|
|
 أرواح شيطانية تُروّع مواطني الجريف ..(توجد صورة)
|
أرواح شيطانية تروّع مواطني الجريف
كتب:محمد إبراهيم الحاج
هاجمت قوى خفية أرجع شيوخ ومواطنون أنها «جان»، واستعان المواطنون بقوات الشرطة وجاءت لحمايتهم،
وانهالت عليهم القوى الخفية بوابل من الحجارة والجرادل والأواني المنزيلة بمنطقة الجريف غرب بالخرطوم.
ودب ذعر هائل وانتاب مواطني المنطقة بعد أن راجت الأخبار بهجوم الجان على عدد من البيوت، وحمل بعضهم
أمتعته وفارق بيته الى آخر. فيما استعصم آخرون بمنازلهم لحماية ممتلكاتهم وأسرهم من هجوم الجان المتوقع.
وقال عادل الجبرا عمر الذي تعرض منزله للاعتداء من قبل القوى المجهولة أن منزله ومنازل أخرى ظلت عرضة لهجوم
متواصل بدأ منذ الجمعة الفائتة، وتواصل في تصاعد مستمر حتى ليلة الاثنين الماضي. وأضاف أن الصحون والطوب
والجرادل طائرة كانت تقع داخل منزله ومنازل جيرانه دون ان يعلموا مصدرها، وزاد ان حدائقه الخارجية لمنزله
تعرضت هي الاخرى لحريق مجهول، مؤكداً أنه لايفارق منزله الآن خوفاً على أسرته وممتلكاته من هجوم آخر قد تشنه تلك
القوى المجهولة.
وفي الاثناء انتابت المنطقة حالات من الذعر غشت المواطنين ما دعاهم الى استدعاء الشرطة للتدخل لمعرفة أسباب الهجوم،
إلا ان قوات الشرطة وعدد من المواطنين المتجمهرين في المكان تعرضوا للهجوم من مناطق متفرقة ما حدا بالشرطة الى طلب
تعزيزات أمنية.
وقال الجبرا أن عدداً من جيرانهم هجروا منازلهم بعد أن تعرضوا للهجوم من تلك القوى المجهولة.
|
|
 
|
|
|
|
|
|
|
|
Re: أرواح شيطانية تُروّع مواطني الجريف ..(توجد صورة) (Re: نورالدين صلاح الدين)
|
مرتضى
يكون متحزم
دى ظواهر فعلا بتحصل كتير في شكل دراب او نيران في البيوت مشكلتكم انتو ناس البندر اثناء الدراب شغال قي روسيكم او النيران في مراتبكم بتكونوا شغالين تحليل علمي في الظاهرة فيكم من يقول اطباق انشطارية جاية من النيزك الفلاني او تفاعلات كيمائية وكدا . وصيتي ليكم الاتي:
اولا : شوفوا اتنين من وجهائكم مع سواق ماهر وسيارة بوكس دبل قبين
ثانيا: اتجهوا الدندر اربعة ساعات تحصلوا عمارة الشيخ التهامي
ثالثا: لما تصلوا العمارة تقيفوا في الصف بتاع الزوار والمحبين
رابعا: لما ينده عليكم الحوار تبركوا بركبيكم في الارض وتزحفوا اتجاه الشيخ
خامسا: مراعاة قلع العمة والطاقية من الراس لزوم الادب الروحي والواحد يكون متحزم يعني رابط صليبو وحابي
خامسا: عندما تصل الشيخ تجلس بكل ادب قدامو وتتركوا المناشدة لكبيركم - يعني تتركوا الحديث لكبير السن فيكم
سادسا: الشيخ حيفاجئكم بعلمه بموضوع زيارتكم وربما اسمائكم
سابعا: اوع واحد يتشالق يقول للشيخ انت الكلمك منو .
ثامنا : تختوا البياض تحت التبروقة وتحكوا الحاصل
اها بعد ده كلو الشيخ بيكلم واحد من اتباعه لعمل وصفة ضد الدراب البتلهمكم ده والله الوصفة دى زي الباتريوت
نواصل
| |
|
|
|
|
|
|
|
|
|
Re: أرواح شيطانية تُروّع مواطني الجريف ..(توجد صورة) (Re: الطيب شيقوق)
|
| Quote: ثامنا : تختوا البياض تحت التبروقة وتحكوا الحاصل |
شيقوق،
كلامك دا فيهو مخالفة واضحة وصريحة للمادة (9) من قوانين ولوائح المنبر
الما عارف بكري يرسيها على بر.
كيكي: البيت اللي قلت عليهو ظللنا نسمع عنه منذ طفولتنا ولكن لم يثبت
أنه مسكون haunted وفي الشهر الماضي كان مزينا بكامله بأنوار بيضاء
كما لو أن فيه مناسبة سعيدة !!! سعيده جدا.
أخونا بشير: رغم أن الواقع مدهش أكثر مما رويت وأنه ورد بالقرآن أن هناك شياطين من الإنس
وشياطين من الجن لكن الجماعه ديل دِسّوا منهم الجرادل ولملموا الطشاطه وغسِّلوا في اللوندري.
| |
|
|
|
|
|
|
|
|
|
Re: أرواح شيطانية تُروّع مواطني الجريف ..(توجد صورة) (Re: ماجدة عوض خوجلى)
|
دا كلو كلام فاضي وكضب ودجل ساي من ناس الجريدة
واعتقد إنو الموضوع ما السماسرة دايرين يرخصوا سعر الواطة
بقدر إنو ناس الجريدة دايرين يزيدوا في توزبعها
أنا من سكان الجريف
وعندي أهل كتار جداً في الحارة الرابعة
وبكتب حسي من محل نت في زلط الجريف
وأكتر من كدا أهلي عندهم جناين وكماين بتاعة طوب
.. وحسي ود خالتي جاي من البحر
وما في أي كلام من النوعية دي
| |
|
|
|
|
|
|
|
|
|
Re: أرواح شيطانية تُروّع مواطني الجريف ..(توجد صورة) (Re: الطاهر ساتي)
|
تحياتي اخ بشير
هل الجن على عمومه ارواح شيطانية؟؟؟؟؟ لانه قابلنا شخص بجوار البيت الحصلت فيه الاحداث دي قال بيت اهله فيه جان عايش معاهم عادي و بصحيهم للصلاة وقال انه جن مسلم و ما بيأذيهم
حتى اصحاب البيت دة قال نعم تتساقط الاواني و الحجار لكن و لا مرة اصابت احد
.... ما تسمع كلام الجرايد دة اكد لك أن 99% من مواطني الجريف لم يسمعو بالقصة دي اصلا عشان يتروعو ا
_____________________________________
الاخ الطاهر ...
Quote: اسعار الاراضي والبيوت فى الحتةدى بتكون ارتفعت
والسماسرة دايرين يرخصوها بواسطة شوية مغامرين يفلقو وشوية صحفيين يلفقو..
والله اعلم .. |
يا الطاهر انت ادرى بصاحبك العلماني (محمد ابراهيم الحاج)
عرفنا عليه وصف جديد ( صحفي ملفقاتي)
_____________________________________________________________
مشيت معاهو ساعة غطى الخبر ............... ما كان في جمهور مروع ولا حاجة ... و القصة دي ليها 18 سنة في البيوت دي بس اليومين دي زادت شوية
يعني صاحبك الملفقاتي صور البيت بعد الاحداث و عملو في الجريدة شغل فوتو شوب و جابه الأواني الطائرة اصلا هي كانت مرمية في الارض و ناس الجريدة ما صوروها طايرة
تحياتي
| |
|
|
|
|
|
|
|
|
 Re: أرواح شيطانية تُروّع مواطني الجريف ..(توجد صورة) (Re: هضيبي علي سعيد)
|
هضيبي .. كيفك ياخى ..
كدة انت جيتنا بالخبر اليقين
Quote: يا الطاهر انت ادرى بصاحبك العلماني (محمد ابراهيم الحاج)
عرفنا عليه وصف جديد ( صحفي ملفقاتي)
_____________________________________________________________
مشيت معاهو ساعة غطى الخبر ............... ما كان في جمهور مروع ولا حاجة ... و القصة دي ليها 18 سنة في البيوت دي بس اليومين دي زادت شوية
يعني صاحبك الملفقاتي صور البيت بعد الاحداث و عملو في الجريدة شغل فوتو شوب و جابه الأواني الطائرة اصلا هي كانت مرمية في الارض و ناس الجريدة ما صوروها طايرة |
هو بالله صاحبى ده هو الجاب الخبر ..؟
ماتسبعد هو الذاتو البيفلق الناس ..!!
بيكون خاتى راسو مع سمسار ودايرليهو بيت ايجار رخيص فى الحتة ديك ..!!
تحياتى ليهو ياخى
وقوليهو لو الشياطين عندهم جرائد المفروض يجيبوك انت وصحونك بالصورة مانشيت رئيسي .
| |
|
|
|
|
|
|
|
|
|
Re: أرواح شيطانية تُروّع مواطني الجريف ..(توجد صورة) (Re: بشير أحمد)
|
يا بشبش
ياخوى مصدقينك .. خلو الجان يشوف شغله !!
و هاك دى :
واحد طاير " بدون عمل " لفه الصباح كله ما لقى اى شغله . رجع البيت فتش و قلب ما لقى اى حاجه
فيها قيمة ممكن ياكلها . فى قعر واحدة من الحلل لقى ليه باقى طبيخ " مصوفن " وباقى كسرة ناشفه .. قال ياكلوا ومهم يحصل .. عجن باقى الحله وقال يغير حظ و ياكل بالشمال !!
مع اول لقمه متجهة الى خشمه .. الشيطان مسك ايده و قال ليه :
لو سمحته ما تاكلنا العواليق بتاعتك دى !!
| |
|
|
|
|
|
|
|
|
|
Re: أرواح شيطانية تُروّع مواطني الجريف ..(توجد صورة) (Re: Mohamed Yassin Khalifa)
|
بشير تحياتي
| Quote: هاجمت قوى خفية أرجع شيوخ ومواطنون أنها «جان»، واستعان المواطنون بقوات الشرطة وجاءت لحمايتهم، |
غايتو البلد بقت عجيبه...
ياخي الجنون بيكون عايزين (يتمردوا) هم زاتهم...وبعد شويه حا تسمع وفد مفاوضات واحتمال (علم وبيرق) وناطق رسمي اسمو (حالاحوس) وعيييييك...
واقتسام موية النيل والبترول ... مش في واحد من الكيزان زمان قال بيستعينو بالجن لاستخراج البترول اها الحين الجماعه يكونوا غشوهم وانطلقت شرارة ثورتهم من الجريف وقالوا يبدوها بالطشاته والاباريق وبعد شويه بالابر...وحلك ديل لامن يتمردوا تاني الا جوج وماجوج حتين يتحلو منهم...
* جدي زمان كان بقول ناس (البندر) ديل نصهم جنون...واحدين بسفوا التمباك واحدين بشاغلو الحريم...هسي هو ما حضر تمردهم ده...لو كان حضر كان قلت ليهو كلامك صاح...
| |
|
|
|
|
|
|
|
|
|
Re: أرواح شيطانية تُروّع مواطني الجريف ..(توجد صورة) (Re: Elsanosi Badr)
|
Quote: وانهالت عليهم القوى الخفية بوابل من الحجارة والجرادل والأواني المنزيلة بمنطقة الجريف غرب بالخرطوم.
|
الاخ بشير
كان من الاولى ان تتحرى هذه الصحيفه عن اصل الحكايه قبل ان تنشر الزعر بين المواطنين
واصل الحكايه ياسيدى انو دى تمارين رمايه بتنظما رابطة مشجعى الهلال المركزيه بحى الجريف
وذلك تحسبا لو وصلت اهداف المريخ فى مرمى الهلال فى مباراة القمهة اليوم الى اكثر من ثلاثه اهداف
ستقوم روابط مشجعى الهلال على الفور بتنفيذ عملية رمايه حيه بالجرادل والطوب والطشاته
لذلك اقامت الرابطه اسبوع رمايه ليليه واختير حى الجريف كارض رمايه للتدريب وكدا
شفت كيف ..
| |
|
|
|
|
|
|
|
|
|
Re: أرواح شيطانية تُروّع مواطني الجريف ..(توجد صورة) (Re: على محمد على بشير)
|
علي بالطلاق هؤلاء أكبر { جن } مغفلين سمعت بهم في حياتي
بالله الجماعة ديل ماشافوا المنشية والعمارات والمقرن
الحتة دي عاوزين بيها شنو
يعني ماممكن نهائي تكون أغلى من العمارات والطائف والرياض والمنشية
الواحد لو عاوز يجدع بالحجار والجرادل أحسن يشوف ليهو حتة غاليه يجدع فيها
أكيد سمعت بي قصة صاحبنا عندو { كسرة بي موية }
رفع ليك يد الجلابية وكأنها الحكاية سجوك وسمك محمر
وقام قال بسم الله الرحمن الرحيم
أها الشيطان قال ليهو هي كسرة بي موية العاوزها منو ؟؟
قبل فترة في جدة قالوا في عمارة مسكونة
والله كل الناس السكنوا فيها رحلوا في اليوم التاني
من بعد المغرب مباشرة تسمع أصوات غريبة في كل الغرف
كان مطلوب فيها 2 مليون ريال
صاحبها اتعقد وباعها ب 250 الف ريال
المهم الزول الاشتراها كان تفتيحة
وسمع الأصوات في المغرب
وزوجته اليوم التاني طلبت الطلاق او ارسالها لبيت ابيها
المهم قعد لحاله
وبدأ في المساء يتعقب في الأصوات الغريبة
وتابعها من أول غرفة الى آخر غرفة
وعرف في النهاية أن هناك مجموعة من الأرانب لها نفق تحت العمارة وتسكن من مدة طويلة
وقام بالحفر حتى وصل لمكانها وأخرجها
الجن موجود ولكنه اذا اراد ان يسكن فعليه اختيار المناطق الراقية
هذه تمثيلية كبيرة
وانصح المواطنين بعدم بيع منازلهم أو الخروج منها
| |
|
|
|
|
|
|
|
|
|
Re: أرواح شيطانية تُروّع مواطني الجريف ..(توجد صورة) (Re: مازن الجمّال)
|
مفروض الصحفي كان يتظر ويسال الجن عن موقفو من المحكمة الجنائية ومذكرة القبض على الرئيس اذا كان مع المذكرة طوالي يخلو صلالح قوش يتحرك عليهم لانو متحلف لاي واحد مع المحكمة الدولية بي كدة نتخلص من واحد فيهم الجن او جن صلاح قوش لانو كتير علينا جنيين
طبعا اذا كان جن كلكي لابس ملكي يبقي اكيد مع المحكمة الدولية والمذكرة والخوف يخطف الراجل بدون زول يشوفو ونسمع بيهو في لاهاي
عشان كدة غيرو حرس الرئيس بدل عساكر خلوهم يكونو شيوخ من حي الانقاذ ومايو عشان يحوشو الحن من الرئيس
| |
|
|
|
|
|
|
| |
بشير أحمد
محمد المرتضى حامد
ناجى أحمد البشير
الطاهر ساتي
نورالدين صلاح الدين
الطيب شيقوق
ناهد بشير الطيب
ماجدة عوض خوجلى
يوسف محمد يوسف
عبدالكريم أحمد الامين
معاوية الأرباب
شهاب الفاتح عثمان
عمار عبدالله عبدالرحمن
هضيبي علي سعيد
Mohamed Yassin Khalifa
Elsanosi Badr
على محمد على بشير
ابوحراز
صالح عبده
Khalid Saeed
مازن الجمّال
باسط المكي
فيس بوك
تويتر
انستقرام
يوتيوب
بنتيريست