|
Re: ساعة تجئ الانثى الحقيقة .... (Re: مدثر محمد ادم)
|
تايه في الحنين غربه ولاجئ عن وطن في عيون حبيبة ومعزب بنزوح الروح للحقيقة وبادي يومي بالهم الم وشمسو طالعة علي مغبشة بالسحاب عليها الغبار طرحة مكدحة ظن وصباحو مكندك بالدم ومجروح خاطرو شبق حتى الشجر فيهو حارن يوشوش للعصافير الصوتا سكت من الغنى واحترت اندهاش ساعة غلبني الرسم لملمت حروفي وشلت قلمي ومشيت علي المساء لقيت قمرو غارق شراب في كاسات الاسى حيران حزن وبين النجوم مترنح جرح ومنتشئ من الالم ويتلادح مع السماء ويتف في الارض كل الشربو من الاسى واشوف فيهو ضؤ امل طشاش ويجيني من جواي صوت الزات طنطنة واسمع من الغيب سؤال بهمهمة صيح باكر يمكن يكون اجمل ؟
12/2/2009
| |
|
|
|
|
|
|
Re: ساعة تجئ الانثى الحقيقة .... (Re: مدثر محمد ادم)
|
(اسف)
اسف لاني كنت افتكرتك الحقيقة المهابة ولهفة الحروف علي عيونك ساعة تئن في الكتابة وخشوع الجسد في صلاة العشق غياب وكان افترتك نبية وظنيتك حنين مشابات ريق الروح للسراب اه ماكنت قايل انو ما تحت الرغوة خائب بس لسه منتظر حلم جواي وبكره بتجئ الانثى الحقيقة في الريد سحاب قبلي فائض مطر حنين علي ارض جواي يبست من العشق وبقت خراب ومن العطش اشققت جروح وقائم فيها شجر العشر والشوك الم ورشاها احساس ومحضرها بالحب غابة شجر حنة شائل صفقو محنة معشش فيهو طير الجنة صوت غناهو فرح الناس الغلابة ضحكة شقى التعابة بسمة يتامة ورقصة حصاد مزارعية بدقة نحاس مع النقارة رامي عليهم ضؤ الشمس شبال برنة نغم ربابة وداخلة بين المسام بسمة ضؤ جارية جوه الرويد مع الدم تهتهد في القلب همو وتلولي فوق خزنو بالغناوي وتمسح بحنا ايديها الالم وتوسد ودار الجرح التام وتسكن جوه الجوف من دون خوف ملامح وطن حب هتاف شارعو انين عزاب الشوق كاسر متاريس عوارض الزمن القاسي وبرضو اسف علي كل حاجة واسف علي كل شئ وعلي حلم طفل لسه في الحب بحبو وبتعلم المشئ
19/2/2009
| |
|
|
|
|
|
|
Re: ساعة تجئ الانثى الحقيقة .... (Re: مدثر محمد ادم)
|
انا الهذاء اسف علي كل هذاء ومعليش كان البيني وبينك حطاء احساس حرف اترسلت غنوات عشان تفرتك بوتر ريد سكون صمتك بالنغم للرد تترجاك بس لكني خاويت الجسد بالروح حنين بعد ما جاني مرسال رسالتك وطويت مصلاية عشقي ومشيت متوكل علي جمال يوم باكر انشد من سؤال الغيب الاجابة وساند ظهري علي عيون الحقيقة محدق في للافق مرات اتلفت واعاين لي غروب شمس اليوم النازلة تعب بهمو ابتسم وارجع اسرح في شرق شمس يوم باكر وكيف بنطلع منها الانثى الحقيقة ملياني بالامل فرح ومرسومة في السحاب مطر حبيبة نازل فيض حب لزمن جاي مخضر وطن وضاحك مع الصباح قوس قزح واسف علي كل هذاء انا الهذاء
3/3/2009
| |
|
|
|
|
|
|
Re: ساعة تجئ الانثى الحقيقة .... (Re: مدثر محمد ادم)
|
ساعة تزوب الروح ريد وتفتش عن حنان في عيون الحقيقة في درب الحنين مابتعرف الخوف ولا بتردد الخطوات بين لونين ابيض واسود وتقيف في الرمادي ولابتوه عن سحاب قبلي في الردبتعمق احساس شعاع الشمس ساعة يصادف في السكة المطر وتاخز شكل البنفسج انكسار الضؤ في الرزاز قوس عشق ويسال بزرة حب مدفونة جواه جوف الارض باكر بكون اخضر باكر بكون انضر
17/2/2009
| |
|
|
|
|
|
|
Re: ساعة تجئ الانثى الحقيقة .... (Re: مدثر محمد ادم)
|
ولسه واقف علي انات الحنين بردان وفوق حمر الشوق حفيان منتظر في امل دنياي نبية في تميمة الصبر ترتل ايات العشق باهة غنوة ريد شهقة روح دندنة همس الحروف وكاتلة الخوف بدوزنة وتر ملهوف طالعة من عيون الحقيقة لقلب مجروح غارق في النوح فيك مفضوح ومعمداهو بفرح لعب اطفال وشدو الطير لصباح اجمل حاضن بالضؤ في صدرو وردة حب لزمن جاي يايوم بكره عليك الريد اسرع عشان نلقي الحقيقة
| |
|
|
|
|
|
|
Re: ساعة تجئ الانثى الحقيقة .... (Re: مدثر محمد ادم)
|
اه من الحقيقة الغائبة اشوفك في الحنين واقفة براك في ارض يابسة زي شجرة حراز برغم الجفاف مخضرة ريد ساخرة من مطر سحاب خداع ياواضحة وساكنة الجوف داسيك بخوف جوه الصدر تحت الجلد جواه الجوف جوه اهة متكية في انةالحروف جرح وتتاوه في الام عشق وانتظرتك في الغيب هتاف نبية عشق تبشر حب لزمن جاي في عيونك اجمل يا وطن نغمة فرح في رنة صوتك ساعة تتكلمي وساهرت الليل شائل همك في الروح الظنون وخوفك والتردد راجيك سجود ومفوتك وقتين تاخر حضورك واسه لقيتك ياا جمل انسان حجيت النجوم وكل الاطفال بسيرتك ووصيت الريح تشيل لي عبق انفاس ريحتك ورسمت في الزهر والفراش روعة جمال ملامح صورتك ولسه في فرح الزمن الجاي منتظرك امل يالبت الحقيقة راجيك اعتزارا وعشق
| |
|
|
|
|
|
|
Re: ساعة تجئ الانثى الحقيقة .... (Re: مدثر محمد ادم)
|
تجليات غيبية
الوهم هو سئ ليس كائنا في الوجود. اسطورة من نسج خيالنا. كذبة كبرى يطرحها عقلنا. نسكنها قلوبنا. ثم نصدقها ونقدسها. هو شئ نصنعه بايدينا. حين نفشل في مجارات الطبيعة. وطرح الاسئلة الجريئة. والتعمق في الاشياء الجميلة. هو شئ كان عابق في دواخلي ثم وهن وارتحل. مع صرخة الرضيع لبن وتفجر الامال محن ومع اشتها اليتامة حضن وهن وارتحل. فكنتي الحقيقة. فكل شئ عقلي واقعي. وواقعي ان تكوني الحبيبة. اذن انتي الصدفة لان لي وجودك ضرورة. اسمئها احيانأ الوطن وانا الان لا امن الا بقدس اجلال عينيك . سر وجود الكائنات. ونهداك السابحات اروع اياتك. يزاد يقيني حين اراك. شفتاك منجاتي. وفي جسدك صلواتي وزوباني في ذاتك فضميني راهبا في محرابك او درويش ولها في رحابك
| |
|
|
|
|
|
|
Re: ساعة تجئ الانثى الحقيقة .... (Re: مدثر محمد ادم)
|
وساعة تجئ الانثي الحقيقة بتحدد شكل انتمائي ونحيازاتي للاشياء الجميلة واندهاش بوطن في العيون العجيبة يلفت للوعي انتباهي واترك الصمت البهاتي واضحك مل الحروف قصائد وانشرق عشق ساعة تجئ الانثى الحبيبة ساعة تجئ الانثى الحقيقة
| |
|
|
|
|
|
|
Re: ساعة تجئ الانثى الحقيقة .... (Re: مدثر محمد ادم)
|
وارسي في مراسي عيونا فنان مسكون بالحزن هم ومتصالح مع الجروح الم مساحة تشتكي الحروف من الوجع كتابة وتئن في الرسم الوان وتتأوه في البنفسج ميلاد عشق لقلب متعب بالاحمر احلام سراب منهك بالجروح شقى بس متيقن في الغيب وجمال يوم باكر
| |
|
|
|
|
|
|
Re: ساعة تجئ الانثى الحقيقة .... (Re: مدثر محمد ادم)
|
Quote: وتسكن جوه الجوف من دون خوف ملامح وطن حب هتاف شارعو انين عزاب الشوق كاسر متاريس عوارض الزمن القاسي وبرضو اسف علي كل حاجة واسف علي كل شئ وعلي حلم طفل لسه في الحب بحبو وبتعلم المشئ |
وأنا غير آسف إنى لاقيتك فى الناصية دى ..
واصل .. وكب من جواك كل الحلو مر .. ونقدر نعيش ..
أحبك يا مدثر ياخ
| |
|
|
|
|
|
|
Re: ساعة تجئ الانثى الحقيقة .... (Re: رأفت ميلاد)
|
الرائعة الديامي رفت ميلاد
مستاقين دهشة طلتك علينا مبتسم
Quote: وأنا غير آسف إنى لاقيتك فى الناصية دى ..
واصل .. وكب من جواك كل الحلو مر .. ونقدر نعيش ..
أحبك يا مدثر ياخ |
ومن مارعرفتني لقيني قاعد في النصية متمحن عشق وباكي حنين يمكن بكرا تلقاني في التانية ضاحك حب
وتسلم علي المرور الجميل ياروعة
| |
|
|
|
|
|
|
Re: ساعة تجئ الانثى الحقيقة .... (Re: مدثر محمد ادم)
|
ياستاذ مدثر شاعـرالمنبر الرقيق تكتب بعمق واحساس حقيقى دائما فلا تخف ياصديقى فاحلامك سوف تلازمك وسوف تاتى الانثى الحقيقية صدقنـى وما من بعيد حتجى كانها طالعةمن جواك فهى التى تكون حبلى بكل احلامك وسوف تعطـيك بلا حـــــدود
اهديك احد اعمالى الفنية التى دئما محتواها ومحورها المرأة
ساعة تجئ الانثى الحقيقة واكيد مسكون فيها فرح وعبادة
| |
|
|
|
|
|
|
Re: ساعة تجئ الانثى الحقيقة .... (Re: محاسن أحمد محمد)
|
الرائعة المبدعة محاسن
سلامات
Quote: ياستاذ مدثر شاعـرالمنبر الرقيق تكتب بعمق واحساس حقيقى دائما فلا تخف ياصديقى فاحلامك سوف تلازمك وسوف تاتى الانثى الحقيقية صدقنـى وما من بعيد حتجى كانها طالعةمن جواك فهى التى تكون حبلى بكل احلامك وسوف تعطـيك بلا حـــــدود
اهديك احد اعمالى الفنية التى دئما محتواها ومحورها المرأة
|
شكرا علي الطلة الجميلة وكلاماتك اسعدتني كثيرا
وممتن للدعم والتشجيع
وشكرا ايضا للاهداء عمل فني في قمة الروعة والجمال والمراة اصل الحياة واشضا بهديك القصيدة الجديدة حتنزل بعد الارشفة
Quote: ساعة تجئ الانثى الحقيقة واكيد مسكون فيها فرح وعبادة
|
بس كيف تجئ
وليك كل الود والتقدير
تيف تيف
| |
|
|
|
|
|
|
|