انا استاهل
كنا دايرينك معانا إلا أبيت طريقنا ولسه ما قادرين نسيبك وانت سبته الريح تسوقنا وقالوا يوم سألوك علينا لألأ في خدك شروقنا وقالوا زي داريتو شوقك وشوف غلبنا نداري شوقنا وشوف نجمنا كمان ظلمتو ولسه نجمك ضاوي فوقنا * الصباح كان بيك مندى وجيتك في دارنا تحلى والغريب الطال غيابو عاد معاك بالفرحه طله ياما غنت ليك بيوتنا وشالت اسمك حله حله الغيوم ضحكت عشانك والفراشه جناحه ظله الفرح فاتك معانا والحزن قال لينا يلا * ياما فيك نحن انظلمنا وفرقتك بكتنا ياما ولسه برضو بندعي ليك تلقى في دربك سلامه وتلقى ناس يدوك حنانهم واصلو ما يدوك ملامه مافي عاشق عادي عاشق كان بشيل الابتسامه بدل القاسيات محنه وظلل الساحات غمامه * قسمه غايتو تفوت دروبنا وتمشي مننا دون مرادك نحن نسهر ليلنا كلو وانت تغرق في سهادك فيك عيون بتحن لينا ما الحنان حتى في عنادك انت ما بتحمل فراقنا ونحن ما بنحمل بعادك وريدنا كان قصرته عمرو يبقى ليك في السكه زادك * اصلو ما تشيل لينا هم نحن اتعودنا نشقى كم ندمنا وراك ليالي وفجاءه تاني فرحنا بقه وبرضو ما بيكمل عشمنا مهما تبكى قلوبنا فرقه ونحن على نياتنا دائماً والبنتمناه نلقى والسعاده هي كان أبتنا البتبقى علينا تبقى ـــــــــــــــ طروني ليك وأنا كنت قايل أصلى ما بطراكا تاني وكنت قايل طول فراقك بيمحي ريدك من زماني إلا تاري البينا لسع لا نسيتو ولا نساني * وفجاءه اتذكرته ريدنا والزمان الكان معاكا المشاوير والأماني والفرح ساعة لقاكا حتى قلبي الكان نساك ما لو زي الما نساكا صحه جرح الماضى تاني ومن جديد هسع بكاكا رغم ظلمك وطول جفاكا حنّ لي أياما هواكا * وابتديت من تاني أندم زي كأني الكنت ظالمك لمته نفسي وقلته يا ريت لو ظروفنا تلم وأكالمك وأحكي ليك أنا كيف ظلمتك لما جيت غلطان ولا يمك ورغم طول الفرقه بينا اشتهيت لو بس اسالمك وأسألك لو طاري ريدنا ولا سارح في عوالمك * كان لقيت ليك قدره تنسى عاد منو البديني قدره أنسى زي ما نسيتني إنت وبرضى أرجع تاني أطرى الليالي البينا كانت من جمالك شايله نضره ياما بتذكرني بيكا وياما بتبكيني ذكرى وانت لو هناك زمانك برضى راح أتهنى بكره ــــــــــــــــــــ كتير حاولته انساكا لا نسيتك ولا قدرت وقدر ما قلته ما بشتاق غلبني الشوق واشتقت وبعد فكرته ما أرجع بكل مشاعري ليك عدت * زمن راجيك تحن مره وتشعر بي حناني عليك وتدلل عليّ برضك تقلل في المحنه الفيك وأزعل حبه يوم يومين ومن كترة شوقي أنسى وأجيك انت صبحت ليّ قدري تقسى علي وأفتش ليك وريدك بالعذاب الفيهو ما في أحنّ من عينيك * تمر أيام تكون وافي وترضى عليّ تفرحني وأخاف أنا لو جرحتك يوم ودائما أنت جارحني أجيك مشتاق ملان أفراح وللدمعات تروحني وأعيشو وراكا ليلى حزين والآلأم تصابحني وبرضى أعود أنا المظلوم وأقول ليك أنت سامحني * بقيت يا ريدي ليّ دنيا وزي دنياي عليّ قسيت بحسك إنت أطيب زول وحتى جفاك كمان حبيت وريدك ما في منو خلاص بطراك برضى مهما نسيت وأنا نسيتك عشان أطراك ما انت معاي مشيت أو جيت مقدر ليّ أعيش حبك رضيت بالفيهو ولا أبيت ـــــــــــــــــــــــ لا لا ما بحزن عشانك لو صحى اتبدلته خنت إلا لسع ما مصدق وانت في أعماقي إنت * قالوا عنك ناس قرايبك إنت عندك غيري غايه وبرضو ليك ميعاد معاهم زي ميعادك داك معايا الرسائل هي ذاتها وحرقة الشوق والوصايا وبرضى صدق ما ظلمتك وقلته ما بتخون هوايا وقلته مهما أغيب عليك إنت برضك في رجايا * ما بصدق مهما قالوا ريدي في عينيك هان اصلى عارفك ما بتلقى غيري سكه أمان والحنان الشفتو مني زيو مين يديك حنان وبرضى عازرك لو نسيتني وبي ورأي حبيت كمان ما البيخون في يوم حبيبو بكره بيخونو الزمان يلا قول وريني آخرك في قليبك غيري مين والمحبه العشنا فيها ورحلة الشوق بالسنين وكل حاجه جميله بينا روحت الليله وين لا لا ما أظنك بتنسى وكنت طول عمرك حنين إلا وين وعدك معايا ما قالوا وعد الحر هو دين ــــــــــــ ده ما سلامك ولا الكلام الكان زمان هسع كلامك ولا يعنى نويت تسيبنا وفي الخريف تحرم غمامك وده ما سلامك * جينا بعد الفرقه نسأل قلنا نلقى محنه عندك نحكي ليك عن ليك شقانا وعن متاهات نجمو بعدك نحن سالمناك بطيبه وياما بكى عيوننا ردك وليه زمان اديتنا ريده وجيت حرمتنا تاني ودك وقلبنا الجرحت خاطرو برضو ما قادر ملامك وده ما سلامك * كنا قايلين بي ورأنا إنت زينا طاري ديمه وكنا قايلين نحن عندك زي عيونك لينا قيمه قلنا تتلقانا إنت والزهور تحضن نسيمه إلا ريدك تاري روِّح وعدي فات زي كل غيمه جينا ليك بالأبتسامه إلا ما لقينا ابتسامك وده ما سلامك * جينا شايلين ليك فرحنا وكان عشمنا تزيدو حبه تطرى ناس فاقدين عيونك وبي وراك ما خلوا غربه قلنا ننسى تعب سفرنا بي ليالي معاك أحبه جينا ما لقينا في عيونك ذكرى ساكت للمحبه شلنا شوقنا رجعنا بيهو وما ندمنا على سلامك وده ما سلامك ــــــــــــــــــ حان الزفاف وأنا حالي كيفن بوصفو يا ريت هواك لي ما انقسم ولا قلبي ريدك نذفو قالوا البعيش الدنيا ياما تشوفو تشقيهو بي فرقة عزيز وبالحسره ريقو تنشفو وإن شاء الله ما يحصل فراق لقلوب بعد ءاتولفو * بس قولي لي أنساك كيف وأنا قلبي ريدك محنو أبحر سنين في كون هواك والليله فاقد مأمنو وأنا من زمان عارف البيكون وقليبى كنت بيقنو والليله يوم حان الزفاف أنا حالي مين ما حننو ولو ده الحصاد من كل ريد ناس قيس صحيح اتجننو * جوني الصحاب وأنا قالوا لي شافوها في توب الزفاف شافوا الدموع واتحسروا والشوق غمام في عيونها طاف ومش عاد حرام ساكن الضفاف ينشره في عمرو الجفاف طول عمري بزرع في الورود وحصادي شوك آخر المطاف ــــــــــــــــــــــــ من جديد جيت تانى تكسر صمتي بالنظره الخجوله يا أمل عمري القبيل ويا سنين عامرات فصولا وما قدرت أنساك من وزمان بس ضاعت احلام الطفوله * الحنين الجيتنى بيهو جاني في لحظات ندم في زمان ضيع صبانا وكل اشتات العشم ومن جديد جيت تاني كيف تبني فيني الانهدم وما قدرت انساك من زمان بس ضاعت أحلام الطفوله *** ما بفيد أنا لو الملم من عيونك ذكريات ولو اصحى الماضي فيهن وانسي حزن الامسيات برضو زمن البهجة عدى وعمري فات فيهو الفوات وماقدرت انساك من زمان بس ضاعت احلام الطفوله ــــــــــــــــــــــــ وبقيت اغنى عليك غناوى الحسرة والاسف الطويل وعشان اجيب ليك الفرح رضيان مشيت للمستحيل ومعاك فى آخر المدى فُتينى يا هجعة مواعيدى القبيل بعتينى لى حضن الاسى وسبتينى لى للحزن النبيل ومشيت معاك كل الخطاوى الممكنة وبقدر عليها وبعرفها اوفيت وما قصرت فى حقك ولا كان عرفة غيرك اصادفها وقدر هواك يجيبنى ليك جّمع قلوبنا وولفها وكتين بقيتى معاى فى اعماقى فى اعماق مشاعرى المرهفة لا منك ابتدت الظروف لا بيك انتهت الامانى المترفة ندمان انا ابدا وحاتك عمرى ما شلت الندم ما اصلو حال الدنيا تسرق منية فى لحظة عشم وانا عندى ليك كان الفرح رغم احتمالى اساك يا جرح الالم كان خوفى منك جاى من لهفة خطاك على المواعيد الوهم اهو نحن فى الآخر سوا باعنا الهوى ماشين على سكة عدم وبقيت اغنى عليك غناوى الحسرة والاسف الطويل وبقيت اغنى عليك غناوى الحسرة والاسف الطويل وعشان اجيب ليك الفرح رضيان مشيت للمستحيل ومعاك فى آخر المدى فُتينى يا هجعة مواعيدى القبيل بعتينى لى حضن الاسى وسبتينى لى للحزن النبيل ومشيت معاك كل الخطاوى الممكنة وبقدر عليها وبعرفها اوفيت وما قصرت فى حقك ولا كان عرفة غيرك اصادفها وقدر هواك يجيبنى ليك جّمع قلوبنا وولفها وكتين بقيتى معاى فى اعماقى فى اعماق مشاعرى المرهفة لا منك ابتدت الظروف لا بيك انتهت الامانى المترفة ندمان انا ابدا وحاتك عمرى ما شلت الندم ما اصلو حال الدنيا تسرق منية فى لحظة عشم وانا عندى ليك كان الفرح رغم احتمالى اساك يا جرح الالم كان خوفى منك جاى من لهفة خطاك على المواعيد الوهم اهو نحن فى الآخر سوا باعنا الهوى ماشين على سكة عدم وبقيت اغنى عليك غناوى الحسرة والاسف الطويل ـــــــــــــــــ وينك انتي الطال غيابك العيون تسألني عنك والقليب بيقول حبابك والخطاوي الباكيه ترحل كل يوم واقفات في بابك والايادي تدور تنقّر بس تخاف قسوة عذابك يا وطن لي ناس غلابه يالعيونك للعشق أنهار وغابه زى معابد فيها بتئن الربابه حلوه يوميات مجدده حالمه ما بتعرف رتابه صامته زى حزني اللى كاتمو معاي صبابه واحبابك واحباب عينيك حبابا تسقى عمرى الظامي بى قطرة سحابه وابقى فارس في جبينى تشع مهابه من ضراعى الريد يقطر والعشق مكتوب كتابه يعني ايه الدنيا يا شمس الضحى ما لسنين يا غاليه بكره مروّحه والعمر أيامو بتوالينى رحى الاّ فى يوم سكتك ما بنبرحا (عدل بواسطة zico on 05-11-2003, 12:25 PM)

05-10-2003, 01:41 PM

Elmosley

Elmosley
تاريخ التسجيل: 03-14-2002
مجموع المشاركات: 34683

للتواصل معنا

FaceBook
تويتر Twitter
YouTube

20 عاما من العطاء و الصمود
سودانيز اوون لاين ..منبر الحق والحقيقة
مكتبة سودانيزاونلاين

Re: انا استاهل (Re: zico)
زيكو ازيك ممكن تدينا معلومه الفنان ده منو ودي الحان منو وكلمات منو اقصد انا استاهل تسلم

05-10-2003, 09:52 PM

Rose

للتواصل معنا

FaceBook
تويتر Twitter
YouTube

20 عاما من العطاء و الصمود
سودانيز اوون لاين ..منبر الحق والحقيقة
مكتبة سودانيزاونلاين

Re: انا استاهل (Re: zico)
كوكتيل جميل جدا يا زيكو شكراعلى الاختيار أستاذنا المبدع الموصلي إذا ممكن تنزل لينا (وينك انتي الطال غيابك ) ؟؟ أكون شاكرة جدا

05-10-2003, 10:43 PM

hala guta

تاريخ التسجيل: 04-13-2003
مجموع المشاركات: 1569

للتواصل معنا

FaceBook
تويتر Twitter
YouTube

20 عاما من العطاء و الصمود
سودانيز اوون لاين ..منبر الحق والحقيقة
مكتبة سودانيزاونلاين

Re: انا استاهل (Re: zico)
استاذنا الموصلى الفنان وليد زاكى الدين انا استاهل كلمات عماد الفضل والحان وليد زاكى الدين (عدل بواسطة hala guta on 05-11-2003, 01:00 AM)

05-10-2003, 11:54 PM

bamseka

bamseka
تاريخ التسجيل: 04-07-2002
مجموع المشاركات: 2451

للتواصل معنا

FaceBook
تويتر Twitter
YouTube

20 عاما من العطاء و الصمود
سودانيز اوون لاين ..منبر الحق والحقيقة
مكتبة سودانيزاونلاين

Re: انا استاهل (Re: hala guta)
1 عيشى الهنا وعيشى السعادة اصلو مكتوب من زمان نفسى ما يتحقق مراده مابلومك فى اختيارك لو انت جد فى الفرقة جاده ايه يفيد الدمع بعدك لو يطول بعدك مداده لسع بذكر كلامك يوم عبدنا الحب عباده زيكوو وانا استاهل

05-11-2003, 08:45 AM

قرشـــو

قرشـــو
تاريخ التسجيل: 02-05-2002
مجموع المشاركات: 11385

للتواصل معنا

FaceBook
تويتر Twitter
YouTube

20 عاما من العطاء و الصمود
سودانيز اوون لاين ..منبر الحق والحقيقة
مكتبة سودانيزاونلاين

Re: انا استاهل (Re: bamseka)
العزيز زيكو ده ما سلامك ياخوى واحدة واحدة علينا انت زعلان مننا ولا شنو والله ده كثير علينا شديد لك تحياتى

08-13-2003, 00:24 AM

waleed500

waleed500
تاريخ التسجيل: 02-13-2002
مجموع المشاركات: 6653

للتواصل معنا

FaceBook
تويتر Twitter
YouTube

20 عاما من العطاء و الصمود
سودانيز اوون لاين ..منبر الحق والحقيقة
مكتبة سودانيزاونلاين

Re: انا استاهل (Re: قرشـــو)
والله ما بتستاهل يحصل عليك كده

08-17-2003, 11:25 PM

elhilayla

elhilayla
تاريخ التسجيل: 02-05-2002
مجموع المشاركات: 5571

للتواصل معنا

FaceBook
تويتر Twitter
YouTube

20 عاما من العطاء و الصمود
سودانيز اوون لاين ..منبر الحق والحقيقة
مكتبة سودانيزاونلاين

Re: انا استاهل (Re: zico)
مـــــبروك العروس هوزي العريس الفاتح زيكو

[رد على الموضوع]

صفحة 1 „‰ 1: << 1 >>

احدث المقالات بسودانيزاونلاين اليوم

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to bakriabubakr@cox.net