|
|
 صدقو او لا تصدقو..... لسه في ناس كدا
|
اولا صباح الخير ناس حلتنا البهيه
بالامس حضرت عقد قران احد المعارف
على الانسانه التي ارتبط معها بعلاقه عاطفيه منذ زمن
عايزكم تتخيلو الزوله دي انتظرتو كم سنه؟
كل الود والتحايا
|
|
 
|
|
|
|
|
|
|
 Re: صدقو او لا تصدقو..... لسه في ناس كدا (Re: ايهاب)
|
إيهاب يا أخوي الجهجه شنو ، ما خلاص الراجل بحمد الله ربنا تم ليهو بالخير وإنت زي ما قال الفنان جاي تفتش الماضي ، ويعني لو عرفنا كانت منتظراه كم من الوقت بتغير شنو وأظن طول الإنتظار في الحالة دي بيكون خفييييييييييييييييييييييف زي زيت عافيه على المعده لأنو وصل لي نهاية سعيدة جداً. وكل عاشق عقبالو
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: almulaomar)
|
الملا عمر
صباح الخير
ياخي دي مستنياهو
18 سنه
مووش فتره طويله عليك الله
يعني صعب تلقى النموزج دا كتير
الحمد لله الربنا لم شملهم
والبوست دا ما تقليب ماضي لكن تحيه اعجاب والله
يعني دا من النوع المنقرض وكدا
هسه مافي زول عندو الصبر دا
ولا انت رايك شنو
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
ايهاب
ياخوى دى روحه طويلة طول اصلو ما معقول
ثمانية عشر عاما؟؟؟ ياخى الولدوها زمن بدايتهم تكون اتعرست
لا حول ولا قوة معقول فى ناس لسه كده ؟؟؟
اكاد لا اصدق فى زمن البيع بقى بالمجان ومرات بالخسارة كمان
بعرف واحد مجكس واحدة وجهز نفسه ما تم سنتين لما مشى لقاها باعته بيع رخيص جدا جدا المهم الزمن بقى زمن الجاهز ويلا بلا لمة ...
ناسك ديل عتيقين والله حقو احتفالهم يكون خرافى زى انتظارهم ووفاءهم ده ..
بلغهم تحياتى بالله وتهانى الحارة
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
إيهاب يا أخوي
كدي قرب لي أضانك جاي وبيني وبينك الحكاية فيها شاكوش بالنسبة ليك وكده لأني شايف الموضوع حارقك شديد والإنتظار نار بس لابد دون الشهد من إبر النحل يعني ما في حاجه بتجي بالساهل ، وخلاص أظن الطيور طارت بأرزاقها والراحت عليهو يجرب تاني.
بعدين حكاية رأي شنو دي ما بتنفع ، ببساطه لأنو بعد أحمد وفاطمه ومحمد الرأى بقى ما كامل وزمان البايعه بيقول لا عندي محمد لا فاطنه وأنا الحمد لله زايد فوقهم أحمد كمان عشان كده أنسى والمهم قولي أنا خليهو إنت قولك شنو ؟
بعدين حكاية ثمانية عشر سنة دي يمكن سمعتها غلط يعني إمكن كنت بتسمع في كبرتي وليك تسعتاشر سنة وبعد التخفيضيات بتبقى الرقم القلتو ده.
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: Tumadir)
|
العزيزه تماضر
ما لقت زول شنو ياخي
ليه بس كدا
والله اتنمى انو ما دا يكون السبب و انو يكون عباره عن اخلاص و وفاء
و حب صادق و حقيقي ما اي حاجه تانيه
بعدين والله زولنا دا حالتو بالبلا من زمان
ما مغري في اي شي
مفلس و عاطل ليهو سنين
يعني اي خيار تاني كان ممكن يكون احسن و اسهل و اقرب ليها
كل الود
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: BAKTASH)
|
الديناصور بكتاش
سلام
مشتاقين يا كنج
لا والله ما كزبه ابريل و لي علمك الزول دا كان
في اوريسا كميه من الزمن وكان بيجي بونا مرات
لكن ما بقول ليك منو
عقبالك انت و الشريف
اقول امييين
و زول الحداشر سنه دا
الله يصبرو ساااااااااااي
و سلام سلام سلام سلام
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: BAKTASH)
|
بكتاش هو انتا اللاقياك منو
والله دا حا يكون من بختها
لانك رجل و الرجال قليل
انتظر يوم عرسك بي فارغ ا لصبر حتى نقدم لك ولو القليل مما قدمته
للوطن و لنا و لكل من حولك
ايها العملاق
بس الشريف دا ما تخليهو وراك
ههههههه
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
.العزيزة .. مى الأسيد
والله الواحد لسانو اتعقد من المفاجأة .. أخيرا الواحد لقى طرف خيط .. ما عارف أقول شنو من كترة ما بيكى مالينى الكلام.
أولا .. مبروك يا ستى وان شاءالله ربنا يتمم على خير .. وبالتأكيد هو محظوظ كونو يلقى واحدة زيك.
ثانيا .. كان عندى احساس قوى انو الزولة الداخلة باسم بت الأسيد .. دى انتى. وصلنى بريدك الألكترونى
وسعدت بيهو للغاية .. معقولة أكون نسيتكم؟ .. وانتو
حفرتو بعمق فى الوجدان. كيف أخبار ناس 14 ؟ لقد انقطع حبل التواصل بينى وبينهم .. لكن يبقى الود
ثالثا ... سعيد جدا بما حققتيه من انجازات أكاديمية .. نحن والبلد فى انتظارك
ألف مليون مبروك للمرة التانية .. وحزين جدا انو العرس حا يفوتنى.
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
ايهاب
اقصي الود
دي يا ايهاب اروع لحظات الانتصار ليهم ولينابرضو علي الشين والحزن .انتصار نحسه فرحا حين نري هولاء ينتزعون حلمهم انتزاعا من فك الزمن
فرح بي طول صبر ال 18 سنة
مبروك
لك السلام
عبدالله جعفر
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
الأخ .. ايهاب
معذرة انو أقحمت بالرسالة أعلاه فى هذه الماحة الخاصة بيك .. كل ما فى الأمر انو كنت فاتح سودانيز اونلاين مرتين وبكتب ليكم انتو الأتنين فى وكت واحد ..لكن اخلتط على الحايم بالنايم .. معذرة تانى
| |
|
|
|
|
|
|
|
|
 Re: صدقو او لا تصدقو..... لسه في ناس كدا (Re: elsharief)
|
اقول ليك حاجه يا إيهاب
البنات عموماً أكثر صدقاً ووفاء ماتحيزويمكن يكون تحيز مالوا
صدقنى زولك دا لو كان عنده مجرد فتفوته بتاعه أمل فى
خيار آخر ماكان إتوانى
هى أكيد الشارياهو والمنتظراهو والباقيه عليه
وهو قال فى نفسو زى دا وين تلقوا الله كريم تلقوا زى دا
غايتو إن بعض الظن إثم
عموماً يمكن يكون كلامى دا حسد سااااى
ياقول حبوبتى أستغفر الله من حقهم وحسابهم
الشريف ممكن أسال سؤال عندك قريبك فى الخرتوم إسمه إسماعيل
غايتو سبحان الله شبه ماعادى
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
الجميل ايهاب
والله ديل احسن اتنين ربنا يهنيهم بي بعض
مش زي ناس كده
الواحده تقول ليها ماشي اقرا تبيعك
ماشي اشتغل تبيعك
ماشي الجيش تبيعك
الواحده شايله شاكوشه وحايمه ..
عشان كده يا ايهاب حقو الواحد يبطل القصة دي .. ويشتغل نجار
المدام ذاته بعد العرس ..تاخد ليها شاكوش عشان تعرف حاجه
انته كيف ؟؟؟؟
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: tmbis)
|
looOOOOOOOOOOOOOOOOOOOOOoooolz
تمبس ياخي نجار شنو انتا لو في نجر كان نجرتا
keys
دي
لكن والله اي بياع يتباع زي الترتيب
كدي خليك مني انا بس شايفك شايل تقيل
كدي ورينا كم كدا بالتحديد و سرك في بير
تسلم يا ملك
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: HAMZA SULIMAN)
|
انا بصدق يا ايهاب
لانى عاصرت قصة قريبة لى دى قبل كده
14 سنة
ناس من زمن الابتدائى وهم مع بعض
جيران
فضلوا عمرهم كله يجهزوا ويلموا عشان يتموا مناهم
حالهم كان بسيط
من الابرة لغاية الاثاث اشتروه مع بعض حتة حتة وبالاقساط
تم مناهم وربنا جمعهم
وكان عرسهم مهرجان عديل
بعد شهرين تعب هو من الملاريا ودخل المستشفى
اخد فيها شهر واصيب بفشل كلوى
عمل الغسيل الاول وما استحمل التانى
ربنا يرحمه
ما تسالنى عن حالها هى لانى ما ح اقدر اوصف ليك
بس اعرف رغم مرور 3 سنوات على رحيله لازالت هى بتلبس الابيض وما عندها حاجة بتعملها غير تغسل وتملأ ازيار السبيل العملته باسمه قدام بابهم
اسفة لانى بقول الكلام ده فى هذا البوست المفرح بس العبرة خنقتنى والله لما اتذكرتهم
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
..
.
شايفه في ناس كتيره عايشت سنين كتيره
انا كمان سمعت لكن ما عاصرته قصه حب دامت 10 سنوات...
وحبو بعض و هم كبار مش و هم مراهقين يعني كده اتزوجو و كم 30
هسه الواحد اشتري الناس ديل من ياتو سوبرماركت
يا جماعه الزمن صعب
لكن الطيبون للطيبات
تحياتي
اها و عقبااااااااااااااااااااالكم
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
الاخ أ يهاب
انا ما شيفه اي غرابه في الموضوع دي
اذا هو حب حقيقي ممكن ان يحصل
في وحده من اقاربنا كانت في قصه حب مع شخص , الزوله دي انتظرت 7 سنوات , هو كان مغترب , لكن اول ما رجع , اتزوج من اهله, كانت بالنسبه ليها صدمه , ورفضت الزواج من اي شخص ثاني , و شاءت الظروف ان لايجد السعاده مع زوجته , بعد 10 سنوات , حاول يرجع الي الزوله الاولي لكنها رفضت, الي الان هذه الشخصيه دون زواج و عمرها قد بلغ 42 عاما , ومعلوميه هذه المراه ذات جمال اخاذ و لقد حققت نجاحا في مجال عملها , ووصلت درجه عاليه
ويا استاذ خضر
المراه لما تحب , تحب مره واحده , و تخلص لهذا الحب, و ما في فرق اذا كانت سودانيه ولا غربيه المشاعر هي انسانيه دون فرق و القصه السابقه لسودانيه؟ ولا شنو
بنت الاسيد
(عدل بواسطة bent-elassied on 04-09-2003, 09:46 PM)
(عدل بواسطة bent-elassied on 04-09-2003, 09:46 PM)
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
الاخ أ يهاب
انا ما شيفه اي غرابه في الموضوع دي
اذا هو حب حقيقي ممكن ان يحصل
في وحده من اقاربنا كانت في قصه حب مع شخص , الزوله دي انتظرت 7 سنوات , هو كان مغترب , لكن اول ما رجع , اتزوج من اهله, كانت بالنسبه ليه صدمه , ورفضت الزواج من اي شخص ثاني , و شاءت الظروف ان لايجد السعاده مع زوجته , بعد 10 سنوات , حاول يرجع الي الزوله الاولي لكنها رفضت, الي الان هذه السخصيه دون زواج و عمرها قد بلغ 42 عاما , ومعلوميه هذه المراه ذات جمال اخذ و لقد حققت نجاحا في مجال عملها , ووصلت درجه عاليه
ويا استاذ خضر المراه لما تحب , تحب مره واحده , و تخلص لهذا الحب, و ما في فرق اذا سودانيه ولا غربيه المشاعر هي انسانيه و القصه السابقه لسودانيه؟ ولا شنو
بنت الاسيد
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
سلاااام
انا عن نفسي ما بصدق انو في زول ينتظر 18 سنة
ياخي احنا في زمن مافي حب مهما كان عمر الانسان تلقاه بحب مرة ويسيب وتسمع البنات يقولو حوى والدة
والاولاد بيقولو برضو حوى والدة
يعني مافي حب بيدوم عشان كدة انا على يقين انو الانسان اللي في قلبي في لحظة منكن ينتهي
وان وجد هذا الانسان المحب فانني على يقين بانه الاخير
عاشقة
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: عاشقة)
|
ولا شنو
إيهاب
خلاص فكرتا تانى
فعلاً الناس ديل لو باقيين على بعض
كان شتتوا زمان
والله فعلاً صمدوا
تصدق أنا حاجه زى دى مش أقول ليك ما بصدقه
مابتخيله أصلاً ماحكايه الوفاء
حكايه طوله البال
يعنى أنا لو فكرته سااااى أخت نفسى محل زولتك دى
الزهجه كانت كتلتنى
ممكن أستناه سنه سنتين تلاته أكتر من كده أكون مجبوره
عليه ساااى ولما يجينى يلقانى خلاااااص روحى مسلوله
الشريف أخوى
غايتو سبحان الله
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
انت عارف أنا سألتك السؤال دا ليه يا ايهاب .. عليك الله شوف تعليقات بنات البورد ـ ان صحالتعبير ـ وانت حا تعرف.
والله يا مى الأسيد الفرق كبير، طبعا ما فى الحب كغلاقة انسانية .. لكن فى الفهم لتلك العلاقة عند بناتنا السودانيات .. وأظنك يا مى يا أختى قدرتى تعقدى المقارنة بوجودك فى المانيا.
ايهاب .. السبب قريب لى كدة
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: خضر حسين)
|
الاخ العزيز خضر حسين
فهمي للحب كعلاقه تحتوي علي المشاعر, الفهم و الانسجام , لم يتكون لاني الان بالخارج, وهذه المره الثامنه لكي اكون في الخارج, بل هو كان منذ الثانوي, تطور بالاقتناع و مازال رازخ , انا معك في الفهم الخطا لعلاقات , وهذا ليس عند البنات فقط بل ايضا عند الرجال, والمشكله تكمن في عدم الوضوح لشخصيه اذا كان رجل او امراه, و التقيم لذات الانسانيه من حيز جوهر , ,
في هذا الشي المجتمع الغربي تتطور كثير , المراه الغربيه اذا اقتنعت بشخص , فمن خلال الشخصيه ذاتها, لكن في السودان من اجل المال يمكن اختيار الرجل, او من خلال الجمال تختار المراه
الان يوجد شي من التغير, حقيقه, وانا متاكده انك حتلاقي الحب الحقيقي , عند اختيارك الجيد لشخصيه
وشكرا يا ايهاب لفتح النقاش لهذا الموضوع المهم
و اشوفكم بعض غيبه لفتره قصيره,
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: خضر حسين)
|
الاخ العزيز خضر حسين
فهمي للحب كعلاقه تحتوي علي المشاعر, الفهم و الانسجام , لم يتكون لاني الان بالخارج, وهذه المره الثامنه لكي اكون في الخارج, بل هو كان منذ الثانوي, تطور بالاقتناع و مازال رازخ , انا معك في الفهم الخطا لعلاقات , وهذا ليس عند البنات فقط بل ايضا عند الرجال, والمشكله تكمن في عدم الوضوح لشخصيه اذا كان رجل او امراه, و التقيم لذات الانسانيه من حيز جوهر , ,
في هذا الشي المجتمع الغربي تتطور كثير , المراه الغربيه اذا اقتنعت بشخص , فمن خلال الشخصيه ذاتها, لكن في السودان من اجل المال يمكن اختيار الرجل, او من خلال الجمال تختار المراه
الان يوجد شي من التغير, حقيقه, وانا متاكده انك حتلاقي الحب الحقيقي , عند اختيارك الجيد لشخصيه
وشكرا يا ايهاب لفتح النقاش لهذا الموضوع المهم
و اشوفكم بعض غيبه لفتره قصيره,
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: خضر حسين)
|
الاخ العزيز خضر حسين
فهمي للحب كعلاقه تحتوي علي المشاعر, الفهم و الانسجام , لم يتكون لاني الان بالخارج, وهذه المره الثامنه لكي اكون في الخارج, بل هو كان منذ الثانوي, تطور بالاقتناع و مازال رازخ , انا معك في الفهم الخطا لعلاقات , وهذا ليس عند البنات فقط بل ايضا عند الرجال, والمشكله تكمن في عدم الوضوح لشخصيه اذا كان رجل او امراه, و التقيم لذات الانسانيه من حيز جوهر , ,
في هذا الشي المجتمع الغربي تتطور كثير , المراه الغربيه اذا اقتنعت بشخص , فمن خلال الشخصيه ذاتها, لكن في السودان من اجل المال يمكن اختيار الرجل, او من خلال الجمال تختار المراه
الان يوجد شي من التغير, حقيقه, وانا متاكده انك حتلاقي الحب الحقيقي , عند اختيارك الجيد لشخصيه
وشكرا يا ايهاب لفتح النقاش لهذا الموضوع المهم
و اشوفكم بعض غيبه لفتره قصيره,
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: خضر حسين)
|
الاخ العزيز خضر حسين
فهمي للحب كعلاقه تحتوي علي المشاعر, الفهم و الانسجام , لم يتكون لاني الان بالخارج, وهذه المره الثامنه لكي اكون في الخارج, بل هو كان منذ الثانوي, تطور بالاقتناع و مازال رازخ , انا معك في الفهم الخطا لعلاقات , وهذا ليس عند البنات فقط بل ايضا عند الرجال, والمشكله تكمن في عدم الوضوح لشخصيه اذا كان رجل او امراه, و التقيم لذات الانسانيه من حيز جوهر , ,
في هذا الشي المجتمع الغربي تتطور كثير , المراه الغربيه اذا اقتنعت بشخص , فمن خلال الشخصيه ذاتها, لكن في السودان من اجل المال يمكن اختيار الرجل, او من خلال الجمال تختار المراه
الان يوجد شي من التغير, حقيقه, وانا متاكده انك حتلاقي الحب الحقيقي , عند اختيارك الجيد لشخصيه
وشكرا يا ايهاب لفتح النقاش لهذا الموضوع المهم
و اشوفكم بعض غيبه لفتره قصيره,
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
أستاذ خضر
الظاهر يا إيهاب يا خوى حا أرجع للراى الاول
الماكان تحت آى مؤثر واخت السبب فيكم
انا قلت ليك آى علاقه أنا عاصرتها للشباب السودانى وباءت بالفشل
كانت بسبب الرجل السودانى الميه ميه يا خضر
والله شباب الزمن دا بقى متلقى حجج وطبعا انا ما بعمم لكن الغالبيه
وطبعاً الشماعه البقت مهتريه هى آن الشاب السودانى يعول أسره
طيب ماكل العالم بتعول أسره
والبقول ليك أمى عايزه ليها سراميك
والبقول ليك أبوى قال لى لسه إنت ماحوشته حاجه فى حين ان أبوه يكون
سفير وهو شغال قبل ما يتخرج
وطبعاً أنت بتقدر تستشف الأعذار الواهيه التى تكون أقبح من الذنب
والبقول ليك أمى قالت لى لازم تاخد بت خالتك
وطبعاً دا غير المشاكل البتكون بين الاهل وتستمر لسنوات عجاف تنتهى
بقطيعه الرحم وعلاقه المحبين
طيب من الاول ما تكلموا اهلكم يا أولادنا قبل ما تربطوا بنات الناس بالسنين
وتجوا تتملصوا
من ناحيه أخرى أستاذ خضر المرأه مخلوق ضعيف أصلاً
فما بالك عندما يُضعفها الحب أكثر وأكثر ويجعلها لا تقوى على العيش بدونه
لذلك تتمسك بالإخلاص والوفاء وتقدم تضحيات يعجز الخيال عن تصوره
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: وجن)
|
وماذا عن البيع يا وجن
من هو اول من ابتكر البيع و فتح باب ا لدكان
المعروف انو ارتبطبت بدايتو بي فتره معينه
تغيرت فيها الاوضاع الاقتصاديه
واي زول ما جاهز اتلعب على السريع
ممكن هسه تكون دارت الدوائر
لي اسباب اخرى اهمها تعدد الخيارات و كثره البنات
و الهجره الجماعه لي الشباب بالسنين الطويله
كدي نناقش الحته دي و نشوف البادي منو عشان البادي اكيد اظلم
ولا في زول عندو راي تالت
و عشانما انسى موضوع البوست دا
اجمل التحايا والتهاني تاني
لرموز الوفاء والصمود
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: وجن)
|
العزيزه و جن
| Quote: متى سأحمل شمعه إنتصارنا بيد وباليد الآخرى ورود إحتفاءنا بالبدايات |
ذلك هو ما نتمناهو للجميع و ما ننشده لهم
Quote: عزيزى إيهاب
هل تجد لكم مبررات من أجل خزلانكم لنا إذن جد لنا العذر أيضاً
فمؤكد أن خلل الطرف الآخر هو الذى دعى بالطرف الأول للتضحيه
بأسمى العلاقات الإنسانيهد
|
صدقيني ليس الامر كذلك انما قصدت البحث في اصل الحكايه
ثم نتايع تتطورها
خاطرتك رائعه وجميله
شكرا لابداعك
و شكرا لمداخلاتك
و لك مني التحيه
والتقدير
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
الاخ ايهاب
موضوع النقاش حيوي وهادف واستمراره ومناقشتة بجدية سوف يصل الي حل القضية الاجتماعية
وجن سلامات
أحي أسلوبك الصادق والمعبر في النقاش وذكرتي قضية مهمة جدا أتمني أن تجد حظها من النقاش وهي ظاهرة الزواج العرفي المنتشر وسط الطلاب
ماهي مسبباتة هل لظروف أقتصادية أم هنالك أسباب أخري
وما هو دورنا لمحاربة هذه الظاهرة الخطيرة على مجتمعنا
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
الغالى دوما ايهاب ان شاء عافيه
الاخت وجن حكايه التقصدير داما من الرجل لا اوافق عليها فهى ان لم تكن من المرا ء فلها نصيب الاسد فالبنات بصفه عامه اول واحد جاهذ طوالى دون رجعه لحبيب ويا حبذا لو كان مقترب بيع على طول والمغترب دا ما يسالو حتى شغال شنو يقولو مغترب هو الاغتراب دا مهنه هو صفه
اما حكايه مشكله الزواج العرفى فهى الداء الذى ينهش فى احشاء المجتمع السودانى
اسبابه الوضع الاقتصادى الراهن وحاله التعليم العالى بصفه خاصه فكثره الجامعات التى تقبل دون ان يكون هناك نظره لسكن الطالبات او سبيل اعاشهتهم هذا من ناحيه ومن ناحيه اخرى هنالك بعض الرجال ضعاف النفوس
الاسباب كثيره ونواصل
ودعقاب
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ود عقاب)
|
الحبيب و د عقاب
والله شي محزن للغايه
لكن هل اكيد انو الشي دا منتشر للدرجه انو يوصف بالداء ام
انها نمازج محدوده
اذكر انه في بوست سابق حول هذا الموضوع اختلفت الاراء حول هذه النقطه
في انتظار المزيد من التوضيح
اما البيع فعايزين شباب التمنينات يدونا شهادتهم لانو عاصرو بدايه المساله دي
لك كل الود مني و كل التحايا
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
ايهاب
بستأذنك انو أواصل الحوار مع الأخوات عبر هذه المساحة .. وأعتقد انو الموضوع مهم ومحتاج نقاش دقيق وبشكل مباشر مع الأخوات .. ومسألة الحوارات
فى مواضيع حيوية وهامة زى دى مطلوبة بين الجنسين .. لكن لا بد من الصراحة والوضوعية فى التناول.
... الأخت مى الأسيد
لنا عودة لمواصلة ما انقطع من حوار بعد عودتك
الأخت ... وجن
شكرا على المداخلة .. أمس حاولت أعقب على ما كتبتيه لكن الزمن ما أسعفنى .. حا أحاول أرد على دفعات .. وعليك الله خلينى أكمل لحدى النهاية بعدين عقبى اذا كان عندك الرغبة.
أنا فى رأى يا ستى انو غالبية بناتنا السودانيات أقل صبراووفاء للعلاقة البتربطم مع من اختاروه ليكون رفيق الدرب ..
فى رأي انو فى أغلب الحالات بكون التقصير من جانب البنت .. لأنكم بتخوضوا التجربة المسماة "حب" وعايزين بين يوم وليلة انها تتحول الى زواج من غير مراعاة للظرف الأجتماعى والأقتصادى للطرف الثانى فى العلاقة .. دايرين تقعدوا فى برج عاجى وتطالبوا بانو كل حاجاتكم يتم تلبيتها على وجه السرعة .. كأنو الواحد مننا بملك عصى موسى .. وطبعا النيجة الحتمية فى حالة عدم المقدرة على تحقيق هذه الأشياء هى الحكم علينا بعدم الجدية ـ على أحسن الفروض ـ أو عدم جدوى هذه العلاقة ومن ثم البحث عن بديل لديه المقدرة على ذلك .. وطبعا مسألة الحب والأنسجام دى حاجة ثانوية، أو زى ما بيرددوا الكثيرات منكم " دى أوهام شعراء ".
يا وجن يا أختى .. انتو جزء من المجتمع البنعيش بيناتو .. وما بيخفى عليكم انو أنحنا لياتو درجة محاصرين بالتزاماتنا الأسرية .. والسؤال البفرض نفسوا وعايزك تجاوبيهو .. هل فى شاب سودانى ما مواجه ـ بضم الميم ـ بأى التزام أسرى .. حتى ولو كانت أسرتو ميسورة الحال؟ وهل المجتمع بيعفى الواحد مننا اذا قصر اتجاه أسرتوا؟ خلى المجتمع .. هل ممكن انك ترتبطى بى زول ما بتوانى فى التقصير فى واجبو المباشر ـ أقصد أسرتو ـ عشان يحقق رغباتو؟
دا يا وجن ظرفنا الأجتماعى؟ وما براكم البتضحوا بى مسألة الأنتظار دى.
للحديث بقية
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: خضر حسين)
|
الأعزاء
خضر وإيهاب
الواحد لما يجى يتوب مفروض أول حاجه يقر بذنبه فيتخيل لى لو نحن
عايزين نتصلح نقول أيوه نحن غلطانين ...أنا ما بنكر أبداً أنو البنات
بعيشوا تجربه الحب عين مفتحه وعين مغمضه يعنى تلقى الواحده
سعيده بإرتباطه العاطفى ورغم كده بتحاول تضيف ليه آجواء الشرعيه
وداالشئ المفروض يتخيل لى
لكن المُلاحظ أن الشاب بعيش التجربه وفى باله حاجه واحده محل ما تصل تصل
ما أنا فى النهايه ولد لو عايزه تستنانى تستنى لو ماعايزه خلاص
شفته خلاص دى شفت أنا أحلف ليك صادقه
أن معظم طالبات الجامعه وفى إستفتاء عام قامت به إحدى طالبات
قسم علم النفس بجامعه الخرطوم
بقول إن العلاقه بين البت والولد لما تصل ليها محك معين كده بقوم الولد
يقول ليها
الخيارات كلها فى يدك لو عايزه تنتظرينى إنتظرى لكن
أنا ما بلتزم ليك بحاجه
لو عايزه تتوكلى على ربك وتشوفى إنسان جديد وتشقى حياتك كما تريدى
فالله معاك
بعدين فى نقطه أنا شايفه معظم الشباب بقى يركز عليها
وهى لو البت جأت سألت الإنسان المرتبطه بيه عاطفياً
أنوأتقدم ليهاإنسان جاهز وأهله وأفقواأها إنت شايف شنو
طبعاً الواحد يتكفرن ليك ويعمل ليك فيها إنجرح ورجولته خُدشت
كيف البت دى تخته فى الحته الضيقه دى وكيف أصلا تفكر تقارنه بزول تانى
ما إنت لو باقيه على ما بتسألنى سوال زى دا
وبرضو بخلى ليها الخيارات مفتوحه يعنى ما بحاول يديها آى بصيص تتعلق بيه
فمن هنا البت بتلقى أنها كان معلقه بسراب وإنها إنخدعت
بعدين ملاحظه مهمه آى بت بتمر بتجربه فاشله أو قول تجربه آى كان نوعه
لما تجى تحكى لبنات جنسه بتهول الموضوع وتقول ليهم إتعظوا
وبالنقيض لو بقت باقيه عليه وما سألته إيماناً منها بعظمه الحب الذى يربط بينهما
ورفضت آى عروض تانيه ولو كانت مغريه وجابهت كل أساليب التهكم
يا غبيانه دا ما بتفات ويا ماعارفه شنو زولك داك عماره شنو
ويجى فى النهايه بكل بساطه بعد كم من التضحيات الما بتعقل
يتخلى عنها
وكمان يالله لو برر ليها موقفه وقال ليها لى ما سألتينى لما إتقدم ليك الإنسان المناسب
لانه هو طبعاً كان حيقول ليها طبعاً نحن وزى ما إنت عارفه علاقتنا صادقه
وأنا عشان إنسان بقدرك وبعزك لا يمكن أقيف فى وجه سعادتك لانه أنا لسه مشوارى طويل
يا آخ خضر صدقنى الواقع الآن محزن يعنى لما تلقى ليك علاقه ناجحه مئه فى المئه وصامده
ضد كل متقلبات الحياه فيحق ليك تقيف وقفه إجلال وإحترام للوفاء
وزى ما قال إيهاب يمكن تكون المُعطيات إتغيرت والشباب عزف عن جديته فى الحياه والجادى فى الحياه
مشى على الجنوب والباقى هاجر وبقى كمان يفتش ليه على مغتربه تكون قطعت ليه نصف المسافه بإقامته
أو جنسيته
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
الأخ .. ايهاب
والله الواحد بيقاتل عشان يظل النقاش فى الموضوع ده مطروح. لكن فى أقل من يوم الواحد بيلقى الموضوع مشى للصفحة التانية.
عزيزى ايهاب
رأيك شنو فى انك تتبنى مع الأخت وجن فتح باب النقاش فى مسألة الزواج العرفى كظاهرة أصبحت متفشية هذه الأيام
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: خضر حسين)
|
العزيز خضر
اشكرك مره تلاته على مساهمتك في هذا البوست واثرائه
و تنويرو كمان
و لكن بداخلي سوال
هل تعتقد ان هناك جدوى من النقاش
هل ستكون هناك نتيجه
هل سنستطيع تغيير الامر
ليست دعوه للاحباط
ولكن يبدو الامر صعب و عسير
كل الود والتحايا
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: خضر حسين)
|
الأخ العزيز الشريف
سلامات
أخشى أننى لا أستطيع البت فى هذه المسأله
لاننى غير مُصدقه أن هناك ما يدفع الطرفين الى مثل هذا الفعل
غير ضُعف الوازع الدينى
أنا ما بنكر أنى سمعت عنها كتير ويمكن من أطرافه كمان
لكن الأسباب واهيه البقول ليك ظروفى والبتقوليك أهلى
فمن هنا برضو بعتذر للأخ خضر فى تبنى نقاش هذه الظاهره
الأخ ود عقاب تحياتى
أنا لا أتفق معك إطلاقاً فيما ذهبت فيه أن للبنت نصيب الأسد
ليس دفاعاً عن بنات جنسى
حقيقه أنا سمعت وشفت حاجات زى دى كتير
شفت البنات بتنازله عن أحلام وطموحات وعن كل مغريات الحياه
فى سبيل التمسك بحلم أوحد جاهدن فى الحصول عليه
الحب يا عزيزى سلعه جميله من السهل الحصول عليها
ولكن من الصعب المحافظه عليها
فما أعتقد أن التفريط فيها ساهل كده
| |
|
|
|
|
|
|
|
|
|
Re: صدقو او لا تصدقو..... لسه في ناس كدا (Re: ايهاب)
|
.الأخت .. وجن
أقبل أعتذارك .. لكنى كنت أود مواصلة نقاش هذه الظاهرة الخطيرة ولعل وجودك هام باعتبارك أول من أثار النقاش فى هذه القضية.
الأخ .. الشريف
أضم صوتى لصوتك .. وأعيد نفس التساؤل .
الفنان .. الرائع .. ايهاب
والله سائلين منك
| |
|
|
|
|
|
|
| |
ايهاب
almulaomar
قرشـــو
امادو
Tumadir
manubia
BAKTASH
motaz
معاوية الزبير
elsharief
وجن
أبوالزفت
tmbis
HAMZA SULIMAN
bent-elassied
فيس بوك
تويتر
انستقرام
يوتيوب
بنتيريست