|
|
 يا شيري
|
تعلمين يا شيري انني اعاني من حالة زهجة طالما تصينبي عند الفلس
فلس وفستان جميل يزغلل عين الأنثى فيني
اراني ارتديه وفلانة تقضم بقية كوعها (لانها خلصت اضافرها نقر تقول سنجاب) وهي تراني اتبختر فيه كما المغنية الجميلة التي شاهدتها امس واصابتني بإحباط زيادة
قلت افتح ركن اهترش معاك
اصلو من الواضح ان بكري ابو بكر سيتنازل لنا عن قطعة الأرض دي،، ويمشي يبني ليه خلوة في القطينة
لفت نظري تعليقا تقولين فيه
(انت مرة بستين راجل)
ثم من قال أن الستين راجل اقوياء كفاية لمقارنتهم بي
يا بنيتي
اتعلمين أن المراة اقوى جنود ابليس؟؟
وأن كيدهن عظيم وكان كيد الشيطان ضعيفا مقارنة بنون النسوة؟؟؟
فمن اين اتوا بإشاعة أن الستين راجل حزمة جيدة لمقارنتها بقوة المرأة
ثم لماذا ستين راجل وليس واحد وستين مثلاً؟؟
ما سر ارتباط الستين بالراجل والمرأة والدواهي إذ يقولون،، روحي في ستنين داهية
ليه يعني ستين؟؟؟
وإذ يسريني لفت النظر للأغنية التي اسمع ، والتي يغنيها اللحو وهو يقول،،
الكنينة يا بت مالك
فاراها بام عنين تقول
إن شاء الله يا يما ام بنتوا
فرأيت ان اسألك من ضمن ما اسأل يعني
ام بنتوا دي مني؟؟؟
|
|
 
|
|
|
|
|
|
|
|
Re: يا شيري (Re: بت قضيم)
|
بت قضيم حبابك
خليني اجوطها ليكي قبل وصول المهترشة الكبيرة شيري
إنتي ما سمعتي أغنية خلف الله حمد
ازاي ودواي خدود وعيون البيقول فيها سطوة حبيبته غلبت المليون
والمليون طبعا رجال ولا علاقة لهم بنون النسوة
أما سر الستين طبعا رقم ليه دلالاته ومدلولاته على رأي الجماعة البيجيبوهم في قناة النيل الأزرق
دلالة الارقام
إنتي ما عارفة أن الساعة بها ستون من الدقائق والدقيقة بها ستون من الثواني
وصل الغداء بالمامية المفروكة مع القراصة
سنواصل لاحقا
| |
|
|
|
|
|
|
|
|
|
Re: يا شيري (Re: بت قضيم)
|
وقد اخترعوا الغسالة لغسل الملابس
نورت المحكمة
أعني
من الذي افترض انني انا التي يجب أن اغسل ملابس اخي التي اظنهم بدلوها بالكورة،، فلبسوا اخي الكورة وشالوا هدومه لعبوا بيها كورة
أو لن اصدق -البتة- أن هذه الملابس ارتداها احدهم يوما وتخشبت للحد الذي إذا نفضناها ووقفناها وفكيناها واقفة،، لوقفت براها دون تدخل ومساعدات خارجية
لكم تعبت من هذا الوضع وهذه المساحة التي ادمنتها والتي اصبحت لا ادخل فيها إلا واجد مطالعات خورية (من خور) وبعض من الحدرات (من حدرة) وضيق نفس واخلاق تجاه الآخر
وانت قلت انت صيني وانت قلت انت هندي وانا قلت انت روسي
ثم ماذا؟؟
لا شئ
الروسي روسي والهندي هندي والصيني صيني
وماذا ان حلل احدهم عقلك فطلع سنسفيل ابوك معقد وبه (دراماتيكا ازدواجية) اليس من الممكن أن تعيش في عالم ولو كان وهمي ببعض ابتسامة وشوية روح جوز هند
؟؟
حيث يقولون فيما يقولون أن جوز الهند مهديئ قوي للأعصاب
تشميه من هنا فتصبحين كما السخلة،،، عويرة ولديحة وطيبة
هم يقولون وديعة كالحمل،، والحقيقة انا تايه علي،، الحمل ده ولد الخروف واللا بته؟؟
أم تراه لا علاقة له بالخروف وهو يمت بصلة قوية للجدي؟؟
لا بأس
شخصياً اعتقد أن السخلة لها من الروح الطيبة اكتر من الحمل لو ما كان الحمل والسخلة اسم لشخصية واحدة
إذ قديما ربيت سخلة،، وعينك ما تشوف إلا النور،، اكتشفت بها عوارة عديل كده
وإذ ربما تكون لها علاقة لما اعانية الآن من احساس السخول
السخول دي جمع تفجيخ للسخلة
انا ابرطم انا اعلم
وماذا إذا؟؟؟
سيقولون انني كملت تموين الحروف
لا يهم
انا لا ابحث عن دراسات فيزيائية نسبية فضائية بت لذين
انا فقط اريد التسرية عن نفسي
أي كلام
وماذا إذا قلنا كلام بنات؟؟؟
ام بنتوا تاني
لماذا هذه الحياة معقدة جدا وانا يجب أن افعل ما يمليه عليا الناس وارتدي ما يمليه عليا وضعي ؟؟
حقيقي الدنيا دي معقدة ياخي
| |
|
|
|
|
|
|
|
|
|
Re: يا شيري (Re: بت قضيم)
|
اها الغداء زاتو خليناهو اللليله
رسلتا اجيب كميه من التسالي
اصلي لي زمن ما شفتا فلم هندي
ولا فلم كاوبوي
| |
|
|
|
|
|
|
|
|
|
Re: يا شيري (Re: بت قضيم)
|
ٍسلام مربع
بت قضيم حبيبة البي
سوف اتشبك في حروفك من حيث انتهيت انتي (حقيقي الدنيا معقدة ) فرد شبكه ..
ومن غيري يفعلهافي هذا البورد قاطبه .. اذ ان للهترشه النسائية يرجع الفضل فما ان مقبلة على قوله ، وانشاء الله باندوث ابوبكر عمرو ما (اتبندث) ومع انني لا اعلم مصير هذه البندثة اذ يحكي انني لست خبيرة في علم الحاسوب ، ولست عاشقة مدلهمة فيه .. فاليوم هو الجمعة وتقريبا انتهي (الرجال) من صلاة جمعتهم ونحن لا جمعة لنا . رجاء خاص ياجماعة الناس الشاكالين وغالاطين يمتنعوا عن التدخل في هذه النقطة اذ انني سمحت لنفسي بقولها (عرضا) ما يقوم يطلع لينا فيها واحد ، ويفطس عين ام الجدل .. اصلوا الايام الناس هنا رايحة ليها جدليات .. مع علينا . ماذا كنت اقول
للدنيا علاقة قوية وغريبة جدا مع تعكير دم البني ادم ، لا ادري هل تقصد ذلك ام ان المسألة كلها من تحت راس الذي يسمي ابليس .. لعنة الله عليه محل مايقبل .. المهم .. (ادمسونا) منه وادمسونا هذه سمعتها كثيرا عند حبوبتي ، فهي لا تستعملها في الغالب الاعم الا حينما تزهجا سيرة ما انفتحت او انني كنت احتلت ظهرها امشط لها شعيراتها او تناقشني في كوني لم اغسل العدة ولم اصلي ، ولا ادري لماذا يتوجب علينا نحن (رعاة ) نون النسوة ان نقوم مثلا مثلا لا للحصر بالاعمال المنزلية .. ؟؟ هل لاننا لا نعرف كيف ننتقي (خروفا) من زريبة ما ، موش برضو بسمو محل مابشتروا الخرفان بالحلقة .. طيب مابنات ام زين في نواحي الحمر والكبابيش يعرفن كيف ينتقين خروفا من بين ستين خروف (رجعنا) يا صديقتي للعدد ستين ، لا ادري ماهي عقدة الستين والسبعين ...حتى ان الستين هي الرقم المتوسط الذي يحلم به التلاميذ البلدي كامثالي ، اذا تظل دائما كل احلامهم ان يتحصلوا على الدرجات الستين لانها عتبة تقيهم السقوط الفجائي في فخ البلاده .... ولا ادري ايضا كمجموعة من اسئلتنا التي اطلقناها انت وانا اليوم وحقوا نسمويه يوم ( التساؤل ) العالمي .. رغم انني لست محبطة .مع انه يوم الجمعة كما ابتدرت هترشتي وقلت ذلك .. اذ تكثر فيها الاشغال واذ ربنا ادي في العمر ووهب لي وقتا ساقطتتع منه (شوية) لاحدثكم عن مفاجاءات يوم الجمعة الجامعة ... اقول استقيظت وبي اثار حلم جميل جدا لحبيبة الى نفسي جدا تهمني امرها . اذا رأيت لها حلما ، جلست وانا غالبا ما اجلس مسافة حينما استيقظ من نومي لاستوعب كمية الهدوم التي مردومة فيني ومن بعد ازاحتها احاول ان استوعب الاتجاهات الجغرافية واخيرا لاعلم اين انا بالظبط .. وبعد كل هذه الاحتياطات التي اتخذها مثل الحكومات العربية اذا ما نشب خلاف معها وامريكا تهرول الى المطوعين والمخالفين لها (وتلفق) لهم الاتهامات جزافا .. الم تروا كيف صبت السعودية جام غضب امريكا عليها في جلد بني جلدتها تشرد بهم .. نحن قلنا مافيش سياسه صاح .. قلت بعد كل الاحتياطات التي اتحرص بها ، وبعد 15 ثانية فقط من نزول رجولي الى الارض تتحرك الاشياء بسرعة ومرعوبة مني ،لكني لشتارتي دخل فيما يحدث ، فتدوي صفارات الانذار في ارجاء المنزل ، شيري الضارة اتتت على جناح التكسير
ياساتر يارب ، يامنجي القوارير والاواني الزجاجيه انجيها من شتارة البت الضاره شيري .. ورغم هذه الدعوات ، تسمع طااااااخ كشووووووي
وحينها يعلم الجميع انني استيقظت على الف خير ، لكن ماحولي لم يصبح على الف خير بل اصبح على سطل الزبالة ويا معين اعيننا ..
شغالتنا النصف سيرلانكيه تستمتع جدا بهذا السلوك العدواني الذي تعمله يداي لانها في النهاية ستتقلص مهماتها على فشوش او شوية اغراض لا هنا ولا هناك ..
المهم مازلت في الحلم الذي استيقظت به رغم كل هذه المنغصات والدعوات ، فلم يفلحوا ان ينكدوا على عيشتي . هل انتم مازلتم معنا هنا
لحظات مع الاعلان .. اسمع صرااااااااااخ
باين هو اسمي ..
| |
|
|
|
|
|
|
|
|
|
Re: يا شيري (Re: بت قضيم)
|
لا بأس بملاح البامية يا حبيب بلدو
المهم أن تتجلبط لما عينك تطلع لتثبت للشعب السوداني أن اصل الملاح كان مرة لايوقة
قيل أن احدهم تزوج بأمرأتان
واحدة طيبة كالسخلة،، والتانية شريرة ذي التور
وانظروا هنا حفظكم الله للربط القوي بين السخلة والطيبة،، والتور والشرشرة
مع ان السخلة دي ما طيبة،، السخلة لديحة ولايوقة وطوالي عندها نزلة
مالي انا؟؟؟
الضرتان متناكفتان على الدوام
ياخي سبحان الله على الرجل
زهج ورمى يمين طلاق عليهما وقال،، والله طالقات إلا ادقكم يبطل يمين الطلاق
كأنما يظن -عليم الله- أنه لو دفق بعض من الزيت في الجمر،، أن الدنيا ستغير من الطبيعة الفيزيائية،،لاجل عيونه ضعيفة النظر،، فينقلب الجمر سخلة،، والزيت الانفولونزا بتاعتها
باعتبار ان السخلة والنزلة بتاعتها على وفاق لا يفترقان على ما يبدو جليا
كيف يظن الرجل أنه إذا وضع اثنتان من النساء،، في منزل واحد،، كيف يفترض أنه من المفترض عليهما أن يكونا بنات ناس مؤدبات لا يقلن البغم؟؟
طبيعي يتناقروا وليس من الطبيعي ان يستيقظ هومتضايق من صوتهما العالي،، فيرمي يمين الطلاق
يا ادقك يا مرة يا طالقة
فابت على نفس السخلة أن تتنازل لهذا التور فتأتيه صاعرة ليضربها
لكن الكيادة (من كيد) الأخرى،، خافت على وضعها،،فقيل انها نص الليل تزينت وارتدت اجمل ما تملك من الملابس
واستطابت من الطيب النفاذ الرائحة
وتقول عليا لبست توب قيافة
وذهبت لشجر الحنة الذي كان يملأ الحوش دلالة على جغجمية مرأة في نفس الحوش
ثم تلولوت وتضاحكت
وقالت بصوت حاولت فاشلةترخيمه فقالت،، والله ما رامية ليك كلمة،، هاك دقني بي ليلك ده
فمثل اغنية يا مداعب الغصن الرطيب ،، وزاد وجده،،فضربها ضربا لو ضربه استاذ رياضيات لتلميذ فاشل ، ربما ما تعقد ليوم الدين من عملية الجمع
فباتت ليلتها زوجته ، وطار اليمين في حق الشيطان الكياد الرجيم
اما السخلة الأخرى،، امتد طلاقها قاب سنتين فأكثر،، وهي تمعمع مسكينة تقول،، بري يا يمة،، مالي اهين كرامتي،، احمد الله بي عزتي رداني بالمحكمة
ولسان حال القصة العويرة التي حكيت يقول
محكمة كلنا يا حجة
| |
|
|
|
|
|
|
|
|
|
Re: يا شيري (Re: بت قضيم)
|
حبيب بلدو
ولو كانوا مليونين
القوة التي تصيب المرأة هي قوة شيطانية لا يحدها إلا قوة الله
وحتى القوة الجسدية
ربما المرأة اقوى
فالمرأة تلف السوق على فرد رجل (انظر لهذه المبالغات هي اصلها شجرة) والرجل يزهج وعينو تطلع ويسب سنسفيل اهلها
سنسفيل يعني ايه؟؟
والرجل إذا ما حمل طفلاً وهنا على وهن لمدة تسعة شهور،، وعشرة ايام،، فغالباً حيتوفى زهجاً وقرفا
وإنا اتساءل
لما الرجل في اغلب الأوقات زهجان وقرفان وجنه يسبسب اللهم إلا إذا كان راسم الدور للبنية الفنجرية حلاوة لبن؟؟؟
فإذا ما رسلته اخته الدكان،، ارغي وازبد وكوووورك،، وقال انه مش فاضي،،، وانه في طريقه لحل مشاكل الشرق الأوسط مع ود الجيران صاحبه في ميدان الكورة
أما إذا ما ابتسمت بت الجيران وتعاورت وحوصت عيونها فيما يشبه العيون النعسانة،، ورخمت صوتها كما السخلة ،، لتكسر وتكبكب ونفسه طيارته قامت،، وترسل للدكان طائعا مطيعا مبتسما بسوما خلوقا خلاقا
والله لما تكون اخوان بتكونوا ثقيلين ثقالة
| |
|
|
|
|
|
|
|
|
|
Re: يا شيري (Re: بت قضيم)
|
ايهاب
طالما انني وشيري الصلاة على رسول الله سودانيات
فاعدك ان الفيلم حيطلع تاجوج والمحلك
يعني افلام الكاوبوي ليست بأحسن من افلامنا التي تنجعص فيها مرة الجيران فتفتتح القول وتقول
ازيكم
شديدين
عافية
الله يسلمكم الله يبارك فيكم
فترد عليها مرة جيران تانية بنفس الترتيب الذي لا يمل
فتفتتح القول فتقول
مشيتوا عزيتوا في راجل نعيمة
فترد امي فتقول
بري يا يمة،، مالي اعزيها ما عزتني في راجل بت عم ابو خال جدي
وحاة اسم الله مشيت البكا كحلت عين وخليت التانية مفسخة،، دخلت الأوضة نعيمة استعدلت وقالت كدي صنقرت على حيلها كانت مفنوسة وعدلت الطرحة،، عنيني في عينها جوة بديت اعزي من بداية الصف
اييييي يا سكينة
اييييي يا عديلة
اييييي يا نفيسة
عيني في عينها فطيتها
رفعت عيني سألت وينها مرة عبد العزيز اخت راجل نعيمة بتعرفيها؟؟
دي ما القالو يا هناية راجل بتها طلقها يا يمة شال العفش خلى ليهن البيت خرابة
بس يا يمة قولي كدي يا نعيمة النار انطلقت فيها
البكا ده كلو يقطع ويعاين مالي يا يمة
خايب واللا عايب اعزيها هي القطعتني في لحمي وحشاي
؟؟؟
رحمك الله دنيا واخرة يا ايهاب
هل في احلى من الفيلم الهندي ده
| |
|
|
|
|
|
|
|
|
|
Re: يا شيري (Re: بت قضيم)
|
تعرفي يا بت قضيم
من زمان وانا بستغرب في عزاء النسوان السودانيات
و نفسي اعرف العمليه دي بتم بي ياتو ميكانيكيه
و بتحصل بي ياتو كيفيه
يعني فجاءه كدا المراه تبتدي تبكي
و تنزل دموع و فجعاه برضو تقيف
يعني دا تمثيل و لا الحكايه شنو
اعتقد ان ذلك الفلم الهندوسوداني
قد خصنا الله به دونا عن بقيه امه محمد
و غيرها من الامم
حتى المنقرض منها
فهل لي بمعرفه ما خلف الكواليس
وكيف يتم الاخراج والمونتاج
والدبلجه
| |
|
|
|
|
|
|
|
|
|
Re: يا شيري (Re: بت قضيم)
|
سلام مربع
نعود الى حلم الذي ابت تخلص الشوائب التي حوله لاتفرغ له واقوله لكم دفعة واحد ونخلصكم من هذه الشغلانه .. اذا ان للرقم ستين علاقة قوية كما قلنا ولا نحن لسعة ما افصحنا عن هذه العلاقة ؟؟؟.. حسنا ، هانذي اقولها
علاقة قوية بالامنيات اذ يظل دائما الرقم ستين هو الاقرب الى النهاية وابعد شوية قدر اربعين كده من النهاية التانية البي هناك واللي هي تمام (المية) . فيكون الرجل وهو في عنفوان الصبا ان يتمني ان يتجاوز الستين ، والمرأة راسها والف سيف ان تعيش مائة سنة لكن عمرها لا يتجاوز العشرين سنة وبالكتير الكتير يعني اذا تنازلت عن ذلك تقول ان عمرها سبعة عشر عام ، حيث التسعة عشر عاما غني لها وردي وقال فيها ، عمر الزهور .. ولا ادري كيف هي زهور . . فالزهور هذه قد تكون احساس (نسبي) يعني في بنات عمرهن تسعة عشر سنة ، لكن بالذات في هذا العمر ، يحسسن انهن في عمر شجر العوير ، اذا يظل شجر العوير هو اعور شجر على وجه الارض ... فاينما مارميت به يقوم حتى ولو كان زعلان ومرزوع في محل موش كويس ، برضو نكاية في العوارة يتعاور ويقوم ، هكذا حكي لي والدي .ومن يومها اعتبر ان شجر العوير اعور شجر ، وتحديت كل طبيعة الانثي فيني وتحملت الصعاب حتى مشيت ورأيته ، اذا كان يدور في ظني ان الناس (ظلامه) اي انهم كثيري الظلم .. فقلت ربما لانهم زهجانيين منهم فلذلك (بهتوهو) وحينما رأتيه بام عيني هذه ، قام ليهو في مجري بتاع موية بلاعة والمجري دا في منطقة لا تحرسها لا كلاب ، ولا بني ادميين ، ولا حتى تراب ساكت يكتح ، مافيهو .. شوية حجاره ، وشوية حديد ، وشوية لساتك بتاعة عربات تتناثر حوله .. ومن بينه تشير (بنت خالتي) التفتيحه .. اهوندا العوير الخاوطانا بيهو ..
وينوا . ؟؟ اهوندا ؟؟
يابت وين العوير ؟ يا بت يعور عينك ، مااهوندا ، ودنقرت حتى مسته وقطعته ,,,, ومددته في وشي ، اهوندا
ووقفت مدهوشة ، ليس منها ، لكن من العوير ؟
اذا ان كل الزهور وكل الاشجار ، وكل النبات اذا ما اعتديت عليها ومددت يدك لتفعل بها الخزي ، تصدر نوعا من الانين والبكاء وحتى الاحتجاج ، كان تصدر غبارا ، يجعلك تكح ، او تتلايق معك ولن تفلح في قطعها بسهولة ..
الا هذا العوير .. اذ انه غمض عينه ونام نومته الابديه دون حتى انين وداع ، او حتى عتاب خفيف يفعلها المعدومين ظلما ..
ولم اتعاطف معه ،، وقلت بس .. عليك الله العوير دا . بركة القطعوك
راجعة ياشباب لا تصدقوا ان الهترشه خلصت
مازالت حللها (متندله) عندي كمياااااااات
شيلوا الصبر
الصابرات روابح
| |
|
|
|
|
|
|
|
|
|
Re: يا شيري (Re: بت قضيم)
|
شيري
حمد لله انك نجدتني وبهذا اللون الأزرق
إذ تكتب إحدى الكاتبات في الصحف
أن(يحيلني بياض الثلج إلى زرقة البحر إلى عيناك في اللاوعي الارتباطي) يا منجي من العواقب يا رب
رغم أن في السودان يقولون،، (يا بت قومي جيب لي موية زرقا) ولا ادري الحقيقة هل مقصود بالزرقا اللون واللا كباية الشب
وكباية الشب سميت بالشب لانها لا تحتاج للتشابي حتى تصلي لل(بترينة) لتحصيلها فهي شب من شب يشب شببان
سأرد على ايهاب بما احمل من هذه الانفعالات السوداوية
يومنا ازرق بعون الله
المسألة يا ايهاب مرسومة بدقة،، فلو لم تتنايص المرة بهذا الشكل المثير للانفعالات الموسيقية،، لما مات الميت كويس
اما لو رفعت ايديها تقرأ الفاتحة ليفتح الله على الميت بالرحمة،، لثارت المرفوع لها الأيدي وقالت ،، مالي يا يمة بشيلوا لي الفاتحة
؟؟؟
!!!!
دهشة
عندي شنب يا يمة واللا بمشي ديوان المراجع العام
؟؟؟؟
!!!!!
دهشة
رغم أن ديوان المراجع العام كلو نسوان من عينة ثلاثين سنة فما فوق
لانهم براجعوا طبعا
وإذ تحسب أن هذه نياصة فارغة؟؟؟
يا عزيزي اين منك هذا السجع واللجع
اللجع دي ما بعرفها جات براها
فتقول الواحد منهمن حماها الله
ووووووب عليا يا حشاي يا ضراي يا شيال التقيلة يا أكال البليلة
معليش البليلة دي مني
فترد عليها احداهن فيما يشبه تناجي الحمام،، بفرض تغيير الطبيعة الفيزيائية لهديل الحمام إلى كواريك جداد الوادي
فتقول
ووووووووب عليا يا الصغير يا الماك هين
يا الكبير يا الماك عوير
عوير دي برضو مني
فترد حمامة ماكنة من هناك
ووووب عليا يا هينو الجبال يا البتشق الرمال
هو الهينو ده كويس..؟؟؟
هو راجل واللا حلة راحلة
موش لي دعوة
هن من يقلن كذلك فنقف نحن نتصت وتطير الدمعة من عينا فيما يشبه احساس الضآلة لاجل نضوب هذه الملكة الشعرية
حقا انه لعالم مميز غريب
وفي خيمة الخدمة،، تجد الكثير من النكات والضحكات والعشرقات،، فلو جاءت إحدى المعزيات، سكتن وتنحنحن وتبكبكن وتنخنخن،، ثم واصلن حكيهن الأثير حول اصول وتاريخ حلل المحشي ، واستدراة الطعمية الهندسية
الموضوع طوووووويل ويحتاج لبحث ونظر
المرأة السودانية مميزة،،، لدرجة الغموض
تحب الرجل وتبتدع البدع لاجل خاطر كرشه وزهجته
وفي نفس الوقت
قوية بتسلط،، كلمتها تحت تحت لكنها تمشي الراجل على عجين ما يلخبطوش
سنة يا المصري
| |
|
|
|
|
|
|
|
|
|
Re: يا شيري (Re: بت قضيم)
|
قلت ان الانثي غريبة الاطوار .. ولا لسع ماقلت ؟ سجمي ؟ مقعول اكون جنيت للدرجة دي ؟؟
لا احد البته يتوقع (تصرف) تبديه او تختلقه ، فهي مبدعة على كل المحاور . . يتبادر الى الرجل (خطا) انه يمتلكها ، وانها كالعجينة يشكلها كيفما يشاء .. غير انها هي التي تتركه يفعل ذلك ، على حرفنة كاملة منها .. يعني تمشيها ليهو .. وهي بينها وبين نفسها تقول (اماني ماراجيك يوم) ... وهو يلقى القول على عواهنه ، ويغدو يترواح في زحمة الدنيا ، لا بيهو ولا عليه ، وهذه الشقية الرضيه اللديه .. ومن حتتها ديك ، تبتدر مشروعها (طويل المدى) تخطط وتخطط ، وتلتف حوله حتى تطوقه تماما ويصبح في وضع لا فكاك منه .. وتتنظر وهي صبورة جدا ماذا وراها اذ انها تعرف تماما كيف تطبخ على نار هادية اذا تظل هذه شغلتها والا ادري لما كل هذا الاجحاف في حق المرأة تجد المرأة طبيبة والرجل طبيب ، لكنها هي المسئولة عن (اكلهم) وعن تغيير الحفاضات للاطفال ومسئولة عن كرش زوجها حتى ولو كان لديهم الشيف اسامه ، فهوي يميل اليها اي (سي السيد) هامسا ، شنو يعني طولنا ما اكلنا من ايدينك الحلوين ديلك .. وهي من عباطتها تصدق ان الرجل يعني ان يدقسها ويجرها الى معترك الشغل الطبيخي ، وان الشغل كلها ومن وراءها سوء النوايا ، يريد ان يريها ان هذه شغلتها وانها لذلك خلقت . ولو كنت في مكانها لقلت له ، من القال ليك انو ايدني اكلهم حلو ؟؟ مالو اكل الشيف دا ، او حتى السيرلانكيه دي ؟؟ في ذمتك هسع اكلها دا مالو ؟؟ حتى السلطة لن اقطعها له ، عاوز شاي غايتو ممكن لاني انا نفسي احب ان اشربه من عمل ايدي ، اذ غالبا ما تخمجه الشغاله ، تسخن على عجل المويه وهي مشغولة باشياء اخرى ومن غير نفس ،. تحدف (التي باك) اي فتلة الشاي في خشم الكاسه ، وهااااك اشرب انشاء الله بالسم الهاري .. فعلي طول يطلع منك هذا المزاج الذي تحضرت به .. يا الهي من القهوة التي تصنعها تلك الشغالة ، حتى ولو كانت حبشيه .. تحس انها (استجمعت) كل دغالة الدنيا وووضعتها بدل البن فيها .. وانا من حبي لهذه المدعوة (القهوة ) اقهي تماما وانا احضرها بكل طقوسها التي تشبهي ... فتجدني اصوتها على ثلاث معالق بن ، واغسل اناءها الذي لا يحمل الا قدر كبايتي (الشب) .. اذ يحكي ايضا وهذا من عندي انا ان للقهوة كباية شب ، اذ تعود الناس ان يشربوها في الفناجين ، ولكني انا شيري بت ام شيري ، لا شيء يشبعني منها الا ذاك البرميل المسمي كباية الشب .. كرهتي في الدنيا تلك (المدلعة ) الافرنجية المسمي (نسكافيه) مساكين هؤلاء الامريكان خدعوا انفسهم بان جاءوا وعلى نهاية الدنيا وارادوا ان يصنعوا لهم تاريخ جديد ففشلوا ..
فاخذوا من الشعوب القديمه المحبه للقهوة مثل جنوب امريكا .. الا تروا سادتي كيف يقدس سكان البحر الكاريبي القهوة والبن .. يخصصون لهم اناس معييين بس في (شمها) واختيار درجة نقاوتها .. وهؤلاء الاعرب من غباوتهم اتبعوا سبيل الامركان الذين لا ماضي لهم القهوة وجعلوا في كل محطة (بترولية) كشك يبيع القهوة .. واوقفوا في داخله هندي ..
ايه الخبل دا ؟؟ انا حزينه جدا لهذا المسلك الغير حضاري .. اذا اهانوا القهوة وجعلوها مثلها مثل (الكفرات) والبناشر .. والسيارات تتزود بالبترول .. قاتلهم الله .. كرهونا عديل كده فيها ..
| |
|
|
|
|
|
|
|
|
|
Re: يا شيري (Re: بت قضيم)
|
وإذ ذكرت الحلم يا شيري ، جعلت اتذكر،، أن ماذا حلمت امس؟؟؟
وتذكرت
للغرابة ان افعل فانا كنت نايمة؟؟
!!!
يا لخفة الدم اللايوقة دي
قضيت امس وقتا ليس بالسهل وانا اصلي صلاة الاستخارة
كنت استخير لصديقتي التي رأت فيما يرى الشخص،، انه ليس من الغرابة في شئ ان اصلي استخارة بديلة عن صديقة
لن ادخل في مصادمات دينية إذ انني صليت استخارة باسمها وخلاص
إن لم تفيد فلا اعتقد بأنها ضارة
وصديقتي تستخير لاجل عريس الغفلة الذي انجعص خالفاً رجلا على رجل ، وهو يرتدي حذاء ماركة باب شريف ويصر بجلطة الشعر انه اشتراه من البلد،،، وقد كان حذاءاً جديدا لامعا ،، جديدا ليس للمعانه فقد رأت عيناي اللتان لا تغفل كعينا صقر،، العلامة الخضراء تلك ورقم عشرين،، اشترى الحذاء لا مؤاخذة كما يغيظك المصري بين كل كلمة واختها فيؤاخذ نفسه بذكر كلمة حذاء أو زبالة فيقول لا مؤاخذة كانما الحذاء والزبالة مؤاخذات،،، المهم انه انجعص وعيناي تحدقان بسماجة في حذاؤه وهو يناظرني بضيق قرب معه ان يرميني من الشباك،، وقال
ما دايرها تشتغل،، انا بشيلها
ينيلك يا ده
تشيل شنو هي مرتبة؟؟؟
ثم ان مين قال ان صديقتي هذه اساسا بتشتغل
؟؟؟
وقد كان يا شيري لقاء منيلا اشترط فيه عريس الغفلة شروطا ماساوية لو كنت انا والد العروس لخلعت له لا مؤاخذة حذاؤه ابو عشرين ورميته بره
فلما يشترط وكأنه اب زهانة؟؟؟
شان هي بايرة يعني وهو مجلط بالداكس؟؟
المهم أن صديقتها الم بها قرف هذه النواحي وعنوستها خصوصا بعد أن قرات المقال الطووووويل الذي يتحدث عن عنوسة بنات المغتربين فاصابتها حمى النفاس الشديدة
وهي لم تكن مقتنعة بهذا الأخ الثري الأمثل
والحقيقة ولا انا
فطلبت مني ان استخير معاها تكثيفا للجهود
واستخرت
وحلمت بها جالسة تضحك بغباء
يا بت الناس امشي عندنا استخارة
إلا قاعدة تبتسم
فاستيقظت سعيدة،، وبشرتها بأن وافقي،، فقد شاهدتك في باب شريف،، تلقطين في الفرير دمور،، ستة في سبعتاشر،، فهنيئا لك بهذا الذي سيشيلك،، يشيله الله
| |
|
|
|
|
|
|
|
|
|
Re: يا شيري (Re: بت قضيم)
|
ويحيلني اللون الازرق لعيناه
لماذا لم يحلني اللون الازرق إلا للحاجة وهي تنادي (يا بت ناولني موية زرقا ساااااااااقطة)
حسنا
ثم انني ما فكرت يوما ان ارى لون عيون احدهم فالجوازات السودانية جميعها تقول لون عينيه عسلية
فلماذا اتعبني بالنظر لعيناه؟؟؟
ثم اني لا احب العيوم الزرقاء؟؟
ولو فرضنا انني دققت النظر في جورج قرداحي مثلا واكتشفت ان عيونه زرقاء،، فكيف اشاهد مراكب وسفن وقيامة راحلة
؟؟؟
يا لمبالغات كاتبات الصحف السمحات
لو اردت تشبيه نفسي بهن
ولاني سودانية طبعا،،، فسأقول،، تحيلني عسلية عينيه لست الدقة ايام الابتدائية وحلاوة المولد
فاللون العسلي لا يذكرني إلا بذلك
معليش معليش انا لست رومانسية لاشاهد مراكب وسفن في عيون زول
لم يحدث لي ان شاهدت موج ازرق في عينيه ولا حتى موج اصفر من اثر اليرقان
يا لهن من محظوظات تلك النساوين الحلوات الرومانسيات
وتجلس إحداهن وتقول،، شربت كوب القهوة الصباحي،، وبدأت الكتابة،، لينحال شعري،، ينحال شعري هذه انا لا ادري هل المقصود بها الشعر الشعر واللا الشعر الزعموط،، فلو كانت الاخيرة فانا لن استطيع بطبيعة الحال ان اقول،، ينحال شعري،، ينحال دي زاتها جاية من طويل اظن
والمشكل ليس في الشعر نفسه،، ربما المشكل في كباية القهوة،، اقصد فنجان القهوة الصباحي
فلو اردت ان اشرب فنجان قهوة صباحي مع حبوبة،، لزجرتني قائلة،، يا بت ما عندنا بنوت بشربن القهوة
ليه؟؟
ما اعرفش
اظن حالة الزهج وصلت للقمة
اعذروني ياخي قرفانة بالجد
| |
|
|
|
|
|
|
|
|
|
Re: يا شيري (Re: بت قضيم)
|
أماني ما راجيك يوم
شيري انت شايقييي؟؟؟
اراها واضحة ولا مجال للشك فيها
شك ليه هي دبوس؟؟؟
ما قلت ليك خفة دم لايوقة
دعيني ارد عليك بحديث الطرشان
كلامك هذا يصيبني بمتعة
إذ أن حالة الطششان الرهيبة التي اصابتني هذه الجمعة كان صديقتي الهبلة وتدقيسها
اخدت الشاكوش في ام راسها،،، لكنها صنديدة،، وهاهي تبحث عن عريس الغفلة ذو الحذاء العشريني،، حتى تبدأ قصة جديدة بطلها صالون الرجال،، وعالم النساء المنفصل،، وحياة لا يربطهما فيها غير الغرائز الطبيعية الحياتية
وقت انتهاء الحوجة، ينتهي كل الرباط الجامع
ابشري بالخير يا شيري
قصة جديدة بفصول مكررة اسمها الشريك الخاطئ
ومن منا يعلم بخطأ او صحة الشريك؟؟
حتى هذا الذي كان من المفترض أن يحمل جينات الشريك الصحيح،، اكتشف بعد مضي عشر سنوات طوااااااااال من الانتظار انه ، لا يستحقها
إذ ملأ خياشيمه (بزاغ) وكسر جفونه علامة التمسحة،، من تمساح،، وافتى وقال،، والله انتي زولة راااااايعة،، اكتر من مية يتمناك،، بس ظروفي انت عارفة،، والله انا ما بستاهلك
عظيم،، ها نذا املأ بها خياشيمي ربما يسعفني الحظ لابصقها يوما في وجهه
الآن تكتشف انك الشخص الغير مناسب،، نسبة لظروفك،، ومش مشكلة ما تزعلي يا (هناية) انت زولة (راااااايعة)
!!!
لكم تداولتم هذه الروعة فمسختوها ككقنقليزة مصيتوها لما طلعتوا زيتها
الأن حبيب صديقتي يكتشف ذات الفجأة ان ظروفه المادية ليست على ما يرام
اوووووووه
إذ انها يا شيري لما ارتبطت به ايام الدراسة الجامعية،، كان صلاة النبي فوق نخنخته،،ود جابر ابو العز
وفقد كل املاكه جراء حادث ابراج امريكا
حيث ان بن لادن ود عمو لي ابوه
لزم
اليس من السوء الشديد،، ان تساهم (بعباطتها) في سفره وتلميع حذاؤه والباسه البدلة لتحمل بداخله في النهاية لقب الرااااااااائعة التي لا تستحقه؟؟؟
هانذا قد قلت لها،، تزوجي هذا الذي (سيشيلك) كخروف،،، واناادرك انها بقولها للنعم اوافق،، ستحمل قلبا جديدا
هما جديدا
روحا جديدا
وبداية نيااااااصة لن تنتهي من اول بيت بكا يقابلها
بل ستستمر
وتنتشر
وتتسرب
وتستمر
وتنتشر
وتتسرب
وما زالت الكاتبة الجميلة تنظر وتقول
الموج الأزرق في عينيه،، وهي لا تعلم كيف تعوم
اسمعي شيري
بتعرفي تعومي؟؟؟
| |
|
|
|
|
|
|
|
|
|
Re: يا شيري (Re: بت قضيم)
|
(ياع على ملاح الباميه )
اذ انني بعد ان قعدت في نص السرير وتاكد انني انا هي ، وانني انما كنت احلم .. وجدتني ابتسم .. وانا استعرض تفاصيل الحلم في ليلتي الفائتة مع انها لم تكن ليلة فائتة اذ احدث وبالذات في ذاك الامس واقصد به اميارح يعني .. نمت بعد الساعة السادسة صباحا ..
لا ادري ماذا كان يشغلني . رغم انني لا شغلة لي ولا مشغلة .. اي عاطله .. فلماذا اذن ميزت الخميس دونا عن الايام ..؟؟
ماهي كلها الايام عندنا صارت بنفس الرائحة ونفس الطعم ونفس النكهة ونفس اللون ..
المهم .. جلست اتلذذ بتفاصيل الحلم الجميل الذي حلمته .. وفجأة تذكرت . انه حتى يعجبني هذا الحلم .. لابد ان افكر في طريقة اجلعه يتحقق ... وهذه الطريقة تتم بطريقة واحدة فقط .
ايوه ... ان تكون رؤيا ..
طيب يا شيري . ماهي شروط الرؤيا ...
ان تكوني صليت صلاة الفجر .. لم اناقش اصلا من اين اتيت بهذا الكلام .. فرجعت لذاكرتي احاول ان اتذكر . هل انت صليتي الفجر حاضر يا شقيه .. وفجأة ضحكت .. اذ تاكد لي ودونا عن الايام الاخريات انني صليت الفجر حاضر .. اذ ان ابي ، لم يتركني ،، يا بت عليك الله بدل ماكي قاعدة ساكت ما تقومي صلي الفجر .. وقمت من فوري توضات وصليت الفجر ..
وبطريقة ما .. نمت .. ورحت في سابع نومها وبس ورأيت في حلمي ذاك
ان صديقتي .. (يظهر يا بت قضيم ) ان كل الاحلام الايام دي لها علاقة بالزواج والزفاف .. ربما لان حلم الجيعان عيش ..
ورأيت انني كنت وزيرتها .. امشط شعرها ..وشعرها المزعمطين .. بلاش نمشط دي .. نقول استلفنا (الباروكة ) من باب شريف ، وعلى عدل الى (سامية جحا) في العمارات .. نتكي عندها .. من صباح الرحمن .. تصون (شناتها) اي انها تعمل لينا (صيانة وقائية شاملة ) من اخمص ضفرينا الى دومتنا اي شعرنا ..
ورأيتني ورأيتها نضحك.. وفجأة ابتلعها مني صمت غريب .. قلت ربما هي هواجس العروس .. اذ اني لم اجرب بعد هذه الهواجس ، ربنا يفتح علينا بعريس .. يارب قبل نهاية هذه الجمعة الجامعة .. على ان لا يكون مكسر في البامية لاني ساعتها سوف اطلعها في جتته ..
لم اشأ ان ازعجها .. واصلنتا مشروع الصيانة الوقائية سوية ..
اذ انني ايضا انا وزيرة وعلى وش زواج ، هي تزوجت ، خلاص .. بضاعة سوف يستلمها صاحبها .. لكني بضاعة سوف تعرض ولا نعرف بعد مين صاحب النصيب .. وضحكت انا من هذه الجنترة وهذه الافكار الغريبة عني ..
وفجأة جلست تبكي ..وايقنت انها موش براها البت دا .. الله يكفينا شرك يا عروس .. مالك علينا الليلة
وربت علىكتفها وانا انزل فيها بوس ومسح دموع . .يابت ماتخربي زينتك اقصد ما تخربي مكياجك
اصلا عيونك ماناقصات عاملات زي حجر الفار .. انطمي
شوف الالفاظ .. أأأأأأل يعني بواسي فيها ..
شفت الالفاظ الحلوة دي .. ؟
وحينما هربت الشمس الى مغربها وانا اعاين ليها من شباك (المصنع ) اقصد الكوافير ..
وتحضرنا هي في توب زفافها الذي ترفل به الملائكة وحلاوتها التي تخبل عديل كده وانا اكورك في الشفع ياخواني الشفع ديل ما تخلوهم يمسكوا فستان الزفاف دا بالصورة دي ، بكرفسوهو . انت يا فقر يا نقر انت روق شوية والله اطردك بره
يطرد المرض ..
لاحظوا سادتي هذه هي انا ، والمفروض اكون وزيرة ،، وسعيده ،، موش اطفش في عيال الناس
.. ونحن في انتظار ان يجي العريس بعربيته الماخمج لياخذنا ..
فاذا بوالدها في كامل حلته وقد احاطة شعاع عجيب .جلست لثواني اتفكر فيه .. مع انه موش موضوع الحلم
واخذ يحضنها وهي تبكي في حضنه وهو يربت على كتفها .. وفتحت حتى للعريس ان تركب معاه في سيارته .
اغرب شي ء في الحلم لمن وصلنا الكوشه .. كنا ننزل انا وهي والعريس فقط من عربيتها
وفجأة اشوفها ليك العروس نفسها (متأبطة) بيدي والدها الوسيم ويتقدم بها صوب العريس الذي كان يقف ا في نصف المسافة مابين الكوشة وبين عربيتنا نحن على بساط احمر تحيط به زهور من كل نوع .. وسلمها اياه .
وكدت اغالط نفسي ان الذي حدث هذا بالذات في مشهده الاخير
ساعة ان سلم والد العروس بنته الى عريسها وطلب منهما ان يتبادلا القبل وسط حشد من الناس ..
وقلت بس .. دا فلم مكسيكي ولا فنزويلي ..
نحن بالكاد يحضر الاب عرس بنته .. دا اذا اصلا اتحرك من بيت العرس الذي يحرسه هم وثلة من الاولين ونااااام
ودخل في سابع نومه حتى شخر
. ومع ذلك فرحت اذ مازال اثار الحلم وتفاصيله باقية على لساني ..
لذلك انا مبسوطه اليوم .. لاني رأيت ان صديقتي سوف تتزوج قريب جدا . وسوف تفرح رغم احساس النكد والخوف الذي يتلبدها
| |
|
|
|
|
|
|
|
|
|
Re: يا شيري (Re: shiry)
|
اول الحكي
الحلوة دي جات تعجن
في الفجرية
والديك بادن
كوكوكو
يلا بنا ياصناعية
يجعلنا صباحكم صبح خير
سيد درويش
___________________________
من وين ياحسرة اتعلم العوم ..
لاني في امريكا ولاني في بلاد شايقي .. اذا يقولون والعهدة علىحبوبتي انهن كنا زمان يعني وهذا كان يحدث في الزمن الجميل الذي كانت تحضك بذكره حبوبتي الله يرحمها ويحسن اليها .
انهن كنا اذا ما وردن الى الماء .. اي مشين يملئن دلاهن ، وجرادهلن .. من البحر ..
والبحر هذا للذين لا يعرفون شيئا عن السودان ..(كان هناك اجانب يقرأون هذا الكلام) ؟...مقصودا به النيل .. وبما ان البيوت كانت لا تبعد الا فردة كعب من شاطئ النهر ..فانهن لزاما عليهن اي النسوة .. ان يجلبن الماء ، حتى يسقين الحيوانات . ويملئن الازيار .. ويغسلن العدة
ويجي الراجل ببي بساطه كده ، كسلان حتى ان يملا بنفسه كوزا ، يغطسه في زيره ويشرب بعد ان (يبزغ) سفته الكبيره
يابتي جيبي مويه ؟؟ انشاء الله بام بنتو .. وبرضوا ياستي ام بنتو دي ماعرفت صرفتها وين ..؟؟
وفي نهاية كل وجبة يطالب برضو بكباية الشاي ..
يابنات ماتسون الشاي .. شنو الشاغلكن . . الله يشغلكن في قده .
مع انه لم يجيب الموية وهي اصلا مفروض تكون شغلانة رجال اذا جئنا للحق وراعينا النواحي الفيسوولوجيه لتكوين البايلوجي للمراة والرجل (وجاجة زي هيك ) مثلما مايقول الشوام . .. وهن من كترة اشغالهن وصعوبتها .. قامت لهن عضلات
وهو سي السيد (كل الذي يفعله ) يقارع الخمور ليلا .. وينوم في قيزان الرملة ليلا ... ويامر فيطاع
جيبي الشاي وسوي الشاي . وشربتوا الغنم ديلك ولا لع ؟؟
الله يلع ريسينكم ..
والاغرب في كل هذه الحكاية .. تقول حبوبتي )الله يرحمها ) ان الايام لم تكن مثل ايامنا .. ليست هناك طواحين ولا مصانع ولا افران للخبز
اذا تقوم المراة (بطحن) القمح ، والذره .. بواسطة مايعرف بالمرحاكة . اي (المرحاة ) ..
فهذه العملية اقرب ما تكون الى ممارسة العاب القوي التي يطلع منها الرجل بعضلات تؤهلة لان يضرب (قبيلة) كاملة في فلم امريكي او حتى فلم هندي وفي حتات تانية معربة يمكنه ان يضرب شعب كامل مثل الافلام المصرية ..
فما الذي يمنع حبوبتي ان تسوي ليها عضلات ... تمسكي بيديها .. اجلس عشرة ايام لا اعرف كيف افك حصار يدي منها .. ؟؟
وتقول ونحن فيي طريقن الى البحر .. نتسامر ونتشاغل .. ونحكي احلامنا ... التي اكبرها حلما .. أ ن ازور امدرمان والتي تعني الخرتوم اذ كل السودان وكل علامة التحضر في الدنيا غابت من كل مسميات المدن العالمية الاخري واختزلت في اسم امدرمان وتعني انها تقدمت خطوة كبيرة جدا في طريق التحضر .. كونها جاءت وشافت امدرمان .. حيث الاذاعة .. وبيت ازهري . وبيت الخليفة وضرائح سيدي المحجوب ..
هذا ما طلعت به من حبوبتي بكثرة من صبته في اذاني حتى انني ، يمكني الان ان اتخيل كيف كانت تعيش النسوة في ذاك الزمن الجميل
يكون الرجال قد غادروا (اللعب) اي السباحة في النهر .. واخلوا لهن مرتعا للعب .. فتحضر حسان الحلة كلهن . .الى البحر فيما بعد ان يكن حضرن الفطور للذكران .. وجئن الى البحر يتخلصن من هذه الاعباء ومشاغلهن .. ويرمين احلام الامس التي لم تتحق ، ويستبدلهن باحلام جديده مستحمية ونضيفه من البحر فيطلعن بها الى (فوق) ، حيث فوق هذه تعني المساكن .. والتحتانيه تعني الشاطيئ
ويغسلن الملابس .. ويتادبلن القطايع . .ويسبحن ويسبحن ويسبحن . .حتى ان الواحدة والعهدة على حبوبتي الله يرحمها تكون قادرة على قطع البحر كله .. فلكم ان تتخيلوا عرض النيل في مناطق الشمالية كم يكون ..
اما انا فلا يمكنني ان اتعلم السباحة ولن اقدر حتى علىممارسة ربع هذه الاشغال ..
اذ انني بت (ضعيفونه) ولا تقدر حتى على حمل (جردل) بلاستيك صغير يزن عبوة عشرة كبايات موية ..
ناهيك عن صفيحة كبيرة ..
لكانت هذه الدومة التي تزعمط شعرها . قد تطاولت وتهدمت وتكسرت
اصلنا خلقه شينات . كمان ناقصين شناة نخشمة
| |
|
|
|
|
|
|
|
|
|
Re: يا شيري (Re: بت قضيم)
|
هذا الحديث الذي كتبت حديث مرير
مرير دي من مرارة
التي يسمونها في سوق الملجة(ام فتفت) ويوما تشالقت فسألت سيد الجزر قائلة،، عندك مرارة؟؟
فقال لي ،، لا في ام فتفت
واكتشفت فيما يكتشف المكتشف،، ان المرارة لمرارة الخروف،، وام فتفت لام فتفت التور
يعني التور عندو ام فتفت
والخروف عندو مرارة
مع انهم الاتنين اسمهم كرشة
ولا ادري ما السبب
وسألت ميرغني الراجل السكران طوالي،، لماذا سميت (برأيك السديد وانت طوالي طاشم) ام فتفت بام فتفت
فافتي ان ام فتفت سميت بام فتفت،، لانها بتفك السكرة
يعني هي في الأصل ام فكفك
لكن ربما تغيير اسمها مع تقلة لسان السكر عند واحد الدغ،، فقال ،، يا بت جيبي لينا ام فتفت،، فاعجب الأسم السكارى فمشوه عليها
يا شيري
ده حلم واللا مسلسل مكسيكي؟؟؟
إذ ترتدي العروس فستان بسييييييط،، وتركب السيارة مع واحد قيااااااااافة،، لا تعرفي تعايني ليه لا ليها من سماحتهم
فترمي بباقة الورد ، فتلتقطها برضو واحدة قيافة،، ويذهبا في سيارة مليئة بالورود،، في طريق ملئ بالشجر،، حيث ينتصر الحب في كل جولة،، فتتنايص اختي،، لا بعرفها زعلانة شان المسلسل خلص،، لا زعلانة لانها يوما ما لن ترمي بباقة ورد هكذا،، فترد عليها واحدة شضلية من ناس العريس قائلة (ما تفلقي ياخي ما بوظتي لينا التسريحة دي)
والعروس عندنا لا تستطيع ان تؤدي حياتها الطبيعية في الكوشة
إذ تتخشب كأنما اصابها هشاشة عظام،، فتلتفت كما يفعل شوارنزجر واللا اسمه منو ما بعرف،، في مسلسل عوير كده كله ضرب،،، وتجلس على الكوشة،، تحيطها ام العريس،، واخواته،، يحرسن العريس ظنيتهم،، وست الكوافير خايفة على فستانها المؤجر
فيجئ كل اطفال السودان من عمر ست سنوات وانت طالع
مبروك
مبروك
مبروك
مبروك
فتصاب يديها بشلل اهتزازي جراء السلام
والحقيقة كثيرا ما اقترحت يعملوا سياج يلف الكوشة ذي حق الغنم ، يمنع الشفع من العملية التعبانة دي
أو ان العروس ترفع مايك الفنان،، وتقول،، الله يبارك في الجميع
يا اخوانا ما بقدر اسلم على جغجمية نفر
ما كرهتونا العرس ياخي
الحقيقة صورة العروس السودانية،، متصنعة جدا،، ومتخشبة،، ولا معنى لها بالنسبة لي غير الإمعان في رسم الدور
عكس رقيص العروس إذ يطير لها برج فجأة فتتنطط وتتشالق وتجيب القون ولااااااا حامد بريمة
هو حامد بريمة بجيب القون واللا كان بحرسه
؟؟
| |
|
|
|
|
|
|
|
|
|
Re: يا شيري (Re: بت قضيم)
|
ابعـــــــــــــــــاد
سايكوبيز بالقمردين عديل
بخروهم يا جماعه
بت قضبم بدون مقاطعه
يعني في ما بعد
في الحقيقه اني وددت لو اعرف الشغلانيه بتتم كيف بالظبط يعني ماهو الاحساس الذي تحسه وتتقمصه الباكيه والنادبه فتتحول في ظرف ثواني من ضاحكه الى باكيه
بتتخيل شنو كدا
ولا الحكايه فيها جن
شيري هديه بدون مقاطعه
برضو
بي مناسبه حديث الطرشان زي ما قالت بت قضيم
فهذا من ذاك القبيل
ابيات تخص حبايبك الهمباته
الهمباته نحن
اصلنا معروفين
بلا حق الرجال
ما عندنا تعيين
ما بنتدبا ليهو
بنشيلو حمره عين
وكان موت وكان حياه
لابد نرضي ام زين
و ما تساليني ام زين دي منو
| |
|
|
|
|
|
|
|
|
|
Re: يا شيري (Re: بت قضيم)
|
اول الحكي
عشان بريدو اديتو وردة
بيضا
زادت على الريده
لمحبة قلوبنا
ما بنفترق
وان افترقنا في الجنة تاني نعيدها
والليلة ماجانا وشبه البرتكانه
واحدة عاملة بتغني
___________________________________
وبما ان مسار الهترشة اتجه الى العرس
وبما ان اصلا ليلتنا ح تكون ابيض فل
علينا وعليكم
فهذه التحضيرات التي تنقع في اتونها العروس هي هترشتي الليلة
وتكون العروس ، بكمية ايام كده قبلها ماعادية في تحضيرات ومعسكرات ، يخيل لي ان المنتخبات الرياضية ولاعبات التنس والجمباز لا يتحضرن ولا يتدربن بمثل هذا المجهود .. والاغرب في الموضوع ان كل هذه الشغلانات لا اي وقت (الاستعراض ) لا ياخذ اكثر من ساعتين وفي (اعراس) كتيرة اذا ماصادف رجال (الدولة ( الاشاوس المسمين بعساكر النظام العام ، مزاج غير رائق ولا حقارة او تار بايت مع صاحب العرس او اخو العريس او اي احد يهمه العرس ..
تراه يتحين الفرص .. حتى يستعرض عضلاته ويجيك متناسيا بدغالة كل هذه التحضيرات التي هلك الناس فيها وهلكت العروس ، وانفطس معنويات وماديا العريس من جراءها ..
بي بساطة كده . عندكم تصريح ..
يلاااا خلاص وقفوا العرس
ايه هي هذه السخافة , .
بالله عليكم . اعني الرجال الذي يفهمون في الانقلابات العسكرية والعصيان المدني .. والاعتصام والتمرد
متى انطلقت ثورة او حتى انقلاب من بيت عرس ..
هو الناس فاضية حتى لدخول القصر الجمهوري او حتى سائلة في ذاك اليوم عن عمر البشير نفسه ولا حتى الترابي .. الله يطراهو بالخير ماتقوم تجيهو حاجة من جماعتو يقوموا يقولو شيري ادتو عين .. انا لو عيني بتعمل ليهم حاجة كان الناس ديلك زماااااان لحقوا امات طه .. اصلوا من ريدتهم لحست المكوة عديل كده ..
ويجيك بشخصنه كانه ( ايدي مورفي) في بفرلي هليز استريت .. ولا ماعارفه ايه اسمو .. يقيف في نص الحفلة ويتجاهل كل الناس ويطلب من الفنان ان ينزل لان الحفلة ليس بها تصريح ..
طيب من اعطاك الحق ان تصادر افراح الناس .. واصلا من اعطي الحكومة الحق في ان تعين للناس اوقات محددة للفرح او حتى تمنعهم من ممارسة افراحهم وواتراحهم بالطريقة التي يرونها مناسبة معاهم ..
هي بالليل تضبح وبالنهار تسبح يا عمالة حبوبتي
يعني لا منك ولا كفاية شرك ... وهذا المثل فهمت قريب جدا انه يعني انه تفسير لبيت الشعر الجاهلي
لا خيل عندك تهديها ولا مال .. فان لم يصلح الحال فيصلح النطق ..
ومع ان العروس في تحضيرات وتحضرات منذ اسبوع تقريبا .. هذا غير المجهود البدني الذي يتطلبه التدريب على الرقص ولا الدخان والذي منه .. وكل ماتشوفك (امراة ) او خالتك او حتى حبوبة بت خالة ام عمة صاحبتك . تمسك وجهك وتقلبه يسرة ويمنة ..
وتتفحص ماتحت رقبتك .. ثم تقلب اضانك قلبة وعدلة .
ثم تتفرز شعراتك كلها شعره شعرة.. كانها تتفحص (زريعة الذره) من منكم شاف زريعة العيش التي يحضر فيما بعد منها (الابري) الذي سيرته فقط تهد الحيل ، كيف اذا عملته ..
ثم تقول تصدر حكمها يا بنات تعرفن . العروس دي لسعة جسمها ماصفر ..
والشعر دا ، مالكن مابستون ليهو الكركار .. وهذه الداكس في العرف الحبوباتي ، تعبر من عمل الشيطان ، لذلك لا يقرب البته ادواتهن في تحضير العروس .
وانت من غباكي تعتقدني ان الشغلانه خلاص انتهت او كدتي تصلي الى بحر الامان
لكن وين ليك يا ايتها الغبيانه .... ؟؟
لسعة الراجيك كتير كتير كتير .
وبما اهذه الحبوبة التي لا علاقة لها بك البته .. اصلا لم يرسل له (مسج اي ميل) عشان تجي وتقول رأيها فيه ..
لكنها تطوعت بخبرتها ورأيها لله في الله ، وبما انها قالت رأيها الخبير داك ، كان لابد ان يعمل به الجميع
ويعيد المشروع التحضيري الذي بدأت فيه من جديد .. كل الخطوات التي زهجتك واعتبرتيها انك اجتزتيها وقلت في نفسك الله لا عادها .. تجديني نفسك مرغمة من تاني على اعادتها من جديد .. و
وتبصحين متبلدة تماما من تلك الزهجة التي دخلت فيك مثل تلميذة في تمهيدي قضت سنتها خنق فطس ومع ذلك اخبروها في نهاية العام انها لم تجتاز الفصل الاول ، ويجب ان تعيد هذه السنة .. يصبح لا شيء يهمك الا ان تخلصي من هذه الشغلانه
وبما ان لكل ليل اخر ولكل دور اذا ما تم نقصان .. كان لابد ان تجي تلك الساعات اتي تحسبيها انت كذلك ،
غير انك تجدي نفسك ان كل الذي جلستي فيه في الكوشه لم يتعدي الربع ساعة فقط ..
وان الناس اتفرجوا في فستانك زفافك . وفي جضومك وفي خشمك (المصموم) كانه ملصق بصباع امير .. اذ لا تسمح لك الاعراف ان تتبادلي الابتسامات مع ضيوفك الذين جاءوا من كل حدب وصوب من اجل رؤية (وشك) داك وكيف انت في حلتك العروسيه ..
واذا ما (اطربتك) دندنة ، او حرك دواخلك ايقاع ما .. يتغني به الجميع .. ليس من حقك ان تخرجي من طورك وترقصي رقصة القرد
او حتى رقصة المجنون ..
فكل ماعليك فعله ان تتلولحي بعوارة ومساخة والعيال الاربعة من خلفك يحملون ضنب فستانك الطويل .. ورغم هياج الوزيرة وزهجها وتحذيراتها للناس بان لا يعفصوا ضنب الفستان ونيسانها في نهاية المطاف لامر فستانك ، تجدين في ربع الساعة تلك التي قمت وتلولحتي فيها ان سلوك كل الفستان قد طلعت مصارينها .. واصبحت مشعلقة في شوية حدايد ، تطعن كل جسدك ..
يا الهي ...
والعريس لاهو جمبك ولا هو معاااااك
كان له عرس اخر في مكان اخر . اذ حدث وانه بمجرد ان دخل جاء اصحابه واصحطبوا ليمر على الناس .. مع انك برضو عروس ويجب ان تمروا معه . لكن .. لا احد يقدر ذلك .. فانت في النهاية حرمه . والحرمة ليس مسموحا لها ان تطوف على الرجاله
ويظل العريس بعيدا عنك في هذه الربع الساعة .. لا انت تشوفينه ولا هو يشوفك .. كما قلت لديه عالم اخر
يحملونه على رؤسهم . ويطوفون به ..
ويجي ذاك المفعوص الذي هو عبارة عن ضنب عقرب للحكومة .. بصوت واحد . يوقف هذه الحفلة
ويلااا بلا لمه عرس وتمه
| |
|
|
|
|
|
|
|
|
|
Re: يا شيري (Re: بت قضيم)
|
وهذا فنجان القهوة الثالث الذي جغمته ولا استطيع الإحساس بطعمه
وإذ قلت جغمته كان لا بد أن اقول كباية القهوة
فنجان شنو؟؟؟
وقد كان أن هاج اخي وماج لان اليمني ابن الستين (برضو ستين) قد عاكسني في السوق،، وكتب لي رقم تليفون عبيط،، إذ افترض فيا العوارة ،، أني وكت ما اتصل بي زول،، اتصل بي راجل كبير إذ يشبه فيما يشبه حجر القون
شيري معليش انا عاملة ذي قطر اتجاه واحد بتكلم في اي شي وما برجع ورا
لاني ببساطة محبطة جد
| |
|
|
|
|
|
|
|
|
|
Re: يا شيري (Re: بت قضيم)
|
سلام مربع
لم يتبقى كثير وقت على شاي المغرب ..
او قهوة المغربية
اذا يتوجب علي ان اتحضر
واسمع حركة في البيت غير عادية
اعتقدني جاءنا ضيوف
فهاهي سيرلانكيتي المفعوصه تجيني مثل قطعة الشيطان
سيري ماما في كلام
تعالي سلم في نفر يجي
الله تجيك الطاويها حبالها
وشخصيا لا اعرف بالضبط ماذا تعني
هذه الطاوية حبالها
لكني اعرف بالفطرة انها دعوة موش حلوة
اذا يتوجب على الذي يقولها ان يكون في حالة قرف وزهج
لذلك ساقوم متوكلة على الحي الذي لا يموت
وادخل المطبخ واعمل لهم القهوة
ثم اسألهم
تشربون
شاي ولا بارد
اكيد سوف يطلبون الشاي
بعد ان يستعدوا بعدها لشراب الحاجة الباردة
ويجي وقت المغرب
ويمر .. ويذهب الرجال لصلاة المغرب في المسجد
وبعد ان ياتوا مباشرة
يتوجب علي ايضا ان احمل براد الشاي
والكاسات
واملئهن حليب لكل واحد
ومعها البسكوت
وفي الغالب سوف يفوتني وقت المغرب
رغم انهم يخبرونك الصلاة عبادة
والمغرب بالذات وقته ضيق
فيجب ان تصليه
ومع كل هذه التحذيرات التي يطلقونها مثل قمر اصطناعي في وجهك
يطلبون منك
انت لسعة ماسويتي الشاي
يابت
الله يا يمه شيري تطير عيشتها
اكان زهجت حتى من روحها من عمل الشيطان
ثم تبدأ النسيونات بعد ان يشربن القهوة
في الاستطلاع والاسئلة السخيفة
مالك ياشيري يا بنتي شكلك خاسة كده
انت يادي ما قعد تعملوا ليهو االاكلات البتشحم
هو انت عرسك بتين
انشاء الله يعرس ركبينكم
من اصلا سألكم من عرسي
ومن اخبركم صراحة انني احب ان اصير مثل الجاموسه
التي تمشي متدردقة
وتزحف زحفا على بطنها
قومن يانسوان عليك الله
شوفن اشغالكن
خلااااص خلو القطيعة والشمارات
ليوم اخر ..
لن تطير القطيعة ولن تخلص الشمارات
ولن اطير انا اصلا من قدامكن
ياني انا شيري
لو جيتن بعد سبعة عشر شهر
سوف تجدوني هنا
حتى وان عرسني
ذلك الذي رماني في حدة
وسكن امبده
هذه اغنية امزح لا تاخذوها ماخذ الجد
بت قضيم .. دع عنك احباطاتك
هون عليك
ليس هنالك ما يستاهل
ان نهري انفسنا فيه
الحياة كده كده ماشه
حتى ولو كرهنا ملاح الباميه
برضو ح يفضل ناس هناك تحب البامية وتموت فيها
اهو هنا مثل هنالك
والبامية لا تفرق كثيرة في طعمها
ولا شكلها عن الويكة
والويكة فكرة مشتقاة من الباتنجان
اللي هيا كلها ملحات
تطهههههق عديل كده
فذلك عليك بسندويشتات الشاورما
حينما تهرب الشمس الى مغربها
لماذا لا تكون هنالك شاورما بالنهار
او على الفطور مثلا
لماذا لا يستبدلوا من الكافتيرايات
سندويشتات البيض
المخفوق
بسندويتشات ملاح الرجلة
اهي كلها اكلات
والسلام
هوووو انا
خلااااص جاااااية
| |
|
|
|
|
|
|
|
|
|
Re: يا شيري (Re: بت قضيم)
|
وهي في تلك الحالة الخشبية والعيال زهجوها والتل بتاع الفستان قرص جسمها والعرق سيل ليها كحلها بتاع الحواجب إذ تصر بتاعت الكوافير تخطيط حاجبي العروس بالأي لاينر
وسلن اقول ما هو الأي لينر لاني انا زاتي ما بعرفوا
وهي في تلك الحالة يصيب واحد اخو عريس واللحظة ديك حتى تور العقد بكون بقا اخو العريس،، يصيب اخو العريس انبشاكة فجائية فيحمل المايك ويردد باصرار إن غالطه فيه احد لفتح كرشه
يااخوانا الرقصة الجاية للعروس والعريس
فينط عمها قاصدا مترصدا هذه اللحظة فيقف في نص الساحة شايلا العصاية ويبشر وينقز في غنية عاطفية
تتخمخم العروس وميتين أهلها طالع وتصل لتلك الساحة بعد عملية المسح الشاملة التي يقوم بها الفستان لتراب الخيمة،، فيحسب العريس مسافة شبر ربما تصل لشبران ( مساحة شرعية بينه وبينها برضو اسمها مرتو) ويمسك باطراف اصابعها يتتوطحان إذ في تلك اللحظة اردد منتشية
طوطحانية
طوطحانية
يا شيري
هذه الرقصة تسمى السولو،، السولو السوداني من سل الروح وليس من سولو حاجة تانية
لان الزوج السوداني عيب ام العيب أن يقرب عروسه امام العالمين يهمس لها بكلمة طيبة إن شاء الله يقول ليها امسحي كحلك السايل ده
وام الفضايح أن تبين العروس كم هي سعيدة بتدقيس هذا العريس اللقطة،، وتدبيسه في هذه الليلة المفترجة
ولو حدث انها اصابت حتى بعشراقة ظهرت بسببها انيابها لاتهمت ب(جنس خفة غايتو)
| |
|
|
|
|
|
|
|
|
|
Re: يا شيري (Re: بت قضيم)
|
الطاوية حبالها الدنيا
ويقولون إذ داهمك الموت ترى ملك الموت يحمل جنزير الموت يطوي به روحك لااااامن تفضى انبوبتك
تبري إن شاء الله اليكرهوك(الشر بره وبعيد على الأقل ليس قبل العرس)
انا كمان ماش اصلي المغرب حاضر واعمل لقيمات الجمعة
وبرجع انضم ان شاء الله براي
انضم دي جاية من ابرة
| |
|
|
|
|
|
|
|
|
|
Re: يا شيري (Re: بت قضيم)
|
يا بت قضيم
بمناسبة عم العروس شايل العصاية دى
عندنا حفلة ماشة كويس وعمار السنوسى
يبدع فى الهرمنة و الصولات التى تجعل
عضلات الفرح تنقذ براها ... لو سمحتو الفاصل الجاى
للعروسين ....طبعا انا جنى وجن الفاصل الجاى دى
لانو المود يتاعى بنفس فى اللحظة دى ...ويا ريت لو برقصو هم
يقعدو يتلولحو ويتطوطحو ...ويطوطحو امفتفت بتاعتنا زاتا
ويجى واحد طاشم يبشر ويقع قدام العروس وبت الناس تقوم جارية
اها عمار قام من شلاقتو غنى عرضة ....والجلاليب ما تديك
الدرب بعد داك ....بعد شوية سمعنا تش وتش تانى
الجماعة بالعكاكيز كسروا النجف يتاع صالة الفندق
الفيهو الحفلة ... الواحد شالتو القفزة وامسك يا سطح
الصالة.... امانة ما كانت حفلة منيلة فى واحد وستين
شخييت
| |
|
|
|
|
|
|
|
|
|
Re: يا شيري (Re: بت قضيم)
|
لووووووووووووووووووول يا الفاتح
حقيقي ضحكتني
اساسا لا احبذ افراح الصالات مع
احنا ناس مسوحنا القشف
ابشر يا جنا
ثم ان الشاعر الفذ قال
انحنا ولاد بلد نقعد نقوم على كيفنا
مع نجف الفنادق
صعب شديد،، إذ انهم سيقومون ويقعدون على كيف كيفهم كناية عن الشضلنة والقوة والرجالة
تخيل معي ،،، رجالة تجعلك تتشحط الليل كله،، لتبشرك نساء القبيلة بأيويويويويويويويويويييييييييي
رجالة مجنونة وقاطعة رجالتها من راسها
عليه
أفضل ان العرس السوداني يقام في الخيمة احسن
لا نجف
لا لمب
لا فندق
لا يحزنون
ولو ما في معازيم زاتو احسن
شيري غشتني قالت المغرب
وينو المغرب هسه
؟؟
انا زاتي عارفاها هي في ياتو ملف؟؟
بعدين ما حاعمل لقيمات
هي الناس بتعيش شان تاكل واللا تاكل شان تعيش
؟؟؟
ايهاب
جاااياك بدون مقاطعة
| |
|
|
|
|
|
|
|
|
|
Re: يا شيري (Re: بت قضيم)
|
بت قوقو
فى لقى فى عدم دايما مخرف صيفنا
طبعا بنحب الصيوانات و الشارع الفاضى
المافيهو واحد موقف قندرنو و الحفلة شغالة
لكن نسوى شنو ؟
نحنا فى بلدا طيرا عجمى كلو برطن ويطنطن
الله يطرد الخواجات
بمناسبة الرجالة تطير دى
واحد شايل ليك القروش ويوزع فيها على
بنات الزغرودة والشبال
اها واحدة قالت ليهو ابشر يا الفنجرى
جيت لى يا ابو فلان
بالله رفع رجلو ونزلها وقت رفعها
تانى خلى الوطاية بتاعة الجزمة
فى الواطة وقام بالوش بس
| |
|
|
|
|
|
|
|
|
|
Re: يا شيري (Re: بدرالدين شنا)
|
سلام مربع
صباحاتكم هنية
اصبحنا واصبح الملك لله
ولا شيء هنا .. مازال البورد ينعم نوعا ما بهدؤ
وخالى من الصخب وهترشتي ذات الجلجلة
كان في نيتي البارحة ان اتواصل معك صديقتي بت قضيم ، لكنهم الضيوف
جاءوا على حين غفلة من جرس الباب ورنوه
ولم اجدني الا في نصهم . اشاركهم ضجيجهم
حتى انتصف الليل
لذلك اعتذر كوني شتت دون رجعة
فكان في نيتي ان نتواصل حتى نملا باندوث ابوبكر
وليتجول هو في السيرفرات الاخرى .. اهو في النهاية انه رجل
ويمكنه ببساطة ان يجد سيرفر فاضي يؤجره
فاضي او حتى يبني عليه عمارته التي يخطط لها ماعلينا
كانت في نيتي فعلا ان نكتب ونكتب حتى تتكسر كي بورداتنا
او يجعل الله لنا من امرها مخرجا
فاذا ماجاء الصباح يعني هسع دا يجد الناس اننا حجزنا ليهم الواطه كلها
اقصد الباندث كله
يقوموا يحنسوننا انا وانت ان نؤجر لهم او نديهم شوية من اراضينا التي حجزناها في هذا البوست
لكن ياخسارة تاتي الرياح بما لا تشتهي السفن
فهاهي نشرة اخبار التاسعة صباحا بدأت
وانا لا شيء عندي افعله سوى التفرج على اخبار العالم
ولنرى ماذا فعل الله بخلقه في يومهم الفائت
وماذا سيفعل شارون في هذا اليوم
في الشعب الفلسطيني
اشرب قهوتي واجيكم صادة
لن يفلت مني هذا الباندوث
| |
|
|
|
|
|
|
|
|
|
Re: يا شيري (Re: بت قضيم)
|
صباح الخير يا وطني
نحن ننام ، لنستيقظ ، لننتظر ميعاد النوم،، لنستيقظ،، لننتظر ميعاد النوم
وينتشر
ويتسرب
وينبشك
يا للسبت الطويل ومديره
الفاتح
والله انت كما تقول الحنكوشة (عثل)
بدر الدين
تخصصي شخصيا شاي قهوة وملاح نعيمية
يكفي ده غداء؟؟
شيري
لا بأس عليك يا صديقة
انا زاتي اتكومت لامن اذن الديك الساعة اتنين صباحا
وجلست اتساءل
الديك ده عوير واللا مالو؟؟
لا ادري لكن كل الكائنات الأليفة التي تستوطن شباكي،، اولا انا ما عارفة جات من وين،، ثانيا لا ادري ما المشكل العويص الذي تعاني منه لتقضي الليل ساهرة تبشتن حالي وتقض النوم من مهجتي
تقض دي صح؟؟؟
ايهاب
انا بخير،، ولا (ينغصنا) سوى (عدم) رؤياكم (القالية) ووالله الديباجة دي جايباها ليك مخصوص
امس نكدت عليك ببيت البكاء،، واعدك ان اواصل اليوم
| |
|
|
|
|
|
|
|
|
|
Re: يا شيري (Re: بت قضيم)
|
نق نق نق نق نق نق نق نق نق نق نق نق نق نق نق نق نق
كل يوم اقول استني لمن اخلصن من نقتن البنات ديل اقول ليهن سلام
لكن الظاهر ح استني كتييييير
سؤال برئ جدا جدا
انتو بتطبخوا متيييييين وبتغسلوا متيييين
ولا كل زول ياكل نارو؟؟؟؟
المحيرني نقه السمايه البتكون كلها في وكت واحد دي بتفهموها كييييف؟؟
نق نق نق نق نق نق نق نق نق نق نق نق نق نق نق نق نق نق نق نق
| |
|
|
|
|
|
|
|
|
|
Re: يا شيري (Re: HOPELESS)
|
بت قضيم و شيري : صباحكم بنفسج و فل.
كل أسبوع ، أهاجر برة الرياض من يوم الأربعاء إلى يوم الجمعة بالليل ، و أهجر كل ما يربطني بالمدنية من كمبيوتر و راديو و تلفزيون و صحف.
و أعود للكمبيوتر يوم السبت الصباح .
هذا الأسبوع ، كان معي ، ظل يهترش من يوم الأربعاء إلى يوم الخميس ، مرة أضحك معاهو ، و مرة يجعلني أحزن ، و مرة ما يديني فرصة لأي إحساس حيث تصل هترشته إلى ألف درجة بمقياس ريختر.
هذا الصباح ، وجدت هترشتكم ، فقلت لا بد أنها مؤامرة متفق عليها من بت قضيم و شيري ، و لا بد أن أخونا في الله أحد سكان كوكب سودانيز أون لاين بإسم تاني ، أو ربما يمت لأحكما بصلة قربى.
المهم : هترشوا ، فإن الهترشة مفيدة للصحة ، و أسألوا مهترش و لا تسألوا طبيب.
سلمتما
| |
|
|
|
|
|
|
|
|
|
Re: يا شيري (Re: بت قضيم)
|
سلام مربع
وجدتها فرصة وانتهزتها وانا واحدة نهازة فرص .. اذ ان بيتنا نوعاما لا احد فيه يقلق صحوي
وانا كل ما وجدت فرصة حتى ولو صغنتوته تمسكت بها
لا عليكم سادتي
لن ينجو مني هذا الباندوث اللئيم
طالما قصدته .. اني اريد ان املئه ياصديقتي
ولنرى ماذا يفعل هؤلاء المتغالطون
حتى اذا ما رحلت الشمس الى مغربها لم يجدوا ما يدلقون عليه مغالطاتهم وجدلهم الذي لا ينتهي
كل احد منهم يحاول ان يقنع الاخر
والاخر يريد ان ينجو منه لكنه يحفر له كمينا في منطقة اخرى
حتى يسقطه في براثينه
هل تدري ان الكتابة هنا تقيني واصبات وماعارفه هي واصبات دي
لكني اردت ان اقول عاديات الدهر ووجدتني اكتبها كذلك
ولن اقتنع لاي احد . اي احد
ان يقنعني بغير ذلك
هذه لغتي انا واردت ان اخلقها كما اشاء
من اعطي الشعوب في العصر الجاهلي الحق ان تقول وتستنطق وتخلق الكلمات
دعوني اخلق .. وانتم عليكم ان تفهموا
هكذا هي الحياة لا شيء فيها ساهل .. كل ماعليك ان تبذل قليلا من الجهد
حتى وان اردت ان تشرب ماء .. فانت ملزم بان تحرك اكثر من اربعة عضلات لترفع الكوز فقط قصاد خشمك
وكنت انوي اكتب بوزك ، لكنها رايت ان البوز ككلمة اشنى كثيرا وبمراحل
من كلمة الخشم
عليه افضل دائما ان استخدم كلمة خشم
بدلا من كلمة تم بالشامي
والمصريين يشذون عن الخلق اجمعين وينطقونها بق
والبق هو نوع من الحشرات القارصه
لم تقرصني قبل كده لكني اعرف انها قارصة .. نصف شغالتنا السيرلانكية اخبرتني
بذلك ..
ياصديقتي ان الحياة قصيرة جدا ، وبالكاد يكون في امكاننا ان نلاحق لهاثها المتلاحق ..
عليه .. نظن خطأ اننا ربما يمكننا ان نحقق كثيرا من الاحلام وكثيرا من الامنيات التي كانت في لحظات ما ملتهبة تنمي في دواخلك
رغبات قوية تدفعك لكي تواصل ركضك
كأن تحلم مثلا ان تربي قطة . . رغم انني اكره جدا القطط .. فهي تجلب الى نوع غريب من الحساسية
ومع ذلك حينما تحرص صديقتي ام مازن على العناية بها
تحممها ، وتطعمها . وتدعوها للنوم بقربها
تجدني احن على تلك القطه واتمني ان
اتدخل واطلقها من براثن ام مازن
فكثيرا جدا ما نامت فيها وفطستها وتلك الكديسه من عوارتها
وسؤ حظها كان طرف من مخدتها يغطي كامل يديها ورجليها
وام مازن جبارة اذا ما خلدت الى نومها
فشخيرها ورفيسها قادرين على دك قلعة بحجم حدائق بابل المعلقة
وظلت الكديسه المسكينه تدعو الله في سرها وجهرها
وتصرخ حتى انقرش حسها وحينما
يئست تماما من امكانية نجاتها او انتباه ام مازن
جلست تدعو الله بكل اسماءه الحسني
وكان فرج الله كربتها وانقلبت ام مازن للاتجاه الاخر من سريرها
ومع ذلك لم تجد الا (حتة) صنغتوته لتفلت يديها منها
وحتى هذه الحتة الصغيرة من رجلها لم تكن بقادرة على الوصول الى اي حتة في جسد ام مازن الا بعد منحها نجاته
وانقلبت ام مازن شوية كده .. وبما ان للكدايس سبعة ارواح
فكان ان وجدت يد ام مازن بالقرب من خشم الكديسه
ولم تصدق تلك المسكينة المكلومة المفطوسة خبرا
ونطت ليك في يدها تعضيها عضة تقافزت علىاثرها
ام مازن حتى لامس راسها جناح المروحة
وبما ان مازن من النوع (الهوال)فكان لابد ان يتدخل الدفاع المدني اثر صفارات النجدة التي اطلقتها ام مازن
وحينما عاينها الطبيب لم يكد يتبين هل هذه قرصة نملة ولا حتى
قرصة صرصار .. مع انني لم اري صرصارا يقرص
لكني اصدق انه يمكن يعملها
لانه من شكله الفقر النقر داك
الذي يشغل كل جسمك بقشعريرة بمجرد ان يمر من جوارك
فكيف ان مشي فيك صرصار
امتلئت الصفحة ولم تخلص هترشتي
وخلصت كباية القهوة التي تصنقر قدامي فارغة على عروشها
الا من تفل اسود لا جاء ولا راح
ملحوظة
لا اعرف عن ماذا اريد ان اهترش ، والا لما سميتها هترشه ، لذلك
رجاء ياجماعة ماعايزة منكم واحد يقول لي انت مجنتره ولا شنو
نحن مافاهمين حاجة
انا اكتب اليوم الى ام مازن
واهديها كل ماهترشت به
فانا اشعر بشوق غريب اليها
فان عاونتها كهرباء الخرطوم ولم تقطع فاكيد انها سوف تقرا
ماهترشت به
فهو اهداء اليها
افتقدك كثيرا ام مازن
احتاج فقط ان اسمع صوتك
هذه اللحظة
لاعرف انك بخير
سلمت ياستي
| |
|
|
|
|
|
|
|
|
|
Re: يا شيري (Re: shiry)
|
صراحة و بدون مجاملة
دا بوست خرافي ملعوب
ون تو ما بين شيري و
بت قضيم المهترشات الثنائي
في هذا البورد
و عيني باردة
| |
|
|
|
|
|
|
|
|
|
Re: يا شيري (Re: بت قضيم)
|
قال ليها
وبي شوفتك اشوف العيد
قبل ما الناس يهل عيدها
لماذا؟؟؟
مرصد جوي الأخت
-----
هوبليس
انا لا اطبخ ولا اغسل
أووووه
جدو الباشا جهز كل الحاجات دي في السرايا
نلبس هدوم ونستبدلها بغيرها
تطبخ الطباخة
ويغسل العدة غسالة الصحون
قالوا بت الشيخ الكبير ذو الكرش الكبيرة والقروش الكتيرة
طلبوا منها في المدرسة تكتب موضوع انشاء عن اسرة فقيرة
كتبت التالي
كان في اسرة فقيرة
سواقهم فقير
وطباخهم فقير
وغفيرهم فقير
وشغالاتهم فقيرات
لوووووووول
النكتة دي بكون قلتها ذي مية مرة وواحد بس انت اعمل اول مرة سمعتها وطنش
أبو جهينة
وين بتسيب المدنية وتهجها؟؟
ما تسوقنا معاك؟؟
لان التلفزيون سيطير البرج الأخير من نافوخي بعد أن طير النت كل الأبراج الباقية
التلفزيون بالنسبة لي هو التسلية الوحيدة التي استطيعها آخر الأسبوع
وتلك الأفلام التي اشاهد تصيبني بالوجع مرات مرات
على الأقل لما يبكين نساء الأفلام،،لا يكن بحاجة لاستخدام الكلينكس
انا بستخدم حتى فوط المطبخ وفوط المسح
شفت كيف؟؟
وتسلم للزيارة
والله نضبح ليك عديل كده
المسافة
هانذا منفوخة من كلامك
احذر عقاب الطرشقة
كان في داعي يعني؟؟؟
ومع ذلك،، تسلم للكلمات الطيبات
وكل الود يا صديق
| |
|
|
|
|
|
|
|
|
 Re: يا شيري (Re: بت قضيم)
|
برايات بطريقة خطيرة جدا
حقوا تمشوا علي المجانين وتبدوا رحلة علاج ليهم
واعتقد انكم حاتنجحوا
بت قضيم وينك في الخيمة مطنشة لينا كدا
انا ما عندي مزاج ومزنوق شديد مع اني اون لاين لكن ما لاقي في الجهاز فرصة قوية
لافي زي السوروا
دا بتعرفيهوا يا شيري
| |
|
|
|
|
|
|
|
|
|
Re: يا شيري (Re: بت قضيم)
|
مهاجر
هذا ليس ببري
ده كحت موس عديل كده
يا ربي شيري بتعرف الموووس؟؟
أهل العوض
الغريب لم نفتي في ام بنتوا
نحن قطر اتجاه واحد ما برجع ورا،، او كما يقولون،، قطر عجيب يودي ما يجيب
بتعرف قطر عجيب ده ماذا؟؟
ارجح أن ام بنتوا من شكلها كده انها نوع من العقارب
اصلوا اي حاجة ما فاهماها بلصقها في عقرب
بالله هي اكله؟؟
| |
|
|
|
|
|
|
|
|
|
Re: يا شيري (Re: بت قضيم)
|
بت قضيم يا زميلة البورد
يا صديقتي العزيزة الغالية
نحن بخير و عافية لا تنقصنا سوي
عدم رؤيتكم الي اللقاء مع خالص
الود و دوام المراسلة
دي يا ختي اول ما فكينا الخط و رسلنا المراسيل للحبايب
و خطاباتي البوديها تقول لا بتمشي لا حاجة
| |
|
|
|
|
|
|
|
|
|
Re: يا شيري (Re: بت قضيم)
|
بعدين يا اهل العوض كيف تجعلن ثقافة روسية كالتي قلناها انا وشيري دون القراءة
؟؟؟
أن بالغت معانا والله
امس اتفلسفت،، وقلت اعمل جريدة المساء،، وقررت أن اقرأ شعرا قبل النوم
يخربني كان فهمت شي
قد كان شعرا حرا
من نوع الحرية المكتملة النضوج
هكذا قدم المقدم الشاعرة الفذة
وعلمت فيما يعلم العالم،، أن الشعر الحر ،، يعني لحمة الراس حقتنا بالسوداني
وقد ظلمت (مبني للمجهول) لحمة الراس بحملها لهذا الاسم الدال على (سلقط ملقط) حيث كل حتة من بلد
فلحمة الراس التي تسمى ايضا (الباسم) وهو لا باسم لا حاجة،، مكتملة الربط،، صحيح ان اللسان منفصل بذاته،، وكذا العيون،، لكنها لا تتمتع بهذه الحرية التي تمتعت بها حروف الشاعرة الكبيرة إذ تقول
(يبرئني حب السماء من ازل العبور في دنياك)
يا منجي من العواقب
هذه الحرية يا جماعة ما تمتع بها لحم الراس حتى لو سمي النيفة
والحقيقة كثيرا ما فكرت لماذا سمي النيفة نيفة؟؟
وما وجدت إجابة تماما كعدم امكانيي الربط بين حرية شعر الشاعرة وكونيته كشعر
فقلت اسألك يا اهل العوض
راس نيفة ولحم راس ليه؟؟
وشعر حر يعني هو صايع محلول للدرجة دي؟
| |
|
|
|
|
|
|
|
|
|
Re: يا شيري (Re: بت قضيم)
|
بعدين يعني ايه حرية مكتملة النضوج
؟؟؟
يعني في حرية لابسة مريلة روضة وواحدة خريجة جامعة؟؟؟
حاجة تغيظ براه المدير قاهرني
المسافة
ولا تنسى ان ترسم قلبين وسهم وثلاث نقاط دم
وبجانبهم الجملة الأثيرة
لو ضاع اسمي في الخيال
ودفن جسدي في الرمال
فهذا حرفي لا يزال
ولا ادري كيف كان الحرف لا يزال في ذاك الورق الأصفر الباهت الذي إذا مشى فيه قلم حبر سايل لتبرقع وتفشفش الحبر واخد حريته اللاناضجة ولخبط الورق كلو كما زيت الطعمية التي كان الطلبة يعشقونها ايام المدرسة
زماااان
ايام ان كانت الطعمية اكل الغلابة قبل أن تكتشف أن لها علاقة مباشرة بسيدي الأمير
هسه واحد ينط لي يقول لي يا (طائفية)
طائفية دي من مروحة الهليكوبتر
؟؟؟
| |
|
|
|
|
|
|
|
|
|
Re: يا شيري (Re: بت قضيم)
|
بت قضيم قالو النصيحة بت عطش يوم القيامة زي ما الماسورة بت نقط كل يوم
أما عن الشعر الحر والله ما تراهو
هذه مقولة عاشئة موسى أحمد المشهورة بعشة الفلاتية
حينما سألها المذيع فؤاد عمر عن السلم الرباعي والسلم السباعي
طبعا أنا ما بقدر أقول كلمة شينة في الشعر الحر
لأني ناوي أكتب دوبيت بالشعر الحر
والله حقو أبدا من هسع
شعرك الليل البيلهج لي الصباح
تالي يام نفلين يفرتق ديكو قاعد جوة قلب الحلة ديك
قاعدي يقنقت في الملاح
وهكذا
| |
|
|
|
|
|
|
|
|
|
Re: يا شيري (Re: بت قضيم)
|
اهل العوض
والله لو عارفة بتجيب الكلام ده من وين
؟؟؟؟
!!!!
ضحكتني جدا انت ما براك اظن
استاذي حمزة سليمان
لا ادري بالنسبة لشيري
لكن واللااااهي ،، هذا كثير عليا جدا
سلمت يا سيدي لهذا الاطراء
الجملة دي سرقتها من شيري
| |
|
|
|
|
|
|
|
|
|
Re: يا شيري (Re: بت قضيم)
|
شيري
معقول دي أم بنتو؟
ما تاكلونا حنك
غايتو نحن عندنا أم بنتو تانية
وهذه التي قلتي عليها تشبه لي - والله أعلم - أبو الدنّان أو الزنبور
| |
|
|
|
|
|
|
|
|
|
Re: يا شيري (Re: بت قضيم)
|
خلاص أجزناك في مجمع الدوبيت الفقهي
بس ما بقولو صوف سخلان
بس عجبني استخدامك للبنفسج
نجي لي أم بنتو - هل عندكم ما يسمى بأم بنتو الحادة؟ وماهي؟ وهات تلاتة ام بنتو حادة بالصلصة
| |
|
|
|
|
|
|
|
|
|
Re: يا شيري (Re: بت قضيم)
|
سلام العزيزتين
بت قضيم النضامة
وشيرى الكيشه
بعد الكمية الكلامية وكل هذه الطاقة فى كيفية تدفق الكلمات والجمل
وبعد استمتاعنا بقراته قررنا منح هدايا لكل منهنن
بت قضيم اتنين حلة من الحجم العائلى باتنجان
وشيرى اتنين حلة من الحجم العائلى بامية
بالهنا
| |
|
|
|
|
|
|
|
|
|
Re: يا شيري (Re: بت قضيم)
|
قرنفل
انا احب الباتنجان وخصوصا الفتة الشامية منه
رغم تحسسي الشديد منه وورم عيوني وكأنني ذاك الكائن الذي شاهدته امس في فيلم رعب عوير ومقرف
لكن
!!!
للدناوة برضو احكام
نفسي مرة اشوف فيلم رعب وارتعب بالجد
هسه المناسبة شنو؟؟؟
شكرا لهذه الدعوة الأكلية
ولتعلم اني عمري ما رفضت طعام أو قدم لي طعام إلا وجربته
سلمت يا سيدي
| |
|
|
|
|
|
|
|
|
|
Re: يا شيري (Re: بت قضيم)
|
سلام مربع
للناموس طقسه الغرائبي العجيب ، وللضبان ايضا عوارته الكامنه
في لداحته كلما نهرته من شيء عاد ورك فيه مرة اخرى
ولي انا ايضا طقسي الغرائبي العجيب
اذ تعودت انا ولله ايضا في خلقه شئون ـ تعودت ان اكل الخيار بالجبنه
فاحضر الخيار واغسله جيدا دون تدخل الصابون طبعا حتى يصير لونه اخضرا لامعا
ثم احضر شرائح الجبنه بالزيتون والشطه
وابدأ
قرمه من هنا وقرمه من هناك
فان سألتموني ايه الغريب في هذا الطقس ساقول
ليس من حيث اكلها فكثيرون غيري ياكلون بهذه الطريقة
لكن الطقس هنا ،، اننا كلما استيقظت من النوم في ساعات الفجر الاولى
كالساعة الرابعة صباحا او الخامسة
وجدتني اقوم بجوع غريب
واحن الى الخيار بالجبنه
وافتح نور المطبخ .. وامسك في يدي المجلة
وابدأ في الفرجة على خلق الله
يا لهذه السيرلانكيه
مالك
اها
عايزه شنو
؟؟
انشاء الله شيري تطير عيشتها
؟؟
سماح يا اهلنا .. وسماح يا صديقتي بت قضيم
كنت بصدد الهترشه الجمعية ، لكنهم الضيوف
فاجئوني على حين غرة من هترشتي
ان الله مد في العمر
ساعود اليكم سادتي لا تشتتي بعيد
جايييا ليكم ياشباب
| |
|
|
|
|
|
|
|
|
|
Re: يا شيري (Re: shiry)
|
تااااااااني شطه يا شيري
في الهند ياكلون كل شي بالشطه
كل انواع الفواكه
البطيخ والموز والجوافه لا تياع الا بعد ان تشقو ترش بالشطه والملح
و احيانا الليمون حسب الطلب
تصدقي حتى قصب السكر
ان كان مقطعا او معصورا
لابد من الملح والفلفل الاسود
انواع كثيره من حلوياتهم بالشطه
الذره بالشطه
اما الاكل فخليهو ساي
عندهم حاجه كداما عارف اوصفا كيف
قرون كبيره من الشطه تغمس في مخلوط الذره و تحمر في الزيت زي الطعميه
دي بقى الفطور اليومي واحيانا العشاء الدائم
زي الفول عندنا
عشان كدا اعترفي
فيك عرق هندي مووش
loOoOOooOoOOoOoOlz
| |
|
|
|
|
|
|
|
|
|
Re: يا شيري (Re: ايهاب)
|
سلام مربع
ايهاب
لوووووووول
يعني قربت تجيب التايهه
انا ازيد عنهم انني اكل الشطه بالشاي الحليب
اقصد الشطه الخضراء
قرمة
وشفطه
شفطه كبييييره
وقرمه صغيره
شفطههههههه كبيره اوي اوي
وقرمه صنغنجروته اوي
شفطهههه كبيرة اوي اوي اوي
وقرمه نهي
عارف ليه ؟؟
لانو اللهاة بتكون اتهردت خلاص ومافيش طريقه حتى
للكلام ...
فالدموع وحاجات تانيه بتكون
فاضت وملأت الارض
لوووووول
| |
|
|
|
|
|
|
|
|
|
Re: يا شيري (Re: shiry)
|
LOooOoOooOoOoOoOOoOOOLZ
والله دي ان نسيت اقولا ساااي
فهم يفعلون ذلك
لانو جنهم شاي وغالبا ما يصاحب تلك الاكلات و يسبقها و يعقبها
بين قوسين ما هي العلاقه بين الهنود والشوايقه
اوع بس تقولي لي شيري
LooOoOoOoOooOoOooOlz
الهنود يشربون شاي الحليب 24ساعه بالليل والنهار
ما بشربو شاي ساده نهائي
و بشربوهو في كبابي صغيره جدا
من اجل ان يكون رخيصا
و غالبا ما يتشاركه اثنان واحد في الصحن والتاني في الكبايه
و يسبق ذلك طقوس
اذا لابد ان ياتي عامل القهوه اولا بكبايه مويه
و هو عاده ما يحمل خمسه في اليد الواحده و بدون صينيه
عارفه كيف
لا خلاص مافي داعي للقرف من الصباح
loOooOoOoOOoOoOoZ
على العموم لا توجد الا طريقه واحده لذلك يا زيكو
| |
|
|
|
|
|
|
|
|
|
Re: يا شيري (Re: shiry)
|
سلام للجميع
بت قضيم انشاء الله يكون عجبك الباتنجان المخلل
الناموس والضبان هما صديقا الانسان فى السودان لابد من احترام هذه العلاقة
اما باميتى التى بارت ربما ان هناك سبب اما التفكير فى كيفية امساكها او الزوقان
منها وفى كل الحالات لاحقه لاحقه
اندلاق الباقية ليس بالسهل فى صورها التلاته مفروكه وطبيخ وويكه
لا ادرى باى طريقه تروق لك على العموم الدعوة مفتوحه وللباميه نكهتها
لكى الدعوة مكرر يا شيرى
| |
|
|
|
|
|
|
|
|
|
Re: يا شيري (Re: قرنفل)
|
بعد اذنك يا شيري
اصبح على قرنفل
| Quote: الناموس والضبان هما صديقا الانسان فى السودان لابد من احترام هذه العلاقة |
LOOoOOOoOooOoOoOoLZكميات كدا
صباح الورد بطول خط الاستواء بتاعك
يا سيدي سبب بوران الباميه و بكل بساطه ان شيري تحشق ملاحين
اولا وثانيا و عشرا
الكمونيه
وثم ياتي ملاح امقرمبوبه بعد ذلك في الترتيب
| |
|
|
|
|
|
|
|
|
|
Re: يا شيري (Re: ايهاب)
|
سلام مربع
قرنفل
ياسيدي متشكرين كميات كده على
هذه الثلاث انوع من الحميات
التي تسمي باميه
فهي من قومة الجهل باينه
يعني من ماهي مزروعة تلقاها مغبره وغاطسه كده في الطين
اياك ان تقول انني حنكوشه ولم ارى باميه مزروعة
شفتها وهبشتها بيدي هاتين ، لكن وبرها الذي يغطي جلدها
يجيب الحساسيه عديل كده
خاصة لمن تكون كبييرة وخضراء
والطين يكاد يغمرها حتى اخمص قرنيها
واقصد الباميه
يا ايهاب انت وقرنفل حناكيش
واتحداكما ان كنتما شاهدتما باميه قايمه
فانا شفتها من قومة الجهل ، بتحب اللعب في الطين
وانا برضو اقصد الباميه
موش في غنيه بتقول
البتولا ماخمله مابتلعب في الرمله
وانا اقول تغزلا في الباميه
ان الباميه من قومة الجهل
بتعلب الطين
ايه رأيك
كرهتك الباميه
صااااح
يلاااا اعزمني سندويتش طعميه
على شرط يكون من ستات السندويشتات جمب
كلية التجارة جامعة النيلين
ومعاهو كباية كركدي باااارد
ايهاب
وازيدك من الشعر بيت
انا الكائن الوحيد التي ساكنه في بيتنا
اعني من سكان بيت امي وابوي
التي تعشق الشاي
بكل انواعه
بالنعناع
من غير نعناع
حتى الشاي مع اليانسون انا احبه
هل جربت كعك معجون باليانسون
ياااااه .. حاجة ترد الروح
ذكرتني ، كدي النقوم نخبز لينا
كعك باليانسون
قلت انا هي الوحيدة التي تشرب الشاي بالحليب
اثناء تناول افطارها او حتى تناول عشاؤها
هل تعرف انني احب الشاورما جدا
وخاصة شاورما شاكر
تكون سادة من غير اي حتى طحينانه
بس لازم كباية الشاي باللبن مرزوع جنبها
اقصد الكباية يعني
ولعلمك لم يحدث ان شربت الشاي في هذه الكبابي التي تنم عن البخل
لم اشرب شايا في اي يوم من حياتي
شايا في كباية تقل عبوتها عن لتر
سواء ان كان حليبا او حتى احمرا
انشاء الله من غير نعناع حتى
دا كلو عشان تقتنع ان الهنود ليست لهم في حامضي النوووي اي تكوين
حتى ولو كانت صنغتوته
ادي كده هو
| |
|
|
|
|
|
|
|
|
|
Re: يا شيري (Re: shiry)
|
Quote: يا ايهاب انت وقرنفل حناكيش
واتحداكما ان كنتما شاهدتما باميه قايمه
|
loOoOoOooOOooooOoOoOoOoOOoOlz
والله قايمه و راقده و طايره كمان
عمرك انتي شفتي باميه طايره
يا ستي والله الشفتو انا الله لا وراك ليهو
اذا انني شليق درجه اولى
في الهند القديتك بيها كنت اهوى السفر بالقطار
دون اي متاع
و اهو ى اكثر النزول في اماكن غريبه
بطريقه عشوائيه
لارى انواع جديده من البشر الذين قد يكونو لم يرو اجنبيا وبالتحديد عربيا او افريقي
باي شكل من الاشكال الا في التلفزوين
وتلك في حد زاتها كارثه في كل الاحوال
اما ترى نظرات العداء والتربص واما ترى الاعجاب و التعجب واللياقه و العباطه
رايت اشجارا ضخمه تنبت من بطن اشجارا من نوع مختلف اكثر ضخامه
رايت الشمش تشرق و تغيب من نفس المكان تقريبا
lOoOoOooOoOoOoOoOooOoOoLZ
اسالي قبل ان تقولي انها مكنات و صواريخ
رايت بائع موز يبيع ربع مليون موزه في ساعه بالواحده في نفس المكان
رايت الناس وهم يحجزون بحبل ضخم بطولخط الاستواء بتاع قرنفل تقريبا ليمنعو من قطع الشارع
و تخيلي الانهمار البشري عند ارخا هذا الحبل
شفتي الخطه المروريه دي
هل جربتي ان تدافري مع تسعمئه بني ادم كلهم يرديون الدخول من باب واحد في ظرف 10 ثوان
وما يحدث في الغالب ان تدخل من الباب بطريقه ما ثم تخرج من الباب المقابل مباشره من شده الدفع
و ان تحرك القطار وانت في النص بين البابين فانت معلق لا محاله ورجلاك لا تلمسان الارض
هذا ما يحكى
اما ما لا يحكى مراعاه للاعصاب و خلافو فكثير
تقولي لي باميه واقفه
LoOoOoOoOOoOoOoOooOoOoOoOooOLZ
اما عن قرنفل فكلامك صاح هو حنكوش بدرجه 1327 كدا
والله ما عندي اي موضوع قلتا اقدكم شويه
| |
|
|
|
|
|
|
|
|
|
Re: يا شيري (Re: ايهاب)
|
انت رائع يا ايهاب
ده كلو شفتو
والله زحمه شدبده وحمدله على السلامه
ويا شيرى
سلام
| |
|
|
|
|
|
|
|
|
|
Re: يا شيري (Re: HAMZA SULIMAN)
|
سلام مربع
ايهاب
حلو حكاية واحد يبيع نص مليون
موزه بالحبه
زي حكاية دخلت نمله اخدت حبه ومرقت
؟؟؟
استاذي حمزه
سلمت ياسيدي للسؤال
ماعدمناك
وين البوست دا كان قاعد
افتكرتو اتلحس
| |
|
|
|
|
|
|
|
|
|
Re: يا شيري (Re: shiry)
|
افك الشمار يا ايهاب
طبعا البت شيري نظرتها لا تخيب
اخوناايهاب كان فعلا حنكوش
لكن البركة في الهند والله العظيم لو جابوا فيها الاميرة ديانا او نانسي عجم تبقي شمس
دي بد لابد ان تتكيف علي حياتها وحياتها الله لا وراكم ليها
ورغم ذلك نحبها
احكي حاجة لو شفتيهيا تفكي البيرق علي طول
مرة انا نائم في القطر وكنت ناوي انزل من سريري واذا باصابع قدم رجل لم اري مثلها
تصوري
*
*
*
*
*
والله ما اقل من حجم القدم
وانا في البداية قلت جن لكن بعد شوية اتونس معاي ولقيتوا انسان عادي
الهنود بشيربوا كميات من الشاي
بس بدفعات وبنظام قطة وكدا
يفك البيرق دي عرفتيها
يلا ورينا
| |
|
|
|
|
|
|
|
|
|
Re: يا شيري (Re: مهاجر)
|
سلام بت قضيم ....سلام شيرى
هذا حوار ممتع بين الفلسفة القضيمية والفلسفة الشيرية
نتمنى عودتكن
| |
|
|
|
|
|
|
| |
بت قضيم
Habib_bldo
ايهاب
shiry
alfatih
بدرالدين شنا
ابو جهينة
Al-Masafaa
مهاجر
Ahlalawad
HAMZA SULIMAN
Rawia
فيس بوك
تويتر
انستقرام
يوتيوب
بنتيريست