|
|
 زمن المهازل والمحن او ماينوب عن الرئيس فى فضايحه
|
زمن المهازل والمحن او ماينوب عن الرئيس فى فضايحه
زمن المهازل والمحن
شغل الكراكيب الشهالت والخمج
لو خج فى احساسنا خج
مابسقط الشجر الكبر
فى جوفنا ضية شوفنا
لى تالينا مستقبل صغارنا البقرو
والقايمين يشابو النجمة
يتفادوا اللي فيهو عوج
ومن اليلة فى الوجع القعد متطامن
الا قيامتو فى جواهو من جوانا
في معنانا لما نغنى للضوء والنهار الباهى
تبقى المحنة زاد الباكر فيها نزاكر التاريخ
ونبنى اساسو رسمة طفل فى كراسو
وضحكه زول بسالم ناسو وشبال البنية الكاملة
لما يقع خطوط الطول خطوط العرض عنوان الوصول للدارة
ممنونين تمام يامحنة ختى السحنة فوق للسحنة يتوهط مسامنا
امامنا جداول للغدير بتودى معاول للجدار بتهد
ومن وسط الكلام العادى والمحبوس بصدر الشعب المنطوق لسان الحال والمكتوب بيان ومقال اخاطبك ياريئس الفاجعة
لما عرقنا سال فى ابريل كنا مرقنا للتشييد والتجديد الا
ابيتو تمشوا معانا وكانت واضحة اى خيانة من تاليكم
وانو اخدتو عرق اعمالنا التموين والعيش والزيت
دسوها مادسونا من احساسنا من حرية فى انفاسنا
وماكفاكم اللطش الكتير عماكم قمتوا قلبت حال الدارة
والله حفرتو فى القبر المصيركم ليهو يوم هبتنا فى نهضتنا
ومهوسين تقابضو شمال وتجروا يمين تفتشوا فى القبول لاحولة
لماالشعب يصبح اولى تبقي الدولة تصبح دولة بحرية
ديمقراطية حس العالم الانسانى وانت بعيد فى عالم شخصي تملوا بطونكم
ولو تعرف تمام ياريئس اذا كان الغضب بتقاس مدى الطوفان هو البقيس والانسان كرامة اساس دون تسويف ودون تدليس والحكم البخاف من غنية يبقي وجوده جد ماشرعى ...
تمام المحنة ليك دليل بانك فى نهاية الليل وانو صباحنا صاحى سراحو تلقى هتافنا هز منامك وماقدامك غير تخضع لراى الشعب جاى هديرو من المنفى من جوه البلد زى سيل
جاطت شلت صاحب الراى باظت جبت ناس هاى قاى تسالم فى التسمى عميل , راحت زدت عدد الامن تساهر الا حس الشعب جاى عديل قسما بالاله واكتوبر ماتتطامن
|
|
 
|
|
|
|
|
|
|
|
Re: زمن المهازل والمحن او ماينوب عن الرئيس فى فضايحه (Re: zumrawi)
|
عبد الله جعفر
شعلة من حراك هو النص يفج مكامن الصمت يوقظ الدهشة الماطرة يسوقنا معا لصبح عنيد الخطا مستقر
شكرا على كلماتك المشجعه وكم اقرا لك
نادوس
فرضت على الغربة تغييرا فى شعرى لبعدى عن التواصل فلم اجد المفردة فى حراكها المستديم وفقدت بعضما اكتنز
اذا هو قدرنا جميعا ان ننسج داخل العدم اغنية لمراة الضوء وصبحا عنيد الخطا مستقر
التحية على كلماتك المشجعة
| |
|
|
|
|
|
|
|
|
|
Re: زمن المهازل والمحن او ماينوب عن الرئيس فى فضايحه (Re: zumrawi)
|
استاذ حسن الجزولى :
ان نكون يعنى ان نكون تماما يقظين فى هذه الظلمة
اترقب منك وانت السابر للغور ان تمنحنا مقالة عن مدى
تاثير الثقافة على النظام الحاكم اى فعالية الكلمة
فى هذا الطريق
شكراجزيلا على كلماتك والتى تضئ الدرب
ود الجعلى ياجعلعل انت الذي تبدع وفى كل المجالات
سلمت وسعدت
ياسر محجوب انت تضئ البورد واحاول ان اضيئه فى مكان اخر شكرا جزيلا على ترحابك
فتحى
للكلمة نبذل الوقت ونسعى ان ندك حصون الظلام
وجدران الصمت المتراكم
كم انت رائع ياترى
وانت تبحث هنا وهنالك عما يجمع الشمل
| |
|
|
|
|
|
|
| |
Elmosley
معاوية الزبير
beko
nadus2000
حسن الجزولي
WAD ELGAALI#4
Yassir Mahgoub
فتحي البحيري
فيس بوك
تويتر
انستقرام
يوتيوب
بنتيريست