خُماسية الهوى !!!!!

خمس أعوام .. هويتك فيها بذاتى ..



خمس أعوام .. سبحتى على مداراتى ..



خمس أعوام .. سجنتك فى ضلعاتى ..



خمس أعوام .. سقيتك كُل حناناتى ..



خمس أعوام .. مزجتك جوه نبضاتى ..



خمس أعوام .. نشقتك فيها نسماتى ..



خمس أعوام .. رويتك فيها دمعاتى ..



خمس أعوام .. هديتك سحر آياتى ..



خمس أعوام .. عشتك فيها فرحاتى ..



خمس أعوام .. مسحتى علىّ شجواتى ..



خمس أعوام .. رسمتك فيها لوحاتى ..



خمس أعوام .. نسجتك فيها غآياتى ..



خمس أعوام .. وما ضنيتى يا حياتى ..



خمس أعوام .. مشيتك فيها يوماتى ..



خمس أعوام .. تشهد بيها خطواتى ..

خمس أعوام ..!



وفى كل يوم بمشى على مواعيدى ..!



بلاقيك شوق .. بلاقيك حب .. بلاقيك خوف ..



بضمك جذوة أعماقى ..



خمس أعوام ..!





بعد كل يوم ..؟ بمشى كمان ويوماتى ..





ومافترت خُطاىّ علىّ .. ولا مليت ..




بدق الباب .. وبفتح شوق ..




وبسأل وكلى مستغرب ..!!!





وين حبيبتى ياناس هوووى ..؟؟؟






بردوا علىّ ..




طلعت طلعه للجيران ..




وبنتظرك ..!!!




وبستناكى بالساعات ..




لحدى الرجعه .. وأفرح بيك ..




وأضمك شوق .. وأنوم فى كفك الريان ..




خمس أعوام ..





وما مليت ..!!




حتى الشوق زهج منى ..






وقرّب إكسر العاده !!!





وصالحنى ..





وما مليت ..





خمس أعوام ..






بنينا أحلام سعادتنا ..






وفرشنا الكوخ محبتنا ..




ونمنا حنان ..




ونمنا أمان على الجاى ..

خمس أعوام ..





وفجاءه ...!!!!؟؟؟؟





إتقطعت أوصال علاقتنا ..





وفجاءه إتشردت أطياف محبتنا..





بعد خمس أعوام حب ..!





خطفوك سلافة الروح ..




زرعوك ألم فى عينى ..






وذادوا الحزن فيك فىّ ..




وقتلوا الفرحه فى عيونا ..





وكسروا الكأس ..





وبعثروا خمرة العشاق ..





ملعون أبو الزمن يابنيه ..!





قضاة الحب ..






ولاة الأمر ..







عبيد الذل ..







قالوا ظلم ..






وحكموا الجور على هوانا ..







وتاهت مننا الخطوات ..







وماديت بينا سكاتنا ..







لقينا الخوف ..






لقينا الظلم ..







حارسين جملة السكات ..!








وتمت الدنيا لضياعنا ..







عرفنا الخوف وطعموا الذل ..







عرفنا الجور وضقنا الظلم ..







وضقنا رعشة الحوجات ..






سياط الساده يابنيه ..!





ملامحا فىّ ..





جرس البيع فى مزادهم ..!







إصن إضنيىّ ..






عرفت قساوة السجان ..





وقيد السجن بألم فىّ ..








ما لايمك دوام مافضلت السنوات ..






لانو القال ..؟





لا إنتى ولا كان القرار فى إيدىّ ..

تلات أعوام ..!!!





وما قادر أنال الوصل ..





وما قادر أعيش الحب ..






وما قادر أعيد الدنيا فى دربى ..






تلات أعوام ..






ماضاقت عيونى النوم ..





وما إستسلمت للآهات ..





ولا حبل الصبر قام فات ..





ولا إنكسر الصمود فينى ..






تلات أعوام ..






مُسيطره فىّ ..





وبكبر حبى ليك كل يوم ..





ومابزهج وما شلت اليأس جواى ..






ولا مليت من التفتيش ..






بعد تلات أعوام ..!!!








شفتك إنتى يا حُبى ..






نسيت الكون ..






نسيت الناس ..






نسيت الدنيا والعالمين ..





وبقيت فى موقف المجنون ..





بقيت فى أصعب قدر مكتوب ..






بعاين فيك ..؟؟





ما مصدق .. ومتحير ..!!!






وفجاءه لقيتك انتى تبسمى لىّ ..






وتنده فىّ عيوناتك تزغرد لىّ ..





وحات الشوق ..






وحات الحب ..





وحات الكان ومازال فينى فيك يابنيه ..





وحات قلبى الوفئ وما نيىّ ..







رجعت طفل ذى أول وهربت منى دمعاتى ..







لقيتكـ بحنان البُعد ..







بحر الشوق ..






سنين الخوف ..






ووجعة قلبى فى بعادك ..





ومرارة الظلم فى لسانى ..







حكينا الكان فى بعادنا !!؟؟







روينا الشوق بحناننا ..





ونسينا كمان معاناتنا ..






وإتفارقنا على وعد اللُقا ..






بعد كم يوم ..





ورجعت هناك لى كوخى ..





وما فارقتى لى خيالى ..






ونمت خلاص بعد تلات أعوام ..






لكن ..!!






هل الحب ح اواصل وترجع أوصالنا ؟؟





أكيد لا !!؟؟؟






لأنو خلاص صرتى الآن لزول تانى ..





وزدتى مرارة الكان بىّ ..





وقرّب مواعيد الزواج ليك ..







وقرب مواعيد المعاناه إلىّ ..





بعد ما قلت خلاص ..!






رجعت لينا دنيتنا ..






لقيت الخوف بزيد فىّ كىّ ..





لقيت الدنيا تمرر لىّ ..






لقيت الحب بعاكس فىّ ..






وبعد كل الحصل يا ملاك ..





هل الحب برجع لىّ ..؟؟






هل الدنيا تبسم لىّ ..؟؟






هل الخوف بسيب وادىّ ..؟؟





هل الجور بفارقنى ..؟؟





أكيد لا ..!!؟؟





لأنو خلاااااااص ..!!






كملت فرصة الأشواق ..




تأهت من كلماتى ..




وكملت فرص الغرام لىّ ..






وخلاااااااااص





الدنيا ضاقت بىّ ...