|
|
|
 Re: شاعر الشايقية "حسن الدابي" (Re: AL GURAIR)
|
أخي القرير
لك الشكر.. مع رجاء المواصلة.. وليت أخينا الفاتح محمد خير الذي أرجو أن يقرأ هذا البوست يساهم بالاشتراك أولا ثم بالكتابة ثانيا.. وليت الأخ صديق المنصوري يساهم بالتوثيق..
الجدير بالذكر أن حاتم حسن الدابي إبن الشاعر حسن هو أيضا شاعر.. وله قصائد كثيرة أعجبني منها "الرواسي"ـ التي غناها جعفر السقيد، وتعرض الاثنان للتعذيب والجلد والسجن، كما روي..
والقصيدة هنا
http://www.alfikra.org/forum/viewtopic.php?t=88
| |
 
|
|
|
|
|
|
|
 Re: شاعر الشايقية "حسن الدابي" (Re: Yasir Elsharif)
|
لك التحية والود اخونا " ياسر الشريف " علي المداخلة وعبرك ايضا اتمنى ان يشاركنا الاخ الفاتح محمد خير في توثيق هذه الصفحات ..وارجو ان يكون الفاتح / البحرية الذي نكن له عاطر المحبة ...وللأخ المنصوري جميل التحيات
| |
|
|
|
|
|
|
|
|
|
Re: شاعر الشايقية "حسن الدابي" (Re: AL GURAIR)
|
الاخ العزيز القرير
اشكرك جدا علي هذا الوفاء النادر فانت ابن القرير المعطاءه الوفيه وحنينه
الحديث عن ود الدابي لا ينتهي فمن منا لم يردد كلماته ومن منا لم يتوه في عوالمه وقاموسه الادبي الرائع فحسن قامه مديده يفخر بها اهل الشمل انسان عشق الجمال والحسن والخضره والنيل وريحة الجروف لم يترك سانحه الا ذكرنا بعمق اللغه التي يستخدمها وسرعة البديهه لديه معجزه يمكنه الانفعال مع الحدث وتنظيم احلي الكلام في نفس الوقت
ترك لنا الدابي ثروه لا تقدر وترك لنا حاتم الشبل الذي يسير بخطي حثيثه في طريق الابداع والمسئوليه
دائما اتسائل ما سر عبقرية الدابي اهي عبقرية المكان؟ فمن يستطيع مقاومة هذه الطبيعه الخلابه وهؤلاء الناس الاصفياء ولا يكون شاعرا متفردا
مسخت عوم البترطن في جروفه اه يا خلايه فجولي اللشوفه
الصدير رجفاته سبب لي خوفه خام ثمار ال الله قال دانيت قطوفا
الرقيبه قزازة الروم في وقوفا جرعتني العلاقم بي صنوفه
بروقيها الداره لخبطي لي صفوفا خلي حسادك عديل تخضع انوفا
ديسه شوف عيني من شكت كتوفا الا دايما نافره يا ناس
صممن جاراتا قال لي عطوفه ملا شوفته لي تشهر لي سيوفا
العلي والبي كلو سبب عزوفا لو تحلو رموز اصابع اليد حروفا
اه يا خلايا
العزيز القرير واصل مع هذا الرجل القامه واتنا باحلي واجمل ما قال
ولنا عوده
| |
|
|
|
|
|
|
|
|
|
Re: شاعر الشايقية "حسن الدابي" (Re: AL GURAIR)
|
ود الدابي هو شاعر الهواير والحسانيه والبديريه وغيرهم
من قبائل الشمال بل هو شاعر السودان ...
هو رائد الشعر الحديث بالمنطقه اي الشعر المكتوب والذي
ردده الاغاني مع ظهور الاذاعه
اعترف بأبوته وريادته شعراء وفناني المنطقه..
خرج الجميع من جلبابه السر عثمان
محمد سعيد, حميد ،شقوره ,عبد الله محمد خير ,السر
كنه،، بالاضافه للاجيال الجديده ومن بينهم ابنه حاتم
كمال عباس
| |
|
|
|
|
|
|
|
|
|
Re: شاعر الشايقية "حسن الدابي" (Re: AL GURAIR)
|
ود القرير لك كل التحايا
بدون تعصب حسن الدابي هو ابو الشعر الحديث فى شمال السودان واستطاع ان يواكب عصره ويخرج باغنية الطمبور من المحلية الى كافة انحاء السودان خاصة بعد تعاونه مع النعام ادم
استطاع حسن الدابي ان يقلب الموازين والقوالب القديمة التى ارساها الشاعر والفنان ود صليليح اول من تغنى بالة الطمبور وهو رواسي من اصل كباشى من عرب كبابيش العفاض فى منطقة البديرية وهو صاحب الاغنية التراثية الله هوى ليلى انا الله الليل ليلي انا والتى كانت بداية التجديد لاغنية الطمبور وهى اخر اغانيه ..
استطاع شاعرنا حسن الدابى مجاراة هذا التجديد بابداع اجمل الاغانى فى ثوب جديد واخراج اغنية الطمبور من اغنية صف كما كان يفعل بندة وعطية فى الكرو ..
واغنية الصف ظلت فى منطقة الشايقية مدة من الزمن لم تتاثر بالتجديد الذى احدثه ود صليليح حتى جاء حسن الدابي وقلب كل تلك الموازين مع الفنان النعام ادم صاحب النقلة الاعلامية الكبرى حيث استطاع الاستفادة من اول وسيلة اعلامية عند ظهورها ..الراديو الالة السحرية التى ساعدت فى تطور الاغنية الشمالية ..اول مرة اشاهد فيها حسن الدابي واعرفه كان فى عام 1991 وسبب تعارفنا الشاعر كدكى صديقى العزيز الذى لا يفارقنى طيلة اليوم الا للذهاب للفراش لينوم ..جاء معه الى متجرى فى السوق العربي وقال لى الا تعرف هذا ؟ قلت له لم اسعد برؤيته من قبل ..فقال لى بالله عليك حدى ما يعرف الشاعر حسن الدابي ..وما تتخيلوا انا كيف كدت اطير من الفرح وما مصدق انه اشاهد هذا الرجل الذى اسمع به منذ صغرى وانا اسمع شتيلة قريرة الفجر نبحت بوابيرة وانا كنت معجب به ايما اعجاب ...فرحبت به وزاد السلام بيننا كثيرا وتركت عملى وجلسنا سويا نتحدث واصبحت بيننا الفة وخوة رغم فارق العمر هو اكبر من من والدى طبعا لكنه كشاعر مرهف الاحساس يتعامل مع مختلف الاعمار وله من التواضع والادب الجم ما يؤهله للتعامل مع مختلف الاعمار .. وبعد نهاية ذلك اليوم اصررت عليه ان يذهب معى للصحافة حيث منزلنا فضحك كدكى وقال لى انا احضرته اليك ليذهب معكم للصحافة لان المواصلات زحمة ومعدومة لانه يريد زيارة اقاربه فى مربع 27 الصحافة ..فقلت له ابشر لكن الغداء معى ..وذهبنا للصحافة معا ونحن نتحدث عن الفن والشعر وانا لا اكل من الاسئلة فالحاسة الصحفية كانت تدفعنى اكثر واكثر من السؤال والتكرار ومن هنا بدات معرفتى المتاخرة بالشاعر حسن الدابي الذى احببته من اول نظرة وظللت اسال ابنائه عنه كلما قدموا الينا فى السوق عن احواله الي ان غادرت السودان وحزنت كثيرا عند وفاته وكتبت فى هذا البورد علي ما اعتقد عن اخلاقه الحميد وشعره البلدى الرصين ..
رحم الله شاعرنا حسن الدابي بقدر ما قدم من كلمات جميلات لاهله و لمحبي الحياة الخالية من العقد والمشاكل
| |
|
|
|
|
|
|
|
|
|
Re: شاعر الشايقية "حسن الدابي" (Re: الكيك)
|
شكر القرير ، اسم جميل ،
الشمس تشرق في القرير ولما تغرب تستأذنا
ما ها راضي تفوت الخدار إلا بس حكمة ربنا
وبوستك رائع
رحم الله صاحب التشبيهات البليغة والشعر الرصين والمعبر دائما عن وجدان أهله الشاعر حسن الدابي أستمع إليه يبشر المزارعين بوصول المهندس الذي سيقوم بتشغيل وابور المشروع بعد معاناة طويلة نتيجة شح المياه للزراعة :
يا مزارعين إن شاء الله خير
قالوا طمبل طب القرير
تم لفات البوابير.
خلى كل واحد دار يطير
بلل الرحراح خلى كير
جاب لنا الوزين بالحفير
وفي الجداول يلعب الصير .
وفي قصيدة أخرى يخاطب الوابور:
رابض يا التلب ربضة أسد في الغابة
ربطك حكموا ناس عبد الغني التلاية
ديل المهنتم داؤود بيتملابة
حكموا ربطوا ما خلولو فد بتابة
----
......
أول قنطرة تلاقيك أطقش شيله بي أبوابه
وبالكرو كان لقيتلك فرقة أوعى تهابه
حصل خيري حوشته المحل حلابه
بالجوز كتفه مقطوع والخشم ربابه
.....
.....
وبكل عظمة يختم القصيدة مخاطبا المسئولين الذين حضروا تشغيل البوابير في مشروع القرير:
نحن مرقنا شوفولنا الكلد والغابة
ونقده اللاذع لموظفي مجلس مروي ، وعدم رقابتهم على الأسعار :
ناس مجلسنا ما فرضوا الرقابة
ويدقدقوا في الورق ساكت تعابة
هم رايقين مع مروي وعنابة
ومع شدر الكتير وضله المكابة
من كريمة يجيبوا كل ما لز وطابه
فانتا وببسي تلاجات شرابه
والجزازير لينا سوا شريعة الغابة
يفرضوا عليك تقبل واللا تابه
....
....
دار ود العزيب إن شاء الله ترجع لي خرابة
ويصيح نص النهار ينعق غرابة
(دار ود العزيب هو موقع سوق القرير)
والقرير كانت عشق حسن الدابي الدائم :
قريرنا مثيله ما خلقوه لليل
وحتى للبلد الشعار مركب الفيل
منقة وبرتكان وقرينفرت متاكي بالشيل
نخلينا تمود كرش وبركاوي وقنديل
لينا ما رفعوا الفناطيز والبراميل
وبنشرب سلسبيل من صرة النيل
بناتنا درع سبيبن كابي نازل
في الرشاقة يذكرنك ملكة بابل
ما بيصطادن الحابل والنابل
وكل واحدة صديرها محروس بي قنابل
ملاحظة أخرى هامة جدا في شعر الغزل عند حسن الدابي وهي التركير على العفاف والأدب عند البنت :
طهرك ما في ليه مثيل .... عفاف أم صاحب الإنجيل
جمال التبري من لونك ... عفافك وأدبك حصونك
والأمثلة حول ذلك كثيرة .
التشبيهات التي تجدها في الغزل عند حسن الدابي ،حقيقة شيء محير جدا ، تستغرب قوة الملاحظة عند هذا العملاق رحمه الله مثلا :
عينها زي صافي ألمي السرح .
أخونا مامان طبعا البحر عنده مربوط بالجبابيد لأنه دايما في حالة صيد للسمك ، بس لما الموية تبدأ تسرح من مجراها والبحر يتقطع ، ونجد المياه شاردة على تلك الرمال البيضاء يبقى جبادته إلا يتعدى جزيرة الطاهر بي غادي عشان يرميها .
ويا حليل أيام زمان وين يتلقن .
الذاكرة خربت يا ناس القرير وشوف معاك مامان خليه يسعفنا حسن الدابي عنده بيت شعر شطرته الثانية تقول:
أطرى صوت الكروان كروم .
ومن الصور التي دائما تستوقفني وأرددها كثيرا :
وقيعكم يا حواجنير الجريف
أندهو الفكي شيخ أبوكم وقولوا جان الدابي ضيف
وشيلو حمالتي أنا الواقف لي فوق هدام وقيف
تصور تكون فوق قيف هدام وشايل تقيل ، يعني يكون البحر دميري تكون فوق القيف العالي والهدام بين ساقة الترياب والعامراب (إن لم تخني الذاكرة ) وتكون شايل حمل تقيل . يا سبحان الله رحم الله حسن الدابي . وواصل يا القرير . ويا كريم هل من عوده هل .
| |
|
|
|
|
|
|
|
|
|
Re: شاعر الشايقية "حسن الدابي" (Re: AL GURAIR)
|
شكرا ودالقرير رجعتنا لي سنين جميله يا اخي وانا ابحث من زمن لواحد يكتب عن شعر الشايقيه وابداعاتهم اخي درست الثانويه بكورتي في السبعينيات وعشقت الكلمة الشايقيه واللحن الشايقي والايقاع الشايقي وطبيعة وطيبة الشايقيه وشهامتهم في الذاكرة منصوركتي قنتي كورتي وام بكول واسلي والباسة والقرير والعفاض والكرفاب وجلاس البار والاراك والمبارك شيخ الظهر والقرير ومساوي وتناقسي السوق ومروي ومقاشي والزومة والبركل ونوري وكريمه كربكان والجلاء ورحلة النيل حضرنا محمد كرم الله قبل ان يتجه صوب الخرطوم وصديق الرائع واللمبة قالت بق حيث كان يطربنا بداخليات كورتي وانزلي من غصونك مرة للساسق فتر ياقمريه مافي عداله لي زولا صبر وشن طعم الدروس مادام بكانه مشي قطر وحسع خلاص باكر تفوت وتسيبني واحدنا للودار الدابي وعبدالله محمد خير والسرور الجن بدا علامات مضيئة ياودالقرير نرجو تسليط الضوء اكثر وارجو ان كان بالامكان البحث عن رسالة الاخت الفنانه زينب الحويرص والاستاذ صلاح محمد الحسن عن اغنيه الشايقيه لنضفي على الموضوع طابعا علميا معليش ياودالقرير للاسهاب ولك التحيه والاحترام ولمبدعي الشايقيه والى الامام
| |
|
|
|
|
|
|
|
|
|
Re: شاعر الشايقية "حسن الدابي" (Re: AL GURAIR)
|
الصديق العزيز القرير
كلماتك دائما فيها شفاء لنا وفيها ما فيها من الوفاء
ود الدابي حاضر في ذهني وهو معي يوميا
لا يمر يوم من غير سيرته وسيرة ابداعه
ليتك تزيد من هذا الابداع وليتك تتوغل اكثر في هذا الهرم
العزيز ياسيكو
والله تعرف ماذا تفعل بي هذه الكلمات والسليك يوم رنه
اعرف ان اختياراتك لها وقع في نفسي وروحي
اتمني ان تاتينا بود كرم الله ومسخت عوم البترطن في جروفا
وتامل معي هذا القاموس الشعري لحسن الدابي وهذه الاقتباسات واستخداماتها
القرير
هل من مزيد؟
| |
|
|
|
|
|
|
|
|
|
Re: شاعر الشايقية "حسن الدابي" (Re: maman)
|
Quote: روحي ليك بالهنا والشفا
نجض الكيات خلفا |
مامان السلام جاك
انت قايل جضم واحد بيحلك
شايفك ما نجضت الكيات ولا خلفتها
اقول لك شخصياً
انتو بلا (حنة) ود الدابي بتتقابلو
لك الود
| |
|
|
|
|
|
|
|
|
|
Re: شاعر الشايقية "حسن الدابي" (Re: maman)
|
أخي القرير
تسلم وسلام للجميع
كل النماذج التي أوردتها لك في مداخلتي السابقة هي من أشعار حسن الدابي باستثناء البيتين في مطلع المداخلة وهي من أشعار ابنه حاتم .
معين حسن الدابي لا ينضب مهما نهلنا منه وكلما تتأمل قصائد حسن الدابي تكتشف حاجة جديدة بالذات في الوصف والتشبيه . تأمل معي :
الجبين لفظة إسمنا
في قصيدته الخالدة
مالن ومالي أنا ريدو عقليتي مجننه
ويا محمد دا بلودو وين .. قولي أمه مني وأبوه مين
أبيض الفاطر من الصين ... وبسمه يشفوبو المجانين
أنتنا ومال فدع اليدين ..... سوى عوم فرخ الوزازين
قلبي في الدقات والرنين ..... تعترف تشهدلو بكبين
واصلوا يا شباب وشكرا للقرير .
| |
|
|
|
|
|
|
|
|
|
Re: شاعر الشايقية "حسن الدابي" (Re: رقية وراق)
|
Quote: حصل خيري حوشته المحل حلابه
بالجوز كتفه مقطوع والخشم ربابه |
.....
.....
وبكل عظمة يختم القصيدة مخاطبا
المسئولين الذين حضروا تشغيل البوابير في مشروع القرير:ه
| Quote: نحن مرقنا شوفولنا الكلد والغابة |
لا تعليق
| |
|
|
|
|
|
|
|
|
|
Re: شاعر الشايقية "حسن الدابي" (Re: AL GURAIR)
|
والكفيل مهرا معبد
إلى الأمام يا قرير
دعنا ننهل من هذا المعين العذب والذي لا ولن ينضب أبدا ، وحقا مجاورته لخلوة شيخنا العوض ود مدني وقراءته للقرآن أثرت في الكثير من شعره :
الصدير رجفاته ربت لي خوفه وخام ثمار ال الله قال دانات قوفها
مجمر أنقى من الشف حفيد اللوح مع المصحف
وليتك يا أخي بعد هذا الجو القدسي ومع هذا الغزل النبيل تعرج بنا على شعر الدعابة عند حسن الدابي فبه الكثير من الطرف العجاب :
قصته مع حبوبتنا مدينة بت الفكي ود قرافي وحكاية الكديسة (بره) ،
تسرقي ضحى ونهار يا بره مالك للطير إنعدم وللفار غلالك
وحكايته مع عمنا أحمد محجوب وشيخ الحسن عندما أتعبت عمنا أحمد محجوب الرطوبة (الروماتيزم) وأشار له أحدهم بأن علاجها في دهن الصبار (الثعالب) ، ورحلتهم هو وشيخ الحسن لاصطياد الصبر ، ويصل الخبر لحسن الدابي :
شيخ بلد شال بندقه وفر وقالوا كايس دهن الصبر
وتمتد رحلتهم من حي الشاطئ إلى دوم المهاجر ، ولا يظفرون بشئ غير بامسكا تحضن صغارها على رأس دومة من دوم المهاجر فيصوبون إليها بندقيتهم حتى انطبق عليهم المثل الشايقي ( منى عرفناها الزلال في شنو) :
ود محجوب أخير قول الحقيقة
عرفت الصبره شن سببه البامسيق
علي أطفالها عاقلكم يعيقا
والفقير في دومه طالقين الحريقة
ثم يحكي تعاطف الحيوانات مع البامسيكة المسكينة التي إغتالها شيخ البلد :
شرد طفر الورل من السبيقة
وقال بلا نص البحر ما فيش طريقة
والكلاب خلت نبيحه الفي فريقة
وقالت لينا يبقى عرفيلن طريقه
وحتى لا أبو العفني في أحزان عميقة
وقال كما تشبهني في اللون والخليقة
يديك العافية يا أخي والله أشعلتم ذكريات مع شاعرنا حسن الدابي ظلت توجعنا وتؤتينا الفرح في آن وعلى الدوام.
وتأمل يا أخي:
تاق لحظني وجفل الجموح
كله من الذاكرة التي صارت خربة ومعذرة إن كنت قد قدمت وأخرت وإيدك معانا يا مامان لتصويب ما أخطأنا فيه وتقويم ما كسرناه وإضافة ما فات علينا وسلام على حسن الدابي في الخالدين .
| |
|
|
|
|
|
|
|
|
|
Re: شاعر الشايقية "حسن الدابي" (Re: AL GURAIR)
|
Quote:
وليتك يا أخي بعد هذا الجو القدسي ومع هذا الغزل النبيل تعرج بنا على شعر الدعابة عند حسن الدابي فبه الكثير من الطرف العجاب :
|
الأخ أبو قصي تحياتي لك ولجميع المشاركين تحدثت عن شعر الدعابة عند حسن الدابي ، وسأورد أدناه قصيدة (هب وبرقو شال) وهي تتحدث عن التضخم والغلاء.. ولعلم الأخوة القراء صغار السن، سترد بعض مسميات العملات التي كانت لها قيمة في وقتها مثل الريال والمليم والقرش .. القصيدة كانت تنشد بطريقة المديح على لحن مدحة (الليلة حن قلبي ورزم على الرسول الفي الحرم) واليكم القصيدة
الليلة هب وبرقو شال
في القبلة تال ناس ود بلال
مولايا ياحي ذو الجلال
مليون من الورق أب جمال
عكس الدهر ما عندو حال
صبحني حافي من النعال
كيلو اللحم الكان ريال
قالولي تاني تجيب ريال
قرش السعوط من بت جمال
من كتحتين تلقاهو زال
قالولي بيع البرتقال
ما لاقي سوق وده ما هو حال
المنقة عايشابا الصبار
وفيها الكلاب لقت المجال
علمت ربي من الريال
والناس يقولوا تراهو عال
بقت السمايي من المحال
وحق المشاط في قيل وقال
البيت كتر فيهو العيال
واقع ورا العتق الغزال
في سمعنا السكر غلا
ومن حالنا يا كافي البلا
تاجرنا دكانو اتملا
والجيب من المليم خلا
صليت على المزملا
عدد الجزالين الخلا
| |
|
|
|
|
|
|
|
|
|
Re: شاعر الشايقية "حسن الدابي" (Re: maman)
|
Quote: مولايا ياحي ذو الجلال
مليون من الورق أب جمال
عكس الدهر ما عندو حال
صبحني حافي من النعال
كيلو اللحم الكان ريال
قالولي تاني تجيب ريال
قرش السعوط من بت جمال
من كتحتين تلقاهو زال |
ليت الزمان والدابي يعودا يوما ليريا ما فعل بنا البشير
| شتيلة قريرة الدابي | شتيلة iiقريرا الفجر نبحن بوابيرا حليل تغريد عصافيرا بلاها أصبحنا في iiحيرة يازهرتنا iiالنضيرة حرام نقلك من iiالجيرة دهب زادوه تجميرا لفة خاتم ضميرا شبيهة البدر iiالمنيرة ليك تاجوج ماها iiسيرة نزلت العقلات iiالضفيرة تداعب رمان iiصديرا نظرتك قاسي iiتفسيرا فيها انذارات خطيرة ست الكل يا أميرة روحي كفاها iiتدميرا ضاقت وغلبت iiبصيرا خلاص اتحقق iiمصيرا فراقكم زادتي iiتعكيرا وبلاك ما عندي iiتفكيرا يا صلاح أم iiشديرة تعود ونشم من iiعبيرا
جدي البرعن iiأراكن سبيبك ولا ليل iiساكن إنت طبيبي بس iiلكن رحل كت في القرير ساكن
يفوح المسك من iiفاه مضمر iiواحسرتاه الفريع الهتف iiنداه تموع تتنى ما iiلاه
ليه عجلتي iiبالقومة قريرنا معاكي شن iiلوما عيني ما رأت iiنومة بقت لك سبب iiالحكومة
ياظبية جنان iiمالك فارقت القرير iiمالك ربنا مالك iiالممالك يحرق الكومر iiالشالك
شبيهة الصيد في iiالبوادي محكم عودك iiالنادي فاطرك برقو iiعبادي الرزق يا جاهلة iiجبادي
فراقك قاسي iiألمني سواد عينيكي iiجنني على الأحباب ماب iiتحني فقد عقلي بقيت iiأغني
ليك برسل iiتحياتي بضمنه موتي iiوحياتي أتكرن وأمشي iiفلاتي عليك يازهرة iiالشاطي
فريع المحلب iiالقايد عشانو أقاسي iiالشدايد سهامو رماني iiأوصايد ألمي الراح جاني عايد
بصلي وبعبد iiالباري أقيم ليلي وأصوم iiنهاري عشان الشاغلة iiأفكاري الشلوخة قضيب iiالكباري
حليل الروقة iiوالبسمة حليل الضامرة iiمنقسمة شلوخ خديها iiمترسمة قامت وكل شي iiقسمة |
(عدل بواسطة yasiko on 09-16-2003, 07:36 AM)
(عدل بواسطة yasiko on 09-16-2003, 07:51 AM)
| |
|
|
|
|
|
|
|
|
|
Re: شاعر الشايقية "حسن الدابي" (Re: yasiko)
|
العجب يوم دق الدليب
تل إيدو ونسف السبيب
عبق الجو وملاهو طيب
.....
.....
حالي منه الأطفال تشيب
وزي كتل جساس لي كليب
إن لم تخني ذاكرتي الخربة يا أخ القرير وأخي مامان واصلوا ، واليوم عرفت من الأخ السر عثمان في اتصال تلفوني أنه تأبين المرحوم حسن الدابي في نادي أبناء القرير بالخرطوم يوم في الثاني من سبتمبر ذكرى وفاته كان حاجة رهيبة جدا ووعدني الأخ السر بالكتابة عنه وبالتفصيل .
| |
|
|
|
|
|
|
|
|
|
Re: شاعر الشايقية "حسن الدابي" (Re: ABU QUSAI)
|
العزيز جدا القرير
أ ليس حسن الدابى هو القائل :ز
العندو القروش الناس تعلى مقامو
حتى ان كان كضب يتصنطولو كلامو
لكن المفلس تتعكس القدامو
تتواتا الكديسة محل يودى حمامو
وحقيقة سعيد الدنيا يدى قريرا طوفا.....هسع انا مستعجل لكن بجيكم راجع....دا مقام يطيب فيهو الكلام......وسلامى يوصل للبلد وناس البلد
ومن عين شمس لا حد فلسطين
ولو بقيت سعيد ألفا حش التمر على الأقل فى البورد
تحياتى لصحبك الميامين من مامان ورقية وراق لا عند ابوقصى وكل أهلى
دوما ابن النخيل
| |
|
|
|
|
|
|
|
|
|
Re: شاعر الشايقية "حسن الدابي" (Re: AL GURAIR)
|
السفرو بالليل رحلة نيلية بالباخرة من القرير الى الكلد
| السفرو بالليل (رحلة نيلية) حسن الدابي | الليلة ليل iiياليل للسفرو iiبالليل
يا حليل جدي iiالريل ودعنا دمعو iiيسيل
وا بورو شق iiالنيل خاويهو زي iiالسيل
كان شفتو يوم iiداك البانة iiتتاكا
قالت iiودعناك عيني iiتتباكى
يقدل دخل iiجوة في الصندل iiاتحوه
حرق القلب iiجوه لا حول لا iiقوة
من القرير iiحل الصورك iiجل
رفع الستار iiطل دماعو سال iiبل
طالب المقل iiغرب أمواجو iiتتقلب
بحاريهو iiاتسلب جر السلك iiتلك
قام بيهو لي iiأوسلي مين الصبر iiمتلي
والله العظيم iiأصلي لا ديمة ماب iiاسلي
خلوني في حيرتي قام بيهو لي iiكورتي
يا خلا كيف شورتي شالوها iiنوارتي
قام لأم بكول iiكابس قالو البحر iiيابس
كان البرد iiقارس الريس شن iiحارس
مورة ود قدورة طباها iiبابورة
يا حليل iiالمضمورة
الدنيا iiغدارة الحتاني iiوحجارة
قصاد iiالبيارة ضربولو iiصفارة
جات ناسو iiتتجارة
ريح الكلد نسم بي توبا iiتتلثم
تتنى iiتتبسم وأنا نومي iiيتقسم
وصل الكلد iiرك شوف ناسا iiحابكا
جات نازلا iiتتكا حورية لا شك
تلاتة عتالة رموها iiالسقالة
الحالة بطالة سوقيها يا iiخالة
يا يابا ود iiبيلي نادهك وقف iiحيلي
بين بكرة iiوالليلي تجيبو لي iiزولي
يا أم باب حمد iiجارا حارقة القلب iiنارة
لو ترجع لي iiدارة علي iiالمزارة |
| |
|
|
|
|
|
|
|
|
|
Re: شاعر الشايقية "حسن الدابي" (Re: maman)
|
تحية المحبة للقرير وكل البورداب
الأخ / مامان ، بخصوص السفر وذكر السفر ، طبعا من المعروف إننا نحن ناس حنان وأشعار السفر عندنا كثيرة ، لكن استوقفتني حاجة في شعر الراحل الخالد حسن الدابي في شعر السفر وفراق الحبيب هي انه تجده بيتخذ موقف من وسيلة المواصلات نفسها التي تسببت في رحيل بنات البلد ، ومرات الواحد لما يشوف حال المواصلات التقليدية وصلت وين يقول دي دعوات حسن الدابي ، قطر كريمة وقف نهائي بل السكة حديد كلها انهارت - والله يجازي الكانوا السبب- ، بابور البحر وقفت وسفر اللواري الناس خلوه وبقى السفر بالحافلات ما عارف حسن الدابي كان حضرها كان قال فيها شنو ، وفي بعض الأحيان تجده يتخذ موقف من البلد التي انتقلت إليها الحبيبة .
شوف موقفه من بابور البحر والجلاء بالذات :
يزازي نقل سميحات الخليقة
وتعيق في الناس إله الناس يعيقة
أنا أتمنى له في دالة غريقة
تحتل وفيها ما تفضل شقيقة
دقيق مكناتها تلتهموا الحريقة
وقمرات نومه تسكنن أم دريقة
وتبيض في عنابره عشان غريقة
ومن قطر كريمة كمان :
في الرصيف حسه بلا الرعد ..... وسائل الله مكنته تتقد
قولوا آمين باكمه ينسد .... ويلقوا في الكاسنجر خرد
وقطر كريمة يواصل سيره غير مبال بدعوات حسن الدابي .. يشق المناصير والرباطاب ، يفوت نمرة عشرة وابو حمد وبرضو دعوات حسن الدابي تلاحقه في إصرار عنيد :
تمه يا مولاي لي غرد ..... والقضيب للداخلة ينهد
وموقفه من اللواري :
من ود العزيب بحر .... بي عند قوز قرافي سدر
يا مولاي يبينلو قدر .... قبل قوز هندي يتكسر
أما موقفه من المكان فخير مثال له نوري الجارت علينا ، ولكن لكي لا يزعل مننا أخونا حميد وأهلنا في نوري نكتفي بإيراد عتابه فقط ،
نوري الفيكي ربوني ... بدل ما تبقي في عوني
تجوري علي وتخوني ... وتشيلي سوادة عيوني
وربنا يكفي نوري شر تلك الدعوات ، آمين .
وأخر النضم :
حليل قتانن المن السبيقه
لقمته تطمن الضارباه ريقه
| |
|
|
|
|
|
|
|
|
|
Re: شاعر الشايقية "حسن الدابي" (Re: maman)
|
اتحفنا يا حماد أقصد يا مامان . أتحفنا من أشعار ذاك الزمان وذاك الشاعر العجيب ، ادلق شوية من غنانا، زمن :
لو غرق في خور أب قرن
يا أم ضمير قلبك ما بيحن
المرض يا أخواني هين
أخاف يطول ويبقالي جن
| |
|
|
|
|
|
|
|
|
|
Re: شاعر الشايقية "حسن الدابي" (Re: maman)
|
مامان أب كدي ساكت ما بتنفع لازم معها حاجة إن شاء الله فد مقطع لشاعرنا واللا شنو نحن بنديك رأس الخيط وانت انسج ولي قدام
يا خلايق لي جارة البرتكان تقليد صفارة
.....
......
......
لو تعود ترجع دياره أودي للفقرا المزاره
ولي قدام
| |
|
|
|
|
|
|
|
|
|
Re: شاعر الشايقية "حسن الدابي" (Re: ABU QUSAI)
|
Quote: حليل قتانن المن السبيقه
لقمته تطمن الضارباه ريقه |
ابوقصي
عوافي عوافي
أتدري لم تبق سبيقة واحدة على قيد الحياة
والكل اصبح ضارباهو ريقة
نرجو ان تواصل في اشعار هذا الرحمن
ويا ليت لو اوردت مجادعات الدابي
وعبد الله محمد خير ومحمد سعيد
وما قالوه حول وسائل السفر مشيرا للصور البلاغية في شعره
لك الود
| |
|
|
|
|
|
|
|
|
|
Re: شاعر الشايقية "حسن الدابي" (Re: maman)
|
مالت واتكت بصديرة للماسورة
مربوعة القوام المن وسط مضمورة
ختفت قلبي زي ختفت سبت للكورة
بكرة رحيلنا يا جرقندي كيف الشورة
فوق ... ذاكرتك ما زالت بخير يا مامان فلا تبخل ...
التحية لك وللأخ القرير ولكل البورداب
| |
|
|
|
|
|
|
|
|
|
Re: شاعر الشايقية "حسن الدابي" (Re: maman)
|
yasiko الأخ
عوافي عليك عوافي
يا الماب تعرف قولت مافي
وما بديك ما عندك ضمة
لك التحية والود أيها الصديق العزيز
للأسف نحن بعيدين عن المنبع ومتكرنين من منفى إلى منفى ابعد ، واعتمادنا كله على الذاكرة التي صارت خربة أجارك الله . لكن لا بأس ذاكرة راوية الأستاذ حسن الدابي عليه رحمة الله مازالت بخير ، واللا رأيك شنو يا مامان ، نحن بنبدأ ومامان الراوية يواصل ، ويديك العافية يا أخوي
الشاعر عبد الله محمد خير قال فيما أذكر :
ود الدابي مالك ساكتما شفت الجلا السواها
شال محبوبتي سافر بيها كيفن عاد بعيش لولاها
لو فات المحطات جملة لابد القرير يغشاها
قوم يوم التلاتا إندل بي تالا الرصيف تلقاها
ما تعاين كتير وتفكر في ديك ياها ديك مو ياها
ظاهري حبيبتي من وجناة والنور يضوي من محياها
فكان رد المرحوم حسن الدابي الذي نشرناه مطولا أعلاه :
صحيح يا عده أخوي قولت حقيقة
وكتير الطفش الجلا من فريقه
يزازي نقل سميحات الخليقة
وأحيل الأمر إلى مامان لأنه الذاكرة أبت وأنا ما عايز ألخبط ، تصور لأنه ماعرفت بداية الشطرة التقول :
مكاناتها نفسي أبت تطيقه
هل هي صوت ازيز مكناته ام رنين مكناته أم صوت مكناته أم كلمة أخرى فزعة يا مامان
وتسملموا
| |
|
|
|
|
|
|
|
|
|
Re: شاعر الشايقية "حسن الدابي" (Re: maman)
|
الأخ / ياسيكو
لك التحية والود ، حدثني عنك حماد الراوية وعرفت منه أنك انتقلت من كولا لمبور إلى أمريكا وهكذا يقذفنا منفى إلى منفى آخر أمل أن يكون لك الاتصال بالأخ الشفيف عبد الرحيم عبد الحليم وكان عندك معاه اتصال قول ليه جنا الكرفاب بسلم عليك .
اتفق معك تماما في أنه حماد الراوية ظل بخيلا معنا في هذا البوست وقد اعتذر ببعض مشغولياته وانا ما اقتنعت واللا رأيك شنو يا مامان بحق التين والزيتون
بالله عليك الله تأمل (بسمك واسمك )
باسمك واسمك المكنون يداوي العللو ليها زمون
| |
|
|
|
|
|
|
|
|
|
Re: شاعر الشايقية "حسن الدابي" (Re: ABU QUSAI)
|
سلام
من أي البطون؟
ارجو مراجعة حش التمر
فانا علقت ولا اعلم انك من هناك
والقصد المزاح
وعشان ما نغير مسار البوست نلتقى في الماسنجر
لابد ان تعصر هذا الرجل ففيه من زيت وعصير الكلام ما يكفي العالم
لك الود
| |
|
|
|
|
|
|
| |
حسن الدابي شاعر يستنطق الصخر العصي او كما يقول اهلنا " يقطع فوق الحجر"...بدأ كتابة الشعر في الخمسينات وابتدع لنفسه اسلوبا جديدا في الكتابة مغايرا تماما لما كان سائدا في طريقة النظم واللغة والموضوعات )...
Yasir Elsharif
aba
yasiko
ابو يسرا
kamalabas
الكيك
ABU QUSAI
Elmosley
الفاتح يسن
moniem2002
maman
ابن النخيل
Nasr
فيس بوك
تويتر
انستقرام
يوتيوب
بنتيريست