|
|
|
 Re: للتعليق على استفتاء الأخ عزام بخصوص قرار الجنائية.. (Re: محمد حيدر المشرف)
|
سادتي ...
إن إحتِراماتي الكامِلة أُهديها لِمن يُعارِض وهو على بَيِنةٍ مِن أمرِهِ ، وأعجبُ ايما عجب لِمن يبني مُعارضتِهِ بِناءً على مَوقِف الحُشود - المؤيِدة / المُعارِضة - فإذا رأى أن الأكثرِية تُعارِض عارض ، وأيد إن كان الجمع أكبرُ ... وآفة الراي عِندي العواطِف ، بِمعنى أن تؤيِد أو تُعارِض حسب مَوقِف زَيد أو عُبَيد ... فأنت لا تدري قُوة صَوتِك وتأثيرِهِ على الآخرين ... لا تدري ... فإن الفضاء الإسفيري أوسع مِن أن تُحبس الكلِمات في أرَوِقة < سودانيز أون لايِن > فإذا أيدت حدثٍ ما وأذنت في العالمين بِهِ دِعايةً ، وتبناه بِفضلِك آخرين ، ثُم نتج عن دِعايتُك حماسةٌ ، أفضت إلى قتل وتنكيل ، حينُها سيُكتب لك نصيبٌ مِن الوِزر ... فأرفأ بِنفسُك ويحُك ولا تَورِدُها المهالِك وقد غابت عنك المسالِك والدِروب.
لا يولد المرء ديمُقراطِياً ... الديمُقراطِية فِعل يُكتسب ... بل أزعُم أنهُ فِعل ضِد الطبيعة البشرِية الفِطرِية وبِالإحتِكاك والثقافة والتعليم يرتدي المرء ثَوب الديمُقراطِية ... الكثيرون يدعونها ، مِثل الصادِق المهدي الذي ما إنفك طوال الـ40 سنة التي مضت يتشدق بِالديمُقراطِية وهو مُمسِك بِتلابيب رِئاسة حِزب الأُمة وبِإمامة الأنصار ... نادي الشِيوعِيون بِالديمُقراطِية ثُم أحدثوا ما عُرِف بِمجزرة القصر ... نادى الإتِحادي الديمُقراطي بِالديمُقراطِية وهاهُم يتوارثوننا كابِرٌ عن كابِر ... لا تستطيع أن تدعي الديمُقراطِية طُوال الوقت ... لا تستطيع ذلِك ... ولكِن ... تستطيع أن تؤمِن بِها ، فإذا تيقنت عمِلت بِموجِبِها ... ويُمتحن إدِعاء الديمُقراطِية بِالسُلطة ... السُلطة الأبَويِة ... في العمل ... في الحي ... في السِياسة ... لا بُد أن تُمتحن ... كثيرون رسِبوا ... لا تستطيع أن تدعي الديمُقراطِية فقط لأنك تتشدق بِها ... كما لا يستطيع البدَوي الذي يستخدِم الجوال (الموبايِل) أن يدعي التحضُر ، فقط بِمُجرد إستِخدامِهِ لِلتقنِية ... إستِخدام التقنِية شئ وفهمِها شئٌ آخر ... وكذلِك الديمُقراطِية ...
إحتِراماتي ،،،
| |
 
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: saadeldin abdelrahman)
|
هاهاهاهاهاهاهاهاهاها
ياخ اتضح انو البورد ده كله كيزان
اقترح على الساده المناتلين يلملموا عفشهم ويسوا ليهم بورد براهم
زي زمان ما كانو خاميننا وقالوا لينا ده بوست مناتل اي كلمه مناتله للمناتله
سيدا يتخارج
الان حق على محمد حامد جمعة يطرد الطردوه زمان
هاهاهاهاهاهاهاهاهاهاهاهاهاهاهاها
____________
يا جماعة كلامي الفوق ده جمجرة ليس الا
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: وليد محمد المبارك)
|
سعدالدين ...
Quote: ما فهمته من سؤال الاستفتاء هو: هل ستؤيد قرار المحكمة
الجنائية الدولية حال صدوره بتوقيف/استدعاء/اعتقال البشير؟
اجب (فقط) بلا أو نعم. |
لا تُكيل بِـ<عبارين> إتْ عَنَونت عمودك ده ( للتعليق ) البِخليني
إنحشِر بِين (لا) و(نعم) شنو ...
أها النجي لِسُعالك : الفِهِمتو إتْ ده نُص الداير أعرفو ... لكِن ...
النُص التاني والأهم - خلي بالك مِن الأهم دي بِالله - مِن ناحِية المبدأ
هل يجوز إستِعانة المُسلِم ... خلينا نقول المُسلِم المظلوم بِغَير المُسلِم
لِرفع الظُلم عنهُ ... والمبدأ ده لازِم ولابُد أن يستنِد على مرجعِية مُعتبره
ما كِده بس تقول (أيوه أستعين بِالكافِر ظاتووو) أو تقول (لا أكان جا
الكافِر ده ولا الجِن الأزرق عِلا نسَوِد ختوتو) لا كده ما بِنفع لأنو مرجعِيتُك
عاطِفِيةخالِص ... العِندو مرجعِية يطرحا لينا ونناقِشا يا إما صبأنا بِما
لدَينا يا إما هو كمان الإنعصر علينا ... بِدون مُهاترات ونِبيذ ...
الديمُقراطِية أن أخضع لِرأي الأغلبِية ... في البِداية أُدافِع عن ما أُأمِن بِهِ
فإذا حصحص الحق (إنتِخابات/إستِفتاء ... إلخ) ... أُطبِق رأي الأكثرِية ...
إحتِراماتي ،،،
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: عزام حسن فرح)
|
الأخ سعدالدين سلامات يا رجل .. لا تنس أن هذا البورد أساسآ بوست بتاع يساريين وشيوعيين وجمهوريين منذ نشأته وتم حشده بناشطي حركات دارفور ليكون منبرآ مضادآ للحكومة ومساندآ للحركات العنصرية الجهوية ـ وأن معظم هؤلاء قابعون بالخارج حيث الانترنت رخيصة وفي بيت كل زول .. ورغم ذلك اصبح صوتهم واهنآ لأن أغراضهم مكشوفة ومنظرهم مفروزآ مضادآ لأهواء الشعب السوداني !!..
.
.
.
| Quote: الكثيرون يدعونها ، مِثل الصادِق المهدي الذي ما إنفك طوال الـ40 سنة التي مضت يتشدق بِالديمُقراطِية وهو مُمسِك بِتلابيب رِئاسة حِزب الأُمة وبِإمامة الأنصار |
الأخ عزام .. شخصيات الصادق المهدي والسادة المراغنة ليست محتكرة سلطة احزابها ـ الأمة والاتحادي ـ
والحقيقة هي أن تكوين هذين الحزبين تكوين يعتمد علي الولاء الديني الصوفي .. فالمهدي والمراغنة هم شيوخ طرق دينية لا ينافسهم اتباعهم في سلطة دنيوية !!!! .. وتلك حقيقة جوهرية ما عندها علاقة بديمقراطية أو دكتاتوريته !!! ..
ما يهمنا هو أن هذين الكيانين الكبيرين يحتويان أكثر من ثلثي الشعب السوداني الوسطي العادي ويهمنا أن هذين الكيانين تاركان الزول السوداني علي سجيته فلا هما يؤدلجانه يمينآ ولا يسارآ وخيارهما الوحيد للحكم هو الانتخاب والوزن الجماهيري !!! ..
لا يمكن مقارنتهما بالاحزاب الطفيلية اليمينية واليسارية التي تهوي العمل السري والدسائس والانقلابات لأنها ترفض خيارات الجماهير التي تعرف أين تدلي بصوتها !!! ..
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: saadeldin abdelrahman)
|
ASHRAF MUSTAFA
Quote: لماذا لا يدلي الاخ عزام بصوته؟؟؟؟
بل يجب ان يكون اول المصوتين!!! |
يا سَيِدي الفاضِل ... أنا لو قُلت (نعم) حيطفشو ناس (لا)
ولو قُلت (لا) حيطفشو ناس (نعم) ... طبعاً رأي حأقولو في
النِهاية بِرغم أنني طرحتهُ هِنا مِن قبل ولكِن لا يُسمع (لِمحسيٌ)
رأي ... ما علينا ... كُلها كام يَوم وحأصَوِت ...
وما حأرُد على النضَمي المَغَتَغَت ... لأني لو دافعت عن روحي
حأضطر طبعاً بِالدِفاع والهِجوم وصد الصربات وده لو حصل وبوست الإستِفتاء
شغال ... حيقيف أو أقلو حتبدأ المُهاترات ... وأنا ما عاوِز كده ...
عاوز نصل لرأي أغلَبِية مُجتمعِنا هذا وماذا نحنُ فاعِلين بعدها ... هل سنخضع
لِرأي الأغلَبِية أم سنرفُض الأمر ...
إحتِراماتي ،،،
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: عزام حسن فرح)
|
الحبيب / مُنير
Quote: الأخ عزام .. شخصيات الصادق المهدي والسادة المراغنة ليست محتكرة سلطة احزابها ـ الأمة والاتحادي ـ
والحقيقة هي أن تكوين هذين الحزبين تكوين يعتمد علي الولاء الديني الصوفي .. فالمهدي والمراغنة هم شيوخ طرق دينية لا ينافسهم اتباعهم في سلطة دنيوية !!!! .. وتلك حقيقة جوهرية ما عندها علاقة بديمقراطية أو دكتاتوريته !!! .. |
أنا بتكلم عن الصادِق رئيس حِزب الأمة السِياسي والميرغني رئيس الحِزب الإتِحادي الديمُقراطي ... أما الصادِق والميرغني أصحاب السِجادة ... ده ما عِندي بيهو شغله ... معقول بعد (45) سنة في رِئاسة حِزب الأُمة الصادِق
المهدي يِقول إنو البيان الأخير لم يكتُبهُ
http://alsudani.info/index.php?type=6&issue_id=1898&col_id=132&bk=1
إحتِراماتي ،،،
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: saadeldin abdelrahman)
|
وليد محمد المبارك ...
| Quote: ياخ اتضح انو البورد ده كله كيزان |
طَيِب المانِع الزول الما كوز يِقول رأيو شنو ... يا ما دايِر
يا خايِف لو خايِف أنا شخصِياً بلقى ليهو العُذر ... لكِن كمان
الكوز ما بنقدر نقول ليهو ما تصَوِت ...
في ناس صنفوني كوز ... وناس صنفوني ما كوز ... غايتو بعدين
في واحِد ما حيِعرِف يِوَدي وشو وين ... وش شنو يا زول البِخارجو
مِني شنو ...
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: وليد محمد المبارك)
|
الأخ سعد الدين ..
تحياتي ..
أنا واحد من المؤيدين لمساءلة الرئيس داخليا او في المحكمة الدولية ..
ورفضت الإجابة في بوست الأخ عزام لاعتقادي بوجود خطأ مبدئي في صياغة السؤال..
وبينت ذلك في البوست مع كبير إحترامي للهدف الذي يعنيه الأخ عزام ..
وللتوضيح أكثر سوف أستند على فهمك للسؤال والذي بموجبه أدليت بصوتك كما أوضحته أدناه ..
| Quote: ما فهمته من سؤال الاستفتاء هو: هل ستؤيد قرار المحكمة الجنائية الدولية حال صدوره بتوقيف/استدعاء/اعتقال البشير؟ اجب (فقط) بلا أو نعم. |
طيب إذا صدر القرار بشطب طلب المدعي النتيجة دي مش تكون عكس إرادة أصحابها؟
فضلا عن أن قرارات المحاكم لا يستفتى الناس حولها كما ذكرت هناك ..
وكان الأجدي أن يكون السؤال مثلا :
هل توافق علي محاكمة الرئيس أمام المحكمة الدولية ؟
او توافق علي إحالة الدعوي ضد البشير للمحكمة الدولية ؟
أما أن يكون تصويت الجمهور حول قرار محكمة فهذا ما لا يحوز ..
فضلا أن القرار المعني لم يصدر بعد لنعلم ما إن كان في صالح البشير ام ضده.
مودتي.
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: عزام حسن فرح)
|
Quote: في ناس صنفوني كوز ... وناس صنفوني ما كوز ... غايتو بعدين
في واحِد ما حيِعرِف يِوَدي وشو وين ... وش شنو يا زول البِخارجو
مِني شنو |
اصلها بتبدا كدا
تقول كلام يعجب الكيزان يجو الشيوعين يقولو كوز تقول كلام يعجب الشيوعين
طوال الكيزان يطلعوك شييوعي
ممكن زول يرفعك يطلعك السما في موضوع بكرة يرميك في الارض
لانه الكيزان والشيوعين ذي بعض..لا يقبلون ابدا الاخر
قبل كدا جابو سيرة بت خليل رفضت ذلك وقلت ليهم ابعدو العوين من السياسة
عيال الغرب عملو لي سيرة
بكرة جابو سيرة زوجة الرئيس قلت ليه ابعد العوين من السياسية
عينك ما تشوف الا النور
مرقني كرعي..
شايفة ناس عملوك امنجي عديل كدا
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: saadeldin abdelrahman)
|
سعد الدين انا من الناس الما صوتت في البوست داك ممكن اخد فرصة ؟
بالنسبة للتصويت انا برضو عندي راي في السؤال .. لكن اللاحظتو - و بعتبر ده مؤشر خطير - انو كتير من الناس ما قدرو يثبتوا على نعم و لا فقط زي ما موضح في العنوان و زي ما طلب عزام كم مرة .. بتحس انو الواحد زي الما عندو ثقة في كلمتو .. او انو الموضوع بالنسبة ليو عدم ثقة في عمليات الاستفتاء(ما تحديدا عزام لكن نظام الاستفتاء ككل ) فلازم يدعم موقفوا بكلمة كلمتين زيادة ..حتى الانضبطوا بنعم او لا بعضهم بقى يمد الكلمة كانو محتاج يأكد بالمده دي او انو المدة بتديها ثقل اكتر.
الاحساس بتاع الخيار الديموقراطي وانو صوتك زي صوت غيرك و نعمك ما بتفرق هنا من لأ زول تاني و العكس بتحسوا مهزوز شوية.
راجع التصويتات و حتحس انو الناس دي ضاغطة على روحا. ناس لأ بيصوتوا باحساس انو ده موضوع مفروغ منو كيف يتحاكم الرئيس ؟
و ناس نعم بيصوتوا باحساس غبينة لازم يحاكم.
و الغريب انو تلمس حاجة زي دي في استفتاء ترفي للعلم بالشئ لا اكثر. لأنو لو الستة الف عضو قالوا لأ مافي محكمة ماشه تسمع كلامم. ولو الستة الف عضو قالوا نعم برضو المحكمة ما حتسمع كلامم.
افتكر استفتاء عزام ده كان استفتاء لروح الديموقراطية في البورد و انو كيف تلتزم في التعبير عن رايك بمساحة محددة و مطلوبة.. و اظن انو النتيجة ماااا مرضيه للاسف.
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: حمور زيادة)
|
ولد ابا سعد الدين.. حبابك
كتر خيرك على فتح البوست..و الكولنق للتعليق..
اول بالتبادي يا ولد ابا.. صيغة الإستفتاء و محاولة قراءة اتجاهات الرأي العام.. هي صيغة حضارية..و لها خطورتها..و ضرورة الإهتمام بها..واجب..
لم اشارك في بوست الأخ عزام(رغم تحفظي على صيغة السؤال الغير واضحة) لتحديد موقف أم لأ.. من قضية عمر البشير و المحكمة الجنائية.ز لأني موقفي معروف و عبرت عنه أكثر من مرة..و لكني شاركت لسبب قد يراه البعض غريب بعض الشئ..و هو أن ثقافة الإستفتاء في مجتمعنا السوداني ضعيفة بعض الشئ..و الناس لا تأخذها مأخذ الجد..مع انها اداة مهمة و سهلة تساعد كثيرا في تحديد اتجاهات الرأي العام..و لأن الرأي العام في السودان في معظم مراحله تسيطر عليه الة اعلام الدولة و تمارس فيه سيطرتها ببشاعة.. فلقد تولدت ظاهرة الخوف و اللامبالاة..
من قبل ابتدرت أكثر من استبيان في هذا المنبر..و كنت من ضمن ما اسعى اليه.. أن اساهم في نشر ثقافة الإستفتاء هذه و تطويرها بين شعوب السودان.. من هذه المنطلقات أثمن جهد اخونا عزام..فالمسألة ليست فقط من يقوم بالإجابة بلأ أو بنعم..و لكن التحدي الحقيقي هل نستطيع أن نطور هذه الأداة أم لأ..و تطويرها في وجهة نظري المتواضعة يكون بفعالية المشاركة و اخذ المسألة مأخذ الجدية اللازمة..
حينما اثرت فكرة الدغمسة.. كانت هي من باب الدعابة..و بيني بينك فيها شوية خباثة عدييل.ز لأن من متابعتي للبوست حسيت بعض الصرامة في طريقة الأخ عزام..و قلت اختبر القصة دي (معليش يا عزام)..و كانت فرضيتي أن عزام قد يستجيب للمسالة..و لحسن الحظ خيب الأخ عزام ظني و طرشق لي فرضيتي في رأسي..عشان كده قلت ياخي الزول طالما هو حضاري.ز مافي طريقة غير انو الزول يتعامل معاهو بنفس نهجو..و رجعت تاني و اجبت بحسب ما حدد الأخ عزام الطريقة التي يريد بها المشاركة في الإستفتاء..
الإستفتاء جيد الى حد ما(غض النظر عن صيغة السؤال الجوهري الوحيد فيه)..و ادارة عزام للبوست تب ما فيها كلام.. لكن هناك بعض الملاحظات..و اتمنى أن يأخذها الأخ عزام في اعتباره (و كل من يريد أن يقوم باستفتاء في المستقيل)..و هي أن الأخ عزام لم يحدد طريقة الإجابة.. تحديدا ماهي الإجابات الممكن تكون ساقطة و الممكن تكون مقبولة..و في مرحلة متأخرة جدا كتب توضيح للتصور الذي يريد به الإجابة.. و للأسف حتى بعد توضحيه هذا .ز لم يأخذ به في طريقة الفرز و تحديد القوائم..يعني مثلا هو قال اجابة نعمين و مليار نعم غير مقبولة..و في نفس الوقت قبل باجابات فيها تكرار اللآ.. ده غير موقف اخونا معتصم صالح الذي داخل مبكرا في البوست و لم يقم بأجابة واضحة..و مع ذلك .. في القوائم الأولى كان الأخ عزام يحسب معتصم في قائمة (لأ)..
طريقة فرز الإجابات في البداية بواسطة الأخ عزام كان فيها شوية مشكلة..و قد انتبه هو لهذه المشكلة و عالجها في القوائم المتأخرة..و الفكرة بالنسبة لي دور الأخ عزام هو دور الحكم.. غض النظر عن موقفه من المحكمة الجنائية و محاكمة عمر البشير أو غيره..و كان ينبغي عليه ألآ يدخل نفسه في موضع الشبهة و الموقف الذي قد يحسب تحيز واضح لقائمة ضد الأخرى..لأن الباحث في مثل هذه الحال يجب أن يكون محايدا..
يتبع..
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Kabar)
|
كذلك من الشروط الغائبة.. لم يذكر الأخ عزام أنه يطلب معلومات مثل محل السكن..و انما اخذ بنفسه البحث عنها في البروفايل..و هذه مشكلة كبيرة لأنها تدخل في خصوصية الناس دون اخذ الإذن منهم..يعني من البداية كان يخط شروط واضحة و ان يطالب الناس بأن تذكر محل اقامتها أو سنها أو عملها أو الحالة الإجتماعية..و يوضح ماهي المساءل الإختيارية و غير الإختيارية في الإجابة..
مسألة كتابة مكان الإقامة امام كل اسم شخص جاوب على الإستفتاء.. ممكن تتم قراءتها بصورة اخرى و مشروعة.. يعني كيف تتوقع من زول في السودان.. الحكومة ليل و نهار بتهدد فيهو و يجي يجاوب ليك بنعم للمحكمة الجنائية الدولية؟..يعني شبهة الخوف و التخويف ممكن تؤثر كثيرا في اجابات الناس..الموجودين في السودان و في الدول العربية..و نحن جينا من السودان بنعرف الأمور هناك بتمشي كيف.. يعني مثل هذه الشبهة قد تؤثر كثيرا في تحليل نتائج الإستفتاء..و هي شبهة مشروعة يصعب مناهضتها و تحديها..
مشاركتي في الفرز..قد يفهمها البعض بانو كبر حردان ساكت عشان عزام ابى يذكر اسمو..و هذا تصور خاطئ بعض الشئ.. فرؤيتي للمسألة لأنني احترم ألية الإستفتاء و اقدر و اسعى لأن تكون ثقافة شعبية.. فقد قمت بالمساهمة في الفرز.. عشان نسوي درب جديد.. ليه بس عزام براهو يفرز الوكت كلو؟..مش مفروض نساعدو شوية؟.. و ليه الوكت كلو نقعد نربع ايدينا و نخلي عزام براهو ينسخ و يحرر و يعيد و يرتب؟..الفكرة بالنسبة لي ضرورة الجماعية في العمل..
طريقة اجابات الناس فيها المثير.. يعني في كل منعطف بتحس كيف بتم النداء و حشد الناس.. يعني كل ما تظهر ثلاثة اجابات بنعم.. بتحس هناك ست اجابات بلأ.ز يعني في حالة تجييش مستمرة..و في هذه النقطة اعتقد أن الناس البتأييد نظام عمر البشير سجلت هدف تقدم في شباك الناس البتعارض البشير و حكمه..يعني ناس الحكومة و مؤيدينها.. فاهمين خطورة الإستفتاء.ز عشان كده حريصين على التواجد و نداء اصدقائهم و كل من يأنسون فيه ثقة التأييد.. بعكس حال الناس البتعارض الحكومة و عمر البشير.. يعني بتحس شغلهم تلقائي و عابر و غير منظم..يعني مثلا أنا كنت متوقع أي ناشط من ناس دارفور و كردفان يشارك في هذا الإستفتاء سواءا بنعم أو بلأ..غض النظر عن طريقة الإستفتاء أو طريقة صياغة السؤال فيه..لكن الشاهد حضورهم ضعيف للغاية.ز هل هو تأفف؟.. هل هو خوف؟..هل هو لامبالاة؟..
بالنسبة لنقطة الديموقراطية.. فهي بالجد حارة و نحن في السودان لسع ما وصلنا القبول بيها..و اكتر من كده ما وصلنا مرحلة ترسيخ مشروعية الإختلاف..اما عن موقفي الشخصي..حينما جاءت الديموقراطية بحماس في الحكم في قطاع غزة.ز ناس كتيرة حنبكت..و انا كنت أري أنها طالما كانت هي خيار الأغلبية هناك.ز فما الضير بالقبول بها..؟..و في هذه النقطة اذكر مقولة جميلة تقول..
Don’t hate the player, hate the game
يعني طالما الناس متفقة على قواعد اللعب.. يبقى ليه بيكرهو اللاعب..؟..
دمتم..
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: ALazhary2)
|
Quote: الاستفتاء حق أخونا عزام دا جرى تحت التهديد بقطع الاوصال
إذن ظروفه مش عاديـة ونتيجته مش حتكون نزيهة |
الاخ احمد الشايقي
التحذير وليس التهديد ، التهديد يصدر من غير ذي صفة لكن التحذير يصدر من جهة او شخص مسئول عن
امن الوطن والمواطنين.
والتحذير لمن اراد ان يتخطي التأييد اللفظي الى القيام بفعل مادي لتنفيذ أمر القبض.
اذن التأييد (بنعم) فقط لا يشمله التحذير.
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: ALazhary2)
|
kabar ...
صباح/مساء الخير
| Quote: كذلك من الشروط الغائبة.. لم يذكر الأخ عزام أنه يطلب معلومات مثل محل السكن..و انما اخذ بنفسه البحث عنها في البروفايل..و هذه مشكلة كبيرة لأنها تدخل في خصوصية الناس دون اخذ الإذن منهم..يعني من البداية كان يخط شروط واضحة و ان يطالب الناس بأن تذكر محل اقامتها أو سنها أو عملها أو الحالة الإجتماعية..و يوضح ماهي المساءل الإختيارية و غير الإختيارية في الإجابة.. |
- معلومات السادة الزُملاء مَوجودة في ملفِاتِهِم الشخصية وهي -أي الملفات الشخصية- في مُتناول الكُل ... الشي الحرِصت عليهو إنو ما أكتِب أي معلومات لم يكتُبها صاحِبُها ... مثلاً أعرِف أماكِن إقامة/سكن كثير مِن المُصَوِتين ولم أتجرأ أن أكتُبها لأن صاحِبُها حجبها ...
- رأيتُ في مرحلة مُتقدِمة أن التصنيف الجُغرافي أسهل فأنشأت القوائِم (السودان/الخليج/أوروبا ... إلخ)
- في مرحلة أُخرى ألغَيت التسلسُل الرقمي وإكْتَفَيتُ بِجمعِهِ في نِهاية القائِمة ...
- قد تُكرر أو تسقُط أسماء مِن غَير تعَمُد أو (دغمسة) هذا وارِد ومعروف وتصحيحِهِ واجِب وحق ...
إحتِراماتي ،،،
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: عزام حسن فرح)
|
kabar
Quote: في نفس الوقت قبل باجابات فيها تكرار اللآ.. ده غير موقف اخونا معتصم صالح الذي داخل مبكرا في البوست و لم يقم بأجابة واضحة..و مع ذلك .. في القوائم الأولى كان الأخ عزام يحسب معتصم في قائمة (لأ)..
|
هذِهِ إجابة معتصِم صالِح (وكانت المُداخلة رقم 3)
| Quote: كدي في الاول يا عمك انت لا ولا لا ؟ |
لم أعتمِدُها
فإعتمدها وليد محمد المبارك في قائِمة ضِرارِهِ (الصفحة 2)
Quote: القالو لا
1. د.نجاة محمود
2. mayada kamal
3. معتصم محمد صالح
|
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: عزام حسن فرح)
|
الأخ عزام سلام..
من متابعتي للإستفتاء أجزم بأن صوتك "لا"، ولا أخفي عليك شعوري بإنحيازك بالرغم من حرصك على السير بالإستفتاء بصورة محايدة.. You shouldn't have changed the rules after the game has started.
_____
However, over all you have done a good job, and next time we can avoid the mistakes / incomplete ideas, tools, ..etc
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: ALazhary2)
|
Quote: أها النجي لِسُعالك : الفِهِمتو إتْ ده نُص الداير أعرفو ... لكِن ...
النُص التاني والأهم - خلي بالك مِن الأهم دي بِالله - مِن ناحِية المبدأ
هل يجوز إستِعانة المُسلِم ... خلينا نقول المُسلِم المظلوم بِغَير المُسلِم
لِرفع الظُلم عنهُ ... والمبدأ ده لازِم ولابُد أن يستنِد على مرجعِية مُعتبره
ما كِده بس تقول (أيوه أستعين بِالكافِر ظاتووو) أو تقول (لا أكان جا
الكافِر ده ولا الجِن الأزرق عِلا نسَوِد ختوتو) لا كده ما بِنفع لأنو مرجعِيتُك
عاطِفِيةخالِص ... العِندو مرجعِية يطرحا لينا ونناقِشا يا إما صبأنا بِما
لدَينا يا إما هو كمان الإنعصر علينا ... بِدون مُهاترات ونِبيذ ...
الديمُقراطِية أن أخضع لِرأي الأغلبِية ... في البِداية أُدافِع عن ما أُأمِن بِهِ
فإذا حصحص الحق (إنتِخابات/إستِفتاء ... إلخ) ... أُطبِق رأي الأكثرِية ... |
لعناية الأخ الكريم عزام..
و لعناية كل الإخوة و الأخوات الذين يرفضون عدالة المحكمة الجنائية الدولية..
و انا بدوري اتساءل: هل من حيث المبدأ يجوز أن يقتل المسلم اخيه المسلم و يشرده في العراء و يهتك عرضه و يبدد امواله و مقدراته؟..
هذا التساؤل يقوم على الوقائع التالية: في السودان البشير هو حاكم السودان..و هو مسلم ..و الذين تم اغتيالهم في دارفور (دارفور القرآن كما تحدثنا وسائل اعلام الجبهة الإسلامية و الإنقاذ و المؤتمر الوطني في السودان) هم مسلمون ..قتلوا باعداد ليست هي بالعشرات و ليست هي بالمئات بل بالألوف المعددة..
و ايضا اتساءل: على من يعتمد المسلم المظلوم في رد الظلم الواقع من قبل اخيه المسلم؟..هل ينتظر حتى يوم القيامة؟..
الذين و اللائي يعارضون المحكمة الجنائية.. يعارضونها من باب العاطفة..و الحمية..و هذه امور لا تحل قضايا الواقع..و كان ينبغي عليهم أن يقدموا تصورهم لبديل عدالة المحكمة الجنائية الدولية..فالواقع يقول ان الألوف تمت ابادتها في دارفور..و الملايين تم تشريدها في دارفور..و هذه اضرار و مظالم..فهل يعترف الذين يعارضون المحكمة الجنائية الدولية و عدالتها بمثل هذه المظالم؟..فاذا اتفقوا معنا بأن هناك اضرار وقعت فعلا .. يبقى من الضرورة أن يتفقوا معنا بالكيفية التي يمكن بها معالجة هذه الأضرار..و نحن نرى أن الشعب السوداني عجز اخلاقيا و سياسيا و دينيا في اقامة عدالة تنتصف لهؤلاء البؤساء تعيسي الحظ..لذلك نؤيد أن تقوم عدالة المحكمة الجنائية الدولية.. لأن السودان و شعبه غير مؤهل لإحقاق العدالة..
نجي لمسالة الديموقراطية التي يتحدث عنها الأخ عزام..و يرى أن رأي الأغلبية يجب أن يؤخذ به.زو هذا كلام سليم..و نتفق فيه معه..و لكن هل يقبل الأخ عزام و غيره بأغلبية دول العالم التي ترى أن البشير و نظامه ارتكتب جرائم الحرب و الجرائم ضد الإنسانية في دارفور؟..نقول بدول العالم لأن مثل هذه الجرائم ما عادت شأن داخلي و محلي ..و انما هي جرائم ضد الإنسانية جمعاء..و الرفض بعدم الإعتراف بها بهذه الكيفية يعني رفضنا للعالم..و علينا أن نقطع بلدنا و نقفلها علينا.. نضبح بعضنا البعض الى أن يرث الله الأرض و ما عليها..
فالذين يرون في امر المحكمة الجنائية تكالب دول الإستكبار.. عليهم أن يكونوا اكثر موضوعية و يقطعوا علاقتهم بدول الإستكبار.. اما ازدواجية المعايير فقد ولى زمانها..
نقطة اخيرة.. من يرى في البشير أنه اعز من الآف الأرواح المقتولة ظلما في دارفور ففيه عنة اخلاقية بينة..و من يرى أن الفرد الواحد رمز وطني..و سيادة وطنية.ز عليهم أن يسألوا انفسهم..و ماذا قدمت السيادة الوطنية لأهل دارفور..؟ هل قتل الأبرياء و تشريدهم و اغتصاب نسائهم يصلح أن يكون معادلا للرمز الوطني؟..
العدالة شئ..و التسوية السياسية لترضية المعارضين شئ اخر..و السودان ما عاد هو السودان..و علينا أن نفهم هذه الوضعية و نتعامل معها بعقل مفتوح..
ما هو البديل لعدالة المحكمة الجنائية الدولية؟..
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Kabar)
|
Quote: التحذير وليس التهديد ، التهديد يصدر من غير ذي صفة لكن التحذير يصدر من جهة او شخص مسئول عن
امن الوطن والمواطنين.
والتحذير لمن اراد ان يتخطي التأييد اللفظي الى القيام بفعل مادي لتنفيذ أمر القبض.
اذن التأييد (بنعم) فقط لا يشمله التحذير. |
الأخ عمر عثمان.. حبابك
اللغة العربية غيروها ولا شنو؟.. المهم..
كلام السيد صلاح قوش.. مش تهديد و بس.. ده بيدخل في باب الشروع في القتل..و الشروع انا ما جبتها من عندي .ز دي جابوها ناس الشريعة الإسلامية في السودان..و مفهوم الشروع معرف في القانون الجنائي السوداني الساري حاليا..
السيد صلاح قوش مسئول في وظيفة حكومية في السودان..و المسئول ليس من حقه ممارسة شروع في القتل بهذا الوضوح..يعني قانونيا لو داير يكتل ليهو زول الإ يكون هناك امر صادر من محكمة رسمية..و زمن بيوت الأشباح و الكتل الكرباوي ولى بحسب كلام السيد صلاح قوش بنفسه..تاني الردة لزومها شنو؟..ولا صحيح المثل البيقول الصقر ان وقع كتر البتابت عيب..!
دي على قول الأخت سارة عيسى (لغة وعرة)..وما كان لأخونا صلاح قوش يسلك دروبها لأنها ما بتجيب حقها..و لو كان بتنفع كان نفعت اخونا محمد سعيد الصحاف رضي الله عنه.. متذكرو؟..
و دمت..
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Kabar)
|
kabar
Quote: لعناية الأخ الكريم عزام..
و لعناية كل الإخوة و الأخوات الذين يرفضون عدالة المحكمة الجنائية الدولية..
|
يا خوي ما تصبُر علي ... إتْ مالك مُصنِفني ... يِمكِن أقول (نعم) ويِمكِن أقول (لا)
الما مُمكِن هو إنك تقَولني حسب رأيك ... ياخ إحنا بِننضُم فوق الديمُقراطِية تقوم
أصبُر علي شوية ... بس لازِم أكون آخِر المُصَوِتين لِضمان تفاعُل الإستِفتاء ... أهو
إت وياسِر طيفور صنفتوني وخلاص وعلى ضوء كده إتخذتُم مَوقِف ...
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: saadeldin abdelrahman)
|
| Quote: ول ابا حبابك و مشتاقين. اذا كنا فشلنا كشعب في واجباتنا النضالية و اقتنعنا بإستيراد العدالة فهذه معضلة! هل هذه العدالة الدولية بلا فواتير أو حساب؟ و من الذي يحدد عجزنا؟ هل هو عجز دائم ام موقت؟.. لي عودة |
ولد اباسعد الدين..حبابك
اهلنا المصريين بيقولوا.. ما يجبرك على المُر الإ الأمر منو..
بالحيل العدالة الدولية عندها فواتير.. لكن ما بتلحق تكلفنا أن نسل تاني روح ثلاثمائة الف انسان..و لا نشرد لينا اربعة مليون نفر تاني.. أو ندمر لينا ستين قرية تاني..يعني بالحساب كده.. العدالة الدولية فواتيرها اخفّ ثقلا من فواتير جلوس عمر البشير بدون محاكمة..و مساءلة..
خلينا من تحديد العجز.. مع انو واضح للغاية..و بتمثل في عدم القدرة على حماية المواطنين البسطاء من ان يكونوا ضحايا لجرائم الحرب و الإبادة العرقية و الجرائم ضد الإنسانية..و قول لينا فهمك شنو في حق الناس الماتوا سمبلا ديل؟.. يعني ننساهم و نقول عفا الله عما سلف؟..قبل كده حصلت الإبادة في جبال النوبة و في جنوب السودان..و الناس قالت عفا الله عما سلف.. الحصل شنو؟.. نفس الأفعال اتكررت بضبانتها في حق ناس دارفور.. يعني لو سكتنا عن حق ناس دارفور الليلة.. البيضمن لينا شنو المرة الجاية ما تحصل ابادة في حق نوبة الشمال.ز أو البجا في الشرق.. أو ناس الجزيرة..او ناس الخرطوم؟..
و لسع سؤالي قائم: ما هو البديل لعدالة المحكمة الجنائية الدولية؟..ماهو برضك الكلام اخذ و عطا..و نسمع منك و من بقية الإخوة و الأخوات..
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Kabar)
|
إبننا العزيز كبر
سلام
| Quote: ما هو البديل لعدالة المحكمة الجنائية الدولية؟ |
اسمح لي أسألك : هل تؤمن بعدالة المحكمة الجنائية؟.
وسؤال آخر : أين المحكمة الجنايئة من مذابح غزة والعراق وأفغانستان وجرائم جوانتنامو ..الخ
واضح كالشمس أن المستهدف هو أمن واستقرار السودان ووحدة أراضيه.
الحكومة تسعى جاهدة لحل مشكلة دارفور ووقف نزيف الدم فلماذا لا يُترك السودان لحل مشاكله بدون التدخل في شئونه؟علما أن هناك مبادرة على طاولة المحادثات حاليا بشأن التوصل إلى حل نهائي.
تحياتي واحترامي
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: saadeldin abdelrahman)
|
| Quote: هل هي عدالة دولية حقا ام انتقائية؟. |
ياســــــــلالالالالالالالالالالالالالالالالالام..بالله هي الإنتقائية دي حارة متل كي يا ولد ابا؟..طيب ناس اخونا عمر البشير ديل لمن كانوا مستقصدين ام زرقة في دافور و بيضبحوا فيهم ليل و نهار..ده كان شنو؟..مش ياها الإنتقائية في ذات نفسها؟..و مالو.. انتقائية بانتقائية و البادئ اظلم..و القصاص اصبح واجب تب..
بقية سؤالك جاوبت عليهو في المداخلة السابقة..و منتظر اجابتك..
و عفوا على المقاطعة..
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: saadeldin abdelrahman)
|
رأيي -إن كان يسمع - هو أن لا يربط البشير و من معه مصيرهم بشعب لم ينتخبهم اصلا و نكبوا اكثره. سبب اعتراضي على ما قد تأتي به المحكمة الجنائية هو 1/ عدم ثقتي فيها اذا انها واضحة الانتقائية و مع ذلك فاليذهب لبشير إن كان سيفعل هو و عصبته فقط!. 2/ سيناريو التمترس و فرض الشرعية بالقوة و التدخل العسكري و ما العراق و افغانستان عنا ببعيد.
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: saadeldin abdelrahman)
|
Yassir Tayfour
صباح/مساء الخير
| Quote: You shouldn't have changed the rules after the game has started |
بعد كام تصَويت في الصفحة الأولى أوضحت ما غُمِض على السادة المُصَوِتين :
Quote: لو تفضل الساده الكِرام بِعدم الخروج مِن هدف البوست بِالتعليق
والتفضُل بِالإلتِزام بِطريقة الإجابة المُحددة بِعِنوان البوست ...
نُريد إجراء إستِفتاء في مُجتمعِنا هذا وهو مُجتمع لا نحلم بِهِ في
أرض الواقِع ...
أرجو أن يُعدِل السادة أصحاب التعليقات والإجابات غير المطلوبة
مِن مُداخلاتِهِم ... تكفي (لا) واحِدة أو (نعم) واحِدة ...
|
لم أُغَير ... فقط إفترضت أن عِنوان البوست مفهوم ... العِنوان الذي بدأتهُ (مِن فضلك)
وحددت أن تكون الإجابة فقط بِـ(لا) أو (نعم) وكان ما إفترضتهُ خطأ مني ، فشرحت الأمر
وعدل مَن عدل وأبى مَن أبى والكُل فوق راسي والله ...
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: عزام حسن فرح)
|
نجاة محمود..حبابك يا صديقة
| Quote: دي استفتاء ممتاز جدا |
؟؟؟
Quote: والملاحظة الغالبية من داخل الوطن قالو لا..
اسياد الوجعة.. الحتقع فيهم القنابل |
لمن توصل الناس لمرحلة المفاضلة بين بطش البشير و نظامه..و بين القنابل المزعومة و تبقى اخف ضررا من بطش البشير و نظامه.. تبدو هنا فعلا محنة..و محنة كبيرة خلاص..
Quote: ومختلف الاتجاهات الفكرية قالت لا..
لك التحية يا سعد |
الإتجاهات الفكرية في تولا يا صديقة..و لم تنكوي بنار الظلم..زيادة على ذلك..اتوعدوهم بتقطيع الأوصال..و تقفيل مكاتب احزابهم..و تدخيلهم في حجر الضب..ولا ارادة لخائف..لأنو المسألة لمن تبقى تحديد الوجود الشخصي..النفس الإنسانية بتضعف كتير..ضعف غريزة و هو مشروع..
و يبقى السؤال ماهو بديل الأتجاهات الفكرية الغالبية لعدالة المحكمة الجنائية الدولية؟..يعني كيف يتم انصاف ضحايا دارفور..ولا دي كضبة كبيرة ما عندها وجود؟
و دمت
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Kabar)
|
| Quote: رأيي -إن كان يسمع - هو أن لا يربط البشير و من معه مصيرهم بشعب لم ينتخبهم اصلا و نكبوا اكثره. سبب اعتراضي على ما قد تأتي به المحكمة الجنائية هو 1/ عدم ثقتي فيها اذا انها واضحة الانتقائية و مع ذلك فاليذهب لبشير إن كان سيفعل هو و عصبته فقط!. 2/ سيناريو التمترس و فرض الشرعية بالقوة و التدخل العسكري و ما العراق و افغانستان عنا ببعيد. |
طيب يا ولد ابا.. منو القال انو المحكمة الجنائية الدولية فتحت بلاغ و بتطالب بمحاكمة الشعب السوداني؟..و متين قالت المحكمة الجنائية الدولية أو مجلس الأمن أو الأمم المتحدة.ز انو الشعب السوداني ارتكب جرائم ابادة و جرائم ضد الإنسانية و جرائم حرب في حق أهالي دارفور؟..
البشير يا اخوي شغال بمبدأ يافيها يا افسيها.. يعني يا الشعب السوداني يا اما اقعد بلا محاكمة و احكم لمن صاحب الأمانة يشيل امانتو.. يا كمان عينكم تطلع معاي..بالله عليك يا صديقي في سادية اكتر من كده؟..
اطمئن يا صديقي الشعب السوداني ما ح يتضرر من اجراءات محاكمة أي فرد..ما ياهو مجرمين كتار قاعدين في السودان و بتحاكموا.. الشعب حصل اتضرر منهم؟..
غريبة يا سعد الدين.. بتتكلم عن التدخل العسكري..و هو حاصل من قبل خمس سنين في السودان..ليه ما حسينا بضرر منو؟..ولا ناس عسكر الإتحاد الأفريقي..و الأمم المتحدة القاعدين في السودان ديل ماهم تدخل عسكري..
عمر البشير يا سعد الدين لو كان بيحترم السودان و اهل السودان.. كان اتذكر افغانستان و العراق.زو رواندا و الصرب..و فوق ده كان اتذكر المثل السوداني.. السعيد بيشوف في اخوه..و الشقى بيشوف في نفسو..و ماكان وصل لمن شاف في نفسو..
و هسع ده لو البشير قال في الجرايد بكرة.ز انو حكمت محكمة على كوشيب و احمد هرون ..و غيرهم.. صدقني يكون قلب الطاولة في وش المحكمة الجنائية الدولية.. لكن الرجال شكلو داير ليهو فسحة شوية في لاهاي..
نشوفك..
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Kabar)
|
يا جماعة روقوا شوية ... المسألة شنو ؟ سياسية ؟ وطنية ؟ سيادية؟ كل يفسر حسب استيعابه للموضوع ... بقي لي أن أشير الى أن هناك عدد كبير جداً من أعضاء المنبر ونعرفهم بأسمائهم وهم يدعمون هذا القرار ولكنهم مترددون لدواعي نعرفها جميعاً وعليه شخصياً سأقيم هذا الإستفتاء كالتالي: بعد انتهاء الإستفتاء سأنظر الى عدد الاعضاء النشطين واطرح منه عدد الذين صوتوا بلا فالناتج سيكون العدد الحقيقي للذين صوتوا بنعم ... أو هكذا انا أفهم.
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: الفاتح شلبي)
|
| Quote: بعد انتهاء الإستفتاء سأنظر الى عدد الاعضاء النشطين واطرح منه عدد الذين صوتوا بلا فالناتج سيكون العدد الحقيقي للذين صوتوا بنعم ... أو هكذا انا أفهم. |
ههههه .. شوفوا جنسفهم المناضل ده !!!!..
شايفين يا أخواننا كيف أن المناضل بدون سلطة ممكن يزور الاستفتاءات ولا يبالي؟؟ فكيف به إذا تسلط علي رقاب العباد ؟؟
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: الفاتح شلبي)
|
الفاتِح شلبي ...
واحدة واحدة يا صاحبي وقريبي وسِري ... ( الأعضاء النشِطين ) بِقو ( نشِطين )
كيف في رأيك ... يعني مثلاً في واحِد في بوست ( الإستِفتاء ) صَوت ولم أقرأ لهُ
سطر واحِد مِن إشتركت في سودانيز أون لايِن وفي زول مَوجود في المِنبر يَومِياً
وبِشارِك في كُل البوستات كورة / عزاء / سياسة ... إلخ ...
- مِقياسك لِلزول ( النشِط ) مِن ( غَير النشِط ) شنو ...
- هل مُمكِن نفترِض إنو الما صَوت في الإستِفتاء ( غَير نشِط ) ...
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: عزام حسن فرح)
|
لعناية الاخ كبر
Quote: لعناية الأخ الكريم عزام..
و لعناية كل الإخوة و الأخوات الذين يرفضون عدالة المحكمة الجنائية الدولية..
و انا بدوري اتساءل: هل من حيث المبدأ يجوز أن يقتل المسلم اخيه المسلم و يشرده في العراء و يهتك عرضه و يبدد امواله و مقدراته؟..
|
للاجابه المباشره تماما كما فى استفتاء عزام
لا ..
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: محمد حيدر المشرف)
|
Quote: نجي لمسالة الديموقراطية التي يتحدث عنها الأخ عزام..و يرى أن رأي الأغلبية يجب أن يؤخذ به.زو هذا كلام سليم..و نتفق فيه معه..و لكن هل يقبل الأخ عزام و غيره بأغلبية دول العالم التي ترى أن البشير و نظامه ارتكتب جرائم الحرب و الجرائم ضد الإنسانية في دارفور؟..نقول بدول العالم لأن مثل هذه الجرائم ما عادت شأن داخلي و محلي ..و انما هي جرائم ضد الإنسانية جمعاء..و الرفض بعدم الإعتراف بها بهذه الكيفية يعني رفضنا للعالم..و علينا أن نقطع بلدنا و نقفلها علينا.. نضبح بعضنا البعض الى أن يرث الله الأرض و ما عليها..
فالذين يرون في امر المحكمة الجنائية تكالب دول الإستكبار.. عليهم أن يكونوا اكثر موضوعية و يقطعوا علاقتهم بدول الإستكبار.. اما ازدواجية المعايير فقد ولى زمانها..
نقطة اخيرة.. من يرى في البشير أنه اعز من الآف الأرواح المقتولة ظلما في دارفور ففيه عنة اخلاقية بينة..و من يرى أن الفرد الواحد رمز وطني..و سيادة وطنية.ز عليهم أن يسألوا انفسهم..و ماذا قدمت السيادة الوطنية لأهل دارفور..؟ هل قتل الأبرياء و تشريدهم و اغتصاب نسائهم يصلح أن يكون معادلا للرمز الوطني؟..
العدالة شئ..و التسوية السياسية لترضية المعارضين شئ اخر..و السودان ما عاد هو السودان..و علينا أن نفهم هذه الوضعية و نتعامل معها بعقل مفتوح.. |
للأستاذ كبر ..
إتهام المحكمة ـ والعدالة المزعومة ـ مبني علي إدعاء أن القبائل العربية بمساعدة الحكومة أبادت القبائل الزنجية ـ فور زغاوة مساليت ـ... أنت كأحد عرب دارفور تعال اعترف لينا بصدق هذا الإدعاء عشان نحن ذاتنا نعرف حاجة !!!! ..
وخلينا برضو السنة الجاية عندما يوجهوا الاتهام للصادق المهدي بتسليح أهلك المراحيل لإبادة الدينكا نعرف نقول نعم واللا لا !!!..
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Munir)
|
| Quote: ما هو البديل لعدالة المحكمة الجنائية الدولية؟ |
ثورة الاصبع البنفجي هي البديل الوحيد الذي يضمن وطن واحد آمن..
الانتخابات على الابواب اتقدم من اجل ان تحدث الغالي والرخيص
اي رئيس غير منتخب تاني ما عايزنو نحنا وطنا بنستق اكثر من كدا..
طبعا في ناس مفتكرين امريكا حتجي وهم يجو على ركابها تعين لينا واحد
حارب معها في العراق ولا افغانستان ولا مشى مترجم هناك
امريكا بعد سنتين حتكون ذي روسيا اسع..
قلمت اظافرها تماما وبركت تب للضبح...
عندها حيكون وعد الله الحق..كل الشعوب حتجدع الدمي المحمية من امريكا..
و البتمول لامريكا حروبها بتاعة الديمقراطية المزعومة..
مع المحية لول ابا كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: د.نجاة محمود)
|
د. نجاة ...
(الأصبع البنفْسجي) بتذكر لامن البشير في الإنتِهابات الأخيرة
أكان المُنافِس ليهو (بعد خُروج دكتور عِصام) كيجاب ...
كيجاب ده طلع التاني (الأول البشير) وكان الفرق بيناتُم
كم ألف كِده ... والله أكام ما بخاف الكِضِب التقول فوق
التلاتة ألف بِشَوية ... شوفي كيجاب ده كُل السواهو قطع
البحر (النيل) معاهو سارة بِت عمِك جادالله وممدوح ...
خريج جامعة القاهِرة + قطع البحر ... بس كِده ... بتذكر
أكان التِلِفِزيون السوداني بِيدي كُل مُرشح زي (10) دقائِق
يتكلم عن برنامجو (يعني عاوزين يِقولو في مُساواة في
الفُرص) ... ما علينا ... لامِن جا كيجاب يُنضُم فوق برنامجو
والله قال بِالحرف [ أنا حأصلِح ليكُم الحَله ] (بِفتح الحاء) وأكان بِيقصُد
( القٌفه ) وهو مُصطلح أكان شائِع بِيقصُدو بيهو الحاله
الإقتِصادِية العامة في البلد ( إذا صلُحت قُفه المُلاح صَلُح
حال المُواطِن) زولِك بس مال كِلمة ( الحله ) عِلا ناس الليل
وآخرو شعَودو عديل كده وتسمعي ورووووووووك أيوووووووه كده تمام
والكِت داك - وكِت كيجاب إترشح - وين ظنِك كانو ناس (الأُمة)
و(الإتِحادي الديمُقراطي) و(الشيوعِيين) وووووو
الأصبع البنفسجي قُبالو في حاجات كتيرة مفروض تِتعمِل ...
في واحدة مِن قُرى البُطانة ... جات بكاسي شايلة أفندِية
سألو عن شيخ الحِله (بِكسر الحاء) ... المُهِم عِرفنا إنو الأفندِية
ديل مُدرِسين فرغوهُم علشان الإنتِخابات وكانو شغالين لِصالِح
البشير ... أنا قاعِد أسمع ليك المُفاوضات - الأفندِية مع شيخ
الحِله-
- بِنديك 2 مليون جينة بس الحِلة كُلها تصَوِت لِصالِح البشير
- وبِتدوني ليها بِتين
- لامِن يِصَوِتو ناسك
- وألِم فوقُم بعدين وين
- نِحنا بِنجيك بعد الإنتِخابات
- لا لا الكلام ده ما بِنفع معاي أنا زول هِندي (يقصُد ولاءِهِ لأولاد
الشريف الهندي) أكان بِتدورني أغَير لهِموني القِرِشات هسِع
- لكِن يا شيخ ...
- ده حديثي غيرو ماف
- سِمِح هاك نُصها وبعدين النُص التاني ... إتْ كمان ما تعصُر علينا
بِالحيل كده ... البشير ده بِينفعكُم
- والله الحبه ما بِسيها لينا ... ودار أبوي خِربت تب وشيلتي البشيلا
ياها قُروشكُم دي
- سمِح هاك عِد
- يا المحجوب المحجوب ناغِم المبروك ود علي ود حمدالنيل
أهو ده أصبعِك البنفسجي ...
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: د.نجاة محمود)
|
د. نجاة
سلامات
اتمنى كثيرا ان ( نسد الفرقه )
Quote: غير انه المعارضة كسلانة
|
تكتلات المعارضه التقليديه ماضيه فى اتجاهات عقلانيه وعمليه فى حدود المتاح لها
من فاعليه .. واعنى الاحزاب كالامه والاتحادى والشيوعى
الوضع الغير مفهوم على الاطلاق هو وضع الحركه الشعبيه وقد تبدى شيئا من الاجندات المدسدسه
مما سينزع فتيل الصراع داخل الحركه وهو امر مفهوم لتباين المصالح البين ما بين تيارات الحركه
واوضح مثال التناقض الحاد ما بين رؤي باقن اموم وتصريحاته وبين تصريحات تابيتا بطرس وغيرها ..
ناهيك عن غازى سليمان
المعارضه المسلحه فى دارفور لا يمكن بأى حال من الاحوال وصفها بالكسل .. غير انها فاقده كمجموعه
الاتجاه لان ما يفرق بينها اكثر بكثير مما يجمعها وده نتيجه بديهيه للمنطلقات والاسس التى نشأت بموجبها
هذه الحركات .. بجانب حدودها القبليه والتى سيجت بها نفسها ولن تتخطاها ابدا
..
من المهم جدا الاشاره للمردود السلبي جدا لصدور القرار على الوضع السياسي والامنى فى السودان ..
مازلنا نراهن وتماما وكما الاحزاب التقليديه على اتمام عمليات التحول الديمقراطى .. وقطعا سيعوق
صدور القرار ان لم ينسف كل ايجابيات المرحله ..
الصوره اقرب عندى - وستكون - للعوده لتاريخ 30 يونيو 1998
وسيلاقى الشعب السودانى الامرين
وغايتو
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: محمد حيدر المشرف)
|
Quote: اسمح لي أسألك : هل تؤمن بعدالة المحكمة الجنائية؟.
وسؤال آخر : أين المحكمة الجنايئة من مذابح غزة والعراق وأفغانستان وجرائم جوانتنامو ..الخ
واضح كالشمس أن المستهدف هو أمن واستقرار السودان ووحدة أراضيه.
الحكومة تسعى جاهدة لحل مشكلة دارفور ووقف نزيف الدم فلماذا لا يُترك السودان لحل مشاكله بدون التدخل في شئونه؟علما أن هناك مبادرة على طاولة المحادثات حاليا بشأن التوصل إلى حل نهائي.
تحياتي واحترامي |
استاذي و صديقي..جعفر اسماعيل..
كتر خيرك على الأسئلة..و كنت اتوسم أن تجيب ، قبل أن تواصل و تسألني ، على سؤالي حول البديل عن عدالة المحكمة الجنائية الدولية ..و هل فعلا الإنتهاكات التي حدثت في دارفور تستوجب المساءلة القانونية (غض النظر عن كونها عن طريق القضاء المحلي أو الأقليمي أو الدولي)..
بالنسبة لأسئلتك.. نعم أؤمن بعدالة المحكمة الجنائية الدولية..و انها يجب أن تتدخل لمحاسبة أو محاكمة كل من يرتكب جرائم ضد الإنسانية و جرائم حرب و جرائم ابادة عرقية..
بالنسبة للجزئية الثانية حول موقف المحكمة الجنائية مما حدث و يحدث في افغانستان و غزة و العراق و جرائم سجن جوانتنامو في كوبا..
نعم حدثت مذابح (عدا سجن جوانتنامو).. و انتهاكات ضد حقوق الأنسان.ز في البعض منها وصل لدرجة الجرائم ضد الإنسانية و الإبادة العرقية و جرائم الحرب..و لكن هل تقدم أي من هذه الأطراف .زو بعد انشاء المحكمة الجنائية الدولية بطلب أو شكوي يطلب التحقيق في ما حدث و يطالب بمساءلة الجناة؟..هذه نقطة..
النقطة الثانية.. ما حدث في السودان و في عهد حكم عمر البشير لم يحدث من قبل بمثل هذه الجسامة..فالنزاع الفلسطيني الأسرائيلي و منذ 1948 لم يتم فيه اغتيال افراد بعدد نصف ما تم اغتيالهم و ابادتهم في عهد عمر البشير في جنوب السودان و جبال النوبة و دارفور.. هذا من جانب..و من جانب اخر سودان عمر البشير في موقع واحد مع اسرائيل في رفض التعامل مع المحكمة الجنائية و الإعتراف بها..و اذا رفضنا محاكمة البشير فهذا يعني ضمنيا رفضنا أن يحاكم افراد من دولة اسرائيل..اذن لماذا الجوطة بشعارات مذابح فلسطين و غيرها؟
النقطة الثالثة..لماذا نحن حريصين على شعوب اخرى اكثر من حرصنا على بعض شعوب السودان؟..و لماذا الموت في افغانستان و العراق و فلسطين يزعجنا و يوجعنا و يحرق اكبادنا و يصيبنا بالقهر و الغبن .. اكثر من الموت في السودان سواءا في جنوب السودان أو جبال النوبة أو في دارفور؟..
بالنسبة لنقطة الإستهداف..و اختلف فيها معك يا استاذي..فنحن في السودان وحدنا الذين سعينا لأن يكون السودان مستهدف..و نحن يا صديقي وحدنا من خلق الظروف التي تجر علينا غضب الأخرين..و نحن وحدنا من قدم اسباب التدخل في شئون السودان من قبل الأجنبي و الآخر..و الإ قل لي.. لماذا لم يتم استهداف السودان في عهد الإستقلال..و في عهد الحكومات المتعاقبة لغاية حكومة الديمو قراطية الثالثة؟.. ليه السودان ما كان موجود مثلا..؟
منذ 1983 لم يشهد السودان استقرار.. صحيح قد يبدو الأمر أن العاصمة الخرطوم مستقرة و هذا يعني استقرار السودان..و لكن في حقيقة الأمر لم يشهد السودان أي نوع من الإستقرار.. فماذا تبقى حتى نحزن على فقدانه؟..
بالنسبة لسعي الحكومة الدؤوب لحل مشكلة دارفور..و هنا اسمح لي أن اوضح نقطة..فالأمر الآن اصبح يقتضي ضرورة التمييز و الفصل الواضح بين التسوية السياسية و اقامة العدالة و مساءلة كل مجرم ساهم أو شارك في ارتكاب جرائم الحرب و الجرائم ضد الإنسانية و جرائم الإبادة العرقية..نعم قد تحدث تسوية سياسية و تحل مشكلة دارفور سياسيا و بأي شكل كان..و لكن السؤال: حل حدوث الحل السياسي يعني تلقائيا سقوط الجرائم و عدم ملاحقة مرتكبيها؟..ما ياهو النزاعات بتحصل في السودان بصورة مستمرة ..و بيتم حلها في تسوية سياسية.ز فهل منع ذلك حدوث تكرار المذابح في حق شعوب السودان..؟..
عمر البشير و نظامه يتحمل المساس بوحدة السودان و هو من سعى لأن يكون السودان مقسما و مفتتا..و هو الذي اوجد اسباب الفرقة و الشتات.. فلماذا الركون لنظرية المؤامرة بهذه الطريقة المحمومة؟..
و اعود لتكرار سؤالي.. هل الذين ابيدوا و شردوا في دارفور لا يستحقون الإنصاف (غض النظر من يقوم بانصافهم)؟..
و نسمع منك..
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Kabar)
|
Quote: للأستاذ كبر ..
إتهام المحكمة ـ والعدالة المزعومة ـ مبني علي إدعاء أن القبائل العربية بمساعدة الحكومة أبادت القبائل الزنجية ـ فور زغاوة مساليت ـ... أنت كأحد عرب دارفور تعال اعترف لينا بصدق هذا الإدعاء عشان نحن ذاتنا نعرف حاجة !!!! ..
وخلينا برضو السنة الجاية عندما يوجهوا الاتهام للصادق المهدي بتسليح أهلك المراحيل لإبادة الدينكا نعرف نقول نعم واللا لا !!!.. |
منير.. حبابك يا صديق
ما جاوبت لينا عن سؤال البديل لعدالة المحكمة الجنائية الدولية؟..و مثلما سألت الإخوة و الأخوات من قبل.ز بدوري اسألك.. هل الإنتهكات التي حدثت في دارفور بتستحق المساءلة أم لأ؟..ولا نهتف ضدهم زي ما هتف بعضنا لصدام حسين (اضرب بالكيماوي لتصفية اكراد العراق)؟..
قد تكون عدالة المحكمة الجنائية الدولية مزعومة..و لكن جرائم الحرب و جرائم الإبادة العرقية و الجرائم ضد الإنسانية .ز فهذه وقائع موجودة و مثبتة..و الدليل ما داير ليهو ادعاءات محكمة جنائية.. ياها ديك دارفور قاعدة..و كل من تمكن من زيارتها سيرى بعينه دون وساطة ما حدث من دمار..
بالنسبة لقصة القبائل العربية.. طيب يا منير يا صديقي..ورد في مذكرة اكامبو أن مسيرية دارفور تعرضوا لجرائم ضد الإنسانية و جرائم حرب..فهل ننتصف ليهم..ولا مسيرية دارفور ماهم قبائل عربية يهمك امرها يا اخا العروبة القح؟..
المسألة ليست اشتراك القبائل العربية .. المسألة مسألة عدالة..و كل من تورط بالمشاركة أو بالمباشرة في ارتكاب جرائم دارفور يجب محاسبته حتى لو كان سليل النبي القرشي (صلعم)..وقع ليك الكلام ده..؟
و بعدين انت مالك يا استاذي متشائم كده؟..ياخي موقفك ده زي موقف الجامعة العربية و الإتحاد الأفريقي البينبحوا خوفا على ضنبهم.. لأنو الجماعة كل همهم أنو لو البشير اتحاكم ده ح يفتح الباب لمحاكمة ناس كتار..و مالو.. كل مجرم تشكلت بينات في مواجهته فليحاكم و لتذهب كل السيادات الوطنية الهشة الى الجحيم..!!
المراحيل مليشيا ارتكبت جرائم حرب..و اذا كان في أي زول داير يشتكيها وعندو اثبات عليها .. يشتكيها و بنقول نعم لمحاسبة كل من تورط من افرادها في جرائم الحرب و الجرائم ضد الإنسانية..فالإنحياز لأهلنا لا يمنعنا أن نقول الحق حتى و لو على انفسنا..ولا نخاف أن نطالب بالعدالة في مواجهتنا أو مواجهة أهلنا أو أي سوداني أو سودانية..اها انت بتقدر تقول انو أخونا عمر البشير غلطان؟..ولا عشانا هو بلدياتنا خلاص نسكت على ظلمو؟
سيدي الإمام الصادق المهدي (عليه السلام) .ز برضك اتورط في زمن ما..و الداير يشتكيه و عندو اثبات زي بتاع اخونا اكامبو.. تب ما عندنا ما نع من محاكمته و مساءلته..
و نشوفك تاني يا صديق
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Kabar)
|
Quote: ثورة الاصبع البنفجي هي البديل الوحيد الذي يضمن وطن واحد آمن..
الانتخابات على الابواب اتقدم من اجل ان تحدث الغالي والرخيص
اي رئيس غير منتخب تاني ما عايزنو نحنا وطنا بنستق اكثر من كدا..
طبعا في ناس مفتكرين امريكا حتجي وهم يجو على ركابها تعين لينا واحد
حارب معها في العراق ولا افغانستان ولا مشى مترجم هناك
امريكا بعد سنتين حتكون ذي روسيا اسع..
قلمت اظافرها تماما وبركت تب للضبح...
عندها حيكون وعد الله الحق..كل الشعوب حتجدع الدمي المحمية من امريكا..
و البتمول لامريكا حروبها بتاعة الديمقراطية المزعومة..
مع المحية لول ابا كبر |
صديقتي بيان..حبابك
افو يا بت ابا.. انت على عقاب عمرك بقيتي حداثوية ولا شنو يعني؟.. ثورة الإصبع البنفسجي؟؟!!.. ياخي دي احبابنا ناس النهلة و اخوات ميم لسع ما وصلوا مرحلتها..هيع عفيت منك تب..!!
و بعد..
المثل بيقول جرادة في كف خير من الف طايرة..
الإنتخابات مرحب بيها..و لكنها في حكم اعتبار ما يكون..و اهلك البقارة عندهم مثل بيقول (الجيعان فورة البرمة قاسية ليهو)..
الوقائع واضحة.. حدثت انتهكات ضد بعض من اهالي دارفور..ووصلت لدرجة تشكيل جرائم ابادة عرقية و جرائم ضد الإنسانية و جرائم الحرب.. فهل تقرين بذلك أم لأ؟..اذا كانت الإجابة نعم.. فكيف يمكننا كشعب سوداني معالجة هذه الأضرار؟..
الإنتخابات شغل سياسي..و الواقع افرز ضرورة التمييز بين التسوية السياسية و قضية العدالة..نسوي انتخابات.. نجيب خليل أو عبد الواحد أو عمر البشير أو الصادق المهدي أو سيد محمد عثمان الميرغني أو محمد ابراهيم نقد.. مش مهم.. لكن المهم ما حدث من مذابح و ابادات جماعية و جرائم الحرب و الجرائم ضد الإنسانية في حق شعوب السودان.. يجب ألأ يتكرر.. و محاكمة بعض الأفراد السودانيين و مساءلتهم سيشكل ضمانة لحماية بقية شعوب السودان؟..
بالنسبة لجية لأمريكا.. فهنا يا صديقة انتي جافيتي المنطق.. امريكا دي من سنة 1993 اخونا شيخ على عثمان محمد طه.. بارك ليها تحت رجليها و بيسترضيها بصورة مهينة..فلماذا تكالبها الآن بقى حار جدا؟..
هسع كده خلينا من جية امريكا.. و قولي لينا الناس الماتت في دارفور ديل نسوي معاهم شنو؟.. ننساهم مثلا؟..
بالنسبة لدوري في الإنتخابات و التغيير.. لغاية هسع ما فكرت انزل في الإنتخابات الجاية.. لكن لو قررت المشاركة ح انزل مرشح في حزب المؤتمر الوطني (بالعربي الفصيح حزب بقايا الجبهة الإسلامية القومية).. لأنو هو الحزب الأقوى و الأقدر على ممارسة الدغمسة و التزوير و تقطيع الأوصال طرا و الفرم الصاح..و لأنو هو الحزب البراغماتي الأقدر على تطبيق مبدأ الماسك القلم بايدو ما بيكتب نفسو شقي..
زمان الجماعة غشونا و قالوا لينا اخر نظرية هي التفكيك من الداخل.. اها مشوا و لغاية هسع واقفين في ضهر الحيطة بره ساكت..
و نشوفك تاني..
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Kabar)
|
Quote: أكان بِتدورني أغَير لهِموني القِرِشات هسِع
- لكِن يا شيخ ...
- ده حديثي غيرو ماف
- سِمِح هاك نُصها وبعدين النُص التاني ... إتْ كمان ما تعصُر علينا
بِالحيل كده ... البشير ده بِينفعكُم
- والله الحبه ما بِسيها لينا ... ودار أبوي خِربت تب وشيلتي البشيلا
ياها قُروشكُم دي
- سمِح هاك عِد
- يا المحجوب المحجوب ناغِم المبروك ود علي ود حمدالنيل |
الجنيهات المؤتمروطنية البنفسجيـة
أحمد الشايقي
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Kabar)
|
أها يا جماعة وتاكيدا للراى القائل بان كثيرين فى خاطرهم نعم ولكنهم لم يشاركوا فى التصويت لأسباب خارجة عن الأرادة , فقد بعدت عن النت فترة طويلة لظرف خاص ,و الآن :
اقول :يمهل ولا يهمل ! واصلو الفرج لو ما جاء بأنتفاضة ياتى بأرادة الحى القيوم ! عشان ينصف الغبش المتكوين بنيران جور الحكام والمفوضين امرهم لله , ويكون الظالمون عبرة لأولى الألباب !
واقول :
نعم .
ست البنات .
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: ست البنات)
|
| Quote: بالنسبة لقصة القبائل العربية.. طيب يا منير يا صديقي..ورد في مذكرة اكامبو أن مسيرية دارفور تعرضوا لجرائم ضد الإنسانية و جرائم حرب..فهل ننتصف ليهم..ولا مسيرية دارفور ماهم قبائل عربية يهمك امرها يا اخا العروبة القح؟.. |
الأستاذ كبر ..
يعني إنت مؤيد عشان ورد أن المسيرية تعرضوا لجرائم ضد الانسانية !!! ..
أنا علي كل حال سؤالي واضح .. هل تقر وتعترف بأن قبائل دارفور الزنجية تتعرض للإبادة بواسطة القبائل العربية كما يدعي أوكامبو؟؟ .. وأن القبائل العربية متهمة وعليها أن تثبت براءتها؟؟ .. السؤال ده واضح بالنسبة ليك؟؟!!!
بالنسبة لإعتراضي علي المحكمة فليس له علاقة بضنب أو رأس .. إعتراضي عليها لأنها إنتقائية وليست نزيهة، وذات اجندة ضدنا سواءآ كان رئيس البلاد البشير أو غيره .. وأنا أعجب لك كقانوني تتغاضي عن كل هذه المفارقات البائنة !!!! ..
| Quote: المسألة ليست اشتراك القبائل العربية .. المسألة مسألة عدالة..و كل من تورط بالمشاركة أو بالمباشرة في ارتكاب جرائم دارفور يجب محاسبته حتى لو كان سليل النبي القرشي (صلعم)..وقع ليك الكلام ده..؟ |
أري أن عبارتك هذه هي طق حنك وليست لها مصداقية لأنه لو كنت تؤمن بها لطالبت بمحاكمة مجرمي الحرب الكبار وتشمل ايضآ حكومتك الكندية التي تشارك بجيوشها في تقتيل المدنيين في العراق وافغانستان ـ ولكن لأفضالها عليك بالمأوي لا تجرؤ لإنتقادها وطلب العدالة ضد رؤسائك أو توجيه الاتهام لهم !!!..
سؤالي لك مرة أخري .. هل عرب دارفور متهمون بالإبادة الجماعية واغتصاب نساء الفور وغيرهن؟؟ !!! ..
بالنسبة لسؤالك عن البديل فالجواب بسيط.. : هناك اتفاقية معروفة من ضمن بنودها التحول الديمقراطي السلمي بالانتخابات التي يتهيأ لها الشعب السوداني ـ والتي يفترض أن تنتج حكومة منتخبة بأصوات الجماهير تحاسب من تريد وتترك من تريد !!! .. إجراءات أوكامبو حبكت خصيصآ لإجهاض أي تحول سلمي في السودان ولذلك أنا ضدها قلبآ وقالبآ ..
السؤال هو: لماذا تودون استباق أي تحول سلمي للسلطات ؟؟ السبب الواضح لي هو أنكم تعرفون وزنكم كيساريين وتعلمون بأن الديمقراطية ليست في صالحكم !!!! ..
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Munir)
|
منير حبابك يا صديق
| Quote: أنا علي كل حال سؤالي واضح .. هل تقر وتعترف بأن قبائل دارفور الزنجية تتعرض للإبادة بواسطة القبائل العربية كما يدعي أوكامبو؟؟ .. وأن القبائل العربية متهمة وعليها أن تثبت براءتها؟؟ .. السؤال ده واضح بالنسبة ليك؟؟!!! |
جرائم الإبادة العرقية و الجرائم ضد الإنسانية و جرائم الحرب.. يرتكبها افراد و ليست كيانات من شاكلة قبائل و غيره.. بهذا الفهم أنا اقر و اعترف بأن بعض قبائل دارفور (عرب أو افارقة) قد ارتكتبت في مواجهتم جرائم حرب و ابادة عرقية و جرائم ضد الإنسانية..و ان الأفراد(غض النظر عن قبائلهم) الذين تورطوا في ارتكاب تلك الجرائم يجب محاسبتهم سواء كان عمر البشير أو احمد هرون أو كوشيب..وضح ليك من هو ضحية و من هو متهم و تستحق مساءلته؟..نظرية القبائل التي ترتكب ابادة ولى زمنها مع اخونا محمد سليمان..ولا انت بقيت ماسك الراية بالوكالة عنه؟..
| Quote: بالنسبة لإعتراضي علي المحكمة فليس له علاقة بضنب أو رأس .. إعتراضي عليها لأنها إنتقائية وليست نزيهة، وذات اجندة ضدنا سواءآ كان رئيس البلاد البشير أو غيره .. وأنا أعجب لك كقانوني تتغاضي عن كل هذه المفارقات البائنة !!!! .. |
اول حاجة يا صديقي دعنا نتفق بأن نترك امر المهن و طرائق معاشنا بعيدا عن النقاش.. لأنها غير منتجة..و كونك تمارس تريقة عليّ كقانوني.. ده غير منتج في النقاش..و اربأ بك من هذا الإفلاس..
بالنسبة لإنتقائية المحكمة الجنائية الدولية..و دعنا أن نتحدث عن مفهوم الإنتقائية.. فهل تصدق يا منير أن جرائم القتل و الإبادة العرقية والجرائم ضد الإنسانية و جرائم الحرب..التي حدثت في جنوب السودان و جبال النوبة و دارفور تمت على أساس انتقائي مارسه عمر البشير ضد خصومه.. فأهل تلشي تم حرق مساجدهم و هم مسلمون..و المعيار وقتها لم يكن معيار مسلم أو مثقف ثقافة عربية..و انما المعيار كان انتقائي و استعلائي..
قلنا من بدري في هذا البوست.. أن المحكمة الجنائية كانت هي اخر الخيارات..و ان انتقائية عمر البشير في ظلم بعض شعوب اهل السودان تحتاج معالجة عاجلة جدا..و كنت اتوقع منك كمحاور راسخ أن تقر و تعترف صراحة هل وقعت انتهاكات ضد حقوق الإنسان في دارفور أم لأ؟.. فلماذا تطويل المشوار..
| Quote: أري أن عبارتك هذه هي طق حنك وليست لها مصداقية لأنه لو كنت تؤمن بها لطالبت بمحاكمة مجرمي الحرب الكبار وتشمل ايضآ حكومتك الكندية التي تشارك بجيوشها في تقتيل المدنيين في العراق وافغانستان ـ ولكن لأفضالها عليك بالمأوي لا تجرؤ لإنتقادها وطلب العدالة ضد رؤسائك أو توجيه الاتهام لهم !!!.. |
خلاص هسع ضعف الحجة و الإفلاس سواها حكومتي الكندية؟..صحيح انا موجود في كندا..لكن لسع ما وصلت مرحلة اشيل منها جواز سفر دبلوماسي زي بتاع اخونا قطبي المهدي و بقية الإخوان الرساليين.زو احوم بيهو دول العالم وكت الزنقة و الحصار.. ثم بعد ذلك اجي بكل قوة عين و اطالب بتجديدو؟.. شفت السكة دي محزنة كيف يا منير؟..ولا جواز اخونا قطبي المهدي حلال من باب مبدأ التقية؟..فلو بتعتبرني أنا مرتزق.. فقدوتي في الإرتزاق دكتور قطبي المهدي رضي الله عنه..و ما بتفرق.. لأنو كندا ياها كندا و ما تغيرت..!..يعني بحسب تقسيماتك الرساليين هم السابقين ..و البقية هم اللاحقين..شفتو فقه التقية ده سمح ككيف؟..ولا بتستخسر فينا انو نتعلم اصول الفقه من الإخوة الرساليين؟..
للمرة الثانية يا منير..و انا صادق في كلامي.. انت اكبر من موقع الناس البتجادل في ظروف المأوي..و طرق المعيشة..و بعتبروها ادوات هزيمة للخصم معنويا..و اكبر من خانة وصف الناس البتقول ليك متجولب و زنجي كاره لنفسو.. لأنو دي ابواب غير منتجة تب.. و الكلام لو غلبك الرد عليهو ممكن تنسحب و ما فيها حاجة..
| Quote: سؤالي لك مرة أخري .. هل عرب دارفور متهمون بالإبادة الجماعية واغتصاب نساء الفور وغيرهن؟؟ !!! .. |
و للمرة الثانية يا منير يا صديقي مفهوم (عرب دارفور) ده مفهوم غامض و مطاطي و القانون لا يعرف المفاهيم المطاطية.. القانون يعرف أن الجريمة يرتكبها افراد..و تجب مساءلتهم يطلعوا عرب من دارفور و لا من حوش بانقا.. هم برضك مجرمين و القانون يجب أن يطولهم..وقع ليك؟..
و عشان نمرق من الدواران ده..حتى الآن لم يثبت ان افراد من عرب دارفور شاركوا في ارتكاب الجرائم المذكورة في دارفور ما عدا كوشيب..و يجب أن يحاكم..و كل من تثبت التهمة في حقه يجب أن يحاكم عربي أو افريقي..
Quote: بالنسبة لسؤالك عن البديل فالجواب بسيط.. : هناك اتفاقية معروفة من ضمن بنودها التحول الديمقراطي السلمي بالانتخابات التي يتهيأ لها الشعب السوداني ـ والتي يفترض أن تنتج حكومة منتخبة بأصوات الجماهير تحاسب من تريد وتترك من تريد !!! .. إجراءات أوكامبو حبكت خصيصآ لإجهاض أي تحول سلمي في السودان ولذلك أنا ضدها قلبآ وقالبآ ..
السؤال هو: لماذا تودون استباق أي تحول سلمي للسلطات ؟؟ السبب الواضح لي هو أنكم تعرفون وزنكم كيساريين وتعلمون بأن الديمقراطية ليست في صالحكم !!!! .. |
اول بالتبادي يا منير .ز شغلانة هلال و مريخ..وقصة يساريين و يمينين دي الزمن اتجاوزها..و بقت ما بتأكل عيش.ز الكلام ده في زمن منبر 2004 ممكن تجيب حقها .. لكن اليوم تب ما بتغطي..
التحول الديموقراطي دي جديدة تب يا منير..ياخي البلد قبال عمر البشير كانت ديموقراطية..و الناس اختارت من يحكمها عن طريق صناديق الإقتراع.. يعني نحن كنا متطورين خالص قبال سنة 1989..تاني شنو الجاب العسكر في سكة الحكم؟..و بعد ما الزنقة تحصل يبقى الرهان على التحول الديموقراطي؟..عجبي..!!
المسالة يا منير أن قضية التسوية السياسية اصبحت منفصلة عن قضية العدالة.. يعني يحصل تحول ديموقراطي أو لم يحصل فليس هذا هو السؤال.ز لأن السؤال واضح.. هل يجب محاكمة المجرمين أم لأ؟..و كيف تكون المحاكمة؟..
و نشوفك تاني..
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Kabar)
|
| Quote: اول حاجة يا صديقي دعنا نتفق بأن نترك امر المهن و طرائق معاشنا بعيدا عن النقاش.. لأنها غير منتجة..و كونك تمارس تريقة عليّ كقانوني.. ده غير منتج في النقاش..و اربأ بك من هذا الإفلاس.. |
أولآ يا كبر لم اتوقع أن تعتبر استغرابي من تغاضيك عن مفاقات المحكمة الجنائية تريقة.. فإشارتي واضحة وهي أن أهم أسس العدل هي استواء الميزان .. فلو كان الميزان مائل قبل الوزن فذلك تطفيف وتخسير لا يعتد بنتيجته ..
وعبارة أن كل من أجرم تجب محاسبته هذه اعتقد أنها شئ بديهي لم أحس يومآ بأني احتاج لترديدها لتأكيدها ..
أما اعتقادك بأن التصنيف العنصري والجهوي قد تخطته الظروف ، فأقول لك للأسف إنك مخطئ .. بل لا أخالك تجهل أن كل دعاية حرب دارفور مبنية علي التصنيف العنصري ولا أظنني أحتاج لدليل فدونك ذيل أي خبر في الميديا الغربية عن مشكلة دارفور منذ بدايتها .. فلا يجب دفن الرؤوس في الرمال يا عزيزي !! .. وأظنك تشاهد وتري يوميآ أقوال الشهود الذين انتقتهم الميديا الغربية الذين لا يسمون فلان أوعلان كمجرم حرب ـ singled out ـ بل المعتدون دائمآ مليشيا عربية .. فإن كنت تأمل في تسمية بعض الافراد هنا وهناك كمجرمي حرب فأنت واهم لأن هذه مهمة شبه مستحيلة!!..
| Quote: فهل تصدق يا منير أن جرائم القتل و الإبادة العرقية والجرائم ضد الإنسانية و جرائم الحرب..التي حدثت في جنوب السودان و جبال النوبة و دارفور تمت على أساس انتقائي مارسه عمر البشير ضد خصومه.. |
لم افهم كيف تكون الحرب انتقائية بواسطة عمر البشير شخصيآ؟ فإذا كان خليل ابراهيم الذي يشكو الآن من الانتقائية كان من عتاة حرب الجنوب وجبال النوبة كيف اصبحت الانتقائية ـ أو قل التفرقة العنصرية بالواضح كدة ـ صفة للبشير فقط؟؟ وهل كانت الجهات التي تحارب الجيش في الجنوب والجبال انتقائية هي الأخري أم كانت تقتل من طرف؟؟ ..
| Quote: خلاص هسع ضعف الحجة و الإفلاس سواها حكومتي الكندية؟..صحيح انا موجود في كندا..لكن لسع ما وصلت مرحلة اشيل منها جواز سفر دبلوماسي زي بتاع اخونا قطبي المهدي و بقية الإخوان الرساليين.زو احوم بيهو دول العالم وكت الزنقة و الحصار.. ثم بعد ذلك اجي بكل قوة عين و اطالب بتجديدو؟.. شفت السكة دي محزنة كيف يا منير؟..ولا جواز اخونا قطبي المهدي حلال من باب مبدأ التقية؟..فلو بتعتبرني أنا مرتزق.. فقدوتي في الإرتزاق دكتور قطبي المهدي رضي الله عنه..و ما بتفرق.. لأنو كندا ياها كندا و ما تغيرت..!..يعني بحسب تقسيماتك الرساليين هم السابقين ..و البقية هم اللاحقين..شفتو فقه التقية ده سمح ككيف؟..ولا بتستخسر فينا انو نتعلم اصول الفقه من الإخوة الرساليين؟ |
ياخوي أساسآ البيجيب البلاوي للعباد هم اصحاب الجنسيات المزدوجة والمنتظرين لها عندما تكون طموحهم الحكم لأنهم في حكمهم دائمآ ما يحسبون في بالهم ملاذاتهم الآمنة ـ وكذلك هم في المعارضة من نفس الملاذات الآمنة .. لا فرق بين قطبي المهدي وغيره من المعارضين .. كلهم ينظرون أمانهم الشخصي بجنسياتهم المزدوجة ..دمروا بلدانهم في افغانستان والعراق والآن الدور علي السودان ..
| Quote: اول بالتبادي يا منير .ز شغلانة هلال و مريخ..وقصة يساريين و يمينين دي الزمن اتجاوزها..و بقت ما بتأكل عيش.ز الكلام ده في زمن منبر 2004 ممكن تجيب حقها .. لكن اليوم تب ما بتغطي.. |
ومرة أخري يا خوي كبر قصة يسار ويمين دي ليست قضية هامشية نتجاوزها أو تجاوزها الزمن كما تحب أن تقنع نفسك .. لا يا أخي ، بل هي الأس الفكري لمشكلة تداول السلطة من مستوي الطلاب وحتي القصر الجمهوري .. لا أدري لماذا تتعمد تجاهل عمق الأزمة السودانية ـ العنصرية والايدلوجية ـ فتجاهلك لهذا سيوصلك لطريق مسدود ..
| Quote: المسالة يا منير أن قضية التسوية السياسية اصبحت منفصلة عن قضية العدالة.. يعني يحصل تحول ديموقراطي أو لم يحصل فليس هذا هو السؤال.ز لأن السؤال واضح.. هل يجب محاكمة المجرمين أم لأ؟..و كيف تكون المحاكمة؟.. |
مرة أخري أقول لك أن العدالة مطلب بديهي لم أظن أني أحتاج تكراره لتأكيده ـ القضية هي : كيف يمكن الوصول للعدالة بأقصر الطرق وأسلم الطرق وبدون تسليم مصيرنا لقوي ظالمة هي أبعد ما تكون عن العدالة ؟؟!!!..
ذكرت لك التحول الديمقراطي الذي ينتظره الشعب السوداني .. ولا أراك مقتنعآ ومتحمسآ لأي تحول ديمقراطي اقتنع به قرنق قبلك وبنيت عليه آمال الشعب في الشمال والجنوب ، بل تريد أنت وانصارك هد المعبد فوق رؤوس الناس وجرنا مرة أخري للمربع الأول !!!! ..
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: محمد على طه الملك)
|
عزيزى كبر
كتبت:
| Quote: المسالة يا منير أن قضية التسوية السياسية اصبحت منفصلة عن قضية العدالة.. يعني يحصل تحول ديموقراطي أو لم يحصل فليس هذا هو السؤال.ز لأن السؤال واضح.. هل يجب محاكمة المجرمين أم لأ؟..و كيف تكون المحاكمة؟ |
..
وليه ياكبر ياصديق نفصل بين الاثنين? لماذا لايكون سقفنا في الطموح, والعمل السياسي والقانونى مثل القوي الديمقراطيه في الارجنتين وشيلى والتي جمعت بين الهدفين في ظل ظروف سياسيه معقده ونجحت فى تحقيق ذلك. وكان موقفها الراسخ
NO Impunity for Crimes Against human rights
لايجب ان يكون سقف دعاة التحول الديمقراطى في السودان منحصرا في محاكمة البشير, هرون, كوشيب, خليل, هلال بل يجب ان يذهب ابعد من ذلك لبناء الدوله
الديمقراطيه في السودان جنوبه وشماله. محاكمة مجرمى الحرب خطوه اولي لتأسيس مجتمع العداله والديمقراطيه ياكبر وليست نهاية المطاف.
مع ودي
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Elmoiz Abunura)
|
الأخ محمد حيدر المشرف
تحيه طيبه
Quote: تكتلات المعارضه التقليديه ماضيه فى اتجاهات عقلانيه وعمليه فى حدود المتاح لها
من فاعليه .. واعنى الاحزاب كالامه والاتحادى والشيوعى |
المعارضه التقليديه هذه هي ذاتها التي زجت بالبسطاء من عضويتها لمحاربه النظام في شرق السودان ، وهي قد إقتنعت حينه بأنه لا مجال الا ما قامت به . حينما كان النظام قويا متماسكا .
فكيف تفسر تقهقرها ومهادنتها للظلم وجلوسها ودفاعها عنه وهو في قمه ضعفه ?
في إعتقادي أن أحد أكبر مشكلات السودان بعد النظام الحالي هي الطائفيه وإنتهازيتها ، فلم كتفى بتسخير السودانيين لخدمتها إستنادا على إرث مزيف بل باعت معاناتهم وقبضت الثمن .
Quote: الوضع الغير مفهوم على الاطلاق هو وضع الحركه الشعبيه وقد تبدى شيئا من الاجندات المدسدسه
مما سينزع فتيل الصراع داخل الحركه وهو امر مفهوم لتباين المصالح البين ما بين تيارات الحركه
واوضح مثال التناقض الحاد ما بين رؤي باقن اموم وتصريحاته وبين تصريحات تابيتا بطرس وغيرها ..
ناهيك عن غازى سليمان |
الحركه الشعبيه أعلنت رأيها في موضوع المحكمه بصوره ليس فيه أي لبس .
صحيح أنا لم تعلن صراحه بضروره تسليم البشير لأسباب معروفه ، إلا انها أعلنت ضروره التعامل مع المحكمه الدوليه .
وهو تعامل سيفضي في النهايه لمحاكمه كل من يثبت تورطه في الحرب القذره في دارفور سواء تمت المحاكمه داخل أو خارج السودان.
Quote: المعارضه المسلحه فى دارفور لا يمكن بأى حال من الاحوال وصفها بالكسل .. غير انها فاقده كمجموعه
الاتجاه لان ما يفرق بينها اكثر بكثير مما يجمعها وده نتيجه بديهيه للمنطلقات والاسس التى نشأت بموجبها
هذه الحركات .. بجانب حدودها القبليه والتى سيجت بها نفسها ولن تتخطاها ابدا |
أتفق معك بأن المجموعات المسلحه في دارفور لا يمكن وصفها بالكسل فقد إستطاعت أن تقلق منام السلطه ، إلا انني اختلف معك كليا في باقي ما تفضلت به .
لا يمكن إختزال الأسباب الحقيقيه لمشكله دارفور في صراع قبلي كما لا يمكن أن نصف المجموعات المسلحه بالقبليه وإن بدت كذلك .
بل علينا أن نعترف أن الإنشقاقات ذات الطابع القبلي في تلك المجموعات كانت تلعب فيه الحكومه الحاليه الدور الأكبر في إطار سياسه حكوميه شامله لم تستثني حتى الأحزاب الكبيره.
بذلك فإن حل مشكله دارفور لن يتم إلا في إطار حل شامل لقضايا السودان المتمثله في مشكله الهويه ونظام الحكم والتنميه.
Quote: مازلنا نراهن وتماما وكما الاحزاب التقليديه على اتمام عمليات التحول الديمقراطى .. وقطعا سيعوق
صدور القرار ان لم ينسف كل ايجابيات المرحله .. |
أخشى أن تكون قد إخترت الخيار أو الرهان الخاسر ، فالتحول الديمقراطي الذى تعول عليه يستوجب أشياء محدده تقف الحكومه الحاليه ورئيسها البشير حائل دون تحققها .
فلا يمكن أن يحدث تحول ديمقراطي في ظل نظام بوليسي ، في ظل قوانين مخالفه للدستور ذاته ، في ظل دماء حاره تنتظر من يقتص لها .
هذا بالإضافه لما ذكرته آنفا بأن أكبر مشكلات السودان بعد الحكومه الحاليه هي أحزاب الطائفيه التي تدثر الرئيس المطلوب للعداله , التحول الديمقراطي الحقيقي يقتضي أولا ذهاب هذا النظام ومحاسبته وإلا سنكون كمن يدور في حلقه لا نهايه لها..
ودمت
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: محمد حيدر المشرف)
|
آفة الرأي هي الفرضيات الخطأ، بعض من قالوا نعم للجنائية يفترضون أن المعترضين عليها لا يقرون بحدوث جرائم انسانية في دارفور و النوبة و الشرق و الجنوب! دي مصيبة شنو يا اخوانا؟! الخلاف واضح جدا هو : حول وسيلة المحاسبة..فما في داعي يا أخوانا ترجعونا لمربعات تجاوزناها زمااان!. الموافقون على الجنائية يراهنون على ذكاء و وطنية الحكومة في أن تتنازل و تفدي الشعب السوداني و تجنبه ويلات التدخل العسكري!!
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: عزام حسن فرح)
|
| Quote: آفة الرأي هي الفرضيات الخطأ، بعض من قالوا نعم للجنائية يفترضون أن المعترضين عليها لا يقرون بحدوث جرائم انسانية في دارفور و النوبة و الشرق و الجنوب! دي مصيبة شنو يا اخوانا؟! الخلاف واضح جدا هو : حول وسيلة المحاسبة..فما في داعي يا أخوانا ترجعونا لمربعات تجاوزناها زمااان!. الموافقون على الجنائية يراهنون على ذكاء و وطنية الحكومة في أن تتنازل و تفدي الشعب السوداني و تجنبه ويلات التدخل العسكري!! |
ولد ابا سعد الدين ..حبابك
بالنسبة للفرضيات الخطأ.. نحن يا صديقي نقرأ خطاب و سياق عام تشكل منذ يوليو 2008..يا اما نقبل بوسائل القراءاة العادية و نساءل الناس وفق منطق خطابها..و يا اما نبتدع طريقة جديدة للتحليل و التفسير..
نظرية الإختلاف حول وسيلة المحاسبة فهي جديدة تب..و نعتبرها تقدم ملحوظ..و ان كان متأخر جدا..
الخطاب الرافض لعدالة المحكمة الجنائية الدولية يا صديقي.. لم يتحدث قط عن وسيلة اخرى لمعالجة الظلم الحاصل..و انما انحصر جهده في الدفاع عن سلامة البشير فقط..و اداء المنبر منذ يوليو 2008 يشهد بذلك.. فلم يتحدث أي من الرافضين و الرافضات للمحكمة الجنائية.. عن ضرورة وضع تصور بديل للمحكمة الجنائية و ألية للمحاسبة..و انما اخذوا يرددون اكليشهات من شاكلة لن نسمح بمحاكمة الرمز الوطني..و السيادة..و غيرها من العبارات المستهلكة..و هنا يا صديقي نحن ادينا ربنا العجب..و اخذنا نسأل الناس.. عن حدوث الإنتهاكات ام لأ..و هو باب لتذكير الناس بالجانب الآخر من الصورة.. يعني مثلما هم حريصون على سلامة البشير..و عدم محاسبته امام المحكمة الجنائية الدولية..كان الأجدر بهم أن يكونوا اكثر امانة و يوضحوا الموقف دون مواربة.. نعم نرفض محاكمة البشيير.. دوليا و لكن نؤكد على ضرورة محاسبة من ارتكب الإنتهاكات سواء كان البشير أم غيره..
حتى رفض محاكمة افراد الحركات المسلحة في دارفور.. لم يجئ بنية صادقة..و انما جاء من باب شيلني و اشيلك..
في نهاية الأمر العدالة يجب أن تسود.. سواء في حق البشير أم في حق أي فرد اخر تورط في ارتكاب الجرائم بما في ذلك افراد الحركات المسلحة في دارفور..
نحن ذقنا مآسي الحرب في جبال النوبة..و ذكرنا المستمر ليها.. تذكير الناس بالصورة.. فاذا لم تحدث مذابح في الجنوب و جبال النوبة..و اذا لم يحدث تسويف العدالة بخصوص الجرائم هناك.. قولوا لينا انتو كضابين يا شباب..و التأريخ بيننا,..
ونحن نرى أن سكوت ع اهل السودان على المذابح السابقة.ز هو السبب الريئسي و المغري و المحفز لأرتكاب مذابح جديدة..
و ما يهمنا يا صديقي أن ما حدث يجب الأ يتكرر في حق أي مواطن سوداني سواء كان في الشمال أو الوسط او الغرب أو الشرق أو الجنوب..
و نشوفك..
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Kabar)
|
Quote: أعلم أنك تعلم البديل وهم أيضا يعلمون ولكن ثق لن يجيبك احد ..
فمن من أركان النظام لا يعلم أن مواد الدستور الذي يحتكمون اليه ينظم محاسبة الرئيس ..
ومن منهم لا يعلم أن المحكمة الدستورية الكائنة التي أنشؤوها هم ..
هي المختصه بالنظر في أي إتهام يوجه للرئيس ..
ومن منهم لم يسمع مرارا أن المحاكمة الداخلية بمثابة ( استوبل ) لتدخل الجنائية الدولية ..
هم يعلمون ولكن غير قادرين .. |
صديقي و استاذي محمد على طه الملك..حبابك..
فكرة القدرة هي الأهم.. فان لم يكونوا قادرين على تفعيل القوانين التي يدافعون عنها.. اذن فليترك المجال لألية اخرى.. تعرف كيف تحترم نفسها و تطبق قواعدها..
و انا اعجب للموقف العام..الناس تحت بالدستور في موقع..و حينما يجئ الكلام عن امر المحاسبة الناس تقول ليك احسن نتكلم عن اثر دول الأستكبار و الأستهداف و غيره من الأمور..و هم اشبه بالفتاة التي سألت حبيبها: اجمل توبي ولا اسرع القطر..
عانى اهل السودان الظلم لدهور طويلة..و فشلت النخبة في ابتداع مؤسسات فعالة.. اذن لا داعي للتباكي البتة..
شكرا ليك..و نشوفك..
كبر
| |
|
|
|
|
|
|
|
|
|
Re: للتعليق على استفتاء الأخ عزام بخصوص قرار الجنائية.. (Re: Kabar)
|
Quote: وليه ياكبر ياصديق نفصل بين الاثنين? لماذا لايكون سقفنا في الطموح, والعمل السياسي والقانونى مثل القوي الديمقراطيه في الارجنتين وشيلى والتي جمعت بين الهدفين في ظل ظروف سياسيه معقده ونجحت فى تحقيق ذلك. وكان موقفها الراسخ
NO Impunity for Crimes Against human rights
لايجب ان يكون سقف دعاة التحول الديمقراطى في السودان منحصرا في محاكمة البشير, هرون, كوشيب, خليل, هلال بل يجب ان يذهب ابعد من ذلك لبناء الدوله
الديمقراطيه في السودان جنوبه وشماله. محاكمة مجرمى الحرب خطوه اولي لتأسيس مجتمع العداله والديمقراطيه ياكبر وليست نهاية المطاف.
مع ودي |
صديقي المعز ابونورة.. حبابك
كتر خيرك على الملاحظة..و لكن..!
ياصديقي سيرة امريكية اللاتينية و التغيير الجاد فيها بتجيب للواحد ضغط دم..فحينما كانوا هم يعانون الإختفاءات و افظع انتهاكات حقوق الأنسان.. كنا نحن نذهب لصناديق الأختراع و نباشر العملية الديموقراطية..و كانت المرأة عندنا قد صارت عضو في البرلمان ووصلت لدرجة قاضي محكمة استئناف .. فلماذا ارتدينا نحن ردة غير مبررة..و تقدموا هم؟..
اذكر مقولة للدكتور منصور خالد في كتابه (النخبة السودانية و ادمان الفشل)..و هو يحلل مطالب ثورة اكتوبر و التي كان من بينها مطلب عجيب و غريب و هو استقلال جامعة الخرطوم..!!
التطور الطبيعي لمؤسساتنا السياسية و النخب التى تديرها لم تترك لنا فرصة اعطائهم احتمال الأستفادة من الشك المعقول..فلم تنجز مثل تلك المؤسسات أي خطوة جادة في بناء المؤسسية..و بناء أليات المحاسبة..و لأن الفرضية القديمة في الذهنية السودانية.. أن الإصلاح السياسي هو مفتاح الحلول لجميع مشاكل السودان بما فيها مؤسسة القانون.. فللأسف لم يتحقق تقدم ملحوظ.. فماذا نتوقع في المستقبل؟.. هل بين ليلة و ضحاها يحدث الإصلاح السياسي و من ثم الإصلاح القانوني؟..و ماذا نفعل بالجرائم الحالية..؟.. هل ننتظر حتى يعم الإصلاح ثم نعود لنحاكم الناس و نحاسبهم بأثر رجعي؟..
التسوية السياسية طريق مقبول لحل مشاكل السودان السياسية و قد يحدث نتائج في المستقبل..و العدالة مسألة مرتبطة باحداث بعينها و يجب أن تحسمها..و هي آنية لا تحتمل التأجيل..
محاكمة البشير و غيره ليست غاية لذاتها..و انما وسيلة تصب في خدمة التحول الديموقراطي.. و لا ادري لماذا يتم تجاهلها بهذا الفهم..؟
كتر خيرك..
و نشوفك تاني..
كبر
| |
|
|
|
|
|
|
| |
saadeldin abdelrahman
محمد حيدر المشرف
عزام حسن فرح
وليد محمد المبارك
عبود عبد الرحيم
ASHRAF MUSTAFA
Munir
محمد على طه الملك
حمور زيادة
Kabar
ALazhary2
omer osman
Yassir Tayfour
Gaafar Ismail
الفاتح شلبي
ست البنات
AnwarKing
Elmoiz Abunura
مجدى محمد مصطفى
هاشم الحسن
عبد العظيم احمد
فيس بوك
تويتر
انستقرام
يوتيوب
بنتيريست