|
|
 يسالني الله يا مصطفي اسماعيل الكلام ده حاصل
|
براحه يا ناس
الزول ده ما عندو راس . قبل عهد الانقاذ كنا لما نابي العشاء يدقونا ضرب شديد عشان ما تنوم جعان
في عهد الانقاذ يسالني الله الشفع يقولوا عايزين عشاء يدقوهم دق نضيف في شيل الحال
اسعاف المسنشفي يوصلو بيه المرضي بعد خروجهم منها الي بيوتهم وايضا الموتي الكلام ده قبل الانقاذ
وفي عهد الانقاذ يسالني الله ياجماعة خرجت ام من مستشفي الخرطوم تحمل ابنها وعمره سنتين ميت وركبت به
في البص وهي تبكي سالنها لماذا تبكي حكت قصة مرض ابنها وموته ولم يكن معها حق التاكسي وسالت في المستشفي
عن امكانية ترحيلها عن طريق عربة من المستشفي ولم تجد من يساعدها
|
|
 
|
|
|
|
|
|
|
|
Re: يسالني الله يا مصطفي اسماعيل الكلام ده حاصل (Re: saif massad ali)
|
قبل الانقاذ يازول يا فاشل في قريتنا عندنا تخزين في حاجة اسمها المطامير ,المطموره الواحده تكفي القرية
لمدة سنة وكانن اكثر من 16 مطمورة
اليوم ولا مطمورة واحده عندنا مافي لانكم اهملتم عن قصد مشروع الجزيرة ورفعتم الضرائب علي المزارعين
وحجزتم المويه عن الزراعة .غالبية اهل القرية يشترون العيش وهم في قلب مشروع الجزيرة
كل مواطن من اهل القرية يورد مابين 60 و70 جوال قمح لمطاحن غلال قوز كبرو ,اليوم غلال كبرو انتهت نهاية مره والمواطن عندنا كل ما ينتجة لايزيد علي 40 جوال
مزرعة الخضروات كنا نصدر اسبوعيا الطماطم الي كل من مدني كسلا القضارف والخرطوم ثلاثة لواري اوستن والرابعة عربة بديفور يطلق عليها السفنجة
اليوم ولا ثلاثة بكاسي في عهد الانقاذ عهد السرقة والغش والكذب
| |
|
|
|
|
|
|
|
|
|
Re: يسالني الله يا مصطفي اسماعيل الكلام ده حاصل (Re: saif massad ali)
|
يا ود مساعد
قريب دا كنا بنقرأ فى المدرسة بالمجان..
يوزعولنا الكراسات... و الكتب كمان
و الناس القبالنا قالوا حتى الاقلام و الحبر و المحبرة كلو يدوك ليهو فى المدرسة
هسة بالله ناس مصطفى عصمان ديل يطردوا العيال من المدرسة عشان ما دفعوا الاتاوات
تصدق فى عقد الثمانينات كانت الحكومة بترش البيوت من الباعوض
ايوة و الله من بداية الخريف يمروا على البيوت كلهن يرشوهن و يفتحوا المصارف
و خدمات اٍصحاح البيئية كانت فى السماء فوق و كلو بالمجان
مصطفى تمبوش زمانه يقول لينا كنتوا حشادين!!!
| |
|
|
|
|
|
|
|
|
|
Re: يسالني الله يا مصطفي اسماعيل الكلام ده حاصل (Re: abubakr salih)
|
الحبيب ابوبكر صالح
Quote:
يوزعولنا الكراسات... و الكتب كمان
و الناس القبالنا قالوا حتى الاقلام و الحبر و المحبرة كلو يدوك ليهو فى المدرسة
|
يا اخوي عبد الباسط سبدرات قال في جلسة انو فخور ابوه كان غفير لكن علمهم كلهم نط ليهو واحد
قال ليهو انت قريت علي حساب الشعب السوداني التعليم المجاني
لو ابوك كان في عهد حكومتك دي ولا واحد فيكم كان قرا مافي
| |
|
|
|
|
|
|
|
|
|
Re: يسالني الله يا مصطفي اسماعيل الكلام ده حاصل (Re: شكرى سليمان ماطوس)
|
Quote: يا اخوي عبد الباسط سبدرات قال في جلسة انو فخور ابوه كان
غفير لكن علمهم كلهم نط ليهو واحد |
بس عبدالباسط في ذمتك لو كان ابوك ده غفير في عهد حكومتك دي لكنت تبحث عن موطئ قدم لك في اخر صفوف
المهللين والمكبرين....يعني حتي الكاميرا لن تتمكن من الوصول لمكانك وسط القوم...ام كنت يارب
ستكون في مقدمة المعارضين؟؟
| |
|
|
|
|
|
|
| |
saif massad ali
خدر
abubakr salih
عزام حسن فرح
شكرى سليمان ماطوس
ibrahim alnimma
فيس بوك
تويتر
انستقرام
يوتيوب
بنتيريست