|
Re: من فتيح للخور للمغالق ... من علايل أبروف للمزالق (Re: almulaomar)
|
ود شاموق لك تحياتى وودى كأنى بخليل فرح يرثى نفسه بهذه الابيات وهو يتجه نحو شمال الوادى حيث ارض الكنانة وقد نالت منه العلة. ويقال ان من سخرية القدر ان ان جثمان هذا الخليل مر بمعظم هذه المناطق والاماكن المذكورة وهو فى طريقه للاتحاد مع التراب , حيث عاد كما كان ذرة هائمة فى مجال الاكوان وسر مكتوم فى ضمير الغيب .
| |
|
|
|
|
|
|
Re: من فتيح للخور للمغالق ... من علايل أبروف للمزالق (Re: SAMIR IBRAHIM)
|
عزيزي ودشاموق حقيقه كلما ذكر الخليل بكينا على الماضي الذي لا يعود وتذكرنا ونحن في الغربه صرخة الخليل ليت حظي يسمح ويسعدني طووووووووووووووفه فد يوم في ربوع مدني ودايما لما خلاص يفيض بيك الحنين وتقعد تجقلب اغنيها انا بلدي بدلا عن مدني لاننا الان نفقد كل البلد مش مدني براها فيا حليلك يا بلدنا ويا حليلك يا خليلنا ويا حليل ويا حليل الكتير هسه في داعي تخلينا نتجرس كده يا ود يا شاموق الله يديك العافية
ــــــ......ــــــ......ــــــ ما له اعياه النضال بدني
وروحي ليه مشتهيه ود مدني
ليت حظي يسمح ويسعدني
طوفه فد يوم بي ربوع مدني
| |
|
|
|
|
|
|
Re: من فتيح للخور للمغالق ... من علايل أبروف للمزالق (Re: عادل فقاد)
|
من فتيح للخور للمغالق
من علايل ابوروف للمزالق
قدله يامولاى خافى حالق
بالطريق الشاقو الترام
شكرا ود شاموق فلهذه الاغنيه وقع خاص لكل من ترعرع فى ابوروف
وخبر دروبها .. حيث سوق الشجره .. ونادى ابروف .. والبحر والمراكبيه ... وصيد السمك ... والكباجاب .. وترب ابو حبيب والقماير والحفر وود البصير والهجره زبقالة الجوهره ونادى المستقبل والنداء والرابطه
شكرا لامدرمان
ديكو
| |
|
|
|
|
|
|
Re: من فتيح للخور للمغالق ... من علايل أبروف للمزالق (Re: SAMIR IBRAHIM)
|
ود شاموق كعهدك تجيىء كمطر الوعد حين يعلن العشق تمام اللهفه ..فأهلا بنا فيك قبلا وبعد... من فتيح للخور للمغالق
من علايل ابوروف للمزالق
قدله يامولاى حافى حالق
بالطريق الشاقى الترام
يحكى فيما يحكى أن الراحل المقيم على المك قد كان بعيدا عن الوطن وحين عودته مباشره هاج به الحنين فقام بحلق رأسه للتو وخلع نعليه وتابع السير حافي القدمين تماما كما تقول هذه الكلمات متابعا خط سير الترام القديم من الفتيحاب الى خور ابعنجه وحتى ابروف..... أنا لا أدرى صحة هذه المعلومه ولكنى سمعتها لأكثر من مره... ولعمرى ان صحت فليس هناك أدلّ منها على حب هذا العلىّ لمدينة التراب..... وسلمت
| |
|
|
|
|
|
|
Re: من فتيح للخور للمغالق ... من علايل أبروف للمزالق (Re: ود شاموق)
|
والله هذا الخليل منذ ذلك الزمان وهو يكتشف أجمل ما في السودان وأجمل ما في إنسان السودان ابوروف تستاهل وأنا منها قلبا وقالبا بالرغم من أني لم أولد فيها ولم أتربى فيها وماقضيت فيها شبابي ولا صباي ولا أعيش فيها الآن حيرتكم ؟ الفتيحاب لي فيها ذكريات وعلاقات حميمة وقرابة ، والمشوار مشيته كداري أكثر من مرة انسان السودان الحاذق هذا قريبي مهما كان شكله ولونه وعرقه ودينه وأنا أحبه ويحبني كنت مع أصدقائي أصدح بهذه القصيدة ونحن طلابا ، ثم ونحن عزابا في بحري وبري ، وأصدح بها في كهولتي منفردا أو مع رفيقة دربي بنت أبو روف . انفكت الحيرة ؟ ديوان الخليل من أعز ما أقتنيه من كتب ولن أفرط فيه ولا أعيره لأحد بخالة مش ؟ لك التحية أيها الرقيق ودشاموق
| |
|
|
|
|
|
|
Re: من فتيح للخور للمغالق ... من علايل أبروف للمزالق (Re: ود شاموق)
|
من علايل ابروف للمزالق
قدله يا مولاي خافي حالق
بالطريق الشاقه الترام
ما يئسنا الخير عوده سايق _-------- والله ياود شاموق الناس دي جننتنا, حيث لا مدر عشق دفين وسحر غلاب وفي هذه القصيدة شيء من الصوفية والتشبة بايام الحج مما يجعلك تفعل ما فعله علي المك اذا صح الكلام المنقول ماتنسى حفر ود دلوك وناس قدح الدم وسوق امسويقة والزريبة,,, وسلام كبير ليكم
| |
|
|
|
|
|
|
Re: من فتيح للخور للمغالق ... من علايل أبروف للمزالق (Re: ود شاموق)
|
أولا الشكر لك يا علاء الدين شاموق.. أنا هنا لازم أذكّر الناس ديل كلهم بأنك من مواليد 1978 إن لم تكن من مواليد 1979، تاريخ ميلاد إبني الأكبر، مجتبى.. وأنا أغبطكم يا شباب على حسكم الراقي، مع أنكم ما ركبتم الترماج بتاع أمدرمان..
يا ود قاسم: إنتا ذاتك ما أظن ركبت الترماج دا، ولا أظن أن أم قاسم دي ركبتو، فلا بد أن تكون قد ولدت في ابي روف بعد زمن الترماج بكثير..
والتحية والسلام لروح شاعر السودان الخالد خليل فرح قدلة يا مولاي حافي حالق في الطريق الشاقي الترام
يعني داير يقدل في أمدرمان بزي الإحرام، وكأنه في حج، يا له من تشبيه!!
ما يئسنا الخير عوده سايق
الحي يعود ان أتي دونه عايق
الي يوم اللقا وانت رايق
السلام يا وطني السلام
| |
|
|
|
|
|
|
|