|
تسعتاشر...بوردابى وبوردابية مطلوبين....حيين أو موجودين
|
»ba7ar »bamseka »cola »hasan_6 »Hassan »Mutwakil Mahmoud »noha_g »solara »tasneem »wadazza »waleed500 »Yahya Fadlalla »أسامة ميرغني عبد الرحبم »امبدويات »حنين »عاشقة »عزيز »هوارى
تحياتى لكم فردا فردة
كده اتحركوا شوية ياجماعة ..فيكم الخير ما بتقصرو ...لكن عينا على الأكتر منكم
تحياتى ودعزة
|
|
|
|
|
|
|
|
Re: تسعتاشر...بوردابى وبوردابية مطلوبين....حيين أو موجودين (Re: wadazza)
|
كده طالما انتو موجودين كلكم ندخل تجربة على الهواء وأسألكم...
عن وقع الحاجات دى على مزاجكم هسى.....أجواء الحرب المتوقعة فى العراق...الحركات الانفصالية بالسودان....قراءة البورد...التفكير فى الأهل فى السودان..الهم الخاص والمستقبل.التفكير فى الحبيب أو الحبيبة...طبعا أكيد حاجات متناقضة ..فهل بالضرورة تصنع مشاعر متناقضة ولصالح منو النفس واللا اللحظة الوجودية...واللا احباط ينضاف على الرصيد؟
تحياتى ودعزة
| |
|
|
|
|
|
|
Re: تسعتاشر...بوردابى وبوردابية مطلوبين....حيين أو موجودين (Re: wadazza)
|
يلا انا حاقول ليكم الحرب من ناحيه مختلفه عن التحليلا ت السياسيه الوالده عندها اعتقاد انو الحرب لو قامت ورجع المغتربين اللي بيمثلو اكتر من نص البلد الى السودان فستكون مصيبه كبيره لانكم سوف تقضون على الاخضر واليابس وبعدا كدا حتحصل مجاعه كبيره جدا وهي دايما تردد الايام دي اننا مفروض نكون ناس اقتصاديين ويا بت ما ترمي الدقيق دا العيش دا غتيو وبما انو مؤخرا قد قامو برصف الحوش الكبير مما كلفهم مبلغا معتبرا فيحلو لي تزكيرهم انو يا يا حليلهم الحوش دا حيقلعو ليزرعو الطماطم والبصل لايام المجاعه المقبله
| |
|
|
|
|
|
|
Re: تسعتاشر...بوردابى وبوردابية مطلوبين....حيين أو موجودين (Re: حنين)
|
عزيزى بامسيكا.... حضورك جميل دائما...
حنين تداعيات الحرب ستشمل العالم بأسره دا اعتقادى...لأنها أولا حرب وثانيا غير مبررة وثالثا اجندتها خفية ورابعا..اصرار أمريكا على النصر سيجعلها تستخدم أقسى أنواع الأسلحة...كى تنتصر ...وكى تحافظ على أقل عدد من الخسائر.... وتقديرك صح...كل شىء حيغلا سعرو الا الانسان...المحطم أمريكيا ..وتزيدو على جرحو جرح حكومتو... أظن أن قصة الرمضاء والنار اتطبقت خلاص ....يعنى الشارد من الحرب دا يشرد وين ؟؟؟ تحياتى
ودعزة
| |
|
|
|
|
|
|
Re: تسعتاشر...بوردابى وبوردابية مطلوبين....حيين أو موجودين (Re: امبدويات)
|
ود عزة يا ود أعز عزيز لك وللكل أجمل تحية مع إنك نقيت فريقك التسعة عشر ولكن لا بد من التطفل عليكم والله كل الإسئلة التي طرحتها مشاعر متداخلة ومتلاطمة كالأمواج تجتاح كل النفوس والله يستر ولرب ضارة نافعة وتخلينا نحزم أمتعتنا ونعود جميعاً إلى عزة وأنا متأكد سيسعنا ويسع غيرنا ويجتمع الشمل من جديد وكل حبيب يلاقي حبيبه ولا داعي لتخوفك يا حنين السودان بخير
| |
|
|
|
|
|
|
Re: تسعتاشر...بوردابى وبوردابية مطلوبين....حيين أو موجودين (Re: Habib_bldo)
|
ود عزة ابدا ما خيبت ظني تصدق انو انا الليلة اول مرة من مدة طويلة اكتب في البورد وطوالي افاجأ بسلامك الحنين وسؤالك اكيد فيك شئ لله
المشاغل يا ود عزة و الدس ابوينتات الله يلعنها لكن رغما عنها برضو المتاوقة ما خليتها
والمواضيع الذكرتها دي كلها جايطة في الراس اها اقول شنو واخلي شنو
غايتو تسلم يا حنين وبينا كلام
| |
|
|
|
|
|
|
Re: تسعتاشر...بوردابى وبوردابية مطلوبين....حيين أو موجودين (Re: ba7ar)
|
لن تقوم الحرب !!! على أقل تقدير في القريب العاجل ، ستبحث امريكا عن انتصارات على اصعدة أخرى حتى لا تحظى بغضب الشعب الامريكي دافع الضرائب من هذه الأصعدة ما بدأ فعلا وهو ملف ابن لادن وهاهم يلقون القبض على ساعده الأيمن ثم أبنائه ( وأكاد أجزم أنهم كانوا مقبوضين أصلا أو أنهم كانوا مخزنين ) ومن هذه الاصعدة أيضا القاء القبض على ابن لادن نفسه، وسيحدث هذا قريبا ومنها أيضا ملف السودان سلبا أو ايجابا ( الحل الذي يرضي الادارة الامريكية
الوطن هو الشيء الوحيد الذي يتحرك في وجداننا كلما ابتعدنا عنه ، ترى لماذا ؟؟ عايشت أجناس مختلفة عربية وغير عربية وما رأيتهم أو سمعتهم يتحدثون بشوق عن بلادهم ، هل فطرنا نحن السودانيين على هذا الحب السامي الرفيع ؟؟كلما أقرأ قصيدة تتدفق حبا وهياما وتنغرز في القلب كما الخنجر أتيقن أنها لم تكتب عن واحدة من جنس النساء وإنما كتبت عن السودان حتى لو كان الكاتب من بلاد واق الواق
| |
|
|
|
|
|
|
|