|
|
 مواقف مضحكة من الشارع السوداني على خلفية القرار
|
أول هذه المواقف من شخصي الضعيف
كنت في جلسة صفاء مع إخوة كرام في أمسية يوم إصدار القرار
وقلت لهم فجأة
أي نعم أنا معارضة وعميل على قولكم
لكن الشفتو في أمدرمان والناس مرصوصة على الطريق وعمر البشير يلوح لها بالعصاية ويرقص من غير موسيقى
والناس بتهتف
ومافي زوول مرقا
البي عراقيهو واللابس برمودة ولا مؤاخذة
جد هزاني من جوة
ومفروض نكون كلنا مانديلا ونسامح
وما تزعل مني يا أنور كنق وبقية شرفاء المنبر
دا رأيي الشخصي
ونواصل
|
|
 
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: intehazy)
|
أحد ظرفاء حي إمتداد ناصر
في صباخ الليلة
سوري على الألفاظ
لكن بايتة معاهو وسكران طينة
طلع الشارع وقال للجماعة
عزيز أنت يا وطني
بالله خلييهم يجو يقبضوني أنا
أنا السكرااان الحيران دا ما بقدروا علي
يقولوا دايرين يقبضوا على عمر
والله حكم
أنا قاعد في بيتي دا
وماشي يترتح ويغني: عزيز أنت يا وطني
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: intehazy)
|
ولسع مع أهلنا في إمتداد ناصر
حيث تجمع أطفال صغار ما بين الرابعة والعاشرة في العمر
أولاد وبنات
وتسلحوا بما أوتي لهم من أغطية الحلل والجركانات وساروا في الشارع حتى وصلوا إلى مطعم الكبابجي
وهم يهتفون
سير سير يالبشير
وأحلى حاجة المناظر
كانوا أكثر من 30 طفلاً
ومنهم من كان يبكي وأختو جاراهو
ولكن الهتاف فوق
وبوري العربات ما يديك الدرب
وما عارفم رجعوا كيييف
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: Nasser Mousa)
|
والله أنا تهمة العمالة دي شكلها لاحقاني لاحقاني
أنا بالبوست دا ما بقول إنو القرار صحيح ولا غلط
أنا في حاجات سمعتها وشفتها بس مضحكة
وشر البلية ما يضحك
في زمن الغم دا
وأنا من واقع ميثاق بنابر النقاش الأممي لسنة 1913
وطبقاً للمادة 303 الفصل السابع
وبصفتي دكتاتور البوست دا
بطلب من المتداخلين
إما إيراد قصة طريفة أو مشهد مر بكم ولكم من الشكر أجزله وأكمله
أو التطبيل لشخصنا الضعيف ودا أهم
مثلاً
أسلوبك با إنتهازي في السرد رائع أو متموسق
وما تسألوني متموسق دي معناها شنو لأنو أنا زاتي ما عارف
بس كلمة عاجباني والسلام
حاجات من الشكل دا
لكن شعارات مربع واحد
الخلت أوكامبو يقول السودان ما بلد ضعيف وعاينو ليهو قاعد يتحدى العالم كلو
شبعنا منا
وإحنا موقفنا زي الرباطابي الفوق دا
ولكم ود مبتداه السلام والأمل ومنتهاه التسامح والغفران
ولنا ما تبقى من سهام الإتهامات بالخيانة
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: intehazy)
|
ما شاء الله
أنا شايف البوست دا جايب ليهو دخل كويس
فقلت أنتهز الفرصة
+++++++++++++++++++++++++++++++++++++++++++++++++++++++++++
هو بوست أنزلته قبل يومين ولم أجده
نحن مجموعة من الشباب المتطوعين
سوف نقوم بجمع الثياب المستعملة من الراغبين
وستقوم أخوات لنا متطوعات من ذوات الإعاقة الجسدية بغسلها وكيها وتغليفها
لنوزعها على المحتاجات من أمهاتنا في:
اليوم الترفيهي الثاني عشر لأطفال السرطان الذي سوف تقيمه مجموعة نحن
على المرافقات في مستشفى أمدرمان
ضواحي مدينة الخرطوم
كسلا
جبال النوبة
حتى ولو كانت الملابس المستعملة رجالية أو أطفالية أو نسائية
كلو بنفع
إتصل علينا
0911449954
وأكيد على قول النعيم أخوي
بكرة أحلى
بالمناسبة ثمن الثوب الجديد
10 ج س
وممكن تساهم معانا بالصابون
أو ورق الهدايا
ولو داير تغلف معانا وتشترك في التوزيع
حبابك ألف
ولكم ود مسربل بالأمنيات
ولنا ما تبقى من أمل في سودان موحد
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: intehazy)
|
حكى لي الأصدقاء
أن عمر البشير بينما كان يهم بمغادرة مكان مسيرة أمس
جاءه أحد الإخوة الفلسطينيين يحمل علم فلسطين
فأخذه منه
ثم جاءه أحد الإخوة المصريين يحمل علماًفيه
علما مصر والسودان وصورتي الرئيسين ميارك والبشير
وأراد أن يعطيهما للرئيس
إلا أن عبدالرحيم محمد حسين قام بمحاولة لإبعاد الأخ المصري
فما كان من البشير إلا أن دفع عبدالرحيم من صدره دفعة قوية
وصافح المصري بل وعانقه
ويقال أن عبدالرحيم غادر المنصة وهو ماخد على خاطرو شوية
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: intehazy)
|
كنت أستمع إلى برنامج نقطة حوار على إذاعة البي بي سي بالعربية
ولمن لم يسمع عن هذا لبرنامج فهو برنامج حواري مباشر
يطرح فيه مقدم الحلقة موضوعاً للنقاش
ويقوم بإستقبال مكالمة شخصين
أحدهما مؤيد والآخر رافض للموضوع
المهم في الأمر
أن الموضوع كان عن قرار التوقيف
وكان على الخط مواطن سعودي
والثاني مواطن سوداني
أعطت الفرصة للسعودي وسأله المذيع عن رأيه في القرار
فكان رد السعودي أن هذا اليوم هو بالنسبة له يوم عيد
فاستغرب المذيع جداً وسأله مقاطعاً أأنت مواطن سوداني مقين بالسعودية
فرد الأخ لا يا ريال طال عمرك أنا سعودي وما أفقه كثيراً في السياسة
بس بالنسبة لي هذا يوم عيد، لأنه لم يسبق للأنظمة العربية والقهرية أن إتفقت على شيئ من قبل مثل إتفاقهم على رفض المذكرة لأن هذه السابقة ستكون بمثابة السيف المسلط على رقابهم
هنا سأل المذيع الأخ السوداني عن رأيه
فأجاب أنه حتى وإن كان البشير قد إرتكب ما نسب إليه فالأصح أن يحاكم في السودان
هنا قاطعة السعودي متهكماُ
كبف با أخي تريد أن تحاكمه هذي ماهي محاكمة محاكمة هو المتهم وهو الحكم في نفس الوقت
فرد السوداني قائلاً: القضاء السوداني هو قضاء ......
هنا قاطعه السعودي مرة ثانية
أخي أخي... بدي أقول لك شي
الحين إنت لو في السودان وغلط عليك بتاع البلدية تقدر تسويلو شي
يا عم روح روح
وهنا جاءت الأخبار
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: intehazy)
|
شقيقى الإنتهازى، لك التحية
لزاما علينا أن نضع النقاط فوق الحروف لتقرأ الجمل قراءة صحيحة و واضحة..
كون أن يصل الأمر الى أن يطلب رئيس دولة السودان، فهذا نقصان
نقصان فى النهج و فى الوسيلة و فى الفكر و المبدأ، و علينا أن نؤشره
بداية الحكاية و التى يجب أن تكون ارضية النقاش و الحكم و اساس للحل،
أن أتى العسكر على ظهر دبابة و بالقوة غيروا نظام منتخب،
و بيت القصيد أن ناصرهم متبطناً التيار الإسلامى السياسى، خداعاً و تآمراً
ثم تشتت الشمل و إنكسر المرق و عاست فلول الحركة الإسلامية شتى أنواع التخبط
و فى كل مناحى و ضروب الحكم و المعارضة على السواء..
و لأن أساس إلتقائهم رخو و زائف،،، كان الشطط فى العداء و الخصومة
ولأن هدفهم إلتقى مع ضعاف نفوس و أصحاب غايات و مصالح ذاتية،
تغيرت نواحى فوهة المدافع و البنادق لصدور الأخ قبل العدو،،،
و ضاع الوطن بين أمنيات المبعدين و تسلط المتكالبين لقاسم أعظم هو السلطة و الجاه و الثروة...
و حصاد سنين غيهم = أوكامبو و الذى وجد مرتع خصيب ليعمل معوله فى جسد وطن غالٍ علينا
ش
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: intehazy)
|
البتعمل فيهو دا سياسة تلميع للمجرم لانه الناس الطلعت دي كلها مغيبة اعلاميا و لا تصدق بالمجاذر الحصلت في دارفور و اعلام الجبهة صور ليهم انه السودان ا يدمر لو ازيلت الحكومة و انه الغرابة حا يمسكو البلد و حا ينتقموا من الشمالين و بدوا يغيرو في التاريخ و يذكرو الناس في صحافتهم الصفراء بما فعله خليفة المهدي يعني سياسة تخويف لكن الناس حا تعرف الحقيقة قريبا
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: Nagi Ahmed)
|
أخي ناجي
لا ينكر أحد جرائم النظام بكل من فيه من رئيسه وحتى عرابه الذي إنقلب عليه تلاميذه
وكتبنا عنها الكثير
ولكني لا أتفق معك في أن من خرجوا في أمدرمان كلهم مغيبون
أنا لم أورد هذا المشهد لأنقل لكم تعاطف الشعب مع البشير
إنما نقلت أحد المشاهد التي لفتت نظري في المشهد العام
هل أرتكبت جرائم في دارفو
نعم
هل البشير متورط
نعم وكل النظام
هل هذا هو الحل
ببساطة لاااااااا
ما هو الحل
ما عارف وعشان كدا خليت السياسة
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: Magdi Ahmed Elsheikh)
|
مجدي بعد عرض أمرك على دائرة التحقيقات الخاصة
بشؤون مكافحة الإرهاب الكلامي
التابعة للبلاط الديكتاتوري لسمونا الكريم
أطال الله عمرنا
نحن ديكتاتور إنتهازي الرابع
ملك عموم الإنتهازية
في ربوع النتية
والإطلاع على ملفك والذي لم تشفع لك صورة بكري الخاتيها
أصدرنا البيان التالي
ولا يغرنك تهكمك على حنين البلد ومحمد البشرى
فنحن الملوك وهم الرعية
أما بلغك أن بوستاتنا محروسة محمية
بكيبوردات قواطع هندية
وفيروسات جرد أدهمية
وهكر قادرين على القتال بكرة وعشية
فالويل لك ثم الويل
إن لم تأتنا طائعاً مسلماً
لتؤدي البيعة لنا
وقد أعذر من أنذر
نيابة عن الحضرة الملكية الإنتهازية
صدر تحت توقيعي
إنتهازي الرابع
مدير مخابرات التحالف الأممي
من أجل عالم خال من الصراصير
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: محمد البشرى الخضر)
|
والله يا محمد البشرى
بعض عرض القضية على الدائرة الإبتدائية لمحكمة النزاعات الكلامية في الشبكة العنكبوتية
والإطلاع على الأدلة المرفقة
حكمنا لصالح حنين البلد (الصورة لأنثى والإسم متسق مع السياق لكن شايقكم بتتكلموا مع صاحب/ة الإسم بصيغة المذكر فأفتونا باللاي)
لأنك أوردت في مداخلتك الأولى
كلمة أو (رائع أو متموسق)
و أو كلمة ضبابية
ولم تتمكن هيئة المحكمة من تحديد أكان الخطأ إملائياً أم مقصوداً
وهذا ما إعتبرته الدائرة
تهجماً على شخصنا الكريم
وتعكير لصفو السلام البنبري في هذا البوست
مما يترتب عليه إثارة للنعرات العرقية ويمهد لإدخال البوست في أمور وجهجهة
وطبقاً لأحكام الميثاق المشار إليه عاليه
جاءت حيثيات الحكم ببطلان دعواك ضد حنين البلد
وإلزامك بدفع مصاريف المحمكة والتي تبلغ 1,300,000 رورار تورد في حسابنا الخاص بسويسرا
(تفاصيل الحساب سوف ترسل لك في رسالة خاصة)
والحكم عليك بالحرمان من دخول البوست والتداخل فيه لمدة 3 أيام مع وقف التنفيذ
لحين مثولك أمامنا وتحديد ماهية ال أو المستعملة من قبل شخصكم
مع ضرورة الإعتذار العلني لشخصنا وحنين البلد
وتحمل كافة التكاليف المترتبة على الأثر النفسي الذي حاق بالأطراف المتضررة
والتعويضااااااااااااااااااات
يا زول أكمل ولا كفاك
أما مجدي
فدا موضوعو براهو كمان
| |
|
|
|
|
|
|
|
|
 Re: مواقف مضحكة من الشارع السوداني على خلفية القرار (Re: intehazy)
|
Quote: والله يا محمد البشرى
بعض عرض القضية على الدائرة الإبتدائية لمحكمة النزاعات الكلامية في الشبكة العنكبوتية
والإطلاع على الأدلة المرفقة
حكمنا لصالح حنين البلد (الصورة لأنثى والإسم متسق مع السياق لكن شايقكم بتتكلموا مع صاحب/ة الإسم بصيغة المذكر فأفتونا باللاي)
لأنك أوردت في مداخلتك الأولى
كلمة أو (رائع أو متموسق)
و أو كلمة ضبابية
ولم تتمكن هيئة المحكمة من تحديد أكان الخطأ إملائياً أم مقصوداً
وهذا ما إعتبرته الدائرة
تهجماً على شخصنا الكريم
وتعكير لصفو السلام البنبري في هذا البوست
مما يترتب عليه إثارة للنعرات العرقية ويمهد لإدخال البوست في أمور وجهجهة
وطبقاً لأحكام الميثاق المشار إليه عاليه
جاءت حيثيات الحكم ببطلان دعواك ضد حنين البلد
وإلزامك بدفع مصاريف المحمكة والتي تبلغ 1,300,000 رورار تورد في حسابنا الخاص بسويسرا
(تفاصيل الحساب سوف ترسل لك في رسالة خاصة)
والحكم عليك بالحرمان من دخول البوست والتداخل فيه لمدة 3 أيام مع وقف التنفيذ
لحين مثولك أمامنا وتحديد ماهية ال أو المستعملة من قبل شخصكم
مع ضرورة الإعتذار العلني لشخصنا وحنين البلد
وتحمل كافة التكاليف المترتبة على الأثر النفسي الذي حاق بالأطراف المتضررة
والتعويضااااااااااااااااااات
يا زول أكمل ولا كفاك |
اهم شئ التعويضات...
كالمستجير من الرمضاء بالنار!!
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: شكرى سليمان ماطوس)
|
الشقيق شكري
أتفق معك تماماً في تحليلك للأحداث
وكما قلت فإن الكرة في ملعب المؤتمر الوطني عامة والحركة الإسلامية خاصة الآن
أتصور السيناريو للأيام المقبلات والذي أقتبس جزءاً كبير منه من خلاصة نقاشات مستفيضة بين مجموعة من الشباب من مختلف التيارات والإتجاهات
سيكون كالآتي:
أن ال6 أشهر المقبلة ستشهد ضغطاً كبيراً على النظام وخاصة من أمريكا
تصل الحركة الإسلامية إلى نتيجة مفادها أن التغيير هو الخيار الأصوب
يأتي علي عثمان محمد طه إلى سدة الحكم ويذهب البشير
يهمش الثلاثي المرح نافع وبكري حسن صالح وعبدالرحيم محمد حسين
يفعل دور مصطفى عثمان إسماعيل وأفراد فريق مفاوضات نيفاشا
تبدأ البلاد مرحلة التغيير بعد رضاء أولياء النعم عن السودان وقيادته الجديدة
والله أعلم
هي خطرفات لدرويش متجول خارج دوامة الحاضر
لك ود أوله وسط وآخره عدالة
ولنا ما تبقى من الصبر الجميل
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: intehazy)
|
Quote: والله أنا بس داير أعلق على كلام ود محجوب
يعني الرئيس ولا عبدالرحيم حيقرو كلامي دا ولا شنو أنا ما فهمت
كيف حفتن بيناتم
|
كلامك القلتو دا بصرة خيط بمشى صلاح غريبة يوصلوا ليهم.
Quote:
وبعدين والله ما جبت حاجة من عندك لمن قلت لي إنتهازي وماكر
أديني وصف تاني |
طيب ياخى اجيب حاجة من عندى ليه ؟ وانا ذاتى ما عندى حاجة عشان اجيبا
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: ود محجوب)
|
والله يا سعادتك
على العموم الشتيمة بتلف تلف وبترجع لصاحبها
وأنا في الحقيقة بقيت متهم من كل الأطراف
أصدقائي قالوا لي
بإني حجيب ليهم الهوا لأني قاعد أنقل ونستم وأكتبا هنا
شرفاء المنبر إتهموني بتلميع النظام
مؤيدو النظام رأوا في
إني بلف الكلام وبرمي لحاجات تانية وماكرة
على العموم العارف عزو مستريح
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: intehazy)
|
أخي شكري
تبحرت وجلت في جميل ما سطرت
أنا وآخرون
وإندهشنا وأنت تطوع الأحرف لتكتب جمل في عشق التراب قل ما لاقتنا في السنين الأخيرة
لك من التحايا أعطرها وأنبلها
ولك من الود أعلى المراتب
ولك من الحب كل ما تجيش به نفوسنا العطشى لجميل ما تكتب
ولنا ما تبقى من آهات اللوعة على فقيد إسمه المواطن السودني البسيط
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: intehazy)
|
في جلسة أريحية جمعتنا مع أحد الأصدقاء من الأطباء الشباب
إسلامي الهوى
قومي التوجه
وأخ كريم أسميه أنا لأن إسمه ناظم برضو
سوداني الهوى
مع بعض شبهة المعارضة على خفيف كدا
ونحن نتصفح عدداً من الصحف السياسية الصادرة صباح الخميس
تارة نتندر على بعض تصريحات البشير العنترية "من البلع الناشف وخلافه"
ربنا يجعل كلامنا خفيف عليهو
وتارة نتوجس من أخرى على شاكلة "سندعم حركات المقاومة في العراق وأفغانستان"
(مع ملاحظة أنه لم يأت على سيرة فلسطين/ الظاهر زيارة أبوالغيط وعمر سليمان عملت شغل كويس)
على العموم ما علينا
توقفنا عند خبر مثير
أوكامبو يستعجل قضاة المحكمة في إصدار مذكرة توقيف بحق 3 من قادة الحركات المسلحة بدارفور
فكان تعليق صديقنا الطبيب
بأنو الموضوع دا أوكامبو داير يثبت بيهو إنو زوول فييير (عادل) وما عندو مشكلة شخصية مع الحكومة
وأكيد حيطلبوا أسماء من ناس الحركات دي ما سمعنا بيهم قبل كدا
أما أبو النظام فاكتفى بالهمهمة والكركرة
هنا تسائلت بخباثة غير مقصودة
طيب لو طلب أوكامبو عبدالواحد وخليل والحبايب وافقو إنو يمشو ويسلمو نفسهم
أها كيف العمل بعد دااك
زولك قال لينا
والله بعد دا الكلام كمل، وعمر البشير يسوق الجماعة ديلا في طيارتو وطوالي على لاهاي
يحلو القضية دي بهناك
أبو النظام غابتو قرب ينقلب بالكرسي بتاعو
وأنا إستنكرت أيما إستنكار مصطنع
وركب وش مخلوع متجهم
وقلت
يا مولانا قول كلام غير دا
والسيادة وكرامة البلد مشت وين
ونقيف هنا لأنو في اللحظات دي دخل علينا زول محذرني من نقل ونسة الشلة إلى صفحات سودانيز أون لاين
| |
|
|
|
|
|
|
|
|
|
شيل شيلتك (Re: intehazy)
|
كنت مع صديق جميل
أتصفح بريدي العلكتروني قبل أيام
وضمن ما وجدت
رسالة من الشقيق بابكر والذي دائماُ ما يتحفنا برسائله المتميزة
كانت الرسالة عبارة عن رابط لموضوع في جريدة الشوق الأوسط تحت عنوان
الناطق باسم الخارجية الفرنسية: باريس تؤيد اعتراض طائرة البشير في الجو
إستهوانا العنوان أنا وصديقي
ورحت أقرأ بصوت عال كي يسمعني
وكانت بداية المقال نقلاً عن ديبلوماسي أوروبي أن دولا كثيرة تؤيد إعتراض طائرة البشير في الجو
قام صحبي قال لي
زوولك تعب
إكتفيت بالتبسم
وواصلت القراءة ووقفت في فقرة
لكن مسؤولين سودانيين قالوا لـ«الشرق الأوسط»، أمس إن لدى الخرطوم ترتيبات أمنية خاصة لضمان وصول وعودة طائرة البشير سالمة من الدوحة
هنا إنتبه صديقي وزالت من وجهه الملامح المتهكمة وبرزت الجدية
وواصلت أنا في القراءة ووصلنا إلي تصريحات السماني الوسيلة والتي قال فيها
أن مسألة مرافقة طائرات حربية سودانية لطائرة البشير الرئاسية، «شيء تقرره الأجهزة الأمنية والترتيبات الأمنية ستقوم بها هذه الأجهزة المعنية لضمان حماية الرئيس».
عاد صاحبي للإسترخاء ومسك ليهو قصبة سكر وقال لي والله لو رسلو معاهو طيارات تقطع ليهم بنزين في نص البحر دا وبيقوا في روحم
فتسائلت في خباثة
ممكن يكونوا ماشين بالسعودية ما بالبحر
فرد
والله السعوديين يدو السودان تصريح إنو طياراتو تخش مجالم الجوي
بدو الأمريكان معاهم تصريح طوالي
والكبسيبو تدور في الجو
تبسمت ضاحكاُ
وواصلت
وقال مسؤول أمني سوداني تحدث لـ«الشرق الأوسط) مشترطا عدم تعريفه، «إن هناك ترتيبات خاصة بتأمين وصول البشير سالما إلى القمة العربية، تشمل إخفاء الساعة المحددة لإقلاع طائرته من مطار الخرطوم بالإضافة إلى مرافقة طائرات حربية لطائرة الرئاسة حتى تغادر الأجواء السودانية». وأضاف «قد نلجأ إلى التمويه، خاصة مع تهديدات المتمردين بمحاولة إسقاط الطائرة، لكن لا نعتقد أن لديهم المقدرة على ذلك.. بإمكاني القول إننا لن نواجه أدنى مشكلة في إيصال الرئيس (البشير) سالما بإذن الله إلى قطر لحضور اجتماعات القمة العربية».
رمى صاحبي بقصبة السكر بعد أن شرقته وقربت تقتلو
قال لي والله كان ديلا القاصدم السماني الوسيلة بالأجهزة المعنية لحماية الرئيس
معناه الرئيس دا راح فيها
وصار ينهند
با حليلك يا عمر
وقال لي
بالله المتخلف دا ما عارف إنو في أقمار صناعية بتجيب حتة الملابس الداخلية ولا مؤاخذة
ويا تو متمردين الدايرين يوقعوا طيارة هو خلاص حكمو عليهو بالإعدام ولا شنو
وهنا قلت ليهو
لااااااااا... كلو كووم وحكاية لغاية مغادرة الأجواء السودانية
يعني عديل كدا
والله يا ريس ما قصرنا معاك ولحدي كدا وكفانا
شيل شيلتك
وأهو نهدي لمؤسسة الرئاسة السودانية
مقطع أغنية عقد الجلاد
شيل شيييلتك
ودا الرابطط
http://www.asharqalawsat.com/details.asp?section=4&arti...511172&issueno=11066
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: intehazy)
|
إنتهازي وضيوفه الكرام ....سلام ....
في اواسط السبعينات قام مجموعة من الفدائيين الفلسطينيين بإحتلال السفارة السعودية في الخرطوم وإحتجزو ليهم مجموعة من الدبلوماسيين وكان طلبهم يفكوا ليهم واحد من قياداتهم اسمو ( أبو داؤد) كان معتقل في الاردن .... جا واحد مبسوط حبتين ماشي جنب السفارة لقي ليك الزحمة والجوطة .. جيش وكوامر وهيصة قام سأل قالوا ليه ديل الفدائيين الفلسطينيين ماخدين دبلوماسيين رهائن وبيهددوا بقتلهم لوما ادوهم القيادي ( ابو داؤد) ...فقام قال ليهم ... طيب ياخي ما يدوهم ابو داؤد والكابلي كمان معاهو بدل الجوطة دي !!
| |
|
|
|
|
|
|
|
|
|
Re: مواقف مضحكة من الشارع السوداني على خلفية القرار (Re: intehazy)
|
إتنين مساطيل
قاعدين يتونسو
واحد سأل التاني قال ليهو:
إنت صور عمر البشير دي ماليا البلد دي كدا مالا... الحاصل شنو
صحبو قال ليهو: ما طالبنو في المحكمة الجنائية
عمك الأول قال ليهو شنو الإبتدائية دي
دام نهرو قال ليهو يا جاهل إبتدائية شنو قلت ليك الجنائية
زولنا الأولاني فتح خشمو وقال ليهو ودي شنو كمان دي
جديدة دي والله يطرشني أول مرة أسمع بيها
حبيبنا التاني قال ليهو:
ما دايرنو في جرائم دارفور دي ومتهمنو فيها وهو ما راضي يمشي
قام الحبيب قال ليهو: وليه ما داير يمشي
ما يمشي ويقول ليهم أن ما غلطان وما عندي دخل بالموضوع دا
وإحنا بنمشي معاهو ونرجاهو برة
قام التاني قال ليهو: لكن يا شيخنا السودان ما عضو في المجكمة دي
قام الأول رد بسخرية:
يعني إحنا أعضاء في محكمة النظام العام
ما كل يوم سايقننا وموددنا هناااااااااااك
| |
|
|
|
|
|
|
| |
intehazy
bamseka
ghariba
شكرى سليمان ماطوس
مجدى محمد مصطفى
محمد البشرى الخضر
Magdi Ahmed Elsheikh
ombadda
علاء الدين يوسف علي محمد
ود محجوب
حبيب نورة
naeem ali
فيس بوك
تويتر
انستقرام
يوتيوب
بنتيريست