|
|
 دورة حياة السلعلع والكيزان انطلاقا من خور برنغا ....!!!!
|
مشاكل وحرب وقتل في دارفور وازمة حقيقية تلوح في الافق....!!
الحكومة وجوقة السلعلعيون الجدد
تكورك وتملا الميديا ملي... يا زول هووي مافي قضية في دارفور ده نهب مسلح وعصابات قبلية رعديدة...
ياجماعة استهدو بالله وحلو المشكلة..
يردد جوقة الجبهجبية والسلعلع في صوت كورالي
لععععععععععععععععع والف ولععععععععععععععع...!!!
|
|
 
|
|
|
|
|
|
|
|
Re: دورة حياة السلعلع والكيزان انطلاقا من خور برنغا ....!!!! (Re: عبدالكريم الامين احمد)
|
حرائق في خور برنغا وقري في تخوم الفاشر ونيالا وجبل الطين وانتنوف يكب رصاص زي المطر
وحركات متمردة تنبت من اراضي دافور الواحدة تلو الاخري.....!!!
ياجماعة الخير تعالو هدو الكورة وخلونا نحل المشكلة دي...
كورال السلعلع ووجوقة بني كوز تمارس الهتاف..لالااااااااااا وللللللللع
ديل منشقين مارقين تبع الترابي
ديل تبع المشروع الصهيوني
يا انتنوف اضرب
يا الطيب سيخة ويا الفريق الدابي امشي اضرب...
قلنا كويس...
| |
|
|
|
|
|
|
|
|
|
Re: دورة حياة السلعلع والكيزان انطلاقا من خور برنغا ....!!!! (Re: عبدالكريم الامين احمد)
|
القصة جابت جنجويد
القصة بقت قبائل عربية ضد زرقة...والمجتمع الدولي بداء يشمشم والفضائيات تناضم دارفور- دارفور
والامم المتحدة..وكل خواجة رطن حقوق انسان... حقوق انسان,,,
كوفي عنان
مانديلا
وكولن باول
وخواجيات تبع حقوق الانسان....
وياجماعة الخير هدو الكورة..وتعالو الي بلد واحد وادوا الناس حقوقها وختو الكورة واطا..
برضو لللللللللللللللللللللع والف لععععععععععععععععع
وده مشروغ غربي واستهداف من قوي الاستكبار العالمي,,
ويا انتوف اضرب...وجنجويد كوشيب هاك سلاح هاك دوشكا وقرنوف واربجي وامشي اضرب
امشي فرطق...
| |
|
|
|
|
|
|
|
|
|
Re: دورة حياة السلعلع والكيزان انطلاقا من خور برنغا ....!!!! (Re: عبدالكريم الامين احمد)
|
يا ناس الله ...ناس..اسمعو الكلام... لاااااااااااااااااا ياعميل يا اسرائيلي يا رعديد
وتجينا متحزم حنطلع ليك عريان...!!!
كيزان وسلعلع ركبو طيارة ومشوا ابوجا...
ها ها
وقعك وقعك كلفتك كلفتك...
ايووه يا زول عملنا سلام وتاني البفتح خشمو بعد مناوي وناسو البوب مارلي حنطلع ديشوووووووو
وهيييع يازول احنا الكيزان واحنا السلعلع
جاهزين جاهزين لحماية الدين...!!!
| |
|
|
|
|
|
|
|
|
|
Re: دورة حياة السلعلع والكيزان انطلاقا من خور برنغا ....!!!! (Re: عبدالكريم الامين احمد)
|
ها قوووووم انت يا مجلس الامني شووووووت زي ديشليون قرار وقول كل( القوي الدولية دارفور جووه)....
كمان انت يا عمر البشير خش في طلاق علي الهواء مباشرة
وعلي الطلاق بورررررري بتاع خواجة ما يخش الاراضي الدارفورية...
ياريس الكلام ده عيب....لالاااااااااااا والسلعلع يصفق..ويردد (ايوووه ده الشغل وده الطلاق)
ايييييييييييييييييي انتا ريس بسكويتة واحمي بالطلاق حسكنيتة...
| |
|
|
|
|
|
|
|
|
|
Re: دورة حياة السلعلع والكيزان انطلاقا من خور برنغا ....!!!! (Re: عبدالكريم الامين احمد)
|
ياجماعة الخير كده ما كويس وكدي الهواء بجينا باااااااااااارد والبلد تبقي في خرم ابرررررررررره
لااااااااااا يا زول لااااااااا يا عميل...
قوم انتا يا البشير ابلع طلاقك ...واعمل حميل
وقوم انت كمان يا مجلس الامن رسل جنود شي نيبال وشي هنود وشي من تايلاند وشي من ايطاليا....
وبرضو الجنجويد شغالين
حرائق
واغتصاب زعط تقيل
والسلعلع يماارس التصفيق لرقصات البشير التي ادائها في كل المدن.............
| |
|
|
|
|
|
|
|
|
|
Re: دورة حياة السلعلع والكيزان انطلاقا من خور برنغا ....!!!! (Re: منتصر الامين)
|
اها قام مجلس الامني زعل من الحكايات والقتل والحرايق ودي العيش المدور في دارفور ده...
وقال ضروري محكمة ضروري سلطان دولي كبيررررررررر يتحري في حكاية البشرية والامة البموت بالكوم
والبشردو فيها في قراها وحواكيرها وحتاتها بالكوم...
واها وين
وين
وين...!!!!
ايوه ميثاق روما الدولي محل المحكمة الجنائية بتاعة القتل والابادة والقضايا الضد البشرية والامة البني ادمين المساكين ديل..
وشوووووووووووتك يا مجلس الامن في ظل الفصل كم كده ماعارف للقضية التي صارت الان في النملية...
ولسسسسع مواصلين
| |
|
|
|
|
|
|
|
|
|
Re: دورة حياة السلعلع والكيزان انطلاقا من خور برنغا ....!!!! (Re: عبدالكريم الامين احمد)
|
اها هنا السلعلعيون الجدد بقو اكثر صوتا في نبرات الكورال..الطلعت بتقول..!!
يا زول هوووي يا مجلس الامني يا صهيوني بالله لفنا كده ولاكده
لاروما ولا القضارف معاك..
والسلعلع بكوررك يا انتنوف هووي اضرب من طرف واحرق واضرب الخونة اهل دارفور..
مافي احالة لا حاجة
حسب نص المادة كم كده ماعارف...من قانون لولوة و جمجمرة السلعلع مافي احالة يا زول...!!
اها القوم بداء يتغالط في امر
الاحالة
والا احالة
كففففففففففف الاحالة حصلت....ومن الصباااااااح بدري القنوات والفضائيات نضمت انو الاحالة الي لاهاي حصلت..
والانتنوف لا يزال يدور ويضرب ضرب غرائب الابل الدارفورية..
| |
|
|
|
|
|
|
|
|
|
Re: دورة حياة السلعلع والكيزان انطلاقا من خور برنغا ....!!!! (Re: عبدالكريم الامين احمد)
|
اها هنا السلعلع وبني كوز دورو في تونة (ميثاق روما)....!!!
يازول ميثاق روما ولا ميثاق حنانك ياخواجة يا خنزير يا ابن اللذينة...
احنا ما موقعين زااااااااااااتو ...
ها القصة مشت لاهاي والجنائية وجاب ليها ارجتيني ابن لذينة حواجبو يرك فيها الصقر,,,,,,,
ودور ك دورك (خفس سنة سنيتين) وفتش قصة دارفور دي تفتيش السنين
وجاء نابل وقال يا ناس هوووي
بالله سلمونا كوشيب واحمد هارون..
ديل مجارمة كبار
وكل الكتل ده طالع منهم...الاثنين ديل...!!!!
| |
|
|
|
|
|
|
|
|
|
Re: دورة حياة السلعلع والكيزان انطلاقا من خور برنغا ....!!!! (Re: عبدالكريم الامين احمد)
|
اها السلعلع وبني كوز تاااااااااني اتلمو والانتنوف يضرب ووسط الرصاص اللسع مدور
قالو يا زول هووي يا اوكمابو يا جبان احنا سلعلع في الميدان
لا بنسلمك هارون ولا بنسلم كوشيب يا ارجتيني يا جرقاس الصهيونة العالمية...
يا ناس بالله سلمو..واستهدو بالله وخلي الحكاية دي ترسي علي برررررررر
لا يا زول هوووووووووي سلم بتاع فنيلتك ولا بتاع حنااااان صليبك...
ومافي تسليم
وتسليم نهييييي
وتكبير وتهليل تقيل..
والقصة ماشة مزرقنة زرقنة شديد...والامور جاطت تاني
والانتنوف مدور دويرة السنين
| |
|
|
|
|
|
|
|
|
|
Re: دورة حياة السلعلع والكيزان انطلاقا من خور برنغا ....!!!! (Re: عبدالكريم الامين احمد)
|
اجماعة يا بني كوز يا سلعلع دايرين كورة واطا وخلو البلد تطلع من (الوزة) دي...
يا زول هووووي وزة,,وزة,,فليدخل الجميع الي(اي خرم من خرومات الوزة)ولكن تسليم نهييييي
كوشيب نهييييي
هارون نهيييييييييي
والدايرين اليجربنا....
اها قام عمك المحقق الدولي اوكمابو دور تاني بحبتك بحبتك في الموضوع....وخفس ليهو سنة سنتين
والاشاعات والفضائيات نضامت وقالت الاوكمابو ده حيطلع مذكرة دولية وممكن تعكش البشير..
والسلعلع والكيزان
قالو للللللللللللع يازول
مافي ايتها مذكرة حتصدر ...اوكمابو ده كديانة ارجتيني مجنون في راسو ده زاااتو
| |
|
|
|
|
|
|
| |
عبدالكريم الامين احمد
منتصر الامين
فيس بوك
تويتر
انستقرام
يوتيوب
بنتيريست