|
|
 الأسـتاذ محمود محمد طه يـتحدث عن الكـورة وأستاد الهلال والمريخ
|
قال الأستاذ محمود محمد طه في معني ما قال عن الكورة....
نبينا المعصوم( عليه أفضل الصلاة والسلام) في الإسراء والمعراج، لما توحد وصار وحدة مكانية في وحدة زمانية في وحدة ذاتيه! شاهد من لايحويه الزمان ولا المكان... صار مستغرق.
هسه عندكم زي الكورة لمان تكون الفرق الللاعبة كبيرة زي الهلال والمريخ والمنافسة قوية واللاعبين يبدعوا. إنت بتكون مشدود للمشهد القدامك، بصورة إنك تكون مستغرق، لو قرصتك نملة ما بتشعر بيها، الشوط يكون مرات ساعة وزيادة، إنت ما بتكون شاعر بالزمن، وممكن يمر عليك وكأنو دقيقة واحدة..
أو مثلاً فيلم سينمائي، جيد.. برضو بتكون مشدود بنفس الصورة.
.............
معروف عند السالكين في المسارات المختلفة... الشهود الأسمائي، والشهود الذاتي، وتحقيق هذه الدرجات الكبيرة عند العارفين والأولياء بصورة من الصور، وحظهم منها.. وحظ تحقيقهم فيها.
.............
مرة ذكر أحد تلاميذ الأستاذ محمود حديث عن الكورة أمام الأستاذ وتحدث عن لاعب معين جيد جداً مبدع في المريخ، وأن هذا اللاعب لو ما قيدوهو بلاعب معين من الهلال، عشان يحجم حركتو في الميدان، لكان أبدع ووراهم فنون اللعب..
فتعجب الأستاذ محمود من حدود النصر الضيق على حساب الأخلاق وقال ليه كدة؟ مفروض يخلوهو يبدع ويوري الناس ملكاتو الكروية.. لزيادة رصيدو من الفن الكروي.. حتى ولو أدي لغلبة خصمه المنافس.. كونو يخصصوا ليهو لاعب معين بس يوقف قصادو ويراغب تحركاتو في الميدان.. ويكسرو حتى، دي موش أخلاق.. بعدين اللاعب الخصصوهو دا عشان يقيف قصادو، دي برضو تحجيم لحرية هذا اللاعب المعين.. وتدخل في حريتو الشخصية في اللعب..
.............
مرة سأله أحد الصحفيين
أستاذ محمود تعرف أيه عن ( أمين زكي؟)
قال لا أعرف عنه ما يكفي..
...........
هو يعرف عنو إنه لاعب ممتاز وملأ السمع والبصر.. ولكن الشئ الذي لايعرفه الأستاذ مائة في المائة لايتحدث عنه.. ويقول: ( الشخص العارف.. دايماً حديثو أقل من تحقيقو.. هو أكبر.. هنالك أشياء لايتحدث فيها العارف.. وهنالك أسرار إلهية كبيرة جداً لايتحدث فيها العارف) تظهر في زمنها المناسب..
.................
مرة واحد صديق شخصي للأستاذ محمود ومهندس..
قال ليهو يا أستاذ محمود أمس حضرت كورة في نادي المريخ.. أتقول الشعب السوداني كلو في الأستاد..
ناس جو للمباراه من مدني وعطبرة بكميات كبيرة خرافية؟
لكن يا أستاذ محمود. عايز أقول ليك حاجة؟
يمر وقت الظهر والعصر، والمغرب. والناس دي قاعدة مكانا ما بتصلي؟ دا موش حرام؟هذه الكورة وكثرة الملاعب لهت الناس؟
ضحك الأستاذ وقال له
صحيح التفريط في مواعيد الصلاة محاسب عليه الإنسان..
لكن ما بتفتكر إنو الكورة عندها فضل!
أخرجت معظم الشعب السوداني من( الأنادي) الى ( النوادي)
موش تفتكر دي حسنة ونقلة نوعية وكمية؟
شوية شوية الحكاية
....
بعدين يجى الإجتهاد، في الناس المجودين في الصلاة وهم حاضرين في الأستاد للكورة ممكن يكون جايبين مصلايتهم معاهم يصلوا قبلهم.. أو يخرجوا ويمرقوا يصلوا بعدين يدخلوا وكدة؟
....................
تعليق
ياترى شباب الزمن دا وبناتو بيكونوا عارفين الفرق بين( الأنادي) و( النوادي)
|
|
 
|
|
|
|
|
|
|
|
Re: الأسـتاذ محمود محمد طه يـتحدث عن الكـورة وأستاد الهلال والمريخ (Re: الشامي الحبر عبدالوهاب)
|
| Quote: لو عاش ليومنا هذا ، لقال الكثير والمفيد ، بلغة عصر الكمبيوتر والإنترنت. |
أخونا بشير حسن بشير... العضو القديم جداً معنا في المنبر
كيف حالك
أتذكر زمان لما كنت عايز تتسجل في المنبر.. والمنبر في بداياتو كان مافي زول يتسجل إلا بتزكية عدد من الأشخاص من الأعضاء البارزين الذين يؤمنون بتعدد الحريات والمذاهب
أتذكر الناس كان يتغالطوا يا رب إنت الضابط المتقاعد.. ولد حسن بشير نصر والله حاجة تانية؟
المهم حصل التسجيل
شكراً على المرور بي جاي
...........
تعرف يا حسن
هو فعلاً الأستاذ محمود تنبأ بالإنترنيت
وقال( سيجيكم يوم الحضارة الغربية الآلية الحاضرة، تمدكم بالعلم والإكتشاف،خاصة في التواصل الجماهيري، تمدكم
بالعلم.. لامن تتخلف أخلاق الناس عن مستوى هذا العلم.. وتكون أخلاق الناس أقل من المد العلمي.. لمان يبلغ السيل الزبا.. ويبقى تخلف الأخلاق مذري.. لابد أن تشفع الحضارة الغربية بمد جديد في الآخلاق والعلم..وهذا غير موجود إلا في فهم الإسلام فهماً صحيحاً جديداً يسع كل الأجناس والملل والنحل....
هسه الناس العاملين متدينين عندنا بيفتكروا إنو الحضارة الغربية رجس من عمل الشيطان..
وهم أول ناس بياكلوا من خيرا..
قال: الوجود دا ملك الله.. لا أحد يتدخل فيه غيرو.. ومافي شئ بيدخل ملك الله من غير إرادتو..
قدم رجل المادة الي أن يمتد ويتوقف ويصل نهاياتو ويعجز عن كنه الكون
في هذه الساعة يتقدم رجل الروح والأخلاق
يعني الوجود ساير على رجلين. رجل المادة ورجل الروح.. وكلهن مكملات لبعض..
...............
تعليق
هسه يا حسن موش شايف الإنترنيت قدمت لينا وسائل علمية في التواصل كبيرة؟
بعدين الناس أخلاقهم عجزت عن تواكب هذا العلم
1 بقوا يستخدموا الإنترنيت في أذية بعض وشتائم بعض؟
2 بقوا يستخدموها في الإرهاب والهاكارز في أذية بعض؟
3 بعض الناس المرضي يتفرجوا على المواقع المخلة بالآداب؟والمواقع التي تمتهن كرامة المرأة.
وغيرو وغير كثير..
شفتا الحضارة الغربية ارتفعت كيف؟ والأخلاق تدنت كيف؟
يفترض دينا يعصمنا إذا كان أصلاً الناس متدينة أو تراعي تعاليم دينها بالوجه الصحيح..
على كل حال تخلفت الأخلاق
وتقدم العلم في الكشوف
لقدر يسوقه الله الي غاية يعرفها..
| |
|
|
|
|
|
|
| |
منصوري
بشير حسـن بشـير
الشامي الحبر عبدالوهاب
فيس بوك
تويتر
انستقرام
يوتيوب
بنتيريست