|
|
 دعواتكم لسحر الخماسي
|
ناس المزيكا والسميعه دعواتكم اليوم حأقدم مقطوعةعلى العود بعنوان سحر الخماسي أمام لجنة مهرجان In The Soil والذي يتبناه جامعة Brock باقليم Niagara والذي سيقام في أبريل القادم وربنا يوفق ويقبلونا
|
|
 
|
|
|
|
|
|
|
|
Re: دعواتكم لسحر الخماسي (Re: الفاتح يسن)
|
Quote:
الحمدلله بتوفيق منه ودعوات خطاب وهند نلت اعجاب اللجنه وعلى طول للنهائي الوصلة كانت عشرة دقائق فقط واللجنة عددهم عشرة بالاضافة الى مدير المسرح وفني الصوت وجدت عدد كبير من الفرق وخلال ربع ساعة من دوري دربت افغاني يلعب طبلة هندية مع فرقة اخرى وهو زميل ابني في المدرسة على ايقاع المردوم وايقاع نوبي فأجاد وقدمنا سحر الخماسي بمزاج ووقفت اللجنة وصفقت وسألوني عدة اسئلة وهنؤوني بالخماسي فعلا عالم تقدر الفن
|
الف مبروك يا توحه
وعقبال التفوق فى المهرجان يا صديقى وتنصيبك سفير جديد
للموسيقى السودانيه وللخماسى العجيب
ويا ريت تدينا فكره عن المقطوعات ..
مردوم ونوبى ..
سعيد بهذه الخطوه يا فاتح
اشوفك
.
.
| |
|
|
|
|
|
|
|
|
|
Re: دعواتكم لسحر الخماسي (Re: khatab)
|
0
0
مبروك مقدما وعجبنا ليك وشد حيلك وانكرب
وان شاء الله بالتوفيق يا راجل يافنان
والله معاك وانحنا كمان
زى ماقال ليك عمو خطاب أدينا نموذج من الخلطه دى
الصوره ما تقول لى ......
| |
|
|
|
|
|
|
|
|
|
Re: دعواتكم لسحر الخماسي (Re: maia)
|
شنو الغتاتة يا توحة ؟ بتكلم معاك قبل يوم ما جبت سيرة ، لكن مجهود مقدر ، لانو
لازم يعرفوا إنو في شيء اسمه خماسي وبيشتركوا معانا في السلم ده دول كتيرة ،اليابان والهند والصين مثالا
وآآآآآفيلقو
| |
|
|
|
|
|
|
|
|
|
Re: دعواتكم لسحر الخماسي (Re: maia)
|
شكرا اختنا مايه والحكاية دايره مجهود وربنا يسهل التحيه والاحترام
ترهاقا شكرا ليك ياصديقي انشلغت بالنكات معاك ونسيت أكلمك راجع ميلك ورسل الموضوع حسب الوعد بلاش كسل
استاذنا فيصل خليل لك الشكر والفنون هي لغة التخاطب الفعالة معهم وربنا يقدرنا
| |
|
|
|
|
|
|
|
|
|
Re: دعواتكم لسحر الخماسي (Re: مدثر محمد ادم)
|
يا توحة صورتك دى رجعتنى عشرين سنه
اول حاجة مبروك والف مبروك
تستاهل كل الخير يا فنان
ياخ بالصورة دى اتذكرت ايمان عبد الغفور
وشادية الجنيدابى "بنات التشيللو "
اوركسترا المعهد
والبروفات يوم الخميس
ونحنا نجى نتطمش ونتفرج فى الناس الفنانين ديل
رغم الحر وضيق الصالة
لكن كانت ساحرانا الموسيقى
وعمك الكورى داك طالع فى "مكعبات خشب كدا " ويشيل ويدور فى ايدينو
ونحنا مافاهمين شنو يا ؟
لكن بنحب الفكرة
وتجى الاغانى من زمن حيدر حدربى الله يرحمه
الى عبد اللطيف عبد الغنى
ومصطفى الله يرحمه
دا شنو دا ؟ قصة المراحيم دى ؟لاحول لله ولاقوة الا بالله
وايام التمارين فى الصالة ومعتصم وكيكا
كنت بحب جدا طريقة عزفه على الكمان ، بقعد فى الصالة وبديهو ضهرى لانه خجول
خجول جدا ، لكن ساحر ، لو كان فى بلد تانى كان فى كلام كبير
رد الله غربته
وتمارين التشيللو والكونترباص كانت تستهوينى معاك وعثمان النو واحمد حمو
والعجب البيانو لمن تجى تلاقى درديرى احمد الشيخ وصلاح ابا يزيد وعادل الصديق
انى امنت بالله
عارف ياتوحة كنت بقعد فى المعهد اكتر مما بقعد فى بيتنا
وفى قسم الموسيقى اكتر من الدراما
عشان كدا عندى ذاكرة مع الموسيقيين ما ليها حد
كتر خيرك خليتنى اتذكر
وبالمناسبة
اكمل المعهد اربعين سنه السنة دى فى هذا الشهر
كل عام وانت بخير وكل خريجى وطلاب واساتذة المعهد بخير
الاحياء منهم والاموات
| |
|
|
|
|
|
|
|
|
|
Re: دعواتكم لسحر الخماسي (Re: Muna Khugali)
|
سلمى نعلك طبتي والذكريات صادقة وجميله نسيتي الأستاذ ادم غبوش وكمال طه والفاتح القاش وطرمبة محمدأحمد وتمارين عثمان عبدالله على الفلوت أما الراحل ابايزيد عندي ليهو لحن جميل في الذاكرة شغال فيهو بكلام من صديقنا طارق ميرغني ومطلعها الخدار الاسمو منك شايلو غصبا عنو عنك
قلنا بعد الكبر نحاول نقول حاجه
شكرا عزيزتنا منى والله يقرب لاهاي تسلمي
| |
|
|
|
|
|
|
|
|
|
Re: دعواتكم لسحر الخماسي (Re: الفاتح يسن)
|
Quote: سلمى نعلك طبتي والذكريات صادقة وجميله نسيتي الأستاذ ادم غبوش وكمال طه والفاتح القاش وطرمبة محمدأحمد وتمارين عثمان عبدالله على الفلوت أما الراحل ابايزيد عندي ليهو لحن جميل في الذاكرة شغال فيهو بكلام من صديقنا طارق ميرغني ومطلعها الخدار الاسمو منك شايلو غصبا عنو عنك
قلنا بعد الكبر نحاول نقول حاجه |
يا حليلك يا الفاتح زمون يا ود امي
يا ناس الزمن الجميل المفعم بالمحبة والمودة
رجعتنا لزمن شاهق في حياة كل من مر بالمعهد في بداية سنوات الثمانين
كدت اسمع بيانوهاتكم ( جارا لينا بتعلم على البيانو كل ما اسمعو يتمرن اشم ريحة شارع 59 و و57)
طرمياتكم وفولتاتكم وترياتكم وساسكفون استيفن
الذي قال احد الظرفاء انه بذكرو بيوم القيامة.
والله بالجد فرحانة ليك ربنا يوفقك..
يا الفاتح اللطيف..
| |
|
|
|
|
|
|
|
|
|
Re: دعواتكم لسحر الخماسي (Re: د.نجاة محمود)
|
يا سالومي شوفي الزول دا وجيه كيف؟
ما شاء الله تبارك الله عيني باردة
حننصبك اوجه دفعات الثمانين...بلا منازع
في قسم المزيكا وقسم الدارما
بس تورينا خارطة الطريق لتعليب اشكالنا
تاين عيني باردة
| |
|
|
|
|
|
|
|
|
|
Re: دعواتكم لسحر الخماسي (Re: د.نجاة محمود)
|
دكتورة نجاة كيفك والعيال في زحمة القوت قربنا نزوغ المزيكا علا ابني معاويه اصر والح وجاب فورمات التقديم ووقف علي راسي قمت قدمت اتصلو وحددوا الزمان والمكان ومدة الوصلة علي حسب لغة الكنجالات القديمة حسع بقت ضحاكات برضو ماطلعت من التفعيلة ربنا وفق وقلنا ننفض غبار الدولارات ونعود الى قواعدنا سالمين شكرا وتحياتي
| |
|
|
|
|
|
|
|
|
|
Re: دعواتكم لسحر الخماسي (Re: الفاتح يسن)
|
| Quote: وتمارين عثمان عبدالله على الفلوت |
يافاتح مشيت السودان فتشت عليهو ما عرفت ليهو درب
بالجد حزنت لانه كان صحبى شديد
وكانت عنده تمارين عجيبة مع اميقو عليه الرحمة
هو بالفلوت واميقو بالكلارنيت
ومدثر بابكر
وعيسى محمد احمد وعباس عمر بالاوكورديون
وعبد العزيز عصفور يجى يخستك لينا بالنكات والضحك المن القلب
وكيكة بالكمنجة
كان زول ساحر شديد
بتعامل مع الكمنجة زى الحاجة المقدسة
وتمارين سمية حسن فى الصوت
زمن جميل
مرة تانية بالتوفيق يا حبيبنا
وتحياتى لصباح والعيال
| |
|
|
|
|
|
|
|
|
|
Re: دعواتكم لسحر الخماسي (Re: سلمى الشيخ سلامة)
|
عثمان
يتخيل سمعتا انه كان يحضر في دكتوراه
بكري خاطر بتاع الفلوت حببني جدا في الفلوت
كنت احضر تمارينه عرفت انه جارنا بجاي في اندونوسيا
من يوم نميري ادانا قصر الشباب المعهد تاني ما قامت ليه قائمة..
ونسيت اقوليك يا الفتح تحياتي لصباح من عطبرة الثانوية ما شوفتها..
مودتي لكم جميعا..
| |
|
|
|
|
|
|
|
|
|
Re: دعواتكم لسحر الخماسي (Re: الفاتح يسن)
|
نجاة وسلمى وذكريات الزمن الجميل اما تنصيبي في حتة الواجهة فانا اتنازل لاوجه زول بدرالدين شنا احبه في الله لصفائه وفي الابداع وصباح بتسلم عليكن وبالمناسبة الاخت نجاة عندي فكرة لجولة لدول الخماسي بس انجض الشغل بهديكم أغنية كل البنات بتهبك كل البنات هلوين
| |
|
|
|
|
|
|
|
|
|
Re: دعواتكم لسحر الخماسي (Re: الفاتح يسن)
|
الفاتح الجميل
الدعوات الصادقة
والأماني الندية
والنجاح المتواصل
بعد تصل من العرض الأولي نزل لينا
المقطوعة
وخلينا نفرح ونرقص
سويا
مودتي ومحبتي الأكيدة
| |
|
|
|
|
|
|
|
|
|
Re: دعواتكم لسحر الخماسي (Re: النصرى أمين)
|
النصري كيفك يبدو انك غيرت الوظيفه استديو النصري كالقري داون تاون ماعندكم زيارة للشلال وتصاريح المرور بنطلعا من الجالية نقل كفالات وكلام من هذا القبيل تشكرات كثيرات
| |
|
|
|
|
|
|
|
|
 Re: دعواتكم لسحر الخماسي (Re: الفاتح يسن)
|
الحبيب
تحية خاصة لأهل الفن
تحية لك وهذا طريق ، نأمل أن توسع خطوك ، وتضيف من رحيق النفس والعاطفة ،
وأن تغرف من المعارف الإنسانية ما استطعت ، وأن تقفل الثقرات وتغني الخماسي
بالثراء ...
التهنئة لك
| |
|
|
|
|
|
|
|
|
|
Re: دعواتكم لسحر الخماسي (Re: عبدالله الشقليني)
|
الصديق الجميل
الفاتح وديسن
والله ليك وحشة ولتلك الامسيات الجميلة
وانغامك الرائعات..والتعليق عاليا
فى سماوات الجمال
ومزيد من النجاحات يازول ياراقى.
وماتنسانا..من رحيق الانغام.
مودتى
| |
|
|
|
|
|
|
| |
الفاتح يسن
khatab
هند محمد
ترهاقا
فيصل محمد خليل
سلمى الشيخ سلامة
Muna Khugali
محمد سنى دفع الله
محمد يسن علي بدر
Azhari Nurelhuda
عبدالله الشقليني
عبد المنعم سيد احمد
نادر السوداني
فيس بوك
تويتر
انستقرام
يوتيوب
بنتيريست