|
Re: كلام في الشأن النسواناتي (Re: shiry)
|
كلام في الشأن الحريماتي _____ للهترشه بقيه ..
قلت انه عند مفترق الطرق تلك اي بعد ان اصبح زوجه ، ويتوجب علي ان اتكلم بالطريقة نفسها التي يتكلمن بها .. ويكون من المشين حقا و(عيبة كبيرة في حقي) ان اذهب الى اماكن تجمعهن في الاعراس وبيوتات البكاء والطهور والسمايات .. ان اذهب الى تلك الاماكن وارجلي (غبشاء) تخلو من نقش الحناء ويدي (فاضية) لا ذهبا (كتيرة ) وغواييش اكثر تتعنكل بها يدي من الكوع الى البوع مع اننا نجهل ماهو البوع لكن المعني المراد ( من اصبعك حتى كتفك ) وان استطعت ان تملأ أي سنتميتر فيها (أي يديك) بالذهب فلا تترددي .. فهذا وحده يعني انك من النساء والنساء الراقيات المرتاحات كمان.. وتكوني في استعداد تام لكي تذهبي الى السوق كلما (طقت زغاريد ) الفرح في عائلتكم خاصة قرابات الدم (الخال/الخالة العم/العمة وعيالهم) وتشتري ثوبا اخر موضة ويكون سعره غالي (مره).. وتحبسين نفسك مع العروس حتى (تتفتح )بشرتك وتمارسين الحنكشة في هذه الاثناء ليل نهار حتى (يتخمى) زوجك فيك ولا يفرق بينك وبين (جينفر لوبيز)..ثم يكون من الواجب علي ان افتش البكياااات .. والسمايات .. الطهور…من اجل زيادة الشمارات حيث انها في تلك المناسبات (ترقد) بالكوم والردوم ..والبي دعوات الاعراس لا لكي ابارك فقط ، بل لكي اتمكن من رؤية العروسة وارى كيف تبدو في فستان زفافها واشوف (عريسها) عن قرب لكي يكون في امكاني ان امارس عملية الانتقاد عن ثقة وهل هو مناسب لها ، هل يستاهلها ام هي التي لا تستاهله خاصة اذا كانت العروس شينة والعريس شرط .. فحيئذن نطلع البلا على جتتها وكل الشناف والتشنيف عليها اذ كيف تجرأت وتزوجت (فتى) احلى منها.. مع ملاحظة انه يمكنني ان انسي كل شيء حتى اخر وجبه اكلتها لكني لن انسى ابدا فستانا او حتى (حذائا ) لبسته العروس او فلانه في يوم عرسها حتى وان حدث ذلك قبل عشرة سنوات ..وهناك يجب ان اكون في وضع الاستعداد ، حتى امارس تلك الطقوس النسواناتية على اصولها .. سيرة الناس والقطيعة والشنافة ..والتفشخر .. والتحرمن .... وان لم اقم بذلك علانية وبحرفة مدربة يعتبرنني الحريم عويرة ومرة مبشتنه.. واذا كنت ممن يتأففون عن فعل ذلك او مقاطعة البكياات والاعراس ، يقولون عني مزدرية ومفترية وشايفة روحها ويخاصمنني النساء قاطبة حتى الاقربون بالدم ..ووووو يا الهي يا لي من فتاة لا تتوقف ابدا عن الحكي !!! .. ارأيتم كيف ادخلتني هذه الهترشة التي ما ان تبدأ تخونني مقدرتي في ابطالها حيث هي .. ابقوا معنا .. سنعود بعد الفاصل
| |
|
|
|
|
|
|
Re: كلام في الشأن النسواناتي (Re: shiry)
|
سلام مخمس يا شيري يا امبراطورة الهترشة
افتقدت هترشتك في اثناء ماساة الحرب في العراق؛ ورغم اختلافي مع بعض رؤاك حول هذه الحرب اللعينة ؛ الا اني قدرت موقفك عاليا؛ حيث اثبت انك لا تجيدين الهترشة فقط؛ بل لك مواقف واضحة تجيدين الدفاع عنها؛ وامكانيات صحفية عالية اتمني ان لا تضني بها علينا
نحن في انتظار الجزء القادمبغد الفاصل - برضو عندكم بيقدموا عشا الفنانين - وتجدينا منتظرين - بالجوع- كما كنا
عادل
| |
|
|
|
|
|
|
Re: كلام في الشأن النسواناتي (Re: Abdel Aati)
|
استاذي عادل عبد العاطي
سلام مربع
هذه الحرب اللعينه اخي عادل اخذت منا الكثير تعبتني وتعبت كل الذين ينتمون الى وانا انتمي اليهم .. ماعلينا منهم منهم لله الذين كانوا السبب فيها وشكيتهم على الله شكيه وليه ضعيفونه ماعندها غيرو
سلمت ياسيدي للاطراء وسلمت اكثر للطله اكيد ، الهترشة لابد منها كيف اعيش دونها بس انتو ادونا خاطركم اذا ما تقلنا هترشتنا وقدينا اضنيكم سلمت ياسيدي للطله
________________ شكيتكم على الله يابوش وبلير وصدام
| |
|
|
|
|
|
|
Re: كلام في الشأن النسواناتي (Re: benyya)
|
شيري الهتراشه مالك يااخيتي شاره غسيل النسوان في البورد عاد يابتي اتلومت فينا لوم التابا واليابا دا شنو يابت امي خلاص كفانا خلي الكلام دا لينا برانا ماتقوليه يسموعوه رجال البورد دا بلا كده شايلين حالنا وداقين طارنا
لكي تحياتي ياخيتي
| |
|
|
|
|
|
|
Re: كلام في الشأن النسواناتي (Re: bint algazeira)
|
سلاااام مربع
الخالة الغاليه دوما
كدي ادينا فرصه نجيكم انا وبت قضيم قدمي لينا زيارة وشوفي ، كان مرقتو منا بكرامه البليله ولا لع ؟؟ بت قضيم ماعارفاها ، لكن عن نفسي ، انا واحده (تبروا وتستبروا انتو مني) شنافه جنيس شنافه . لذلك ، لا تعدي نفسككم في مأمن مننا ، طالما اننا لم نراكم هنااااك .. سلمت ياستي للطله وسلمت ا كثر للدعوه (سلفا) لزيارتكم هناااااك .. بنيه السكريه انا دي الاسعد بمبارتك لهترشتي .. سلمت ياستي للطله وسلمت اكثر للاطراء بت الجزيره خلاص ولا يهمك نبطل نقه فينا . . وعشان خاطر ادور ليك في الرجاااااااال اسكت ساكت من خمجهم . . اااااااحيييييي انا من خمجهم .. ديل خمسين حلة كمونيه هترشه في حقهم مابتخلصني منهم ولا يهمك ياستي .. سلمت للطله
______________ شكيتكم على الله يابوش وبليير وصدام
| |
|
|
|
|
|
|
Re: كلام في الشأن النسواناتي (Re: shiry)
|
العزيزة اللذيذة شيري
صبحك الله في رضاه ، ونصفق لك طويلا وأنت تواصلين ابداعك الهترشي يديك العافية . بس الموضوع شكله مبتور ونحن في انتظار الباقي منه عشان ما يكون اعرج كما الحكومات العربية ولا تطولي الغيبة .
شروووم
| |
|
|
|
|
|
|
Re: كلام في الشأن النسواناتي (Re: شرووم)
|
هترشـــــــــــــــــات شـــــــــــــيري ام لبٍٍٍٍٍٍٍٍٍٍٍٍٍٍٍٍســــــــــــــــــــــــا ميري ــــــــــــــــــــــــ شكيتك علي الله يا شيري وهترشته
لك كل الود والتحايا
اخوك ابونور
| |
|
|
|
|
|
|
Re: كلام في الشأن النسواناتي (Re: ابو نور)
|
الغالية شيرى
لك التحية وكما تعلمين انه السادة الرجال يطربهم الحديث النسوانى بل يكادوا لا يطيقوا غيره البته - حلوة البتة دى - ودائما اضنينهم واقفه عشان تسمع كلام النسوان وسيرة النسوان .. ما يجينى كوز يقول لى ياخى حرام عليك تتهمنا كده .. غايتو عن نفسى انا بحب كلام النسوان وسيرتهن وحكاويهن وزمان تعرفى فى السودان قهوة نص النهار دى ما بفوتها ابدا وسطهن وعييييييييك حكاوى اسكتى ساكت بس .. الواحد طبعا بعد ما تأهل مرة واثنين اصبح لا يطيق حديث النسوان لانه كله طلبات وشكاوى وهو المعنى بكل ذلك عشان كده اننا ممكن ازيدك من كلام الستات المتزوجات واللائى لا تحلو لهن الونسة الا وقطيع فى جتة ازواجهن وكيف انهن ضليعات فى تدقيس الازواج المغلوبون على امرهم ..
المهم زى ما قالوا الشباب باين الحكاية لسع ما انتهت وانا منتظر اشوف الحكاية واجيك بمداخلات ياما .. اصلو ده الكلام البعجبنى وما بعجب الكيزان السمان..
بالمناسبة شفتى الكيزان - بمنطوقنا- هنا كيف ببقوا سمان ؟؟ ياخى واحد قريبى كان زى القشة اول ما دخل مع الجماعة ديل والله بقى سمين سمن اصلو ما معقول وملاحظتى انهم كلهم سمان وما عارف الحكاية شنو..
وتسلمى يا ست البنوت لى حدهن على الطلاق ست البنوت مناصرة لحبوبتك واعتمادا على حلو كلامك ورقة مشاعرك
والله يغتس حجر بوش وبلير وكل العلوج
| |
|
|
|
|
|
|
Re: كلام في الشأن النسواناتي (Re: قرشـــو)
|
الاخت شيري
التحيات النواضر
والله ياشيري كتبت ليك جنس كلام أظن قريب ساعة بكتب... شفتي ماخليت الإعلان العلمي لحقوق الانسان، وما خليت شي في المراجع، وشي فاطمة المرنيسي، ورجعت لمعلومات حول الجذر والعجور وماشابه، وكمان قانون الاحوال الشخصية، واوووك.... لمن الكي بورد اشتكى، وجاتني قطايع في كتفي اليمين، كدي اقوم اشوف لي فكس... وطبعا شغال على الهواء مباشرةَ، آه وقلت امشي المطبخ واجي اشوت ليك الموضوع، لقيت الموضوع اتلحس.. اتمسح... طبعا قررت اني ما اعيد كتابته تاني وقلت اخير اهترش معاك كدي مقبلولة
| |
|
|
|
|
|
|
Re: كلام في الشأن النسواناتي (Re: shiry)
|
شيرى كيف عامله الايام كان عندى نفسيلت وقلت ما اقرا ولا اشارك لكن هترشه ظريف وانت البت الشغال دى عارفاك بتكلمى عنها كتير كدى كان اشتكتك للمجلس الامن الدولى ودعقاب
| |
|
|
|
|
|
|
Re: كلام في الشأن النسواناتي (Re: shiry)
|
شيرى كيف عامله الايام كان عندى نفسيلت وقلت ما اقرا ولا اشارك لكن هترشه ظريف وانت البت الشغال دى عارفاك بتكلمى عنها كتير كدى كان اشتكتك للمجلس الامن الدولى ودعقاب
| |
|
|
|
|
|
|
Re: كلام في الشأن النسواناتي (Re: ود عقاب)
|
ســـلام مربع خوة الورد
شروم : وحات نظري .. الموضوع من طوله ، لمن (عسمتني) كتابتو وجابت لي قطايع ، لكن يظهر ان الامر لن يتقبل اكثر من ذلك كلاما . ولنقل كفى .. وبعدين انا شايفه .. خطيبتك . بت عجرم ديك اللي كلها (لتيق) منتظرااااك .. شكيتها على الله الكان عايزه تنضف علينا الجو وتلفح (اولادنا) ..
ابو نور سلمت ياسيدي للطله ، وسلمت اكثر للشكيه .. انا اشكو وانت عايز تشكوني .. طيب تعال نتلمي سوى ونتفن في الجامع ونشتكي سوا العمده : قرشو اول بالتبادي . .بتتك حلوه .. ثاني شيء : عارف الرجال ديل ، عندي ليهم جنس شنافه .. اسكت خليها ساكت .. بلوا ريسينكم وانتظروا ساكت مثلما انشغلت امريكا ، بموضوع ا لعراق وصدام ، ثم رفعت راسها وهااااك يا معاينه في سوريا . انا مثلها .. مشغوله اليوم بالنسيونات وكلامهن الحريماتي ، لكن عيني ابدا لم تغفل عنكم ايها المحركون لرياح الظلم الاحتماعي في عالمنا . انا منتظراك تكتب .. لاني ارغب في دعمك الان ، لغرض اخطط له ، وهو ان اورطك مع النسيونات بعدين ، فحتي اذا ما فتحت سيرة الرجال كنت انت الهدف ، وسوف تتلقى هجوما .. ايييييييييك اسكت خليهو ساكت .. الا تري كم انا حريفه ، وذات مقاصد قتاليه ماكره .. فهذا الموضوع ، هو نوع اخر من الشراك التي تنصبها الاثني لتصيد النوع الذكوري دون تلجا للقوة الجسديه . هاهاهههاه امازحك ايها الشفيف .. لا تخف .. سوف لن نضحي بك في شعارات ثورتنا التي نرفعها بعد شويه .. سلمت ياسيدي ، للاطراء
هدهد .. الجاتك في كي بوردك سامحتك .. اكيد ، اكيد ، نيتك الكتابيه لم تكن (كويسه) لذلك .. سمع الله دعائي ، وقام كده مسح ليك الموضوع . وبعدين النسوينات المسكينات ديل موش حمل كتابتكم الجميله ديك ، تقوم تصيبهم عقده .. هترشتك مقبوله ياسيدي .. يعني شايف هترشتنا ، خلاص ماشاء الله عليها . نحن ياسيدي نمارس الخرمجه الهترشاتيه .. واكيد كلامك زين زين زين سلمت ياسيدي للهترشه .. ومنتظرين نتيجه (الخنقه) التي خقتها (للكي بورد) عشان يستفرغ الكلام البلعوا . ود عقاب
وحات نظري ، ماتشوفها ، كده ، مسيكينه وهفتانه ، والله دي اشد مني ومن مية بت زي كده .. اصلوا ما تاباها ليها ، البتجيها مني .. سلمت ياسيدي للاطراء ، وسلمت اكثر للطله
______ شكيتكم على الله يابوش وبلير وصدام
| |
|
|
|
|
|
|
Re: كلام في الشأن النسواناتي (Re: shiry)
|
يا استاذة شيرى أنا احتج على هذا الهجوم غير المبرر على المرآة.. ووالله زى ماقالت Doma نحن هنا فى بلاد الخواجات ليس لدينا مثل هذه الرفاهيات والهموم الصغيرة.. ومما تزوجنا نتحمل عبأ الاسر اللتى كوناها مثلنا مثل الرجال وربما أكثر.. أما عن زينة المرأة..فهذا لايعيبها .. وبالله خلونا من الازدراء بنا وبمشاعرنا.. وكفايه علينا ال Stereo Typing الذى يمارسه معظم الرجال.. وسؤال واحد فقط ..او ليس المجتمع هو اللذى يخلق للرجل والمرأة توقعات من الصعب لكليهما الفكاك منها.. خلاص فترنا من هذا الهجوم اللذى غير ان يرسخ لدونية المرأة لاينجز اى شئ
| |
|
|
|
|
|
|
Re: كلام في الشأن النسواناتي (Re: Outcast)
|
اختنا الحبيبة Outcast
ياختى سمى الله اول حاجة فانتى بيننا اخت وعزيزة وصديقة وست بيت وكلنا نشيلك فى الرأس وعلى رموش العين .. ده كله عشان الاسم العجيب بتاعك.
ثانيا يا اختى زى ما بتقولوا هنالك فى بلد الخواجات "تيك إت إيزي" فالمسألة ليست بهذه الجدية والله لا جاب زعل الحكاية كلها هترشة وكلام فى كلام يعنى ليست هنالك اى اساءات ولا اضطهاد بل نوع من الدعابة ارجو ان يتسع لها صدر الجميع وما تاخدى الحكاية بكل هذه الجدية فنحن يعلم الله نأتى هنا لنفرق وقتنا ونتونس ونهرج قليلا مع الاحباب ونقول وجهة نظرنا كمان فى ما يدور فهونى عليك عزيزتى
ووحات عينيك ما تزعلى
| |
|
|
|
|
|
|
Re: كلام في الشأن النسواناتي (Re: shiry)
|
خلاص كويس يا قرشو.. وشكرا لتطيب الخواطر والظاهر على انى انا فعلا منفعلة لكن والله حاجة تجنن..يعنى تفتح بوردات الخواجات تلقى مافى اى كلام غير Nigger فعل و Nigger سوى.. ولمن لايعرف هذه الكلمة (واشك فى ذلك)فهى تعنى العبد.. خلاص والله لونا مشكلة وما عارفين لينا هوية وتقول تجى ترتاح مع السودانيين اهلك واخوانك.. يطالعك كل يوم موضوع ليس فيه غير الذم وتكسير المجاديف والاساءة ليس لاى سبب سوى انك انثى.. معليش مرة اخرى للا نفعال اللذى يمكن ان يكون غير مبررا..
| |
|
|
|
|
|
|
Re: كلام في الشأن النسواناتي (Re: Outcast)
|
عزيزتى
يؤلمنى ان اناديك بذلك الاسم الذى اخترتيه
واقدر حالتك النفسية فى الغربة فنحن كلنا غاليتى اغراب ونعانى الامرين من الاضطهاد وان لم يكن تصريحا فهو تلميحا ويكفى ان تطالعى الصحف لتجدى جام الغضب مصبوب على الاجانب وتحسى بانك غير مرحب بك بل الكل يتمنى ان تغادرى ارضه حتى ينعم هو بخيراتها فهو يعتبرك محتلا لثرواته ويحاسب كم تحول لاهلك وكم تقتنى ..
كلنا فى الهم شرق عزيزتى ولذا نأتى هنا ولو عرفت عزيزتنا شيرى لوجدتيها مقهورة اكثر منك ولذا فهى تنكت على نفسها من غلبها وكلنا كذلك اصبحنا نتهكم على ذواتنا ونمعن فى ذلك حتى نعجل بالعودة الى ارض العز والسؤدد ..
اشكر لك قبولك حديثى وارجو ان تبقى فينا وستجدى انك بعد قليل جزء من تلك المنظومة واسأل الله لك عودا حميدا للوطن حتى تنتهى المعاناة ..
مع كل الود عزيزتى
| |
|
|
|
|
|
|
Re: كلام في الشأن النسواناتي (Re: قرشـــو)
|
OUTCAST
سلام مربع
اولا تبري انتي من الاوت كاست ثاني شيء.. شخصيا لم اتناول حياتكن واعني نساء المنافي الصقيعيه .. فانا لم ازل اعيش هنا في المنافي الاختياريه التي لا تبعد كثيرا عن وطني الام لذلك ، كتبت عنهن وانا لم اتطاول عليهن ولم اقل شيئا لم يحدث صدقيني هذا مايحدث ، عندنا هنا
ثالثا / مثلما قال الاخ العمده ، ان المسألة لا تعدو كونها نوع من التقشير الطربي ، لا اكثر ولا اقل فالزنقة التي نعيشها وكومه الهموم التي تتردم فوقنا ، لا شيء يزيحها عن كاهلنا الا بمثل هذه الهزليات فانا نفسي اسخر من نفسي كما رأيتي وهذا من قرفنا وطفشنا سلمت ياستي للطله وسلمت اكثر للزهجه
| |
|
|
|
|
|
|
Re: كلام في الشأن النسواناتي (Re: shiry)
|
سلام مربع
سلمت ياقرشو للتوضيح ، وكنت منتظره انك تجي راجع عشان تقول الشمارات الكثيرة المعاااك
oucast والله معليش انا ماكان قصدي افقع ليك مرارتك او ازعلك خصوصا ان هذه الايام الندوات والمؤتمرات حول المراة وحقوقها التي شبعنا من شعاراتها مدوره على ودنو مثلما يقول المصاروه الله يهدي يا بت امي ونصيحتي ليك ماتقري منتديات الخواجات ديل ماعندهن موضوع ..لسبب واحد عايشين في عالم غير عالمنا والايدو في المويه موش زي ........
سلمت كلكم للطله وسلمتم ايضا للمشاركه الفاعله
| |
|
|
|
|
|
|
Re: كلام في الشأن النسواناتي (Re: ودقاسم)
|
سلام مربع
ود قاسم
داير النصيحه ولا بت عمها
مو نصيحه تب
نحن ماكده .. عن نسيوناتنا احكي .. والكلام الصاح اقول
تحتاج فقط زيارة خاطفه لباب شريف او سوق الصالحيه او الفيصلية وبعدها راقب النتيجه كويس اذا لم ترجع مره شديده ونصيحة زي نسويناتنا هنا نجرب معاها علاج تاني اهاا الله يعينك
_______ شكيتكم على الله ياناس بوش وبلير وصدام
| |
|
|
|
|
|
|
Re: كلام في الشأن النسواناتي (Re: tasneem)
|
شيرى..و الله معليش , الظاهر انو هترشتك دى اتقطعت فى النص وانا ماقدرت ارجع تانى للموضوع لانى دخلت لى فى "هرشات" فى النص.. لكن والله احب كتاباتك جدا ومن المتابعين لك فى البورد منذ زمن.. ووالله انا outcast.. ولكن بمزاجى
تنسيم ماتخافى من هرشى..لانه مهما اغلظت ماح يحصل "دورات المياه" الشغاله فى البورد اليومين ديل.. فاهمه قصدى طبعا.. ونحن النساء طبعا بنعرف للهرش الممنهج وكيف نحقظ شعرة معاوية.. وللا ماكده.. سلاااام
| |
|
|
|
|
|
|
Re: كلام في الشأن النسواناتي (Re: Outcast)
|
سلام مربع
بنيه السكريه
سلمت ياستي وانا ماناسيناهو الموضوع بس .. انشغلت شويه بي حاجات تانيه وجاياااكم في الحديث يفككم الله من هترشتي
outcast
ليس هذا بالضبط ياعسل ماقصدناهو نحن ايضا نحبك ونحب حديثك والله لاجاب الزعل بينا واي كلام تقوليهو حلو على قلوبنا
تسنـــيم
سلمت ياستي للاسراء وسلمت اكثر للاطراء اخدنا ليك منها الاذن ، يلي شتتي الهترشه هنا .. خلينا نعرفكن عايشات كيفن اصلوا المجنون تبعي ، لديه فكره للانتقال للعيش هناااك حيث صقيع المشاعر ونثار الثلج الذي يغطي النوافذ ولشدة ما اكره الغرف التي لا تفتح نوافذها احسني مخنوقه .. سلمتن كلكن يارائعات
------ شكيتكم علي الله يابوش وبلير وصدام
| |
|
|
|
|
|
|
Re: كلام في الشأن النسواناتي (Re: shiry)
|
Dears shiry ,outcast سلامي
وعلي ذكر مناسباتكم بتاعة السمايات والطهور تذكرتكم في جلسة نسائية خاصة وانا اتصنت لتلك النقاشات
هنا يا شقاوتك لو جيتي البلد دي وعندك بت مختونة ينظر لك كانك جاية من كوكب اخر دا طبعا تصنيف جاهز علي تخلفك وتخلف زوجك لذلك عليك نفي هذه الصفة عنك وعن زوجك بشتي السبل وطبعا رامياها في النسيبة والحبوبة وبرضو لا تخلو من الانتقاد ويضرب بك المثل كلما جاء ذكر هذا الموضوع دا غير نظرة الاشفاق الي بنتك المختونة
وعندنا برضو نوع كدا الواحدة لو عندها اكتر من 3 اطفال لازم تبرر ذلك وتختلق القصص وكيف جاء هولاء الاطفال عاد مش الولادة الكتيرة تخلف برضو
وعندنا من النوع داك اللذي يحاول ان يثبت انه كان بيسوق عربات من السودان عشان مايقولوا عليهامستجدة نعمة وساقت عربية في البلد دي
اعود مرة اخري
مع تحياتي لك وللاخت outcast
| |
|
|
|
|
|
|
Re: كلام في الشأن النسواناتي (Re: tasneem)
|
سلام مربع
تسنيم : ست البنات
سلمت ياستي للاضافة ودا فعلا الحارينو منك نحن النسوينات على اعتبار مايكون طبعا . عاجلا ام اجلا سوف انضم الى الركب النسوي وعاد اليوم داك اقول ليك كده يالدهب اها من هنا لي هنا
وانا في انتظارك للشمشمره
وكلام خاص جدا
نصائح لصحتك سيدتي
الفراوله
لفراولة مفيدة للقلب ، وذلك لأنها من أفضل مضادات الأكسدة وغنية بالألياف الغذائية القابلة للذوبان
وهذه الألياف تعمل على تخفيض معدل الكوليسترول في الدم وزيادة كفاءة الدورة الدموية
| |
|
|
|
|
|
|
|