|
|
 اوراق من دفتر امير ترافولتا
|
سلام يا جماعه:
في البدايه اعرفكم بنفسي...اسمي امير...امير لمبه...وليه لمبه..عشان الجكس بيقيف لمبه لمن اجي ماشي في السكه.
انا اوجه ولد في الحله..اكتر زول لبيس وقيافه..ومجكس كل البنات حتى امي..كلمتين وبوسه كدا.واختها تحت جناحي
عربتي نوبيرادهبيه..ونظاتي شمسيه...يعني لو عاينت لوحده ما مفروض تقوم من مصلايتها لليوم التاني عشان اكرر النظره
لكن اخخخخخخ عندي نقطه ضعف واحده بس...البنات البنات يا اخوانا...وفي احلى من البنات عليكم الله...البيضا والسمرا والخدرا...المليانه والسمينه والضعيفه..الطويله والقصيره كلهم وروووود ورود ..وفي احلى من الورود
الناس بيسؤوا فهمي وبيقولو بتاع بنات...لا والله ..المشكله اني بكون صادق مع اي واحده فيهم...ميت انا في عيون ميرفت...مكتول في جسم شيرين...مجنون بضحكه ليلى...عوير قدام شعر سحر...اموت انما ...اطير انا...امشي وين...ارقد ركن
قلبي طاير طاير بجناح عصفور وحيد
لمن اجي اطلع ..القشره اساسيه لكن ما دايما مرات شويه بهدله عندها اثر رهيب....يعني لو نسيت زرارين تلاته مفكوكين ما مشكله...لو ما حلقت ليك يومين تلاته برضو ما مشكله...حركه برضو
لمن تكون داير تأثر اول مرات...الريحه حاجه اساسيه...ولازم تكون من النوع البخش مخ البت كدا ويلفو ليك لف...الموبايل موضه قديمه .احشرو في جيب البنطلون لو ضرب دي رساله خفيه معناها انا مهم..ما تتجاهلو ارفعو واختصر دا معناو برضو(انا مهم لكن انت يا حبيبي اهم) السجاره ضروره لا يمكن الاستغناء عنها..اوعك تسمع كلام يا امير صحتك حبيبي او ريحتها كعبه...كضب الجكس كلو بيحب الرجال بسجايرهم حتى لو هم زاتم ما عارفين دا لكن ما دايما خليك نبيه ...مثلا لمن اكون خرمان وما لاقي طريقه طوالي الف ليك الموضوع واقول.. _يا ميرفت حرام عليكوالله...ما قادر عيونك بوظت اعصابي
وطوالي اطلع لي سجاره...وساعتها ميرفت حتبتسم وتسكت
ولمن تجي تطلع علبه السجار ما تنسى ترمي مفتاح العربيه بالصدفه..لكن اعمل حسابك ما تطلع كيس الصعوط..اوع ثم اوع انو جكستك تعرف انك بتسف...دي خليها بعدين بعد العرس...مرتك ومجبوره عليك بسجمك ورمادك
اها ودي البدايه بس
|
|
 
|
|
|
|
|
|
|
 Re: اوراق من دفتر امير ترافولتا (Re: حنين)
|
سلام يا حنين
أرجو تواصلي مع أمير
البورد بقي عامل زي الدروة محل ما تهبش بوست زي العافص ليك لغم
اكتبي هنا عن الزول ده
قولي عمل شنو خلينا نحس شوية بي بلدنا
خلينا نقدر نتنفس الواحد مخنوق
مخنوق
وأحسن الواحد ينطمه بس
واصلي ، برتاح لي مشروعك السردي الجميل ده
وياريت البقية الكانو بينعشو الذاكرة يرجعو يكتبوا ويفكونا من الهوس الحافر راسنا ده
تمبس 
| |
|
|
|
|
|
|
|
|
 Re: اوراق من دفتر امير ترافولتا (Re: حنين)
|
تمبوستي الغالي:
ازيك انت وين وين كتاباتك المميزه وين فرنكش على راي عمو قرجه.... اكتب يا تمبس اكتب عشان تحارب الدمعه ...صدقني دي حرب صعبه جدا كمان
عمو قرجه انت اللي وينك....شكرا ليك الله لا حرمنا من طلتك
| |
|
|
|
|
|
|
|
|
|
Re: اوراق من دفتر امير ترافولتا (Re: حنين)
|
ميرفت الليله زعلانه...والبنات لمن يكونو زعلانات بفتكروا انو اغلى حاجه في الدنيا دموعهم...ودي فرصتك يا شاطر..اضرب على الوتر دا:
_ميرفت...ميرفت حبيبتي...ما تبكى...دموعك دي بتشتريني وبتشتري قبيلتي كلها...تبيعيني بالسهوله دي
وقد اثبتت التجارب انو تسعين بالميه من البنات بسكتو بعد العباره دي مش لانو حزنهم اتبخر فجأه لا لانو الميك اب بتخرب..ومافي داعي يعيشو الدور اكترمن كدا...اما العشره الباقياتممكن تاخد ليك نفس وتستدعي كل جنيات الحنيه عشان يطلو من عيونك وانت بتقول:
_ميرفت...عايني في عيوني...انت عارفه انو الصوره الفي القلب طوالي بتنعكس في العين..شايفه شنو...شايفه منو غيرك
طبعا في هذه النقطه تتساوى كل البنات وبنسو كل النظريات الاتعلموها في حياتهم...بلا فيزياء بلا كيمياء بلا احياء...الحصه حنااااااااان
على العموم البت بترضى عشان دايره ترضى..والبكا والمسكنه دي حركه من البنات...اي ومالو...نحنا برضو اسياد التحنيس
ورغم كل شي ما بستحمل اشوف لي بت بتبكي يا اخوانا...وبالزات لو ما كانت خاته ماسكرا من النوع المضاد للمويه....على كل حال البت بتكون عامله حسابها كويس حتى التشو وفي روايه اخري خاصه ببنات الشهاده العربيه الكلينكس...دا لازم تلقى التشو حقك ممدود ليها قبل ما تفكرانها تطلع حقها..واوعك تديها ليو وانت ساكت...
_لا لا لا لا عيونك الحلوه دي ما اتخلقت للدموع
| |
|
|
|
|
|
|
|
|
|
Re: اوراق من دفتر امير ترافولتا (Re: حنين)
|
الله يجازيكي يا حنين
ده العمار الجبتيه من السودان؟
اصبري بس
طبعا نص الضحك في ان هوزي فاكرة حنين ولد
ونصه التاني في حنين الفاكرة هوزي ولد برضو لووول
والاتنين بنات
اها الجابهم شنو لي كلام الاولاد ده ما عارفة
حنين, اقري يا بتي قرايتك خلي السنة تعدي على خير
لووووول
تحياتي
زولة123
| |
|
|
|
|
|
|
|
|
|
Re: اوراق من دفتر امير ترافولتا (Re: zola123)
|
LOOOOOOOOOOOOOOOOOOOOOOOOOOOOOOOOOOOOOOLZ
والله حيرتونا
لانه كتير من اولاد البورد خاتين صور بنات عدييل ما خلونا نفهم
حاجة
الكلام ليك يالمنطط عينيك
ما قصدي ود الجعلي طبعا
لكن مع اني ياحنين سوري
يا زولة اول مع انه سبق وقريت ليك كلام وعرفت انك بنت
بس شنو دخلتي باامير لمبة
وبيوقف الجكس لمبة
ضيعتني تاني والله
لوووووووووووول @ لمبة
تحياتي لك ولزولة
وانت وين يازولة بطلتي تجينا بغادي
| |
|
|
|
|
|
|
|
|
|
Re: اوراق من دفتر امير ترافولتا (Re: حنين)
|
زوووووووووله
كيفك مشتاقين مشتاقين مشتاقين
انا لمن عرفت انو هوزي بت مت من الضحك لووووول
والله يا زوله القرايه الايام دي طايره لي في راسي اظن نفسيا كدا دايره اتحول لولد العب كوره اليوم كلو هههههه وما تقولي الايام دي نحنا عزابه ساكت (هوي الكلام دا بيني وبينك ما دايره ناس عمو يقروو)
سلامي يا عسل للجميع
| |
|
|
|
|
|
|
|
|
|
Re: اوراق من دفتر امير ترافولتا (Re: حنين)
|
الاختحنين
بالمناسبة انا طلعت احرف من هوزي ومشيت شفت البروفايل في الاول (لقيتيني كيف ؟؟ ختري موش؟؟) . كتابتك ّذكرتني بمبدعين نبض الكاريكاتير .انت كنت بتكتبي معاهم؟؟ لاكين بصراحة كتابتك ابداع عديييييييل كدة مع اني شميت امير بتاعك دة من قولة تيت
ودمتم
جـــــــــــدو
| |
|
|
|
|
|
|
|
|
|
Re: اوراق من دفتر امير ترافولتا (Re: حنين)
|
حنين
دعواتي القلبية الصادقة لك
بـ الشفاء العاجل
لكن أمير ما عزبتيهو
تصدقي جاء في بالي واحد صاحبي طوالي كان مكرهنا الجامعة بي حركاتو الأرعة دي، وكان عندو نوبيرا برضو، وبس تقولي أمير كربون.
واصل يا حنين
خلاص واصلي
.
| |
|
|
|
|
|
|
|
|
|
Re: اوراق من دفتر امير ترافولتا (Re: ود شاموق)
|
والله يا ود الجعلية كتر خيرك علي حركة اللوول الوجيهة دي ..بتجيبو الحاجات دي من وين ..بعدين بصراحة شديدة الزول دا انا كجنته وما هضمته نهائي (الزول دة ما الزول زاتو بتاع هههههه يكة )عشان ما تلخبتو الكيمان وتعملو مشاكل نحن برانا ما ناقصين..
حنــــين لسة منتظريـــــن
جـــــــــدو
| |
|
|
|
|
|
|
|
|
|
Re: اوراق من دفتر امير ترافولتا (Re: حنين)
|
العزيز جدو ؛
يا اخوانا ما تشمو لي بطلي ياخ...امير دا حبيب كل الجكس....بيني وبينك؟ دي شمه واللا غيره لوووووول
شكرا ليك ودمت لي
ود الجعلي...حيطك مااتملت؟؟
عويره انا ؟ قال الاقي بابا قال لووووول
علاء...انا خايفه صاحبك دا يطلع صحبي انا كمان....ايوه ياهو زاتو الفهمتو لووووووول
| |
|
|
|
|
|
|
|
|
|
Re: اوراق من دفتر امير ترافولتا (Re: حنين)
|
امير دة كلب منو
وجكس شنو المكسرو الا كان مكسرك انت براك
بالمناسبة قبيل وانا ماشي في المستشفى شفت لي واحد تيبيكال امير بتاعك حتى النوبيرا الوجيهة ..طوالي اذكرت زولك الوهم دة ..
بالناسبة لسة منتظرين باقي المغامرات البطيخية للوجيه الثري امير ابو لمبة
| |
|
|
|
|
|
|
|
|
 Re: اوراق من دفتر امير ترافولتا (Re: جدو)
|
حنييييين ياعسل سلامااات ودا اولا .. تانيا بقى اميييير لمبه مااااكدا وزاد وجدى خطييييير
يلا ادينا البقيه سريييييع
keeeep it up wo isloooooobik mashaAlla 3alaihooooooooo yajniiiiiiiiin (zy Ameer lol)
| |
|
|
|
|
|
|
|
|
|
Re: اوراق من دفتر امير ترافولتا (Re: حنين)
|
يا الحبيب كل ناس الحله خليهم ساكت اها انت قصتك شنو مع سماح واللا اقول ليك كان خجلان من نشر شاكوشك رسلو لي براي لوووول
عزوزه الغاليه. انت وين ياخ عشت وعاشت ايامك
عسولا العسوله اهلا والله بالطله
يا مبيوع بقى عندي كميه من اصحابكم الامرا على كل حال مبيوغ اخير من بياع .....شكرا ليك كتير
تمبس ازيك ....وانت عارف اننا مشتاقين لكتاباتك
| |
|
|
|
|
|
|
|
|
 Re: اوراق من دفتر امير ترافولتا (Re: حنين)
|
والله يا حنين الختيتها رقدت ..
ليه يعني تردي علىالشباب كلهم وتجليني انا براي ..الكلام دة منك ما صاح ..غايتو شوفي ليك طريقة صالحيني بيها .. ولا تكوني زعلتي عشان قلنا مكسرة في اب لمبة دة .. يا ستي خلاص سحبناها ..
وكطدي الله يقدر المرة دي برضو تتطنشيني
| |
|
|
|
|
|
|
|
|
|
Re: اوراق من دفتر امير ترافولتا (Re: حنين)
|
لوووووووول يا جدو وسولارا ما كتلتوني من الضحك لكن
خلاص يا سيد جدو حقك علي انا غلطااااااااااانه اطلب التعويض البرضيك وانا جاهزه بس ما تكون نوبيرا اصلي شايفاك بقيت تركز عليها لوووول
سولارا سؤال سؤال سؤال هاتي اضانك
منو اسامه كلوني
بس ما يطلع زول مشهور وتشيلي حسي
| |
|
|
|
|
|
|
|
|
|
Re: اوراق من دفتر امير ترافولتا (Re: حنين)
|
loooooooool
حنين ... بالغتي عديل كده ..
شكلك الليله ملهمه شديد عشان تكتبي بالشكل ده ...
لكن عارفه ..
البنات عامه بكون عندهم تكنيك محدد عشان يقعوا في الشرك ..
يعني بيحبوا يتغشوا بي مزاجهم ..
و المشكله انو أصلو ما بيتعلموا أو يتعظوا من زي كلامك ده ...
مــودك
| |
|
|
|
|
|
|
|
|
|
Re: اوراق من دفتر امير ترافولتا (Re: Modic)
|
حنين
نيلينك والابنوس والشوق الجاري عليك
امير باااااااااااااالغ... هو قايل روحو أمير خان ولا شنو
لكن كدي انت شوفي
أميرة
أنا أميرة الشرط الموقفة الحركة في تلات شوارع وخمسة اشارات مرور
الشارع لم اجي ماشة بقيف كلو العربات والرقشات وحتي الراكبين دفار بتاوقوا وبسمع لي جنس كلام ... البقول وووب علي...وجيتي واقعة م السما الكم ...وسنة يا انت ... وفي النوع المهذب البوقف عربيتو وقول لو ماشة قريب اوصلك ومعكاسات بمختلف الانواع
أهم حاجة عندي انو اكون عاملة حسابي وما امشي بسرعة عشان اكسر اكبر عدد ممكن وعشان لو مشيت بسرعة امكن العدسات الزرقا بتاعتي تقع
أما الجامعة من طرف ... وكل يوم عاملة شكلة مع واحدة بتتهمني انو سرقت الجكس بتاعا رغم انو انا أساسا ما قاعدة اديهوم فرصة هي يا دوب كلمة كلمتين وابتسامة ولو كترت شديد ممكن مسكة أيد ما عارفة الحاجة دي بتفسروها غلط ليها رغم انها طبيعية جدا
حتي المعيد لمه مشيت أشوف نتيجة العملي بتاعي اداني الدرجة الكاملة عشان قبلت عوزمتو علي الغدا ... والله غياتو الشباب ديل داقسين كيف لكن دا برضو في صالحي ... كل يوم عزوما شكل ... والهدايا ما تديك الدرب....
ورزق الهبل علي المجانين
وأهم حاجة عندي انو دايما مخارج الحروف عندي تكون معوجة ... وعيوني طوالي نعسانة ... التسريحة بغيرها كل يومين ... والمنكير لازم يكون عامل ماتشنغ مع البلوزة ...الشوز كعب عالي والونسة البحبها عن الفنانين واخر الافلام الاجنبيه.
دي اميره
أما انا
الريد نيلين
| |
|
|
|
|
|
|
|
|
 Re: اوراق من دفتر امير ترافولتا (Re: حنين)
|
حنين
تعرفى ياريت لو امير ده رايك شنو
فى انتظار بقية الاوراق لكن اعمله حسابك نحن برد ليك تحت مسمى اوراق من دفتر اميره جكسوية رايك شنو
@@@@@@@@
كم من ظلمة الليل من بهاء
ولكن كثيرون حولها الى ارتكاب المصائب
| |
|
|
|
|
|
|
|
|
|
Re: اوراق من دفتر امير ترافولتا (Re: حنين)
|
سك سك سك يا عسل
_لا لا لا يا محمد ما كدا ياخ ...دي قديمه خلاص...حتقول عليك يا شماسي يا شماسي....لو طارت السما حتديك ابتسامه على الماشي
_طيب ودي مالها ما كتيره برضو
_لا ما كتيره انت بس باري اخوك وبتصل....عاين يا الحبيب في قاعده عامه الجكس كلو بتمشي عليهم وفي استسناءات اها الاستسناءات دي كدي خليها بالجمبه كدا.....زيلا ركز معاي....المرحله الاولى....اتدفق...عبر انداح...من نوع نفسي اقول فيك الكلام المانكتب...ويا وضاحه يا فجر المشارق...قول...قول ليها انت احلى من نور هنا دا لو ما كان عندهم دش....ولو كان ممكن ناسي عجرم...ولو قالت ليك بري ما بحبها عندك ناس نوال واصاله والجماعه ديل....لو لقيتها لابسه جنز وممشطه الشعر لنص الضهر اتزكر اليشا كيز.....ولو كانت بتحب الفساتين وترفع شعر فوق وتلولو معناها الزوله دي نفسها تكون زي روز بتاعه تيتانيك...اها حفظت الاسامي دي ما تقوم تجوطها وموضوعك يجوط معاها....اها تاني لمن تشوفها ماره...اقيف ليك دقيقه كدا...البنات كلم بجبو الدنيا تقيف لمن يجو ماشين...هي طبعا حتشخت ليك وتعمل روحها ما شغاله بيك الشغله....عادي كلم بعملو كدا في الاول...لكن بتعاين ليك وتعاين ليك وتعاين ليك واول ما تفوت بجاي تتلفت للبت الجمبها وتقول ليها هي شفتي العوير دا فاتح خشمو كيف....بس
_ بس كيفن بس تقول لي انا بس بس في عينها....كرامتي
_ كرامتك شنو يا كرمله....كرامتك دي طبقها كدي وخته في الجيب ....ياخ خليك حنييييييييين اسال عليها وعلى صحباتها وحاجاتها وكان جاتك سهره كدا مع الشباب وصحيت فتران....امشي ليها وغورق ليها عيونك...وقول ليها الليل كلو بفكر فيك....اها حترفع حواجبها وتتبسم وتلوي خشمها كدا شويه لو حصل كدا اعرف يا الحبيب انو سنارتك قربت تشبك وطيرتك حترك...بس ما اعمل حسابك ما تروح شمار في مرقه
_ اها وكان ما ركت.....
_لا بترك...ما تخاف بترك...لو بعد سنه بترك...لو خفيفه بترك...زلو تقيله بترك
_ اها قول ركت
_ ايواااااااا قلت لي ركت....نقول طوالي نحنا نطير....يعني نتقل ...اعمل فيها بايع القضيه يا شاطر....اتقطع اتشرد واعمل فيها انك اكتر زول متالم في الدنيا دي عشان الزوله البحبها ما شغاله بيو وانك خلاص قررت انك تاني ما تضايقها وتخليها تعيش حياتها...وانو سعاتها فوق كل حاجه...وكفايه تشوفها من بعيد وكدا ياخ ساعتها حتحس انها براها وانها كيف تضي روميو دا من ايدا
_ وتجي
_ لا يا بليد....ما بعملوها ظاهره كدا....في الاول بتجي تسال عليك محمد ازيك؟؟؟؟ اها انت طوالي تقول ليها ...انت كويسه انا كويس...او الحمد لله طالما انت بخير....حاجات زي دي مثلا...وطوالي تعمل فيها الولد ما قاادر تتكلم معاي وتسلم عليها وتتخارج...اها هي طبعا بتكون دايراك ترمي ليها كلمه كلمتين عشان تقشر بيهم لصحباتها...حتجيك تاني وتالت ورابع....اصلك ما تبرد ليها بطنها زي اول....لكن ما تفوتها عطشانه....اديها ليك قطره قطره...واسحب كرامتك من الجيب ....وهي بهناك تمشي وتحكي لصحباتها وهم يقولو ليها.....لكن يا نانا ما بالغتي....الزول دا ما مكسر عديل...وبدل ما كنت بتضرب ليها...حتضرب ليك.....وتجيها حتجيك...وساعتها يكون البلوم وقع يا جميل ...والمنقه استوت تمااااااااااام.....اها بعد كدا ادعي لاخوك امير
_
| |
|
|
|
|
|
|
| |
tmbis
garjah
zola123
جدو
WAD ELGAALI#4
ود شاموق
3asoola
مبيوع
Modic
Habib_bldo
زوربا
بلدى يا حبوب
فيس بوك
تويتر
انستقرام
يوتيوب
بنتيريست