حليمة محمد عبد الرحمن

Quote: أنا صحفية سودانية. أحاول في كل منحي أن اجد لنفسي متلمسَا وان اسمع صوتي المبحوح ولو همساَ.. كما تعرف نفسها في مدونتها

Quote: حدد موضوعكـ يا عمكـ! بعدين نبدأ الرش ونبقى في حا وتُر!

Quote: ود الصايم.. (انطر) كان فاهمة شئ .. خاصة عبارة الرش والرشاشات دي

يا حليمة!


ياخ قلنا للزول دا قول كلامكـ عديل ولا نشغل الدفاعات!

إنتي هينة ولا هينة!

Quote: ياخ قلنا للزول دا قول كلامكـ عديل ولا نشغل الدفاعات! إنتي هينة ولا هينة!

Quote: التقدير والاحترام لاختي الاستاذة الصحفية القديرة حليمة محمد عبدالرحمن وحضور يا محمد الامين ولعل الامر خير

Quote: هل هى نفســها الاعلامية فى هيئة الاذاعة البريطانية؟

Quote: يازول كدي عاين ليها كويس يمكن يخلف من الشبه 38

Quote: الصحفية ياها (حليمة محمد عبدالرحمن) بت الجبل (بس ماعندها قروش زي ودالجبل).. الإختلط عليك شنو؟

Quote: حليمة محمد عبدالرحمن.. حليمة عبدالرحمن.. صحفيتان سودانيتان.. مبدعتان.. الحليمتين الاولى كنا نسميها (حليمة الجبل) والثانية (حليمة المايقوما).. الاولى في السعودية الرياض تتحدث الثلاث لغات بطلاقة العربية والفرنسية والانجليزية وأتصور انها من القليلات جدا جداً في العمل الصحفي بمهارة لغوية ومهنية وفوق هذا وذاك رؤية انسانية بالغة الروعة عملت في الصحافة الانجليزية والعربية وبالسودان، وكان لشخصي الضعيف فضل اخراجها من بين الاربعة حيطان إلى العالم التقني الواسع الرحابة عندما اقمت لها موقعاً الكترونياً وفي هذا الفضاء الرحب ومن خلاله أبدعت أيما ابداع مقالات اجتماعية وفنية وثقافية. اما حليمة الاخرى التي تعمل بالبي بي سي أيضا مبدعة اعلامية حيث عملت بعدد من الصحف في السودان من بينها صحيفة انجليزية وعملنا سوياً في صحيفة (الأنباء) ثم عملت محررة بتلفزيون السودان في الفترة الانجليزية كمحررة ومعدة ومقدمة أحياناً، تتحدث العربية والانجليزية بطلاقة وتتسم بالهدوء عكس حليمة الأولى التي تتسم بالمشاكسة، وأشعر ان البي بي سي أقل من قامتها السامقة متحدثة بلغة عربية رصينة فاقت كل المذيعات الآخريات (المصريات) وغيرهن اللائي لم يستطعن الفكاك من لهجاتهن المحلية المصرية وغيرها. .. أشكرك اخي محمد الامين ان اتحت لي فرصة التوثيق والتعريف بزميلاتنا الفضليات حفظهن الله ورعاهن وزادهن علماً وتفوق.

(عدل بواسطة حليمة محمد عبد الرحمن on 02-25-2009, 09:09 AM)
(عدل بواسطة حليمة محمد عبد الرحمن on 02-25-2009, 09:31 AM)

Quote: ورجعت لقواعدي سالم

Quote: يادكتور بالغت كلو الا الحلمتين كم ذيهم عندنا في السودان

Quote: محمد ود الامين تحياتي يافنان والله سلطان زمانك أنت تعرف والله بيروت بتنفع معك بالله راحت الي الدرجة دي !!!

Quote: تعرفي يا حليمة لما لقيت الزول ده جاب اسمك جاتني خمة نفس قلت الزول ده مالوا وقريت وقريت لما وصلت النهاية عرفت اتلخبت عليه الاختساس حمدت الله ورجعت لقواعدي سالم

Quote: كان لديّ نفس الخلط ... ولم أملك الإجابة حتى قراءة هذا البوست. شكراً، والتحية للأخت حليمة الزميلة بالبورد، وتحية لحليمة البي بي سي

Quote: من هي الصحفية

Quote: حليمتنا الهنا دي امرأة واعية فاهمة خيرة وقادرة من ناحية مهنية فهي تعرف عدة لغات حية بطلاقة.. وبالنسبة لي نجمة من نجمات حياتي الاتي عرفتهن في هذا البورد.. لها المودة والتحية ولمصدق زوجها زميلنا في البورد

Quote: كتبت الأستاذه أختنا حليمة: "...في تسعينات القرن الماضي.." يازولة شنو البسالة العليك القرن الماضي دي يعني بتقوليها كأنها ما ليهاعلاقة بحسابات العمر!! أنا غايتو أي ونسة فيها دردقة عشان الناس تخمن عمري بجهجها!! لقد وجد بعض العلماء أن إنكار العمر أولا بيطوله وثالثا بيخلى أمورك مع الأجيال اللا حقة "حميمة محمد عبدالرحمن".

Quote: الاخت الكريمة ، حليمة محمد عبدالرحمن ، بت رجال تعرف الواجب ، وتقوم بالواجب ، وتسعى لنشر الخير بين الناس ، لها التحايا وبرضو السلام موصول لاهل بيتها الكرام .

(عدل بواسطة اميمة مصطفى سند on 02-24-2009, 10:28 AM)

Quote: شكرا الاخ محمد الامين الحقيقة سعدت جدا بمعرفة الشخصيتين وسعدت اكثر بردود حليمة محمد عبد الرحمن لها كل التحية والاحترام

Quote: التحيه لاختنا حليمه محمد عبدالرحمن الصحفيه المتميزه والوطنيه الغيوره صاحبة الكلمة الصادقه المتفرده ربنا يديك قروش كتيرهويحفظ ليك العيال وابوهم

Quote: عطفا على بدء.. الاخ محمد الامين تحياتي.. سبفتني حليمة عبد الرحمن عبد الرحيم صالح الى كلية الاداب بعام.. وسبقتها الى الدار السودانية للطباعة والنشر بعام.. درست حليمة اللغة الانجليزية وادابها (مادة اساسية Major subject)، بالاضافة الى اللغة العربية (مادة ثانوية Minor subject). بينما درست الفرنسية (اساسية Major) والانجليزية (مادة ثانوية Minor)، ثم اجبرني نظام السمستر وظروف المنافسة في الذهاب الى فرنسا لتمضية العام الدراسي في جامعة ليون الثانية، على التحول الى ما اطلق عليه (مادة اساسية Single major)، فرميت اللغة الانجليزية في السنة الثالثة وودعت دكتور محمد محمود وسيدة جون ملتون التي لا تعرف الرحمة.. سبقت حليمة عبد الرحمن الى دار السودان للطباعة والنشر، حيث كانت تصدر مجلة سوداناو وصحيفة نيوهورايزون.. وكنت اكتب اسمي هكذا: Halima M. A/Rahman وحينما بدأت حليمة العمل في الصحيفة في اوائل التسعينات (في غياب فاعلية الوجوه الضاحكة:اسقطنا القرن الماضي يا مصطفى مدثر) كانت تكتب اسمها هكذا: Halima A/Rahman طبعا كان الزمان خريف وتمت الكيف.. فالقراء والمتابعين صادروا اعمالها لصالحي.. فقررت الاحتفاظ بحقها الادبي ولجأت الى اختصار اسمي والدها وجدها والاحتفاظ باسم الاسرة.. فغيرت توقيعها في كل كتاباتها الى: Halima A.A. Salih وكان تردد: "الله يجازيكي يا حليمة خليتيني ابوي وجدي الاتنين اختصرتهم في ايه ايه." وبعد انصرام عقد من الزمان الا قليلاَ، تفترق شملنا في اقاصي الدنيا..سبق ذلك ان قام الاستاذ امين حسن عمر، بدمج صحيفتي السودان الحديث والانقاذ ودار السودان (كلها)، فيما اسماه "الدار الوطنية للطباعة والنشر، التي تصدر حاليا صحيفة الانباء، والتي اتخذت في البداية، من احدى العمائر في جنوب الخرطوم، مقرا لها، ثم تم ترحيلها لاحقا الى المنطقة الصناعية بكوبر حيث مازالت هناك الى يومه.. عملت حليمة قليلا في الانباء، ثم التحقت بالقسم الانجليزي في تلفزيون السودان، لم تكتفِ بذلك بل سعت الى تاهيل نفسها كثيرا، فهي من اوائل الصحفيات اللائي سعين الى الاقتطاع من رواتبهن الضعيفة لامتلاك التقنية الحديثة المعينة للصحفي في عمله، ونالت ايضا العديد من الدورات التدريبية، اخرها في قناة الجزيرة، ثم التحقت بالبي بي سي قبل اربعة سنوات.. هناك ، اصرت على الاحتفاظ باسم والدها عليه الرحمة، حتى يسمع اسم بنته واسمه يترددان عبر الاثير ، في اعظم الاذاعات الناطقة بالعربية، كما اخبرتني في احدى المحادثات بيننا.. اما انا "فقطعت بحر المالح، حيث اقيم الان مع زوجي وابنائي.. حليمة تتسم بالهدوء والاجتهاد .. تجيد الانجليزية اجادة تامة وكذلك العربية والرطانة الدنقلاوية (الشكسبيرية). في صحيفة نيوهورايزون.. عملت كثيرا في قسم الاخبار، بينما ركزت انا على التحقيقات الاستقصائية والفيتشر ارتكلز اور ستورِز. التحية لحليمة وهي ترفع راسنا عاليا في البي بي سي .. والتحية للاخوة والاخوات الذين عملوا في دار السودان للطباعة والنشر، الذين ، رغم تفرق مشاربهم، مازالوا يحملون "كثير" من الود لبعضهم بعضا.. الاخ محمد لقد حاولت ازالة هذا اللبس حينما سئلت هذا السؤال عند انضمامي لهذا المنبر العملاق.. راجع البوست التالي:حليمة عبد الرحمن شكرا لك يا محمد على هذه الفرصة الطيبة للحديث عن اخت عزيزة علينا ما اقامت، شقت طريقها بقوة في عالم لا يعرف المجاملة او الوساطة.. لك الشكر اجزله والود اكمله.. دم بالف خير..

Quote: عليك وعليها السلام ولكم التحية وفائق الاحترام الصحفية المخضرمة أخت الكل تستاهل كل خير وأكثر ... والشكر موصول لصاحب البوست ،،

Quote: الاخت الكريمة ، حليمة محمد عبدالرحمن ، بت رجال تعرف الواجب ، وتقوم بالواجب ، وتسعى لنشر الخير بين الناس ، لها التحايا وبرضو السلام موصول لاهل بيتها الكرام .

Quote: اختلط علي الامر

Quote: حليمة عبد الرحمن عبد الرحيم صالح اخت عزيزة على.. تمرست في العمل في الصحافة الانجليزية والعربية ، حيث عملت صحافية ومترجمة في عدد من الصحف ، ثم عملت بالقسم الانجليزي في تلفزيون السودان، وذلك قبل ان تشد الرحال الى عاصمة النجاح (لندن).. اتمنى ان اكون ازلت كل اللبس..

Quote: عموما هاك (الشكرن كتيرن) على طريقة ابو نورة..

Quote: شكرا لك على المرور الطيب و (تعتيل) الصورة .. عندي سؤال وديت الواحد وين وخليت الشبه 38؟ (ما في طريقة تدردق لي وش ضاحك بجاي)؟..

اها دردقنا ليك وش انت شوتي طوالي

تقبلي تحياتي العطرة اها والله العطرة دي ما اظن اضفناها لي زول هنا

زاتوووو

Quote: أستاذة حليمة ..أنت وحليمة الأخري نخلتان شاهقتان من بـــــــــلادي الحــــــــفظ و التوفــــــــيق .... ----------------------------- يا نادية عثمان ..شوفي شغلك !! ]

Quote: أستاذة حليمة ..أنت وحليمة الأخري نخلتان شاهقتان من بـــــــــلادي الحــــــــفظ و التوفــــــــيق .... -----------------------------

Quote: ترددت كثيرا قبل المداخله كلما اشوفك اتذكر الراحل المقيم عصام الخواض له الرحمه

Quote: الأسـتـاذه حليمه : صورة البروفايل بتاعتك جميله .. و أكثر ما جذبنى إليها الشلوخ فشلوخك جميله جدا و هى تعكس جمال الفتاة السودانيه و نشكر تمسكك بالتقاليد .. والتراث

Quote: كده .. خلاص يعني؟!! وانا جاية مكففة كم القميص فوق شنو؟ اشاكل منو حسي؟ موش تورينا طيب الاختلط عليك شنوعلشان نشاكلك عليهو؟

(عدل بواسطة حليمة محمد عبد الرحمن on 02-28-2009, 07:46 AM)

Quote: هييييييييع.. انا مرض يومين يشيل اعداك..