|
Re: كيف تكتب محاية بدون فكى (Re: قرشـــو)
|
العزيز قرشو
والله العمدة كان ما عمل زيك كدة ما يبقى عمدة زاتو
ارجوك كمل جميلك واسهب لينا في الشرح
ماهي ايات الرقية الشرعية؟؟
ماهي الايات الاخرى ولكل حالة؟؟
مع تحياتي
عمدتنا الموقر
الحوار
قرجة
| |
|
|
|
|
|
|
Re: كيف تكتب محاية بدون فكى (Re: قرشـــو)
|
العمدة ســــــــــلاااااام
و الله ما قصرت يا خوي لكن قرجة دا شايل عكازو دا شكلو جهز الورق و الخشب
و الزعفران و عايز باقى الموادعلشان كدا ما تديهو كل الأمراض يا خوي
التخصص كويس خليهو هو إتخصص في مرض معين و قسم باقي الأمراض علينا نحن و لا شنو
غايتو عمنا قرجة دا بي عكازتو دي أديهو أمـراض مـسـتـعـصـية و لا شنو
ســـــــــــــــلاااااااااااااااااام
| |
|
|
|
|
|
|
Re: كيف تكتب محاية بدون فكى (Re: قرشـــو)
|
طيب يا عمدة ما تكرب لينا واحدة كدى تخلي الراجل اب شعرن اصفر دة يقعد في الواطة، والراجل المباريهو اب شعرن اسود دة يروق المنجة والراجل مديري دة يعتقني شوية والراجل ابوي دة...كلك نظر
| |
|
|
|
|
|
|
Re: كيف تكتب محاية بدون فكى (Re: Mayada)
|
الغالية ميادة
لك تحياتى ولك احترامى
شفتى الراجل اب شعر اصفر ده وتابعه قفه فهم شسياطين عديل وديل دايرين نقرأ عليهم سورة البقرة كلها شفتى كيف .. لعلمك الزول النجس ما بتمشى فيه القراية عشان كده ديل نخليهم لى ربنا بس ينتقم منهم ويورينا فيهم يوم الظلمةالقتلة المجرمين..
اما مديرك ده حكايته ساهلة جدا بس ما يكون من العلوج كمان وتعرفى تلوحى ليه بى تعويذة بس يفك دربك ويتخارج من السعودية كلها..
اما بابا ده فما احلاه ياخى اعملى ليه فنجان جبنة مكرب وقعدة هادئة فى وقت يكون رايق البال وكلمتين تاكل راسه وخلاص انتهى الموضوع وتعيشوا فى تبات ونبات زى ما بقولوا اولاد بمبه السلخوا النمله..
لك حبى كله ومودتى غاليتى
| |
|
|
|
|
|
|
Re: كيف تكتب محاية بدون فكى (Re: ودقاسم)
|
الاخ قرشو شكراً علي هذا البوست القيم هناك بعض الاشياء الضرورية لم تذكرها واهما وقت كتابة المحاية لان لكل حالة وقت معين واخوكم ابو يسرا فكي عديل (جد جد) وكنت معتكف فترة طويلة في مدينة الفاشر ونهلت من اهل المعرفه بهذه الامور ونلت معرفة واسعة بفضل الله تعالي واستطيع ان اعالج اغلب الحالات باذنه تعالي ومستعد لتقديم الخدمات للجميع ولكن علي البريد الخاص خوفاً من دخول الجهلة اكرر شكري اخي قرشو
| |
|
|
|
|
|
|
Re: كيف تكتب محاية بدون فكى (Re: ابو يسرا)
|
استطاع ابو يسرا أن يقضي على موضوعك يا سيد قرشو فوضعه لعبارة حتى لايدخل الجهلة فسرها البعض تفسير كما تشتهي النفس الامارة بالسوء ما علينا انا عاوزكم تورونا كيف نكتب فكي بدون محايا
| |
|
|
|
|
|
|
|