|
|
 رايكم شنو نخصص يوم فى الأسبوع ونقعد كلنا فى بيت..أقصد بوست زول أو زولة
|
جاتنى الفكرة دى فى عز الزهج
وقلت يمكن خلف كل فكرة ما عظيمة زهجة..ما عظيمة كمان..
لكن0..
عشان المزيد من الترابط...والتنادى الجماعى...وكمان لصالح البورد والبوستات...رايكم شنو لو خصصنا مثلا يوم فى الأسبوع ..يقوم العضو أو العضوة ..بكتابة بوست نرد عليه جميعا...كتشجيع...ومشاركة...وازالة أى لبس أو شكوك فى وجود شلليات أو عدمها...واقترح كمان يكون فى اليوم المخصص ده ندى الفرصة لأربعة كل أسبوع..اللى هم .. آخر عضو وعضوة اتسجلوا...وعضو وعضوة من القدام..وطبعا العملية دى عايزة التزام وفعل ورد...والأمل كبير فى تبنى الفكرة دى ...وتطويرها برؤى أخرى والاضافة اليها....
ويمكن نسمى يوم الرد العالمى...مالو...كل حاجة بقت ليها يوم عالمى حتى سقاية الليمون
تحياتى
ودعزة
|
|
 
|
|
|
|
|
|
|
|
Re: رايكم شنو نخصص يوم فى الأسبوع ونقعد كلنا فى بيت..أقصد بوست زول أو زولة (Re: wadazza)
|
ود عازة لك وللجميع التحية...
فكرة رائعة,في توقيت خاطيء..
نعم يا عزيزي كأنك لم تقرأ ما خطته أقلام أقصي اليسار
من ألفاظ مبتذلة يقشعر لها بدن اليمين المتطرف أيضاً...
وبينهما سقط الوسط في جدل العضلات ...ويبقي تعريف
اليسار واليمين مبهماً حتي لمن حباهم الله ببعض صبر الرازخين تحت
نير (منبر حر) وويل للحرية منـّا..فقد نلنا منها
نعم يا عزيزي سقط سهواً تعبير (حرية الرأي ) في هذا
المنتدي وذاق علي أيدينا (التنكيل )بدل (التبجيل)
ولك أن تتخيل أن بهذا المنتدي مايزيد عن الــ 1300 عضو!!!
رحل جلهم في جُـنح ليل تعابيرنا,وجنوح كلماتنا,والبقية
قالوا علي رأي الأريب أهل العوض (نكفي الفندق وبالصريف نعاين)...و هكذا دوت فضيحتنا بطبول هذي الحرب
الرابضة بين (تقرير المفتشين) وو مع ذلك فهناك بعض
(صـليل حُـلي)..لا تشفع لشفيف بأن يغمس ريشته في مداد
الحضور...ويبقي الغياب هو الفصاحة و(الرحيل علي صوت
فاطمة) هو البلاغة.
ود عازة العزيز كثر همهم مشاركة الجمال,ومقاسمة
الإبداع,وقلة تنعق مؤذنة بالشتات ,وبوستك هذا يدعوا
لقسمة(ثروة المداد) وتلك لعمري من سجاياك المخففة
وقع حوافر الملل والرتابة الحديدية عن صدورنا المثقلة
بهموم (شيلني وأشيلك) وهواجس (الأعراق والقبايل).
وفي الختام تقبل غليظ قولي (فالحق قد يعتريه بعض ذبول)
ووفقك الله لما فيه الصلاح لنا جميعاً...وسأجلس معك
علي مقعد الإنتظار....
| |
|
|
|
|
|
|
|
|
|
Re: رايكم شنو نخصص يوم فى الأسبوع ونقعد كلنا فى بيت..أقصد بوست زول أو زولة (Re: Rose)
|
ودالعازة+مستر فكرة جميلة + ناس انا معكم
الكلام دا بالعقل ما بيبقي
لان لو قلن بينزل عشرة مواضيع جديدة في اليوم..في الاسبوع بيكون عندنا سبعين موضوع من ثقافى لسياسي لرياضي لدينى لمشاكلى لموضوعات فاضية
تفتكرو يختاروا الاربعة ولا العشرة كيف
وناس منو البحددوا المواضيع المختارة
ولو فرضنا انو بعبقريتكم قدرتوا تختاروا المواضيع
تضمنوا كيف انو الناس حتتفاعل مع المواضيع المختارة
لان مزاجات الناس و اذواقهم بختلف من موضوع لاخر
وشعور ناس المواضيع شنوا لما يعرفوا انو بجاملوهم بالردود
بعدين القدام تحددوهم كيف
الصفحة الاولى فيها اكثر من خمسين موضوع
في يومكم العالمى دا
باقي المواضيع يعملوا لهم شنوا
اما الجداد ممكن الناس ترد فى اول مشاركة موضوعية لهم تشجيعآ وتريحبآ لهم
player
| |
|
|
|
|
|
|
| |
wadazza
filan
حسن الجزولي
PLAYER
فيس بوك
تويتر
انستقرام
يوتيوب
بنتيريست