|
شمارات الساحر والسنجك ش1 الحلقة الاولى
|
البباري الجداد بيوديهو الكوشه الساحر: اسمع يا فردة قبل أي شي انت اظبط الشاي وانا بجهز الشيشة السنجك: اوكي يا مان قلتي لي الحنك شنو البباري الجداد بوديهو الكوشه الساحر: ايوه يا جوك صحبك ما دقس الكوز فكاها فيهو فقام عاش الدور السنجك: ها اها ها ما تقولي ده الكان عامل فيها وطني ومناضل الساحر: ياهو.كوم ذاتوو صحبك طلع هنبوكه كل ما ينفخوا بطلع لون السنجك: تعرف يا مان لكن لونه الاخير ده ما شاذ عديل كده الساحر: شاذ وبس ده لو اصفر وباهت حكمة الله بقى يضحك فى رفاق النضال الزمان السنجك: ضحك وبس دي جابت ليها حاجات مسلسلات وافلام كرتون عديل الساحر: لكن مسلسل درويش المهدي نهايتو كانت حزينه السنجك: ده ما ابداع الكاتب والفنان وخبرة المخرج الساحر: لكن المنتج عجبتو المسلسلة وقال فى جزء تاني السنجك: اصلو الايامات دي طالعه موضة حكاية الجزء التاني يعني يا فردة على الاستايل الامريكي الساحر: قطعت قلبي الطالعة موضة دي افتكرتها الممثلة السنجك: لكن يا مان الحته بتاعت المخابرات الفى الجزء الاول كانت ابداع وفن وتقنيه رهيبة الساحر: بتلعب انت يا فردة دي مخابرات امريكية السنجك: امريكية بعقل المسلسل انتهى ودرويش المهدي لافي بره ما فاهم أي حاجة الساحر: يا مان انت كده وصلته الرئاسه ودي مكانه حساسه السنجك: شنو يا مان زي الداير تعمل زوغبير كده الساحر: شليل وين راح السنجك: اكلو التمساح الساحر: شليل وينو السنجك: خطفو الدودو ــــــــــــــــــــــــــــــــــــــــــــــــــــــــــــــــ فى الحته دي الشمار كتير انا تاني مابجي
|
|
|
|
|
|