوف ليك واحده دفعه حبوبتك مش احسن ؟؟
بت بربر
| |
|
|
|
|
|
|
Re: عايز لى عروس بمواصفات عالمية (Re: alsngaq)
|
شكيتك علي الله كلووو عرفنا ... لكن دايره تطبخ في المنقد... اجي يا البطاطس.. داير تسوي لي البت سردوب.. المنقد دا ما واطي... لااا حيله في امرك يا ربي... .. اولاد الزمن بوطاجاز ما دايرين تجيبو!!
| |
|
|
|
|
|
|
Re: عايز لى عروس بمواصفات عالمية (Re: alsngaq)
|
الاخ السنجك انت يا خوي مرة واحدة دايرة بكماء وخرصاء وعميانة كمان دي الوحيدة البتناسب مواصفاتك دي
علي العموم كان لقيت واحدة بي مواصفاتك دي عليك الله اعمل منها كم نسخة بي استنساخ والله غيرو(للعرض فقط)
يديك العافية والعروس عبدالله جعفر
| |
|
|
|
|
|
|
Re: عايز لى عروس بمواصفات عالمية (Re: Abdalla Gaafar)
|
رووم بارتنا
انا شايف كلها هينه بس خريجة دي والله الا تكون متخرجة من الدوكة كولج وعامله دبلوم قعاد فى البيت، وعاملة ماستر فى الجنصصة، لكن المشكلة الكلية دي مقفولة ليها عشرين سنه، يعني اقل خريجة عمرها ح يكون 45 سنه لو بتنفع معاك راجع سجلات الجامعهة اخد العنواوين
| |
|
|
|
|
|
|
Re: عايز لى عروس بمواصفات عالمية (Re: الساحر)
|
روووم بارتنا
45 سنه كتيرة شديد اخوك لسه صغير
تعال هنا يا بارتنا انت الجنصصة دي شنو ويا ربي ما بتدرس الا الدكوة كوالج، ما فهمتها لكن حاسي كدا انها شي كويس بس يا ريت يكون بدرس فى كليات تانيه
| |
|
|
|
|
|
|
Re: عايز لى عروس بمواصفات عالمية (Re: alsngaq)
|
الســنــجــك الـعـــزايـي ســـــــــلاااااااااام
يا سنجك يا خوي المواصفات دي لابـد منها و لا ممكن التفاهم حولها
إذا كان ممكن التفاهم حولها نشوف ليك
و إذا كان لابد منها و إنت متمسك بيها الشكية لي أب إيداُ قوية
| |
|
|
|
|
|
|
Re: عايز لى عروس بمواصفات عالمية (Re: alsngaq)
|
يا فردة دي تلقاها وين انت عارف هنا الامراء بيشربوا الشاي علي الفحم بس والشواء برضو اكتر من كدا ما عارف ما اظن تلقي طلبك دا هن غايتوا زي (اللي) بتعرفوا ممكن تشكلن زي ما عايز بس بحرفنة
| |
|
|
|
|
|
|
Re: عايز لى عروس بمواصفات عالمية (Re: alsngaq)
|
السنجك اخوي وحبيبني والله الفترة الفاتت دي كلها بنفتش ليك في العروسة دي وفي رحلة البحث قابلوني واحدات قالوا لي عمره كم قلت ليهم منتصف العمر قال لي ما بنفع قالو لي عذاب عذاب يا دنيا عذاب وبطلت حب الشباب في الدنيا اقين اقين يا دنيا اقين والحب بقي بعد الستين
يعني لوك الصبر حدي ما تكبر شوية لووووووووووووووول انت لسه صغير
| |
|
|
|
|
|
|
Re: عايز لى عروس بمواصفات عالمية (Re: الساحر)
|
السنجك و الله ضحكتني
عارف انت ما تفتش ليك على عروس بالاول..انت تمشي تفتش ليك بالاول على منطقة نائية في العالم ما وصلتها اي مظاهر الحضارة الانسانية ..بعدين من هناك تشوف فتاة مواصفاتك دي
| |
|
|
|
|
|
|
Re: عايز لى عروس بمواصفات عالمية (Re: alsngaq)
|
العزيز السنجك
ياخوي انشاء الله جمعت وبالله ما تنسي نحنا هنا برانا محتاجين منها لي 10 copies
ومنها ممكن نعمل كمية من الصور حتي يمكن بداية عهد بشري جديد وتدخل انشاء الله انت والعروس تاريخ البشرية من اوسع الابواب
عبدالله جعفر
| |
|
|
|
|
|
|
Re: عايز لى عروس بمواصفات عالمية (Re: doma)
|
والله يا سنجك كلامك راح شمار في مرقة بعد كلام ماما دومة ..... غايتو انا بعمل بنصيحة ماما دومة ..... وانت امشي دور على عروستك دي في المتحف ... شايف العزابة كترو .... وفي ناس عايزين عشرة نسخ ههههههههههههههههههههههههايكة زاتو ...... يا جماعة وين الزول اب لسان
| |
|
|
|
|
|
|
Re: عايز لى عروس بمواصفات عالمية (Re: alsngaq)
|
الاخوان الاعزاء تحياتي
الساحر كيفك يا روووم بارتنا تعبته من لووك الصبر
شوف لي حلل وللجماعة المنتظرين فى الدوور ديل انسانة لكن ما بالغتي معااي عديل انا قلته اسي انسانة دي ح تقول لي لقيت ليك وحدة بس ما بالمواصفات دي كلها حاول اتنازل شويه تجى تقنعيني مره وحدة حراام عليك رووووز سلام
كلام عقل والله وشكرا للاضافة اخو صحبتك عجبتو البت الفي الفيديو كليب بتاع اغنية رهيب نحن الحمدلله ما عندنا الفيديو كلب البخلي يجينا واحد بكلام زي ده لوووووول
عبدالله اخوي اتصبر هانت وصبر المنتظرين كلهم السنجك اخوكم وراءها وراءها
بووش كلام حبوبة دومه سمح تب وكلنا معاك فيهو بس بتتلقي العروس البتخليك تعمل ده كلووو
هوبلسس الجميلكيفك يا صديقي العزيز
اخوك داير لكن محتااااار
الوالدة دومة ازيك
كلامك سمح والمفروض يكون الواحد جنتل مع المراة المثقفة. وياريت يعرفوا البنات كلمتك دي الثقافة ما قراية جامعه اها ليك على يا امي دومة تلقي لي وحدة زي دي بس ولدك سنجوكي مش يجيب ليها ادوات كهربية واعزمها فى مطعم ده الويكند بتاعها اوعدك كل مرة يكون فى دولة شكل وادلل ليك كل شعرة من راسها للرجولها. ومش نبقى روح وحدة كدي الباقي ده خلي لانو لو بديت ما بقيف لانو الحنين فاض بي لوووووووووووول بس جيبيها لي والباقي هين يا والدتي العزيزة
| |
|
|
|
|
|
|
Re: عايز لى عروس بمواصفات عالمية (Re: alsngaq)
|
السنجك روم بارتنا ده كلام شنو ده ؟؟؟ الاخت روز والله طرحتي حته مهمة جدا جدا الموضوع ماخد الطباع الهزلي لكنه حقيقة ويا السنجك دي مواصفات كل الشباب ومعظمهم ما بعترف بيها لكن قاعده جواه بقول ليك الشاب السوداني في الجامعة وفي الشغل متحضر ومتفهم شديد وكده وكده لكن لحظة تجي العرس بعرس بفهم جد السابع عشر ودي حقيقة وبعانوا منها معظم البنات لانهم بنصدموا في الواقع بعدين بحقيقة تفكير هذا الرجل الكان تقدمي زمان
| |
|
|
|
|
|
|
Re: عايز لى عروس بمواصفات عالمية (Re: الساحر)
|
اخوى السنجك تحياتى عندنا جزيرة غرب ابوقوتة فى النيل الابيض اسمها الجزيرة نجيت ياترى سمعتو بيها دى فيها اسرة بس الناس ديل عندهم بت متل فاطنة السمحة صاحبة الاسطورة ابوها حالف يمين ما يعرسها لرجل لكن قصة جامعية دى ما عارفها ليك بس انا شايف المراسلة حقهم بشترى الجرايد من سوق ابوقوتة لما تصل مع اول بص جاى من الخرطوم ويقطعوها ليها بالمركب عشان كدا بقيت اشك فى انها جامعية عموما لو انت جادى انا بقطع خبرك ولو زايغ من العرس كمان دا موضوع تانى
ابوقوتة
| |
|
|
|
|
|
|
Re: عايز لى عروس بمواصفات عالمية (Re: alsngaq)
|
يا السنجك انا ما بعرفك كتير لكن من خلال قراءتي لكتابتك و قبال ما تخرف تذكرني بالسناجك جيراننا و زملائي في الدراسة بالمناسبة حجزت ليك تشيكية هنا عندنا وهي مطابقة للمواصفا ت و عليها ختم الاتحاد الاوروبي بعد 5 شهور رايك شنو هي في انتظار كلمه منك لكن بعدها سيفقدك اهل البورد وبالذات ...و كمان لانو البيدخل البلد ده تاني الله معاه يمرقه السميع الجليل كما حالي ويا السنجك احسن ليك تفكر بجدية تماما
| |
|
|
|
|
|
|
|