|
|
|
 Re: أشك في إستمرار الهلال .. (Re: nazar hussien)
|
يا طلحة :
بديت كويس وان كان الموضوع تتلبسه روح الشماتة لكن جيت وطبزتها وانت تكتب بي نكهة المشجع العادي..
اووول شي مهند الطاهر لم يكن في افضل حالاته وكان واحد من اسوأ اللاعبين لكن انت بقيت مشجع عادي وحسبتها ليهو عشان جاب هدفين والاتنين من ضربات ثابتة فاول وضربة جزاء..
لو قلت عمر بخيت لو قلت حمودة لو قلت كاريكا كان وافقتك ..
ضربة الجزاء صحيحة واللاعب بييض الكورة وكان ممكن احمد عادل يلحق الكورة لو مر من اللاعب بعد ما الكورة فاتتو ..
بلعناها في كورة الاهلي مدني وقلنا ليكم كلامكم صاح في ضربة ما صاح واللاعب يدو ثابتة لكن كمان ما اي ضربة جزاء للهلال معاناها غلط وما اي كورة تضرب في اليد تجرو لي حنك ثابتة ده ..
ما كنت متابع للبرود لكن ما عارفك هل كتبت موضوع مشابه لمن المريخ فاز 2-1 على الرواندي؟؟؟
مع العلم انو الرواندي قدم مباراة جعلت جمهور المريخ يصفق ليهو ويكورك في لاعبيه !!!
لو ما كتبت موضوع مشابه يا طلحة يبقا انت زول ساااي وبتكتب سااي وعايز تشتهر ككاكتب على حساب الهلال اكتر من تشجيعك للمريخ ..
| |
 
|
|
|
|
|
|
|
 Re: أشك في إستمرار الهلال .. (Re: محمد البشرى الخضر)
|
طلحة يا وجيه
سلامات ومشتاقين ياخ ...
بالله ياطلحة براحة على الرشاشات ديل .. كفاية كلاتشي عليهم ... ياخي ود البشرى ده براه الفيه مكفيه خليه من يوم فاز المريخ ببطولة الدوري وهو لافي لامن تعب أها كمان كاس السودان خلاه يهضرب براه وجاء كاس الذهب بتاع السد سد نفسه فريد مرة ... ياخي أرحمه عليك الله ....
ياود البشرى ياخي أقول ليك حاجة .....
قوم لف ......
| |
|
|
|
|
|
|
|
|
|
أمنيات وتوقعات (Re: طلحة عبدالله)
|
(أتمني) إستمرار الهلال لكنني (لا أتوقع) ذلك عطفا علي المستوي المتواضع جدا للفريق ما يعزز من إحتمالية أن يسجل خصمه من جزيرة رينيون هدفين وثلاثة وربما أربعة هناك بأرضه ووسط جمهوره سيما وأن الدفاعات الهلالية التى شاهدناها علي ملعب الخرطوم كانت تحتشد بالثغرات والسلبيات وإلا لما وصل مثل هذا الفريق الضعيف إلي المرمي مرة وكاد أن يفعلها أكثر من مرة .
إذا كان الفريق الخصم سجل هدفا علي ملعب الهلال فمن السهل جدا أن يسجل أضعافه بأرضه وبمساندة جماهيره وتحيز الحكم .
وإذا فشل هجوم الهلال في إستغلال ضعف دفاعات فريق روينيون بالخرطوم فكيف سيفعل ذلك هناك حيث كل شىء يضاعف من شدة الضغوط والمؤثرات الخارجية وإحتقان الأعصاب ..؟
إن أسبوعين فقط ليس كافية لإعادة ترتيب الأوراق الهلالية التى تبعثرت بإستاد الخرطوم ولن تساعد المدرب (الجديد لنج) في معالجة السلبيات وتصحيح الأخطاء التى شابت أداء اللاعبين في لقاء الذهاب ،وهو ما يقلص خياراته في وضع التشكيلة والخطة المناسبتين للمواجهة المقبلة بحيث لا يكون أمامه إلا تكثيف الناحية الدفاعية لمنع الفريق الخصم من الوصول لهز الشباك ، وهنا تكمن الكارثة ، لأن الفريق الآخر حتما سيدخل المباراة وفي حساباته مثل هذه النوايا وبالتالي ستكون له قطعا أساليبه التى ستقوده لاحداث الثغرات المطلوبة للنفاذ من خلالها لطرق مرمي ضيفه وهو أمر وبمعطيات الواقع الفني للفريق الهلالي ميسورا جدا .
يتبع ..
| |
|
|
|
|
|
|
|
|
|
Re: أمنيات وتوقعات (Re: طلحة عبدالله)
|
| Quote: إذا كان الفريق الخصم سجل هدفا علي ملعب الهلال فمن السهل جدا أن يسجل أضعافه بأرضه وبمساندة جماهيره وتحيز الحكم . |
يا رااااااااااااااااااااااااااااااااااجل..
وصفر-صفر حقتكم دي كانت ملعوبة في طشقند؟
| |
|
|
|
|
|
|
|
|
|
. (Re: طلحة عبدالله)
|
نزار يا عزيزي
صدقني ما أكتبه في هذا البوست لا أقصد منه الإستهزاء من أبو الهل
| |
|
|
|
|
|
|
|
|
|
Re: . (Re: طلحة عبدالله)
|
إذا كان الهلال سيئاً هذه الأيام فالمريخ ليس مانشستر أو برشلونة ولا حتى بتروجيت
المريخ أيضاً متواضع في كثير من الأحيان وتكفي "زنقة" أتراكو الرواندي في دوري الـ 64 ومباراة الـ الصفر الشهيرة..
لا أحد يلعب باسمه..أبداً ، عندما تأهلت بلغاريا الى نهائيات كأس العالم 94 وهزمت فرنسا في باريس في الدقائق الأخيرة ، مثل هذا نعرف معه ماهي كرة القدم.في رواندا كان يمكن للكرة أن تدخل في أي زمن ، وهدف واحد فقط كان يكفي يا أستاذ طلحة لأن "تطيروا" في أكبر فضيحة.. المشوار في أوله سادتي والاتحاد الليبي باتفاق الجميع لم يكن اختباراً حقيقياً..لنرى ولا يفيدكم اذا كان الهلال سيئاًأو لا ، نحن أكثر منكم خبرة على مقارعة كبار افريقيا ، ولكن نعلم أن الهلال ليس في مستواه ولا يملك ما يملكه المريخ من أموال..الغريب بالطبع أنه لم تمر الا شهور على بداية الهستريا المريخية والمريخ الآن يصدق بأنه فريق بامكانيات عالمية.
يا حليل التوالي الخامس
| |
|
|
|
|
|
|
|
|
|
. (Re: طلحة عبدالله)
|
عمران حسن صالح يا صديق
صدقني ..
نحن كزعماء مريخاب يسوءنا والله ما يحدث للحاشية ..
فلت لي المسكين تامبا بقي متخصص نقاط بوليس يعني ..؟
| |
|
|
|
|
|
|
|
|
|
up (Re: طلحة عبدالله)
|
طلــــــوح ( أو في مقولة محمد عادل المريخابي) ...
| Quote: أشك في إستمرار الهلال .. |
و أنا اشكـ في إنكـ بتعرف كورة من الأساس ...
ليه حق شداد يسميكم إعلام القعونج ...
| |
|
|
|
|
|
|
|
|
 Re: up (Re: خالد عبد الله محمود)
|
الأخ طلحه:
حرام عليكم كده كتير..
ماممكن مصطفي اسماعيل يقول السودانيين زي الشحاتين..
وانت تقول أشك في استمرار الهلال..
صدق تركي الدخيل
| Quote: الذي لم يجد لمدح حكومته، حكومة الإنقاذ، إلا الإساءة إلى الشعب السوداني، واعتباره كان شحّاتاً |
طلحه ياخ انت ما تشكر مريخ السويد ده مالك ومال الهلال التعباااااااااان ده..
حكايه عجيبه..
| |
|
|
|
|
|
|
|
|
 Re: up (Re: Amany Elamin)
|
هوي هــااا يا مسكين ..
انت قايل كتاب المريخ ديل الشهرهم شنو ما ياها الكتابة في الهلال سيد البلد ..
غير كده إلا تلقاهم بكتبو على عواميد حيط إستاد المريخ ..
بس ما تقولي لي زمان ..
نحن قبيل شن قلنا ما قلنا ليكم المريخاب ديل هلالاب زعلاين ما صدقتونا ..
يوم الجمعة الماضية كنت منتظر واحد مريخابي يكتب عن مباراة المريخ والإتحاد الليبي ما لقيت غير الرياضي الأصيل هارون دياب ..
كلكم بتدخلوا مساكنكم ما بتظهروا إلا بعد الإطمئنان على نتيجة مبارياتكم ..
أها جنس دا نقول عليهو شنو ..
ياخي أتحلو بالشجاعة وقولو كلامكم دا لفريقكم وخلونا نحن في فريقنا إن شاء الله نرجع نلعب في درجة أولى تاني ..
ولا نرجع بيكم خمسة سنوات وراء نبدأ ليكم من عمكم نجاد مروراً بأليجا تانا ..
ياخي كتابكم ديل لسه ما بفرقوا بين التور والطحين تقول لي كتاب ..
بعدين تعال هنا القال ليك منو نحن عايزين نصائح منكم ..
ياخي كلامكم دا وفروهو ما شاء الله نحن عندنا البنصح ولا نسيت فرسان الهلال المعظمهم مدربين الآن في الدوري الممتاز ..
غايتو يا ناس مريخ مانشيستر البشوف كلامكم يقول دامر دا ما قاعدين يجو ماشين فيهو ساي ولا مرماكم ما بدخل فيها أهداف ..
ولا موسى الزومة الكوّره كلها في الكشافات ..
ولا أقول ليك أمشي قول كلامك دا لطمبل وكلاتشي قول ليهم القون بي هنا ( في إشارة للمرمى ) ما ودوهو المدرجات ..
قالوا الجمل ما بشوف عوجة رقبتو ..
بجيك تاني النفضى ليك ..
تحياتي وسلامي ..
| |
|
|
|
|
|
|
|
|
|
القليص (Re: طلحة عبدالله)
|
متلقي الحجج ود الفاروق
* شنو هو البديت كويس وما كويس يا قليص أفندي ..؟؟
* الشماتة لا أنكرها أو أدعيها ردا علي هرفك ومشجعي فريقكم المهلهل وتجنيكم المستمر علي زعيم الكورة السودانية وملكها المتوج وإن أنكرتم وكابرتم ..
* أما حكاية عايز أشتهر علي حساب ابو الهل دي فهي فرصة لن أهدرها إذا كان الكلام عن أبو المهلهل يجلب الشهرة ، لأنه وببساطة لا نية لدي في أن أترك لك الشهرة لتتمتع بها وحدك كونها ليس حكرا عليك مثل ما إنها لا تشتري ولا تكلف إلا مثل هذا ( النضم ) عن الفريق المهلهل.
* وبعدين المفروض أشوف الشايفو أنت يا أبو عمير واتقيد بيهو واللا الفهم شنو يا صاحبك .. ؟؟؟؟؟؟
** عمموما:
أري أنه لولا مهند الطاهر لما فاز أبو الهل المهلهل أصلا وبالمقابل لم أر أية إيجابية غير عادية لحمودة وبخيت بالنظر لخبرتهما وتمرسهما في مثل هذا النوع من المباريات ، ولو كان بخيت وزميله حمودة فعالين لضاعف فريقكم الضعيف من غلة أهدافه كون أن الفريق الضيف كان متواضع الامكانات الفنية ، وأستغرب لماذا أبقي مدرب الهلال على هذين اللاعبين طوال زمن المباراة ولم يقم بسحب أحدهما علي الأقل علي نحو ما فعل لسيد الفريق هيثم .
لاحظت أن حمودة أضاع الكثير من الوقت في اللف والدوران والمراوغة غير المجدية وتأخير اللعب لأنه كان ينتقي الزميل الذي يخصه بتمريراته وكأنه يستكثرها علي البعض ، فيما عمد عمر بخيت وفي أحايين كثيرة للعب دور القشاش برد الكرة أو تشتيتها كيفما إتفق وهو ما أتاح للطرف الآخر خاصية الإستحواذ علي الكرة بسهولة ودون مضايقة أو ضغط ، علاوة علي أن اللاعب بخيت تقمص دور ( الراستا) وظل يوجه اللاعبين بطريقة (فظة) لدرجة أن اللاعب النعيم وبعد دخوله كاد أن يشتبك معه وهو الأمر الذي شكل ضغوطا علي زملائه وكان عليه كلاعب خبرة أن يكون أكثر هدوءا ويسعي لإمتصاص التوترات التى تحدث بين اللاعبين لا أن يؤججها.
نهايتو :
النسخة الحالية هذه البطولة أحسن ليكم تقنعوا من خيرا فيها وتكسبوا الوقت لترتيب وإعادة تنظيم صفوف فريقكم القاعد ساي دا عشان تجوا السنة الجاية أكثر قدرة علي الصمود بدل الملاوة القاعدين تعملوا فيها دي .
| |
|
|
|
|
|
|
|
|
 Re: القليص (Re: طلحة عبدالله)
|
| Quote: ( أو في مقولة محمد عادل المريخابي) ... |
ههههههههههههههههه
| Quote: و أنا اشكـ في إنكـ بتعرف كورة من الأساس ... |
ككككككااااااااككك
| Quote: ليه حق شداد يسميكم إعلام القعونج ... |
هاهاهاهاهاهاهاهاها ...
استغفر الله العظيم
اللهم اجعلو خير
| |
|
|
|
|
|
|
|
|
|
الزين (Re: طلحة عبدالله)
|
محمد يوسف الزين
كلامك بالنسبة لي صاح في بعضه ولكن حكاية أنو الزعيم المريخي ضعيف وكان ممكن يطير فدي ما صدقت فيها لأنو لو فرضنا صحة زعمك رغم أن خبرة المريخ وأسمه المرعب يجعله يتأهل حتى لو لعب بفنايله ، ولكن حتى لو طار فهذه لا تعتبر مشكلة كما هو الحال بالنسبة لأبو الهل المهلهل كون أن الإمبراطور المريخي سبق وأن تذوق عسل الفوز بالبطولات الخارجية وتسبع من القابها بما يجعل مشاركاته اللاحقة هي لزيادة الخبر والبركة .
أما بالنسبة لأبو الهل فهو قطعا يحتاج إلي ما يبل به ريقه بعد عطش عمره نحو ثمانين عاما وربما نيف .
| |
|
|
|
|
|
|
|
|
|
. (Re: طلحة عبدالله)
|
خالد عبد الله محمود
غايتو لو بتقصد بمحمد عادل الزول العضو معانا في المنبر دا فهو ( زميل) إحترمه وأري أنه لا عيب فيه سوي تشجيعه لأبو الهل المهلهل وتاليا فشرف لي أن تشبهني به ، اللهم إلا إذا كنت تري به عيوبا يستحي منها خلق الله .
ولو عندك رأي تاني تعال عديل بالباب يا قريبك .
بالنسبة لقعونج شداد فالكلام لا يعنيني لأنني إعتزلت مهنة الصحافة وآثرت أن أكون مشجعا متعصبا للزعيم المريخي الذي لا أري ناديا أكبر منه لا بالسودان ولا حتي بأفريقيا .
| |
|
|
|
|
|
|
|
|
|
Re: . (Re: طلحة عبدالله)
|
طلـــوح ...
| Quote: غايتو لو بتقصد بمحمد عادل الزول العضو معانا في المنبر دا فهو ( زميل) إحترمه وأري أنه لا عيب فيه سوي تشجيعه لأبو الهل المهلهل وتاليا فشرف لي أن تشبهني به ، اللهم إلا إذا كنت تري به عيوبا يستحي منها خلق الله . |
طبعاً لازم تتشرف في النهاية محمد عادل هلالابي و سيد بلد ...
بس مشكلتو إنو أشتر زيكـ كده ..
يعني أسه أنت مشجـــع و لا صحفي ؟؟؟
الحتة دي لازم يفتينا فيها الأخ المهندس الإعلامي و الصحفي صلاح غريبة كااااااااكـ
| |
|
|
|
|
|
|
|
|
|
Re: . (Re: طلحة عبدالله)
|
هوي هــــااا يا مسكين ..
انت مهند الطاهر دا بلعب في الرابطة القلقالة ؟
ركز معانا بالله ..
أحب الهلال زااااااتو ..
| |
|
|
|
|
|
|
|
|
|
خالد (Re: طلحة عبدالله)
|
أبو الخلد| Quote: يعني أسه أنت مشجـــع و لا صحفي ؟؟؟ |
ح أفترض أنك ما شفت أو شفت وما فهمت ردي ليك دا :Quote: إعتزلت مهنة الصحافة وآثرت أن أكون مشجعا متعصبا للزعيم المريخي الذي لا أري ناديا أكبر منه لا بالسودان ولا حتي بأفريقيا .
|
وبقول ليك العايزو انت وخاتيهو في رأسك أتعامل بيهو معاي وما عندك مشكلة يا شهم
أما بالنسبة لي دي عيب لي الشتارة بس .
| |
|
|
|
|
|
|
|
|
|
Re: وفيما العجب (Re: طلحة عبدالله)
|
أموووت أنا في الصير ( صغار السمك ) يا جماعة عشان المعلومة وكده ..
هوي هـــااا يا مسكين ..
منو القال ليك نحن عايزين نصائحكم دي ..
نحن هلالاب أسياد بلد نقعد نقوم على كيفنا يا وصيفاب ..
نسيتو ولا نذكركم خمسة سنوات ما بتعرفو لبطولة الأندية الأبطال طريق ..
ولما جيتو تلعبو فيها ودوكم ورا خالس دور الـ64 وناس الكاف بسموهو التمهيدي ..
إذن يا هداكم الله لما تدخلو الروضة كلمونا عشان نلقى ليكم مكان بين الكبار ..
بعدين أنتو يا هداكم الله خمسة سنوات كنتو في الحضانة يا دوب بتتعلمو كيف تمشو تمهيدي ..
وسيد البلد زي ما معروف عند الكبار بدأ من حيث يبدأ الكبار ..
وإنتو يا رعاكم الله وهداكم تاكسي واحد دوخكم كان ح ينزلكم التمهيدي بالنص محطة التكاسة ..
لمن بقت حالتكم تحنن يا هذا هداك الله ..
وعشان ما نستبق الأحداث ننتظر فريق الدريم بتاعكم دا ح يعمل شنو لي قدام ..
ونحن والله يا أخ الرياضة لو لعبنا بي كشافاتنا ساي بنغلب ..
حتى أسأل الأهلي المصري والترجي التونسي ووو ..
أحييي أنا يا صغار السمك ..
| |
|
|
|
|
|
|
|
|
|
Re: وفيما العجب (Re: معتصم دفع الله)
|
العريس الوجيه مووو
| Quote: نسيتو ولا نذكركم خمسة سنوات ما بتعرفو لبطولة الأندية الأبطال طريق .. |
ياموو نحن فعلاً خمسة سنوات ماعرفنا طريق أم البطولات ... بس قبل الخمس سنوات عرفناها وبعديها ( الان ) سايرين في طريقها .... السؤال:
أنتو كم سنة ماشلتوا ليكم بطولة خارجية ؟
الأجابة بدون إنصارفيه ياوجيــــه ..!!!! 
وأحب أنا الصير وأمووووت في العصافير زاااااتها ياخ ... ومشتاقين ياخي أبقى أظهر ....
مودتي ..... ( وليس مودتك ) ..
| |
|
|
|
|
|
|
|
|
|
كمين (Re: طلحة عبدالله)
|
ودو كماين
مسكول بتاع حنانك ..؟
قلنا ليكم البحر ما لعب صير
وقد تم شرح مفردة الصير سالفا ..
| |
|
|
|
|
|
|
|
|
|
أبو الدقيق (Re: طلحة عبدالله)
|
وهبة
عليك الطلاق بالتلاتة تبطل الحماقة البتعمل فيها دي وتخليك عادي ..
انعل أبو دي غير موفق ياخ .
شوف عامل كيف ..
| |
|
|
|
|
|
|
|
|
|
ملك (Re: طلحة عبدالله)
|
العريس العائد لمسكنتو كرشاشة موجوع المعتصم
أٌٌقول ليك ملك يخاف علي رعيتو تشبكني ما تنصحونا وما ترفدونا
عمرك سمعت ليك بي تلميد بقول لاستاذو ما تنصحني وما تدرسني
تأدبوا يا قوم .
| |
|
|
|
|
|
|
|
|
|
ربما ... (Re: طلحة عبدالله)
|
أقول أنه إذا كانت نسبة خروج الهلال من الدور الأول للمسابقة كبيرة وترجح بشدة نسبة إستمراره إلا أن كرة القدم لا تعترف في الغالب بالمنطق والتوقعات المسبقة حتى ولو توافرت لها المعطيات والبراهين القوية ، وإلا لإنعدمت إثارتها وخف تشويقها ولما ميزها هذا الغموض الجاذب الذي ضاعف من شعبيتهاعلي نحو مذهل .
وبناء عليه فهناك (بصيص أمل ) وعلي الهلاليين أن يتحلوا بشىء من الصمود في مواجهة اليأس بسرج خيول الإصرار والعزيمة والجسارة في لقائهم المقبل فربما مارست المستديرة بعض جنونها وعاد الهلال من هناك يتأبط ورقة الترقي للدور ثمن النهائي وبعدها (يحلها ألحلال).. وقد قيل ( الرزق تلاقيط ).
لكن وبالمقابل من الخطل الإعتماد كليا علي الحظ والصدف وتقلبات كرة القدم بيد أنه لابد من القتال والتجاسر علي ميدان المعركة المقبلة وفق خطة محكمة تفاجىء أصحاب الأرض وتأخذهم علي حين غرة .
علي مدرب الهلال أن يبتعد أولا عن التكتيات التقليدية التى تعتمد علي التمترس الدفاعي والإعتماد علي الهجمات المرتدة لأنه وكما قلت فمن المؤكد أن الأخوة الاعداء في جزيرة رينيون تحسبوا لهذا الداء المعتاد ووضعوا له دواءه الناجح الناجع .
لماذا لا يجرب الهلال طريقة 3_6 _1 علي أن يلعب بثلاثة لاعبي إرتكاز فيما يساعد لاعبا الجنب ثلاثي الدفاع ويتحولان لباكات مهمتهما منع رفع الكرات العرضية بقدر الإمكان فيما يتمرجح لاعب الوسط السادس ما بين مساعدة لاعب الهجوم ومؤازرة المحاور الثلاثة .
بهذه الطريقة يستطيع مدرب الهلال مفاجأة نظيره مدرب الفريق الخصم وربما بعثر كل أوراقه منذ البداية لأن الأخير يحتاج للفوز وحتما سيدبج فريقه بخطة هجومية قوامها بناء الهجمات من العمق وأطراف الملعب ، وفي حال لعب الهلال بالطريقة أعلاه فأنه سيهيمن علي منطقة المناورة التى يتكاثف فيها ثلاثة لاعبي محور ورابع متمرجح فضلا عن ثلاثة مدافعين يرقبون بتحفز ما ستسفر عنه منطقة المناورة إلي جانب تأمين المنطقة أمام المرمي بمنع رفع الكرات العرضية بواسطة ظهيرا الجنب .
الفريق الخصم أكثر تواضعا من أن يرتجل خطة بديلة أثناء اللعب للتغلب علي إستراتيجية الهلال وبالتالي فمن المؤمل أن ينهي الأخير الحصة الأولي علي الأقل بالتعادل لتتبقي أمامه فقط 45 دقيقة لا أظنها ستكفي أصحاب الأرض للنيل ثلاث مرات من الشباك الزرقاء ، هذا بإفتراض أن الهلال لم يخطف هدفا بوسيلة ما.
| |
|
|
|
|
|
|
|
|
|
Re: ربما ... (Re: طلحة عبدالله)
|
Quote: نزار يا عزيزي
صدقني ما أكتبه في هذا البوست لا أقصد منه الإستهزاء من أبو الهل
|
يا عزيزي طلحة....
لا عليك...فالهلال يحتاج لكتابة اقسي مما انت كاتب هنا
فقد تفرجت عليه قريبا جدا في استاد الخرطوم في مباريات ودية
وفي تمارينه...وما اقتنعت الا باداء هيثم مصطفي وديمبا...والنعيم
الصحافة...وسيف مساوي...(كأداء رجولي..) اللاعبين الجدد...بمن فيهم
كاريكا...لم يقنعوني ابدا...وكذلك المدافع الايسر دا ماسورة عديل
| |
|
|
|
|
|
|
|
|
|
مرجحانية (Re: طلحة عبدالله)
|
العمدة ودمحمود يا صفوي
الناس ديل يا خوي إنطبق عليهم القول (أقرع ونزهي) بمعني أنهم كزول مبتور الأطراف ومصر علي أنو يطلع الجبل أو كما ورد .
ثم أنهم يحاولون إقناع أنفسهم تضليلا بإن الكتوف ولا شك متلاحقة وحاشا لله أن يستوي جالب البطولات الخارجية بربيب الحفر المحلية ..
دعهم ياصديقي في مسكنتهم يتمرجحون فالتمرجح سمح للصغار.
| |
|
|
|
|
|
|
|
|
|
عاقل (Re: طلحة عبدالله)
|
نزار يا فاضل
عليك الطلاق أنت من أعقل الهلالاب المروا علي
لكن المشكلة في رواد أدب المكابرة الغارقون في الغلاط المادايرين يعترفوا بوهن أبو الهل وهلهلتو .
وقد قيل في المقام :
الإعتراف بالضعف كل الطريق للقوة .
| |
|
|
|
|
|
|
|
|
|
Re: عاقل (Re: طلحة عبدالله)
|
هوي هـــــااا يا مسكين ..
بالله تعال علق لينا على مباراة الدريم تيم ونيل الحصاحيصا ..
المباراة كلها ما شفت لي باصين مع بعض ..
المباراة كلها ما شفت لي شوتة مسكها الحارس أو أنقذها للركنية ..
كل التهديفات كانت من لاسانا فاني ويا حظ ناس المدرجات الجنوبية استمتعوا بالكور الجاتهم منه ..
كلاتشي لو ما الهدف الصدفة الأحرزه ما كان سمعنا بيهو ..
على فكرة انت هيثم طمبل كان لاعب في المباراة دي ؟..
بعدين عمو العجب دا شوفو ليهو وظيفة في الجهاز الفني ( ياخي دا رأي زول يهمه المصلحة )..
قوم لف كده ..
مساء الخير يا قريبي ..
| |
|
|
|
|
|
|
|
|
|
Re: أشك في إستمرار الهلال .. (Re: معتصم دفع الله)
|
سلامات يا عاشق الهلال (طلحة)، وفي الحقيقة أنا مقدر شعورك، لأنو الكتابة عن الهلال
ممتعة جداً جداً جداً :)
_____________________________________________
* أخشى على الهلال كثيراً في جزيرة ريونيون من دفاعه غير المنظم، فقد شكلت معظم
الطلعات الهجومية لفريق ريونيون خطراً على الهلال (أو كادت). صحيح أنه لم تكن
هناك فرص ضائعة للفريق الضيف باستثناء واحدة أو اثنتين أطاح بهما مهاجموه
بعيداً عن المرمى؛ إلا أن دفاع الهلال كان "مكشوفاً"، ولا أظنه كان سيقوى على
الصمود أمام فريق أقوى من ضيفه الريونيوني.
* الفوز بنتيجة 3/1 لا يعتبر مطمئناً لأن إحراز بطل ريونيون لهدف -لا قدر الله- في
الشوط الاول لمباراة الإياب سيجعل الهلال في وضع حرج في شوط اللعب الثاني.
* أتمنى أن يوفق البرازيلي دي سانتوس في اختيار طريقة اللعب المناسبة لمباراة
الإياب، وعليه الإسراع بحل مشكلة الفريق التنظيمية التي لا تخطئها عين.
* نظريا كده: علاء يوسف وسيف مساوي إضافة مقدرة للهلال في ريونيون.
* ونظرياً برضو: من الأنسب اللعب بليبرو ومساكيْن لتقوية مستوى الدفاع غير المطمئن،
ولست من أنصار تقليص عدد المهاجمين بقصد التدعيم الدفاعي (اللعب بمهاجم واحد).
يعني: 3/5/2 أفضل للهلال في ريونيون من 4/4/2 و3/6/1، ومن الأفضل الاعتماد على
علاء ومساوي في الوسط لتميزهما بالمجهود الوافر.
* لا بديل لهيثم مصطفى في الهلال، فهو الوحيد القادر على خلق شكل منظم للفريق
عندما يكون في لياقة بدنية جيدة، ذلك لإجادته لدور صانع الألعاب المحوري. لا أثق
-بعد- في قدرة مهند على القيام بدور هيثم، ولم أشاهد النعيم إلا عندما شارك
بديلاً في مباراة الذهاب، وإن شاء الله يكون قادر على تدعيم الشق الهجومي لوسط
الهلال.
...
يتبع :):)
| |
|
|
|
|
|
|
|
|
|
Re: أشك في إستمرار الهلال .. (Re: Ahmed Alrayah)
|
يا أبوحميد بركة الجيت ..
حمدلله على السلامة وينك مختفي ليك مدة ..
بالأمس قدم الهلال مباراة كبيرة وفاز بخمسة اهداف جميلة وملعوبة ..
اللاعبون ظهر عليهم الانسجام وبمزيد من المباريات سنشاهد هلال مختلف يهز الارض باذن الله ..
عايزين لينا بوست كارب عن المباراة الجاية ..
خليك قريب الحمام الميت دا قام ليهو جنحين ..
ابقى طيبب يا حبيب ..
طلحة قريبي ..
ابو المسكنة صباح الخير ..
منتظرين تعليقك على مباراة الامس ..
| |
|
|
|
|
|
|
|
|
|
Re: أشك في إستمرار الهلال .. (Re: Ahmed Alrayah)
|
الاخ العزيز طلحة:
كل ماتكتبه يصب في مصلحة انك هلالي حتي وان اظهرت انك تشجع الهلال( ب )
ماذا يضير أن نصبر علي هذا التيم المجدد ....اذا صبر المريخ خمسة اعوام علي لاعبيه حتي حصل علي بطولة الدوري (وإن كان بمساعدة التحكيم بدءا من بورتسودان وعطبرة وحتي عبر مدني ) أو عبر اللعب من الخارج وعلي المكشوف عبر ثغرات في نادي الهلال عرف كيف يستغلها وهنا لا ألوم أهل المريخ بل ألوم إدارة الهلال التي لم تفطن لكل الوسائل التي تحمي بها مصالح النادي من هجمات الكاش الذي يقلل النقاش )
وصل الي التأهل دوري الابطال وإن كان من هذا الباب ....لم تفت هذه الحقيقة علي أهل الكاف الذين يعلمون قدر الاخرين وكان اكبر إحباط لاهل المريخ أن وضعهم الكاف في هذا الوضع المهين وهم أبطال الدوري بأن يلعبوا من التمهيدي بينما يلعب الثاني من مرحلة الكبار.
واصل أهل المريخ إظهار عقدتهم وسعوا لدعم ناديهم بما تيسر من لاعبي الهلال المسجلين وغير المسجلين وحتي من طلب الهلال ودهم وخاطبهم للتسجيل كانت يد المريخ الطولي بواسطة الكاش والذي تعدي الارقام الخرافية فظفر بمن ظفر من لاعبي الهلال ونسج الخطط لمن لم يظفر منهم مباشرة حتي يتمكن من ذلك لاحقا وهنا لا الوم ادارة المريخ بل الوم ادارة الهلال للتهاون
وعاد المريخ لنغمة الفوز نتيجة لمن ظفر من لاعبي الهلال فقط بالادلة والبراهين دون الاشارة حتي لفضل الهلال في ذلك
عاد المريخ لبوابة دوري الابطال التي كانت عصية عليه خمس سنين عجاف من بوابة الدور التمهيدي المهينة ولو لا لطف الله لغادر البطولة من نفس البوابة عبر نادي كلمة مغمور نفسها كثيرة عليه وضع نادي المريخ بكل تاريخه تحت ضغط نفسي لمباريتين لم يمر به في حياته
جعلت افراد ادارته يتافتون في السفر الي تنزانيا دون ان يكون هناك سبب سوي ان تحكيم مباراة العودة من هناك وايضا اجد لهم العذر
تأهل المريخ بشق الانفس رغم انفاقه لما يقارب العشرة مليون دولار (من اين لا ادري) علي لاعبيه الجدد
لم نقل سوي مبروك
أما ما تكتبه الان عن وضع الهلال وعن ان اصابه هدف في مرماه هاهنا
ايضا اجد لك العذر في ذلك فربما كان ذلك من تجربة احراز الوحدات الاردني هدفا في المريخ هنا وهي تجربة عالقة بذهن كل سوداني ولا يمكن ان ينساها
ايضا احرز التاكسي الرواندي هدفا جميلا اعجب لاعبي المريخ قبل لاعبي الرواندي ولكن ادخلهم في تجربة قل ان مر بها المريخ قريبا
من هنا اتفهم قلقك علي الهلال عندما احرز فيه هدف هنا ولكني احب ان اطمئنكفالهلال الذي تخطي ناساروا وهو مهزوم بثلاثة اهداف والهلال الذي تفوق علي نادي القرن تعتبر هذه التجربة عادية بالنسبة له
اتفهم قلقك ياعزيزي وانتم حديثو عهد بالبطولة وما ادخلكم فيه التاكسي وتجربته يكفي لاحداث هذا القلق
واخيرا الذي صبركم خمس سنوات علي فريقكم قادر علي ان يصبرنا علي فريقنا فقط عامين وكما ساعدناكم علي تخطيها ارجو مساعدتنا علي ذلك ولو باضعف الايمان
لك مودتي
| |
|
|
|
|
|
|
|
|
|
هلا (Re: طلحة عبدالله)
|
سلامات يا أبوحميد
ياخي دي معاملة تعاملنا بيها دي ..؟
ليك وحشة يا راجل
راجع ليك
| |
|
|
|
|
|
|
|
|
|
Re: هلا (Re: طلحة عبدالله)
|
يا مسكين ..
بالله شوف صاحبك كاتب شنو..
غش على عينك ياتاجر ..
Quote: * من الحصاحيصا الإعلان صدر: المريخ خطر.. بمن حضر!
* نجح الزعيم في تخطي ظروفه الصعبة وتمكن من الظفر بالنقاط الثلاث وأنزل أول هزيمة بنيل الحصاحيصا العنيد على أرضه موجهاً أعنف إنذار لمنافسيه!
* فقد حامل اللقب خدمات سفاري.. دامر.. ديالو.. بلة.. الشغيل ووارغو واضطر للاستعانة بسعيد مع الباشا في قلب الدفاع لأول مرة وأشرك راجي المصاب ودفع بالعجب ومجاهد البعيدين من أجواء اللعب التنافسي وانتصر رغم النقص المؤثر بهدف جميل للأباتشي كليتشي وأهدر رماته خمس فرص في مواجهة المرمى.
* تجاوز الزعيم أمس أصعب محطة في طريق المحافظة على اللقب.
* ألم نقل لكم إن سدود المريخ ستحجز مياه النيل؟ |
Quote: لا تلعب باسمك يا فيصل
* المستوى الذي ظهر به العجب في لقاء الأمس لا يشبهه ولا يليق به!
* أمس أدى قائد فريق المريخ أسوأ مباراة له مع ناديه في 12 عام!
* لياقة ضعيفة.. حضور ذهني معدوم واستهتار غريب في تسلم الكرة وتمريرها!
* على غير العادة.. كان العجب صفراً كبيراً في لقاء الأمس.
* نعلم أنك متأثر بالتوقف.. وأنك كنت مصاباً لكننا نقول لك بالصوت العالي: لا تتلاعب باسمك يا فيصل!
* في المريخ كان العجب نشازاً.. وبوجوده لعب المريخ ناقصاً حتى خرج!
* وفي الهلال تم استبدال هيثم مصطفى في لقاء تامبونيز.. وأجلسه المدرب على الدكة في لقاء الأمس.
* ترى هل بدأ نجم الملك والبرنس في الأفول؟ أم أنهما قادران على استعادة البريق من جديد؟ |
كااااااااك ..
المصدر .. http://www.alsadda.net/cols.php?dep=38&on=1
| |
|
|
|
|
|
|
|
|
|
. (Re: طلحة عبدالله)
|
المعتصم قريبي العزيز المسكنتو زايدة
عمرو الزعيم المريخي ما عمل فلاحتو علي الفرق المحلية الضعيفة كما ظل أبو الهل يستأسد عليها ويتحلمن ( من حمل) في المنافسات الخارجية
الإمبراطور المريخي تطلعاته أعلي كثيرا من الفوز علي نيل الحصاحيصا وأمل عطيرة وهلال كادقلي.
منذ زمن بعيد زهد الزعيم في هكذا بطولات وتضاعف طموحه الف مرة من مجرد الصعود لمنصات التتويج المحلية والإحتفال بدرع الدوري وكاس السودان .
جماهير المريخ نفسها لم تعد تحفل كثيرا إن كان فريقها فاز أو خسر من الفرق المحلية كما ولا يعني لهاشئيا الفوز من عدمه بالبطولات المحلبة بقدر ما تأمل في أن تواصل السفينة الحمراء مخر عباب البطولات الخارجية الكبيرة والإتجاه إلي مراسي العالمية .
الحديث عن مباريات المريخ العالمي لم تعد تلقي إهتمامنا كما في السابق لأنها ليس طموح الصفوة يا حبيب .
| |
|
|
|
|
|
|
|
|
|
. (Re: طلحة عبدالله)
|
يا ياسر عبد القار يا صاحبي
أزيك واحوالك وصحتك يا حبيب
إذا ذهب عقلي فساذهب لتشجيع أبو الهل المهلهل وليس في ذلك حرج بالطبع ، لأنه حد يشعر بالسعادة يمشي للعذاب برجليه ..؟ أو كما ورد في كتاب المطالعة زمان .
وبعدين ياخ أنتو بي سببكم أصبروا علي فريقكم ، وطبعا الصبر ما جديد عليكم لأنكم صابرين تمنين سنة منتظرين ليكم إنشالله (حديدة) تجيكم من برة ويا عيني عليكم لا كليتوا لا مليتوا لامن الصبر ذاتو طلعتوا زيتو ..
لكن نحن يا ياسر كزعماء مريخاب تهمنا مصلحة الكورة السودانية ويسوءنا ما يسوءها عشان كدا ما قادرين نصبر علي الحكاية دي ، لانها طولت خالص وبقت زي حجوة ام ضبيبينة وهامينا بلحيل أمر أبو الهل خاصة وهو بمثل الوطن في البطولات الخارجية .
علي العموم نديكم السنتين القلتهم ديل يمكن الحال ينصلح وإن كنت متأكد أنك ح تجىء بعد السنتين وتقول لي نفس الكلام .
| |
|
|
|
|
|
|
|
|
|
Re: . (Re: طلحة عبدالله)
|
طلحة :
Quote: أقول أنه إذا كانت نسبة خروج الهلال من الدور الأول للمسابقة كبيرة وترجح بشدة نسبة إستمراره إلا أن كرة القدم لا تعترف في الغالب بالمنطق والتوقعات المسبقة حتى ولو توافرت لها المعطيات والبراهين القوية ، وإلا لإنعدمت إثارتها وخف تشويقها ولما ميزها هذا الغموض الجاذب الذي ضاعف من شعبيتهاعلي نحو مذهل .
وبناء عليه فهناك (بصيص أمل ) وعلي الهلاليين أن يتحلوا بشىء من الصمود في مواجهة اليأس بسرج خيول الإصرار والعزيمة والجسارة في لقائهم المقبل فربما مارست المستديرة بعض جنونها وعاد الهلال من هناك يتأبط ورقة الترقي للدور ثمن النهائي وبعدها (يحلها ألحلال).. وقد قيل ( الرزق تلاقيط ). |
اهااااااااااااااااااااااااااااااااااااااااااااااا..
ده الكلام الميت وما بيخارج معانا يا طلحة ..
سؤال بسيط وعايز إجابة بسيييطة وبدون فلسفة ..
الهلال حا يتأهل ولا لأ؟؟؟؟
سيبنا من بصيص ورقيص والتوقعات والمكنات والصمود والجلود ..
| |
|
|
|
|
|
|
|
|
|
Re: . (Re: عمر الفاروق)
|
Quote: نزار يا فاضل
عليك الطلاق أنت من أعقل الهلالاب المروا علي
لكن المشكلة في رواد أدب المكابرة الغارقون في الغلاط المادايرين يعترفوا بوهن أبو الهل وهلهلتو .
وقد قيل في المقام :
الإعتراف بالضعف كل الطريق للقوة |
من رأي في الميدان...ثلاث مباريات وتمرينين للهلال ليس كمن
شاهده في النيل الازرق...حتي وان هزم هلال الساحل 15 صفر
الهلال هذا الموسم سيكون بعيدا عن الهلال الذي نعرفه...
فمدربه وجماهيره الي الآن لا يعرفون من سيلعب في خط الظهر
غير ديمبا...والدعيع...؟
ومدثر كاريكا لا يصلح للهلال حتي لو اشادت به كل صحف الخرطوم..
وأحمد عادل لن يسد فرقة كلتشي...
| |
|
|
|
|
|
|
|
|
|
Re: . (Re: nazar hussien)
|
هذا اجمل ما قراءت فى هذا البوست
الذى اراه خصما على صاحببه,,,
الهلال سيلعب دورى الثمانية
والمريخ راجع لبطولته المحببه
ايه رايك
| |
|
|
|
|
|
|
|
|
|
Re: . (Re: عمر الفاروق)
|
ود الفاروق القليص Quote: الهلال حا يتأهل ولا لأ؟؟؟؟
|
Quote: أشك في إستمرار الهلال
|
الكلام الفوق دا عنوان البوست ما قريتو واللا قريتو وما فهمتو ...؟؟؟؟
| |
|
|
|
|
|
|
|
|
|
Re: . (Re: 7abib_alkul)
|
حبيب الكل Quote: شارع عطبرة بورسودان فتحوا عندك خبره؟
|
فيهو كبري واللا سليقة ساي ..؟
| |
|
|
|
|
|
|
|
|
|
* (Re: طلحة عبدالله)
|
الأخ المتصل طلحة :
| Quote: أشك في إستمرار الهلال.. |
أجمع جمهور العلماء أنه في حالة الشك فمن الواجب عليك إعادة الوضوء وإلا فغن صلاتك باااطلة ..
الشك من الشيطان أخي طلحة ..
وهو شيطان إسمه العرندس يتلبس المريخاب إذا ناموا على نجاسة ..
بارك الله فيك أخي طلحة وكفاك شر العرندس ..
| |
|
|
|
|
|
|
|
|
|
إنفة (Re: طلحة عبدالله)
|
نزار يا حسين
لو ناس الهلال بتعاملوا مع واقعم بمفهومك دا صدقني كان طاروا السماء
المكابرة أقصر طريق للفشل يا عزيزي ، والهلاليين معلمين في المكابرة والغلاط والإنفة الكضابة .
الهلال يحتاج لشغل كثيف عشان يقوي عودو ويكون مؤهل للصمود أمام التحديات الخارجية لأن الفوز علي هلال بورتسودان
وأهلي مدني وأمل عطبرة ليس مقياسا ولن يكون .
| |
|
|
|
|
|
|
|
|
|
. (Re: طلحة عبدالله)
|
يا ابقوتة العزيز
البوست خصم علي صاحبه كيف يعني ..؟؟
صاحب البوست قال (أشك في إستمرار الهلال ) مستصحبا المعطيات التى جعلته يقول ذلك ،وإذا وفق أبو الهل رغم ذلك فهذا ليس خصما
بقدر ما أنه سيكون إضافة في حال صدقت التوقعات وخرج الفريق من الدور الأول للبطولة لأن ذلك يعني جودة القراءة للواقع الهلالي
| |
|
|
|
|
|
|
|
|
|
Re: . (Re: طلحة عبدالله)
|
طلحة اخوي
مسكاقمي
كلامك منطقي وهم مقتنعين ( اقصد الهلالاب ) بس ما قادرين يقولوا الحقيقة
دفاع الهلال لا يستطيع ان يقف في وجه اي هجوم
خط هجوم عقيم لا يجيد التهديف
أحسن ما في خطوط الهلال هو الوسط
والدفع الرباعي الحاصل ليهم في الدوري من الحكام
ما حيلقوه في بطولة افريقيا
| |
|
|
|
|
|
|
|
|
|
. (Re: طلحة عبدالله)
|
كيجا يا عزيزي
أصلا مسألة إستمرارية الجماعة في البطولات ( المحلية) دي مفروغ منها لانها الساحة الوحيدة البقدروا ينافسوا فيها
لكن الكلام عن إستمراريتم في بطولة أفريقيا ودي مشكوك فيها بشدة .
| |
|
|
|
|
|
|
|
|
|
Re: . (Re: طلحة عبدالله)
|
طلحة سلامات
أقول أنه إذا كانت نسبة خروج الهلال من الدور الأول للمسابقة كبيرة وترجح بشدة نسبة إستمراره إلا أن كرة القدم لا تعترف في الغالب بالمنطق والتوقعات المسبقة حتى ولو توافرت لها المعطيات والبراهين القوية ، وإلا لإنعدمت إثارتها وخف تشويقها ولما ميزها هذا الغموض الجاذب الذي ضاعف من شعبيتهاعلي نحو مذهل .
وبناء عليه فهناك (بصيص أمل ) وعلي الهلاليين أن يتحلوا بشىء من الصمود في مواجهة اليأس بسرج خيول الإصرار والعزيمة والجسارة في لقائهم المقبل فربما مارست المستديرة بعض جنونها وعاد الهلال من هناك يتأبط ورقة الترقي للدور ثمن النهائي وبعدها (يحلها ألحلال).. وقد قيل ( الرزق تلاقيط ).
لكن وبالمقابل من الخطل الإعتماد كليا علي الحظ والصدف وتقلبات كرة القدم بيد أنه لابد من القتال والتجاسر علي ميدان المعركة المقبلة وفق خطة محكمة تفاجىء أصحاب الأرض وتأخذهم علي حين غرة .
علي مدرب الهلال أن يبتعد أولا عن التكتيات التقليدية التى تعتمد علي التمترس الدفاعي والإعتماد علي الهجمات المرتدة لأنه وكما قلت فمن المؤكد أن الأخوة الاعداء في جزيرة رينيون تحسبوا لهذا الداء المعتاد ووضعوا له دواءه الناجح الناجع .
لماذا لا يجرب الهلال طريقة 3_6 _1 علي أن يلعب بثلاثة لاعبي إرتكاز فيما يساعد لاعبا الجنب ثلاثي الدفاع ويتحولان لباكات مهمتهما منع رفع الكرات العرضية بقدر الإمكان فيما يتمرجح لاعب الوسط السادس ما بين مساعدة لاعب الهجوم ومؤازرة المحاور الثلاثة .
بهذه الطريقة يستطيع مدرب الهلال مفاجأة نظيره مدرب الفريق الخصم وربما بعثر كل أوراقه منذ البداية لأن الأخير يحتاج للفوز وحتما سيدبج فريقه بخطة هجومية قوامها بناء الهجمات من العمق وأطراف الملعب ، وفي حال لعب الهلال بالطريقة أعلاه فأنه سيهيمن علي منطقة المناورة التى يتكاثف فيها ثلاثة لاعبي محور ورابع متمرجح فضلا عن ثلاثة مدافعين يرقبون بتحفز ما ستسفر عنه منطقة المناورة إلي جانب تأمين المنطقة أمام المرمي بمنع رفع الكرات العرضية بواسطة ظهيرا الجنب .
الفريق الخصم أكثر تواضعا من أن يرتجل خطة بديلة أثناء اللعب للتغلب علي إستراتيجية الهلال وبالتالي فمن المؤمل أن ينهي الأخير الحصة الأولي علي الأقل بالتعادل لتتبقي أمامه فقط 45 دقيقة لا أظنها ستكفي أصحاب الأرض للنيل ثلاث مرات من الشباك الزرقاء ، هذا بإفتراض أن الهلال لم يخطف هدفا بوسيلة ما.
ياجماعة فاهمين حاجة انا غايتوا مافاهم
ياطلحة قوووولللل اقتنعنا بي كلامك عن الهلال (اْْ)
كدي ورينا رايك في الهلال (ب ) ولتسهيل الفهم البقيادة كليتشي
حا يستمر ولا لا
| |
|
|
|
|
|
|
|
|
|
. (Re: طلحة عبدالله)
|
حمزاوي
العوافي ياخوي
كلامك دا هم ذاتم زي ما قلت أنت قاعدين يقولوهو وهو الصحيح والواقع فالهلال يحتاج لعمل ثلاث أربع سنوات علي الأقل ليكون مؤهلا
للمشاركات الخارجية وفي هذه الفترة يجب ان يغلق علي نفسه محليا ويعتذر عن البطولات الخارجية ليتيح المجال لغيره من الاندية الأخري لتمثل السودان بجوار المريخ من أجل تمثيل مشرف ويشبه الكرة السودانية التى أعاد هيبتها مريخ مانديلا وهو يبرها بالعديد من البطولات الخارجية .
وقد قال شاعر معروف :
أسمع كلام الببكيك وتوكل
| |
|
|
|
|
|
|
|
|
|
. (Re: طلحة عبدالله)
|
يا بدر الدين كاجوري سلامات
المافاهمو شنو بلاي
قلت أشك في إستمرار أبو الهل بالبطولة الأفريقية لأسباب أوردتها ضمنا وما أظن هناك ما يستعصي علي الفهم (إلا لمن أراد أن لا يفهم براهو)
بالنسبة للمريخ الزعيم فلن نرض منه باقل من اللقب وهو أمر نرأه قريبا وتروه غير ذلك طبعا .
| |
|
|
|
|
|
|
|
|
|
Re: . (Re: طلحة عبدالله)
|
| Quote: إستمراريتم في بطولة أفريقيا ودي مشكوك فيها بشدة . |
استاذ طلحه صباح جميل . وتحليلك اجمل .
طيب : استمراريتكم .. ما هي ضماناتها ؟
وان تأتون بكأس الانديه الافريقيه جوا واردة في حساباتكم ؟؟؟
قلشه :
ارايك اخرجته هلال الملايين من البطولة الافريقيه وهذا فيما يبدو ما تتمناه !!
| |
|
|
|
|
|
|
|
|
|
. (Re: طلحة عبدالله)
|
يا عبدالله كع
ضمانة إستمرارية الزعيم هي ثقافة البطولات الخارجية التى تشرب وتشبع بها علي مدار تاريخه المشرق
لاخوف علي المريخ الذي خبر من أين تؤكل كتف المنافسات الخارجية الكبيرة
إن إستمرار الأحمر الوهاج في المسابقة غير قابل للشك إلا لمن يرجو عدم إستمراريته وذلك بسبب الإستقرار الفني الواضح
الذي يشهده حاليا بوجود جهاز فني مقتدر وللاعبين أكفاء وجمهور يعرف كيف يشجع فريقه ويضخ في دماء لاعبيه الحماس والروح
القتالية والثقة علاوة علي إدارة واعية وسخية وفرت للفريق كل متطلبات الإستعداد بما في ذلك الجو الصحي الذي يجلب
للاعبين العطاء ويبعدهم عن الضغوط النفسية .
لهذا فقط يجب أن نركز كرياضيين ننتمي للوسط الرياضي السوداني علي الهلال الذي يعاني ضعفا واضحا ويفتقد لثقافة الفوز
بالبطولات الخارجية ويحتاج للمؤازرة معنويا وإرشاديا لأننا نتطلع لتمثيل مشرف للفرق السودانية ونخشي أن تتكر المآسي
والإخفاقات الهلالية في المنافسات الخارجية .
| |
|
|
|
|
|
|
|
|
|
هي الاندية السودانية شالت كاس افريقيا كم مرة (Re: طلحة عبدالله)
|
هي الاندية السودانية شالت كاس افريقيا كم مرة,,,,,,,,,,,عشان تشك و لا ما تشك
| |
|
|
|
|
|
|
|
|
|
Re: هي الاندية السودانية شالت كاس افريقيا كم مرة (Re: abdulgafar mohd saeed)
|
سلامات يا عبد الغفار Quote: هي الاندية السودانية شالت كاس افريقيا كم مرة,,,,,,,,,,,عشان تشك و لا ما تشك
|
المريخ الزعيم باذن الله ح يستمر ويشيل السنة دي , لكن ...
أشك في استمرار الهلال
ولك التحية
| |
|
|
|
|
|
|
| |
طلحة عبدالله
محمد البشرى الخضر
عمران حسن صالح
عمر الفاروق
محمد يوسف الزين
خالد عبد الله محمود
معتصم دفع الله
محمد عبد الماجد الصايم
عبدالوهاب علي الحاج
وليد محمد المبارك
abuguta
7abib_alkul
keiga2000
عبدالله كع
abdulgafar mohd saeed
فيس بوك
تويتر
انستقرام
يوتيوب
بنتيريست