|
الأسلحة الكيميائية وحقيقة استخدامها في السودان في منتدى ميديكس للحوار
|
|
 Re: الخرطوم..صورة قديمة...لجلاكين المنبر..أين أنت من هؤلاء (Re: almaskoon)
|
أعتقد الصورة في أواخر السبعينات أو النصف الأخير منها
لأننا حضرنا هذه البرينسات (جمع برينسة) وهي البكاسي ذات التعريشة والمقعدين (كنبة) متقابلين بتشيل ليها خمسة ركاب على كل جهة ... والمواصلات كانت تقريبا بـ 5 أو ستة قروش
الخمسة قروش بالمناسبة كانت بتشتري ليك الأيام والصحافة (قرشين ونصف لكل)
كما يظهر في شمال الصورة فندق الآراك والمسجد الكبير بالخرطوم
أظنه لموقف العيلفون يعني على جهة نادي العمال بالخرطوم لو الذاكرة ما زالت سليمة
شكرا ليك على الصورة
حركت فينا أشجان وذكرتنا بعباس رشوان ذاتو
| |
 
|
|
|
|
|
|
|
|
Re: الخرطوم..صورة قديمة...لجلاكين المنبر..أين أنت من هؤلاء (Re: almaskoon)
|
السلام عليكم,
طبعا ما من جلاكين البورد,
لكن من ناس الخرطوم,
الصوره لي السوق العربي, واضح في الصوره ARAAK HOTEL والجامع الكبير,
ومدارس كمبوني
والظاهر برج البركه كان لسه ما أتبني,,
الصوره ابداع والله,
عشان كده الزمن داك الناس كانت أعصايها هاديه ومابتاعت مشاكل,
الغريبه قدر ما دققت ماشفت لي بنت وللا امرأه ,
الظاهر العاصمه كانت للرجال فقط ههههههههه
تحياتي,,
التعديل بعد التدقيق في الصوره,,
(عدل بواسطة Amany Elamin on 03-16-2009, 12:58 PM)
(عدل بواسطة Amany Elamin on 03-16-2009, 01:34 PM)
| |
|
|
|
|
|
|
|
|
|
Re: الخرطوم..صورة قديمة...لجلاكين المنبر..أين أنت من هؤلاء (Re: almaskoon)
|
اخونا المسكون
كيف الحال
الميدان ده حاليا ما موجود تماما
أصلا كان موقف بصات الديوم الغربية (لونها أحمر وأخضر) فى نص الموقف والديوم الشرقية (أبيض وأزرق) فى الجزء الشرقى منه يعنى على يمنك وانت بتشوف فى الصورة، قصاد عمارة المدرسة الأهلية (مدرسة الشيخ مصطفى الأمين) الظاهر منها الزاوية الشمالية الشرقية
وفى الجزء الغربى منه بتقيف بصات الشجرة والكلاكلة ولونها أزرق داكن ومعاها مباشرة بصات جبل اوليا
والجزء الشمالى من الميدان، الخلفة ظاهر الجامع الكبير، كان محلات تجارية ومن ضمنها كان فى مطعم اسمه "مطعم الشمالية" فى الطابق الثانى وتقريبا اليافطة بتاعته هى الظاهرة
والشارع غرب الميدان مباشرة، الماشى شمال جنوب يعنى، اسمه شارع "هاشم بك" ببدا من زنك الخضار شمالا وبنتهى فى سور السكة حديد جنوبا
ولو شايف كمان فى لوحة اعلانات فى اعلى منتصف الصورة، دى فى عمارة الزيات الكان فيها حلوانى زمزم، واللوحة دى كانت بتشتغل بالليل لأنها مضاءة وهى اعلان لشركة "باتا" للأحذية
ايام كان عندنالوحات مضاءة ومتحركة فى الخرطوم، باقى الدول الهسه عاملة فيها زى اوربا دى ما كان بعرفو حتى الكهرباء شنو يعنى
بعدين برضه معلومة مهمة جدا
فى حوالين الميدان ده كان فى اكشاك صغيرة والبصات بتقيف فى نص المكان، والمحلات دى اتحولت كولها لما عرف لاحقا بالسوق الشعبى جنب ميدان سباق الخيل
| |
|
|
|
|
|
|
|
|
|
Re: الخرطوم..صورة قديمة...لجلاكين المنبر..أين أنت من هؤلاء (Re: أبوذر بابكر)
|
الاخ ابوذر 100% ماشاء الله ذاكرة حديد
المدرسة مدرسة الشيخ مصطفى الامين وجمبها شرقا طوالي اظن في جامع ماظاهر في الصورة
ده كان ايام العز واكل الوز وقضيت جزء من طفولتي قريب من هذه المنطقة وهي تعج في الصباح
بالبائعيين والمشترين من ادوات البناء والمواد الغذائية وبها موقف جبرة والديوم وكان فيها مكتبة في الركن
وكان في واحد ببيع قش لوووووووول يكه يا اخوانا الزمن داك عمري سبعة سنة بس
اها يازول لو الكاميرا دي مشت غربا وجنوبا شوية ح تشوف البارات وكده اسع تكون محلات باسطة ولبن لوول يكه
زاتووووو
| |
|
|
|
|
|
|
|
|
|
Re: الخرطوم..صورة قديمة...لجلاكين المنبر..أين أنت من هؤلاء (Re: ALZOLZATOO)
|
زولنا ذاتو
كيف الحال
لو بتتذكر برضه كمان
قهوة الواثق
والواثق هو ابو الفنان الجيلانى الواثق واخوه عثمان الواثق كان بلعب فى نادى النيل
ونادى النيل كان فى شارع السيد عبد الرحمن، تقريبا فى الزاوية الجنوب غرب نادى العمال
اما قهوة الواثق بتكون على يدك الشمال لو انت ماشى شمالا زى كأنك ماشى الجامع يعنى من زاوية مدرسة الشيخ مصطفى الأمين
كان فيها احلى وأجمل واعذب عصير ليمون فى الكون كله
والقهوة قصاد محلات "الوسيم" للأقمشة مباشرة
| |
|
|
|
|
|
|
|
|
|
Re: الخرطوم..صورة قديمة...لجلاكين المنبر..أين أنت من هؤلاء (Re: أبوذر بابكر)
|
حبيبنا ابو ذر
والله رجعتنا سنين لي وراء
ذكرتنا مخبز سيحة و الكوباني وفلفلة وفندق سالي وفندق الحرمين وفلاش وباسطة اولاد الزبير ومحل عصير بيفتح على مواصلات الصحافة شرق كردكدي ماعارف اسمو شنو بيفتح جنوبا على مسجد الشيخ مصطفى الامين الملاصق للمدرسة
ومحلات الصاعوط في شارع عبدالمنعم وبرضو كان في مطعم فيهو سمك ايام السمك سمك والمارسيدس الماخمج في ابو العلاء وعيييييييييك
اما لو اتجهت شمالا لي سوق الخضار والفواكه واسماك النيل الجمب ديوان الخدمة ولا اسمو شنو ماعارف ومحلات اولاد ملاح ده كمان موضوع تاني
كمان لو عرجت شوية لي السوق الافرنجي ده موضوع تالت ياحليل الخرطوم
تحياتي
زاتوووو
| |
|
|
|
|
|
|
|
|
|
Re: الخرطوم..صورة قديمة...لجلاكين المنبر..أين أنت من هؤلاء (Re: أبوذر بابكر)
|
ضحكتني أماني لأنها نظرت للمشهد من نفس الزاواية الأنا نظرت منها في البدء قبل أن أستعدل الدوشة
و أكتشف حقيقة تفاصيل المشهد و أجد أبو ذر يتفق معي بتقديمه للتوصيف الصحيح , فعلا ده قلب ما عرف بالسوق العربي
جانب من مدرسة الخرطوم الأهلية في أعلى يمين الصورة و أعتقد أن المصور يقف بحيث أنه إذا بدأ في السير إلي يساره
بموازاة هذا المشهد فسوف يصل إلي عمارة عبد المنعم و البنك الصناعي سابقا و صينية عبد المنعم غرب ميدان الأمم المتحدة ..
بالنسبة لميدان أبو جنزير هنا يا أماني فهو يقع في الفضاء الماثل أعلى الصورة إلي الخلف من كل الأبنية الظاهرة و إلي
اليمين من مئذنة الجامع و فندق أراك !
| |
|
|
|
|
|
|
|
|
|
Re: الخرطوم..صورة قديمة...لجلاكين المنبر..أين أنت من هؤلاء (Re: Elmuez)
|
ابوذر المطر يا ذاكرة
الزول الصوّر الصورة دي كان واقف اعلي دكان عمك الدابي , ودكان عمك الدابي دا واقع في ناصية شارع فرن سيحة الغربي و الناصية الشرقية دكان عمك النصاري
الميدان دا اصلاً عبارة عن ميدانيين يفصلهم شارع هاشم بك نواصي الميدانين في الجنوب الشرقي المدرسة الاهلية و دكان ابوتلة الامين التلب وفي الشمال الشرقي برضو المدرسة الاهلية اما في الشمال الغربي مطعم و مرطبات الاخلاص والجنوب الغربي عمك النصاري[
| |
|
|
|
|
|
|
|
|
|
Re: الخرطوم..صورة قديمة...لجلاكين المنبر..أين أنت من هؤلاء (Re: ابراهيم عدلان)
|
ازيك يا ابراهيم
كيف حالك ياخ ومشتاقين والله
اريتك طيب
ذكرتنى دكان عمنا ابو تله، وقريب منه دكان خالنا دحيه محمد يوسف الله يرحمهم جميعا
وفوق المحلات دى كان فى مطعم جميل برضه اسمه "مطعم الإنطلاقة" برضه فى الدور التانى
كان بعمل احسن فاصوليا فى افريقيا
فعلا فى الزاوية الشمال غرب الميدان الثانى، كان فى مرطبات الإخلاص، أما مطعم الإخلاص فكان غرب صينية ميدان عبد المنعم، بعد ما تدخل من البنك العامل مثلث داك، زمان كان اسمه بنك باركليز، واعتقد تانى سموهو بنك الخرطوم ما متذكر كويس
وعلى فكره اصحاب المطعم والحلوانى واحد
من الحلفاويين الجميلين
وعمك عبد الوهاب أبرع وأحرف رئيس طباخين فى المطعم بابتسامته السمحة
| |
|
|
|
|
|
|
|
|
|
Re: الخرطوم..صورة قديمة...لجلاكين المنبر..أين أنت من هؤلاء (Re: Elmuez)
|
.
التحية للجلاكين ... مع انو كتار منتظرين شرح لكلمة (جلاكين)
اتفق مع الاخ ابوزر فهذا الميدان غير موجود الان باكمله وتبقي جزء صغير منه
من الناحية الشرقيه والذي كان يعرف لوقت قريب (بموقف جبره ) ... بالاضافة لباصات
الديوم الشرقية و الغربية كانت تقف (باظات) جبره ... الان توجد عمارة الامارات
اعتقد ان الصورة ترجع لفترة لنهاية السبيعنات وبداية الثمانينات وذلك لموديلات
الباكسي التويوتا الموجودة (الكشف) يمين الصورة او (البرينسات) شمال الصورة
وايضاً توجد الفكسواجن (القعونجة) ...وياسلااام على (الكومر) واقف بعظمة وهو من
اقدم واهم العربات التي (خدمت) السودان والسودانيين ولا زالت ..بالاضافة للباصات
(التيمس) و(السفنجة) و(الهوستن)
هي منطقة السوق العربي القديم حيث( دكاكين الاجمالي) و(اصحاب الكارو) و(العتالا)
في انتظار (بضاعة) (تجار القطاعي) لترحيلها الى الاحياء المختلفة في الخرطوم
ريحة (الطحنية) و(زيت الفهد) و(البهارات) ضاربة ..
حقيقة هذه المنطقة اتغيرت بشكل كبير جداً ...
ياريت يتم إنزال صورة حديثة ... اتوقع الاخ معتصم محمد صالح لانوقريب من (موقف جبره)
000
| |
|
|
|
|
|
|
|
|
|
Re: الخرطوم..صورة قديمة...لجلاكين المنبر..أين أنت من هؤلاء (Re: فرح)
|
فعلا كل ما ذكرته ذاكرتك الحية سليم يا أبوذر
بعدين إذا المصور تحرك يمينا فسوف يصل إلي صينية الكوباني و مرطباته , زمان كنا بنصبن حق الكنافة و البسبوسة
من ميزانية الفطور في الخرطوم الأميرية العامة و ننتظر جرس البيوت لنلهط من متاع الكوباني قبل أن نتسلق الباصات
نحو بيوتنا , أتذكر أنه الكماسرة كانوا متسامحين معنا كتلاميذ ثانوي عام "وسطى دي طبعا مصطلح الجلاكين يا المسكون !"
و كنا أحيانا نضطر لاستخدام حق المواصلات في مرطبات الكوباني و لما يجي الكمساري يكشكش لينا نعمل نايمين ! ..
أتذكر يا ابوذر أن أحد الأسماء اللامعة في كرة القدم في الأميرية كان من أسرة دحيا بس نسيت إسمه الأول !
| |
|
|
|
|
|
|
|
|
|
Re: الخرطوم..صورة قديمة...لجلاكين المنبر..أين أنت من هؤلاء (Re: gamal elsadig)
|
الصورة دي جنب المدرسة الاهلية و موقف بصات الامتداد
و الجزء التاني من الميدان موقف بصات الحلة الجديدة
و القوز. وراء الميدان و انت ماشي للسكة حديد ابوصليب
ونادي العمال. حوالين الميدان كانت توجد اكشاك لبيع الليمون
البارد و مشروب الشعير. و من الميدان شملآ تجد دكاكين السوق
العربي و في الشارع التاني و انت ماشي لميدان الامم المتحدة
تجد مطعم سلوى و ترزية في برندات السوق العربي اما في الصف
المواجهة لميدان الامم المتحدة تجد باتا و في الركن الاخر البوستة
و و بعد تقطع الشارع يمنك الجامع و قصادك كشك كابرال و المداحين
و كمان شوية بتشوف سوق الزنك الهو سوق الخضار و سوق الحرامية
| |
|
|
|
|
|
|
|
|
 Re: الخرطوم..صورة قديمة...لجلاكين المنبر..أين أنت من هؤلاء (Re: فيصل محمد خليل)
|
الماسكون:
فعلا النظره الأولي كانت بزاويه مختلفه..
بعدين انتبهت لموقع الجامع الكبير من أراك وفهمت ,
| Quote: جلاكين....بمعني...علي الأقل كانو لافين مع الجماعة الفي الصورة |
لاحولا!!! قربتو تقولو فلان كان بيقيف هنا يستني البص....
بس والله الخرطوم كانت أجمل,
كان في نظام وكانت الناس هادئه, هسي ما حتقدر تقيف تصور ذاتو!!!
تحياتي,,
| |
|
|
|
|
|
|
|
|
|
Re: الخرطوم..صورة قديمة...لجلاكين المنبر..أين أنت من هؤلاء (Re: almaskoon)
|
لست من أبناء الخرطوم
لكنني أعرف هذا الميدان كمعرفتي لأعز أشيائي
فقد شهد أول خطواتي العملية في عالم الهندسة المدنية
الجزء الشرقي من هذا الميدان أنشئ عليه رئاسة بنك الوحدة ، أظنها حالياً عمارة الضرائب
وبنك الخرطوم فرع السوق العربي
حتماً هذه الصورة قبل العام 1984
ففي ذلك العام أتينا كجهاز إشراف هندسي مقيم من مكتب المهندس عبدالمنعم مصطفى وشركاه
المقاول شركة مصر لأعمال الأسمنت المسلح
حيث أشرفنا على تنفيذ المشروعين المذكورين أعلاه
| |
|
|
|
|
|
|
| |
almaskoon
جعفر محي الدين
أبوذر بابكر
Hassan Makkawi
ALZOLZATOO
ابراهيم عدلان
gamal elsadig
فرح
فيصل محمد خليل
أحمد الشايقي
Al-Shaygi
Siddig A. Omer
حامد محمد حامد
عاطف عمر
حبيب نورة
بشير أحمد
عمر الفاروق
فيس بوك
تويتر
انستقرام
يوتيوب
بنتيريست