|
الفنان على مصطفى (الدكشنري)!!
|
أسوق هذا البوست ولي غرضان أولهما حسدا وغلا من عند نفسي للمكانة الاجتماعية والفنية التي وصل إليها الدكشنري وهو الرجل المتواضع المواهب. وثانيهما إن الدكشنري دليل وشاهد على إن التخصص في شغلانة ما وتجويدها لا بد موصل صاحبه لمراتب عالية. علي مصطفى(الدكشنري) عريبي من نواحي تمبول مشلّخ حرف تي كابيتال - من الشلوخ النادرة- ,تعرف علي مصطفى في بداية حياته على الفنان بادي رحمه الله (مشلخ سلم) وعمل معه شيالا لحوالي ثلاثين عاما ,زاملهما في هذه الرحلة الفنان علي العربي (مشلّخ سلم). الجدير بالذكر إن السودانيون في ذلك العهد كانوا يذهبون إلى الحروب مصطحبين فنانيهم وعازفيهم وعدتهم كاملة,فكنت تسمع عن مرافقة عاشة الفلاتية للجيش المتوجه لمحاربة اليهود ومرافقة احمد المصطفى لجيوش السودان المتوجهة إلى ليبيا.( هلا هلا زمن الحرب بفناناها) ظهر نجم علي مصطفى عقب رحيل الفنان بادي محمد الطيب وكانت أول إطلالة تلفزيونية لعلي مصطفى في سهرة قدمها الإذاعي/ صلاح طه (مشلخ سلم) في تلك السهرة ظهر الدكشنري لأول مرة وعرف جماهيريا . كان الدكشنري طوال تلك السهرة مشغولا بجر أكمام جلبابه وتعديل عمامته وهندامه ولا يكاد أحد يبدأ الحديث عن أغنية من أغاني الحقيبة حتى ينبري الدكشنري متبرعا بالإفادة بأن الأغنية إياها تم تأليفها في عام 1923 وانه يعرف منزل الفتاة التي تم تأليف تلك الأغنية بسببها, وانه قامت بتسجيلها شركة بيضة فون وصاحب مؤديها كورسا كل من عطا كوكو وحماد ود شندي (كلاهما غير مشلّخ اطلاقا). أصبحت متابعا لأخبار علي مصطفى وانطلاقته الصاروخية حتى أصبح نجما مجتمعيا لامعا في منتديات العاصمة وحفلاتها ,وبعد أن كان يعرف بالشيال أصبح يعرّف بالباحث والفنان علي مصطفى.
|
|
|
|
|
|
|
|
Re: الفنان على مصطفى (الدكشنري)!! (Re: معاذ حسن)
|
لقاء مع الدكشنري في جريدة الصحافة
http://www.alsahafa.info/index.php?type=3&id=2147511776
الفنان (الدكشنري) علي مصطفى: \ غنا الحقيبة (كل الناس أتنين أتنين) اتونس معاه: محمد شريف مزمل أول (ثلاثي) غنائي حديث كان برعاية الإمام عبدالرحمن المهدي الفنان على مصطفى رائد الفن الشعبي وعضو اتحاد الاغنية الشعبية لقبّوه بالدكشنري لأنه يحفظ أكثر من 4 آلاف أغنية حقيبة، ويعرف من هو شاعرها وملحنها وتاريخ كتابتها ومناسبتها.قعدنا مع الدكشنري واخترنا ليه موضوع الثنائيات عشان يكلمنا عنو وخرجنا بهذه الونسة: * كلمنا عن ظهور أول ثنائي في فترة الحقيبة، والكلام دا كان سنة كم؟ - أول ثنائي كان بين الشاعر العبادي والفنان سرور سنة 1919 وبظهورهما انتقلت الاغنية السودانية من أغنية (طنباره) الى أغنية حديثة ومن أشهر أغنيات الثنائي: (ببكي وبنوح وبصيح للشوفتن بتريح فرع النقا المميح منو المسك بفيح وكتين صباحنا يبيح بلبل قلوبنا يصيح) * وأول ثنائي غنائي منو وكان سنة كم؟ - أول ثنائي هم سرور والأمين برهان سنة 1922م. * بعدهم ظهر منو؟ - الثنائي عمر البنا ومحمد الامين بادي سنة 1922م كانوا بغنوا شعر ابوصلاح وبعدهم الثنائي كرومة والياس سنة 1924م كانوا بغنوا شعر سيد عبدالعزيز. * أشهر ثنائي في الفترة ديك منو؟ - أولاد شمبات عوض مصطفى وداعة الله وابراهيم محمد حسين كانوا ماسكين الجو في البداية غنوا: (اذكر بقعة الآمال) و (قلبي المن زمان بهواك) وبعداك غنوا شعر الأمي سنة 1928م ومن أغنياتهم: (يا رشا يا كحيل غيثني هواك سباني) ، (يا ليل ابقالي شاهد علي نار شوقي وجنوني) و (يا من فاح طيب رياه على ميت الهوى أحياه)، (فلق الصباح قول لي اهو نورك لاح)، (لحظك الجراح ازاي فيه وفيه الطرب والراح منايا زهرة الافراح)، (ياجوهر صدر المحافل روحي معاك اتطلفيلا) ، (قضينا ليلة ساهرة تضمنت محاسن من كل روضة عينة ومن كل عينه زهرة). وأولاد شمبات ما استمروا نسبة لرحيل ابراهيم سنة 1973م عندهم حوالي 70 أغنية مسجلة. * ديل اولاد شمبات اولاد ام درمان وين ؟ - ظهر الثنائي ميرغني المأمون 1910م- 4/8/1986م واحمد حسن جمعة 1916- 15/12/1982م وهما الاوفر حظاً عندهم تسجيلات كثيرة في الاذاعة حوالي 350 أغنية. * أشهر اغنياتهم شنو؟ - (اقيس محاسنك بمن يا الدر الماليك ثمن ) (من حور الجنان ام انت انسان الكمال ام انت الملاك جيت توري الناس الجمال)، (خلي العيش حرام ما دام ارى الموت يحل ما بين الرميش والطريف الكحيل)، (الشادن الكاتلني ريدو هلك النفوس والناس تريدو ما لو يرحم مريدو) ، (يا نجوم الليل اشهدي علي لوعتي وتسهدي علي بكاي وتنهدي)، (من قليبو الجافي لي قلبي الحان النسيم يتردد عامل استمحان)، (ضامر قوامك لان قلبك قسي وجافيت ليه يا جدي الغزلان)، (صفوه جمالك صافي الماء علي البلور يسعد صباحك خير) ، (وانا صادق في حبك لوقلبي يتصل الي قلبك هذا مقصودي). * غير أولاد المأمون في اولاد منو في ام درمان؟ - الثنائي عطا كوكو ومحمود عبدالكريم (أولاد الموردة) عندهم كم وتسعين أغنية مسجلة لكن وقفوا بعد رحيل عطا سنة 1979 ومن أغنياتهم: (اذكري ايام صفانا والليالي الفيها متبادلين وفانا) ،(هواك وهواي بي جاروا وسين افكاري نظراتك احب تعطف تزيد وجدي واحب كل البحب ذاتك)، (غني القمري علي الغصون ذكرني الدر المصون فريد عصرو المامتلو شئ)، ( ياسمير بي نظرتك اوفي الميعاد العيون الشافتك ما اسعدا)، (ارجوك يا نسيم روح ليه بي اشواقي صرح واذكر صبوتي وسهادي)، (من اول نظرة رشقتني عيونو وجذبتني فنونو وبقيت مجنونو). * الخرطوم ماظهر فيها ثنائي؟ - ظهر الثنائي الطيب الصديق من اولاد بري ومحمد طه من اولاد العيلفون ومن اغنياتهم: (طال هجري يا ام درمان)، (نفيسة الدر)، (يا حبيبي وين انت انا من شوفتك ادمنت)، (يا حبيبي جفيت). * في رأيك هل تجربة الثنائيات كانت ناجحة ولا فاشلة؟ - ناجحة جداً واعظم فترة في زمن الحقيبة لانهم حفظوا الغنا من الضياع وقدموه بنفس الروايات القديمة خاصة اولاد شمبات والمأمون والموردة لانهم حفظوا القرآن في الخلاوي واتأثروا بالمداح عشان كدا كلماتهم واضحة وصحيحة واداءهم قوى حافظين الرواية (اللحن) ذي ما هي ونجحت الثنائيات لانهم سجلوا الاغنية في الاذاعة بالرق ما بالموسيقي فوصلت للمستمع واضحة الكلمات وكانوا بغنوها في الحفلات بالطبلة وغيرها من الآلات، والاولاد التلاتة بصماتهم واضحة عندهم الحان خاصة. * غير الاولاد التلاتة هل في ثنائيات تاني؟ - نعم ثنائية قبلهم بين اخطر شاعر عمر البنا واخطر ملحن وفنان كرومه، عندهم اغاني جميلة جداً زي: (نعيم الدنيا)، (في الطيف وفي الصحيان زورني يا حبيبي انا عيان) (آه الاهيف أبي ما يليم من بعده صار قلبي ضريم) و (هجد الانام وانا وحدي مساهر والنحول على جسمي يا حبايب ظاهر هوي اسبابي الحب الطاهر). في ثنائيات كثيرة ولكن ما استمرت. * زي منو؟ - زي الثنائي مصطفي بغداد والفنان عوض دراج، ديل غنوا غنا سرور لفترة،ومن اغنياتهم: ( عزة وصالك ما لقيتلو مثيل) ، (عقلي انشغل بهواك والحكمة عيني)، ( ياشادن قول) ، (ما بالنيه)، (دمعة الشوق)، (اطرد الاحلام يا جميل واصحى قوم نعدي الليل في ضفاف النيل ننشد الفسحة). * وغيرهم منو؟ - بثنائية بين المساح وكرومة ومن أغنياتهم : (نسيم الصبا)، (زمانك)، (نغيم فاهك يا أمزين دواي شفاي البجبر قواي ) و ( انت بدر السما في صفاك قولي من عيني مين خفاك)، (الشاغلين فؤادي وتايهين فايقين)، والثنائية بين مهدي والريح. * هل في ثنائية بين شاعر وأكثر من فنان؟ - الثنائية بين الشاعر والفنان الملحن احمد عبدالمطلب حدباي كان ملحن أو (رواية) لاشعار خليل فرح اضافة لكتابته للشعر ومن الحانو: ( فوق جناين الشاطئ وبين قصور الروم حيى زهرة روما و ابكي يا مغروم شوف عناقيد ديسها تقول عنب في كروم) (ما هو عارف قدموا المفارق)، (تم دورو ودور) والثنائية بين الشاعر والملحن حدباي والفنان كرومه من اغنياتهم: (البصباها اسمعوا قولي بحكي نباهه) ، (زهر الرياض في غصونو ماح). * غير ثنائية حدباي في منو تاني؟ - ثنائية بين الشاعر أحمد حسين العمرابي والفنان محمد علي ودالجديد ومن اغنياتهم: (هب النسيم جاب لي طيب) ، (القماري قوقن)، والثنائية بين العمرابي والفنان ميرغني المأمون ومن أغنياتهم. (انعشني نسام الصبا)، (سافر حبيب الروح)، (اندب حظي أم امالي ودهري قصدني مالو ومالي)، (خمرة هواك يا مي صافية وجلية هى اللاعبة بالالباب لا البابلية). * كلمنا عن ثنائية سيد وعبيد (شاعر وشاعر)؟ - كانوا ساكنين في حي واحد فريق العرب اصحاب واعمارهم متقاربة ولما عملوا ديوان شعر وسموه ليالي زمان كان فيه شعر سيد عبدالعزيز وعبيدعبدالرحمن لان من الصعب تفرز شعر دا من دا متشابه جداً يعني تسمع لعبيد (فتنت بيه عشقته ليه حبيتو ليه كان مالي وانا مالي بيه ) او ( الشال منام عيني وفؤادي جارحو لمتين يلاقيني وبهواي اصارحوا) ما بتلقي أى فرق في المفردات أو اللحن لما تقارنها بي كلام سيد زي : (سيده وجمالها فريد) أو (يا قائد الاسطول) أو (حاول يخفي نفسو وهل يخفي البدر في سماه طبعاً لا وابداً لا شفناه شفناه). * الكورس كيف برضو في كورس (جوز) ثنائي؟ - ايوه الثنائي عبدالرحمن (حمامتي) وعلي (ابوالجوج) ديل كورس رسمي لاولاد المأمون وبغنوا مرات براهم والثنائي محمود فلاح وعبدالله محمد ديل كورس لاولاد شمبات والثنائي حسن (كو) والطيب عدلان ديل كورس لاولاد الموردة، والثنائي محمود بخيت وعثمان عبدالرحمن (ضربه) ديل كورس كرومه. * طيب كلمنا عن الثنائيات الحديثة والموجودة الآن؟ - أنا ذاتي بغني ثنائي مع فردتي خلف الله عبدالله ومن الثنائيات ناس حيدر وفؤاد وثنائي ابوكدوك وسعد ومحمود ثنائي أم بده وعدالله يوسف وابراهيم خليفة (شقيق سيد خليفة) ثنائي الدبيبة والتيمان حسن وحسين تيمان عطبرة. * كلام اخير عن الثنائيات في الحقيبة؟ - الثنائيات ظلموهم وما ادوهم حقوقهم لا دولة اهتمت بيهم لا تلفزيون لا اذاعة، مثلاً عوض ابراهيم عوض عمل كتاب ذكر فيه كل المبدعين عدا الثنائيات التلاتة والاذاعة في عيدها الذهبي برضوا ما اهتمت بي اولاد شمبات ولا الموردة ولا المأمون، ولولا جهدهم لضاعت أغنية الحقيبة واتمنى أن تنصفهم الصحافة. * قبل الوداع كلمنا عن الثنائيات هل في فترة الحقيبة ظهرت ثلاثيات؟ - أول ثلاثي ظهر سنة 1936م وهم : سرور وكرومة والامين برهان وغنوا مع بعض في افتتاحية أول مسرحية سودانية، وهى( صور العصر) للكاتب الشاعر سيد عبدالعزيز. غنوا أغنية( فلق الصباح ) ووجدوا اشادة ورعاية من السيد عبدالرحمن المهدي. وقف معاهم وشجعهم وخلّي الناس تحب الغناء الجماعي، يعني السيد عبدالرحمن المهدي كان راعياً للثقافة والفنون.
| |
|
|
|
|
|
|
Re: الفنان على مصطفى (الدكشنري)!! (Re: معاذ حسن)
|
معاذ سلام،،،
Quote: علي مصطفى(الدكشنري) عريبي من نواحي تمبول مشلّخ حرف تي كابيتال - من الشلوخ النادرة- ,تعرف علي مصطفى في بداية حياته على الفنان بادي رحمه الله (مشلخ سلم) وعمل معه شيالا لحوالي ثلاثين عاما ,زاملهما في هذه الرحلة الفنان علي العربي (مشلّخ سلم). الجدير بالذكر إن السودانيون في ذلك العهد كانوا يذهبون إلى الحروب مصطحبين فنانيهم وعازفيهم وعدتهم كاملة,فكنت تسمع عن مرافقة عاشة الفلاتية للجيش المتوجه لمحاربة اليهود ومرافقة احمد المصطفى لجيوش السودان المتوجهة إلى ليبيا.( هلا هلا زمن الحرب بفناناها) ظهر نجم علي مصطفى عقب رحيل الفنان بادي محمد الطيب وكانت أول إطلالة تلفزيونية لعلي مصطفى في سهرة قدمها الإذاعي/ صلاح طه (مشلخ سلم) في تلك السهرة ظهر الدكشنري لأول مرة وعرف جماهيريا . كان الدكشنري طوال تلك السهرة مشغولا بجر أكمام جلبابه وتعديل عمامته وهندامه ولا يكاد أحد يبدأ الحديث عن أغنية من أغاني الحقيبة حتى ينبري الدكشنري متبرعا بالإفادة بأن الأغنية إياها تم تأليفها في عام 1923 وانه يعرف منزل الفتاة التي تم تأليف تلك الأغنية بسببها, وانه قامت بتسجيلها شركة بيضة فون وصاحب مؤديها كورسا كل من عطا كوكو وحماد ود شندي (كلاهما غير مشلّخ اطلاقا). |
قلت لى الموضوع الحارقك، عن دكشنرى، ولا عن الشلوخ الكتيرة دى؟؟؟
| |
|
|
|
|
|
|
Re: الفنان على مصطفى (الدكشنري)!! (Re: Hala Hassan)
|
Quote: الجدير بالذكر إن السودانيون في ذلك العهد كانوا يذهبون إلى الحروب مصطحبين فنانيهم وعازفيهم وعدتهم كاملة,فكنت تسمع عن مرافقة عاشة الفلاتية للجيش المتوجه لمحاربة اليهود ومرافقة احمد المصطفى لجيوش السودان المتوجهة إلى ليبيا.( هلا هلا زمن الحرب بفناناها) |
حسب معلوماتي يا معاذ الكوت اعلاه غير صحيح . الفنانيين السودانيين لم يذهبوا (مُصطحبين) الي الحروب الفنانيين السودانيين شاركوا طوعا خلال الحرب العالمية و شاركوا علي ما اعتقد إبان ما يُسمي بحرب الشرق الاوسط في السبعينات و حروب اخري و ده كان لرفع الروح المعنوية للجنود اغتية الله لي اليمون سقايتو علي واحده من الاغاني المُحمسه و الحاكيه عن اهول الحرب و حنين الحبيبات
الله لي الليمون سقايتو علي أنا ياحاج انا الله لي جاهل صغير وحمامه الله لي يوم لبسو الكمامه الله لي ودوهو خشم القربه يا الله عودة سلامة ياحاج انا
الله لي في الجو طيارات الله لي في البحر غواصات الله في البر دبادبات مجنزره
ما بعرف بأدب الحرب او ادب مقاومة المستعمر في الاغنية السودانية (فايل) كبير اتمني ان تسمع من الدكشنري و ظني ان لدية الكثير ليقوله
مودتي طارق ابوعبيدة
| |
|
|
|
|
|
|
Re: الفنان على مصطفى (الدكشنري)!! (Re: Hala Hassan)
|
Quote: قلت لى الموضوع الحارقك، عن دكشنرى، ولا عن الشلوخ الكتيرة دى؟؟؟ |
هالة (السادة) ازيك (سادة) يعني ما مشلّخة ويقال للرجل الما مشلخ (أمره) وللفتاة (مرهاة)والله اعلم اناالغايظني استضافة نسرين سوركتي للدكشنري في سهرة كاملة. انشاء الله ما تنفعوا ولا ترقع شليخاتو ديل. تحياتي ..
| |
|
|
|
|
|
|
Re: الفنان على مصطفى (الدكشنري)!! (Re: معاذ حسن)
|
الفنان خدر,,,تحياتي
شكرا على المعلومة
Quote: اتمني ان تسمع من الدكشنري و ظني ان لدية الكثير ليقوله
|
لديه الكثير وبس قال ليك حافظ اربعة آلاف اغنية حقيبة بلحنها وسالفتها كاملة لو كان متعلم شوية لقام بتاليف اهم الكتب في حقيبة الفن. له التحية رغم ما بي من غبينة.
| |
|
|
|
|
|
|
Re: الفنان على مصطفى (الدكشنري)!! (Re: معاذ حسن)
|
الحبيب / معاذ كيف حالك يا زول وين انت غاطس ؟
نحيى الفنان على مصطفى لانو جابك مارق
Quote: قال ليك حافظ اربعة آلاف اغنية حقيبة بلحنها وسالفتها كاملة لو كان متعلم شوية لقام بتاليف اهم الكتب في حقيبة الفن
|
طيب اتفق معاهو واشترك معاهو فى تأليف كتاب عن حقيبة الفن وبذلك تكون اشتهرت واستفدت ماديا كمان
والفايدة الاكبر تعرف هى شنو ؟؟؟ ( انك حتحب هذا الرجل ) لانو حيبقى صاحبك و سبب شهرتك كمان
ولا شنو ؟؟؟
أحمد العمار
| |
|
|
|
|
|
|
Re: الفنان على مصطفى (الدكشنري)!! (Re: معاذ حسن)
|
شكرا أخي معاذ على إهتمامك بسيرة و ظاهرة الفنان/ علي مصطفى لماذا لا تواصل التوثيق لسيرة هؤلاء الشيالين الأفذاذ
كرومة ايضا بدأ شيالا مع سرور ، و ترباس شال مع فلاح و محمد احمد عوض و عوض الكريم عبد الله و عبد الله محمد شالو مع مبارك حسن بركات علي مصطفى مرجع لكل من اراد تنشئة بحث و رسالة علمية في امر الحقيبة رجاءا لو التقيته ( وارجو ان تهتم بذلك ) ان ترسل لنا رقم إتصاله ، و ان تاخذ منه اخبار : فضل الله زمراوي ( زعيم الشيالين و آخر المحاربين العِظام) ، صلاح ضاحي الذى شب طفلا مع فلاح في داره ، الزين ، دفع الله اخو بادي، النيروز الزول الطروب، يوسف مصطفى كلهم خاضوا معارك الغناء خلف بادي
من افذاذ الشيالين : الراحل عبد العزيز قسم الله ضارب الدمبا خلف محمد احمد عوض و الطيب عبدو الذى يكاد يمارس لزمات الفم و الغناء مع محمد احمد عوض
| |
|
|
|
|
|
|
|