بكامل قواي العاطفيه!!!

لا ادري لمن تتجه هذه الكلمات..لكنها معبرة
تشجعي وانت بكامل قواك العاطفية
لك بشري الفاضل سند


نفسى فى داخلك اعاين



بشرى الفاضل



نفسى فى داخلك اعاين

ياسلام

الصحراء فى عيني تتوسد جناين

خالقة صوتك من جناين

وخالقة صورتك

من كهارب موالدا ميدانو حافل

كل مايصبح تجيهو الناس جحافل

لما تعبر فى الشوارع

شوفى كيف الناس تصارع

ناس تطفر وناس تدفر

فى البشابى على نجومك

وفى اليخب كايس تخومك

وكل زول من عند سلافك

لا لا قال دايرو كاس

مرة طربان شلت صوتك

شان اغنى وقلت اه ياليل واه

انت اول

وانت ثانى

وتنانى تالت

وتانى رابع

نافرة زى صيد الخلا

وسقاية زى نبع المنابع

وقلتى لى غناى خلاص

لما فى العين تفتح

المطر غسل الهجير

بيوتنا ضالاها الطراوة

ولما مافى الكون شقاوة

العديل يبقالنا مايل

مانى حيران

الا لكن كيف احبك

اقوى بى كل الوسائل

حب جديد وعميق وهائل

حلوة عينيك زى سحابى

عنيدة كيف ؟

تشبة شريحتين من شبابى

غريبة زى شردة سؤالك من جوابى

زى عنب طول معتق فى الخوابى

وسمحة زى ماتقول ضيوفا دقو بابى

فرحى بيهم سال الى عند الكبابى


........

تنقو