|
بعد عواسة امبارح ... دعوة لمقاطعة كافة مباريات الهلال والمريخ في الدوري الممتاز
|
ما شاهدناه بالامس من فريقي الهلال والمريخ ليس له أي علاقة بكرة القدم
لا تخطيط
لا استرتيجيات
لا لعيبة
لا محترفين
ده وجع راس ساكت
ودافوري محلي
لا يرتقي لمباريات (الدرقات) التي كنا نجريها بين بعضنا صباح الجمعة في الصغر
وبالتأكيد ان الهلال والمريخ هما اصخاب أكبر دخل من مبارياتهما
وهما من يشتري اللاعبين من الاقاليم والاندية والدول الاخرى
وبرغم ذلك لم تتقدم الكورة في الفريقين
ولا في الاقاليم
لذا تعالوا نجفف منابع المال
تعالوا نقاطع مباريات الهلال والمريخ الدورية
عشان الهلال والمريخ ما يلقوا قروش كتيرة
يمغصونا بيها
وعشان لاعبي الاندية الاخرى والاقاليم يظلوا في انديتهم
ويعملوا على رفعة شأن هذه المناطق كرويا
كفاية عذاب
كفاية استهتار
كفاية بيع الهوا
كفاية بيع الكضب
كفاية بيع جرايد الكورة
وين الكورة يا ناس
كل أجهزة الإعلام في العالم (في الرياضة)
تتصدر مواضيعها صور اللاعبين ومقابلات اللاعبين
إلا نحن
نحن البلد الوحيد الفي العالم
في الجرايد
في التلفزيون
في الاذاعة
نجومنا هم ادارات الاندية
صورهم في كل جريدة
وفي كل تلفزيون
وفي كل برنامج رياضي
النجم عندنا ليس اللاعب
النجم عندنا الاداري
صرح
وقال
وتحدى
وفند
واكد
وصورة كبيرة
ونحن مصدقين
نشتري الوهم
ونقرا ونصدق
ونشاهد وندفع القروش
يا ناس كفاية
قاطعوا كور الهلال والمريخ
وخلو ناس شداد ومن معهم يلفوا صينية
يا يصلحوا حال الكورة في البلد يا يستقيلوا ويتركو الفرصة لي ناس يقدموا البلد كرويا
وزي ما هم بيعاقبوا فينا بهذا العك والدافوري
نطالب كل الجمهمور الرياضي بمقاطعة مباريات الدوري عشان ما يلقوا طريقة للصرف
ويقفلوا لينا اتحادهم ده بانديته
ونرتاح من المغص ووجع الراس
|
|
|
|
|
|