|
Re: فيها شنو يعني لو خليتوني اهترش ليكم (Re: shiry)
|
الابنة شيرى
هترشى ما شاء لك الهترشة لهترشتك طعم فأنت بهذه الهترشة تجعلين الاشياء السوداء بيضاء يا ريت ناس الجزيرة يعينوك تكتبى النشرة التى تدمى قلوبنا دائما ولا تسبر احداثها عقولنا وانت تدخلين العقل وتستقرين فى البطين بحلو حديثك فأنا اقترح لغاية ما انا اكلم ليك ناس الجزيرة انتى تشوفى الاخبار شنو وتعيدى كتابتها هترشتا وكدا يكون عندك المدرسة الشيرية فى الصحافة والاعلام
| |
|
|
|
|
|
|
Re: فيها شنو يعني لو خليتوني اهترش ليكم (Re: bayan)
|
الدكتوره بيان سلام مربع
عارفه يادكتوره ذكرتيني امي ، مرات مرات لمن تكون مبسوطه مني شيري بنيتي السموحه
واذا ماعاكستها وحرقت روحها تجند كل معاجم اللغة لتدك بها حصوني ، وانا من ميتة قلبي اركض واتضاحك حتى اذا ما برد الجو ونزل المطر بست راسها واستعدت من جديد اراضي التي افتقدتها لذلك اخاف يا دكتوره ان كترة هترشتي ان ازهجك خاصة اذا كانت وراك بحوث وانا اعرف عنك انك مثابره فمثل هترشتي تطفش كل الافكار هاههاهاهاههاهها امازحك ياغاليه فانا ايضا احبك واحب فيك هذه القوة والصلابة التي تكسوك وتسند طولك سلمتي للاطراء
| |
|
|
|
|
|
|
Re: فيها شنو يعني لو خليتوني اهترش ليكم (Re: bushramk)
|
ٍسلام مربع
بشري المك
سلمت ياسيدي لهذا الاطراء الذي يكبر راسي المطاول دا عديل كده وانا اهديك هذه الزهره الحلوه لمظفر النواب ....
كيف اندس بهذا القفص في رائحة الليل؟ كيف اندس كزهرة لوز بكتاب اغان صوفيه؟؟ كيف اندس هنالك ، على الغفلة مني هذا العذب الوحشي ا لملتهب اللفتات هروبا ومخاوف .؟ يكتب في ، يمسح عينيه بقلبي في غفلة وجد ليليلة ياحامل شمكاة الغيب بظملة عينيك ترنم من لغة الاحزان فروحي عربية .. ... **** ياطير البرق اخذت حمائم روحي في الليل الى منبع اهخذا الكون وكان الخوف يفيض وكنت على حزين وغسلت فضاءك في روح اتعبها الطين تعب الطين سيرحل هذا الطين قريبا تبع الطين عشار اصناف الشارع في الليل فهم في الليل سلاطين نام بكل امرأة خبأ فيها من حر النخل بساتني ياطير البرق اريد امراة دفء فانا دفء جسد دفء ، فانا دفء تعرف مثل مفاتيح الجنة بين يدي واثامي واري فيك بقايا العمر واوهامي ياطير البرق القادم من جنات النخل باحلامي ياحامل وحي الغسق الغامص في الشرق على ظملة ايامي احمل لبلادي حـــــين ينام الناس ســــــــلامي مظفر النواب
| |
|
|
|
|
|
|
Re: فيها شنو يعني لو خليتوني اهترش ليكم (Re: shiry)
|
هترشي..هترشي...يا ريت..إنتي تهترشي وسُُعي...فرشي...بي نديك وشي هترشي...هترشي...بس...ما تخرشي ..هترشي هترشي قولى وفرفشي هترشي ضحكي..بس ما تحشينا حشي هترشي هترشي..صباح وعشي هترشي هترشي..ما تخافي الواش وشي هترشي هترشي.بنجيك ماشين مشي هترشي هترشي..بس ما تلطشي هترشي هترشي..وسرك ما بيتفشي هترشي هترشي..وللبسألك برطشي
هترشي هترشي. ولي أحزانك فششي هترشي هترشي..ومن جاي وجاي بعبشي هترشي هترشي بي حق نبينا القرشي هترشي هترشي(بكري) مابيقوليك شي
| |
|
|
|
|
|
|
Re: فيها شنو يعني لو خليتوني اهترش ليكم (Re: Yassir7anna)
|
الابنة شيرى بتمنى لو عملتى هترشة قدر مية حلة كمونية يعنى الصفحة الاولى كلها كانت شيرى لما تعبنا ولا مللنا عندنا هنا فى حيث اقيم رابطة المعجبات بشيرى ونستنا كلها هى شوفتى شيرى قالت شنو قالت كدا وكدا كلهم معجبين ببوست الكاسورى انا اسع بونس بناتى بكلامك نحنا عازمنك شهر العسل هنا من الليلة حاكلم وزير الصحة وناس السى ان ان ما يجيبو سيرة السارس عشان ام شيرى تسمح ليك بالجية هنا
| |
|
|
|
|
|
|
Re: فيها شنو يعني لو خليتوني اهترش ليكم (Re: bayan)
|
سلام مربع
سلام مربع
سودانوبس
غايتو لو بتضمن لي بكري ما يفكني بي باندوث مليان ولا بي زردية يخرب زينتي يانا الماليه ليكم البورد هترشه بس كيف تضمنوا لي الكلام دا سلمت كثير جدا وخالص وللابد لهذه الاريحيه المتعافيه وربنا يخليك ياسيدي لقد رفعت معنوياتي
ياسر حنا
صديق النضال في ايام سودها الامريكان
كيف يابطل .. عساك طيب سأئلين عنك ياغالي سلمت ياسيدي وتبري انت من الهترشة اللي زي حقتي دي
الدكتوره بيان
يادكتوره السارس هو اللي مفروض يخاف على نفسو مني ما يهمكم انتو رسلوا لي الدعوة بس المشكلة العريس الفقر ونقر دا متمرد الايام دي شال بندقيتو ودخل الغابة ياقول حبوبتي بس قد خلوني انتهي من جولة المفاوضات الجاية دي وحالا بالا تلقوني في طرفكم
سلمت يادكتوره كتير وانا صادقة والله في قولي ربنا يقدرنا على جزاكم ياغاليه
| |
|
|
|
|
|
|
Re: فيها شنو يعني لو خليتوني اهترش ليكم (Re: shiry)
|
إلى شيري : مع التحية و التقدير
أما بعد
إن جاءك كتابي هذا ، فأعلمي أن هترشتك قد أصابت ما أصابت من مواطن المتعة التي قتلتها أنواع أخرى من الهترشات فتنمو من جديد ، و كما قالت لك الأخت بيان ، هترشي ما شاء لك من الهترشة ، مثنى و ثلاث و رباع ، و لكنهن بالطبع لن يكن ( ضرائر ) فهترشاتك متجانسات متصالحات و باسقات كسواري الأعلام في ساحة المولد.
هترشي ، فإن في الهترشة كوم فوائد ، أقلها ، أنها تدفعنا للكتابة.
| |
|
|
|
|
|
|
Re: فيها شنو يعني لو خليتوني اهترش ليكم (Re: shiry)
|
تعرفي يا شيري النضامة عندنا في بري زمان ناس مشهورين في الحلة يعني بقو زي اعلام بري طبعا معظمهم جنريترات ومفلكبين يعني في الكورة معروف فلان وفلان وفي الحفلات فلان وفلان يعني كان ما جيت بري ولقيتهم بتحس انه في حاجة كبيرة ناقصة اسع انت بقيتي من اعلام البورد لكن توقيعك اخر الكلام الفوق داك شكله كورة جاتك مصرجة شايتها واحد اشتر شتارة عمية اركا حوصة والحوص حوص غنمي كضاب يا عربي والله موضوع لعب الشفع دا ما تفتحي فيهو بوست الله يفتح راسك القوي دا البوست داك عملتي منه مجنونة تقول انت نصيحة علي العموم بري بدون ابو الزهور واحمد بيبا ومحجوب ابو الجلد ما بنعرفها اسع انت السالك منو ولا قام اتعزز البرسيم عشان بالغنا في مويته دايرة تشوفي جمهورك قابض علي الجمر ولا علي باب الرقشة عشان ما يقع هي الرقشة فيها باب
| |
|
|
|
|
|
|
Re: فيها شنو يعني لو خليتوني اهترش ليكم (Re: اساسي)
|
سلام مربع
ابو جهينه
اما بعد فاعلم ياسيدي انني قد استلمت مكتوبك ، لكني مازلت على التهوجس والراي عندي ان لحظي نصيب كبير في هذا المحبة التي شملني بها كل البورداب وهذ السماح وخصال الناس الكرام امثالكم .. نفسي اعرف الناس ديلك كانوا عايشين كيف بهذه اللغة الرصينة التي نكتبها هنا .. يعني اذا يهترشوا يحتاجون الى مدلكين للجضوم والحنك بعد جولة واحدة من الهترشة لا يتعدي زمنها حلة كمونيه واحدة يااااخي اللغة ديك كانت صعبة بالحيل ... اتخيل الواحد في امانة الله ماشاء في صحراء وموية مافي ، ورمضاء تحرقي ، ولا بوت طويل اللسان ولا كعب عالي من بيوت شانيل ولا عطر من كريستين ديور . والشمس واقفه ليك هنا ويجي يوقفك اخوك عشان يتونس معاك بالحصل معاه افاطم ولو شهدت ببطن خبت وقد لاقى الهزبرا اخاك بشرا اذن لرأيت ليثا اغلبا لاقى هزبرا .. اقلاها كنت قد : بس زح كدي انا فاضيه لعوارتك دي تخييييييل ...!!
اساسي : وحش البورد الكاسوري
نسيت من الاعلام ديلك الناس الشكالين بتاعين الكاسوري .. اكيد انت واحد منهم ، اكيد الناس ديلك مفتقدنك .. كدي النسالك يا اساسي ، انت مصرجة دي معناها شنو ؟ بعدين يفتح راسك براك ، مالك علي ياود امي انا ناقصه بشته اصلو راسي خلاقة ، كفاية على المفلقص القاعد في الصالة ديك يعافر في البلي استيشن ، موضوع شنو ؟ كدي ذكرني يا شكال ياسمين .. شفت انا زاتي اتعاديت منك بقيت شكاله (( السمين بقع والضعيف بقيف )) زمان كنا بنعلب كده .. هييييي اياك ان تشاكلني ، انا لا قدرك ولا لحم سدرك الرقشة مافيها باب .. زي اضان جلد ، فاتحه بالجنبتين تشيل من هنا وتفضي بي هناك
| |
|
|
|
|
|
|
Re: فيها شنو يعني لو خليتوني اهترش ليكم (Re: shiry)
|
شيري بنيتي يديك العافية ويخليك ويعليك فوق المابيك لا تحاولي أن تهجري الهترشة أبدا هترش كما تشائين ولا توجد حدود أو خطوط حمراء لا يحدك إلا أدبك الذي شهدنا به جميعا ويمكن يكون لك السبق في إبتداع أدب الهترشة المكتوب ، طبعا سبقك الراجل المجنون بتاع قهوة النشاط في أدب الهترشة السماعي لك تحياتي وبدون هترشتك البورد يكون مسيييييييييييييخ
| |
|
|
|
|
|
|
Re: فيها شنو يعني لو خليتوني اهترش ليكم (Re: اسامة الخاتم)
|
ٍسلام مربع
ود قاسم
المجنون بتاع النشاط دااك حقيقه انا ماشفته ، لكن بكون اورثني هذه الجنتره والفلكبه عن امنا وابونا حواء موش الناس بالناس والكل لي رب العالمين اكيد من التكنيك دا انا وصلتني الهترشه بهذه الضورة التي اصبحت خطرة جدا على الصحة العامة مثل ما تقول ام مازن افتقدها هذه الايام اليها اجمل تحياتي واحلي الاماني سلمت ياسيدي سلمت لهذه الطله وهذه الاطراء الشفيف
اسامه الخاتم
ليك ياسليم الزوق براح العافيه ومتعتها سلمت للطله ياظريف
| |
|
|
|
|
|
|
Re: فيها شنو يعني لو خليتوني اهترش ليكم (Re: shiry)
|
شيري..أختنا الحبيبة الي النفس أنا بضمن ليك بكري ما حا يفكك بي زردية.. ولا كماشة.. ولا رييل بيليلر.. والماندوث دا ما عرفتو شنو..لكن برضو ما حا يفكك بيهو.لأنو صاحبي..بس من بعيد لا بعيد..هسع لو إستميت ليهو أباً عن جد بي يلقاني زولو... ....................... قلنا ليكي يا شيري....بالمناسبة في جزيري من جزر الحامداب في شمال السودان..قريبة من موقع الخزان المقترح اسمها شيري....جزيرة رائعة..فيها لغاية الثانوي العالي بنين وبنات وفنان المنطقة عيسي بروي قال فيها شيري الخضره...شيري النضارة حليلا نسيت قلبي أنا في خضاره حليلا شبابا الزوق والنضارة حليلا مثقف ومليان حضاره حليلا كان مشيت بي فوق العماره حليلا بي تحت جنات بي ثماره حليلا الولاد أخدوها البشاره حليلا والشنط طلعوبا الحداره .................. شيري...طلعوبا..دي يعني طلعوا بيها أو طلعوا بها
| |
|
|
|
|
|
|
Re: فيها شنو يعني لو خليتوني اهترش ليكم (Re: سودانوبس)
|
سلام مربع
ابو حسين
البورد كبير بشيل هترشتنا دي كلها بس خلوا صدركم واسع
وشيل معانا الصبر الصابرات روابح
ام شيري احرف من اشتيفي جراف عرفت تلعبها اصاااح بس هسع ندمت لانها مالقت زول يتهرش معاها لان الهترشة انقسمت الى ثلاث اماكن ام مازن السيرلانكيه والبورد وهي غايتو مرات مرات بكون نصيبها من الهترشة قدر حلةواحده وهسع شكلها كده خرمت لهذه الهترشات ونواية توقفني من البورد عشان ترجع ليها شيري حبيبة قلبها شفت كيف نحن غاليييين موش زي نااااس
سودانوبس
دي مابلدنا ذاتها وامال اسم شيري دا جاء بالساهل كده قلت لي بتقع وين ؟؟ اوع تكون جوه خزان الحماداب شكلك عايز تنتهي مني وتريح البورد من هترشتي
| |
|
|
|
|
|
|
Re: فيها شنو يعني لو خليتوني اهترش ليكم (Re: shiry)
|
لا لا لا يا شيري.إنتي عايزة تغشيني والله شنو...أنا موسوعة في مدن وقري السودان..حتي زملانا في الجامعة كانوا بسموني حسن نجيلة الحديث...هل تعرفي حسن نجيلة القديم يا شيري...كان الجيب مليان والوالد ما شاء الله والأصدقاء كثر وإجازات الجامعة كتيرة شي إضراب وشي إجازة ..ويلا هاك يا سياحة..ما خليت بلد... مامكن زول يسموهو على إسم البلد ذاتا..يا ستي....إلا يكون دا اسم كدة كدة...يلا قولي لى من أي قرية إنتي في شيري.... عشان أعرفك لى تاسع جد....المهم كان المصلحة تقتضي ما نعرفك هنا برضو موافقين يا أستاذة.. نحن عشقنا كتاباتك الرائعة الرقيقة..وروحك المرحة المهترشة.. وحسك الوطني الحاذق.هذا الي هنا يكفي .فلتزودينا منه..فليعش البورد وطنا للجميع
| |
|
|
|
|
|
|
Re: فيها شنو يعني لو خليتوني اهترش ليكم (Re: shiry)
|
هــترشي..هـترشي بـس ما تـقـعي تـتبرشي ............... شيري كالريح بتوشوشي بوردك الفي البورد يتغشي........ قولي رايك تـب شمشي ........ إنتي والله أعزا شي وفيكي علم الذات متحشي إنتي سوداني والله حبشي
| |
|
|
|
|
|
|
Re: فيها شنو يعني لو خليتوني اهترش ليكم (Re: سودانوبس)
|
الهتروشه شيري بنت أم شيري صاحبة ام وسيم جارة الشافع السنيح البطقع بالبيض
سلام بعلبه الهندسة
انت عارفه ناس جريدة الوطن هنا عشان يرفعوا معدل المبيعات عندهم سو شنو؟؟؟
جابو الآديب شيخ الهترشه استاذنا (جعفر عباس) أطال الله في عمرو
ومن اليوم داك جريدة الوطن السعوديه مبيعاته في العالي
وبالرغم من انو بعض احيان السعوديين البيقروهو بيكونو ما فاهمين لغه الخطابه لسودانيتها الموغله في الأحراش الراندوكيه في المعاجم السودانيه الحديثه .. الأ انهم بيسعدوا بقرأتها ولو يستعينوا بمترجم سوداني مثل حالاتي في ففك رموز بعض المعاني السودانيه لزملاء العمل بالمكتب..مع العلم بان بعضهم لا يقرأ من هذه الجريده غير عمود الأستاذ جعفر عباس ويفك رقبتو من اخبار صاحب السمو في حله وترحاله
وانتي طبعا هنا جعفر عباس لو ما هترشتي صدقيني في ناس كتير ممكن تخلي قراية البورد .. ومافي مبالغه لو قلت انو في كتير من الناس بتدخل عشان لحظه هترشه ممتعه من شيري بنت ام شيري تفك بيها حالة الدبرسه الحاصله
شيري يا صاحبة الهترشه الجميله ادام الله عليك نعمه الهترشه وابقاها ..واصلي ونشي الضبان من كباية الشاي بقلم الرصاص البتكتبي بيهو وقرطعي ..ويديك العافيه
سلام
| |
|
|
|
|
|
|
Re: فيها شنو يعني لو خليتوني اهترش ليكم (Re: shiry)
|
شيري الحبيبة...القبول من الله يا أختي.. شايفة البورداب ديل بيحبوكي كيف.... ........ اقولك بعد ما تردي على قصايدي دي فيكي عايز اسألك سؤال حصل جربتي هترشة الملاريا لما تطير في الراس...موش ملاريا ناتجة عن بعوضة الخرطوم الهزيلة ..إنما بعوضة كوستي التي تقد الناموسية وتجيك داخلة عدددديييييل. أو بعوضة الرنك.. أو ملكال... عايزنك تقولي لينا الهترشة هنا من جراء هذه الملاريا نوعا كيف....
| |
|
|
|
|
|
|
Re: فيها شنو يعني لو خليتوني اهترش ليكم (Re: سودانوبس)
|
سلام مربع المهندس
ياخال مادام الحكاية صفت ليها على مساح رقبة بس ، الحمد الله انها جات على قدر كده والجاتك في رقبتك سامحتك وتجدنا شاكرين وممتنين لكونك سامحتنا سلفا .. سلمت ياسيدي للاريحيه والبشاشه التي استقبلتني بها
قليبي المهضلم
سلام مربع خاص جدا ليك ، سلام مربع بمساحة مليون ميل مربع .. تراني ممكن اعملها املأ ليك البورد دا كلو سلام مربع ، الا ان يتدخل بكري محنسا فيني ومخسمني ان اسيب الباندوث في حاله سلمت ياسيدي للاطراء الصاخب الذي اهديتني اياه
سودانوبس سلام مربع ياحسن نجيله الجديد .. لا ، ماسمعت بيهو .. لكن حقيقي بختك انك لفيت السودان ، نفسي اعملها .. عارف اول شيء مخططه اعملها لمن السودان يروق ، وتخمد حركات التمردات (المقلقه) الف السودان شبر شبر .. وح اذكرك وادعو ليك .. سلمت ياسيدي للاطراء ، حقيقي انا اخجلني هذا الاطراء ، ربما لانني لا ارقى الى مستواه .. و
محمد مبارك
سلمت يازوق ، يا روعه ، وربنا يقدرنا على جزاكم .. رفعتوا لي معنوياتي فوووووق ربنا يخليكم يارب
هوبليـس
سلمت ، الشافع البطقع بالبيض دا ، ياريتو كان يكون براهو ، بس عندنا دستة منو ، اولا (مايا) الفلسطينيه دي يتفات ليها بلاد .. وتاني شيء مصطفى ود المصرييين لديح لداحه ماحصلت زيها ابدا ، وطبعا ابو السناحة ذاتها ، اخوي الصغير . الله لا وراكم سناحتو معقولة بس يا هوبليس ، جعفر عباس ، كلنا نستمتع بكتاباته الرائعة وانا حقيقي لا ارقى الى ربع ربع مستواه .. خليها مستورة ياعم تقوم تجيب لينا الهوا .. اصلوا في واحد هنا ، حلف بالتكتلوا وتكسروا حته حته اني انا هو .. وانا بقول انا اطول !!! .. قرصه هنا ، نزلوني .. ما تفوتوني الشارع .. سلمت ياسيدي لرفع المعنويات وسلمت اكثر لزوقك الراقي
| |
|
|
|
|
|
|
Re: فيها شنو يعني لو خليتوني اهترش ليكم (Re: الجندرية)
|
سلام مربع
الجندريه يارصينه ومعتقه
ماعارف لكن يا بت امي كل ماقرا اسمك تترسم لي صورة واحدة رزينة جدا وعاقلة جدا تركب نضارات ومعتقة بنفس نكهات الفلكور السبحه ، والضريره والحريره الرحط .. انت قلتي كده يعني اهترش سلمتي ياطيبه
| |
|
|
|
|
|
|
Re: فيها شنو يعني لو خليتوني اهترش ليكم (Re: shiry)
|
شيري الشيري احنا لاقينك وين
والله اخوك منتهي في فن الاطراء ولا بعرف اكتب كلام زي كلام ناس البورد البيعقدو ديل بس عزائي انو انتي زوله مما ساهله و اكيد عارفه محبتنا و مقدارا
وواجب علينا الشكر وفرضا علينا الامتنان لك و لكل من ياخذ من وقته و يسيب حاجات تانيه كتيره عشان يجي و يمنجنا السعاده والالفه و كم من المشاعر المتباينه بتباين الطروح
ان من يعطي لابد وان ياخذ فلنا هترشتك الانسانيه الجميله و لك تقديرنا وودنا واحترامنا وامتنانا و.....ز كفايه كدا ولا يا اللللللللله انا باين علي اتعاديت بديت اهترش loOoOooOooOoOOOoOoOooooOolz كل الود والتحايا
| |
|
|
|
|
|
|
Re: فيها شنو يعني لو خليتوني اهترش ليكم (Re: ايهاب)
|
الاخت شيرى هترشى وسيرى واستعملى فيرى واكلى فطائرى ولفى بالدائرى ودمك بكون فائرى ولخبطى السائرى الماشى والعائرى وامشى باب شريف واقيفى على الرصيف وعلى بايعى الرغيف المقفل والحريف وتذكرى الخريف وبصات الجريف المتحرك والبقيف شنو ليك فى الهترشة دى من شعر المقفى باب فعلن تسلمى ياختى لمقالاتك مذاق خاص
| |
|
|
|
|
|
|
Re: فيها شنو يعني لو خليتوني اهترش ليكم (Re: abuguta)
|
شــــيري هو شنو المخلينا قاعدين هنا شنو غير هترشتك دي عارفه الواحد لما يكون مداوم علي قراءة جريده يوميا في الغالب والاعم بكون مداوم علي عمود لكاتب معين او صفحه معينه دائما فانا من ادخل هنا اول شي لمن ادخل النت دي بفتش علي هترشتك دي الله يديك العافيه وواصلي الهترشه انشاء الله تكملي الباندوث كله تسلمي يارائعه
| |
|
|
|
|
|
|
Re: فيها شنو يعني لو خليتوني اهترش ليكم (Re: Zaydoon)
|
سلام مربع
ايهاب
معقولة يا ايهاب نحن نستثيك من الناس الكتابين ديلك ، لا سيدي انت فيهم ومنهم زي ماقالت صديقتي بت قضيم . انت الخير والبركه .. وربنا يخليك لينا ياسيدي سلمت يا سيدي للطله
حبيبة البي : بت قضيم
وحات نظري انت بمية راجل .. عضلات تبش يازوله .. يعني اهترش وانا مطمئن معااااي رجاله بحجمك يا رائعة سلمت ياستي للزود المستميت عن صديقاتك
ابوقوته
لا والله ماشاء الله عليك هتراش حتى حدود البري الاولاني .. اصل الجنتره بتبدأ كده وبعدين ربك يعين يلااااا اهي كلها تيارات هترشيه سرعان ماتجي سحب جدة وتشتتها بس باب شريف دا ، النبي فوقك كان ما زحيتوا لي من قصيدتك الحلوه دي لانو بجيب لي خمة نفس .... لووووول امازحك ياشفيف
بخاف في ذمتك الكلام دا بحصل ؟ .. هي طيب انا ماكويسه مالي جادعة نفسي سالفت الاسكرين وواعتقل وجه (امي) حتى تقراهو لتعرف ، انني لست (بنت معولقه) كما تفضلت وقالتها قبل شويه كده يانااااااس البيت تعااااااالو شوفوا بتكم موش معولقة سااااكت سلمت ياسيدي للاطراء الذي يدوخ عديل كده ومع ذلك اقول ليك بيني وبينك كده .. صحي صحي انا بت معولقة صعب اني اقتنع بغير كده لووووووووول يا شفيف
Zaydoon
قلت كده .. وحات نظري لن اخزلك ، بس اوعك تغير رأيك لانو الهترشه اللي جايه ، ربكم يعينكم .. لن اقبل اي نقنقه او تململ سلمت ياسيدي للاطراء
| |
|
|
|
|
|
|
|