كتب الكاتب الفاتح جبرا المتوفرة بمعرض الدوحة
|
|
 أوكامبو : لدينا 30 شاهد عيان ... ضد البشير
|
أوكامبو: 30 شاهدا ضد البشير
وكالات - محمد جمال عرفة
أوكامبو يعتزم الاستئناف إذا ما تم رفض طلبه
أعلن المدعي العام للمحكمة الجنائية الدولية، لويس مورينو أوكامبو، أن لديه 30 شاهد عيان يمثلون "دليلا دامغا" على تورط الرئيس السوداني عمر البشير في ارتكاب جرائم حرب بإقليم دارفور.
وفي المقابل، قلل البشير من شأن القرار المرتقب بتوقيفه قائلا: "لا قيمة له عندنا... ويمكنهم أن يبلوه ويشربوا ماءه".
وفي مؤتمر صحفي على هامش اجتماعات قضاة المحكمة بلاهاي اليوم الثلاثاء قال أوكامبو: "أنام مرتاح الضمير؛ فلدينا دليل قوي على إدانة البشير.. لدينا 30 شاهد عيان سوف يتحدثون عن كيف أنه كان مسئولا عن تخطيط وإدارة كل ما وقع في الإقليم من جرائم".
ومن المنتظر أن يعلن القضاة غدا الأربعاء ما إن كانت المحكمة ستقبل طلبا قدمه أوكامبو في يوليو الماضي بإصدار مذكرة اعتقال بحق البشير بتهمة ارتكاب جرائم حرب أم لا.
طالع أيضا:
أوكامبو: البشير سيعتقل فور مغادرته السودان
ماذا لو أصدرت الجنائية أمر اعتقال البشير؟
ويعتزم أوكامبو الاستئناف إذا ما رفض القضاة طلبه كلية، أما إذا ما قبلوا الطلب كليا أو جزئيا فسوف يبدأ في تقديم خطته للمضي قدما في تنفيذ أمر الاعتقال.
وتضمن طلب إصدار مذكرة الاعتقال توجيه تهم للبشير تتضمن ارتكاب جرائم حرب، وجرائم ضد الإنسانية، وإبادة جماعية في إقليم دارفور الذي تمزقه الحرب الدائرة بين القوات الحكومية وفصائل التمرد
|
|
 
|
|
|
|
|
|
|
 Re: أوكامبو : لدينا 30 شاهد عيان ... ضد البشير (Re: كمال علي الزين)
|
أوكامبو يا ولدي ، الله يهديك ويهدينا ويهديهو ، زول شغال في شغلو
وما قاعد يرقص في حلبة
ولو لا قدر الله رفض القضاة طلبه باصدار مذكة باعتقال الشير
حيقدم الطلب تاني وتالت لانو دي قناعاتو وشغلتو
ما لانو حاقد على نهر النيل العظيم
ــــــــــــــــــــــــــــــــــــ
نجي لقضية الشهود ديل ، اتم الله لهم الصحة والعافية ووقاهم من كل سوء يريده الله لهم
المشكلة ، ياولدي ، مافي العدد الليلم
المشكلة في "النوعية" أيضا
انت تلقاك اسي ما عارف نوعية هؤلاء الشهود
انت تلقاك اسا ما عارف "نوعية" ذاتا يعني شنو
ـــــــــــــــــــــــــــــ
عيان ، بالياء المفتوحة غير المشددة ، يعني شهود شوف وسمع يا ولدي
وباللنفليزي بقولوا عليهم آي وتنس
ــــــــــــــــــــــــــــــــــ
وكدي اديني اضانك : انت قريت "أساس " وين ؟؟؟؟
ــــ
كدا يا اللنغاز ؟؟؟
سويتيها فينا لكن !!
| |
|
|
|
|
|
|
|
|
|
Re: أوكامبو : لدينا 30 شاهد عيان ... ضد البشير (Re: فتحي البحيري)
|
Quote: انت تلقاك اسا ما عارف "نوعية" ذاتا يعني شنو
|
طبعاً ماعارف .. أمال جاي هنا ليه مش عشان أتعلم منك ؟؟
يلا براحة كده إستحملني وأشرح لي ..سمح ؟
Quote: وكدي اديني اضانك : انت قريت "أساس " وين ؟؟؟؟
|
أضيني تقيلة عليك وغالية علي مابديك ياها ..
بس قريت (في خلوة مرفعين الفقرا) ..
Quote: كدا يا اللنغاز ؟؟؟
|
بالضبط كده أنده ساي ..
إمكن ربنا يجيب ليك (صاقعة) تفرطق اللنغاز دي ..
__________________________________
خلينا في أوكامبو أحسن ..
أنا لما أتداخلتا قايلك (نوعية) تانية ..
مش من نوع (أنا وأنت وأديك في عينك) ..
أنا طالع حا أقراك بس عشان أتعلم منك
ماعندي خلق لي مسكة في زول ..سمح ..؟
ركز لينا على (أوكامبو) بالله ..باقي أنا حالف من الشبك
شبعتا منها ..
________________
خروج نهائي ..
| |
|
|
|
|
|
|
|
|
|
Re: أوكامبو : لدينا 30 شاهد عيان ... ضد البشير (Re: كمال علي الزين)
|
يا ولدي انت زعلت؟؟؟؟
انا فقط كنت اعلق على
1- تهكمك على الشهود ، والشهود ديل مهما كان موقفنا من القضية عندهم علينا حق ، ما صاح نستهزأ بيهم
2- احساسي بإنك ما عرفت كلمة عيان وربطي لذلك بإن الانقاذ ضيعت أجيالنا بتعليمها المغشوش
3- بس !!!!
يا زول كان جيت مرحب وانا اسف
وكان العجنتوا دا غلبتك عواستو : قشة ما تعتر ليك
ولك ، في الحالين ، كل الاحترام
| |
|
|
|
|
|
|
| |
فتحي البحيري
كمال علي الزين
فيس بوك
تويتر
انستقرام
يوتيوب
بنتيريست