حمزه العسيلاتى الشهير بالكوبى شمباتى من الزمن الجميل
انيق الحرف والعباره ساهم فى ارساء العديد من المنتديات السودانيه يعرفه أهل "مزيكا سودانيه" ومنتديات شمبات الالكترونيه أكثر من غيرهم من الأحباب السودانيين
الف مرحب بالكوبى وفى انتظار تثنياتكم يا أحباب والباسويرد يا باشمهندس
03-10-2009, 05:01 AM
haroon diyab haroon diyab
تاريخ التسجيل: 06-20-2007
مجموع المشاركات: 23228
ولانوا صباح العيد باين من ليله وعن المرء لاتسأل وسل عن قرينه نثني .... ونؤيد ونبصم بالعشرة علي وجوده بيننا مادام من طرفكـ. بس .... ياخوفي اكان طلع.......!!!
مزمل الاشواق كيمان ....كيمان
03-10-2009, 05:08 AM
ناهد بشير الطيب ناهد بشير الطيب
تاريخ التسجيل: 02-08-2008
مجموع المشاركات: 4180
لا هو من ناحية هلالابى دى هلالابى وهلالابى مر كمان يعنى ما ماسوره بس أرجو الراجيكم يا رشاشات
بالجمبه كده : بواناموايا ده فريق درون ده؟ على الطلاق ده لو كان لاقى الصبيان بتاعننا ديك كان شطفوا ولبسوا وقالوا ليه أرجع يوغندا مليتوا البلد مواسير يا شيخ أجدع أضانك فى مدنى الليله وأسمع أنين سيد الاتيام
تسلم يا أبو دياب على التثنيه وانشاءالله الكوبى ما حا يخيب ظنك ولدنا ومالين يدنا منو
أثني وابصم بالعشرة ... راجل فنان صاحب حضور طاغي في كل المنتديات عرفته عن قرب مكسب كبير لتوثيق الحركة الثقافية والفنية في السودان في البورد هنا .. وبعدين فوق ده يابكري فرقكم ( كان خور ) ... شمبات والحلفايا .. وكلو في بحري الجميل ...
أقبض معاذ السارق صورة ناجى الملك الخاتاها داليا فى برفايلها انت ما راجعت البوست بتاع بشرى الفاضل ولا شنو؟ لووووووووووووول أنا فتنتك مع ناجى بالمناسبه يا معاذ اللييييييييييييييييييله أسى خب خب خمومو وجاييك
تسلم يا عسل على التثنيه والكوبى يغريك السلام انت وكل الحضور هنا شوال من الود
03-10-2009, 09:43 AM
SHIBKA SHIBKA
تاريخ التسجيل: 01-14-2009
مجموع المشاركات: 5759
مزمل سلامات الف هلا ومليون مرحب بحبينا حمزة ابوالباسل ودا تشريف لطيف جدا واضافة لقبيلة المهتمين بالغناء والموسيقى والتوثيق فى هذة الديار التى اصبحت فى امس الحاجة لوجود امثال الكوبى... حمزة سمعتو سابقاه واسالوا عنو حتى انوار الصباح.. القصة يابكرى بحرى فى بحرى على شمبات وحلفايا حقو نطلع منها خالص احنا والوسطاء يمتنعون...
شكر مزمل على التقديم اللطيف دا وفى انتظار الكوبى...
استاذ عزيز ازيك ياخ الأشواق من هنا لى عندك شفت بكرى لومنا مع ابوالباسل ده كيفن الراجل نشف فى الباب بالجمبه : كيفك وكيف كل الأهل فى توتى انشاءالله طيبين وعافيه ربنا يردنا ويردكم سالمين انشاءالله والحب الفى قلبى لى ناس شمبات وتوتى أنا بفتخر بى لو كان سبب موتى
Quote: غايتو أنا برفعوا إكرماً لأختي الصغرى (سماح علي الزين) وزوجها الشمباتي (محمد هاشم حضرة) ..
[color=blue]ولك و لأختنا سماح ولمحمد هاشم حضره التحيه والتقدير تسلم يا كمال ونجيك انشاءالله فى باسويرد صاحبك (::) باص بينى : بطل الكسل ده وارجع شخبت من زمن الرداء أبوميكى ما قريت ليك حاجه تانيه فائق احترامى
يا ولى كدى حدد لى الضمير فى كلمة (زولنا) شايت على وين لانى شايفك كتبت بعدها رشاشه والكوبى زولى وانا كاشف نومته الله يستر ما تقوم تطلع رشاشه يا خينا مشكور على التثنيه يا ولى وانتوا ادرى بالكوبى مننا يا ناس بى غادى وليكم العضم ولينا اللحم كان فضل فيه شى ::) تحياتى
03-13-2009, 05:57 PM
haroon diyab haroon diyab
تاريخ التسجيل: 06-20-2007
مجموع المشاركات: 23228
تعرف بس لأنك من طرف الكوبي .. لكن أهلي ضبحو لي فيه خروفين وخالي أتنين .. وبعد ده يامزمل تقول لي حاتم ( مابنابهو الإسم لكن الفيك أتعرفت ) ... تهي تهي تهي ....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
haroon diyab
ناهد بشير الطيب
SHIBKA
معاذ حسن
معروف حمدين
جمال سعيد
waleed dawash
كمال علي الزين
عزيز
Ahmed al Qurashi
Maawya Hussein
Hassan M Saeed
Alsa7afa_30
فيس بوك
تويتر
انستقرام
يوتيوب
بنتيريست