|
|
 جـــيـــبــي إيــــــــــــدك
|
ونبقى في قلب التهاويم
قصة الريد والمسافة
المسادير الغنا
والتباريح الجحيم
شوفي
كيفن في غيابك
كم بيفريني الرزيم،
ما كتبت حروفي
الهاء للخواطر
أو مهارات في الكلام،
بل أنين مفصود وشايل
قرحتي وشجني الأليم
وانت
يا جوقة مزازيك الفرح
من لمحت بروق هواك
صرتي عنوان للهوى
وانفعالات للحواس
ياوتر يعزف
حنين اللهفة يتموسق رخيم
وامتزجنا
بعضي كلك
كلي بعضك
دمي دمك
همسي فيك
يسري زي خدرا نسيم ،
روحنا شايلة
كل امانى اللقيا في الزمن السديم
وارتهنا
كل حواس الألفة في مصرف هوانا
-وديعة للزمن الأعاصير -
حين يقاسي النيل ويرزح
من سموم الصيف
ومن وجع التحاريق
والخريف يصبح عديم،
ارتهنا هوانا أيقونة شفا
جيبي ايدك
نقطع الليل البهيم
نمشي للفجر المرصع بي بهاك
والشمس قلقانة
تنتظر الجبين
ولما في فرجة الزمن المعاند
لي يسطع
نور جبينك
تزدهر كل حواشي
الكلمة باللون الهضيم
جيبي كفك
هاك قلبي
وجيبي رسمك
هاك نًفًسي
جيبي من كل الرؤى
اروع خواطر
وانفعالات
فيها عاصيات القصيد
خلي جواي يشتعل
خلي جواي ينفعل
بي ملامح زول وسيم
|
|
 
|
|
|
|
|
|
|
|
Re: جـــيـــبــي إيــــــــــــدك (Re: najma)
|
Quote:
ونبقى في قلب التهاويم
قصة الريد والمسافة
المسادير الغنا
والتباريح الجحيم
شـوفـي
كيفن في غيابك
كم بيفريني الرزيم،
ما كتبت حروفي
الهاء للخواطر
أو مهارات في الكلام،
بل أنين مفصـود وشايل
قرحتي وشجني الأليـم
|
| |
|
|
|
|
|
|
| |
د.محمد حسن
Mohamed Abdelgaleel
أحمد الشايقي
هند محمد
فيس بوك
تويتر
انستقرام
يوتيوب
بنتيريست