|
|
 يابورداب الريااااض ابقوا عشرة ... !!!
|
وهي متطلبات الحياة في الغربة زادنا منها بعض ذكرى وآمال بالتلاقي في مقبل الايام ومشاوير الحياة ... هاهي جدة
ُتوِدع عندكم أحد حركيي البورد الطبيب محمد الباقر مستقرا وقد طاب به المقام في رياض الخير كل دعواتنا
له بالتوفيق والنجاح في موقعه الجديد , وهو بلا شكـ كسب لبورداب الرياض وكل الشأن الاجتماعي الانساني هناك .
.................................................................................................حجر.
|
|
 
|
|
|
|
|
|
|
 Re: يابورداب الريااااض ابقوا عشرة ... !!! (Re: walid taha)
|
أمانة ما وقع راجــل ..
لاقين لي البحــر .. (والبيك) ومتجدعين. لكن هنا بتعرف (العليك )
جيب معاك ( زمزمية ) وقرقوش .. إنت جاي مناطق شدة .. قايل الرياض دي باااردة كدا مش ؟؟
يا الرفاعي .. ياخ حرام عليكم الدكتور دا تدردقوهو كدا دا ..؟
إنت اساسي دا بيعمل شنو ضارب الراحات هناك ..؟ جيبو لينا طرد مع دكتور الباقر دا .. نعمل ليهو فرش متاع ونرسلو ليكم يمشي في العجين وما يلخبطو ..
يا دكتور .. غايتو اهو نحن كلمناك علشان بعدين ما تجي تقول ما كلمناك ..
كفيلك وكفيل اساسي من قبلك .. (تمبس) 
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: tmbis)
|
Quote: أمانة ما وقع راجــل ..
لاقين لي البحــر .. (والبيك) ومتجدعين. لكن هنا بتعرف (العليك )
جيب معاك ( زمزمية ) وقرقوش .. إنت جاي مناطق شدة .. قايل الرياض دي باااردة كدا مش ؟؟
يا الرفاعي .. ياخ حرام عليكم الدكتور دا تدردقوهو كدا دا ..؟
إنت اساسي دا بيعمل شنو ضارب الراحات هناك ..؟ جيبو لينا طرد مع دكتور الباقر دا .. نعمل ليهو فرش متاع ونرسلو ليكم يمشي في العجين وما يلخبطو ..
يا دكتور .. غايتو اهو نحن كلمناك علشان بعدين ما تجي تقول ما كلمناك ..
|
والله شكلي وقعت و ما سميت .. او تسميتي غلط.. ضللت (الزميل)
هسى مالك جبت سيرة البحر دا ياخ.. يا حليل جده ام الرخا و الشدَه
اما عن ذلك ال(ورور) المدعو اساسي... فهو في نعيم مشهود و ظل ممدود و لي شيشه طوييييييييل تشهد له الركبان..
بلاقيك ياوجيه (لغة و ليس اصطلاحاً)
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: walid taha)
|
الزول ده مالو بيشبه دكين ..
نفس الملامح والشبه وفي رواية الطول بس على انضف بفعل الادوب فوتوشوب..
يا رفاعي بورداب الرياض ما قاعدين يقصروا كعبين بورداب جدة البيقصروا في اهلهم خليك من اصحابهم ..
تخريمة :
الجماعة رجعوا السودان وبنفكر نجيبهم تاني ..اها لمن يجو نديك خبر ؟
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: عمر الفاروق)
|
Quote: الزول ده مالو بيشبه دكين ..
نفس الملامح والشبه وفي رواية الطول بس على انضف بفعل الادوب فوتوشوب..
يا رفاعي بورداب الرياض ما قاعدين يقصروا كعبين بورداب جدة البيقصروا في اهلهم خليك من اصحابهم ..
تخريمة :
الجماعة رجعوا السودان وبنفكر نجيبهم تاني ..اها لمن يجو نديك خبر ؟ |
و المشيه كيف.. كويس بركه اني لقيت لي زول بشبهو .. قالوا الي مالقى شبهو .. المولى قبحو..
لكن .. خوفي...!!!
الدرب يا وجيه .. الدرب العديييييل.. بس سيد الفرن كيف..!!
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: عبد المنعم عمر عثمان)
|
أخى الرفاعى.نسأل الله ان يرفع قدرك.....وإنه خبر بالجد مفرح لنا محزن لكم..ولكن هذه سنة الحياة..
Quote: وهي متطلبات الحياة في الغربة زادنا منها بعض ذكرى وآمال بالتلاقي في مقبل الايام ومشاوير الحياة ... هاهي جدة
ُتوِدع عندكم أحد حركيي البورد الطبيب محمد الباقر مستقرا وقد طاب به المقام في رياض الخير كل دعواتنا
له بالتوفيق والنجاح في موقعه الجديد , وهو بلا شكـ كسب لبورداب الرياض وكل الشأن الاجتماعي الانساني هناك .
|
وبالتوفيق والنجاح إن شاء الله ..وإنت كيف ما جاينا؟؟؟؟..........مودتى...إسماعيل محمد احمد عباس....
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: احمد العمار)
|
إنه ملاك فى صورة إنسان .. فهنئيا لكم أخوتى بالرياض بهذا
الفتى الابنوسى وهذا الدكتور القامة .. الذى جعلنا نذرف الدموع
بالرغم من أن دموع الرجال غاليه ولكننا ذرفناها حبا وشوقا
لهذا الانسان .. لذلك ابقوا عليه عشرة على قول أخونا الرفاعى ..
تحياتى
تاج السر
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: Azhari Mohamed)
|
قالو المفارق عينوا قوية
لكن سويتا شينة يا باقيرا
تصل بالسلامة
لكن قالو الجرب الكورنيش الجنوبي تاني يجي راجع جدة
صاحبك الحلفاوي المجنون بتاع القراصة داك اسمو مجدي مش ؟
عليك امان الله امس مشيت اجيب منو فول . . . ملاني ليك نقة ، و لما رجعت البيت ( مليان نقة فل ) لقيت الكيس مليان اي حاجة الا الفول . . . !!
يا رفاعي قلنا نسلم عليكم بجاي
في حبة شوق كدا لكن خليه بالدرب
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: ود الباوقة)
|
ياحليلك حليلك
ياحليل الحكاوي
تتونس كأنك
يوم ماكنت ناوي
(محجوب شريف)
بالسلامة يا صديقي حيفتقدوك الصحاب هناك غسان وحجر وسمامون وقيقا
هكذا حال (السعودية بنين) ما ان تتعود علي ارصفة الطرقات
الا تلقي نفسك تاني يوم في حتة تانية ! غايتو يا المعايش !
ود الباقر
المسافات اتقربت
عازمك خميسية تعال اركب قطر تلاتة وتعالينا بسراع بسراع
مع العلم انو في رحلات كل خميس من بعض الصحاب لي هنا
نونسو ونشوف خبيرات الدنيا معاك 1
حمدالله الف علي السلامة يادكتور يا كيك
ياحجر
الله يعينك مع غسان وسمامون !
والعاقبة عندكم في المسرات
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: خضر حسين خليل)
|
خدروكا.. ياغناناالمشتهنو
ياهو حال الغربه .. لا النفس راضية بها.. و لا بدورها و لا بحمل براها..
متى يترجل هذا الفارس... و ياتي زمن الوسامه..
ياخي كيفنك يامطحون ...
اخوك ميت بغبينتو....!!
عموماً ياهو حال الدنيا ..أمنيه.. و لحظة عشم.. و بعض صحاب يلتقونك ولا يلتقونك..
تحبهم.. و تشتهيهم.. حتى تكتب عنهم أوغاداً..
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: جمال هباني)
|
د.محمَّد الْبَاقـر ..
أهلًا بِكَ بَيْنَنَا يا دكتور مُحَمَّد ،
نَعْلَمُ يقينًا أنَّ هناكَ بَوْنًا شَاسِعًا
مَا بيْنَ ( جدَّة ) و ( الرِّيَاض ) ،
ونُدْرِكُ أيضًا أنَّ الأخوةَ بـ ( جدَّة )
قَدْ زرفوا الدُّموعَ حَرَّى لفِـراقِكَ ،
فالَّذي ينتهي مجلِسُهُ إليْكَ - بِحَسْبِ ما رأيْتُه في لقائيَ بِكَ –
لا يَوَدُّ أبدًا مُفَارَقَتَكَ ، لأنَّكَ رَجُلٌ في الأخلاقِ
حِبْرٌ عَلَّامَة ، وفي الذَّوْقِ الرَّفيعِ
عَالِمٌ فَهَّـامَـة .
ولَعَلَّ الْمُتنبيءَ كَانَ يَقْصِدُكَ شِعْرًا حينَ قالَ :
نَدٍ أبِيٍّ غَرٍّ وَافٍ أخِي ثِقَـةٍ **** جَعْدٍ سَـرِيٍّ نَـهٍ نَـدبٍ رَضٍ نَـدُسِ .
فأهْلًا بِكَ في رِيَاضِنَا الَّتي أدْمَنَتْنا،
وعُذْرًا لأهْلِ جدَّة حِينَ فارقَهَا عَلَمٌ
لا تُخْطِئُهُ جِلْساتُ الصَّفاءِ
والْمُؤانَسَـة.
احترامي .
أخوك / محمَّد زين .
_______________________
* الْعزيزُ / الرُّفاعي حجر ، والْعَزيزُ / قيقراوي ..
يَعْلَمُ اللهُ إنِّي مَنَّيْتُ نفسي كَثيرًا بمقابلَتِكما في وروديَ الأخيرِ إلى جدَّة
؛ لَكِنِ الْمَقاديرُ جَرَتْ هَكَذا في أعِنَّتِها حِينَ لَمْ أُوَفَّقْ
في التَّلاقْ.
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: محمد الباقر)
|
مرحبتين حبابك واليوم السعيد الليلة جابك
الرياض واهلها يرحبون بك بوردابيا عزيزا غاليا لتنضم لكوكبة رائعة من النجوم المتالقة التقيتها فشدتنى كثيرا لحوار يطول ويطول نتمنى ان تلحق به وتكون جزءا منه حوار العقلاء اهل الثقافة واهل الحكمة بعيدا عن التهاتر والتراشق ..
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: ناجى أحمد البشير)
|
أخي / د. محمد الباقر
تحياتي ،
مرحبتين حبابك في رياض الخير
ونسأل الله أن يطيب لك المقام هنا.
و.. حللت أهلاً .. ووطئت سهلاً ،
وأهلا بك دكتورنا ، ياود الباقر
وأسعدت الرياض وبوردابها بمقدمك .
ولا نقول إلا كما قال القائل :
لو علمت الرياض بمن جاءها مقيماً
لفرحت واستبشرت ثم باست موضع القدم
وانشدت بلسان الحال قائلة
اهلا وسهلا باهل الذوق والأدب
ولأن الرياض (استحوذت) عليك ،
من أهل (جدة) لذا حق لنا أن نقول :
لو علمنا مجيئكم لفرشنا
مهجه القلب او سواد العيون
وفرشنا خدودنا والتقينا
ليكون المسير فوق الجفون
حتى تآآآآآمن أن ( الرياض غير ) برضو ؟!
أما أخينا الرفاعي ، جعله الله مرفوع المقام دوماً ،
فله منا جزيل الشكر على هذا الخبر المفرح .
مودتي ،
( ليمو )
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: محمد الباقر)
|
موجات شواطىء جده ...كالعادة.... تزحف على صدر شواطئهااياما
تظل مدرجة على جدول اعمال تذكارات البحار القديم
قد تعود اليها
فمن ركب على موجاتها وامتهن وظيفة موجة تعلو واخرى تنخفض
حتما سيعود
اتمنى لك الابحار (الدون زورق ) فى مدينتك الثانية الرياض
وكلنا امل فى عودتك الى جدة بلد الرخاء والشدة
_________________________
بالتوفيق اينما كنت وتحياتى للوالدة طول الله عمرها
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: الرفاعي عبدالعاطي حجر)
|
Quote: وهي متطلبات الحياة في الغربة زادنا منها بعض ذكرى وآمال بالتلاقي في مقبل الايام ومشاوير الحياة ... هاهي جدة
ُتوِدع عندكم أحد حركيي البورد الطبيب محمد الباقر مستقرا وقد طاب به المقام في رياض الخير كل دعواتنا
له بالتوفيق والنجاح في موقعه الجديد , وهو بلا شكـ كسب لبورداب الرياض وكل الشأن الاجتماعي الانساني هناك .
|
اول حاجه... انت جبت الصوره دي من وين....!!
ثم ايه الدنيا غير.. لمة ناس في خير .. او في ساعة حزن..
تصدق فرقت معاي جده..
الشباب ..
البوكس الدبل كاب..
وجابر
وصراف الاهلي..
و فندق الكعكي..
والتسالي..
وبعض اماني و احلام لم يسعفنا بها حظنا..
وملوحة غسان
و جرسة الشفيع يوم مقدم ولي عهده..
و ويو او غسان اوو.. اوديجسووو .. غسان اوو..
ابو الزهور ... ياخي عملتها واضحه..
و الحرامي دا .. خلي يضوي ليك...
بس عمود الكهربا .. عالي .. و انت ما بتطولوا و لا بتلحقوا
جاي راجع ليكم.. هنا في البوست ... مافي جده
| |
|
|
|
|
|
|
|
|
|
Re: يابورداب الريااااض ابقوا عشرة ... !!! (Re: محمد الباقر)
|
يامسافر وناسي هواك ...
اروحنا وقوبنا معاك ....
والله ياحمادة افتقدك في مشاوير الحاري ما بين الصعب السهل ...
الاقاشي ومحل الباسطة في الكرنتينة ... وفي المشاوير الخاصة ....
شارع الستين نواحي باب شريف ...
كنت عايز اعمل بالوصية .. لكن لما شفت اسمي سقط
من بين شلة ال......... .
قلت اخيب ظنك يا حمادة واعملها
( طبعا مافي زول غيري انا وانت فاهم حاجة ) ...
| |
|
|
|
|
|
|
| |
الرفاعي عبدالعاطي حجر
walid taha
أحمد الشايقي
tmbis
عمر الفاروق
ismeil abbas
صالح عبده
تاج السر محمد حامد
معتصم دفع الله
علاء الدين حيموره
Azhari Mohamed
قيقراوي
محمد الشيخ أرباب
محمد عبد الماجد الصايم
خضر حسين خليل
Shaker Hamid
محمَّد زين الشفيع أحمد
ناجى أحمد البشير
abdulhalim altilib
عبد الدائم سيد أحمد
ghariba
ناهد بشير الطيب
يازولyazoalيازول
ادم الهلباوى
علي الكرار هاشم
فيس بوك
تويتر
انستقرام
يوتيوب
بنتيريست