|
|
 يا ناس بِت إبراهيم بريدا ... دايِر أعرِس
|
النقول بِت إبراهيم في سوق الحريم ... تُفاح ... مُش حرام أعيش كُل العُمر بس على ... تُفاح ...
وكتير بسعل روحي ليه الله قال لِلراجِل أربعة ... ليه ما ثلاثة ... ليه ما خمسة ... أكيد في
سبب ... في حِكمة ... أها قُمت ليك يا سيدي فكرت في الحِكاية دي ولِقيت ليك إنو أكان لازِم
يِبقن أربعة ... ليه ... أقولك ليه ... شوف يا سيدي
- السنة فوقا (12) شهر
- القاعِدة إنو الزَوجة ولاده ... تحفظ النوع ... تزيد النسل ... أها وكتين تصبِح المره
تقيله (حامِل/حابِل) بِتكون في حُكم العيان (9) شهور وحم وحاجات مِتِل دي ... خليك ماسِك
الحِساب ... أها مِن السنة أبات (12) شهر ننقُص مِنا (9) شهور الباقي (3) شِهور × 4 حريم
ياها السنة قفلت في أماني الله ( ده غير حِساب الأيام البِنخصِم مِن الشهر القمري يعني الشهر
القمري الفوقو 28 يوم هو ذاتو مَجَهَجَه في رقبتو وفوقو كُسور وبواقي ) ...
أنا ما عِندي عِلاقة بِالحِكاية دي بس فكرت فوقا لِلناس التانِيين وكِده ... أنا والله بس
بتقضيني بِت إبراهيم و< فٌلانة > أو جفاها ...
يوماً نناهِد لِجفا العِيونا تخربِت ...
يوماً قلِع أُم زُمام بِتسربِت ...
يوماً عدمْ في المسير بِتكربِت ...
والله صحي مِتِل ما قُلت في مبكِية مِن المبكِيات لِـ< فُلانة > : إذا عَشِقْنا نـإنُّ والعَيَنُ جَفٌ ونِضابُ
|
|
 
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: صلاح أبودية)
|
أبو دَية ...
مساء الخير ...
الحِساب ما عليك مِنو ... بس الفِكرة كيف ... ما عميقة ... وفيها إبداع
أصلو الجينات بِتاعت أهلك المحس ماها هَيني ... (9) شهور عيانة باقي
(3) شهور × 4 حروم = 12 شهر
أصلو الحريم مِتِل الفواكِه طاعمات ...
فيهِن حلا فيهِن غلا وكُلهِن ناعمات ...
قالو البِريدِن جَن أو مات ...
| |
|
|
|
|
|
|
|
|
 Re: يا ناس بِت إبراهيم بريدا ... دايِر أعرِس (Re: عزام حسن فرح)
|
عزام
يا ولدي بتلاهي من زمن جيت المنبر ده ،،،، نهايتك شنو وحدك وين؟؟؟ تعرف يا عزام لو كل الرجال بشوفوا المراة بي طريقتك دي معناها الرماد كل حماد...
الشيء الإيجابي الوحيد في الجرسة البتسوي فيها دي انه "الحداث ماساوي" عشان كدة واصل ابوي واصل في الجن البتسوي فوقه ده...وقلت لي كمان حاسبها!!!!!!!!!!!!!!...
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: حنين للبلد)
|
| Quote: مُش حرام أعيش كُل العُمر بس على ... تُفاح ... |
Quote: أي غُبن بِتشعُر بيهو بِت إبراهيم بِكون ( مُكتسب ) ما أصيل ما غريزي ... الغُبن
ده كِسبتو مِن البيئة ... المُسلسلات ... مَخَيَره ... أكان بِتريدني تعتِقني
ترضا بِنُص عزام ... |
| Quote: تعرف يا عزام لو كل الرجال بشوفوا المراة بي طريقتك دي معناها الرماد كل حماد... |
You know what!!!
It is too late now, I am tired and have to go home,
and have some rest, after a long day of work,
But this will be the most important topic in my schedule tommorow,
,The topic is extremly serious and I wanna discuss it through you and with you
you can stop me if you are not serious since I am taking it seriously..
Greetings,,
All the best,,
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: عزام حسن فرح)
|
محمد أبوالعزائِم أبو الريش ...
| Quote: السَّوّاي ما حدَّاس |
وأنا قتْ ( السواي ما سواي ) بس لامِن تبِقْ نارا ولهيبا الواحِد
طبيعي بِكورِك ... أها أنا وجعي ونحيبي بمرُقو ... بِكتُلني أكان
دسيتو ... دايِرني أموت ... شُفت كيف إتْ حُبك لي ما كِفاية ...
أنا أخوك يا السارة ... لو رِضت عني < فُلانة > تشوف سِوايتي
الما خمج ... أكان ما باطحت بِالعنج ... الما بِعرِف يِقول همج
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: عزام حسن فرح)
|
داير تعرس؟
ماسمعت آخر الفتاوي
أحدهم أفتي بأن زواج مثني وثلاث ورباع غير ممباح علي
إطلاقه.. فقط لليتامي والأيامي (الميت زوجها ) والمطلقات
فهمت يامسكين ؟ يعني تاني تفلسف جفاها بالشعر فقط
أقول ليك حاجة يالفاطي؟ خليك ماسك في بت إبراهيم قوي
راحت عليك..
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: عزام حسن فرح)
|
شمس الدين ساتي ...
Quote: داير تعرس؟
ماسمعت آخر الفتاوي
أحدهم أفتي بأن زواج مثني وثلاث ورباع غير ممباح علي
إطلاقه.. فقط لليتامي والأيامي (الميت زوجها ) والمطلقات
فهمت يامسكين ؟ يعني تاني تفلسف جفاها بالشعر فقط
أقول ليك حاجة يالفاطي؟ خليك ماسك في بت إبراهيم قوي
راحت عليك.. |
أهو التُرابي طلع مِن السِجِن بمشيلو بِلقى لي مخرج ...
وبعدين أنا ما مُمكِن أعرِس بِأثر رجعي (ما قبل صُدور الفتوى)
| |
|
|
|
|
|
|
|
|
 Re: يا ناس بِت إبراهيم بريدا ... دايِر أعرِس (Re: كمال سالم)
|
Quote: بتقضيني بِت إبراهيم و< فٌلانة > أو جفاها ...
يوماً نناهِد لِجفا العِيونا تخربِت ...
يوماً قلِع أُم زُمام بِتسربِت ...
يوماً عدمْ في المسير بِتكربِت ...
والله صحي مِتِل ما قُلت في مبكِية مِن المبكِيات لِـ< فُلانة > : إذا عَشِقْنا نـإنُّ والعَيَنُ جَفٌ ونِضابُ |
وحات شيخى بت ابراهيم لو بتخش الزقاقات دى
كانت علقة شبطكـ
وها زول عرس ساااى
واكان لقيت الكميه متوفره باسى معاكـ
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: محمد الجيلى)
|
كمال سالِم ...
| Quote: بالله الشرموط بتاع بكره عايزنو أبيض |
ياخ باكِر معانا خواجات والله ناس (شرموط) و(اللايوق)
خليهو الجُمعة البعدها ... باكِر تركين (لِلرطانا)
وأكِل بِألألوان (لِلخواجات) ... وكُل زول فيكُم يبقى
في الفِجه البِشوف روحو فيها (رطانا) ولا (خواجات)
عِلماً بِأن الجبنه لِلجميع إنتو تشربوها (قريفه)
والخواجات يِشربوها (فِلكلور) ...
بِت إبراهيم برضيها تب بقر وطين ... بس < فُلانة >
ترضى ...
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: عزام حسن فرح)
|
الأخ العزيز عزام:
كنت من المتابعين يشغف لبوستك الاول صاحب الصله بهذا الموضوع,
وهو بوست في قمة اللطافه ولاقي قبولا واسعا,
وكنت من أشد المعجبين به,
ولكنك في هذا البوست استخدمت عبارات استفزتني بشده,
وقد أشرت اليها سابقا,
فسوق الحريم هذا لاادري له مكانا الا في أول مداخله لك في بوستك هذا,
وبما أنك طرحت الموضوع علينا,
فاسمح لي أن أصيغ القصه بتسميتي لبطلتها بت ابراهيم كرمز لكل من هي في مكانها,
بطلتنا كما حكي عنها زوجها
وهو زميلنا الكثير الحديث عن محبوبته بت ابراهيم,
امرأه جميله ودود ولود, تزوجت عن حب بشخص أعلن لها عن حبه ورغبته بمشاركتها حياته,
فتركت اهلها وعشيرتها واستقرت معه في مكان بعيد,
أنجبت له الأطفال, جعلت بيته قبله للباحثين عن لذيذ الطعام والقهوه المميزه المشهوره,
ومازال صديقنا عزام يخبرنا عن السيده الفاضله بت ابراهيم والنظام الدقيق الذي ينعم به في حياته,
حتي أحببناها و تمنينا رؤيتها والجنه التي رسمها لنا عزام نفسه,
ثم كانت الصدمه في هذا البوست ان أخبرنا عزام للمرة الأولي أن للحريم!!!!!!! سوقا!!!!!!!
وتكرم بأن وضع لنا محبوبتنا بت ابراهيم في مكانه متميزه وهي التفاح, وأعلن عن حبه لها ولكن ليس لدرجة أن
يحيا عمره بكامله علي فاكهة التفاح وحدها,
مع أنه حين طلبها من أهلها كانت تفاحا أيضا,
وحين تزوجها كان يعلم أنها تفاحا فقط..
ثم أخبرنا صديقنا عزام في أغرب عمليه حسابيه أن الله حدد لكل رجل أربع نساء,
وأنه للمرأه أن تنعم بزوجها مادامت سليمه وصحيحه وغير مريضه أو حبلي,
وماعدا ذلك فهو في حل عن ملازمتها وله أن يذهب الي سواها من مقتسمات الكعكه,
وهنا يخبرنا عزام أن الحبل مرض, وأن المرض هذا يستمر لمدة تسعة أشهر كامله!!!!!
ولكن مابال عزام أغفل في عمليته الحسابيه عن أن الزوجات الأربع يمكن جدا أن يحبلن في نفس المده الزمنيه,
اذ لم يخبرنا صديقنا عن موقف الزوج في هذه الحاله!!!!
وماذا سيفعل ان كن حريمه الأربعه مريضات بالحبل!!!!
ثم أضاف صديقنا عزام أن أي ضرر نفسي يمكن أن يصيب محبوبتنا بت ابراهيم,
مكتسب وليس غريزي,
واستند علي أن الله أحل ذلك فاذا الله يعلم أن لا ضرر علي المرأه,
وهذا والله أغرب وأعجب,
ولعله استند الي الاية الكريمه: " وَإِنْ خِفْتُمْ أَلَّا تُقْسِطُوا فِي الْيَتَامَى; فَانْكِحُوا مَا طَابَ لَكُمْ مِنَ النِّسَاءِ مَثْنَى; وَثُلَاثَ وَرُباع فَإِنْ خِفْتُمْ أَلَّا تَعْدِلُوا فَوَاحِدَةً أَوْ مَا مَلَكَتْ أَيْمَانُكُمْ ذَلِكَ أَدْنَى أَلَّا تَعُولُوا "
مع أن الجمله جاءت بمنتهي الوضوح شرطيه, اذ لم يقل الله تعالي انكحوا وانما قال وان خفتم ألا تقسطوا في اليتامي فانكحوا,
والفرق واضح وجلي,
وأن الله تعالي قال في نفس سورة النساء:
"ولن تستطيعوا أن تعدلوا بين النساء ولو حرصتم فلا تميلوا كلَّ الميل فتذروها كالمعلَّقة وإن تُصلِحوا وتتَّقوا فإنَّ الله كان غفورًا رحيمًا".
وان الاسلام حين جاء الي الجزيرة العربيه وجد التعدد شائعا بصوره فيها ظلم للنساء,
فشرع في تنظيم الأمر, والأصل في منظور العديد من الفقهاء هو الافراد وليس التعدد..
والمستند الي تعدد زوجات الرسول (ص) فهذا أمر اخر مختلف تماما,
اذا لم يتزوج محمد الانسان قبل النبوه بغير خديجه رضي الله عنها,
وهي من تكبره سنا ولم يتزوج عليها طيلة حياتها,
وماكان زواجه حبا في النساء كما زعم المغرضون وانما تأسيسا للدوله ولمصالح سياسيه,
ومسائل تعليميه للامه واضحه ومعروفه,
الموضوع كبير ويمس كل النساء,
حين يتحدث شخص أن ليس بزوجته عيبا ولكنه ببساطه مرخص له أن يحب سواها,
وهي ليس لها سوي أن تقبل وحتي رفضها غير غريزي وانما من كثرة متابعتها للمسلسلات والدراما,
فهذا كثير,
وان كانت مثالية محبوبتنا بت ابراهيم قد جعلت من صديقنا عزام,
يعتقد خطأ أن كا النساء فواكه ومثاليات,
فهذه والله نقطه تحسب عليها اذ كان من المفترض بهذا المفهوم أن تري صديقنا,
وجها يكره بعده الفواكه ويتمني الصوم أبد الدهر....
أخي عزام لم نعد في عصر الحريم فما بالك لاتدرك هذا؟؟؟؟؟
(عدل بواسطة Amany Elamin on 03-13-2009, 12:07 PM)
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: عزام حسن فرح)
|
Quote: ثم أضاف صديقنا عزام أن أي ضرر نفسي يمكن أن يصيب محبوبتنا بت ابراهيم,
مكتسب وليس غريزي, |
والله عرس الراجل حار قطعه من نار الزول ان شايل اللقمه علي خشمه يدخلها في عينو
وان جيت تحل الشاي تكب في الكتفيره هين شطه .
يا زول اريتها نار عدوك وعصرتوا للعدو اخير منه الطلاق
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: doma)
|
Quote: الطَشه قشه ...
عقلو خشه ...
قلبو غشه ...
عضمو نشه ...
أشوف وشه ...
وأموت رشه ... |
أخونا عزام
الطشة قشة.....والقشة هشة
قلبو غشة .....نام ما تعشى
عضمو نشة .....لازماو مقشة
أشوف وشة .....لقفاهو و حشة
وأموت ورشة......كوس ليك عشة
_______________________________
بجيك راجع وكدة
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: طارق جبريل)
|
طارق جبريل
يا زول إتْ ما تساعِدني وِكتين الدرِب بِجيبك بِجاي ...
بِت إبراهيم مرتي وأُم أولادي بريدا ودايِر أعرِس < فُلانة >
على سُنة الله ورسولو ... مكتول فوقو سااي ... ما تحدِثوها ...
ظنك بهجِس ... التُقابا الباقا في سدري شِن بِطفيها غير < فُلانة >
ياهو حالي بناضِم فوق ريدا وجفاها الليلة وباكِر لامِن ترضى أو
أموت ... حيلتي شنو غير النضمي والدوباي ... بقشقِش دِموعي وتاني
بصُد أشكي وأبنوح علو وعسى ... قليبا يِحِن ... يِإن ...
مِن قُتْ العِرس جابو الفتاوي الضِد ...
وقف الحلال عِندي وقال بِِحِد ...
يِمَه قالو لي أحسِب حريمك وعِد ...
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: عزام حسن فرح)
|
Quote: تكبرو سوا ... إذا كان لابُد يا خوي كُل 20 سنة واحدة × 4
بِتصل الـ80 سنة |
لا يا الحداس وماك سواي
الحساب كدا
عزام راجل بت ابراهيم
1 زوجة× 1سنة = 1 سنة
1 زوجة× 40 سنة (عُمُر عزام) = 40 سنة
معتز القريش (راجل التلاتة)
3 زوجة× 1 سنة = 3 سنة
3 زوجة × 40 سنة (عمري)
تساوي 120 سنة سعد وهنا
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: معتز القريش)
|
غايتو من برنامج ود الريح بتاع التلفزيون عرفنا انو الضب بيغمر من رش المويه.... لاكين يطرشني ..... من الموت رشه...بس السؤال ياربي رشة دمعه والا سليق والا موية فول وبوووووووووووش عديل ... بس تعرف ده ما الموضوع.... انا جيت اسلم عليك يا الذه زول في البود من اوله الي اخره بدون منازع..... ويازول عندي ليك وصيه انا العندي فروله وزيك قلته اغير .... كده برضو فتش ليك معاك ........ وش ميت من الضحك معزتي
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: willeim andrea)
|
يا عزام فرح,
يعني كمان عايز ليك إحصائية في العرس الدبـل ؟
والله كان بتسمع نصيحتي, خلي الود مع بت ابراهيم قائم وانسى موضوع الدبل دا,
بقلب نعيمك جحيـم وبعدين الكيوي ما رايح يحـلك,
دي نصيحة أخـوية ومخلصـة يا عـزام ما ليها علاقـة بالاحصائيات
ليك تحية
أحمـد الشايقي
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: هاشم أحمد خلف الله)
|
معتز القريش ...
| Quote: تساوي 120 سنة سعد وهنا |
الشي [ زول ] يا كافي البلا ولا [ شِجرة السيكا ]
هو الشئ السمِح بِقى سمِح لِنُدرتو ... لِقُصرو ... شوقك
تسعد 120 سنة ... أنا عشمان بس < فُلانة > تتذكرني
تِذِكِر ساي مره في الشهر ... أكان سوتا صدِقني أنا
بِتجيني أنوار شعشعانِية والله أقرِب أكورِك لِبت إبراهيم
نان تِزمْلِني ... تلقاني أتخج خج ... ها يازول الحِكاية
ما كِرتِلا وهِوايا ... ماها غِوايا ... الحِكايه نوايا
وكْتين جاني أنوارا ...
بِقيت أتشابا لأسوارا ...
عطشان وحداي أنهارا ...
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: عزام حسن فرح)
|
willeim andrea
| Quote: لاكين يطرشني ..... من الموت رشه |
سألتك بِالذي سواك حصل شُفت أو سِمِعت بِزول إترشا بِكهربا
والله التقول رشتني مِن كهارِب عينيها رشه ... بتصدِق مره
كُنت في صلاة الجمعة وفي وضع الرُكوع بعد ما سبحت تسبيحاتي
( سُبحان ربنا العظيم ) الإمام إتأخر فوق تسبيحاتو ... أنا
قُلت لِروحي كدي الندعو ربنا يِحنِن لي قلب < فُلانة > مِن وصلت
لإسمها سرحت وبقيت في وضع الرُكوع ولامِن إنتبهت لقيت الناس
خلصو الصلاة جت وإتحولقو حَولي وأنا على العلي فوق سرحتي
صِعبت علي روحي بقت موية عِيوني تكُب كب ... أها الناس شافو
وضعي والدِموع بِقو يِتمسِحو فوقي قايلِين درَويش ووصل وفي
واحدين يِقلِبو كفيهُم ساي ويستشهدوا الناس القُراب مِني
حاولو يِنضُمو معاي ... الإمام زاذ الطين موية قال ليهُم
بِطريقة مسرحِية خلووووو إسيبوووو الحبيب وصل حي حي حي
المُهِم إتخارجت مِن الجامِع ومشيت بيتي ووراي زفه وأنا مِن
الخجله ما قُلت بِغِم ... قعدت بِت إبراهيم تعرِك لي ضهري
قريب يومين بِالمحلب مِن تِيِبِس وضعِية الرِكوع ...
أنا ياأندِرِيا بس كاتِلني الشوق ...
ملان رِزِق ... طين ونخيل ونوق ...
يِمَه سايقة < فُلانة > وِليدِك سوق ...
| |
|
|
|
|
|
|
|
|
 Re: يا ناس بِت إبراهيم بريدا ... دايِر أعرِس (Re: عزام حسن فرح)
|
ود الشعبيه ود حسن فرح
** بما أنك أعلنت:- بأنك مُوحِد - وبأن بت إبراهيم هى اللاعب الوحيد المُسجل فى كشوفاتك الي الابد..
** رجاءاً السكاكين والسواطير وكل الاسلحه الاُخرى يُرجى حفظها بعيداً عن متناول اليد..
** وناس بحرى معروفين بِعشقهم لبحرى ولمن يحبون..
(ودام الود بيننا)
(ابو محمد فؤاد - دبي)
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: عبدالكريم أحمد الامين)
|
عبدالكريم أحمد الأمين ...
| Quote: بت إبراهيم هى اللاعب الوحيد المُسجل فى كشوفاتك الي الابد.. |
يا زول إتْ شِويعي ولا شنو ... القال ليك لِلأبد منو ... صحي القسيمة ما فوقا تاريخ
صلاحِية لكن حتو كدي حرام ... عاينو ده كمان ... قال لِلأبد ... بِت إبراهيم بريدا
لكِن الله السواني وسواك قال الراجِل بيقدر يريد أكتر مِن واحدة ...
| |
|
|
|
|
|
|
|
|
|
Re: يا ناس بِت إبراهيم بريدا ... دايِر أعرِس (Re: عزام حسن فرح)
|
عزام آخوى هوى
ات وكت بتريدا .... الجقلبة شنو
ات ما بتـ توووب وتسكن حنـ توووب
من هاشمية ود شيقوق فى بوست صلح الجن داك
ومشاركتك فيهو الكان بتوديكـ التوج عديل كدى
وكمان فاتح بوست
علا الله يستر .. بت ابراهيم ما تشوفو
بينى وبينك يا صاحبى
ات بتقدر ....
مودتى
| |
|
|
|
|
|
|
| |
عزام حسن فرح
صلاح أبودية
حيدر حسن ميرغني
SHIBKA
محمد أبوالعزائم أبوالريش
شمس الدين ساتى
كمال سالم
محمد الجيلى
Hassan Makkawi
doma
معتز القريش
طارق جبريل
willeim andrea
أحمد الشايقي
هاشم أحمد خلف الله
عبدالكريم أحمد الامين
مرتضى الكجم
فيس بوك
تويتر
انستقرام
يوتيوب
بنتيريست