|
|
 نكته ..للناس البيفهمو فى (الويست)
|
كنا من المولعين بلعبة(الويست) لدرجة الجنون واليوم اليكون فيهو سيك بتصاحبوا (سيره وغناء) وتوثيق وكلام من النوع ده.يوم من الايام كنا معزومين ويست عند احد الاصدقاء بالدوحه ويدعى مامون وكان ذلك بمناسبة قدوم ابن خالته من الامارات وكان حريف (ويست)فتمت دعوتنا للعب معه وكان معى زميلى الذى لا العب الا معه ويدعى خالد محمد عثمان(سمحون) فحضرنا لهذا التحدى ورحبنا بالضيف وبدات اللعبه وتم تسجيل الاسماء (للاسكور) فقلت له سجلنى فقال لى: اسمك؟ قلت له ضحيه قال نعم؟ قلت له ضحيه فضحك وقال والله ابوك ده مابعرف يسمى كان يقول(باص) فانفجر الجميع ضحكا..
انتهت
|
|
 
|
|
|
|
|
|
|
 Re: نكته ..للناس البيفهمو فى (الويست) (Re: حمور زيادة)
|
| Quote: والله اليوم داك مرقت بى يد قربت اخد سيك لكن الله ستر شوف ليك بى جنس تسميات؟ |
والله يا ضحية أنا حسع من كلامك دا قلبي قعد يدق ..
غايتو اديك قاعدة ثابتة من هنا ولي قدام ..
لو كانت اليد دي من الأول .. خير وبركة ماف عوجة ..
لكن لو بقت بعدما يدك تفضى وترمي في الورق وقلبك يدق .. في الحالة دي تشتت الورق طوالي وتخلق فوضى ..
ياخ مرة معاي زميل عصرنا لينا واحد زي عصرتك دي .. لمن جاتو صدمة سكــري بقينا في التخارجنا زاتو
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: tmbis)
|
عارف يا تمبس عندنا صاحبنا عمل عمليه زي خرخرتكم دي
شال الكوتشينه وقام جاري
طوالي سموهو زيكو والتصق به الاسم
الي ان عرفت مؤخرا العلاقه بين الجريه وزيكو لا عب المريخ لمن شال الكوره وجري بيها
| |
|
|
|
|
|
|
|
|
 Re: نكته ..للناس البيفهمو فى (الويست) (Re: ود الخليفه)
|
Quote: عارف يا تمبس عندنا صاحبنا عمل عمليه زي خرخرتكم دي
شال الكوتشينه وقام جاري
طوالي سموهو زيكو والتصق به الاسم |
.. والله يا ود الخليفة مرات كدا الخرخرة زاتو ما بتلقى ليها طريقة الدنيا دي كلها بتضيق عليك .. والورق يشيل وينقص من يدك .. .
لكن الحاجة الغريبة يا ود الخليفة من ما اتعلمته الوست .. ما حصل اديت لي زول سيك ومشيت بيها فرحان .. يعني بلصقوها لي طوالي وفرحتي ما بتتم ..
مرة كنت مسافر والطيارة الساعة سبعة صباحا ومتلميين معاي الجماعة في البيت وقررنا نصبحه ويودوني المطار ..
زميلي كان أبوي يللا دا النوع البيعد ليك في يدك في شنو زاتووو .. وضدي أخوي الكبير أحسن زول ممكن تكربنو بعد الغلب .. وهو مريخابي علي السكين والبيت كلوو رشاشات ..
اهـا .. أول توزيعه شيلتها ليك ليهو .. .. أنا عايز اضحك وأمارس الطقوس .. وما قادر .. الجماعة بره صانين ومنتظر اي إشارة .. وأخوي المغلوب عايز يستنكحنا وقاعد في الطربيزة لسه وما عايز يقوم .. اخدنا لينا صنة كدا دقايق ..
أبوي قام قال لي خــلاص سوق أخوك دا معاك ما يقوم يموت بي وراك .. طبعا أخوي في اللحظة ديك قام قلب ليك البطانية والكوشتينة في وشي ..
أنا قلت ليهم اصلو ما عايز اللعب تاني .. كفاني السيك دي .. لما اجي راجع اللقى مستواك اتصلح .. الجماعة وقعو فيني حليفة .. وأنا قلبي حاسي بالكارثة ..
أول توزيعة .. في القيم الجديد خشمي بقى ملح ملح .. ومن منو ..؟
من أخوي الأصغر مني
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: tmbis)
|
Quote: والله يا ضحية أنا حسع من كلامك دا قلبي قعد يدق ..
غايتو اديك قاعدة ثابتة من هنا ولي قدام ..
لو كانت اليد دي من الأول .. خير وبركة ماف عوجة ..
لكن لو بقت بعدما يدك تفضى وترمي في الورق وقلبك يدق .. في الحالة دي تشتت الورق طوالي وتخلق فوضى ..
ياخ مرة معاي زميل عصرنا لينا واحد زي عصرتك دي .. لمن جاتو صدمة سكــري بقينا في التخارجنا زاتو
· · · أبحث
|
الخوف ياتامبا تلعب لاول مره ومع زوول مابتفهم لعبو وورقك يكون ابيض ووتمرر التسميه وزميلك يقول باص والقبول ماحقك وتقعد تفتش لى التخارجك وتلقاها فى اخر يد؟
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: محمد عبد الماجد الصايم)
|
ياضحية
زولك بتاع الامارات ده مزاجو رايق
اها كمان واحد بيعزلوا في التمرين اها كل واحد بيعزل ليهو زميل فضل اخر عزلة واخر نفر اها صاحب العزلة قال ليهو خلاص تعال معانا اها الجماعة قالوا ليهو ده شنو الجبتو لينا ده قال ليهم ياجماعة هي اخر عزلة وبتاعتي انا اقول جلا ولا شنو لووول يكه دي للناس البيفهمو في الضمنة .
تحياتي
زاتوووو
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: Fathi Ali Mohammed)
|
يا جماعة بما انو ده بوست ويست فانا عندي شكية مره حاضنا جواي من سنين لامن قربت تفقس
خلوني اشكيها ليكم هنا
كنت في الشمالية و اتلم الناس عشان يلعبوا ويست
كلهم مافي زول لعب مع التاني قبل كده
قمت انا حجزني عمك ضابط معاش كبير من النوع اللعب الويست تحت ضل الجرجير داك .. زول راكز و الخبرة ظاااهرة فيو
قلت مكسب
مع الزول ده الواحد يلعب الشوته بقفاهو
لما خشينا كان قبولو
البيميني سمى تسعة .. انا ورقي يحمد ربو قرب يكون مفرمل بتريس .. قلت باص .. البشمالي قال حداشر .. الزميل الخبرة عاين لورقو و بكل سخرية قال : تسعة ؟ حداشر ؟ هاهاها .. غريب .. خشو
و خشو
اتلاقينا في السيك
اخدنا اسنا فيك زي الترتيب
و قمت خشمي مرات ملح مرات ابلع القاو شطه قبانيت
و ما قادر اسأل الزول ده ليوم الليله
بعد فترة اتصادفنا و قال عاوزني العب زميلو..
قلت ليو معليش انا حلفت من الويست
عليكم الله كان مفروض اعمل ليو شنو الزول ده ؟
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: Tabaldina)
|
صديقنا حذيفه عندما كانو في جامعه الجزيره يحتفلوا بالسيك داخل الجامعه مما يلفت انتباه الجكس
ممن ليس لهم كبير غرض في الكوتشينه
فسالت احداهن لمن رات كلمه سيك مكتوبه في الحيطه بتاريخها عن معنياها
فتطوع حذيفه شارحا بكل طوله بال السيك هو ان تاكل 13 يد من غير ان تترك للضدك اي شئ
فصاحت البنت الجميله بفرح طفولي اسنا يعني؟؟؟؟؟؟؟؟؟؟؟؟؟؟ظ
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: Fathi Ali Mohammed)
|
ضحيه
الوست دي أخوك كان مرضان بيها مرض ماعادي
لو قلت ليك حاجه بتصدقها
يوم سيكت لي زول في قبولو وكمان بي الأتو بتاعو
حصلت ليك دي قبل كده
الشفت قال خاشي مربوطه وانا كان عندي 8 اتو عملت بيهم نايم ومادكيتها يقوم الشليق يقع لي فيهم
شيلتو ليك الإسنافيك طوالي
| |
|
|
|
|
|
|
|
|
 Re: نكته ..للناس البيفهمو فى (الويست) (Re: محمد فرح)
|
Quote: الشفت قال خاشي مربوطه وانا كان عندي 8 اتو عملت بيهم نايم ومادكيتها يقوم الشليق يقع لي فيهم
شيلتو ليك الإسنافيك طوالي |
غايتو يا محمد فرح
زولكـ دا لا شفت لا شاف الوست زاتو!
تتسيكـ بي مربوطة دي فيها ألفاظ خارجة عن الروح الرياضية وكــدا!
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: haroon diyab)
|
Quote: والجديد شنو.....؟
ماطوالي قاعد تتسيك وفي قبولكـ كمان.....!!!
كلامك ده تقولوا لي زول ماعنده حديدة |
دياب والله خايف ليك من سيك القبول يوم الجمعة
وسيرتك من دوحة العرب لي دوحة الحوش
لوووووول يكة (الحقوق محفوظة لي زاتو)
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: محمد الطيب يوسف)
|
ياحمور
والله دي ماسبقكم عليها زول
لكن صاحبك غلطان 300% زميلوا قال باص وجاتو تسعة وحداشر دي مفروض يلعبها انشاء الله بي سنير 7
انا لو في محلك كنت ضربت لي ناس الامن قلت ليهم في ضابط معاش عايز يعمل انقلاب لووول يكه
ويجو ياخدوهو الجماعة لحدي مايبان ليهو صاااحب
كامل تضامنا معاك في السيك الماعندك فيها لا يد ولا كراع لووول يكه
اها عندنا خالنا كل ماياخد سيك يقوم جاري بره البيت ويخلي اولادو
اها يوم لاعبين في بيتو اخد سيك قام جاري الجماعة قالوا ليهو ده بيتك يازول ماشي وين
تحياتي
زاتوووو
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: محمد الطيب يوسف)
|
الأخ العزيز ضحيه
والله تسمية الوالد صاح
المهم جبتا لينا سيرة الوست وهسي
قاعد في المكتب وايدي اكلتني طوالي
تعرف احنا هسه عندنا مجموعة بنلعب الوست
زملان مابتغيروا .. والبياخدو الإسنافيك
لازم يلبسوا طواقي حمر ( طواقي إشتريناها
من غبيرة ( الرياض ) وما تنقلع إلا بعد ما
يجي سيك تاني ولو اللابسين أخدوها تاني يقلبوا الطاقية .
تخريمة ..
ود الخليفة قلت لي شنو ( ده ورق باص ده )ههه هههه
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: haroon diyab)
|
Quote: والجديد شنو.....؟
ماطوالي قاعد تتسيك وفي قبولكـ كمان.....!!!
كلامك ده تقولوا لي زول ماعنده حديدة
|
هرون يا لذيذ
احسن انا الكنت طوالى باخدها وبروح رياضيه انت اول ماتحس انها ماشه على السيك كنت بتدكها وتشاكل وتفرتقها الارشيف موجود والدفتر موجود فى (الصنوبر ) (وغوار الطوشى)
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: ضحيه ابراهيم)
|
من عجايب الدنيافي السيك و الويست مره بنلعب في الشمالية ومعانا واحد زميلنا خرخار جدا
العدو يا كافي البلا معط الورق كلو وفضل اخر كرته
الخرخار شايل كرتين مفروض يبوش و احد و الشمتانين ( انا و المعاي ) داقين الطار :بوش صاح .. بوش صاح
الزول فييدو شايب هارت و شايب اسود
عمل الخيرة و رمى شايب الاسود فاذا باخر كرتة تطلع سيرتين بتاع اسود
صاحبنا شرب السيك عاااااادي
لكن الما عادي انو قام يدق جرس قال ما سيك
ليه يا عمنا ما سيك ؟
قال لاني بوشت غلط .. لو مسكت شايب الاسود ما بتسيك فدي ما سيك دي غلطة
القصة دي حصلت سنة 96 و لحدي هسه بحاول افهم الفرق بين السيك و الغلطة شنو
ياخ الويست ده علم عدييل
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: محمد ابراهيم قرض)
|
| Quote: مافي مصطلح اسمه (بوشت) في عالم الوست .. |
انتوا ما كنتوا قاعدين تبوشوا ؟ يعني لما تتفتح بوهية ما عندك بتقول " جلا " ؟
ياخ لعب المعاشات و المدارس المختلفة ده زاتو الشربني ليها مع الضابط.
كنا في كرموكول و الحلة كلها قعدت تسير فيني.
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: محمد عبد الماجد الصايم)
|
| Quote: الخوف ياتامبا تلعب لاول مره ومع زوول مابتفهم لعبو وورقك يكون ابيض ووتمرر التسميه وزميلك يقول باص والقبول ماحقك وتقعد تفتش لى التخارجك وتلقاها فى اخر يد؟ |
.. يا ضحية صاحبك داش عندو نظريات غريبة جدا .. بيسردب بي الورق لما يكون الوضع ما محتاج سردبة .. ويفكها لما يكون الوضع عايز سردبه ..
يوم فكاها وكت السردبة .. وأنا مفرمل .. واعتمدت على الله وعليهو وباصيت .. والقبول حق الجماعة .. .. ولعبوهو .. واتلاقو في الاتو حقو .. وخرتو ليك من قولت تيت ياخ أنا ندهت كل الاولياء الصالحين يحلوني لانو الورق كلو بقى نقط .. ولا صورة ما فوقو..
 .. بعدما طلع بي يد اتوو يتيمة .. أنا شعرت بي دقات قلبي في عروق راسي قلت ليو دا شنو يا زول إنت جنيت .. قال لي عايز اسنفكم بس عندي نظرية ابت تلفق معاي
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: ضحيه ابراهيم)
|
| Quote: معقوله ياحمور لهسى مافهمتها؟ مالك داير تخلينى اتضامن مع ود الصائم |
انا يا ضحية بعرف انو الزول ممكن يعتذر عن السيك بانو كان محكوم و انو ده سيك ورق و هو مفرمل ببلي واقف و حنك زي ده
لكن زول يدوهو ورق سمح و مراقتو في يدو شايب قدر ابونا ادم و يفكو و يجي يقول دي ما سيك دي غلطة ؟
بصراحة كانت سابقة قضائية بالنسبة لي المعلومة دي.
وبرضو ما فهمت.
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: حمور زيادة)
|
قال ود الصائم
Quote: غايتو يا حمور
بقيت مشبوه
لو لمتنا الدنيا يوم في طربيزة
أووووووع أشوفكـ قدااااامي! |
وقال حمور
Quote: غايتو يا جماعة بعد ده كان خليتو النقه دي و وزعتوها يكون عملتو فايدة
انا غايتو زميلي ود الصايم
وانا زميلى هرون دياب
عشان لمن تقرب للسيك يفرتقها ويتخارج
|
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: ضحيه ابراهيم)
|
ياضحيه ,, مساك ورد ,,
هسه من كلامك ده نقول عليك حريف وست ؟ غايتو عشان
تأكد الكلام ده منتظرنك يوم الجمعه والمويه تكذب
الغطاس .. والله إحنا عندنا وست من شدة ناسوا ماحرفا
آس الأتو ماقاعد يأكل .
حمور زياده يا أخونا تسمية التسعه زيها وزى الباص , يعنى
زميلك ضابط المعاش ده ما عليهو أى مسئوليه إنت كان تقفلها
عشان تمرق من اللوم .
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: كمال سالم)
|
Quote:
ياضحيه ,, مساك ورد ,,
هسه من كلامك ده نقول عليك حريف وست ؟ غايتو عشان
تأكد الكلام ده منتظرنك يوم الجمعه والمويه تكذب
الغطاس .. والله إحنا عندنا وست من شدة ناسوا ماحرفا
آس الأتو ماقاعد يأكل .
|
الزعيم كمال سالم
ماعندى مانع بس اجيب معاى زميلى ولا عندكم لى زوول؟
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: ضحيه ابراهيم)
|
وقبل ماضحية يجيب الارشيف......
اخونا احمد الان في امريكا.....
في قبول ضحية....والايام ديك يادوب برلوم
حتيت ليهو الاتوا كان هارت فضل عندو كرتتين اتوا
اكلت كرتتين شيريةالاس والشايب ...وبرضو فتحت شيرية
ضحية خته الدامة ...صاحبنا جلده ليهو...
وقام فاتح بلي الشيرية وجماعتك داقسيييييين
وبعد داك العشرة ....وبعدين كرتة اتوا وعييييييييييييك
وضحية وزميلوا ساكتيييييييييين وانا عاوز اضحك وخايف اكشف الحكاية
ولي يومي ويومكم حسع اكتر من عشرة سنوات ماشفته وشوا......
عاوز اسالوا......
هو كان قاصد الحكاية ولا جات بالصدفة.....
تقول لي مربوطة.....
يااخي انت اخير منك زميل حمور.....!!!
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: haroon diyab)
|
Quote:
Quote: هسه دا ورق باص؟؟؟؟
غايتو النكتة دي لو لحقتوا حكيتوها .. عمّك بكري بيدكّها ليكم |
ياتبلدينا
معقوله ياجماعه النكته تعدينا في قطر وتمشي الصين ونكون ماسمعناها؟؟
شكوها من جديد واحكوها دخلونا معاكم اللعبه
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: haroon diyab)
|
ضحيه ,, جيب معاك زميلك عشان لمن نسنفكك مايكون عندك عذر ,,
ياحمور يازياده يازول ياجميل ,, كيفنك ياخى والبركه فى البوست
ده الخلانى ألقى فرصه عشان أعبر ليك عن تقديرى وإعجابى الشديد
بكل مساهماتك الراقيه فى هذا المنبر .
وأنا فهمت من كلامك الفوق ده الاتى : إنو التسميه قامت من زميلك
تسعه , وإنت ورقك فاضى والقبول عندهم ,, فى هذه الحاله تعتبر زميلك
باص , لانو معروفه التسعه غالبا ماتكون بوهيه واحده أو خمسمه وخمسه
والاثنين مابمرقوا من السيك , وبما إنو إنت ورقك فاضى , فى الحاله
دى تتوكل وتقول 13 عشان كان سنفكوك تكون إتسنفكت بشرف ,,
أخونا محمد البشرى كان عندو بوست ظريف إسمو فنيات وتكتيكات البورد
نفسى أعمل بوست زيو بعنوان فنيات وتكتيكات الوست , بس أخوك نفسو
ماطويل فى فى متابعة المنبر ,, تحياتى وتقديرى ,,
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: كمال سالم)
|
Quote: وأنا فهمت من كلامك الفوق ده الاتى : إنو التسميه قامت من زميلك
تسعه , وإنت ورقك فاضى والقبول عندهم ,, فى هذه الحاله تعتبر زميلك
باص , لانو معروفه التسعه غالبا ماتكون بوهيه واحده أو خمسمه وخمسه
والاثنين مابمرقوا من السيك , وبما إنو إنت ورقك فاضى , فى الحاله
دى تتوكل وتقول 13 عشان كان سنفكوك تكون إتسنفكت بشرف ,, |
يا كمال ما كده
كان قبول زميلي
و التسمية قامت من العدو تسعة
جاتو تسعه باص حداشر
الزول ولا رجف
ولا حك شعرو
ما رمش
ضحك و قال ليهم خشوا
انت قايلم ما خشوا ؟
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: haroon diyab)
|
| Quote: الخوف ياتامبا تلعب لاول مره ومع زوول مابتفهم لعبو |
يا أستاذ ضحية يا أخوي تصدق دي الحاجة الوحيدة الما ممكن أعملها، فدحين ياخوي الزول لو ما عملت ليهو due diligence أوعك تزاملو. لأنو أي حاجة بتتنسي إلاّ السيك ممكن المترصدين يعملوا ليك بيها شهادة.
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: حمور زيادة)
|
يا أستاذ حمور أخوى الظاهر عمك ضابط المعاش الكبير اللعبا تحت ضل الجرجير ده ربما كان عندو بنت في ثلاثة أو بلي في أربعة أو عشرة في خمسة كروت مثلاً وحسب في راسو أنو التسميات من الأخوة الأعداء طويلة (مثلاً خمسة وخمسة للتسعة وخمسة وستة للحداشر) فتأكد ليهو إنو حيقابل الأتو أو البوهية المساعدة وفكر يقنص ليهم. وبيني وبينك الخبرة الشديدة مرات صاحبها بيكون عندو ثقة زائدة وطمع في التميز فبيجلي الأبجديات (الآآآسآآت) ويتحمل مخاطر عالية. فإنت يا صديقي عداك العيب، (عداّ إختيارك للزميل) وكدا.
وزي ما قالوا ليك الجماعة (تعضيهو في راسو)
أما زولك الخرخار القال (أنا بوشت غلط .. لو مسكت شايب الاسود ما بتسيك فدي ما سيك دي غلطة)
زي ما قلت لو كان بوش صاح واتسيك كان ممكن نقول سيك ورق ودي (خرخرة عادية)
لكن زولك ده بالجد خرخار لمن قلب كياشتو وعدم متابعتو لي اللعب إلي ما يمكن تسميته باستراتيجية خرخرة مضادة. ودي فعلاً (خرخرة ما عادية) ممكن تأهلوا للدولية.
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: Elawad Eltayeb)
|
انا زول حريق سااااي ويوم الشباب خرمان ويست وناقصين ليهم واحد قاموا قالوا يعلموني الويست وبعد حراق روح وشرح وما هو القبول وما هي التسمية وما هو الاتو و و و و وقالوا لي الخيالا الاوحد لي إنك "تدك" الورق لو ما جاتك فيهو صورة ترميهو وتقول ليهم " ابيض" .. اها فهمت يا عمر؟ لالالا فهممممممت ياخ دي لعبة ساهلة جدا .
وززززززززززعوت وزعوا الورق والجماعة بدت تسمي وانا ماشاء الله ورقي فيهو زي سبعة اسات وتمنية شياب و20 بت اها الاول قال باص .التاني قال باص ..اها جاني الدور وبي ورقي السمح ده وبي ثقة كبيييرة قلت ليهم :
انا سميت ابييييييييييييييييض ..
:D:D:D:D:D
تخريمة :
يا جماعة تمبس شهادتو فيني مجروحة في الويست فلو قال ليكم ايييييي كلام ما تشتغلوا بيهو سمح؟
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: عمر الفاروق)
|
البوست ده شايفاه انحصر فى الاولاد فقط لا بت واحده ما دخلت
انا بى قلب قوى بدخل لانى بحب الوست جدا وزمان كنت بدك ليه اللكشر والتيم كان من البنات ولعابات لعب شديد
وعندنا ذكريات كتيره خاصه الاسنافيك دى كانت بتقلب الداخليه
انا شدة ما لعابه من اول جدعه بعرف الورق الفى يدين الناس
وما حصل اديت قبولى لزول اطلاقا
ومن شدة الادمان انا ممكن اوزع الورق على اربعه مجموعات والعب براى
والبيقول مربوطه ده على الاقل عندو 7 ايادى فى يدو مضمونه
شكرا والى اللقاء فى القيم الجاى
ام الاء
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: Teeta)
|
| Quote: كيكى والله قالو انت فى الوست اكبر كيشه وتسمياتك كلها بيش |
هلا يا ضحية
وانت قاعد في الدوحة
لو مشيت السيلية اسال عن زول اسمو (بيكاسو)
ده احرف سوداني في الويست في الشرق الاوسط وجنو الصحراء...
قول ليهو كيكي كيف وشاطي الوكرة كيف,,.؟؟؟
حيقول ليك اعوذ بالله ياخي
الزول ده اداني ثلاثة اسنات ولي التوالي..
اسمعني الجمعة جيب هارون وانا بجيب الكيشة الحريف خليل
وتعالو في الشقة
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: عبدالكريم الامين احمد)
|
Quote: لو مشيت السيلية اسال عن زول اسمو (بيكاسو)
ده احرف سوداني في الويست في الشرق الاوسط وجنو الصحراء...
قول ليهو كيكي كيف وشاطي الوكرة كيف,,.؟؟؟
حيقول ليك اعوذ بالله ياخي
الزول ده اداني ثلاثة اسنات ولي التوالي |
كيكي يا تفكيكي
ياخ دي بالغت فيها
توصف زول بشهادتك انت عشان يشهد فيك ؟
مبالغه
و الله لو لعبك زي حنكك ده تاخد سيك في قبولك و الاتو بتاعك قافل من الاس للتمنية و الباقي عند زميلك
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: Teeta)
|
| Quote: انا شدة ما لعابه من اول جدعه بعرف الورق الفى يدين الناس |
يا استاذه انتو كنتو بتلعبو شنو بالضبط ؟
الجدعة دي على حسب ما اذكر كان البنات بيقولوها في الحجلة لما يرمو الحجر جوه المربع
مش ؟
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: Teeta)
|
Quote: البوست ده شايفاه انحصر فى الاولاد فقط لا بت واحده ما دخلت
انا بى قلب قوى بدخل لانى بحب الوست جدا وزمان كنت بدك ليه اللكشر والتيم كان من البنات ولعابات لعب شديد
وعندنا ذكريات كتيره خاصه الاسنافيك دى كانت بتقلب الداخليه
انا شدة ما لعابه من اول جدعه بعرف الورق الفى يدين الناس
وما حصل اديت قبولى لزول اطلاقا
ومن شدة الادمان انا ممكن اوزع الورق على اربعه مجموعات والعب براى
والبيقول مربوطه ده على الاقل عندو 7 ايادى فى يدو مضمونه
|
تيتا
اولا مرحب بيك والبوست موجه لمحبى الويست وانتى بى معلوماتك دى احرف من كيكى وهرون دياب لكن حقيقة اول مره اشوف لى زولة مهتمه بالويست وبتعرف اصول اللعبه؟
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: Elawad Eltayeb)
|
| Quote: الظاهر عمك ضابط المعاش الكبير اللعبا تحت ضل الجرجير ده ربما كان عندو بنت في ثلاثة أو بلي في أربعة أو عشرة في خمسة كروت مثلاً وحسب في راسو أنو التسميات من الأخوة الأعداء طويلة (مثلاً خمسة وخمسة للتسعة وخمسة وستة للحداشر) فتأكد ليهو إنو حيقابل الأتو أو البوهية المساعدة وفكر يقنص ليهم. وبيني وبينك الخبرة الشديدة مرات صاحبها بيكون عندو ثقة زائدة وطمع في التميز فبيجلي الأبجديات (الآآآسآآت) ويتحمل مخاطر عالية |
انا و الله ما معترض على انو بخبرتو يحاول يشوف نظرية و يجربا
بس ما كان يا العوض يجربا فوقي
انا استحمل اي شي الا السيك
ياخ الناس سكوني جوه الحوش (كان حوش عمدة كرمكول واااااسع ) لامن نزلوني الجناين ..
ده كلو عشان النظرية ؟
و الله حرام.
اما بالنسبة للاخ الخرخار فده انا اشهد ليو انو لمن يلعب حريف لمن بهناك ..
و لمن يبكي يخرخر لامن يحيرك ..
ياخ ده في الورق الكعب بيدكها عشان واحد لاعب قال عاوز مويه معناها كشف لزميلو
مره قبضناهو ماكل باس الاتو مرتين
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: ضحيه ابراهيم)
|
يا دوب كده بقى أحلى حاجة يا ضحية عشان بتكون ما لاقي ليك فرصة لعب ..
أها لما تجيب الفرصة دي بتقوم تعذب خلق الله ديل الناس البكونو داسين فرمالتهم من أول اللعب
يا زول صاحبي دا أكتر زول بدق ليك جرس بس ما يكون زانقك الله قال بي قولك ..
والله إلا تشيل بطانيتك وتنوم بره في الشارع
| |
|
|
|
|
|
|
|
|
|
Re: نكته ..للناس البيفهمو فى (الويست) (Re: حمور زيادة)
|
| Quote: و الله لو لعبك زي حنكك ده تاخد سيك في قبولك و الاتو بتاعك قافل من الاس للتمنية و الباقي عند زميلك |
والله ياحمور ضحكتني اضحك الله سنونك..
وطلعتني كيشة ولحقتني غنم زهرة....ومربوطة ناجي
ناجي ده صاحبنا وبعرفوا خليل ده (دايما بسمي مربوطة) وبعد ده بياخد سيك...
ضحية البتفاصح ده درشتو ليك درش تقيل قبل كده
ومقصات للعشرات والبليهات والدامات تتطاقش بردلب بين كل مقص واخر..
يااخوي احنا بنلعبها 10
والاتو يكون بلي هارد في كرت وبعد ده بالحس الامني تقع لزميلك في حواشة بتاعة اتو..
الله يلمني فيكم يا حمور وتمبس
| |
|
|
|
|
|
|
| |
ضحيه ابراهيم
tmbis
ود الخليفه
سمير شيخ ادريس
حمور زيادة
محمد عبد الماجد الصايم
ALZOLZATOO
haroon diyab
Fathi Ali Mohammed
محمد فرح
saadeldin abdelrahman
Hassan Makkawi
محمد أبوالعزائم أبوالريش
ممدوح عثمان
Abdlaziz Eisa
كمال سالم
محمد الطيب حسن
Gaafar Ismail
عبدالكريم الامين احمد
Elawad Eltayeb
كمبورة
عمر الفاروق
osman abdala
Research In Motion BlackBerry 9300(1600x1200).JPG)
نورالدين بابكر بدري
معتصم دفع الله
khaleel
فيس بوك
تويتر
انستقرام
يوتيوب
بنتيريست